تسجيل الدخول

مشاهدة النسخة كاملة : ياجماعة أعتقد أنني وجدت السيارة المناسبة يناسب متطلباتي....فمارأيكم؟؟


][-][Mr.ZeNoN][-][
15-02-2005, 04:25 PM
وهي الهوندا إم آر في..

أمس شفتها في حادث..وماشاء الله ماتأثرت كثير :umm2:

بالعربي المعروف إن الهوندا من الأساس عملية ومتينة وفخمة أيضا عن بقية الياباني..

ياليت من أحد مجرب يقولي عن تجربته للسيارة هوندا إم آر في...

وسعرها تقسيط 137 ألف ريال

وتتذكرون إني طلبت سيارة بـ50 ألف ريال؟؟؟ هاهي الآن أصبحت لدي 70 ألف والفضل يرجع إلى الله ثمن إلى الصبر

مستعد آخذ السيارة تقسيط دفعة أولى 20 ألف ريال وباقي الأقساط 2200 ريال شهريا ((نصف الراتب :31: ))..

رح أقلكم على شرح مبسط لطريقة الدفع الأقساط ويالبت تفهموا وش أقصد..

70 ألف + 20 ألف = 50 ألف

الـ 50 ألف آخذ منها 1100 ريال شهريا ومن الراتب 1100 (( أصبحت ربع الراتب :p )) أي الطريقة تكفي

وباقي الأقساط نصف الراتبف على الأقل ستكفينا إذا لسنة ونص...

ها وش رايكم....؟؟؟

منتظر الرد!!
Dark Watch
15-02-2005, 04:39 PM
شي عجيب واللله ياعبقري هههههههههه

مخك كبير :(

الهوندا متنفع قطع الغيار غالية اتمنا يدخل واحد مجرب الهوندا علشان يساعدك:09:
MR.أستبنه
15-02-2005, 07:45 PM
معروف عن الهوندا
ان قطع الغيار فيها غااااااااااااااااااليه
بس السياره عمليه وما يحتاج
][-][Mr.ZeNoN][-][
15-02-2005, 11:35 PM
يا جماعة...

فلوس القطع مدبرة والأهم إن السيارة عملية..

خصوصا إنها كبيرة وواسعة ولها صف ثالث من المقاعد عندما تطوي الصف الثالث تكون هناك على الأقل مساحة وسيعة وليس مثل اللاندكروزر تطوي الصف الثالث والمكان لايزال صغيراً....

الريموت عند المفتاح ولم يعد الريموت خارجي..

وحصلت تغييرات حسنت من وضعية السيارة وعلى الأقل الكماليات أصلية وليس مثل عبد اللطيف جميل التخشيب رخيص ومسجل أبو 200 ريال :12:

والمغري إن السيارة سحرتني بفخامتها عند الوكالة قعدت أمس أفكر فيها بالليل :umm2:

هل آخذ السيارة كاش ولا تقسيط...؟؟؟ وشكرا..
alofenos
16-02-2005, 05:37 AM
والله تبي نصيحتيه لك أخذه وانت مغمض اذا تقدر على

القطع الغيار واذا عندك كاش اخذه واذا ماعندك كاش اخذ بالأقساط زينه والله
والله يوفقك الصبر مفتاح الفرج وانت صبرت والحين جاء الفرج
Mr.MooT
16-02-2005, 11:48 PM
اقول الراي رايك ولا تاخذ اقساط بعد عنه خض كاش
Khalidksa
17-02-2005, 12:13 AM
لا هم مثل هم الدين ولا وجع مثل وجع العين.......
اذا معك سبعين الف اشتر سيارة بستين والباقي رصيد احتياط لأي ظرف لاسمح الله على الاقل اذا عندك رصيد جيد بترتاح نفس.ا
رح المعارض وشوف لك سيارة انسب لاحتياجاتك وامكانياتك وعلى قولهم : اللي مامعه مايلزمه!
هذي وجهة نظري
تون كار92 بحري
17-02-2005, 12:43 AM
اقول اشتر لك اكورد اصرف اذا تحب الهوندا ولا ابو عيال شكلك ولا راعي طعوس شي ثاني :icon6: :biggrin:
][-][Mr.ZeNoN][-][
18-02-2005, 05:28 PM
ياجماعة...أنا أحتاج إلى سيارة جيب!! وليس سيدان!!

يعني أصبر ولا أخذها تقسيط..ترا ممكن بعد فترة أجيب المبلغ الكاش....لكن سنة ونص :31: ؟؟
.::RaK_BoY::.
18-02-2005, 05:34 PM
قطع غيار الهوندا غالي

بس مب اغلى من الجاغوار
Dark Watch
18-02-2005, 11:30 PM
عندنا واحد في فرييجنا عندة وحدة الصراحة روعة اذا انت تقدر تدفع اسعار القطع

وخذه اقساد احين تراها عملية بس قطعها والهوندا تراه مضمون وبعدين قطع الغيار مضمونة
مخدوع في زماني
06-03-2005, 03:12 PM
مرحبا اخوي

كيف حالك


انا راح انصحك نصيحة لوجه الله (مع اني ادري ماراح تخش مزاجك لانك فعلا باين عليك عاشق الهوندا)

بس يالله من حقك علينا النصيحة


شف وانا اخوك الهوندا حلو وفخم ومييز بين الناس بس ترا يتعبك بعدين بقطع الغيار :boggled:

بعدين لاحظ انك بتاخذ سياره دبل 4*4 يعني لو لاقدر الله خرب الدبل وش بتسوي؟؟؟ بتضطر تشتريه جدييييد لانك مستحيل تلقاه بالتشليح والله لو تلف التشليح كلللللللله :31:

اضف الى ذلك كثرة الخرابات وماحد يعرف هذي السيارة ولاهي مشهورة بالبر بقوتها وعزمها لانها لو مشهورة كان انتشرت بين الناس صح والا انا غلطان؟؟

وحط ببالك تراها سيارة مالهااااااااا بيعة يعني تستخدمها غصب عليك والا تبيعها بخسارة :أفكر:

وحط ببالك الحوادث (الله يكفينا الشر) لو لاقدر الله صدمت عليه بالله كم بتحط عليه عشان تصلحه؟؟؟ وربي راح تكرهه وتعافه كل شي تضطر تشتريه جديد لانه مابتلقاه بالتشليح وبتعاف السيارة

وفوق كذا ماتصلحه كل الورش تلقاهم يصلحون لك اشياء عاديه مثل فحمات ومساعدات والاشياء الروتينية بس لو جيتهم والدبل فيه صوت او الكهرب مو مضبوط بيسوون لك كذا :biggthump وبيقولون لك تدل الوكيل والا نوصف لك مكانه


اذا تبي نصيحتي وتقول انه عندك مبلغ محترم من 70 الى 80 الف مثلاً

طب المعارض واختار على مزاجك وطق لك جيب GX-R 2001 نظيف استخدام شايب والا مستخدم استخدام حشمه بتلقاه مثل هالقمية وأقل بعد تراه حلو وفخم وكل الورش تسوي له صيانة وتلقا قطع غياره بالدكان وفوق كذا وكيله معروف وممكن تستغني عن ابو جميل الحرامي وتروح للبازعي (في حالة انك ساكن بالمملكة) واذا طاب خاطرك من السيارة تقدر تبيعها بقيمتها او أقل شي بسييييييط مو مثل الهوندا والله ماحد يسومه :biggrin:


والجيب ترا خيار وممكن تاخذ لك جمس دبل (وانصحك تقاطع البضاعه الأمريكيه لانهم يهود وأعداء لنا مايصير ننفعهم)




السيارات واااااااجد وأتمنى أكون أفدتك وترا قصدي مصلحتك والله (انا ماعرف وكيل تويوتا والا وكيل هوندا ولا شي انا مجرد ناصح وأخ لك ان شاء الله)




تحياتي لك واسف على الإطاله


أخوك،،،
ولـ العــرب ــد
07-03-2005, 08:29 AM
شباب نصيحت اخ لحد يشتري سياره مدعووووووووووووومه تكفون تراا ما تمباع اذا تبي تبيعهااا
مصرقع اس اس
07-03-2005, 11:04 AM
اقول لاتشتري سيارة ماهيب منتشرة بين الناس بكره اذا جيت تبيعها ماتلقى احد يشتريها وبتخسربها كثير

واذا صدمت فيه قشعه بسيطه بتصلحها بذيك القيمة

نصيحه لاتشتري هوندا
Amjarno
07-03-2005, 12:27 PM
السلام عليكم
اذا كان عندك 30000 ريال تقدر تحصل لك سيارة ممتازة (مستخدمة قليل) و ما تصرف قطع غيار أو وقود أو فيها مشاكل...
عندك مثلا فورد مونديو ، تيوتا كورلا ،شفروليه اوبترا ، ابيكا...
(4سلندر+ حجم وسط + قطع غيار متوفرة...)
لالالالالالالالالالالالالالا تحتار واتخذ قرارك الصحيح حسب رأيتك للسوق... و السيارات ما تسوى أكثر من40000 ريال...
:أفكر: :أفكر: :أفكر: :) :) :)