المساعد الشخصي الرقمي

مشاهدة النسخة كاملة : الليغا الأسباني ريكلمي سحب البساط من رونالدينهو وفياريال يسحق برشلونه 3 ولا اروع


بو راشـد
09-01-2005, 11:59 PM
ريكلمي يا ريكلمي
ريكلمي يا ريكلمي
يا مبدع يا فنان يا ساحر
ريكلمي سحب البساط من المغرور أو المدلل رونالدينهو

أحم أحم
فاز فريق فياريال على برشلونه 3-0
واهدافها روووووووووووعه
ويستحقون الفوز المستحق لهم بعد ما شفنا الغرور
وبالذات ريكارد ألي بدى عليه الغرور وهذا جزاة المغرورين يا ريكاد
وأن شاء الله تكون صحوة لكم
وهذا مو مستوى برشلونه الانه هابط لدرجه مو طبيعيه
بس والله بدعو فياريال
يا جماعه
النقل التلفزيوني من شركه + CANAL
معفنه والله معفنه كل ما تنقل تخلي المباراة مملة
ولا بغيت اقولكم بعد هالمعلق الكعبي قام يتفلسف وملقها زيادة
أقسم بالله اندبلت جبدي من تعليقه
يا أخي علق على المباراة لا تتفلسف قدامنا وتعطينا حكم وهذا وهذا سوا
شسالفه يوسف سيف والكعبي اليوم ..؟ :12:
TORNADO
10-01-2005, 12:13 AM
مبروك لفياريال الفوز الكبير على برشلونه 3 اهداف مقابل لا شي وهذا الشي يسعدنا احنا كمشجعي ريال مدريد وفالنسيا :) .

وهارد لكم يا مشجعي برشلونه

ومثل ما توقعت اذا انهزم برشلونه تحطون اللوم على رونالدينيو :(

لان رونالدينيو اذا غاب مستواه غاب برشلونه :)

-------

http://www.as.com/portada/imgs/portadas/derbis090105.jpg



صور للهدف

*

http://www.as.com/futbol/imagenes/capturas/2005/enero/9/35.jpg

**

http://www.as.com/futbol/imagenes/capturas/2005/enero/9/36.jpg

***

http://www.as.com/futbol/imagenes/capturas/2005/enero/9/37.jpg

****

http://www.as.com/futbol/imagenes/capturas/2005/enero/9/38.jpg

الهدف الثاني

*

http://www.as.com/futbol/imagenes/capturas/2005/enero/9/39.jpg

**

http://www.as.com/futbol/imagenes/capturas/2005/enero/9/40.jpg

الهدف الثالث

*

http://www.as.com/futbol/imagenes/capturas/2005/enero/9/41.jpg

**

http://www.as.com/futbol/imagenes/capturas/2005/enero/9/42.jpg

ولكن لا زال برشلونه بالمركز الاول وهذه ثاني خساره له بالدوري

والفارق بينه وبين المركز الثاني ريال مدريد والثالث فالنسيا ب 7 نقاط :wow:
بو راشـد
10-01-2005, 12:25 AM
يا بدر
شوف رونالدينهو المدلل
علبال الحكم يبي يصفر علشانه
ومطوفه والاخ قاعد ما وقف ينطر ويشوف ربعه
المفروض يمشي
وانا ما احط عليه كا ما يخسر اصلا الفريق ميت لدرجه مو معقولة وغرور الزايد راح يروح ان شاء الله
قدام الفرق الثانيه
Sankoo
10-01-2005, 01:18 AM
السلام عليكم،

