المساعد الشخصي الرقمي

مشاهدة النسخة كاملة : معرض تصاميم الأعضاء -*-*- أتبعك ويضيع العمر -*-*-


S - E - E - L
15-02-2005, 06:46 AM
أتبعك ..
ويضيع العمر يضيع الطريق وخطوتي ..
وأدورك في خدود الزهر في الليل في عيون القمر
وأدورك في نبض قلبي الجديد كل مالمحتك بعيد
واسأل عليك الصبر ..
الله لو تدري حبيبي وش كثر مليت العتاب
وإنت في قلبي حزن وفي عيوني سراب

خايف أنا خايف لو أمشي لك سنين
ويجف قلبي من الضما وأنزف حنين ومانلتقي
خايف يذوب باقي الأمل في دمعتي
وإنت على بعد النظر ألمسك بأطرافه
أقرب من عروقي من الشوق
ومهما تبعدك المسافة ..
وكل ماطل الفجر اسأل عليك الصبر
الله لو تدري حبيبي وش كثر مليت العتاب
وإنت في قلبي حزن وفي عيوني سراب

ياعذاب ياجرح الهجر بين صحراء ومطر
ياعذاب ياسراب
دربه يجافي القدم الي مشى فيه
خوف وشوق وندم
سألت الغيوم في أية دروب ألقاك يوم .. !!
رد الصدى يعتذر لاتنتظر
حبه وجوده في حياتك سراب

كلمات تستحق من يصنع منها تصميما بسيطا
فما أصعب أن تنتظر كثيرا من أجل سراب .. !!

نوع التصميم :
دمج + تعتيق + فرش





http://alamuae.org/upload/alam8/atb3ak2.jpg





التصميم طبعا كان مرهق وأستغرق حوالي 7 ساعات مقسمة
على ثلاثة أيام متتالية وبكل صراحة التصميم أتعبني واجد
وهذا مايعني إنه متميز لأن الحكم راجع لكم أتمنى فعلا يكون
تعبي على التصميم كان في محله وخرجت بشيء مميز

أنتظر ردودكم بفارغ الصبر

تحياتي

SEEL
AZPC
18-02-2005, 11:09 PM
حلوووووووووه بس علمنا شلون !!
The Fridge
19-02-2005, 05:50 PM
أربع ايام تمر.. ورد واحد فقط؟!! :31:

التصميم جميل يا سييل، ماعليه كلام. انا بس مش مستوعب كيف محد رد فيه الى الان!
الشئ الوحيد اللي اشوف انه كان ممكن يتعدل فيه هو اضافه بعض الالوان. مادري ليش احس ان الابيض والاسود ما ينفعوا الا لبعض انواع الصور وليس التصاميم. طبعا فيه بعض التصاميم تطلع حلوه بدون الوان ولكن بنظري هذي الدرجات ما يكسرها في معظم الحالات الا الصور الضوئيه.

شي ثاني انتبهت له هو ان راس البنت شويه "مضلع" حبتين.. نتيجه للقص ولا شي..
not a biggie tho ^^

على العموم:
عجبني اسلوبك يا واد, رايق بسيط وحلو.. خلينا نشوفك اكثر في القسم ;)

تحياتي
S - E - E - L
19-02-2005, 09:40 PM
azpc

الأحلى تواجدك أما أعلمك شلون يبيلها سوالف طويله

وأنا بيني وبينك في الشرح تعبان عموما لو حصلت

فرصة راح أفيدكم وشكرا لك



SoliDad

هلا فيك حقيقة فعلا الردود مخيبة مقارنة بالزيارات وهذا الي

يخلي المعنويات نازله ولايخلي الواحد يشارك واجد

شكرا لك على الرد مره وعلى الملاحظات الف مره

تحياتي لك
(( فيصل ))
19-02-2005, 09:44 PM
والله التصميم حلو مرة ... بس يا ليت لو تضيف الصور المستخدمة عشان نقدر نحكم أكثر
S - E - E - L
20-02-2005, 06:18 AM
فيصل

بخصوص الصور المدمجه هي :

صورة القمر .. صورة البنت .. صورة الجبل

الخلفية سويتها بالفرش فقط

شكرا لك على المرور

تحياتي
أبعـاد
20-02-2005, 09:33 AM
ماشالله شغل حلو

تسلم يدينك أخوي
وأنا مع الأخ سوليداد بأن لو كان فيها ألوان لكانت أحلى
وفي شي بخصوص الخط .. ماحبيبت الخط الديواني في البيت الثالث
وتبقى مسألت أذواق

تحياتي لك...
THE_MATRIX
21-02-2005, 01:45 PM
ما شاء الله عليك روعة اخوي
و إلى الأمام ان شاء الله ^_^..
S - E - E - L
21-02-2005, 08:24 PM
ابعاد ,, ماتركس

شكرا على الرد وعلى الملاحظات

إن شاء الله أستفيد منها

دمتم بخير
Empress uae
05-03-2005, 12:57 PM
ما شاء الله عليك يا أخي.


دائماً تصاميمك هادية و ناعمة. فعلاً أنا أحب هذه الأنواع من التصاميم، ما أحب العنف و الدفاشة.



إن شاء الله نتعلم المزيد من تصاميمك و طرق عرضك. :)



بارك الله فيك و إلى الأمام. :)
S - E - E - L
09-03-2005, 06:35 AM
مشــكور أخـــوي

كلك ذووق ..
fahad25z
09-03-2005, 10:08 PM
السلام عليكم

التصميم حلو بس ياليتك في البيتين الاخيره ماغيرت نسق الكتابه وخليته زي اول بيتين ولا تمام التصميم ماشالله عليك
السفاح المرعب
10-03-2005, 08:31 AM
تصميم حلو و إلى الامام..........