المساعد الشخصي الرقمي

مشاهدة النسخة كاملة : أرجو الإجابة بصدق ,, أخوكم محتار ..جيم كيوب .. الإكس بوكس


khalid ss
07-02-2005, 10:58 PM
السلام عليكم

هذه أول مشاركة لي في المنتدى الرائع جدا في شموليته

ولكن لدي سؤال مهم للجميع وأرجو الإجابة منكم بصدق كما أرى ذلك عندكم

سؤالي أنا أحببت شراء جهاز لأخوتي وهم بين سن 16 إلى 18 ويمكن أدخل معهم شريك :08: وأنا أكبرهم

ولكن أحترت في نوع اللعبة أنا عندي بلاي ستيشن 2

ولكني أحترت بين ثلاثة أجهزة أو ألعاب وأريد منكم الأفضل والمتميز في جميع الصفات حتى سعر الديسك .. الخ

وهذه الأجهزة هي 1- النينتندو ....... 2- جيم كيوب ....... 3- الإكس بوكس

4- أو جهاز ترونه أفضل من الموجودة

فبم تنصحونني .. ولم أخترت هذا الجهاز .. وكم سعره .. وكم سعر الديسكات أو الأفلام .. وما خصائصه عن بقية الأجهزة :06:

شكلي طولت ولكن كلي أمل منكم وفيكم

أرجو الرد ولكم جزيل الشكر

أخوكم خالد
Lena
08-02-2005, 03:30 AM
السلام عليكم

بصراحه ماقدر اقولك اني عندي اجابه شافيه تبرد قلبك لاني مش خبيرة

اتمنى اخواني هنا يساعدونك

او انك تقدر تكتسب خبرة شوي انك تطلع على منتديات الننتدو والاكس بوكس وتقرا التعليقات ونوعيه الالعاب الموجودة واسعار الديسكات او الاشرطة..


بالنسبه للنتندو والقيم كيوب..فانه يدعم اللعب الجماعي بشكل كبير.. يعني اربع لاعبين..هذا اذا ودك تصيرون تلعبون مع بعض..فيه العاب تخليك تتحمس وتفطس من الضحك من حلاوتها

اكس بوكس مالي خبرة فيه البته..


عموما انصحك تسأل اخوانك وش يبغون من العاب وطريقتها وكيف يحبون..لعب جماعي ولا كل واحد لحاله..اسماء بعض اللعبات الي يتمنونها...ثم تدور الجهاز المناسب لهم..



الننتدو بما انه اقدمهم فاظن اشرطته ارخص بس مدري اذا تنزل العاب جديدة عليه؟..



اسفه على عدم الافادة الكبيرة بس حبيت اساعدك لانك طلبت المساعدة..
Electro M
08-02-2005, 11:10 AM
اذا تدور العاب كثيرة و ممتعة و الجرافيك فيها ممتاز و غير كذا الكوبي متوفر للجهاز ما لك الا الاكس بوكس
اما اذا كنت تحب العاب ننتندو و مستعد تشتري العابها الاصلية باسعار تتجاوز ال150 ريال و غير كذا قليلة لكن ممتعة فعلا و يعتبر من اقوى جهاز من ناحية نعومة المضلعات فخذ الكيوب
khalid ss
08-02-2005, 12:46 PM
مشكورين ما قصرتوا

يعني تفضلون الجيم كيوب على الإكس بوكس من ناحية جودة الألعاب مع قلتها وغلا سعرها

والإكس بوكس رخص أفلامها وكثرتها

جميل جدا ولكن انت لو اخترت بين هذين فايهما تختار وخاصة إذا كان اللعب جماعي وفردي على حد سواء

أرجو مزيدا من الردود مع الشكر الجزيل للردين السابقين

خالد
Kasser
08-02-2005, 02:06 PM
انا املك الاكس بوكس فقط وهو رائع من ناحية اللعب الجماعي (يدعم اربع لاعبين+امكانية اتصال جهازان مع بعض+الانترنتlive) وايضا توفر الاشرطة النسخ بسعر اعلى من البلايستيشن2 بقليل ..

اما الجيم كيوب ما املكه ولم اجربه لكن مما أراه ان العابه قليلة ولم ينتشر لها نسخ مقرصنة للان وثلاث ارباع العابه كلها ماريو او بوكيمون او رزدنت ايفل
Electro M
09-02-2005, 10:54 AM
بالنسبة لي الاكس بوكس لان العابه اكثر و اقوى
لكن الكيوب العابه الجماعية حلوة لكن مو كثيرة مثل ماريو بارتي هي اللعبة الجماعية الوحيدة اللي احبها على الكيوب
لكن غيرها ما اعرف
بوعلي
10-02-2005, 03:22 PM
خذ مني الرأي الجيم كيوب ولا غير ألعابه مميزة أنا داري أنت بتقول الأشرطة غالية لكن أبشرك طلعله أشرطة كوبي بـ10ريال كل ماعليك إشتري الجهاز قبل مايغلى وأطلب القطعة بـ250ريال فقط وتمتع باللعب
ملاحظة:أدخل موقع جيم ماستر لتعرفالقطعة وكيف تشغيلها في صفحة الجيم كيوب
www.gm-master.com (http://www.gm-master.com)

وما حتندم
د.عبدالعزيز
13-05-2005, 11:07 AM
يا رجال خذ اكس بوكس بدون ما تفكر:o

الجيم كيوب العابه اصليه من 200الى 250

يمديك تشتري 25لعبة اكس بوكس احسن من شريط واحد للجيم كيوب

وانا نصحتك واللي تبيه خذه بكيفك

سلام:D
Trapped Inside
13-05-2005, 12:03 PM
هلا اخوي ^^ ..

الجهازين كلهم روعه .. وفي النهايه هي على حسب ذوقك في الالعاب ..

ان كنت ناوي تلعب مع خواتك ملتي ميديا .. يعني كلكم تلعبون لعبه وحده ونفس الوقت .. انصحك بالكيوب لدرجه كبيره .. فيه كثير العاب مثل كذا .. ورائعه .. مثل Super Smash Bros. .. Mario Party .. WarioWare وغيرها الكثير ..

الاكس بوكس جهاز جميل .. تقدر تسمع الاغاني الي تبغاها وانت تلعب اي لعبه .. وفيه Halo .. لعبة الـFPS المشهوره جدا ..
اغلب العاب الاكس بوكس هي الـFPS والسيارات " الذوق الامريكي " .. بس راح تحصل كم لعبه مو من هذا النوع ورائعه .. مثل Ninja Gaiden .. و Fable .. Jade Empire .. وغيرها ..

الالعاب الطفوليه " ان كان هذا الاسم الي تبي تسميها " .. فهي قليله عليه ..

وموفق ^^ ..