بطوله كونتر 1.6 لاتفوتكم

[البوعينين499]

السلام عليكم

شباب في بطوله راح ننظمها انا مع شباب حق لعبة كونتر سترايك وودنا بفرق للمشاركه

بس للي عندهم ستيم يعني اللي يلعبون كونتر العاديه مايقدرون

القوانين:
1-الفريق عباره عن لاعبين يعني 2-2
2-المراحل اللي نتبارا عليها:
aim_headshot
cs_assualt
cs_bloodstrike
fy_snow2
3-نظام اللعبه مدة المرحله الواحده 15 دقيقه.
4- الفائز في المباراه هو اللي يجمع اكبر عدد من النقاط في مجموع المباريات الاربع

الهدف من البطوله هو التعارف والمتعه والاثاره في نفس الوقت
كل فريق يبي يسجل يحط اسم الاعبين الاثنين وواحد من كل فريق يضيفني عنده على الماسنجر
عشان انظم وياه كل شي
بالنسبه للوقت راح ان شاء الله اختار الوقت المناسب للفريقين واللي يعجبهم ان شاء الله

لحد الان الفرق المسجل الوحيد هو فريقي طبعا هههههههه
اسماء لاعبين فريقي
-= I B R A H I M =-
-= A L S H M L A N =-
انتظركم عندكم مهله ثلاث ايام فقط بعدين راح نقفل ونبتدي

[BAGGIO-R]

اخوي وين مكان اقامة البطولة ؟

[البوعينين499]

البطوله اون لاين

على سيرفر راح تنلعب يعني ومجهز السيرفر حق كل شي

ان شاء الله عندك فريق؟

[البوعينين499]

الفرق المسجله حتى الان فريقين:

1- -=K.T=- (فريقي)

2-*hOoO* فريق سعودي


انتظركم ياشباب

[magn0o0n]

هلا اخوي

اي يوم بتكون البطولة ؟

بس على العموم حط فريقنا في القائمة .. بنحاول ندخل ..

الفريق اهو .

[ E.v.i.L ] alb3tal
[ E.v.i.L ] magn0o0n

ايميلي في التوقيع

[البوعينين499]

تمت الاضافه

وحطيت اسمائكم في الجدول:biggthump

والبطوله بتكون يوم الجمعه واذا شفت ان عدد الفرق غير كافي بنأجلها يوم او يومين ان شاء الله

الفرق المسجله حتى الان :
1- -=K.T=- (فريقي)

2-*hOoO* فريق سعودي

3-E.v.i.L

تحياتي

هذ ايميلي عشان تعرفني

LOLOLOTATA@HOTMAIL.COM

[البوعينين499]

تم الغاء المرحله

cs_assault

بسبب كبر الحجم والاغلبيه ارفضوها;)

المهم استبدلنها بالمرحله

awp_map32

:biggthump

[PhytoN.ae]

انا بعد ودي اسجل فريقي ..

>>> ستيم موجود :D


الفريق [MoD]

انا عندي في الفريق 7 لاعبين س بختار

[MoD] | Al3inawi.eXe. >SpawN<[X]

[MoD] | Marthe^[X]

ومشكورين على البطوله

[PhytoN.ae]

ملاحظه : يا فريق EviL حبيت اخبركم ان فريقنا وفريقكم بيكون عندنا لاااج :S

[البوعينين499]

السلام عليكم

اخوي انتوا وفريق ايفيل ماراح يكون عندكم لاغ مثل ماتتوقع

واخصوصا انكم من الامارات :biggthump

ضفت الفريق الى الجدول

الفرق المسجله حتى الان :
1- -=K.T=- (فريقي)

2-*hOoO* فريق سعودي

3-E.v.i.L

4-[MoD]

[البوعينين499]

يافريق

مود ممكن واحد يضيفني على الماسنجر عشان نتفاهم على الوقت وكل شي


تحياتي

[احمـ 9000 ـد]

me too but im in bahrain

[البوعينين499]

اخوي احمد

تبي تسجل يعني عندك فريق موب مهم من البحرين او من اي دوله بس اهم شي تحط اسم الاعب المرافق لك واسم الفريق

وياهلا باأهل البحرين واهل الخليج كلهم

:biggthump


اتمنى الرد قبل يوم الجمعه الساعه 9 مساء

[البوعينين499]

السلام عليكم شباب ترى حاولوا تجهزون الفرق قبل بكره الساعه 9 مساء

واظن ان الفرق الحين صار عددهم يسمح ببدأ البطوله


الفرق المسجله حتى الان :
1- -=K.T=- (فريقي)

2-*hOoO* فريق سعودي

3-E.v.i.L

4-[MoD]

5-{AIG}

6-[K.E]

اظن ان ست فرق شي ممتاز وفي فريقين انتظر منهم الموافقه وان شاء الله يصيرون 8 فرق

راح اعطي كل واحد رساله عشان اعطيه الموعد ولازم يرد علي

تحياتي.