رب ضرة نافعة. صحيح أن الخسارة أحزنتني كمشجع لبرشلونة و خصوصا أن النتيجة قاسية فعلا لكن أعتقد أن على المدى البعيد هذه الخسارة راح تفيد برشلونة كثير لأن لاحظنا غرور الاعبين في أرضية الملعب و خطة ريكارد الغير متقنة بتاتا و أنا أهنيء فياريال على الفوز مو بالنتيجة أنما باللعب و فعلا أتمنى أن يرتفع رصيدهم في ما تبقى من الدوري. أتمنى أن يستفيد لاعبين برشلونة و فرانك ريكارد من الدرس القاسي و يتعضون منها. أنا ملاحظ فعلا (و هذا الشيء مزعجني كثير) أن بعظ االمشجعين أو الأعضاء يعتبرون أن برشلونة هي رونالدينهو و هذا الشيء ما له أي أساس من المنطق. يعني لو فازوا برشلونة يقولون يا عيني عليك يا رونالدينهو و لو خسروا يقولون مالت عليك يا رونالدينهو ليش هذا التفكير. رونالدينهو عضو في الفريق و ما يمثل 11 لاعب بل لاعب واحد فقط و من الخطأ أن يتحمل رونالدينهو خسارة الفريق لوحده لأن أعضاء الفريق كلهم ما كانوا بالمستوى المطلوب مو بس رونالدينهو. بعدين رونالدينهو يظل أنسان معرض للأخطاء مثله مثل غيره و من الطبيعي أن ينزل مستواه في بعظ المباريات. أنا الي أحزنني أكثر من الخسارة هو نزول مستوى كل أعضاء الفريق فأنا ما أنتظر من برشلونة أن يبدع رونالدينهو بل الي أنتظره هو أن يبدع كل لاعب في الفريق و أن يلعبون بشكل جماعي و بروح قتالية و بصراحة ما شفت أي روح قتالية في و لا لاعب في الفريق و هذا الي أحزنني فعلا. في النهاية أقول ألف شكر أن الخسارة القاسية أتت في وقت مبكر و مب في الفترة الحاسمة من الدوري. ما زال في مباريات كثيرة و مازال الفارق كبير و لله الحمد و أتوقع أن هالخسارة بتوعي لاعبي و مدرب برشلونة في ما تبقى من مباريات و راح يفكرون جديا (بعيدا عن الغرور و ضمان الدوري مبكرا) في المباريات القادمة و مو في الخسارة و هذا الي فعلا بيضمن لبرشلونة البطولة أنشاء الله. أحب أقول في النهاية لعشاق الاعب رونالدينهو (الي أنا منهم) لا تحزنون على المستوى الغير متوقع الي ظهر فيه الاعب هذه مجرد كبوة و أنشاء الله بنشوف أبداعه و تألقة في المباريات القادمة كلاعب و في نفس الوقت (و هذا الأهم) أبداع و تألق الفريق ككل.
عاشق البلانكو
10-01-2005, 03:29 AM
ريكلمي بالفعل أبدع وصال وجال في المباراة ، وأحس أن برشلونة تحسف على تفريطه ....

وترى البارصا ما كان في مستواة بصراحة ما أدري وش فيهم جو من الأعياد حقتهم وشكلهم ما لهم نفس :أفكر: ...
Another_One
10-01-2005, 07:32 AM
ألف مبروك لعشاق الريال وفالنسيا فوز فياريال على برشلونة

هزيمة برشلونة أعتقد ترجع لعدة أسباب :


- الغرور الزائد من رايكارد واللاعبين قبل المباراة

- عدم امتصاص حرارة وانطلاق لاعبي فياريال كونهم يلعبوا في ملعبهم

- التنبه الى مهارات ريكولمي وفورلان ومحاصرتهما قدر المستطاع

والهزيمة ستنقلب ان شاء الله الى نصر في الكامب نو
Abu Layth
10-01-2005, 07:42 AM
هاردلك لمشجعي برشلونه

والدوري الاسباني عاد للتحدي من جديد
alawadhi3000
10-01-2005, 07:44 AM
ريكلمي سحب البساط من المغرور أو المدلل رونالدينهو

اي والله

انا ما ادري ليش مكبرين هاللاعب :06:

وماعطينه احسن لاعب بعد

وهنري المسكين كل موسم يسجل 25 هدف ويصنع اكثر من 15 و يجيب احسن لاعب بالدوري الانجليزي وما يعطونه شي
blanka797
10-01-2005, 08:00 AM
لكل جواد كبوة .. وهذي كبوة برشلونة وإن شاء الله يعود لمستواه
Unknown
10-01-2005, 08:04 AM
هارد لك لعشاق البرسا

:::

نتيجة المبارة في صالح المنافسة في الدوري... :)
mr.smith
10-01-2005, 08:15 AM
الف مبروك خسارة لفياريال

وكنت بالفعل اتمنى خسارة برشلونة

عشان يتقلص الفارق مع ريال مدريد

اكن مو بهالنتيجه الكبيرة والله برشلونة مايستاهل

الفريق الامتع في العالم

لازم ريكارد يشوفله حل

اما بالنسبة للفنان ريكيلمي اعتقد ان رئيس برشلونة قاعد ينتف شعره

وندم على ان تركه لفيا ريال

ومبروك الليغا عادت لتشتعل من جديد
DE NILSON
10-01-2005, 10:04 AM
الف مبروك لفيا ريال
وهاردلك لبرشلونة

ولكل جواد كبوة
والفريق مستواه كان سيء
ومدرب فيا ريال موظف لعيبته تمام
The Captive
10-01-2005, 10:24 AM
الف مبروك لفياريال .. وفالنسيا .. والريال ، وهاردلك للبرسا :)

