المساعد الشخصي الرقمي

مشاهدة النسخة كاملة : أشرايكم في الإنترنت المجاني في السعودية ؟؟؟ أبدوا آرائكم


TheImperial2004
10-02-2005, 11:22 AM
الإنترنت المجاني الذي بدأ اليوم في السعودية ;) ..

فيمكنك الإتصال بدون اسم مستخدم ولا كلمة مرور ولا بروكسي :09: ...

فقط اجعل رقم الإتصال هو 3660077 وسوف يعمل معك وأنا استخدمه حالياً :icon6: ...

فما رأيكم بهذه الخدمة :shock22: أو ربما الخدعة :33: ؟؟؟
Misho0o
10-02-2005, 12:23 PM
ممكن خدعه وممكن لا

المهم بجربها الحين

مشكور اخوي :)
ضئ العيون
10-02-2005, 02:11 PM
مشكووور أخوي على البشارة ولك الحلاوة ( دعوة من أخت لأخيها ههه )

وان شاء الله ماتكون خدعة وتكون مية بالمية ...بصراحه تعبنا هالنت والمشكله مانقدر نستغنى عنه ....

بجربه لمدة شهر يالله اتاكد ....

تحياتي اخوي ..
LORD-HOST
10-02-2005, 02:38 PM
والله اخوي مدري ارد عليك بأي كلمه

من الغريب جدا تقديم خدمة المجان

بالسعوديه
.....

وبعدين هذا الاتصال تابع لأي شركه؟:)

يعني مين من الشركات راح تقدم خدمة المجان

غير الاتصلات السعوديه
وحاليا الاتصالات خسرانه بسوق الاسهم

الكثير جدا جدا
----

وشكور اخوي والله يعطيك العافيه
لنقل الفائده;)


THE LORD

:)
الموهوب
10-02-2005, 02:41 PM
لا مهيب خدعه ابدا




وهذي رسميه
نووور الهدى
10-02-2005, 02:43 PM
السلام عليكم

عنا بفلسطين نفس الخدمة أرقام مجانية تستخدم بلا كلمة مرور أو أي شيء فقط ادخل الرقم
وهي جيدة بالفعل ...
J o e y
10-02-2005, 02:50 PM
الآن كل مزودي الخدمة بالمملكه اصبح لديها اشتراك مجاني لجميع المستخدمين ..

كأول نت 3660111 وغيرها الكثير .. ولكن الساعه بـ 3 ريالات ..

أما اشتراكات الانترنت المدفوعه كالبطاقات فالساعه بريال وخمس وسبعين هلله ..

وشكرا .
الزعيم (2005)
10-02-2005, 02:50 PM
السلام عليكم شباب هذي مو خدعه وانا الحين اكتب الرد منها

بس اخوي لا تكون فيها فلوس وتنكبنا !!!!!
الهوفي
10-02-2005, 02:51 PM
يا جماعة لا تستهترون بعقولنا ...

اي انترنت مجاني ... مجاني والساعة ب3 ريال ... ومضارب انت واياه الين يشبك ...

وبعدين وش فرق علشان بدون بطاقات بس ،،، البطاقات مب هم البقالة اللي جنبنا يبيعها ويوصلها مجاناًَ .

بعدين انا خلاص اشترك بالدي اس ال وان شاء الله يركب وما تطلعلنا هالشركة الخايسة عذاريب ...
LORD-HOST
10-02-2005, 03:10 PM
يجماعة الخير احسبوها صح

لو دخلت على الخدمه المجانيه

راح تصير الساعه ب3 ريال

اما بالبطاقه
الساعه ب1.75 ريال

طبعا ساعة البطاقه بريال

مما يعني انه بالبطاقه

راح يكون لك خصم

ربع ريال اما بالمجان

راح يكون عليك
3 ريال

اي ان البطاقات افضل:wow:


---------

وشكرا لكم

THE LORD

:)
الموهوب
10-02-2005, 03:19 PM
يعني قبل ماتطلع هالخدمه ,,,


بكم كانت الساعه؟

بــ 3 وشوي

يعني الخدمه مفيده

وبالنسبه للبطاقات مدري عنها

وبعدين لو ما كان عندك بطاقه,,

هالخدمه تفك ازمه:D

وعموما انا ماني مستفيد منها بتاتا

والسلاام
خرير المياه
10-02-2005, 03:19 PM
انا جربتها ممتازه وسريعة ومجانيه
حسن99
10-02-2005, 03:26 PM
الخدمة ماهي خدعة ولا شىء بسسس بصراحة أحلى شىء فيها أنها سريعة جدا وأنا أول كان عندي مشكلة في البطىء في التصفح

والخدمة أحسن من البطاقة من ناحية السرعة في التصفح فقط

والحمد لله على كل حال
TheImperial2004
10-02-2005, 03:38 PM
شكرررررراً على ردودكم ;) ...

الحقيقة إنه ما فيه أية بطاقات عندنا بالسوق لأنهم بطلوا يستوردونها :shock22:

والحين أنا شغال عليها وسريعة ورائعة :biggthump ...

بس ننتظر للفاتورة ونشوف :33:
LORD-HOST
10-02-2005, 04:01 PM
TheImperial2004 (http://www.montada.com/member.php?u=116025)


الله يستر على الفاتوره:D



SEE U




:)
TheImperial2004
10-02-2005, 04:22 PM
إيه أخوي الله يستر على الفاتورة :boggled:
sion001
10-02-2005, 04:41 PM
إلحين المشتركين بالشركات صارت الساعة ب 2 و 75 هلله و لا 2 و 25 هللة ؟؟

و أعتقد إلحين هي سريعة لأنه لساه الشعب السعودي ما تكدس عليها يعني ما في ناس كثيرة دخلت عليها بس مع مرور الوقت راح يصير ضغط و تكون بطيئة في اعتقادي .
TheImperial2004
10-02-2005, 04:46 PM
وهذا رأيي يا أخوي Sion وشكراً ;)
RoAd SnAkE
10-02-2005, 07:04 PM
شركة الاستغلالات مافي من وراها شي مجاني الغوا الاشتراك بس (مع العلم ان اشتراك شهر مايوصل 100 ريال) وقالوا انترنت مجاني والله استخفاف بعقول الناس...وسلمولي على النت المجاني
C.Falcon
10-02-2005, 09:17 PM
في ناس فهمة الحاكية خطأ ، كل ما في الأمر إنك تدخل نت من غير ما تشتري بطاقة ...
و الساعة بــ 3 ريال (( نفس السعر الي أدفعه في البطاقات المفتوحة لمدة شهر)) يعني ما تفرق معاي
بالعكس أفضلي (( وقت ما تغلق علي البطاقة أكفرن ^^))
خـريـــج
10-02-2005, 11:13 PM
أنا الي أعرفه انه مجاني وياخذون عليك حق المكالمة بس

بس يقولون انه بطيء جدا وما يشبك بسرعة


أنا الحمد لله مفتك من البطاقات ووجع الراس وعندي انترنت أرامكو مجاني وسريع

ويعطيك العافية اخوي
TheImperial2004
10-02-2005, 11:43 PM
شكراً أعزائي على ردودكم الحلوة ،،،

وبصراحة أنا مستغرب ... فأنا أستعمله وهو سريع ويشبك من أول اتصال :biggthump

بس يمكن لأنه بعد الناس ما أخذت عليه :33:

بننتظر شهر ونشوف :أفكر:

شكراً مرة أخرى :biggrin:
abb
11-02-2005, 01:37 PM
بالعكس
الخدمه سريعه جدا وكما ذكر تشبك من اي اتصال

عالعموم وبدون حسابات ولا هم يحزنون

اذا كنت من مدمني النت اللي يشتري بطاقه ابو شهر مفتوح او 3 او 6
خلك على البطاقات
اما اذا كنت على ابو 10 و20 ساعه لا خلك في ابو بلاش


يعي تكون الساعه حق التصال ب 2وربع اما حق الكرت ب 1 ريال
المجموع 3 ريال وربع اي اكثر من ابو بلاش

اما اذا كنت من المدمنين لا خليك في بطاقاتك اوفر لك
بس كلها في النهايه ماتفرق كثير

سلام ياشباب وياشابات الرد القادم انشالله يكون من الشرقيه مو من جده

سلام
Flanteus
11-02-2005, 06:20 PM
للمعلومية فقط ..

قيمة الإتصال بالبطاقة ... ومن أي مزود في السعودية 2.25 ريال للساعة ..
وقيمة الإتصال بدون بطايق ( على الأرقام الجديدة ) 3 ريال للساعة ..


ادخلوا اي موقع مزود وراح تعرفون هذا الشيء ..

وطبعا كذا ولا كذا .. الفاتورة وراك وراك :31: !!

بس فيه ملاحظة بسيطة للأشخاص اللي يشترون بطاقة شهر مفتوح ..

الحد الإئتماني للساعات المسموح لك هو 120 ساعة :D ..

120 * 2.25 ريال للساعة+ ( قيمة البطاقة 90 ريال ) = 360 ريال .
120 * 3 ريال للساعة = 360 ريال ...


يعني لو كنت تقعد على النت أقل من 120 ساعة في الشهر ... استخدم الطريقة الجديدة أوفر لك ..
أما لو كنت تقعد أكثر من 120 ساعة في الشهر أجل خليك على البطايق :08: !!

يعني بالعربي الفصيح ... في الطريقة الجديدة كل ما قعدت اكثر على النت ( 120 ساعة وفوق ) راح تجيك فاتورة اكثر التهابا وحرارة من البطايق :08: ...



سلام :)
TheImperial2004
12-02-2005, 03:39 PM
أشكركم على ردودكم ،،،

والبطايق :p بطلت تنزل عندنا :icon6: