مشاهدة النسخة كاملة : شبيبة قبول الجامعات معدل التراكمي
انتشرت شائعة تقول ان السنة ذي طبق النظام
المعدل التراكمي لثلاث سنوات أول وثاني وثالث ثنوي
نبي واحد يجيب لنا الخبر اليقين والله بس نصف المدرسين يقولون تطبق
والله الي أكلوها مظبوووووووط ثالث ثنوي الحين باتقول وطخته مساكين
يعني قرار مثل هذا تتوقعون المعارف حاطينة عشان تزيد نسبة قبول الجامعات أكيد لأ بس وش نقدر نقول غير
:غضب: :غضب: :غضب: :غضب:
والله قهررررررررر
معقولة ؟........يعني لهدرجة؟
?:
والله غريبين لهدرجة الموضوع ما همكم ؟
والله اني شايل هم و أنا بثاني ثنوي وشلون أنتم ياربع ثالث
انتم الي أكلتوها صح
طبعا هدف المعارف الأسمى هو السعودة وعدم نشر البطالة في المجتمع السعودي
سبحان الله ما طبقوا السعودة الالسوق الخضار والقمامين وانتم الكرامة طيب عندكم وظائف كبيرة مستلمينها ألمان وأمريكان (أحلى يالسجع)
يايصير يهودي ولا نصراني بالرغم ان هناك البديل السعودي لهذي الوظيفة بس وش بيدك تسويه :غضب: .
Dantos_xx 5 xx
02-09-2001, 12:46 PM
على اني مالي علاقة بهاالموضوع لاني من ثلاث سنين وانا متخرج من هالثانويه . بس ابسألك سؤال؟
انت الحين جالس تحسب حساب حقين ثالث ثانوي وبس
طيب وين راحوا اول ثانوي (واللي يمكن يستفيدون من هالقرار)
يعني بس لان فيه ناس الان في ثالث نقوم وما نصدر قرارات ... اجل متى يقدرون يصدرون مثل هالقرارات !!!! لان كل سنه بيكون هناك ناس في ثالث ثانوي
وبعدين يمكن يكون نظام المعدل من مصلحتكم وش يدريك ...
----------------------
وعلى سالفه البطالة وان: الحكومه تبي تسعود الوظائف الصغيره وتاركه المناصب الكبيره؟
والله ياعزيزي اظن ان البدء بالسعودة من مجالات الاعمال الادني هو افضل في وضعنا الحالي
يعني بالله عليك شباب نصفهم تفكيره (--->هبال وتفاهه<---) وتبيهم يحطونهم في اعلى المناصب
لا وفوق كذا تبيهم يحطونهم بدال اصحاب الخبره في التقنيه وهم الامريكيين والبريطانيين
محد قالك اننا ماودنا نشوف سعودي يستلم مناصب عاليه وخصوصا في المجال الفني والتقني
بس عاد مهوب من المعقول ندمر تعب مرافق حكوميه وشركات سعوديه كبرى ونقولهم تخلوا عن ناس اصحاب خبرة طويله ومهمه وحطوا بدالهم شباب سعوديين توهم متخرجين ولا عندهم خبره ولو بسيطه
وارجوك لاتفتحلي سالفة ( الخبره تجي اذا اعطيتم الشباب فرصة)
لان فيه امور يمكن تمشي فيها مثل هالفكره
بس في الاعمال والوظائف اللي تكون متركزه على جانب تقني بحت
فاظن الحاجه لمثل هالخبراء ضروريه
ومافي احد منع السعوديين من انهم يستلمون مثل هالمناصب اذا اثبتوا جدارتهم (وياكثر السعوديين اللي بدأو يثبتون جدارتهم وصاروا يستلمون مناصب مهمه)
selfer
02-09-2001, 12:52 PM
طيب ليش مايخلون النظام التراكمي بعد سنتين؟؟ علشان يعرفون اللي في اولى ويشدون حيلهم
وفي نفس الوقت يكونون اللي في ثاني وثالث قد خلصوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أول ثنوي؟
على العين والراس بس يطبقونه على أوائل مب يشمل هالنظام كالمراحل يعني جيلين كاملين راح يكونون الضحية
يطبقونه على أول ثنوي بس
:غضب:
Xenon
02-09-2001, 01:09 PM
أولا عنالمعدل التراكمي انا مع Doom ورد على كلامك يا أخDantos تقول كل سنة بصير فيه ناس بثالث طيب صح بس المفروض انه مايتم القرار كذا في يوم وليلة يعني كان من المفروض اعلام الطلاب انه هذا النظام سوف يطبق ليأخذ بالحسبان ماسيعمله في السنة الاولى والثانية ولا يأتي القرار فجأة على اصحاب المرحلة الثالثة.