[البوعينين499]

الفرق المسجله حتى الان :
1- -=K.T=- (فريقي)

2-*hOoO* فريق سعودي

3-E.v.i.L

4-[MoD]

5-{AIG}

6-[K.E]

7-Diffusers

[baz313]

وانا عندي فريق بس اقول حق السورس فقط
وهاي اسم الفريق
[LoD]

الاعبين:
---=>][ BaZ ][<=---
---=>][Al000Y][<=---

[البوعينين499]

للأسف اخوي احنا مانلعب سورس اذا يلعبون 1.6 شي جميل

بالنسبه للبطوله ترى نظامها هو خروج المغلوب يعني اللي يخسر راح يطلع على طول


عشان الوقت قصير قبل العيد:biggthump


اليوم راح احط الجدول

[احمـ 9000 ـد]

sorry i thought its source
i dont have 1.6
i have cs retail 1.0.0.5

[البوعينين499]

no problem

bye

[البوعينين499]

الجدول التالي هو جدول اللي راح نلعب عليه"

غدا المباراه الاولى (يوم الجمعه) التاريخ 14/1/2005م

بين الفريقين التاليين



-=K.T=- ضد {AIG} الوقت يتم الاتفاق عليه من الفريقين خروج المغلوب<<<<<

المباراه الثانيه بين الفريقين التاليين

[MoD] ضد E.v.i.L نفس الشي الوقت يتفق عليه الفريقين (هالمباراه نار لان بينهم ثأر على حسب اعتقادي)


فريق هووووو انسحب من البطوله بسبب الظروف


مباراة يوم السبت بين

[K.E] ضد Diffusers والوقت مثل اللي قلنا عليه


تحياتي

[PhytoN.ae]

اقتباس:
[MoD] ضد E.v.i.L نفس الشي الوقت يتفق عليه الفريقين (هالمباراه نار لان بينهم ثأر على حسب اعتقادي)


^ واله صدقت المباراه طلعت نااار وكلها اثاره و فريق ايفل لعب لعب صح بس نقول Hard Luck لهم :)

[البوعينين499]

السلام عليكم ورحمة الله وبركاته

اول شي قبل لاابدا التعليق على الثلاث مباريات اللي صارت اليوم راح اقول ان في فرق ادخلوا في اللحظات الاخيره

وهم

|FS من البحرين وللاسف مشاكل الاتصال اثرت والمباراه ماتمت خمس دقايق الاق يوصل عندهم 1300

استقلها الفريق الثاني وهو[AMD.axOr]

وانسحب الفريق البحريني وعذرهم واضح واوضح من الشمس

وانا كنت واثق ان لو الاق عندهم تمام لقدموا مباراه حلوه وقويه

الساعه اللي بدت فيها المباراه هي 11:12 دقيقه مساء اليوم وانتهت الساعه 11:17 مساء اليوم

ان شاء الله بتعوضون يافريق FS .

نروح المباراه الاولى اللي لعبها فريقي ههههههههه
بدت المباراه الاولى الساعه 3:50 عصر اليوم

بديناها بمرحلة fy_snow2 قلنا انا ومكسور الخاطر بسم الله الرحمن الرحيم

وتوكلنا على الله فريقهم كان في غاية السرعه والتركيز ماكان في لاق ولا شي <<<الحمدلله

وهزمناهم الشوط الاول 13-12

الشوط الثاني كان في مرحلة awp_map32

مكسور الخاطر كان شكله سهران ومانام عدل لذلك اكلتها انا هو ماقصر ويعطيه الف عافيه

بس المهم اهزمونا 14-19

قلنا بنعوضها في الشوط الثالث بس انصدمنا بلعبهم الشديد في هالمرحله وهي cs_bloodstrike
اذبحونا فيها وفازوا 14-24

نتيجه قاسيه شوي وبعد مافقدنا الامل ومكسور رفيجي صح صح وقام يضرب من ورا الطوفه بعد

قلت انا لا بالله رقعناهم والا قالوا عندهم ظرف بيروحون وبيرجعون يكملون الشوط الاخير

بس انسحبوا وقلت عدت على خير والا فريقي كان بيطلع من البدايه

المهم انتهت المباراه بنتيجة

{AIG} ---
56

وفريقي
-=K.T=-
57

طبعا المنسحب يخسر بفارق نقطه وخروج فريق {AIG}

اقولهم يعطيكم العافيه وهاردلكم.


