الخبير 2004
01-02-2005, 07:18 AM
السنة الأولى
تشير الساعة الى 6:30 صباحا
تودع زوجها وهو طالع للعمل وتقول له بالسلامة يا حبيبي
الساعة 11 صباحا
تتصل عليه في العمل وتقول له حبيت اسمع صوتك بس يا عمري
الساعة 3 العصر
تستقبله وهي متشيكه وتبوسه وهو داخل للبيت وتقول له الغدا جاهز يا حياتي ..تحب احطه لك الحين ؟
الساعة 5 العصر
تصحيه من النوم ببوسه وتقول له اعمل لك شاي يا حبي ؟
الساعة 6 المغرب
تسبل عيونها وتقول بكل خجل يا ريت يا حبيبي .. يعني لو ما عليك كلافه .. يعني إذا تقدر توديني شوي لبيت أهلي إذا كنت تقدر يا عمري وقبل ما ينطق بكلمه ( إذا ما تقدر خلاص مو لازم ) وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في العليا
الساعة 8 بالليل
تتصل على الجوال وتقول ( اشتقت لك يا عمري .. يا ريت تمرني ونروح للبيت ) وطبعا هو عارف وش بيجيه في البيت فيطمر ويقول للشباب آسف والله يا شباب رأسي مصدع ولازم امشي
الساعة 10 بالليل
تجلس وتقول ( الله يا حبي تتذكر ؟ تتذكر أيام الخطوبة لما كنت تعمل المستحيل عشان تشوفني ..وأنا يا ما كذبت على أبوي وقلت له اني طالعه مع أمي وأنا أصلا متفقه مع أمي عشان اطلع معك )
الساعة 11 بالليل
الوصول الى هذه الصفحة غير مسموح
بعد مرور عشر سنوات
الساعة 6:30 صباحا
هي في سابع نومه
الساعة 11 صباحا
هي برضه في سابع نومه
الساعة 3 العصر
تستقبله وهي نافخه خشتها وتقول ( شف لي حل مع ولدك علي هذا ..حتى الآن ما حل الواجب .. وسوبر الله يأخذ عمرها إن شاء الله شاقه مريولها في المدرسة …عطني فلوس لازم أروح اشتري لها واحد غيره … وصويلح يبي علبة هندسة تو انه يقول لي يوم أن الاختبار صار بكره … وترى موضي تكنفست مع الدرج وهي كانت في المشايه … والظاهر إنها تعورت …كله من هالشغاله الله يا خذها ….اسمع يا أنا يا هالشغاله في هالبيت ….أبيك اليوم تسفرها ما أبى أشوفها وأبيك بسرعة تقدم على وحده ثانيه ….وما أبيها تصير حلوه …..يا ويلك لو صارت حلوه …..وبعدين شغالتي أبيك تشرط عليها إذا سفرتها ما عاد تشتغل عند أحد …. عشان ما تقول أسرار بيتنا للناس اللي تشتغل عندهم ( ما تدري أن أسرار بيتهم كلها عند الجيران من لسانها هاللي وش طوله ) و …و …..و
الساعة 5 العصر
هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الأمراض الخطيرة الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعية …والإيدز ..الخ )
الساعة 6 المغرب
هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم أبوي ..وبعدين نبي نروح نشتري للبنت مريول ..وبعدين بنت عمي والده ولازم أروح اشتري لها هديه من باتشي و ابي امر على المشغل ..وبعدين حطنا عند أختي في الشفا من زمان ما شفناهم ……وفي هاللحظه فكر هو انه يشتغل ليموزين احسن له
الساعة 8 بالليل
تتصل على الجوال ( وينك فيه ؟ وبعدين وين بتروح ؟ ومنهو اللي معك هذا ؟ ووش بتسون ؟ ومتى بتجي ؟ لا ما فيه الساعة 12 تعال الساعة 10 )
الساعة 10 بالليل
جالسين هي وياه عند التلفزيون ..أخيرا هدوء ..والعيال نايمين ..والجو جميل ..وفجأة تطالعه وهي ماده بوزها وتقول ( الحين أمك وش عندها اليوم ما ترد يوم اني سلمت ؟ هاه ؟ ) ( والله ما ادري كان سألتيها ) ( وأختك وش هالحركات اللي مالها سنعة …ليش عازمة الجيران وكل حريم إخوانك إلا أنا ؟؟؟ لكن هين والله لاسوي عزيمة وما أناديها … أصلا هي ما زارتني في المستشفى يوم اني ولدت
وأنا فاهمة قصدها ..لكن هين ..والله لو تحب السما ما نيب زايرتها إذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين أختك نوره يوم أنها تقول أن علي ولدي يشبهني ما يشبه أبوه وش قصدها هاه )
ملاحظة : علي هو أشين إخوانه
أنا فاهمة قصدها وتراها إذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( اللي هو الزوج ) حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت هي ثم تقول ( وبعدين أخوك شاري لحرمته ساعة قيمتها عشرين ألف ريال ) يرد ( طيب وش المشكلة ؟ ) ( وأنا ليش ما تشتري لي ..وإلا أنا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ ) ( خلاص اشتري لك ساعة ) تعصب وتقول ( إيه تسكتني بها لكلام ….والله لانت شاري ولا شي ) ( وش تبيني أقول يا بنت الحلال ؟ ) تقوم وهي تبكي خلاص ما ابي منك شي
الساعة 11 بالليل
هي زعلانه ونايمه مع العيال
وهو يلعن اليوم اللي تزوج فيه
مغشوش:D
تشير الساعة الى 6:30 صباحا
تودع زوجها وهو طالع للعمل وتقول له بالسلامة يا حبيبي
الساعة 11 صباحا
تتصل عليه في العمل وتقول له حبيت اسمع صوتك بس يا عمري
الساعة 3 العصر
تستقبله وهي متشيكه وتبوسه وهو داخل للبيت وتقول له الغدا جاهز يا حياتي ..تحب احطه لك الحين ؟
الساعة 5 العصر
تصحيه من النوم ببوسه وتقول له اعمل لك شاي يا حبي ؟
الساعة 6 المغرب
تسبل عيونها وتقول بكل خجل يا ريت يا حبيبي .. يعني لو ما عليك كلافه .. يعني إذا تقدر توديني شوي لبيت أهلي إذا كنت تقدر يا عمري وقبل ما ينطق بكلمه ( إذا ما تقدر خلاص مو لازم ) وطبعا يضيع هو في نظره من عيونها ويوديها لاهلها ولو انهم ساكنين في السويدي وهو ساكن في العليا
الساعة 8 بالليل
تتصل على الجوال وتقول ( اشتقت لك يا عمري .. يا ريت تمرني ونروح للبيت ) وطبعا هو عارف وش بيجيه في البيت فيطمر ويقول للشباب آسف والله يا شباب رأسي مصدع ولازم امشي
الساعة 10 بالليل
تجلس وتقول ( الله يا حبي تتذكر ؟ تتذكر أيام الخطوبة لما كنت تعمل المستحيل عشان تشوفني ..وأنا يا ما كذبت على أبوي وقلت له اني طالعه مع أمي وأنا أصلا متفقه مع أمي عشان اطلع معك )
الساعة 11 بالليل
الوصول الى هذه الصفحة غير مسموح
بعد مرور عشر سنوات
الساعة 6:30 صباحا
هي في سابع نومه
الساعة 11 صباحا
هي برضه في سابع نومه
الساعة 3 العصر
تستقبله وهي نافخه خشتها وتقول ( شف لي حل مع ولدك علي هذا ..حتى الآن ما حل الواجب .. وسوبر الله يأخذ عمرها إن شاء الله شاقه مريولها في المدرسة …عطني فلوس لازم أروح اشتري لها واحد غيره … وصويلح يبي علبة هندسة تو انه يقول لي يوم أن الاختبار صار بكره … وترى موضي تكنفست مع الدرج وهي كانت في المشايه … والظاهر إنها تعورت …كله من هالشغاله الله يا خذها ….اسمع يا أنا يا هالشغاله في هالبيت ….أبيك اليوم تسفرها ما أبى أشوفها وأبيك بسرعة تقدم على وحده ثانيه ….وما أبيها تصير حلوه …..يا ويلك لو صارت حلوه …..وبعدين شغالتي أبيك تشرط عليها إذا سفرتها ما عاد تشتغل عند أحد …. عشان ما تقول أسرار بيتنا للناس اللي تشتغل عندهم ( ما تدري أن أسرار بيتهم كلها عند الجيران من لسانها هاللي وش طوله ) و …و …..و
الساعة 5 العصر
هي تفك هوشه بين سوير واخوها ويصحى هو على صوتها وهي تهاوش وتدعي عليهم بجميع الأمراض الخطيرة الحديث منها والقديم ( جعلكم للطاعون …جعلكم للحمى …جعلكم للوادي المتصدع …جعلكم للحمى القلاعية …والإيدز ..الخ )
الساعة 6 المغرب
هو جالس يشرب الشاهي وهي تقول ( نبي نروح لامي بتجيهم بنت خالة جد ولد عم أبوي ..وبعدين نبي نروح نشتري للبنت مريول ..وبعدين بنت عمي والده ولازم أروح اشتري لها هديه من باتشي و ابي امر على المشغل ..وبعدين حطنا عند أختي في الشفا من زمان ما شفناهم ……وفي هاللحظه فكر هو انه يشتغل ليموزين احسن له
الساعة 8 بالليل
تتصل على الجوال ( وينك فيه ؟ وبعدين وين بتروح ؟ ومنهو اللي معك هذا ؟ ووش بتسون ؟ ومتى بتجي ؟ لا ما فيه الساعة 12 تعال الساعة 10 )
الساعة 10 بالليل
جالسين هي وياه عند التلفزيون ..أخيرا هدوء ..والعيال نايمين ..والجو جميل ..وفجأة تطالعه وهي ماده بوزها وتقول ( الحين أمك وش عندها اليوم ما ترد يوم اني سلمت ؟ هاه ؟ ) ( والله ما ادري كان سألتيها ) ( وأختك وش هالحركات اللي مالها سنعة …ليش عازمة الجيران وكل حريم إخوانك إلا أنا ؟؟؟ لكن هين والله لاسوي عزيمة وما أناديها … أصلا هي ما زارتني في المستشفى يوم اني ولدت
وأنا فاهمة قصدها ..لكن هين ..والله لو تحب السما ما نيب زايرتها إذا ولدت ……وبعدين بنات عمك وش عندهم نافخين عمرهم ؟؟ على ايش ابي افهم ….على جمالهم الزايد اللهم لك الحمد بس ) تسكت شوي بعدين تقول ( وبعدين أختك نوره يوم أنها تقول أن علي ولدي يشبهني ما يشبه أبوه وش قصدها هاه )
ملاحظة : علي هو أشين إخوانه
أنا فاهمة قصدها وتراها إذا ما بطلت هالحركات والغمز واللمز تراني ابسمعها كلمتين واخليها تحترم نفسها …..لا وذاك اليوم تقول اخوي محمد ( اللي هو الزوج ) حلو مره و3 من حريم الجيران قد خطبوه لبناتهم ….من زينك بس ما ادري وش لاقين فيك ) . يسكت وما يرد , تسكت هي ثم تقول ( وبعدين أخوك شاري لحرمته ساعة قيمتها عشرين ألف ريال ) يرد ( طيب وش المشكلة ؟ ) ( وأنا ليش ما تشتري لي ..وإلا أنا ما استاهل ..ولو هي يعني احسن مني … بلاك ما شفتها ..شينه وطبايعها شينه وحتى طبخ ما تعرف تطبخ ) ( خلاص اشتري لك ساعة ) تعصب وتقول ( إيه تسكتني بها لكلام ….والله لانت شاري ولا شي ) ( وش تبيني أقول يا بنت الحلال ؟ ) تقوم وهي تبكي خلاص ما ابي منك شي
الساعة 11 بالليل
هي زعلانه ونايمه مع العيال
وهو يلعن اليوم اللي تزوج فيه
مغشوش:D