واخيرا الدوري عاد للأشتعال من جديد !
Nistelrooy
10-01-2005, 10:58 AM
صحيح أنها خساره قاسيه ومذله لكن أتوقع أن يكون لها فوائد على البارسا
thaer89
10-01-2005, 11:17 AM
مبروك ل فيا ريال و اهم اشي برشلونة يتعلم من هذه مباراة
بوالوليدلكويتي
10-01-2005, 04:06 PM
بسم الله الرحمن الرحيم
أحسن على شان يحلى الدوري الأسباني وتزيد المنافسه بعد ما فاز الريال وفالنسيا

بس ما أظن أن رونالدينو مغرور بالعكس الاعب أخلاقه زينه ومتواضع
Moon Boy
10-01-2005, 04:16 PM
ريكمامي بدع في هالمباراة وكاد يسجل هدجف على طريقة فان باستن..

برشلونه كان سىء في كل شىء..

ولكن هذا مايعني أن الحكم كان جيد بل ظلم برشلونه كثيراً حيث هدف فياريال الأول ممرر الكرة ريكلمي كان متسللاً.

وهناك ضربة جزاء لايتوا في الشوط الثاني غير محتسبة وهي واضحة جداً!!

عموماً فياريال فريق كبير على ملعبة ومركزه العجيب (12) لايتناسب مع إمكانيات لاعبيه..حيث غيبوا نجوم البرسا.

ننتظر التعويض من كتيبة البرسا وهي درس وهو معتاد من هالفريق الذي أصبح شبه عقدة لبرشلونه..

خسارة برشلونة وفوز ريال مدريد وفالنسيا سيزيد الليقا الأسبانية إثارة.
عاشق كلويفرت
10-01-2005, 05:35 PM
هاردلك للبااارسا وانشاء الله بيتعلمون من هالمباااره وتكون عبره لاانني بصراحه كمشجع ومهوس بالبارسا نصدمت من روح الفريق بس انشاء الله تتعدل الايام الجايه.وبالنسبه لمقااارنة ريكولمي بروناالدينهو هذا شي مستحيل لاان السااحر لا يقارن باحد
النجم الهولندي
10-01-2005, 08:03 PM
أخيراً ظهرت الحقيقة

1- حقيقة رونالدينو
أول لمن اقول رونالدينو ماعنده سالفة المنتدى كله يقلب علي
2- حقيقة برشلونة

أنا كنت حاس من المستوى السيء أمام خيتافي وألباسيتي وغيرهم
فيسنتي الخفاش
10-01-2005, 08:25 PM
مبروك عشاق فالنسيا
وان شاء الله هذه بداية كبوة البارشا
وبداية صحوة فالنسيا
ومستوى ثابت للفالنس الى الان
وما قصر ريكيلمي امتعنا وخدمنا
Rivaldooo 11
10-01-2005, 08:50 PM
والله ثلاثية مع الرحمة


ورونالدينيو مستواه في اخر لقائين طااااااايح



علي سعيد الكعبي يظل من افضل المعلقين
THE ROCK IS THE BEST EVER
10-01-2005, 10:00 PM
مشكور ابو راشد على الموضوع

وانا ما شفت الى اخر 10 دقايق من المباراة

وليتني شفتها كان تمتعت بخسارة البارسا من فياريال

واتمنى ان يستمر البرسا على المنوال عشان يأخذ ريال مدريد الدوري
OnLy Ronaldhino
11-01-2005, 12:40 AM
بو راشد ياخوي وش هالهجوم على رونالدينهو ؟


وش دخل رونالدينهو بالموضوع .. ياخي مادرونا اللي هو ماردونا تجي مباريات مايسوي فيها شئ


تقول مغرور والمدلل ياخي هاللاعب ماله علاقة بشئ من اللي صار


بغض النظر عن رونالدينهو اسباب الخسارة





1- فرانك ريكارد قام بادخال سلفينهو وداميا بدال بيلتي وجوي


2- هبوط مستوى الفريق وليقاتهم بشكل عام


3- الهدف الاول تسلل واضح


4- اللاعب فورلان يستاهل الطرد الكرت الاول لما فصخ القميص والكرت الثاني لما صفر الحكم وهو ثبت الكورة بيده وشاتها في الهدف


5 - ركلت جزاء غير محتسبة لصالح ايتو





يعني كل هذا تركته ورحت تقول رونالدينهو المدلل والمغرور !


