المساعد الشخصي الرقمي

مشاهدة النسخة كاملة : قطعوا لي اصبعي :( - Not For Kids!


KJF
23-01-2005, 04:05 PM
لا حول ولا قوة الا بالله..
الحين رجعت من المستشفى
عملت عملية :o


بقول لكم قصتي بالاول:
اصبع رجلي الكبير الي برجلي اليسار فيه مشكلة :S
كل مدة يتورّم.. انا فكرت انه الاظفر غارز باللحم..
قبل سنة دخل الاظفر باللحم.. وتورم لدرجة انه صار يطلع دم وقرف :boggled: رحت للمستشفى وعملت عملية علشان يقلعوه :(
رجعت للبيت وبعد ساعة بدأت اصرخ من الألم :31: وبعد اسبوع تقريبا شفيت وراح الألم..
لكن اظفر اصبع رجلي اليسرى خانني وغدرني :vereymad: وبعد نص سنة عاد وطلع وغرز باللحم!!
الله لا يوريكم كل ما اصبعي يلمس شي اصرخ من الألم!! ويطلع دم واشياء بيضا (افكر اسمها عمل)
المهم رحت للمستشفى وعملت عملية وقلعت الاظفر ومر علي اسبوع من الألم الشديد :(



بعد كمان نص سنة (يعني الحين) تورم كمان مرة (لا حول ولا قوة الا بالله..) فخلاص قررت اعمل شي نهائي!!
اليوم رحت للمستشفى.. ودخلت مسرع وقلت للممرضة: حالة طائرة!!! ----- طارئة!!! عندي حالة طارئة!!!
ابي الدكتور الفلاني (امهر طبيب بالمستشفى) طبعا هم صدقوني بعد ما شافوا الدماء على رجلي والدموع من عيني (الله يخلي اخوي حط كتشب على رجلي وخلاني اشم بصل)



المهم بسرعة اخذوني للطبيب هذا... غسلت رجلي ومسحت دموعي.. وقلت له قصتي مع اظفري :boggled:
اشفق علي وقال لي انه بيعمل لي عملية خاصة وينظف اصبعي تماما! قلت له: وش تماما؟ :| بتقطعه؟!!
قال: لا يابو الشباب.. بخدرك وبنظف الاصبع من كل انواع الفطريات والاوساخ والاظافر.. :28:
قلت له طيب.. ويا ليت ما قلت له.. اخذني الاخ وقال لي استلقي على سرير خاص..
وضربني ثلاث ابر قوية بعمري ما جربتها.. لدرجة اني دمّعت :(
المهم بعد شي عشر دقايق انتفخ اصبع رجلي :| ببدأ الطبيب بالحفر والنقر والقطع وتشريح---اقول فكنا..
المهم بالنهاية لحم لي الاصبع بالة غريبة (نار :| )ولف الاصبع بشاشة بيضا
وقال لي ارجع له بعد اسبوع..



الحين رجعت للبيت وانا اعرج :17: <--- انواع الفضايح بالشارع :(
الكل يناظر فيني وكأني معاق من الدرجة الاولى.. بالطريق امطرت الدنيا علي :12:
المهم وصلت للبيت بعد عناء شديد.. غيرت ملابسي ودخلت المنتدى علشان اكتب القصة.. :08:



على فكرة اثر المخدر بدأ يروح :| الله يعينني.. بكرا ما بروح المدرسة :( شباب ادعولي اشفى بسرعة :/
على فكرة كتبت عنوان الموضوع كذا علشان تدخلون.. تراني عارفكم بتتجاهلوا مواضيعي :o
والسلام عليكم ورحمة الله وبركاته..
Argandir
23-01-2005, 04:41 PM
ماتشوف شر...
والله يشفيك ان شاء الله...
Trapped Inside
23-01-2005, 05:03 PM
خخخخخخ .. ياخي يا شينها الام الاصابع .. اكره شي اذا وجعني اصبع يدي .. وجا عليه ليمون .. يااااااااااوك مره يوجع -__-


ولا العب كوره حافي .. واشوت الكوره وينكسر الاظفر وينزل دم -__- .. من جد قلق ذي ودايم تصيرلي .. لاني اتعيجز اقص اظافر رجولي ..