المباراه الثانيه كانت تشب نار بين الفريقين [MoD] والفريق E.v.i.L

طبعا مافي اعذار حق الاق الا ان فريق مود عانوا شوي بس المهم المباراه كانت في غاية الروعه
وكانت جميله وشديده وانا اندمجت معاها واقول يعطيكم العافيه ياشباب لعبتوا

مباراه حلوه وفاز فيها فريق مود على فريق ايفيل

باقول الملخص بسرعه

بدوا المباراه في دور cs_discounter
فاز فريق مود بنتيجه
17-7
بس فريق ايفيل فريق شجاع كمل المباراه لين اخر ثانيه
الشوط الثاني كان على مرحلة
awp_map
وفاز فريق مود بعد بنتيجة
16-11
الشوط الثالث دخلوا فريق ايفيل وهم مصرين انهم يقلصون الفارق
وطبعا كانت على مرحلة
cs_bloodstrike
وفاز فريق ايفيل بنتيجة
11-18
والشوط الاخير كان في مرحلة
aim_headshot
وكانت نهاية فريق ايفيل بعد المباره الجميله اللي قدمها الفريقين
وانتهت لصالح فريق مود بنتيجة
22-13
وصار المجموع
66-49
لصالح مود


اقول هاردلكم يا ايفيل ومبروك يامود

ان شاء الله تكون المباريات القادمه احلى واقوى

انتظروا الاخبار الطيبه ان شاء الله

في امان الله

[PhytoN.ae]

مشكور يابو العنين على التحليل الحلو وبالصراحه من التحليل تندمت لان ماخليت حد من الشباب يسوي Demo فياليت تخلي احد في المباريات القادمه يسوي Demo بالـــHLTV عشان يقدرون الشباب يشوفون المباريات وكانها مباشر لاكن تكون مسجله :أفكر:

[magn0o0n]

e']اقتباس:
[MoD] ضد E.v.i.L نفس الشي الوقت يتفق عليه الفريقين (هالمباراه نار لان بينهم ثأر على حسب اعتقادي)


^ واله صدقت المباراه طلعت نااار وكلها اثاره و فريق ايفل لعب لعب صح بس نقول Hard Luck لهم :)
أشـــكرك على هذا الاطراء الجميل



المباراه الثانيه كانت تشب نار بين الفريقين [MoD] والفريق E.v.i.L

طبعا مافي اعذار حق الاق الا ان فريق مود عانوا شوي بس المهم المباراه كانت في غاية الروعه
وكانت جميله وشديده وانا اندمجت معاها واقول يعطيكم العافيه ياشباب لعبتوا

مباراه حلوه وفاز فيها فريق مود على فريق ايفيل

باقول الملخص بسرعه

بدوا المباراه في دور cs_discounter
فاز فريق مود بنتيجه
17-7
بس فريق ايفيل فريق شجاع كمل المباراه لين اخر ثانيه
الشوط الثاني كان على مرحلة
awp_map
وفاز فريق مود بعد بنتيجة
16-11
الشوط الثالث دخلوا فريق ايفيل وهم مصرين انهم يقلصون الفارق
وطبعا كانت على مرحلة
cs_bloodstrike
وفاز فريق ايفيل بنتيجة
11-18
والشوط الاخير كان في مرحلة
aim_headshot
وكانت نهاية فريق ايفيل بعد المباره الجميله اللي قدمها الفريقين
وانتهت لصالح فريق مود بنتيجة
22-13
وصار المجموع
66-49
لصالح مود


اول شي احب اهنيك على البطولة اللي ان شاء الله نشوفها تكبر وتكبر ..

وحبيت اشكرك على جهودك الطيبة

وحبيت اهني فريق مود اللي بصراحة بدع ابداع حلو وكانوا مصرين على الفوز ..

وهم يستاهلون النتيجة الطيبة ..


وبصراحة انا والبطل لما دخلنا المباراة كان مالنا نفس نلعب لانه لعبنا بما فيه الكفاية في qnet server>> والحمدلله قدمنا مستوى حلو ..






طبعا مافي اعذار حق الاق الا ان فريق مود عانوا شوي بس المهم المباراه كانت في غاية الروعه
وكانت جميله وشديده وانا اندمجت معاها واقول يعطيكم العافيه ياشباب لعبتوا
كيف مود عانوا واهم اللي مسويين السيرفر:06:

انته قصدك نحنا يمكن ...