ياخي غريبين انتو الظاهر تبيون اللاعب بكل مبارة يصنع هدفين ويجيب هدف


وقبل هذا كله انا كنت عارف ان برشلونة بيخسر .. وراح يستمر في الخسارة اذا ماجابو لاعبين بأسرع وقت


اول مره اشوف نادي كبير بحجم برشلونة مايلعب الا ب 14 لاعب .. الاساسين والبدلا انيستا وسلفينهو وداميا .. وين جالسين احنا نلعب في دوري حواري ؟


عموما بغض النظر عن المتسوى الهابط التحكيم تسبب في خسارة برشلونة ..


وريكلمي هذا لاعب فاشل من يومه في الدوري الارجنتيني حتى انتقالة برشلونة ..


ويوم راح فياريال بدا يظهر مستواه لان مافيه لاعبين في هالفريق من الاساس


ولاهو معقولة لاعب يبدع في مباراة وحدة ينحط فوق السحاب ..


يالله سلام
DA7OOOOOM
11-01-2005, 01:48 AM
والله ريكلمي يعطي دروس هالأسبوع

بس أخوي أبو راشد وش فيك على رونالدينو صحيح ريكلمي كان أفضل ولكن لكل جواد كبوه

ومغرور ومدلل كلمات تسبب المشاكل

ويبقى رونالدينو كبير ولا ينتضر شهادة مني أنا وياك
DA7OOOOOM
11-01-2005, 01:52 AM
[وريكلمي هذا لاعب فاشل من يومه في الدوري الارجنتيني حتى انتقالة برشلونة ..

يالله سلام

هههههههههه
ريكلمي صار فاشل وش دعوى كل هذ من القهر
والله أنه مبدع ولعب في برشلونه لعب خل عنك التعصب
Rytamu
11-01-2005, 07:50 PM
وريكلمي هذا لاعب فاشل من يومه في الدوري الارجنتيني حتى انتقالة برشلونة ..


ويوم راح فياريال بدا يظهر مستواه لان مافيه لاعبين في هالفريق من الاساس


ولاهو معقولة لاعب يبدع في مباراة وحدة ينحط فوق السحاب ..


كان أفضل لاعب في أمريكا الجنوبية لعامين بوجود الكثير من النجوم كـ داليساندرو وسافيولا وغيرهم ..

ظهر نجمه في فياريال لسبب .. غاسبارت ومدربيه كانوا يقتلون المواهب .. أول الموسم كان أساسي ومبدع ثم جعله فان غال حبيس دكة الاحتياط لفترة طويلة فقد فيها إحساسه الكروي كأي لاعب في مكانه ..


هو مبدع في هذا الموسم لكن لم يره أحد إلا في مباراة برشلونة ..




تحياتي لكـ .. ;)
BARCA 4 EVER
11-01-2005, 09:27 PM
اخوي اونلي رونالدينيو معاك حق في كل الي قلته الا في ان ريكلمي لاعب فااااااااشل فهذا شئ اكيد كلنا نعارض عليه يعني حرام عليك لاعب مثل هذا الطراز الكل يتمناة ... :)

لكن على العموم هذي وجهت نظرك للاعب ولكن وجهت نظر غير صائبه تماما..
OnLy Ronaldhino
13-01-2005, 12:22 AM
انا قلت من بعد ماراح فيال ريال تحسن مستواه والسبب عدم وجود لاعبين على مستوى في فيا



ياخي ومعروف اصلن لو لاعب مستواه وسط يلعب في فريق متوسط المستوى اكيد راح يبرز فيه



ياخي اللاعب على حسب امكانياته ينحط في فريق ..



عندك فولان يومه في المان مكان يلعب زي لعبه معه فيا وكله ينحط في الاحتياط ليه !



لان مستواه مو من مستواه فان نستلروي اوغيره



وريكلمي لو كان لاعب يفيد الانديه الكبيرة مثل برشلونة الريال اليوفي ميلان الارسنال كان خذوه



وواضح من بعد تجربته في برشلونة فشل بشكل كبير لان هالموقع وخانة صانع اللعب



ماقدر يسوي فيها شئ ويغطي مكان ريفالدو بعد ماانطرد من الفريق



ولاكن باعوه وجاء رونالدينهو وعوض مكان ريفالدو واكثر



يعني لما تقيم اللاعب شوف مستواة في الانديه الكبيرة والاندية المتوسطة



اكيد اي لاعب متوسط المستوا راح يبرز في الاندية الصغيرة



والصعب ان اللاعب المتوسط يثبت وجوده في الاندية الكبيرة



عموما كل واحد له وجهة نظر



بس لما يجي يوم ويطلع اكزافي من برشلونة او سولاري من الريال



وكل واحد منهم يروح نادي متوسط المستوى او ضعيف



صدقني راح تشوف شئ غير طبيعي وابداع مامر على النادي اللي بيروح له هذا اللاعب



وقتها راح ينفهم كلامي



سلام