المساعد الشخصي الرقمي

مشاهدة النسخة كاملة : عام موضوع عيوب الـPSP بالصور


AbuElresh
29-01-2005, 11:17 PM
احلى تحية لأعضاء ومشرفي المنتدى ...

اول شيء موضوع عيوب الـPSP راح تلقوه هنا

مثل ما شفتوا العيوب اللي انا مجربها كتبتها .. وهذه الصور ..


http://yasser.ws/up4/uploads/01.jpg

الصور هذه توضح الـPSP بعد ما كتبت على يدي AbuElresh .. وانا تعمتد انه الكتابة ما تطلع واضحة عشان لا تقولوا اني اخذت هذه الصورة وحرفت فيها من الفوتو شب


http://yasser.ws/up4/uploads/02.jpg

الصورة هذه نفس الصورة الاولى لكن الكتابة على ورقة


http://yasser.ws/up4/uploads/03.jpg

الصورة هذه يمكن ما تكون واضحة لكن الهدف منها هو البصمات الموجودة على الجهاز وازارير الجهاز قريبة من الشاشة


http://yasser.ws/up4/uploads/04.jpg

مثل ماهو واضح مدخل الاقراص .. جداً ضيق وبصعوبة يغلق بعد ما توضع السيدي


http://yasser.ws/up4/uploads/05.jpg

اخر صورة توضح البوم ميتل جير اسيد وعلبة الـPSP الأمريكي


ان شاءالله تكون الصور واضحة .. وان شاءالله تصدقوا كلامي هذه المرة ..
بالنسبة للأخ soul_UAE انا وضحت ان GT4 هي اساساً على الـPS2 وعلى فكرة قريب نزولها في الخليج .. لكن يعتبر الجزء الأول على الـPSP

برضو احب اشكر اخوي TOTI 10 على الموقع .. وكانت فعلا العيوب موجودة وكانت كثير ومن ضمنها العيوب اللي كتبتها .. وكانت في عيوب انا كنت مرتاح لها مثل (أزارير الـR و L لم تصنع بشكل جيد) بالنسبة لي ماكان في اية مشكلة عليها .. بالعكس انا شفتها مريحة ..

باختصار انا كتبت العيوب لأن الجهاز عندي وجربته والدليل الصور اللي شفتوها .. وعلى فكرة الجهاز فعلا جاني من امريكا واثبات هذا الشيء (يمكن مو واضح في الصور) انه شاشة الجهاز الامريكي Panasonic بينما الياباني Toshiba
وبامكانكم الاستفسار عن هذه المعلومة والتأكد منها ..

ملاحظات:
1- الـPSP الامريكي باقي له تقريباً شهر ويكون موجود عندنا هنا في الخليج
2- بالنسبة للعبة GT انا ماصورتها لانها ما كانت لي .. انا طلبت جهازين PSP ولعبة ميتل جير اسيد ولعبة جي تي
الجهاز الأول ولعبة جي تي ماكانت لي لهذا السبب انا ما قدرت اصورها ..
3- قيمة الجهاز 570 دولار امريكي واللعبة قيمتها من 75 الى 90 دولار امريكي .. بامكانكم تحسبوا الفرق ..

مع أرقى التحيات,,,
msm
30-01-2005, 12:18 AM
مبروك عليك الجهاز .. وباين انك مصوره في محل ألعاب :09: ..

بس عندك معلومات غلط عن الالعاب والجهاز ..
أول شي GT4 الخاصة بالـPSP مانزلت ولاراح تنزل الشهر القادم ولا حتى اللي بعده ..
ثانياً الجهازالأمريكي لم يصدر بعد ..و متوقع صدوره آخر شهر 3 .. الظاهر انك طلبته من موقع أمريكي وظنيت ان الجهاز امريكي بينما هو ياباني والدليل اقرأ كتيب الجهاز :) .. وهذا واضح من السعر المرتفع جداً للجهاز وألعابه .. بينما السعر الرسمي المتوقع (199) أقل بكثير ..
AbuElresh
30-01-2005, 02:22 AM
اخوي msm .. يعجبني فيك ردك السريع وسرعة البديهة اللي عندك .. اليك تفسير ردك وموضوعي بالتفصيل ...

اول شيء محل الالعاب هو ملك لواحد صاحبي .. وانا كنت عنده لسببين:
الاول عشان لعبة ريزدنت ايفل الجزء الرابع على الغيم كيوب.
الثاني والأهم لانه عنده جوال (الدمعة) .. وهذا اللي خلاني اروح عنده عشان اصور الـPSP.
وعلى فكرة .. هو اللي قدر يجبلي الجهازين بالألعاب .. وكنت اتمنى انه لعبة جي تي موجودة عشان تشوفها لكن للأسف :( ...

بالنسبة للجهاز الامريكي راح يكون موجود عندنا بنهاية شهر 2 او بداية شهر 3 .. مثل ما قلت انه باقي له شهر حتى ينزل عندنا .. وممكن جداً انه يكون في نهاية شهر 3 ليش لأ .. المهم انه راح يكون موجود عندنا هنا بعد فترة قصيرة .. ماراح نختلف على هذه المعلومة ...

اما بالنسبة للسعر انا قلت انه بـ 570 دولار (يعني 2109 ريال سعودي تقريباً) وطبعاً اذا وصل عندنا هنا راح يكون سعره مرتع .. اما اذا كان مثل ما تقول السعر تقريباً 200 دولار (يعني 740 ريال سعودي) أقل من قيمة البلاي ستيشن Slim واذا وصل عندنا هنا ممكن ان سعره يصير بـ 300 دولار (تخمين) (يعني 1110 ريال سعودي) او حتى 400 دولار (1480 ريال سعودي) او حتى 500 دولار (يعني 1850 ريال سعودي) .. حيكون برضو الجهاز الياباني اغلى لان قيمة الجهاز الياباني عندنا (2450 ريال سعودي) وألعابه من 270 ريال الى 330 ريال سعودي (على فكرة الجهاز في وضع نزول للسعر) .. يعني على حد قولك اذا كان الجهاز الامريكي ما صدر راح يكون سعره اقل من سعر الجهاز الياباني بعد تصليح العيوب اللي فيه .. :06: امر جداً محيير ...

اخوي msm يمكن راح نوصل لباب مسدود عن الـPSP .. لان انت مقتنع بوجهت نظرك وانا برضو .. يمكن يكون الموضوع غريب بالنسبة لك لانك بتشوف في المواقع كلام غير اللي انا اقوله .. لكن ابيك تتاكد من شيئين:
الموضوع والرد اللي قلته مافيه شيء من الكذب ... وغير كذا انا متلهف لاني اشوف ردك في اسرع وقت ممكن عشان نقتنع انا وانت ..

مع ارقى التحيات,,,
Guilty Gear X
30-01-2005, 03:49 AM
سعر الجهاز 200 دولار امريكي
Flanteus
30-01-2005, 05:40 AM
اعتقد في حاجة اسمها الأسعار الرسمية ولا انا غلطان :33: !!





الأسعار تختلف من حرامي لحرامي آخر :08:
ويبقى السعر الرسمي معروفا ....


انا لا اقصد ان محل صديقك حرامي:09: ولكن في الأصل عند نزول البي اس بي شركة سوني سوت حركة غبية شوي هي اللي جعلت الأسعار ترتفع :28:

والدليل ان النينتندو دي اس سعره لا يتجاوز 1200 ريال وهذا معقول عندنا :biggrin:



سلام
msm
30-01-2005, 05:56 AM
بالنسبة للاسعار مثل ماذكر قبلي ..سعر الجهاز الرسمي الياباني أقل من 200 دولار .. الأمريكي متوقع انه 200 دولار ..
لكن طبعاً مع الشحن + الإستغلال اللي عندنا في السوق يوصل السعر الى 400 و 500 مثل ماقلت انت .. هذا اللي كنت أقصده من ردي الاول توضيح ان سعر الجهاز الحقيقي ليس 570 دولار كما تفضلت ..

ولايوجد جهاز أمريكي حتى الآن (حيث تقول : "علبة الـPSP الأمريكي").. ولاتوجد GT4 للـPSP حتى الآن (يمكن تصدر منتصف 2005 !) .. يمكن انك مشبه بلعبة ريدج ريسر :33: ..
AbuElresh
30-01-2005, 06:21 AM
يا شباب انا ماراح اتكلم كثير عن الاسعار لاني بصراحة ما افهم فيها .. لكن اللي انا متاكد منه هو اذا كان سعر الـPSP مثل ما تقولوا 200 دولار راح تفلس شركة سوني الامريكية .. اذا كان البلاي ستيشن الجديد المطور Slim قيمته في المحلات (بغض النظر عن محل صاحبي) :biggrin: من 700 الى 850 ريال سعودي .. والـPSP الياباني سعره تقريباً مابين 2000 الى 2500 ريال سعودي .. هل من المعقول انه الـPSP سعره راح يكون اقل من سعر البلاي ستيشن Slim والـPSP الياباني 740 ريال سعودي؟؟
يمكن مثل ما قال اخوي Flanteus انه في حركة سوتها شركة سوني .. بس وش هي؟؟ وعلى اي اساس خلت السعر يرتفع؟؟

عموما مسألة السعر مو هي المشكلة .. يمكن اكون انا وصاحبي غلطانين وتكونوا انتوا الصح ويمكن العكس .. اللي راح يثبت هذا الشيء هو وقت نزول الـPSP الامريكي عندنا .. وقتها راح نشوف كم سعره ..
منتظر ردكم ..

على فكرة أخوي msm بالنسبة للعبة GT معلوماتك كانت صحيحة انا كنت غلطان ..
انا مثل ما قلت طلبت جهازين ولعبة MGA وGT .. الـباكج اللي وصلني هو اللي شفته في الصور .. لكن بالنسبة للشخص اللي اخذ الجهاز واللعبة الثانية كان فيه اتصال هاتفي بيني وبينه .. وكانا بنتكلم عن الـPSP والالعاب اللي معاها .. اتضح انه اللعبة اللي معاه مش GT .. والمشكلة انه صار يضحك لما قلتله (كيف لعبة GT) .. فانا باتاسف منك مرة ثانية اخوي وطبعاً ما انسى برضو الاخوان soul_UAE وTOTI 10 .. وانا اكرر اسفي لكم ...

مع ارقى التحيات,,,
AbuElresh
30-01-2005, 06:48 AM
مرحبا اخوي msm .. انا بعد مارسلت الرد لقيت ردك موجد .. مثل ما قلت يعجبني فيك ردك السريع ..
انت اللحين وضحت لي وجهت نظرك .. انا حطيت اكثر من 500 دولار عشان الـPSP .. مثل ما قلت مصاريف الشحن + الاستغلال الموجود عندنا (حتى صاحبي يستغلني) :vereymad: خلاني ادفع المبلغ هذا .. يعني ممكن يكون الجهاز قيمته 200 دولار في امريكا .. لكن اذا وصل عندنا هنا صدقني راح تحط اكثر من 600 دولار عشان تشتريه ..

بالنسبة للجهاز .. اللي موجود عندي امريكي حتى الكتيب .. حتى MGA برضو امريكية .. انا ما راح اتناقش في هذا الموضوع راح اخليها للايام وبصراحة انت خليتني اشك بنوعية الجهاز اللي عندي وجودته.. لكن تعتقد انه ممكن يكون الجهاز ياباني بس تجميع امريكي؟؟ :09: امزح ..
عموماً مثل ما قلت خليها للايام .. اذا نزل الجهاز في الاشهر الجاية القريبة .FEB او .MAR فمعناته معلوماتي صحيحة والجهاز اللي عندي امريكي .. اما اذا طول وقت نزوله معناته معلوماتك صحيحة .. وحيكون امري وخيرتي لله انزل ابيع الجهاز واشتري الامريكي واخسر قد اللي خسرته مرتين .. وبرضو لا ننسى قطعت الجوال ..

مع ارقى التحيات,,,