وعن الشباب السعودي وردك عليه... سؤال انت فيه احد يقربلك بالوزارة ؟
يعنيتقول الامريكي اكثر خبرة طيب صح بس سؤال ليه مايكون السعودي اكثر خبرة لانه سعودي شئ اسمه سعودي على جنب بعدين مب لازم الشباب الكبار يصو رون في المراتب الكبيرة والشباب في الصغيرة وبالحكومة وليس بالقطاع الخاص لا والقطاع الخاص يتشرط يبي خبرة طيب من وين له الخبرة ومافيه احد يبيه وانا اعرف ناس كثيرين يشتغلون خارج المملكة وذلك لمناسبة الوظيفة لهم والراتب المناسب .
مابي اكثر كلام ....لانه جاء وقت الغدا :).
وشكرا:D:D:D.
يعني ليش تحكر دائرة الخيارات؟
أنا قلت الكوادر السعودية ما قلت الشباب
يعني فيه سعوديين أكفاء خاسوا على مقاعدهم عندهم الخبرة والكفاءة
لكن قدام الأجنبي الي متساوي معاه بكل شئ بالعكس يمكن الخبرة تفوق عند السعودي
مع ذالك راتب الامريكي معروف أضعاف أضعاف ما يتقاضاه ابن هالوطن
:غضب:
Dantos_xx 5 xx
02-09-2001, 01:41 PM
والله عاد انا مالي دخل بسالفة المعدل . ولا نيب فاضي احللها لاني ماادري وش قصتها بالضبط عندكم وهل هي مثلنا بالضبط ولا لا
لكن بخصوص موضوع البطاله فاحب اقولك اولا:انا مالي قريب ولا شي وبعدين اقرا كلامي زين .
لاني كاتب ومنبه على الخبره التقنيه
يعني في المجال الادراي من زمان وانا نشوف سعوديين يتخرجون او يجون بعد الابتعاث لبرا وهم معهم شهادات حلوه وعلى طوووول يستلمون المناصب الاداريه او غيرها
يعني انا قصدت الموظفين الاجانب اصحاب الخبره في المجال التقني
وبعدين انت في ظنك اننا اذا تكلمنا عن الخبره في الجانب القتني باننا نقصد بها
ان يكون الواحد مع خبره في اداء الوظيفه من قبل (يعني سبق وعمل في هالمجال)
لا . طبعا ... ياخي اذا جبت خبير في سابك ولا بترومين ولا اي مستشفى عملاق
هل من المعقول انك تستبدل واحد اجنبي درس بشكل افضل من السعودي في معاهد خارجيه
وايضا جاي من دول سابقتنا بكثر في مجالات التقنيه المتطوره وتروح وتستبدلهم بشباب توهم متخرجين في مثل هالمجالات الحساسه
هذا مهوب معقول ابد !!!
هذي مجالات مافيها محسوبيه للمواطن لانها تتعلق ببناء البلد . وبتعب ومصروفات شركات كبرى
وبعدين على فكره .... الشباب السعودي اللي يدرس على اساس يكون خريج تقني يواجهه مشكلتين
1- نوعية الدراسه عندنا متدنيه ونسبه الابحاث او التطبيق عند الطلبه رايحه وطي
واذا بتقارن بين معهد تقني في الرياض ولا معهد تقني في امريكا فرح شف كيف يداوم الطالب عندنا في المعاهد التقنيه تقريبا مافي فرق بينه وبين طالب الثانوي المدلع
إلا انه يلبس طقم ازرق ويحطون قدامه سياره او مكينه بدال الكتاب ويجلس قدامه واحد يثرثر ساعه ومعه كتاب من عشر سنين ومنهجهم مع احترامي زي الزفت.
واذا خلصت من المعهد اللي موجود هنا رح شف معهد موجود في امريكا شلون يدرب الطلبه فيه وبعدين تعال كلمني عن مهارة خريجينا
وترا هذي النقطه الاولي بس ... باقي المشكله الثانيه واللي تواجهه اللي يدرسون التقنيه هنا وهي
2- ان معظم الدراسات عندنا نظريه او تتعلق بالعلوم النظريه (اداره ,قانون,محاسبه,تربيه) وغيرها اما العلوم اللي مركزه على الجانب العلمي
مثل الصناعه ولا الفيزياء او غيرها فطلبتها قليلين وخريجينها اقل
وهذا يخلي دعم الحكومه لها اقل وبالتالي ضعف مستوي الطلبه وفي النهايه تفضيل الاجانب عليهم
احم احم ....... كالعاده جاكم الخبير ........ :D
شباب يكون في علمكم لو تطبق القرار ........ راح يتطبق على طلاب اولى بس .......... يعني حقين ثاني وثالث ما يتطبق عليهم ......
هالكلام متأكد منه 100% ........ واليوم سألت المدير وقالي كذا ........ يعني الحمد لله طلعنا من المصيبه :D
لو طبقوه على حقين ثالث ....... اباكل تبن ........ نسبتي في اولى وثاني زفت ....... كنت عامل حسابي اجيب احسن هالسنه ........ بس ما راح يطبقونه لا تخافون ........ ;)
الله يخليك لأمك وأبوك
ويطول بعمرك
ويرزقك الذرية الصالحة و
ووويوفقك وكل شئ
(تحس دعاء شيبان:D )
المهم ايه هذا الاردود ولا بلاش طمنتنا الله يريحك
Xenon
02-09-2001, 04:22 PM
الرد على Dantos>>>
أولا اغلط الاول والكبير ماهو من طلابنا الغلط من تعليمنا وحكومتنا بعد .
نبدأ بغلط التعليم... الغلط بكل اختصار وبدون تفصيل سوء المناهج والتأخر الشدييييييد في التعليم .
طيب مثلا طالب قال التعليم هنا غير نافع قال بدرس برا راح ودرس برا نفس دراسة الامريكان لا وأبدع أكثر منهم جاء هنا للسعودية مبسوووط بشهادته اللي طلعها بسنين تجي الحكومة تقول يا الاخو وش جنسيتك يقول سعودي يقولونله رح دورلك اقرب مكيف وصلحه ولا راتب 10 الاف.
يجي الامريكي وارس بنفس جامعة السعودي ولا الاخير بالدفعة قالو امريكي قالو ياهلا فيك في وطنك الثاني وصكوه راتب 120 الف .
وناس كثيرين سعودين درسوا برا وآخرتها فضلوا الاجانب مع انه العلم اللي مع السعودي اكثر . ولكن الجنسية هنا تلعب دور كبير .
ورد على ODIN>>>
يمكن المرشد يكون نصاب عشان الطلاب يشدون حيلهم فيكثر عدد الناجحين وانت زي منت عارف الازمة بالمدرسة من كثرة الراسبين فيبي يتخلص منهم بأي طريقة.
وشكرا:D:D:D.
Chandler
02-09-2001, 04:23 PM
بعدوا...
جاكم العلم...
alex معه حق...
النظام لا يمكن يتطبق على طلاب ثاني وثالث ثانوي هذي السنة....(لأنهم ما كانوا يدرون يومهم في اولى ثانوي)
بس لو تطبق هذي السنة....
بيطبقونه على اولى ثانوي فقط لا غير...
انا سألت مدرس اليوم عن القرار....قال لي ما وصلنا شي....ويوم سألت مدرس ثاني قال...ان القرار بيتطيق السنة الجاية على اولى ثانوي...
يعني اول ناس بيتطبق عليهم هذا القرار هم اللي في ثالث متوسط (هذي السنة)
بس والله هذا القرار ظااااالم <======= مع انه مفيد ومنطقي
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .