مشاهدة النسخة كاملة : من هي الدول المليئة بمحبي الانمي؟
أكثـــــــــــم
09-01-2005, 09:54 AM
هلا شباب
كيفكم؟
هذا الموضوع عشان نعرف اش هي اكثر دولة مليئة بمحبي الانمي
واكيد الدولة الغنية بالمحبين حنعرف انو سبل الحصول على الانمي منها سهل جدا
وسرعة وصول الانمي الهذا البلد.
ومرونة اهل البلد مع الانمي.
وخليتو على شكل تصويت عشان اللي ما يبى احد يعرف هو من وين برضو يصوت.
اوكيه شباب؟
سلام
Yamato
09-01-2005, 10:05 AM
im from UAE
but i just use toorent like others...
so, u cant tell from the country which one has a better access to it...
slaam
King Sarab
09-01-2005, 11:45 AM
انا راي بعد من راي ياماتو بس الفرق اني من البحرين
ahmadkb
09-01-2005, 12:10 PM
كثير من يعشق الأنمي وأنا واحد منهم
ولكن إذا كان سؤالك من هي الدوله الأكثر توزيع للأنمي (كوبي أو أصلي) فأعتقد هي الكويت
احمد السعد
09-01-2005, 12:44 PM
انا من العراق ونحن هنا عدنا الاسعار رخيصة فنحن الارخص بدون منازع ....
وسوق الانمي لدينا من اكثر الاسواق تطورا فنحن اعتقد سوف نكون اكثر الاسواق جلبا للانمي .
ونحن لا يوجد لدينا اي تحميل من الانترنت لان الانترنت بطيء عدنا جدا و من اكبر مشاكلنا حاليا الكهرباء
وشكرا
Aerodynamic
09-01-2005, 01:26 PM
I believe its a very obscure question
salam
alsanad_88
09-01-2005, 05:38 PM
أنا من الكويت والأنمي متوفر عندنا بشكل كبير.
الصرخة المنسية
09-01-2005, 05:49 PM
السلام عليكم ...
أنا من فلسطين .. ما شاء الله من كثر الأنيمي صابني صداع !!!
لأ أكيد بمزح ..
:vereymad: ما في أنيمي بالمرة !!!:vereymad:
طلعت روحي وأنا ألف وأسأل عالفاضي ...
الله يخليلنا النت !!! لولاها كان سلام على الدنيا ... !!!
أكثـــــــــــم
09-01-2005, 08:38 PM
هلا شباب
انا ماابى انتوا تقولوا احنا عندنا اكثر وهما اقل ويلا مضاربات...الخ
التصويت هو اللي يحكم
فاكثر دولة في التصويت مليئة
اعتقد الانمي عندها كثير وممتاز وماشي الحال بدون مشاكل
وانا شايف السعودية اكثر شي(الى الان)
سلام
SHINOBI-03
09-01-2005, 08:45 PM
أنا صوت و النتيجة ....
السعودية و الإمارات تعادلوا .
هل من مزيد ؟؟؟؟؟
ANiME CENTER
09-01-2005, 09:28 PM
مرحبا
مشكور اكثم على الموضوع
بس لاني على دراية كافية بالسوق السعودي ورحت البحرين كم مرة
لقيت ان البحرين وعلى الرغم من صغر حجمها الا انها تمتلك انميات كثرة جدا جدا
اكثر من السعودية بكثير
حتى انه يوجد عندهم انمي ولاتحلم تلقاه بالسعودية
تحياتي لكم
King Sarab
09-01-2005, 10:34 PM
السلام عليكم
اقول اخوي ANIME CENTER انا اعيش في البحرين لاكني ماوجدت محل يبيع انمي غير واحد فممكن تتكرم وتقولي بعض الاماكن الي تبيع ^ ^
wwwanime7com
09-01-2005, 11:52 PM
السعودية طبعاُ وفي كثير ماحد يعرف كيف يتوصلو لها
The Genius
09-01-2005, 11:53 PM
مع احترامي لك الموضوع مهب منصف :أفكر:
معروف ان عدد الاعضاء هنا 85% من المملكه :08:
يعني التصويت ما راح يعطيك الجواب الصحيح
أكثـــــــــــم
10-01-2005, 09:42 AM
لا لا لا لا
اش اللي ماهو منصف
اذا الاعضاء 85% من السعودية
فهاذا دليل كثرة محبي الانمي في السعودية
حتقولي طيب اعداد السعوديين كثيرة
حقلك مو شرط على الاعداد
لو انت تموت في شي اسمو انمي
ومالقيت اي محل والانترنت يلا بالقوة يحمل
اش حتسوي
حتبدأ تسيبوا شوي شوي
الى درجة الكره
وكمان لا تنسوا انو التحميل في السعودية بطيء
حتى لو ركبت الدي اس ال
بس نشتري بس نشتري
والدول الباقية وانت في بيتك حمل وشوف وفلوسك في جيبك
فليش السعودية ماقل فيها المحبين؟؟؟
وهاذي الدول مازاد فيها المحبين؟؟؟؟
حترك الجواب لكم
وباركولي على المشاركة الميه الثانية
وعقبال الالف
سلام
Tokimeki
10-01-2005, 09:55 AM
انا ما ادري عن الدول الباجي ..بس بالنسبة للكويت الانمي متوفر بشكل كبير ...يعني في محلات متخصصة بالانمي (×__×) و هذا طبعا شيء يونس !! ^__^
الفال لما يبيعون مانجا ...هم يبيعون بشكل بسيط جدا بس ان شاء اللة يكون في تزايد ^^
أكثـــــــــــم
10-01-2005, 10:03 AM
هلا ياخوي
بس انتو تقدروا تحملوا من النت
واحنا مانقدر واااااااااااااااااااااااااء
سلام
السلام عليكم
اعتقد في المملكه نسبه كبيره من الانيمي
على العموم لقيت لكم موقع يبيع لكم الانيمي القديم والجديد
www.animealarab.com
*Ran*
10-01-2005, 11:02 AM
اخوي أنت تبي تعرف من خلال الموضوع وين أكثر محبين للانمي .... ما أعتقد راح
تقدر تحدد لأن كل دولة لها عدد سكان يعني مو معقولة تسوي مقارنة بين دول فيها
اختلاف كبير في عدد السكان ....... لكن إذا كنت تبي تعرف عن الدولة اللي متوفر
فيها الانمي بكثرة .... احنا بالكويت متوفر عندنا سواء كوبي او أصلي ..... وتقدر
تحصله بسهولة .... وتنزل عندنا الانيمات تقريباً بسرعة وأنا ما أدري عن الدول
الثانية لكن سمعت من كثير من الاعضاء إن في البحرين يبيعون انمي بعد ^___^
RICH BOY
10-01-2005, 11:12 AM
انا من الامارات
لكن سؤالك بالتصويت هو من اين انت وليس من هي الدول المليئة بالانمي ؟ يوجد فرق كبير بالسؤالين !
King Sarab
10-01-2005, 12:09 PM
الوووووووووووو
وين في البحرين ؟
انا سألت كل الي اعرفهم يتابعون الانمي في البحرين وقالوا لي انت اتحلم تلقى محل يبيع انمي عندنى ويقولون بعضهم يمكن اتحصل في سوق المقاصيص لكن انا دورت تقريبا في البحرين كلها ومالقيت غير محل واحد وبعد ماعنده ذاك الزود وواايد غالي فارجو منكم افادتي عن المحلات الموجودة عندنا في البحرين ^ ^
Aerodynamic
10-01-2005, 01:10 PM
الوووووووووووو
وين في البحرين ؟
انا سألت كل الي اعرفهم يتابعون الانمي في البحرين وقالوا لي انت اتحلم تلقى محل يبيع انمي عندنى ويقولون بعضهم يمكن اتحصل في سوق المقاصيص لكن انا دورت تقريبا في البحرين كلها ومالقيت غير محل واحد وبعد ماعنده ذاك الزود وواايد غالي فارجو منكم افادتي عن المحلات الموجودة عندنا في البحرين ^ ^
ياخوي عندك في مجمع البحرين ذاك المحل الي يبيع video games ناسي اسمه الموجود في الدور الأول...عنده ثلاث رفوف كله Anime DVDs
و عندك كمان في السيف عند الـCinema Complex الأول المحل الي فيه يبيعون DVDs جنب قاعات العرض عرفته؟ فيه رف كامل كله Anime DVDs....و لو تبغى دليل أنا شريت منهم الـDVDs حق Mazinkaiser
سلام...
Rewayah
10-01-2005, 01:32 PM
عشاق الأنيماي في الأمارات لا عد لهم ولا حصر.
على حد علمي. :)
فعدنا حتى في الدوائر الحكومية والنوادي بدبي, الشباب يثرثرون عن الأنيماي.
بدوهم وحضرهم, عجمهم وعربهم, والمتدينين والعاديين, حريم ورياييل, صغار وكبار. :)
ماء شاء الله...
عقبال ما يسيطر الأنيماي على العالم كله! @@
أو أولريدي سيطر! :33:
The Genius
10-01-2005, 01:35 PM
أكثـــــــــــم
عدد سكان المملكه اكثر من 20 مليون فرد
فاذا كان هناك شخص واحد من بين كل الف شخص يحب الانمي ستجد الفرق كبير جدا
وحجمها كبير جدا اي ستكثر فيه المحلات الانمي
بينها وبين البحرين وهي صغيره جدا وعدد سكانها قليل جدا(((لا اعرف كم)) يعني المحلات ستكون قليله
كما الذي اعرفه ان سعر النت في البحرين مرتفع ايضا
وانا قلت غير منصف لان الموضوع يعتمد على التصويت اي يعتمد على اي الدول التي يوجد بها اكثر الاعضاء
QataR NighTMarE
10-01-2005, 01:42 PM
كلام الأخوان صحيح
ممكن اي شخص ينزل من النت وخلاص وهذا لا يثبت من الدولة التي تملك اكبر عدد من الأنمي
وانا من قطر على فكره :)
shadow man
10-01-2005, 05:04 PM
سلاااااااااااااام شباب
انا من السعوديه
والانيمي متوفر عندنا بشكل كبير حتى فيه بعض الشباب من كثر ما يكون عنده انيمي يقوم يفتح له موقع ويبيع
وفيه اكثر من واحد عندنا في المنتدى وفيه محلات تبيع الانيمي
بس برضو عند دول الخليج بصفه عامه الانيمي متوفر بشكل كبير وخاصه الامارات والكويت لأنه النت صاروخ هنااااك
سلاااااااااام
King Sarab
10-01-2005, 06:53 PM
مشكور اخوي Aerodynamic (http://www.montada.com/member.php?u=16732) ان شاء الله باجر باروح اشوف
اما عنك زينوس احنى عددنا في البحرين تقريبا مليون وسعر الانترنت 40 دينار بحريني , 400 ريال سعودي او قطري , 32 دينار كويتي , وسرعته 256 و اذا تبي سرعته 512 تزيد بس 10 دينار بحريني , 100 ريال ^ ^
addola
10-01-2005, 07:42 PM
السلام عليكم .. أنا من السعودية - الخبر...
بالعادة أنزل الأنيمي من النت أو آخذه من أصحابي في سكن الجامعة (مصدر كبير للأنمي)
أنا شخصيا أعتبر (لو أستثنينا هذولاء طلاب جامعتنا) أنا الأمارتيين يتابعونه أكثر مننا...
ويمكن سوريا لأن فيها الزهرة للدبلجة :31:
The Genius
10-01-2005, 08:54 PM
مشكور اخوي Aerodynamic (http://www.montada.com/member.php?u=16732) ان شاء الله باجر باروح اشوف
اما عنك زينوس احنى عددنا في البحرين تقريبا مليون وسعر الانترنت 40 دينار بحريني , 400 ريال سعودي او قطري , 32 دينار كويتي , وسرعته 256 و اذا تبي سرعته 512 تزيد بس 10 دينار بحريني , 100 ريال ^ ^مشكووور اخوي على المعلومات و ان شاء الله استفيد منها في المستقبل القريب او البعيد
والله يخلي البحرين و اهلها ^_^
Aerodynamic
10-01-2005, 09:30 PM
السلام عليكم .. أنا من السعودية - الخبر...
بالعادة أنزل الأنيمي من النت أو آخذه من أصحابي في سكن الجامعة (مصدر كبير للأنمي)
ياخوي انت قصدك جامعة البترول KFUPM ؟ (أنا أدرس فيها)
----
العفو ياخوي KINGSARAB
للمعلومية أنا ساكن بالسعودية المنطقة الشرقية و بالتحديد في الجبيل
سلام...
tiara
11-01-2005, 04:51 AM
بالنسبة لي انا من السعودية وبالتحديد من المنطقة الشرقيه واللي اشوفه ان الانمي متوفر بشكل كبير عندنا بس في اماكن خاصة
ومن قبل كنت اشتري من البحرين بس الاسعار غالية لان dvd يكون اصلي
بس الى الان مالقيت الاوحده بس من صاحباتي تتابع الانمي http://www.shnkool.com/vb/images/smilies/me.gif
addola
11-01-2005, 01:34 PM
بالضبط أخوي إيروديناميكس (شلون الإيروسبيس والقرني معاكم ؟؟) ، أنا من KFUPM وعندنا مو بس الأنيميشن منتشر وكمان الأفلام ...
عندي اصدقاء في الرياض من جامعة الملك سعود مقطوعين من جد !! حتى ناروتو مو عارفين يدبرونه !
THE_MATRIX
11-01-2005, 02:03 PM
انا اعتقد ان اكثر الدول دولة هي :
- السعودية
- الأمارات
- الكويت
وبعدها الدول الأخرى هذا برئيي ^^..
صراحة برأي التصويت ماهو عادل
بس اظن منطقة الخليج اكثر
النهاية
Aerodynamic
11-01-2005, 05:50 PM
بالضبط أخوي إيروديناميكس (شلون الإيروسبيس والقرني معاكم ؟؟) ، أنا من KFUPM وعندنا مو بس الأنيميشن منتشر وكمان الأفلام ...
عندي اصدقاء في الرياض من جامعة الملك سعود مقطوعين من جد !! حتى ناروتو مو عارفين يدبرونه !
مساكين هاذول في الرياض من جد الله يعينهم
و لا تروح بعيد ياخوي من وين ظنك أجيب الـAnime حقي؟ حبيت بس أتأكد أن قصدك كان جامعة البترول :biggrin:
و للمعلومية اسمي ما له دخل بالنظرة العلمية (الديناميكا الهوائية) :tongue2:
سلام...
((KENSHIN))
11-01-2005, 05:56 PM
مشكوور اخوي علا هاذا الموضوع المهم
والمفيد لذل الاعضاء
اخوكم ((kenshin))
((KENSHIN))
11-01-2005, 05:57 PM
مشكوور اخوي علا هاذا الموضوع المهم
والمفيد لذا الاعضاء
اخوكم ((kenshin))
((KENSHIN))
11-01-2005, 05:58 PM
مشكوور اخوي علا هاذا الموضوع المهم
والمفيد لذا الاعضاء
اخوكم ((kenshin))
((KENSHIN))
11-01-2005, 06:03 PM
السلام عليكم
مشكور اخوي على هاذا الموضوع المهم
والمفيد لذا الأعضاء
أنا من السعودية ( جده ) و الأنمي عندنا متفوفر مررررررررره ( الحمد لله ) بس للأسف ما عندنا Manga
في محلات كتيره ( زي Game Track \ Dream Game )
و كمان بيت الألعاب للكمبيوتر ( يبيعو أصلي ) أنا ما قيد رحتلو صحبتي قالت لي
و مدرستي الحمد لله ملياااااااااااانه Anime-freak لا.. و أحلى شي إنو هادي السنة غيرو نظام مدرستنا سار أكاديمي .. فعلى الـ Locker نعلق صور للأنمي و اتعرفت على بنات كتيييييييييييييييييييير:biggthump
بس لي ما يبيعو Manga ؟؟؟؟؟؟؟؟؟؟؟؟؟؟ حاجه مره تقهر:12:
و مين قال اللي بالرياض ما يعرفو ناروتو؟؟؟ أنا يقربولي كتير بالرياض مجانين ناروتو... غريبه:33:
أكثـــــــــــم
11-01-2005, 08:26 PM
هلا
انا اسف
لانو هذا التصويت زي ماقلتوا مو منصف:08:
بس برضو يفيد في بعض الاشياء;)
سلام
omi kun
11-01-2005, 09:45 PM
السلام عليكم
أنا من الإمارات ومن التحديد دبي
بصراحة أنا أشوف إن محبي الأنيمي عندنا كثار :33:
بس المشكلة إن معظمهم يعتمدون على النت
و مافي وايد محلات تبيع أنيمي
دخت و أنا أدور :12:
و في النهاية حصلت واحد في أبوظبي هو الوكيل عندنا بس أسعاره ناااار :12:
يعني مستحيل تبتاع منه أنيمي كامل
إذا كان قصدكم عن المصادر فأعتقد اننا نعتمد أكثر شي عالنت
و أعتقد ان نسبة محبي الأنيمي عندنا جيدة :)
و أتمنى إذا كان حد يعرف محل للأنيمي في دبي و بأسعار معقولة أن يعلمني :biggthump
Michael_From_He
12-01-2005, 08:00 AM
سلام جميعا
شكلنا نحن طلاب الKFUPM
محتلين الأنيمي فالسعودية
آخر معلومة وصلتي إنه عندنا حوالي 1.5 تيرا بايت أنيمي
بس أنا ما أتعب نفسي و أروح الجامعة عشان أنزل لسبب بسيط
واحد من الشباب بخلص دراسته فبريطانيا كمان سنة من الحين
و بجبلي معاه أكثر من 3 تيرا بايت أنيمي و مانجا
يعني شباب الله يكون فعونكم
أنا بيجيني الأنيمي لين عندي :)
بس حد يعرف محل يبيع أنيمي فالشرقية
كنت أعرف محل و سكر؟
أكثـــــــــــم
12-01-2005, 10:18 AM
احنا عندنا في
جدة
مافي الا تشتري
في فلوس في انمي
مافي فلوس لقط وجهك
ومحلات الانمي في جدة كثيرة
مو مرة
يعني خمس محلات
والسعر مشي حالك
يعني لو تبى ـ مثلا ـ ون بيس الى الحلقة214
حتاخذ منك الف ريال تقريبا
اي 10 دينار
اي الف درهم
سلام
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .