تعلم الرسم

[Friendly man]

سلام عليكم


أول مرة اخش منتداكم منتدى الرسم وحاب اسال سوال


أنا انسان اريد تعلم الرسم ولا كن موهبتي في الرسم هي نفس موهبة طالب الاولى ابتدائي حتى خطي زي الزفت المدرس كان يسالني عن خطي ويقول انت تكتب اوردو

بس اعرف ارسم جره مزبوط ( بمساعدة المنقله)


فهل هناك امل اني اصبح رسام


اذا كان يوجد فان مستعد اتعلمه ولو اخذ مني وقت طويل لاكن اذا كان الرسم هو مرتبط بالموهبة فما فية امل



وشكرا

[g. byte]

عزيزي فريندلي مان ........
يؤسفني أقولك .................................. في أمل !!! :D

مش بس في أمل لكن أمل كبير جدا , وأنا أضمن لك كل حرف لأن قبل سنتين كنت أتسائل نفس التساؤل , هل أقدر أتعلم الرسم ؟ في أمل ؟ ولا راح أضييع وقتي على الفاضي ؟
كل اللي حولي كانوا يقولون ان المسألة موهبة واني ما أملكها , ولازم ألفت الانتباه انه كل اللي يقولون هالكلام هم نفسهم مايعرفون يرسمون !
في ناس ثانية كانت تقولي اني أقدر أتعلم الرسم لكن لازم أبذل مجهود , كان صعب اني اصدقهم تماما لأني ماكنت أعرف ارسم خط مستقيم طوله 3 سنتيمتر وقتها , بس بذلت مجهود مع كذا لاني كنت أبغى اتعلم الرسم من قلبي , ومااقدر أقولك اني كنت مقتنع بكلامهم الى ذاك الوقت ..

لكن بعد هالتجربة اللي دامت سنتين أو ثلاث أقدر أؤكدلك ان اللي يقول مافي أمل هو كذااااب كذااااااااااااب كذاااااااااااااااااااااااااااااااب
بصراحة فريندلي مان بعد كل هالسنين مااقدر اقولك اني وصلت للمستوى اللي أطمح له , لكن لما أقارن رسومي الحين برسومي قبل لا أبدأ أتعلم الرسم أعتبر اللي سويته انجاز , لأنه قبل سنتين ماكنت أحلم اني ارسم بهالطريقة , كان طموحي أقل بكثير , بس كنت كل مااحقق هدف أقول :" ماكنت ادري ان المسالة بهالبساطة !! اذا كنت اقدر احقق هالهدف فأكيد أقدر احقق أهداف ثانية "
وبعدها أحط هدف أعلى من اللي قبله ويشكل تحدي أكبر , مثل اني اضاعف مستواي الحالي الى ضعفين , وبعد ما احققه يبدا الطموح يزيد : " يه !!! ... حققت هالهدف بسرعة ! يمكن اقدر اصير ليناردو دافنشي المرة الجاية ! "
ههههههههه
شي مضحك ..... لكنه حقيقي , احنا دايما نشوف الأشياء صعبة وهي في الواقع اسهل بكثير مما نتوقع , الحياة مثل اللعبة , كل اللي نحتاجه هو اننا نحدد هدف وبعدها نبذل مجهود عشان نقدر نحل ألغازها , وعلى قدر المجهود اللي نبذله نلقى نتايج , وبعد مانحقق هالهدف راح ندرك اننا نقدر نحقق اهداف أفضل , والشي الغريب اننا راح نحققها في وقت أقصر لأنه تجربتنا الأولى علمتنا الكثير , يعني لو قعدت سنة تتدرب على رسم جرة وحاولت انك ترسم بيت بعده راح تقدر ترسمه في أسبوع , هذي هي الطريقة اللي يتطور فيها البشر , وهذا ماينطبق بس على الرسم , لكن على كل شي , تقدر تتعلم أي شي في العالم بنفس الطريقة ..

تجربتي مع الرسم فريندلي مان علمتني الكثير , بس أهم شي علمتني اياه هو اني أقدر أتعلم أي شي , ومو من حق أي شخص يحتكر حرفة أو فن لنفسه ويقول ان المسألة موهبة .

أنا واثق فريندلي انه في يوم من الأيام راح تأيدني بانه اي شخص يقدر يتعلم الرسم , وقتها يمكن تكون واحد من الفنانين الكبار , بس لاتنسى تحطلنا دروس في منتدى تعليم الرسم بعدين , ايه ... و لا بقولك مافي أمل من الحين ترى *_*

أهم شي تقرر انك راح تبذل كل اللي تقدر عليه من وقتك ومجهودك عشان تتعلم الرسم , وبعدها تبذل مجهود فعلا وتبدأ تجمع كلللللل المعلومات اللي تقدر تجمعها عن الرسم ( من كتب , مواقع , اشرطة , مدرسين , رسامين .... الخ ) عشان تاخذ فكرة عامة عن فن الرسم , بس تذكر ..... المعلومات والنظريات ماراح تخليك فنان , لازم تقعد على الكرسي وتبدأ ترسم وتطبق طول اليوم الكلام اللي تتعلمه عشان تفهمه بالكامل , ولا تيأس اذا حسيت احيانا بالاحباط , لان الانسان بطبعه متقلب المزاج , وحتى اعظم الفنانين كانوا يمرون بالاحباط من فترة لفترة , حاول تجبر نفسك دايما على الرسم حتى لما تكون محبط ولا تسمح لأي شي يوقف في طريقك , اذا وقف شي في طريقك وماقدرت ترفسه وخر عنه وكمل مشوارك ...

وفي النهاية اتمنى لك كل التوفيق وان شاء الله في يوم من الايام تحقق رغباتك وامانيك , راح اتطلع لهاليوم بشوق , بس لاتنسى الدروس مثل ماقلت لك @_@
n____n

[Friendly man]

شكرا لك على أخلاقك العالية يا g. byte


الله يعطيك العافية يا أخي والله أعطيتني أمل



والله انك صدقت في كل حرف قلته



أنشاء الله أول درس بعد سنة :D



ألف شكر تحياتي

[صقر * العرب]

الاخ \ Friendly man

............

الرسم لايحتاج الى تعليم ابداَ الا اذا كنت تنوي الاختراغف يعني رسم اشخاص او مناظر طبيعية

تكون اقرب للحقيقية من الرسم وهذا يتطلب دراسة لفن الرسم

اما تعلم الرسم من النحاية الفنية اي اجدتة فقط

فهذا سوف تتعلمه بالممارسه فقط الممارسه ثم الممارسه

[طوق الحمامه]

السلام عليكم ورحمة الله وبركاااته:
انا عضوه جديده وكنت ابحث في قوقل عن اي موقع لتعلم الرسم ووجدت هذا المنتدى وموضعك اخFriendly man

وبصراحه كلام الاخ
g. byte شجعني .. لكن لازلت احس اني ضايعه الى الان .. عندي رغبه قويه لتعلم الرسم .. وعندي وقت فراغ كبير جدااا احاول اتعلم فيه شيء مفيد ومن زمااان اعشق الرسم واحب اتفرج على الرسومات واتحسر على عدم قدرتي.
g. byte اتمنى اخوي تساعدني وتقول لي اي دروس ممكن ابدا فيها انا عليميه مره ومااعرف شيء

الله يعينك علينا وبعدين للحين ضيفه جديده بالمنتدى فاكسبوا فيني ثواب

ومشكورين مقدما...

[tootaa18]

والله يا اخوان الرسم مايحتاج موهبة المهم التدريب والممارسة
يعني انا مثلا كان رسمي زفت بمعنى الكلمة والحين صار واااااااااااااااااايد احسن :D

وهذا مثال على رسمي القديم : :08: :08:
http://www.montada.com/attachment.php?attachmentid=157057

وهذي رسمة لنفس الشخصية بعد شوية ممارسة : :biggrin: :biggrin:
http://www.montada.com/attachment.php?attachmentid=159870

وهذي الرسمة بعد فترة من الممارسة والتدريب : :biggthump :biggthump
http://www.montada.com/attachment.php?attachmentid=164634

وأهم شي لازم اتعرفونه أن الرسم ماراح تتعلمونه بين يوم وليلة العملية تحتاج صبر وتدريب وكلما تدربتوا أكثر راح تتطور مهارتكم وايدكم تصير أخف بالرسم :) <<<<<<<<<<< روحي علمي نفسج بالأول بعدين نصحي الناس :09:

[@الصقر@]

والله يا شباب شيء جميل
كنت حاولت أن ابداء تعلم الرسم من زمان لكن خفت
لكن هذا الموضوع شجعني من جديد
باذن الله سابداء المحاوله من جديد بعد العيد
وانا أحب رسوم الانمي والمانغا ورسوم الشخصيات اليابانيه الى حد الجنون خخخخ واتمنا اني اعرف ارسم زيها
..
ولكن السؤال وبما اني مييييييييييييييح لا اعرف شيء عن الرسم ولا قد رسمت في حياتي
وش الادوات الي احتاجها للرسم
يعني اقلام اوراق طاولة عادية او خاصة بالرسم او ينفع ارسم على الارض
ما ابي اكثر اسأله خخخ
لكن هذا البدايه وبعدين ابي اصجكم خخخ
والف شكر اخواني واخواتي

[صقر * العرب]

الاخوة الراغبين في تعلم الرسم هذه بعض المعلومات التي قد تساعدكم ( انظر الملف المرفق ) :biggthump

[88_Shadow]

حلو وااااااااايد كثرو من هذه الدروس :)

[خالرسم]

:) :biggthump ألف شكر اخو علي الدرس الممتاز

[mr.switch]

مشكور اخوي على الدرس والتوضيحات والرسوم
اخوكم :

[Miss Dior]

مشكورين على الدروس