المهم اشكر جهوودك الطيبة وبنبقى نحنا ومود اخوان

[PhytoN.ae]

مجنون هو يقصد نحن عانينا بسبب psYcHo لان البنج كان عنده على حوالي 600

:,

[Steam Powered]

psYcHoلعب ؟
امس كان معاي لما كنتوا تلعبوا لوول >_<

صح اظن الإتصالات عندنا في البحرين اليوم افضل من امس

[البوعينين499]

مشكورين ياشباب على الردود

وفعلا المباراه كانت روعه :biggthump

ان شاء الله اليوم راح يلعب

*hoOo* السعودي

مع

-=||FAST||=- الفرنسي

انا اتفقت معاهم على الوقت والمباراه راح تكون الساعه 11:45

ارجو الالتزام بالوقت ياأخوان

الاي بي راح تاخذون من الماسنجر

اخوي Steam Powered باحاول اسجل ان شاء الله

اذا شفت ان مايأثر على السيرفر لان الاق ذابحنا والله

ومايصير خاطرك الاطيب

تحياتي.

[البوعينين499]

هذا احد الصور اللي التقطتها وقت المباراه

http://members.lycos.co.uk/qatu/up/pic/sdfsd.JPG

http://members.lycos.co.uk/qatu/up/pic/ssssss.JPG

بس هالصورتين لاني مالحقت اصور:D

[DeadLy_]

ابراهيم شنو نوع الكونكشن اللي عندك ؟

[البوعينين499]

برق 256

هذا ماحصل اليوم

http://members.lycos.co.uk/qatu/up/pic/match2.JPG



السلام عليكم

انتهت المباراه اللي بدت الساعه 12:15

وخلصت الحين بنتيجه قياسيه لفريق يهدد بالخطر على جميع الفريق اللي في البطوله <<<الله يعينكم من هالفريق

بدت المباراه بين فريقين

*hoOo* ضد -=||FAST||=- الاول سعودي والثاني فرنسي

طبعا الفريق السعودي دخل وهو حاط المباراه في الجيب الايمن والاق عندهم من

300 الى 400 اما الفرنسي من 370 الى 480

بس تقريبا متساويين

بدينافي المرحله الاولى وهي

fy_snow2
كانت السيطره واحضه حق السعودي وفاز 16-13

انا قلت باي باي فريق فاست

ولكن شفت اللي ماشفتووووووه في الشوط الثاني وهو مرحلة

awp_map32 العبوا مباراه سريعه ولعب جامد وقوي وكانوا متفاهمين(فريق فاست)

واقلبوا المباراه راسا على عقب وفازوا الشوط الثاني 39-11

الشوط الرابع مع احترامي للفريق السعودي كان غير متفاهم وارتبكوا من اللعب وطبعا اوقفنا المباراه لمدة عشر دقايق

وتجمعنا في الماسنجر وركبت كل شي عشان نتأكد ان الفريق الفرنسي ماكانوا مركبين اي برامج غش

والحمدلله طلع مافي اي شي

وتابعنا الشوط الثالث وهو على مرحلة

cs_bloodstrike
نفس سيناريو الشوط الثاني
انتهى بنتيجة 34 -20
في الشوط الاخير عجبني اللعب وبداية الشوط تقدم الفريق السعودي بفارق 4 نقاط ولكن بسرعه
تدهورت الحاله وانتهى الشوط بنتيجة
24-20 وكان على مرحلة aim_headshot

يعني انقلب الفارق تحياتي للفريق السعودي واقول لهم هارد لكم ومبروك الفريق الفرنسي

انتظروا اخر الاخبار.

[PhytoN.ae]

السلام عليكم ..

ماشاءالله فريق فاست شكله قوي وننتظر المباراه القادمه واضن لو نسوي نفس الشي مع الفريق الفرنسي يعني انا افتح سيرفري عشان مايكون فيه لاج .. ^_- ..

ومشكور على الصور الي تفتح النفس .. (( بس علشان كل الصور ترتيبه الاول :D ))

[PhytoN.ae]

قول حبيت اسئلك سؤال يا ابراهيم ..

الفريق الفرنسي هم اصلهم فرنسيين ولا بس اسم .. ؟؟

:o :o

[magn0o0n]

Cstri[K]e (http://www.montada.com/member.php?u=191126)


شدو حيلكم على الفريق الفرنسي >>>> مقهور من الخسارة

لووووووول

[البوعينين499]

لا والله اخوي اصلهم ويلعبون من فرنسا بعد

:D

الحين مباراه الفريقين من قطر طبعا

[K.E] ضد Deffiuser

المباراه اكيد راح تكون قويه لان الفريقين يبون يلعبون ضد الفريق الفرنسي الفايز منهم

يواجههم والخسران في امان الله

دفيوسر ارجو الدر علي لان اذا مارد اي حد منكم لين الساعه 12 مساء اليوم

الفريق الثاني هو الفائز بالانسحاب.

