الكنادير او الدشداشه الخليجيه من الافضل بينهم ^^

[Grandia]

السلام عليكم

الموضوع شيق :biggrin:

الكنادير كل دوله خليجيه لها شكل مختلف عن الاخرى انا من رأيي لنبدأ

السعودي : انا كثير اسافر السعوديه لي اقارب هناك والاحظ اكثر الثياب مخصره وخفيفه شوي والجيب علي الصدر وامش يااخو سلمان انا يوم اروح السعوديه افصل احيانا سعودي بس ما يضبط علي بس احسن شي فيه :09: انه يخليك ضعيف :icon6:

العربي (الاماراتي): انا من الامارات وما افصل كثير عربي بس هو الاكثر عندنا مضبوط هو بس الباط يكون وسيع واحيانا يخلي شكلك بطيخه لو ما ضبطه الخياط :) والطربوش يعطي شكل فيه ناس يعجبهم وناس لا

الكويتي : شكله قديم :08: بس لا بأس فيه بس عندنا في الامارات كويتي مضبط احسن من اللي في الكويت مرتب ترتيب يعجبك انا اكثر كناديري كويتي بس علي الطريقه الاماراتيه :biggthump

قطري : هذا علي كيفك رهيب شكله اضرب لك كرتون نصق وزنك علي الرقبه والبس غترة وضبطها كوبرا :biggthump وقلسات علي الاكمام ومن اللي يكلمك امش شيخ بس القطري عندنا فيه ناس تلبسه يعني وسط

البحريني : والله ما اعرفه زين معدوم عندنا

العماني : شبيه بلأماراتي بس شوي الطربوش اصغر واختلافات بسيطه

انا شخصيا افضل الكويتي علي الطريقه الاماراتيه :)

يالله مع السلامه :biggthump

[QataR NighTMarE]

قطري : هذا علي كيفك رهيب شكله اضرب لك كرتون نصق وزنك علي الرقبه والبس غترة وضبطها كوبرا :biggthump وقلسات علي الاكمام ومن اللي يكلمك امش شيخ بس القطري عندنا فيه ناس تلبسه يعني وسط


ثانيكو :D
بالنسبه لي احب ثياب قطر واحس انهم كشخه ورزه اكثر من باقي دول الخليج :)
وتعجبني ايضاً ثياب الأمارات بس للأسف بقطر ما يضبطونها ماينفع الا تفصل بالأمارات :09:
يعطيك العافيه اخوي

[Doel]

وتعجبني ايضاً ثياب الأمارات بس للأسف بقطر ما يضبطونها ماينفع الا تفصل بالأمارات :09:
يعطيك العافيه اخوي

لو ما قلتها كنت بذبحك ;)


العربي (الاماراتي): انا من الامارات وما افصل كثير عربي بس هو الاكثر عندنا مضبوط هو بس الباط يكون وسيع واحيانا يخلي شكلك بطيخه لو ما ضبطه الخياط والطربوش يعطي شكل فيه ناس يعجبهم وناس لا

همممم انا انحاز و بشده للكنادير الإماراتيه .... لا شيئ يعلى عليها .. حتى و انا في امريكا .. عندي كندورتين و غترتين (حق العيد و هالسوالف :D )

جرانديا .. انت عند منو تخيط؟ :P .. عنبوه ... بطيخه مرة وحده؟ :09:

والله مافي احسن من افتاب... نفصل عنده من أيام يدي الله يرحمه :P ... <<== يسوي دعايه

لا .. و كل ما نبدل .. لازم نرجعله ... تقول "نقل فؤادك حيث شئت من الهوى **** مالحب الا للحبيب الأول" :08:

كنادير الكويت ... مثل ما قلت .. قديمه .. و انا اصلا عمري ما تدخل مخي هالكنادير ... تحسها حق الأستاذ عصام عزوز في المدرسه عقب صلاة العصر :09:

قطر .. قطر و ما ادراك ما قطر ..... تحس كناديرهم طالعه من العصر الفكتوري (مب الفيكتوري تيم)... ملكيه

السعوديه.... الكنادير "المثقفه" .. دايما تحصلهم حاطين قلم أو 2 في الجيب اللي عالصدر هذا :08:

Doel

[NsaN]

هههههههه..الصراحة موضوع انتيكة.. :biggthump

يوم اني صغير كله كنت البس كويتي و قطري..
بس من الاعدادية تقريباً قمت البس كنادير عربية (اماراتية يعني)..

