وين الناس!!

[silverpaco_101]

السلام عليكم و رحمة الله و بركاته ...

سلام بعد طول غياب , و طبعا البعض قد يكون جديد مهوب عارفيني و البعض يكون نساني مرة وحدة و البعض و جزاهم الله خير انا على بالهم على طول .

على أى حال سبحان الله هذا نمط منتدانا ما يتغير اعتقدت انى ابلقي اشكال و مواضيع و خرابيط جديده بس يبدو ان الوضع على حاله.

و طبعا سبب غيابي هالفترة و خصوصا بعد ما صرت جامعى تغير الوضع و تركت ديريتي اللى هي الرياض و انتقلت للدراسة بالجامعه البترول بالشرقية (من الان فصاعدا انا من عيال الشرقية :tongue2: ) و صراحه انشغلت و تركت حياة الفضاوة و الخبال (مسوي كبير) بس حقيقه تغير نمط حياتي لأني اصبحت ادبر نفسي بالنفسي غير ان دوامى من الصبح الى قبيل المغرب!!
اضف الى ذلك مشاويري الخاصة و مذاكرتي مع الاخذ بالاعتبار النوم مبكرا عشان دوام الغد that so much .

عموما تسرني رؤيتكم من جديد بس بغينا نسلم و نعايد و نعتذر عن القطوع.

[D0WN~T0WN]

النوم مبكرا
طيب وراك صاحي الحين



على أى حال سبحان الله هذا نمط منتدانا ما يتغير اعتقدت انى ابلقي اشكال و مواضيع و خرابيط جديده بس يبدو ان الوضع على حاله
يكفيك موضوع جاوب واسأل الاسطوري

يالله الحمدلله على السلامة ولاتقاطعنا>>>ياكثر مانقولها للناس وثاني يوم ماعد تشوف وجهه

[Trapped Inside]

هلا ولله بولد الديره ^^ ..

الله يعينك على الجامعه وخرابيطها .. موفق ان شاء الله ^_^ .. وسلملي على الراشد :D


Welcome Back ^^ ..

[HArb200]

انا اقوول الرجال معاد نشوفه خيير شر.

ماتنلام ..

عموما مرحبا بكم .. وعقبال ماتصير وزير للبترول .. ولا رئيس شركة ارانكو ..

[Yamato]

يالله الحمدلله على السلامة ولاتقاطعنا>>>ياكثر مانقولها للناس وثاني يوم ماعد تشوف وجهه
صدقت يا ولد العم... :28:

وحياك الله معانا اخوي silverpaco_101 :08:

[Angel whisper]

حياك الله يا فتى ^^

[silverpaco_101]

D0WN~T0WN
صاحي حتى ذلك الوقت بسبب العوطلة و على طارى القطاعه كان المنتدى بيصبح على نفس وضعه المأساوي معلييييش و الله ما عاد تشوف رقعه وجهى

Trapped Inside
يبلغ..

HArb200
هلا و غلا والله كبرنا و انا اخوك يا هارب و صرنا موراقبين الا على طاري وزير البترول و الله و انا اخوك كان فيه واحد من جماعتنا الله يرحمه وزير للبترول و اظن انه كان احق الناس بهالمنصب بس الله المستعان

Yamato&Angel whisper
الله يحييكم

[Y a z e e d]

هلا بـك بـ حارة المنتدى ..

مـرة ثانية ، الله يعينك ..

اووه .. اتذكر .. أيام ! ..

يوم شلة المنتدى ( قعقعةُ طحن ! ) ..

.

.

.

.

هلا بك مرة ثانية بعد ..

و.. عيدك مبارك ..

[Lena]

السلام عليكم


اهلين سليفر باكو حياك الله من جديد^^

لا ماتوقع نسيناك..

العضو ذو الردود الحديدة :p اقصد انها تجي صادقه وقوية


الله يعينك..بس صدقني هالظروف الي تمر فيها تونس..من ناحية انها بتطلع فيك صفات زينة مرة ما كانت فيك..


وبالنسبه لانشغالك بالجماعة..فصدقني هذا السبب الي غير حال المنتدى..كلنا كنا ثانويه ثم مع بعض دخلنا جامعه -اقصد اغلب الاعضاء-.وكلن لهى في حياةالجامعه الي ما تخلي لك وقت..:31:


الله يوفقك في حياتك^^

[Chad]

أهلين سلفر باكو

من زمان وإنت منقص المشاركات زي كثير من الأعضاء

لكن توقفت لفترة وأذكر إني شفت لك رد في اليومين اللي فاتوا

على كل

حياك الله معانا :)

[silverpaco_101]

معليش جت الردود متأخرة

Y a z e e d
هلا و الله حتى انا كنت مفتقدك من فترة مادريت انك غيرت اسمك لعدة اسماء لان اخر خبري فيك زيدان تريبل


Lena
هلا لينا عاد يكفي مدح مو من البداية :08:

على اي حال من ناحية ان الظروف تونس هي بالفعل تونس بس التغير اصبح 180 درجه يعني غير ان الدراسة تغيرت الا انى ايضا اصبحت اعيش الحالى و اعتمد بكل صغيرة و كبيرة على نفسي.



Chad
هلا و غلا و الله باخوى و الله صدقت انا تارككم لى فترة بس عاد انت قدر الظروف و الله يجزاك خير على الرد.

[Justine]

حمدلله على الرجعة مسيو فراس أفندي :p

زمان عنك و عن ultimate Shark ذو الصوت الملائكي :09: ..

ايوة يا عم خلاص صرت قامعي .. تكبر على اللي اصغر منك .. هذا دأبنا كمخلوقات أنهت الثانوية :icon6:

[silverpaco_101]

حمدلله على الرجعة مسيو فراس أفندي :p

زمان عنك و عن ultimate Shark ذو الصوت الملائكي :09: ..

ايوة يا عم خلاص صرت قامعي .. تكبر على اللي اصغر منك .. هذا دأبنا كمخلوقات أنهت الثانوية :icon6:


خخخخخخخخخخخ
من جد ياخي الثانوية سجن مدرسي الحمدالله اللى افتكينا منه

اما التمت فهو بخير و انا و ياه بالقامعه نزقح و تسلم حبيبي على الرد :)

[ابتسامــــــه]

والله أنت تذكرنــي بنفسي ... نفس ظروفي " الله يعينك صراحه "


حياه الواحد ما تعود عليها ..




حياك الله بمنتداك وبين أخواانك :)