ولله يرجك خوفتني -___- .. حسبتهم بترو اصبعك ( الله لا يقوله ) ( من رغم ان البتر لازم يكون للقدم كاملة -__- ) .. بس مع الخوف انلحست


ما تشوف شر ان شاء الله .. وسلامات ^^ ..
Riot
23-01-2005, 05:41 PM
سلامات إن شاءلله ماتشوف شر اخي KJF
Angel whisper
23-01-2005, 05:55 PM
آوتش ><
سلامات والله وما تشوف شر ..
Justine
23-01-2005, 06:24 PM
ايه ايه مقدر شعورك :28:

اذكر مرة طاحت صفيحة زيت عربي على اصبع رجلي اليمين .. و اتكسر الظفر و سويت ملحمة يحسدني عليها مؤلف ألف ليلة و ليلة ..

و في المتوسطة واحد غدار فتح الباب و كشط ظفرين من رجولي اليمين طبعا وقتها كنا كبار عيب نبكي و نقول ( أحيه رجولي مغرقة في الدماء .. ازهموا الممرضة <<< يفتكر الاشياء ذس في عز الام :shock22: .. مراهق

حمدلله على السلامة .. جات على إصبع و لا على شي ثاني ..
Chad
23-01-2005, 07:24 PM
أنا شخصيا جربت ألم الأصابع مرتين

مرة من أيام الثانوي كنت بفتح غطاء الخزان ( الثقيل) ، ورفعته شوي وبعدين ما أدري كيف وقع

و لحظي السعيد جات الوقعة على على أصبعي الأوسط اللي للحين مازال منتفخ

ومرة جاتني بسيطة لما ضربت إصبع رجلي الصغير على حافة الباب وأنا داخل بكل سرعتي ( صرت سيارة سباق )

سلامات وما تشوف شر أخوي و إن شاء الله يقوم صباعك بالسلامة
:)
asf4ever
23-01-2005, 07:31 PM
سلامات وما تشوف شر أخوي
والله يعافيك ويعافي الجميع.....
ولكن اتذكر أخوي انه بالمرض والألم إذا صبرت حسنات
وكلنا مرينا بموقف مثل موقفك(مب ضروري مع الأصابع:09: )
وشكرا^^
KJF
23-01-2005, 09:21 PM
Argandir: مشكور حبيبي :)
Trapped Inside: الله يهديك حد يلعب كورة حافي؟ :p الله يسلمك :)
Riot: الله يسلمك :)
Angel whisper: الله يسلمك اختي ><
Justine: ايه والله جت على اصبع مو شي ثاني :) الله يسلمك :08:
Chad: كل عمري تصير لي ذي :o اكون ماشي او راكض و*برخط* يضرب اصبع رجلي الصغير بالحيط/بالباب :31: والله يسلمك
asf4ever: بالصبر حسنات؟ يعني اذا ما اخذت مسكّن بأخذ حسنات؟ تراني ما لمست اي مسكّن حتى الحين :أفكر: والله يسلمك

اسف شباب على التأخر في الرد.. تراني بعد ما كتبت الموضوع رحت انام.. والحين قمت من النوم اصارخ من الوجع :(
وربي قمت من الألم! المخدّر راح.. وللحين مصرّ على ان لا اخذ اي مسكّن :o بقوّي الStamina حقتي :)

ملاحظة: اصبعي لم ينقطع! كتبت العنوان كذا علشان ادخّلكم :o
Mista Koo
23-01-2005, 09:29 PM
بسم الله عليك كجف (حلو الاسم ) خوفتني >_<
لأن في مرة واحد من اقاربي الكبار كان عنده مرض اسمه غرغرينا قطعوا له اصبعه عشان يتعالج
فاحمد ربك على النعمة
وسلامات ما تشوف شر ان شا الله ^_^
leopard_1
23-01-2005, 09:37 PM
كل عمري تصير لي ذي اكون ماشي او راكض و*برخط* يضرب اصبع رجلي الصغير بالحيط/بالباب والله يسلمك