و حالياً عدت الى الحب القديم الا و هو الكويتي..
اكثر كنادير احسها تركب علي و على شخصيتي (Stupid Yes, But It's Really Related)..
خاصة و اني هب من النوع الي يحب يلبس غترة وايد.. :أفكر:

السعودي احسه Too Damn Tight :boggled:
و قماشهم بعد خفيف وايد..مقارنة بالطرابيل اللي نلبسها بالامارات..
كناديرنا تقول خيم يا ريال..و صوتها مزعج يوم تمشي بها..

القطري..هممم..مادري بس ما عاد يدخل راشي شرات قبل.. :33:

البحريني..ما اعرفه الصراحة...ما اعتقد انه مختلف عن الكويتي و لا؟؟

العماني..Sorry But BIG NO -____-..

مشكور اخوي عالموضوع الممتع و يعطيك الف عافية...

[Grandia]

انا افصل عند النصاب الخياط العربي الممتاز اسعاره نار بس تفصيله علي كيفيك عربي وكويتي وكل شي احسن خياط عندي بدون منازع بس السعر ااوووف نار

[Trapped Inside]

ههههههههههه عالموضوع ^^


انا عموما اكره الثياب .. وما عمري لبست غير السعودي ..


بس كثار اعرفهم يحبون الثياب الاماراتيه والعمانيه .. واغلبهم ينامون فيها يقولون مريحه -__-


مشكور على الموضوع ^^ ..

[Trapped Inside]

هههههههه عالموضوع ^^ ..


اول ما قريت العنوان كنت احسبك تتكلم عن الجزم .. بالسعوديه نسميها " كنادر " احيانا :D


عموما انا اكره الثياب .. وما عمري لبست الا السعودي ..


بس اعرف كثار يحبون الثياب العمانيه والاماراتيه .. ليش ؟ عشان ينامون فيها :biggrin:

مشكور عالموضوع ^^

[الموهوب]

ههههههههههههههههه


جرانديا موجود عندنا هنا :biggthump



وبالنسبه للسعودي عاد مو ضيق لذيك الدرجه :أفكر:


وانا مثل ماقالTrapped Inside

احسبك تقصد جزم :أفكر: لان البعض عندنا يسمونها كنادر :أفكر:


وانا بالنسبه لي ماقد لبست الا سعودي :D

ومافكر ابدا غير ذلك :09:

[MadlucK]

الايماراتي ..اذا لبسته احس اني شايل كيلو قماش على جسمي :p

السعودي : رووووووعه ...واكثر شي البسه

الكويتي : مرات البس اذا صار لي مزاج كويتي :p هههههه

والباقي ما جربت .....شكرا

[Yamato]

انا ومن صغري كله ديساين كويتي.. وخصوصا بالقماش الخفيف.. مريح جدا..
بس بالفترة الاخيرة قمت افصل عربي.. بس من دون الطربوش.. افكر افصلي عربي مع الطربوش.. مع اني احسه هم معلق جدامي.. :33:

عندنا في الجامعة شباب من دول الخليج الثانية..
العماني.. اعرف واحد.. وما شاء الله.. يحبون يلونون في الاقمشة..
البقية.. دايما اخربط بينهم.. في جماعة ما ادري من اي دولة هم.. قطر البحرين السعودية.. بس لبسهم Tight down THERE.. >_<

وتسلم عالموضوع التراثي يا فتى البرامج..

