ثلاثين طريقه طريفه لقتل الفراغ عند الفتيات

[~*~سحابة صيف~*~]

السلام عليكم ورحمة الله وبركاته

حبيت أنقل للبنات هالموضوع الطريف والمفيد

الطرق سلسه وبتحبوها صدقوني المهم خلونا نشوف ماهى الطريق المقترحة لقتل الملل عند الفتيات اللطيفات الامورات وكل وحده تعمل اللي يناسبها

طرق علاج الملل عند البنات :

1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض
اول..منها راح تمشين وقتك ومنها راح تجددون علاقتكم ومنها تشغلين التلفون 12
ساعة

2- اطلعي الحوش ولا السطح وافرشيلك فرشة وانسدحي على ظهرك وتآملي النجوم
واسترخيييي وتاملي

3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها)
..اراهن انكم بتصلعون على هالحالة

4-امسكوا المسجل..ودوروا فيه بالبيت وسجلوا اصوات العائلة وهم يسولفون وسجلوا
صوت شخير الوالد وسجلوا صوت الهواشات وكل شيء..

5-روحوا السوبر ماركت وامسكوا العربية ودوروا فيها وصدموا بخلق الله وقولوا
اووه آسفة مادريت

6-امسكي ريموت كونترول واحذفي كل القنوات من الرسيفر وارجعي حطيهم من جديد (هذا
وجهي ان رجعتي منهم شي

7-تحدوا انفسكم تقعدون نص ساعة كاملة بدون ماتتكلمون مع اي احد او تفتحون
فمكم..نص ساعة طبعا بوجود الجميع (مااحد يقدر يسويها)

9-سوي عصير برتقال واشربيه

10- غيرى مكان اثاث غرفتك

11-اقروا مجلة اطفال (ميكي وماجد)

12-البسي ملابس رجال ثوب وغترة وخوفوا اهلكم والله من جد نسويها دايم

13- خذيلك شور وقعدى ساعتين بالحمام اذا ما طلعتى تدورين الفراش هذا وجهى

15-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس
الثقيلين الدم

16-روحوا مواقع بطاقات وكاردات وارسلوا لصديقاتكم ..

17-ألفي مسجات جوال ونكات ماسنجر..خذي مجلات فواصل وديوان طلال السعيد وطلعي
منه ابيات شعر تصلح نكااات للماسنجر واكتبيها بورقة..


18-ادخلي غرفتك وحطي فل ميكأب(مكياج كامل) كأنك رايحة لعرس ولطخي وجهك تلطخ
وتصوري نفسك ..حركة صح

19-امسكي دفتر تلوين اطفال واقعدي لوني ...

20-اذا زهقتي افتحي دولاب ملابسك واقعدي قيسيها بدلة ورا الثانية< يمكن يجي
الصبح ماخلصتي من كثرهم

21-روحي المطبخ سوي كيكة (هذا وجهي اذا احد اكلها)

22-سوي ايميل جديد واقعدي العبي على اللي تعرفينهم ..

23-تعلموا لغة فرنسية هذا إذا انتي تعرفين أنجليزي .. مثلا كلمات معينة فرنسية
واقعدوا اكشخوا فيهم وتفلسفوا فيهم

24-اركبي السيارة وهي موقفة داخل البيت وكأنك تسوقين

25-اطلعي وانزلي الدرج عشرين مرة .. منها تتمشين ومنها تسوين ريجيم< ذبحتكم
القعدة والفراغة

26-اقعدي على الكومبيوتر وحوسيه مثل العادة

27-طلعي الحوش..وصيديلك حشرة لطيفة (زهيوي=صرصور مثلا ) وحطيها بعلبة وقعدي
راقبيها..بس لا تخلونها وقت طويل عشان ماتتعذب لا لا بليز لاتسووها


28-إخذي مجلات قديمة وقعدي قصقصي صور ولزقيها بكتالوج (بتطلع المواااااهب)

29-طلعوا حوشكم ..ولعبي كرة..وكسري لمبات البيت

30-قولي للهندية سوي غدا غوزي وبعدين قوليلها ماتشتهين تاكلين




منقوووول

[N.O.O.R]

واااو روووعه الطرق





عجبتني اكثرر شي نقعد نص ساعه ما نتكلم هههههههههههههههه


:09: :biggthump مشكووووووره




:

:

[~*~سحابة صيف~*~]

واااو روووعه الطرق









عجبتني اكثرر شي نقعد نص ساعه ما نتكلم هههههههههههههههه


:09: :biggthump مشكووووووره




:

:

العفو ،شكراً على مروركِ
يلا حاولي تقعدي بدون كلام نص ساعة :D :D

[عروسه الخليج]

و الله انا اشغل فراغي بالنوم :o
و اذا مليت من النوم اروح عند امي و اشغله بمحاضرات امي عن مشاكل كثرة النوم:p
و شكرا على افكارج:D

[الهادئة]

مشكووووووورة كتير اختي على هالإقتراحات الجميلة ;) :biggthump :jester:

[alaaghost]

هههههههههههههه :D
:biggthump :biggthump :biggthump

[~*~سحابة صيف~*~]

عروسه الخليج،الهادئة،alaaghost
شكراً على المرور
إن شاء الله تكونوا استفدتوا;)

[Empress uae]

و عليكم السلام و رحمة الله و بركاته




1- امسكي التلفون وكلمي صديقة من زمااان ماكلمتيها..واسترجعوا ذكرياتكم مع بعض
اول..منها راح تمشين وقتك ومنها راح تجددون علاقتكم ومنها تشغلين التلفون 12
ساعة

هذه أنا أجربها و تنفع. :biggrin:




2- اطلعي الحوش ولا السطح وافرشيلك فرشة وانسدحي على ظهرك وتآملي النجوم
واسترخيييي وتاملي

كشفتيني، كيف عرفتي أني أسوي نفس الشي؟ :33:




3-قصي اطراف شعرك..كل مازهقتي روحي عند المراية وقصي الاطراف(بس شوي شوي منها)
..اراهن انكم بتصلعون على هالحالة

يمكن يزيد الأمر أننا نشيل الجلد و اللحم و تطلع الجمجمة. :31:




5-روحوا السوبر ماركت وامسكوا العربية ودوروا فيها وصدموا بخلق الله وقولوا
اووه آسفة مادريت

تقصدين آسفة ما شفت. :p :D



6-امسكي ريموت كونترول واحذفي كل القنوات من الرسيفر وارجعي حطيهم من جديد (هذا
وجهي ان رجعتي منهم شي

في قناة وحدة زينة لقيتها، القناة الكورية Arirang تعرض أشياء حلوة و مسلية و ثقافية و خاصة عن الطبيعة و الطيور. مالت على قنواتنا كلها رقص و مسلسلات بائسة. :31:




9-سوي عصير برتقال واشربيه

لا، أنا أحب النسكافية. :biggrin:




10- غيرى مكان اثاث غرفتك

أنتي خليني أولاً أنظف الغرفة بعدها بغير أماكن الأثاث. :biggrin:




12-البسي ملابس رجال ثوب وغترة وخوفوا اهلكم والله من جد نسويها دايم

عشان يقولون عني مجنونة؟ :08:




15-نظفوا ماسنجركم...سووا ديليت للناس اللي من زمان عنهم مادخلوا..وبلوك للناس
الثقيلين الدم

سويت هذه النصيحة و الحمد لله ما بقي غير 10 أشخاص. :biggrin:




16-روحوا مواقع بطاقات وكاردات وارسلوا لصديقاتكم ..

أنا أموت على شي أسمه بطاقات إلكترونية و هذه أحد المواقع للأخت بروق العين اللي عجبتني كثير:



http://www.brooqalain.com/card/

http://www.brooqalain.com/card/newcards.php

http://www.brooqalain.com/gallery/index.php

http://card.roro44.com/




18-ادخلي غرفتك وحطي فل ميكأب(مكياج كامل) كأنك رايحة لعرس ولطخي وجهك تلطخ
وتصوري نفسك ..حركة صح


سويت هذه الحركة مرةـ قالت لي أختي "أنتي وين طالعة؟" :biggrin: ههههههههه

قلت لها "لا ما في شي بس حبيت أجرب" :biggrin:




21-روحي المطبخ سوي كيكة (هذا وجهي اذا احد اكلها)

الحمد لله أنا أعرف أسوي كيكة بس هات لي المقادير و الطريقة. :08:




29-طلعوا حوشكم ..ولعبي كرة..وكسري لمبات البيت


حلوة هذه أكسر لمبات البيت. و بعد أكسر راس جيرانا و جيران جيرانا و العالم كله. :biggrin: ههههههههه





مشكورة أختي على هذا الموضوع الظريف. :biggrin:

[~*~سحابة صيف~*~]

الأخت العزيزة إمبراطورة الإمارات
ردك ظريف جداًً:D
ماشاء الله شكلك مجربة معظم هالطرق:09:
إن شاء الله جابت نتيجة وقتلتي وقت الفراغ:D
أنا عن نفسي بطلت ألاقي وقت فراغ لأنه خلصت الإجازة:(
على العموم شكراً على الكروت الحلوة اللي وضعتيها
بتجنن:)