بالنسبه حق اخوي اللي طلب المباراه على سيرفره هذا شي يرجع حق الفريق المنافس اذا وافق او رفض

سلاااام

[البوعينين499]

اخليكم مع صور من مباراة الفريق الفرنسي والفريق السعودي

http://members.lycos.co.uk/qatu/up/pic/frsa.jpg

http://members.lycos.co.uk/qatu/up/pic/frsnsh.JPG

http://members.lycos.co.uk/qatu/up/pic/frddsd.JPG


انتظروا نتيجة المباراه القادمه

تحياتي.

[البوعينين499]

صور من مباراة الفريقن الفرنسي والسعودي

http://members.lycos.co.uk/qatu/up/pic/frsnsh.JPG

http://members.lycos.co.uk/qatu/up/pic/frsa.jpg

http://members.lycos.co.uk/qatu/up/pic/frddsd.JPG



:biggthump

[د.محمد]

السلام عليكم



اول شي حبيت اشكر البوعينين499 على الجهود اللي يبذلها والتعب اللي يتعبه في سبيل البطوله اللي عجبني ان جمع ناس من جميع الدول وجميع الاجناس وعرفهم على بعض بالمنافسه الشريفه



انا لاعب من فريق *hoOo*

فعلا اليوم لعبنا مباراه قويه والفريق الفرنسي كان فريق ممتاز ومتعاون والدليل انه تقدم علينا في الشوط الرابع

بفارق يمكن 10 نقاط بعد احنا ماتقدمنا عليهم



مابي اطول في الكلام اقول لهم مبروك على الفوز وان شاء الله بطولتك تتقدم وتتطور يالبوعينين

على الرقم من الامكانية المحدوده من سرعة الاتصال ...الخ





تحياتي للكل ويعطيكم العافيه. :o

[د.محمد]

مشكور اخوي د.محمد على المرور

والكلام الطيب واقول هارد لكم على الخساره

والله يكثر من امثالك.

[البوعينين499]

مشكور اخوي دكتور محمد

على الكلام الطيب ويعطيك العافيه على المرور وهارد لك على الخساره

واقول الله يكثر من امثالك

[DRIV3R & GTA]

سؤال الى البوعينين499 (http://www.montada.com/member.php?u=88633)
بعد انتهاء هذي البطولة ... راح يكون في بطولات اخرى من تنظيمك ؟؟ ويعطيك العافية

[البوعينين499]

ان شاء الله اخوي راح اسوي بطوله

اكبر من هاذي لان راح اطور كل شي (الكمبيوتر وسرعة الاتصال)

وراح تكون ان شاء الله

4-4

ومراحل كبيره وكل شي تمام:biggthump

ونلقاك فيها ان شاء الله

تحياتي

[البوعينين499]

اعلان اخير

فريق دفيوسر اذا محد منكم دخل السيرفر بعد ساعه من الان

اقولكم مشكورين وماقصرتوا

وراح ابارك حق فريق كي اي

انتظركم وترى طرشت لكم رقمي اتصلوا علي اذا ماتقدروون

تحياتي

[PhytoN.ae]

والله شي حلو لو تسوي بطوله ثانيه 4-4 لان انا فريقي 7 لاعبين :p


انزين المهم انا راح اسوي بطوله عن قريب بس بحاول احصل حل للبنج والمراحل .. وراح تكون 3-3 ..

وانا اوعدكم فيها :)

[البوعينين499]

مباريات اليوم يوم الاحد الموافق



16\1\2005م



اول شي راح اعلن عن الفرق اللي تأهلت وهم 5 فرق من 10 فرق :



1--=||F.R||=-

2- [MoD]

3- [K.E]

4- -=K.T=-

5- a.x0r

هاذي الفرق اللي تأهلت بالنسبه حق الفرق اللي اطلعوا ونقول لهم حظا اوفر ياأخوان

وهم 5 فرق ايضا:

1- *hoOo* 2-E.v.i.L 3- Diffuser

4- {AIG} 5- FS|



راح اقول ملخص سريع عن المبارايات الخمس اللي صارت وكل فريق اشلون تأهل واشلون طلع؟



المباراه الاولى بين فريقي وفريق ايج انتهت لصالحنا بعد انسحابهم في الشوط الاخير وكانوا متقدمين علينا بفارق 14<<<<كنا بناكلها.



المباراه الثانيه جرت بين فريقن مود وايفيل انتهت لصالح مود وكانت مباراه قويه وحماسيه<<<<اكيد بينهم لقاء في المستقبل.



المباراه الثالثه جرت بين فريقين اف اس وفريق اي كسور انتهت لصالح الثاني

بعد انسحاب الاول بسبب الاق<<<<راح نعالج مشكلة الاق وباسوي بينكم مباراه ثانيه.



المباراه الرابعه جرت بين فريق هووو وفريق فاست الفرنسي كانت مثيره انتهت لصالح الثاني بفارق كبير جداااا<<<<طبعا ماكانوا مركبين اي شي مثل الاعتقاد اللي اعتقدناه في البدايه.



المباراه الخامسه لم تجر ولم تبتدي اصلا لان فريق دفيوسر من ثلاث ايام وانا اكلمهم

واطرش لهم ماردوا علي فاز فريق كي اي بعد انسحاب دفيوسر<<<<والله دفيوسر كانوا ناوين يبدعون .



هذا الملخص حق المباريات الخمس سوينا القرعه وصات كالاتي:



المباراه الاولى في القسم الثاني بين..........:



[MoD] v.s -=K.T=-



المباراه الثانيه في القسم الثاني بين ......................:



a.x0r v.s -=||F.R||=-



المباراه الثالثه في القسم الثاني بين



[K.E] v.s win in match 2



الفائز من المباراه الثانيه ضد كي اي في المباراه الثالثه



فريق مود استعدوا وعطوني خبر على وقت اللعبه بس غير العصر؟





فريق a.x0r استعدوا وعطوني خبر على وقت المباراه عشان اخبر الفريق الفرنسي بس غير العصر؟



تحياتي.

[البوعينين499]

والله عطنا خبر اذا سويت البطوله وفريقي جاهز
ان شاء الله وشي حلو ياشباب انا نتحدى بعض ونتعرف على بعض


المهم اعلنت عن القسم الثاني

[البوعينين499]

شباب ارجو الرد علي واعلامي بالوقت عشان اعتمد المباريات

[البوعينين499]

راح تبتدي المباراه بين فريقين


[MoD] وفريق -=K.T=-

الساعه 7 مساء اي بعد 16 دقيقه

[البوعينين499]

السلام عليكم

اول شي باقول هارد لكم يافريق مود والصراحه ماراح اقول المباراه حلوه؟

لاني انصدمت من اللي شفته وياصاحب فريق مود تراك غلطان يوم طرشت هالاعبين

لاني ادري ان مو هذا الفريق الاصلي اللي لعب المباراه السابقه

الملخص:

اول شي بدينا المباراه انا ورفيجي وقلنا بسم الله وكانت على مرحلة fy_snow2

تقدمنا بفارق 6 تقريبا الا ان فريقهم عادلوا النتيجه واقلبوها الى فوز بفارق 1

وانتهى الشوط الاول بنتيجة 18-17

لهم.

الشوط الثاني قلنا لازم نعوض الفارق شوي ونقدر انفوز وشدينا حيلنا وكان على مرحلة

awp_map32
المهم صار اللي صار وفازوا 18-9 .


في الشوط الثالث طبعا مافقدنا الامل لان الفارق 10 بس

انسجمنا مع المباراه وتقدمنا بفارق 8 تقريبا ولكن واحد من الفريق اسمه

NiLLY قال شباب انا باطلع شوي وبارجع لكم قلنا له اوكي خذ راحتك وطلع ورجع في اقل من 3 دقايق

وانقلبت المباراه لهم كنا متقدمين 17-8 قام يدخل من الطوفه ويختفي ويتحرك بشكل سريع وغير طبيعي

والاق مالا خص لان كان في حدود 340 وماقدرنا نسوي شي وانتهى الشوط بنتيجة
17-17
وكان على مرحلة cs_bloodstrike
المهم الشوط الرابع دخل واحد جزاه الله الف خير وقام يصور فيديو وانا صورت شوي بعد والتقطت صور
تدل على الغش اللي استخدمه الفريق مع احترامي حق اعضاء الفريق الاصليين

كان على مرحلة aim_headshot شفنا نفس الحاله الايم بوت شغال وتقدموا بفارق 4

قمت وقلت اللي معاه اخوي اذا ماصك الايم بوت راح انهي المباراه وقام رفيجه يقوله صكه
ويلح عليه وذاك الظاهر داش يخرب وبس قام وترك رفيجه بروحه

