المساعد الشخصي الرقمي

مشاهدة النسخة كاملة : أول يوم لي بالدراسه..!!


DEATH DRAGON
13-02-2005, 12:56 PM
السلام عليكم و رحمه الله و بركاته..

==============
اليوم اهو اول يوم لي بالمدرسه..شوفوا عاد شنو صار لي من مواقف..واحداث :biggrin:
==============

اول شي اتكلم عن ليله امس..
امس الساعه 9 بالليل..
حاط على MBC 4 كانوا حاطين مسلسله Buffy : The Vampire Slayer
قلت اطالعها..لأن مالي خلق للدوام بكره

وشفتها و الحلقه حلوه و مهمه !

وصارت الساعه 10 بالليل..
رحت حطيت راسي على الفراش..

وقعدت اتقلب بالفراش لحوالي ساعه كامله..
بعدين نمت

قعدت الصبح الساعه 6:30

وانا في الياله اشوف طريجي..

كأني عمي ( :09: )

المهم..لبست ملابسي...وتزهبت..كالعاده..ما اتريق..(ما اتفطر)

ورحت المدرسه..
اول شي شفته جدامي..واقف جدام باب المدرسه

الاستاذ يعقوب..
اذكر اني قايلكم عن هذا المدرس المرعب..

المهم..قاعد و يشي!ك على طالب طالب..
على لبسه..على شعره..يشوف عنده نقال ولا شي..
المهم

انا خلاني امر عادي..قال لي روح هناك و استلم جدولك اليديد

واستلمت الجدول

ورحت سلمت على ربعي و الجماعه

وقعدنا نسولف عن درجات الفصل اللي طاف

اول شي تكلموا عن العربي

انا ساكت

تكلموا عن العلوم

انا ساكت

تكلموا عن الرياضيات

انا ساكت

تكلموا عن الانجليزي

وانا قاطعتهم..
وقاعد اقوول..
انا ماخذ 91 بالانجليزي..
اذا تبون اي مساعده انا حاظر
اعرف جذي..وجذاك..و.و.و....الخ

المهم..
طق الجرس بعدين..
وبالطابور..

انا واقف باول الصف..كأني حمار :p

تمارين غبيه
و نشيد
و الاذاعه
والوكيل نص ساعه يسولف عن الفصل الدراسي الجديد

وانا حاس كأني بمووت

خلص الطابور..

اوووووووووووووول حصه عندي


كيمياء 2

هذي أصعب ماده علوم بالمدرسه
و باااااااايخه

وبدت الحصه

المدرس : يا شباب الماده دي مهمه أوي و...............................................

بس هذا اللي سمعته

وانا سرحاان

قاعد افكر ..لو ارد البيت الحين..شنو اسوي اول شي..ألعب بلي ستيشن..ولا اروح ألعب كره مع الربع..ولا اطلب لي مطعم (مطعم..مو اكل بيت :o )

والمدرس قاعد..ويتكلم من صجه

وانا رديت لوعي
وتذكرت اني بالحصه (تو الناس)

و بديت انتبه

ثواني والا ارد اسرح مره ثانيه
و اطالع وراي..الطلاب

واشوفهم راحيين بعديييين

اللي يسولف مع رفيجه
اللي مطلع تلفونه (خاشه عن الاستاذ يعقوب) و يتبادل الافلام و الاغاني مع بعض
واللي قاعد يرسم على دفتره
وبس واحد منتبه مع المدرس
والمدرس واقف جدامه..على اساس انه منتبه معاه

وفي واحد ما انتبهت له..قاعد بالزاويه
ويتكلم بالتلفون
وانا مركز عليه..علشان بعرف شنو قاعد يقول

وانا سمعت كلمه
"هلا والله بالغاليه"
"شلونج حبيبتي"

وانا: ههههههههههههههههههههااااااا (بس ضحكه صامته)

المهم..
وانتهت الحصه..

ورحت الحصه الثانيه

انتهت ومافيها شي

رحت الصحه الثالثه
وانا حدي متنح

امشي و ادعم بالطلاب
وقاعد ادور قسم الصناعي..ماني لاقيه بولا مكان

قاعد ادور و ادور
وطق الجرس!!!!
وانا ما لقيت الصف بعدي

و جا الاستاذ يعقوب

مسكني
قال لي:ليش مو قاعد بالصف ؟
انا: والله ما ادري وينه..ما لقيته
قال: عليييييييييينا!! .. تعال معاي للاداره

خذاني..ووداني عند الناظر
وشرح له موقفي
ومشاني..
خلاني اطلع
وقال لي وين الصف

ورحت الصف وانا داااااااااااااااااااااااايخ

والمدرس ممل!!!!!!
حده ممل

شوي و انام
المدرس : (سخافه سخافه سخافه سخافه سخافه سخافه سخافه) <<<<<<<<<هذا اللي اتخيله يقول :09:
وانا سرحاااااااااااان
بعيييييييييييد

طبعا انا الكبير اللي بالصف هذا
لأني متأخر بهذا الصف.( مو عايد السنه..متأخر بالصناعي بس!)

و انتهت الصحه

وانتهت الفرصه

و انتهت الحصه الرابعه

الحين الخامسه و الاخيره

علي اسلاميه


المدرس قاعد يشرح عادي
والكل منتبه معاه



فجأه!!!!!!!!!!!!!!!!!!!!!!!!!

يأ الاستاذ يعقوب و ربعه (مدرسين البدنيه) علشان يسوون تفتيش للصف
يدورون عن "التلفونات-السجائر-الولاعات-الكوريكتور-الاقلام العريضه" (هذي كلها أشياء ممنوعه عندنا بالمدرسه)

وعنده كيس أسود (كيس زباله الكبير) مملوء تلفونات نقال :shock22:

يعني سعر هالكيس واللي فيه...يوصل فوق الـ1000 دينار كويتي :bigeyes:
ماشالله عليه..طلع مو هين الاستاذ يعقوب :icon6:


و انتهت الحصه..
ورديت البيت

و....

كتبت لكم احداث اليوم الاول للدراسه :D
=============

اتمنى ان الاحداث عجبتكم :biggthump


وشكرا :)
خرير المياه
13-02-2005, 01:06 PM
واو يا هالاحداث !!

المدرسين عندكم مخفات !!

الا استاذك يعقوب ،،، سلم لي عليه

اوكي؟

شكرا على الموضوع
DEATH DRAGON
13-02-2005, 01:13 PM
خرير المياه


ههههههههه
اي نعم..الاستاذ يعقوب هو الاخطر..
انا اعرف كم واحد من الربع..راح ينتقلون من المدرسه من سبب هذا المدرسه :28:

العفو..
وشكرا على المرور :)
بشائر
13-02-2005, 01:17 PM
مسكني
قال لي:ليش مو قاعد بالصف ؟
انا: والله ما ادري وينه..ما لقيته
قال: عليييييييييينا!! .. تعال معاي للاداره

هههههههههههههههههههههههه

مشكور اخوي على الاحداث الغريبة
Another_One
13-02-2005, 01:18 PM
DEATH DRAGON
مراسلنا من مدرسة المخفات
للطلاب والطبلات :09:
شكراً لك :p

وانصحك لما ترجع من المدرسة خذ حبه منوم علشان تنسى الاحداث الكئيبة :icon6:
DEATH DRAGON
13-02-2005, 01:21 PM
بشائر

العفو اختي..
وتسلمين على المرور :)

Another_One

اي والله

ههههههههههه
اول يوم..مسكني وداني عند الناظر :09:
وتسلم على المرور
الهدوء المزعج
13-02-2005, 01:33 PM
الف شكر على اليوم الدراسي المشجع
DEATH DRAGON
13-02-2005, 01:43 PM
الهدوء المزعج
هههههههههههه
مشجع :أفكر:
يا ليت :09:

تسلم على المرور :)
.:.vip.:.
13-02-2005, 01:45 PM
خخخخخخخخخخخخخخخخخخخخخخخخخخ

مشكوووووووووووووور على القصة الي تلوع الجبد(بمزح):biggrin:

قصة حلوة وانت احلى :09:

:) سلام :)
is me
13-02-2005, 03:26 PM
يومك حافل ياديث ;)
اقول استاذك يعقوب خلني اعرفه اخليه يطلب نقل من المدرسة في ثاني يوم :D
بما انك مهتم بأول يوم وش صار فيه احب احكي انا عن اول يوم لي اذا مافي مانع ;)
طبعا الدراسة بدأت عندنا من الاسبوع اللي راح وانا ماطبيت لهم يوم يعني اول يوم لي هو يوم امس السبت :08:
ابد ماصار شي .... رحت للجامعة ودخلت زي الاهبل وقالوا لي الشباب بدري يبو راحت عليك المحاضرة الاولى ... وهذا لأني كنت جالس على النت بوجهي ذا ظنيتها بوقت ثاني :31:
رجعتللبيت لأن المحاضرة الثانية الساعة 1 بالظهر :أفكر:
جلست ااذي المسكين ام ام جي وهو في المدرسة الاهبل ماشرد وسمع نصيحتي ;)
جا الظهر وانا على طول على الجامعة ويوم قربت منها شفتها وقرفت ... قمت هونت ورجعت للبيت :D
وهذا الله يسلمك اول يوم لي بالدراسة في هذا الفصل ;)

على العموم مشكور على الموضوع الممتع :أفكر:
وارجوا انك تتقبل اضافتي البسيطة :D
Van Google
13-02-2005, 04:14 PM
هههههه

قصة عجيبة

صدقني راح تنجح
DEATH DRAGON
13-02-2005, 04:22 PM
vip_007

العفو..
وتسلم على المرور :D

is me

اي والله يومي حافل :أفكر:

وتسلم على اضافة يومك الدراسي الاول :biggthump


van google

العفو..
اهيه قصه..وحقيقه :)

وشكرا :)
HAMAD 11
13-02-2005, 04:48 PM
هاذي حالتنا :08: ...

داميا في اليوم الاول مصايب وبلاوي :09: ...

الله يعينك :D

والله يعيييننا :D

شكرا على اليوم المهبل مروان :09:
DEATH DRAGON
13-02-2005, 05:29 PM
HAMAD 11

اي والله كلامك صحيح :أفكر:
وتسلم على المرور :)
Nnoshah
13-02-2005, 05:53 PM
هههههههههههههههههههههههه
والله يوم حلو عندي لو استوالي جي :D
كله تسليه واذا مليت اشخبط عالطاوله اكتب اللي اباه
وما علي من المعلمه :boggled:
:biggthump
مشكوور عالموضووووع الحلو ;)
M.W.N
13-02-2005, 08:55 PM
موضوع حلو ومثير للاهتمام .

ينفع ينحط في فيلم :icon6:

مشكور أخوي على الموضوع :biggthump .
Misho0o
13-02-2005, 09:16 PM
بنسوي حمله ضد الاستاذ يعقوب :09:


مشكور ديث دراجون على الاحداث الغريبه :D
BaLaMBo_Q8
14-02-2005, 12:29 AM
ههههههههههههههههههههه:laughing: :laughing: :laughing:
مشكور ديث دراغون على الاحداث الحلوه
توفي 12
14-02-2005, 02:29 AM
مشكووور احداث حلوة مع الاستاذ يعقوب
بصراحة انا اللي صار معاي باول يوم بالمدرسة اللي هو اليوم كله زفات ليييييييييييييييشششششش؟؟؟؟؟؟؟؟
لاني كله اتثاوب لاني رحت مواصلة :bigeyes: <<<<<<<<< وكان شكلي نفس
DEATH DRAGON
15-02-2005, 11:58 AM
حبيبة هيسوكا

ههههههه
العفو..
وشكرا على المرور :)

The King Of Angry

اي والله..يمكن :أفكر:
العفو..
وشكرا على المرور :)

مشـاري

ههههههههه
حمله مره وحده :09:
العفو..
وشكرا على المرور :)

BaLaMBo_Q8

العفو..
وتسلم على المرور :)

توفي 12

هههههههه
اكييد يموك حلو :09:

العفو..وتسلم على المرور :)
ONE_-_LOVE
17-02-2005, 02:11 AM
NICE DAY




تحيـــــــــ ZOOM_12 ــــــــاتي
DEATH DRAGON
17-02-2005, 07:58 AM
zoom_12

yup ;)

and thanks for stopping by :)