المساعد الشخصي الرقمي

مشاهدة النسخة كاملة : ابي نصيحتكم بشراء سياره ب40000 ريال


cbh1978
08-01-2005, 02:13 AM
ابي نصيحتكم بشراء سياره ب40000 ريال يعني ما تزيد عن 40000 ريال تكون اتوماتيك وجنوط وزجاج اتوماتيك ايضا ويكون حجم المكينة مو اقل من 2000 سي سي

الشباب انصحوني ب هونداي النترا حجم المكينة 2000 سي سي

انتو وش رايكم
Dark Watch
09-01-2005, 05:32 AM
تبغي نصيحتي خذلك




































راف فور مستعمل احلى شي كـــــــــشخة حق البر ولا خذلك كورولا وارد اليابان
دفع رباعي ورفعها وحطلها جنوط الراف فور ويالله عــــجب مابيكلف عليك اكثر من 20000
والباقي خذلك اسهم بيهن وخلص

:09:
cbh1978
09-01-2005, 11:40 AM
ابي سياره جديدة مش مستعملة
Dark Watch
09-01-2005, 12:56 PM
قول كذا مالك غير الكورولا :31:
cbh1978
09-01-2005, 10:16 PM
كورولا بالمواصفات اللي ابيها سعرها ما يقل عن 55000 ريال

ابي ب40000 او 41000
][-][Mr.ZeNoN][-][
10-01-2005, 12:45 AM
شفرليه أفيو فل كامل

وريموت وإنذار وفاصل فيوز ((ضد السرقة))

أنوار ضبابية

تندة وشبابيك كهربائية

وسي دي بلاير

وإللي تبيه بالسعر إللي معك 40 ألف

أو هيونداي إلنترا إذا تبيها

وسلام :cool:
D0WN~T0WN
10-01-2005, 12:55 AM
انصحك بالاوبترا بدال الافيو لانها اكبر واحلى شكل

وبرضو الالنترا رائعة تجيك بتجهيزات اساسية حلوة
مثل نوافذ وابواب كهرباء والراديو بدون انتل وكشافات ارضية ومرايات بنفس لون السيارة
كلها اساسية وسعرها تقريبا 34 الف هذا بالنسبة ل1.6 لتر

وانا جربت ال2 لتر صراحة قومتها روووعة وتفاجأت فيها حتى انها تطرح الكامري بالراحة

وان قدرت تزيد المبلغ حبتين خذ سوناتا او شيفرولية ابيكا
cbh1978
10-01-2005, 01:58 AM
انا يا شباب زدت المبلغ الى 42000 ريال

شفروليه افيو مرفوضه لأنها صغيره ومحركها صغير

وانا فعلا في الحقيقه بعد ما بحثت محتار بين الألنترا 2000 سي سي وأوبترا شفروليت

اي وحده اختار .......وكيف اسعار قطع الغيار

وفي خيار جديد وهو مازدا 3

وش رايكم

وترى يا شباب انا واحد على باب الله ال42000 رياتل هذي قرض من البنك اسددها على 48 شهر وادفعها مع الفوائد 1100 ريال شهريا

وانا راتبي 2000 ريال يعني هذي راح تكون سياره العمر ابيها تعمر معاي وما تكسر ظهري ابيها تشد 5 سنوات على الأقل من غير مشاكل...ساعدوني
khal_26
10-01-2005, 05:46 AM
أنصحك ياخوي بأن لاتشتري الهيونداي عموما عندي سيارتين منهم
أولا السيارة لا تصلح للسفاريات الطويلة أكثر من 100 كلم
ثانيا: السيارة ضعيفة من حيث المواد الخام والماكينة والإنتاج
ثالثا: سعرها في الأرض إذا جيت بتبيعه الكوري عموما
خذ لك مستعمل نظيف كبير به ال40 أف أحسن لك ياخوي
ولا تستعجل وما خاب من استشار
لا تنسى دعواتك
cbh1978
10-01-2005, 06:05 AM
الأخ khal_26 :

أنا أرفض فكرة المستعمل .........أريدها جديده بقراطيسها ..........والمبلغ 42000 ريال

وانا معاك ان الكوري ما يعيش .لكن وش العمل ..........ساعدوني يا شباب ........حتى لو كان جير عادي مو مشكله اهم شيء سياره ممتازه وبسعه مكينة كبيره وجنوط ومواصفات جيدة اتصور الحين بعد ما تنازلت الى القير العادي اتصور في خيارات افضل صح ولا لأ


همتكم يا شباب ............واللي راح يساعدني بالخيار الممتاز له مني هدية و الدعاء له
sT
10-01-2005, 06:31 AM
ليش طيب ما تبغى الالماني ؟؟

اوبل اوميغا لا يعلى عليها :) ..
cbh1978
10-01-2005, 06:34 AM
اوبل اوميغا لا يعلى عليها .....لكن كم سعرها وشنهي مواصفاتها بأختصار ومنو موزعها

وهي ليست متواجده هنا في منطقتي الأحساء
sT
10-01-2005, 07:09 AM
اوبل اوميغا لا يعلى عليها .....لكن كم سعرها وشنهي مواصفاتها بأختصار ومنو موزعها

وهي ليست متواجده هنا في منطقتي الأحساء


باختصار فيها مواصفات السيارة الي تحلم فيها :) , سعرها والله ماادري انا سيارتي شريتها ب60 الف ولاكن على بداياتها يعني اول موديل وكان الاغلى موديل 2001 الحين اعتقد السعر نزل كثير اعتقد 40 الف ال4 سليندر .


مواصفاتها بأختصار

هممم زينون , جنوط 17 جميلة جدا , فتحة , مكيف خلفي , شنطة واسعة جدا , هممم حديد على الابواب لزيادة الامان , تلفون سيارة , مسجل CD , شاشة .

الوكيل حقها هو الجميح ..
sT
10-01-2005, 07:12 AM
الا اقول يا اخوي بالمناسبة مدام انك تبيع قطع ابي اسألك عن سعر ال AMD 64 FX_55 و كرت الشاشة ASUS ATI 800XT بلاتينيوم ؟؟
ولـ العــرب ــد
10-01-2005, 08:25 AM
السلام للجميع اخوي cbh1978 تعال الكويت اشترلك زد موديل 89 علي 500 دينااار احسلك من الكامري و الكورله والله ههههههههههههه

انصحك يا اخوي cbh1978 والله انك تشتري راف او كوروله علي كلام اخويXAIMER احلي شي او اشترلك كامري من الفطيمي او كوروله احسن والله العظيم



:tongue2: :tongue2:







او مكسيما
][-][Mr.ZeNoN][-][
10-01-2005, 01:44 PM
أخي العزيز..

الأفيو صغيرة من برة لكنها كبيرة من الداخل بالرغم من صغر حجم السيارة.والمراتب مريحة وليس مثل الأكسنت ولا الإلنترا..

أنا مجرب يا أخي العزيز وإستأجرت السيارة وعجبتني..أنت إستأجر السيارة يومين وأحكم عليها بس تاخذها أوتوماتيك..

خذها فل كامل وشوف..أكيد بتعجبك!!
cbh1978
11-01-2005, 02:59 AM
وش رايكم في شفروليه اوبترا
antonio
12-01-2005, 09:52 AM
ميتسوبيشي لانسر :) بس مااعرف سعرها بالضبط :31:
Imaj
12-01-2005, 12:54 PM
الأوبترا تجي 2 لتر.. بس ما أدري متوفر في الخليج أم لا..

تقدر بزيادة 3000 ريال تأخذ لك إبيكا 2 لتر وبمواصفات معقولة..


وفي النهاية أنت الحكم، خذ اللي يرتاح له بالك :)
skillman
12-01-2005, 02:09 PM
اخوي ليش ما تفكر نيسان صني حلوه وتصبر معك اكثر من خمس سنوات وعن قيمتها ما ادري بس اعتقد اقل من اربعين الف
Dark Watch
12-01-2005, 02:10 PM
42.000
وماتكلف الصيانة مممممممممممممممممممممممممممممم
مالك غير الهوندا سيفيك
ولـ العــرب ــد
12-01-2005, 04:37 PM
الللللللللللللللللللللللللله العظيم ما في شغل اشترلك كامري احسن تاخذ شور الناس و لا شي ادري انك انتا شاري سياره و مخلاص بس تستعبط هههههههههههههههههههههههههههههههههههههههههههه صح رد علي اخوك ولد العرب
ناصر مهدي
13-01-2005, 12:45 AM
عندك هيونداي ايلانترا أو هيونداي اكسنت

انا اليوم مريت على شركة تبيع وتقاسط في السيارات ولقيت ايلانترا 2005 جير اوتوماتيك بـ38.500 ريال تقريباً والسيارة أعجبتني مرة :shock22: :biggthump