ما اجذب عليك ..قبل شوي وانا طالع من الصاله ولا صبعي الصغير
يضرب بكرسي :( ...المشكله اني ما قدرت اطلع الالم والصرخه المكبوته في صدري
leopard_1
23-01-2005, 09:38 PM
كل عمري تصير لي ذي اكون ماشي او راكض و*برخط* يضرب اصبع رجلي الصغير بالحيط/بالباب والله يسلمك

ما اجذب عليك ..قبل شوي وانا طالع من الصاله ولا صبعي الصغير
يضرب بكرسي :( ...المشكله اني ما قدرت اطلع الالم والصرخه المكبوته في صدري
وذلك بسبب وجود الوالد <<<<<(تعرفون شو بيقولي ;) )

سلامات اخوي وما تجوف شر
وكثر من هاذي المواضيع الحلوه :D
Da S.O.S
23-01-2005, 11:27 PM
الف سلامه عليك كجف وما تشوف شر يارب
HArb200
24-01-2005, 01:06 AM
الله يعوضك باصبع خير منه

على فكره اقتراحي لك ان تدفنه في الموقع اللي تبي تنقبر فيه ..

وعقبال ماتزرع اصبع ثاني .
KJF
24-01-2005, 05:53 AM
مستر كوول: اي ذا الغرغرينا الله يحمينا منه :o اذا جا باصبعك وما قطعته, ينتشر بالرجال\اليد وبعدين بكل الجسم وتموت :bigeyes: الله يسلمك اخوي وشكرا على المرور :)
leopard:

وكثر من هاذي المواضيع الحلوه
تعرف نفسي اطلع عيني علشان احط عليها موضوع بهالمنتدى.. (امزح :D) الله يسلمك :)
Da S.O.S: الله يسلمك حبيبي :)
HArb200: :vereymad: هارب!! للمرة الاخيرة اصبعي (والحمدلله) مازال مكانه.. كتبت اسم الموضوع كذا علشان اخليكم تقرأوه :o والله يسلمك :28:

شباب الحين الساعة 6 الا خمس دقايق الصبح.. ومو قادر انام.. افكر ما بروح المدرسة :17:
الله يعين..
Y a z e e d
24-01-2005, 06:57 AM
أجبر الله عزاكم ..


الله يغفر له و يرحمه ..

( يتبرعون بالأصابع ؟ :33: )
KJF
24-01-2005, 01:16 PM
أجبر الله عزاكم ..


الله يغفر له و يرحمه ..

( يتبرعون بالأصابع ؟ :33: )




يزيد.. ردك يكفي ويزيد :33:
لا ما يتبرعون باصابع عندنا.. بس يلّا.. ركبوه كمان مرة :) <--- هذا الكلام للي ما قرأوا الموضوع او الردود كلها :)
MadlucK
25-01-2005, 05:28 AM
انا من كثر ما اصبعي دخل في البيبان والطوف ...قمت ما احس فيه :p
KJF
25-01-2005, 08:01 AM
حلو :D على الاقل ما بتحس بشي لو سوو لك عملية :o
Yamato
30-01-2005, 01:27 AM
يا حليلك يا جون يا ولد كينيدي..
وعلى ذكر الاصابع فلي معهم تجربتين..
والمرة الاولى ذكرها العلامة ذراع الاصبعي.. حيث اصبت في احدى فقرات اصبعي بحالة لا ادري بما توصف غير انها كانت حالة كثيرة الحك والالم.. ورغم لك بقيت صابرا محتسبا.. ولم ازهب للدكتور.. الى ان حدث انتفاخ.. وهنا قامت الوالدة مشكورة بالقيام يعملية تنظيف لهذا التقيح.. حيث استخدمت مادة تسمى ال كيلانيكس.. والطريقة كانت بان امسكت هذا ال كيلانيكس وادخلته وبقوة في مكان التقيح وادارته دورة تقدر ب 100 سنة ضوئية من الالم.. بان على اثرها عضمة يدي الابيضاني.. وبعد ان انهت العملية وهي راضية عن فعلتها.. بدت انظر الى عظمي وانا ذاهل لا اقوى عالشكر ابدا ابدا.. :17:
والحمدلله انه السالفة مرت بالتنظيف وما زاد.. :31:

والمرة الثانية افصح عنه الخبير الاستراتيجي فووت بن ليغ.. حيث انني كنت امارس وقتها رياضة تعرف حاليا بكرة القدم.. ووقتها جرت العادة (عندي بالطبع) انني اركل الكرة بمقدمة قدمي.. وحدث انني وقتها كنت اتجهز لركل الكرة وعلى ارضية ازفلتية.. وعندما هممت بالركل.. حدث تلامس كوني بين جلدة اصابعي مع خدود الازفلت.. اسفرت الاحداث على اثرها ان انسلخت بعض ابناء جلدتي عني.. وبما انه يعرف عني انني كاره للدماء فانني على الفور امسكت رجلي وحاولت المشي ذاهلا غير ابه لما حصل... المهم انه بالقرب من ذلك المكان تواجد والدي الذي هرعت انا وليس هو اليه ونقلني الى المستشفى حيث تم قطع اعناق الاجلد المنشقين تحت انظار سمونا...


وبالاخير حمدلله عالسلامة يا فتى.. :08:
Fly_Batman
30-01-2005, 03:21 AM
ماتشوف شر أخوي العزيز.... ;) وتقوم بالسلامة :)
ميستي
30-01-2005, 09:13 AM
هلا وغلااااا

ياربي العنوااان يوجع القلب ..كان قلت ابيكم تدعون لي

وكان كلهم يدخلوون .. بلا هل عنوان .. و إن شاء الله هل شيء مايصير لك

وماقول إلا الله يعيييينك

انااااا صار لي من شهوور .. أني كنت اركض بالمدرسة(مسابقة) واجي اصفع على الأرض .. وانعوج صبعي(في يدي موووب رجلي)كان أصغر صبع باليد اليسرى ..ويوم رحت للمستشفى .. قال الطبيب احتمال يحتاج عمليه

ودخلوني غرفة العمليات .. بعدين مااحتجت عمليه .ماادري شنو سووو .. كنت مخدرة كلش.. بس والله عاانييييت كثيييير كثيير .. والحمد لله على كل حال


وعقبال مانقولك حمد الله على سلامتك يااااااااخونا الغالي^___^
KJF
30-01-2005, 09:22 AM
Yamato: جون يا ولد كينيدي...؟ >< سلمت يا عم :17:
fly_batman: مشكور عمو باتمان :D
ميستي: انعوج اصبعك؟ :wow: Ouch... سلمتي اختي :)
Prince Of Darkness
03-02-2005, 10:36 AM
يا حرام http://webpost.net/ma/Mahdee1987/1050698020.gif قطعو لك اصبعك http://webpost.net/ma/Mahdee1987/1050698020.gif ( أمزح :p ) .. بس اختيارك للعنوان موفق .. وخلّى كل واحد يشوف العنوان ذا يدخل على الموضوع :D

على العموم الحمد لله على السلامة و شكرا على الموضوع :p
GWAD.com
03-02-2005, 01:57 PM
والله أخوووووووووووووووووي أقلك سلامات :أفكر: :أفكر:


مادري كيف كنت تحس بالألم بس إنشالله تتحسن .:vereymad: :vereymad:


أخوك:

جواد :icon6: :icon6: jwad
KJF
03-02-2005, 02:03 PM
Prince Of Darkness: سملت اخوي :D
GWAD.com: اخوي تحسنّت والحمدلله :) وسلمت
حسـ(باشا)ـان
03-02-2005, 02:35 PM
سلامات ان شاء الله ما تشوف شر
عندي سؤال
انت عندك السكر؟؟؟
KJF
05-02-2005, 04:17 PM
hssaan سلمت اخوي :)
لا ما عندي السكّر :) لو عندي كنت بنزف للموت ><