وصرنا 2-1 قمت انا وقلت موب عدله 2-1 قمت وقلت حق رفيجي يطلع وهو كان يبي يدخل بس قلت له خلني معاه بروحي ولعبت معاه ورحت عنه بفارق 12 تقريبا قام هو الثاني وشغل الايم بوت

كل ماشوفه يصيدني هيدشوت قلت ماراح احرجه واستخدمت طريقه وجلست اضيع الوقت وقمت اختبي عنه والمهم انتهى الشوط الاخير بعد عناء طويل بنتيجة 31-14

وفزنا على فريق مود ولله الحمد وان شاء الله راح نتواجه مع فريقهم الممتاز في بطولتهم اذا الله شاء

هذا كل شي صار في المباراه والحين راح احمل الفيديو والصور عشان تشوفون بعيونكم
وياليت اللي كان يصور يرد ويحط الفيديو اللي صوره

المهم المباراه الحين بين فريق

a.x0r وفريق -=||F.R||=- راح ارد عليكم باخر الاخبار.

[البوعينين499]

السلام عليكم

شباب ملاحظه تأهل فريق

a.x0r بعد انسحاب الفريق الفرنسي لان عندهم ظروف قالوا لي عنها واعتذروا اقول لهم هارد لكم

وان شاء الله الى الامام والفريق روعه الصراحه.

بعد المباراه هاذي تلاقى الفريقين

a.x0r ضد [K.E]

المباراه انتهت بفوز a.x0r بنتيجة 96-59

راح احط الصور بعد التعديل وكل شي الحين ملخص المباراه:

الشوط الاول مر سريع وقوي وانتهى لصالح a.x0r بنتيجة 17-15

الشوط الثاني حاول الفريق [K.E] التعويض لكن الفريق المنافس كان له كلمه ثانيه وفاز في الشوط الثاني
26-16

الشوط الثالث كان عجيب وبعد فاز الفريق a.x0r بنتيجة
24-9

الشوط الرابع والاخير انتهى بفوز متوقع حق الفريق a.x0r لان مهارة الفريق استخدام M-16
وكان مرحلة AIM_HEADSHOT

وانتهى

29-19

وفاز الفريق a.x0r ليصل الى النهائي مع فريقنا وان شاء الله تكون مباراه حلوه

تحياتي

[PhytoN.ae]

اولا احب اقول مبروك لفريق يا ابراهيم

انا بصراحه مايبت اللعيبه لاني كنت مشغول ولاسبباب ماخلتني اقدر العب لاني ماكنت في بيتنا وماكان عندي وقت احمل الكاونتر مع اني حملتها بعد المباراه .. واللعيبه الكبار الي بفريقنا الغرب انهم مادخلو هالاسبوع ...

وارجع واقو مبروك لكم .. :(

[PhytoN.ae]

NeLLy انا طلبت منه انه يدخل .. لاكن ابدا ماتوقعت انه يغش لانه من احسن اللعيبه الكبار في الامارات ومن احسنهم في Qnet واما بالنسبه للفيديو انا الي كنت اصور بس ماكنت اشوف المباراه وبعدها طلع ان في مشكله بالملفات ومقدرت اطلع الفيديو :(

[PhytoN.ae]

البوعنين مااتوقع ان الثاني شغل ايم بوت لان الثاني مايحب هالخرابيط وانا اعرفه عدل ..

ويليت تعطيني صور من المباراه ..

ملاحظه : لاحظت انا ان في مشكله في البطوله بعد ماظهرت النتيجه اليوم .. كان لازم عليك تعد الفوز بالمابات مو بالــrounds

[البوعينين499]

السلام عليكم



شباب انا ارفقت لكم ملف التسجيل اللي سجلته وشوفوه زين وقولوا لي هل هذا ايم بوت او لا؟



ارجوا الرد ايضا من فريق مود .



مشكور اخوي على الرد الطيب بالنسبه حق الثاني والله موب اكيد قام يغش بس لعبه تغير بعد ماشاف ان النتيجه انقلبت .

وبالنسبه حق ملاحظتك والله كان ودي اسوي البطوله مثل ماقلت بس الاغلبيه عجبهم هالشي ان المجموع هو الفاصل عشان الفريق يقدر ييعوض في بعض المابات اللي متعود عليها وان اشاء الله بتكون في بطولتك هالطريقه والبطوله اللي راح نسويها بعد اتمنى انك تشوف الملف اللي انا ارفقته وتقولي رأيك انت بذات لان ادري ان هالاعب خرب سمعة فريقك الممتاز

على فركه اليوم النهائي بين فريق

a.x0r ضد -=K.T=-

الاتفاق يتم بين الفريقين على الوقت

في امان الله

[البوعينين499]

مايصير ارفق الملف:shock22:

يقول حجمه كبير وهو حجمه بس 514 كيلو بايت ؟


اللي عنده مواقع تحميل يرد علينا


تحياتي

[البوعينين499]

هاذي صور من المباراه

http://members.lycos.co.uk/qatu/up/pic/fhsadfiocfh.JPG

هذا الدليل على ان نللي كان مشغل احد برامج الغش

http://members.lycos.co.uk/qatu/up/pic/ddsfds.JPG

وهاذي اللقطه خذتها من مبرااة الفريقين اللي بعدنا

http://members.lycos.co.uk/qatu/up/pic/kjk.JPG

[Steam Powered]

هاذي صور من المباراه

http://members.lycos.co.uk/qatu/up/pic/fhsadfiocfh.JPG

هذا الدليل على ان نللي كان مشغل احد برامج الغش

http://members.lycos.co.uk/qatu/up/pic/ddsfds.JPG

وهاذي اللقطه خذتها من مبرااة الفريقين اللي بعدنا

http://members.lycos.co.uk/qatu/up/pic/kjk.JPG
:p كيف مخلي الدم كذا ؟

[البوعينين499]

الله يسلمك هذا مووود

[Steam Powered]

الله يسلمك هذا مووود
:D أرسلت لك رسالة خاصة فيها الوصلة ارفع الديمو ابي اشوف ههه

[البوعينين499]

جزاك الله الف خير اخوي ان شاء الله الحين بارفعه

[PhytoN.ae]

على فكره شباب ترا NeLLy مو في فريقنا بس حطيناه بديل :D

[il3ees]

nelly دايمغ مشغل cheats في QNet وهاي شي معروف من يجوفه سكوره مو اوكي يقول يغش:laughing:

[البوعينين499]

والله صدقت ياعيسى يوم شاف ان النتيجه لنا قام وطلع ورجع الا كل شي غير

بالنسبه حق اخوي انت غلطان انك تحطه بديل والله فريقك ممتاز ومايستاهل من يشوه سمعته

ملاحظه المباراه النهائيه تأجلت الى بكره لان كلا الفريقن موب جاهز

[PhytoN.ae]

nelly دايمغ مشغل cheats في QNet وهاي شي معروف من يجوفه سكوره مو اوكي يقول يغش:laughing:
لا العيس NeLLy مايغش بالعكس هذا محترف صح مرات يستهبل انا سئته ليش استعمل تشيت قال كان مايدري انها بطوله . .

ونيلي صار له سنتين واشوي يلعب كاونتر .. :biggthump

[البوعينين499]

اليوم النهائي بعد التأجيل

[البوعينين499]

السلام عليكم

اول شي ولله الحمد البطوله انتهت على خير وكانت حلوه وممتعه وان شاء الله نسوي بطولات اكبر وافضل مع الايام

المهم اليوم انتهت المباراه النهائيه بفوووووووووووووووووووووووز.....


فريق [K.T] على فريق a.x0r

بعد مباراه قويه وصار فيها نقاشات حاره وكل شي ومنافسه انا ماراح اطول راح ادخل في الملخص على طول:

الشوط الاول كان على مرحلة fy_snow2 مر كل شي سريع وانتهى الشوط لصالحنا بنتيجة

22-9 .

الشوط الثاني كان على مرحلة aim_headshot نفس السيناريو ناخذ نقطه والفريق المنافس ياخذ نقطه لين مانتهى الشوط بنتيجة

20-15

لنا.

الشوط الثالث كان على مرحلة awp_map32 انا ومكسور يوم شفنا سيطرة الفريق الثاني بالسنايبر قلنا نستخدم الدرع

ومر الشوط وانتهى لصالح الفريق المنافس بنتيجة 16-9 .

الشوط الرابع كان قوي وحار وفيه تحديد مصير لذلك كل فريق حاول قدر المستطاع الفوز وانتهى لصالح الفريق المنافس بفارق كبير شوي
بس ماقدر يعوض اللي فاته وانتهى لصالح الفريق المنافس 25-16

ليصبح المجموع 67-65



تحياتي
لجميع الفرق والاعبين اللي شاركوا والحمدلله تعرفت على ناس وايد من دول مختلفه وان شاء الله نلتقي في بطوله قادمه

مع السلامه




التوقيع :

[Night Road]

اوكي ، ابي مرة ثانية والفريق جاهز .,.
بس ياريت لو مايكون فرق كثير علشان نخلص بسرعة ، ونسوي غيرها .,.
بس ياريت لو الكل يخش بطولة سترايكر لانه ينطر متى هذي البطولة تخلص .,.






.,.