[D0WN~T0WN]

عندنا السعودي هو الاكثر ينلبس
وطبعا بعده الاماراتي وجت فترة انتشر بشكل غير طبيعي واللين الحين عليه طلب
وبعض الاحيان اشوف القطري بس ماش ماعجبني مرة

انا من ناحيتي البس سعودي
وبعض الاحيان مغربي! وخاصة بالشتا

مشكورين

[JAK]

انا اشوف القطري هو الاكشخ و مب ضيق عادي يعني لكن السعودي ضيق بس مظهره حلو اما الاماراتي خفيف و فله :biggthump

[Fly_Batman]

وعليكم السلام ورحمة الله وبركاته

صراحة..انا يعجبني اللبس السوداني..مفضفض..ومرة شكله حلو.. :D ...وصراحة السعودي هو الغالب في اسواقنا..بعد السوداني اكيد.. :D
ومشكوور اخوي على الموضوع..^^

[asf4ever]

صراحة..انا يعجبني اللبس السوداني..مفضفض..ومرة شكله حلو.. :D ...وصراحة السعودي هو الغالب في اسواقنا..بعد السوداني اكيد.. :D



دخلتنا في السوداني والموضوع عن الخليجي
ضحكتني يا شيخ:p


أما بالنسبة لي فهو الكويتي أحسه راكب علي وما فيه مشاكل
وبعده طبعا(لازم يكون فيني وطنية) ألبس إماراتي والطربوش (مثل ما تقولون@@) ما أسويه إلا نادرا

وطبعا بعد ذلك هو القماش المستخدم فله تأثير أيضا
وأنا النوع الي أكرهه من الأقمشة هو القرطاس سوحقن له><


كناديرنا تقول خيم يا ريال..و صوتها مزعج يوم تمشي بها..

إنت ما فيك وطنية
وثانيا هذا من القطعة(القماش):28:

يعني بإختصار
1-الكويتي
2- الإماراتي
وما أفكر أجرب غيرهم لأنهم ما عجبوني أبد

وشكرا على الموضوع الذي يثير النزعة العنصرية...

[الموهوب]

وشكرا على الموضوع الذي يثير النزعة العنصرية...


ماقلتلك تبي تطاق انت اليوم :D

-----------
وما دامنا دخلنا بالسوداني


فـــ

وش رايكم بالباكستاني والله بطل :biggthump

:D

[ez2dj]

أنا افضل الكويتي والعربي

بس عندنا ماشيه موضة اللبس الثقيل "الطربال" .. وخاصة الالمانية .. تنفع للنحاف تبين أنه شوي مليان

أما القطري أحسها تنفع للشخص الطويل :09:



الا صح اخوانا الكويتين اشوفهم في الشتا دوم يلبسون صوف أسود وتكون مخيوط معاه رقعه ثانية لونها ابيض ..صراحة هذي داخلة مزاجي بس شكله ولا خياط يضبطها عندنا !

[HArb200]

انا افضل القطري ..

[Electro M]

انا توني ادري انه في فرق بين الثياب:09:
اللي اعرفه ان فيه ثوب اماراتي و خليجي
الاماراتي معروف و الخليجي معروف
الخليجي كله واحد اللهم بعض الاختلافات في الاكمام و الياقات حسب الدولة

[dj_bo0oy]

انا افضل الاماراتي :biggthump
مره وحد جربة الكويتي ..

بس ماحب البس الطربوش وايد :31:
واذا البس الكندوره لازم البس الغطره :icon6:

[فيصل سنيك]

انا احب السعودي
بعدين الاماراتي
كثير في الرياض يلبسون اماراتي فلة من جد
بس احس الثوب الاماراتي يخلي الواحد سمين بس يعجبني
اما السوداني يبغال4كيلو موب متر قماش عشان تفصله لول

وشكرا

[Lena]

موضوع ولادي بحت :09:


احسب الكنادير يعني كنادر يعني جزمات يعني جواتي..
اثرها صارت الثياب
..عسى السعودي هو المخصر؟؟


تذكرت امس واحد في ابن خلدون لابس ثوب ومخصصصصصصصصره عن الخصر
صاير ناعم بزياده

مايصير يا شباب ; ;


من وجهة نظر بناتيه احلى ثوب..وطبعا مايكون الا في الشتاء هو..
هو الثوب الكويتي الي يصير ابيض وفوقه مدري ثوب ثاني مدري وشو بس لونه اسود يسمونه الدقله,,

كشخة..XD

[Lezard Valeth]

ماكو الا على الدشاديش الكويتية :biggthump


وفوقه مدري ثوب ثاني مدري وشو بس لونه اسود يسمونه الدقله,,

اعتقد قصدج السديري :33:

[Angel whisper]

ماكو الا على الدشاديش الكويتية :biggthump



اعتقد قصدج السديري :33:
I guess so !!

ابويه يلبس الكويتيات
واخواني القطريات والاماراتيات

السعوديات ما يدسن مخي :31:

[7_Dark Soul]

انا افضل الكويتي:biggthump

يعلو ولا يعلا عليه:biggrin:

[بو راشـد]

انا قلت شنو هالكنادير.؟
ولا اثاريه الدشاديش

المهم

أحلى دشداشه الدشداشه الكويتيه
يا حلوها
طبعا وطني
في الصيف
لباسنا أبيض من درجه الحرارة
وفي الشتا كل واحد يحط اللون ألي عاجبه يا قطن أو صوف
الان الجو بارد طبعا
وعاد ألحين في الشتا في موضه جديدة ظهرت من سنتين
وهي القميص من داخل تخلي شكلك زقرت فيها وعليك الشماغ الحمرررررررررررررررررررر
:biggthump :biggthump :biggthump :biggthump
وبعدين نروح لدولة الامارات
عجيبه والله لبسهم :biggthump
حتى خالي جاي من الامارات ماخذ دشداشه منهم وعاجبه ويمدح فيه
وبس

عاد ندخل بالدشدشه اليمينه :09:
صارت خليجيه صح ولا لأخخخخخخخخخخخخخخخخخخ


لا خلاص ما نتكلم عنها :D

[wael_yemen]

موضوع كذا:biggthump
على الرغم صاحبكم من اليمن لكن بقول رأيي:biggrin: .... انا أكره الكندورة:أفكر: درست هني بالامارات 12 سنة بالمدرسة لين ما طلعت روحي من الكندورة ما كنت أدري متى أروح البيت عشان أخلعها :biggthump
المهم أعتقد القطري حلو ما أدري ليش وما أدري ليش القطريين بالنسبة للعقال يكونو حاطينه على طرف الرأس :biggrin: بس تنفخ فيه يطيح على طول:biggrin:

[half life 2 fan]

كل هذا وطلعت الكنااااادير اهيا الدشاديش !!!!!

طول الوكت عبالي العقل :p اقول شفيهم هذيلا يتناقشون شنو أحسن عقال :p

طبعا الكويتي أحسن شي ... عملي ومتوسط في كل شي ...

القطري : الغوله مالته وااااايد كبيره يخليك تختنق بس الشكل اووووووكي
السعودي : بو الزرارين ... وين بس مو أحسن من القطري والكويتي
الاماراتي : ما احبه ... احس انه مو دشداشه
البحريني : صراحه مااعرف شكله
العماني : يونس :) عندهم كل الالوان وعادي تلبس دشداشه خضره :p

[بو راشـد]

كل هذا وطلعت الكنااااادير اهيا الدشاديش !!!!!

طول الوكت عبالي العقل :p اقول شفيهم هذيلا يتناقشون شنو أحسن عقال :p

طبعا الكويتي أحسن شي ... عملي ومتوسط في كل شي ...

القطري : الغوله مالته وااااايد كبيره يخليك تختنق بس الشكل اووووووكي
السعودي : بو الزرارين ... وين بس مو أحسن من القطري والكويتي
الاماراتي : ما احبه ... احس انه مو دشداشه
البحريني : صراحه مااعرف شكله
العماني : يونس :) عندهم كل الالوان وعادي تلبس دشداشه خضره :p
البحريني مثل الكويتي

[ابتسامــــــه]

صح موضوعكم عن الدشاديش والكنادير يعني يخص الرياييل .. بس هذا المنتدى عاااااام يعني عادي انا أشارك فيه :D لاتخلونـــي أعصب وأحطي موضوع عن المخور :D <<<< ماعندي معلومات عنها

أنـــا أخوانــــي من النوع إلي ينوع باللبس بس أبوي ما يلبس إلا كويتي بحكم طبيعة عمله سابقا بالكويت
لكن عمري ما شفت امااااارااااتي لابس سعودي أحسه وااايد مخصر " ماله داعي" يعني لو كان سيده احس احلى بيطلع عليهم .... ((( هم أدرى بلبسهم )) انا ليش أحشر نفسي :D


يالله سعودي كويتي قطري عماني بحريني إمااااااااااااراتي المهم لبس يعبر عن عاداتنا وتقاليدنا

إلا على طاري البحريني كيف دشتاشتهم ...؟؟


بس واااااايد طولت بالكلام .. ماله داااعي :)
















السموحه :)

[بو راشـد]

صح موضوعكم عن الدشاديش والكنادير يعني يخص الرياييل .. بس هذا المنتدى عاااااام يعني عادي انا أشارك فيه :D لاتخلونـــي أعصب وأحطي موضوع عن المخور :D <<<< ماعندي معلومات عنها

أنـــا أخوانــــي من النوع إلي ينوع باللبس بس أبوي ما يلبس إلا كويتي بحكم طبيعة عمله سابقا بالكويت
لكن عمري ما شفت امااااارااااتي لابس سعودي أحسه وااايد مخصر " ماله داعي" يعني لو كان سيده احس احلى بيطلع عليهم .... ((( هم أدرى بلبسهم )) انا ليش أحشر نفسي :D


يالله سعودي كويتي قطري عماني بحريني إمااااااااااااراتي المهم لبس يعبر عن عاداتنا وتقاليدنا

إلا على طاري البحريني كيف دشتاشتهم ...؟؟


بس واااااايد طولت بالكلام .. ماله داااعي :)
















السموحه :)
لبسهم مثل الكويتي

[The Genius]

الكل يعجبه لبس وطنه :)

[sul911]

أشوف كل الناس ماخذين ان اللبس السعودي مخصر :S


مع ان ثوبي ياسع 5 رجال غيري :p

[ODIN]

السعودي ليش كل الناس ماخذين فكرة انه لازم مخصر ..

الثياب السعودية المخصره هذي حالات شاذه من الاصل :o


الاصل انه ثوب عادي نفس التصميم الي تشوفونه لكنه مب ضيق كثير ولا وسيع كثير .. يعني وسط وهذا انسب شي


من وجهة نظري ان اكثر ثوب فيه اناقة هو السعودي مو خيمة مثل الكويتي ولا ضيق مثل الخكارية الي عندنا .. لدرجة حتى خكارية الكويت والامارات عجبهم اللبس الضيق هذا وصاروا يلبسونه

معروف في أي لبس في العالم الاناقة تبين على الملابس المعتدله مو ضيقه كثير ولا وسيعه فضفاضة كثير .


الي يرفع الضغط ان العالم يحسبون كل ثيابنا مخصره مثل ذولي والموضوع اكبر دليل :31: ليش كذا :boggled:


انا عن نفسي مالبس ثياب كثير .. الا اذا كانت الحالة النفسية مش ولا بد البسه على الطاير

[Dragon Quest]

أنا سعودي افضل الكويتي..

[دبي. الامارات]

والله موضوع.
انا الصراحة البس الختم ولا غارة ثوب منفوش.:D

[Ralf]

صراحة موضوع جميل جداً

في الحقيقة أنا جربتهم كلهم بس ماعجبوني

الكويتي : أنا لبسته بس ماعجبني كأنه كيس كبير . :boggled:

البحريني : نفس الكويتي :31:

الأماراتي : الأمارتي لما لبسته حسيت كأنه ثقيل شوي ومايناسبني.

السعودي : جيد لكن لما ارتديه احس نفسي كأني سمين شوي وكمان احب اني اقول ان الثياب السعودية غير مخصرة الا في حالات شاذة جداً

أقول مافيه أحسن من الجينز وبس :biggthump

سلام

[Dark Watch]

هههههههههههه الحين بع\ اختراع يسمونة الختم تنفخك زيادة