المساعد الشخصي الرقمي

مشاهدة النسخة كاملة : والله قهر <<<(حادثه لي مع مدرس)


leopard_1
17-02-2005, 09:03 AM
السلام عليكم ورحمة الله وبركاته


والله من القهر كتبت هالموضوع ... والله اني مولع من الداخل وعقب شوي بحترق :vereymad:
انتو تقولون شو السالفه .. انا اقولكم .. استوت لي سالفه بالمدرسه وانا اصلا مب من عوايدي اني اتكلم عن المدرسه
في الاجازه :o .. بس يلا نبدا الموضوع

يوم الاربعاء ( امس) ... كان علينا امتحان فيزياء ... طبعا انا في ثاني علمي احم احم :D ... وتعرفون انتو الفيزياء في ثاني كيف صعب ... فرق الجهد والمجال الكهروستاتيكي وهالخرابيط ... عموما الحصه كانت الاولى وانا آتي الى المدرسة متاخرا دائما <<< بعد ما آخذلي كم راشدي من الوكيل خخخخخ بس خلاص تعودت :D
وانا مسطول وتعبان على الاخر لاني اليوم اللي قبله سهرت على ون بيس ... حلقه ورا حلقه .. ياخي هالمسلسل ما ينمل منه <<<(شكلي بطلع عن الموضوع) ... نكمل... اول شي بخبركم عن استاذ الفيزياء مالنا ... ياخي هذا الشخص مب طبيعي .. يعني بصراحه احسه مب ريال وانا طبعا هاذي الاشكال اتمصخر عليهم طول الحصه :p .. وتركيبته غلط خخخخخ... ذو رائحه نتنه بشكل لا يوصف .. ... الله ياخذ الشيطان الدوله موفره لكم حمامات والماي مول ما ينقطع ياخي خذلك دش قبل ما تجي المدرسه :12:

انزين الاستاذ الفاضل وزع اوراق الامتحان ... انا كتبت اسمي وبديت احل السؤال الاول .. لكن طبعا بتكون هناك معوقات من بعض الطفيليات في الصف .. واحد ربيعي يالس على يساري ويغني ..انا ما قدرت اركز .. قتله يا اخونا الكريم اسكت خلنا نعرف نحل .. وبعد الامتحان بفتحلك استوديو وبخليك تغني على كيفك ...... وعصب الاستاذ مني فجأه وقالي انته ماتسكت (كان يصارخ).. قتله ماتشوف هذا حشرنا ابغي اركز مب قادر (وانا بعد اصارخ)... ولا اشوفه سحب الورقه مني وقالي وقالي <<<(والله منقهر)... انتو ا*** ماتستاهلون تتعلمون جايين حق المصخره واللعب :mad22: :shock22:
قالي اياها جدام طلاب الصف كلهم.. وانا القط ويهي مب عارف شو اسوي .كيف يقولي هاذي الكلمه وانا البوس في الصف :Eyecrazy: ..ما تتخيلون مدى الاحراج اللي استوالي ...انتو تعرفون شو يعني ***..ما بقولكم لازم تعرفون روحكم... اااااي يا قلبي انقهرت منه والله ثم والله اني وشوي كنت بدفن في بطنه ..قلتله عفوا انا اريل منك ومن غيرك وحصلني عند الوكيل ان ما فنشتك وكنسلت فيزتك ما اكون انا بوحميد ولد بو عسكور :evil: ...... تركت الصف وسرت عند الوكيل واستوت سالفه طويله عويصه
لكني انتصرت في النهايه هع هع هع :6147: ... بيعيدلي الامتحان يوم الاثنين الياي ... بس انشاءالله ما يجيبه صعب وما يكون نذل... لكن الزبده كيف استاذ متعلم ومتخرج يقول كلمه مثل هاذي حق طالب عنده ... ناس ما عندهم ذمه
شو رايكم :sad2:
asf4ever
17-02-2005, 09:38 AM
أخيرا حصلت إنسان وبشر يحس بمعاناتي في الفيزياءT_T
أنا بعد ثاني علمي وإمتحان الفيزياء الأحد الياي(عندنا قواسم مشتركة:D )
وسالفة التأخر في النوم بسبة الأنمي فهذي بعد تحصل معلي-_-
والتأخير عن الدوام يا أخي أنا أكثر واحد يتأخر
لدرجة لدرجة لدرجة لدرجة لدرجة >>>>>علق
خصمو مني خمس درجات من السلوووووووك@.@
أأدب إنسان من بين اخواني والوحيد إلي إنخصم منه من السلوك
طبعا رجعتها لأنه عندي حالة مرضية إنسانية الصبح فما أحب أروح بسرعة....
وعن إستاذ الفيزياء فأحييك على ردك عليه وأنا من المناصرين لك
بس تصدق ما عرفت معناها(الخوث)
لو سمحت أرسلي معناها علي الخاص ^^


أما عن أخر جملة لك وهي عن إستاذ متعلم يقول هالكلام
فإنت أول مرة شكلك تسمع شتايم أساتذة عدلة-_-


ومشكور على الموضوع الذي أفرغت فيه بعضا من همي عن المدارس
وتوني أعرف إنك أصغر مني:28:
leopard_1
17-02-2005, 10:22 AM
بس تصدق ما عرفت معناها(الخوث)
لو سمحت أرسلي معناها علي الخاص ^^

خخخخ ... طرشت لك عالخاص

وبعدين انا كل يوم اسمع شتايم بس مب بهاذي القوه :bigeyes:


وتوني أعرف إنك أصغر مني

توك تقول انته بثاني ... اكيد انته راسب ولا ماخرينك سنه صح :)
asf4ever
17-02-2005, 10:26 AM
خخخخ ... طرشت لك عالخاص

وبعدين انا كل يوم اسمع شتايم بس مب بهاذي القوه :bigeyes:



رديت عليك بالخاص:D



توك تقول انته بثاني ... اكيد انته راسب ولا ماخرينك سنه صح :)

بعد على الخاص P: (ولكني مب راسب-_-)
Pr.Game
17-02-2005, 11:38 AM
ههه .. :09:
الظاهر أساتذتكم مؤدبين والإدارة منصفة :أفكر: ..
لكن لو جيت عندنا بمدارسنا .. تشوف العجب العجاب أذكر مدرس الكيميا العام الماضي ثانية ثانوي مو بس يسب الطالب :31: لا بعد يلعن أبوه وأمه :28: يعني ولا شي قدام مدرسينكم ..
:31: ويوم الواحد يروح يقدم شكوى عند الإدارة :o يقولون له انقلع
عندنا سياسة اسمها ( المعلم دائماً على صواب مهما سب أو شتم أو صلت الأمور لحد القتل ) :biggrin:
على كل حال الله يخارجنا هذي آخر سنة نتخرج ويبتلى المجتمع بنا :09: .
leopard_1
17-02-2005, 12:37 PM
ههه .. :09:
الظاهر أساتذتكم مؤدبين والإدارة منصفة :أفكر: ..
لكن لو جيت عندنا بمدارسنا .. تشوف العجب العجاب أذكر مدرس الكيميا العام الماضي ثانية ثانوي مو بس يسب الطالب :31: لا بعد يلعن أبوه وأمه :28: يعني ولا شي قدام مدرسينكم ..
:31: ويوم الواحد يروح يقدم شكوى عند الإدارة :o يقولون له انقلع
عندنا سياسة اسمها ( المعلم دائماً على صواب مهما سب أو شتم أو صلت الأمور لحد القتل ) :biggrin:
على كل حال الله يخارجنا هذي آخر سنة نتخرج ويبتلى المجتمع بنا :09: .

يحليلكم ..انتو مظلومين
لكن نحنا الحمدلله ..صح المدرسين كل واحد اخيس عن الثاني ... لكن الاداره نوعا ما منصفه
الله يهدي الوافدين
ياخي انا ما ادري ليش احسهم ما يحبونا.. لهالدرجه منقهرين منا عشان نحنا عندنا خير وانتو لأ :31: ..الله يهديهم
Pr.Game
17-02-2005, 10:27 PM
يحليلكم ..انتو مظلومين
لكن نحنا الحمدلله ..صح المدرسين كل واحد اخيس عن الثاني ... لكن الاداره نوعا ما منصفه
الله يهدي الوافدين
ياخي انا ما ادري ليش احسهم ما يحبونا.. لهالدرجه منقهرين منا عشان نحنا عندنا خير وانتو لأ :31: ..الله يهديهم

ابتسم فأنت في وزارة التربية والتعليم :09: ..
الله يعين على الحالة .. والله يعين على اللي جاي .. واختبارات الوزارة :17: .
الموهوب
17-02-2005, 10:41 PM
,,,

والله مشكله,,


والمشكله الكبرى اني ماعرف معناتها:D


والله عندنا انواع الاخلااق!
((المدرسين))

بس بعضهم من جنبها بالتدريس! تهي تهي تهي



لكن اللي من جد اخلاق زفت

هم الطلاب,,

الوكيل

المعدل اليومي عنده من 10 الى 20 طالب يوميا:D
شتاينر
18-02-2005, 12:28 AM
السلام عليكم ..
أول شيء انا رح أقولك إنه إنتا معك حق في هالموقف لأنك مظلوم ..
بس بكل صراحة وخلينا نكون صادقين إنه 90% من الأخطاء اللي بتصير في المدارس بكون سببها الطلاب مش المدرسين .. انا خلصت المدرسة من 4 سنين , بس عندي صديق بدرس بثالث علمي وعم بقولي قصص ومواقف بتصير عندهم بالمدرسة بسووها الطلاب في المدرسيين , بنظري أعتبرها قمة بالوقاحة وقلة الأدب وحتى مرات ما أصدق إنه مثل هاذي المواقف فعلا صارت , طول حياتي الدراسية ما مر علي غير أستاذ واحد بس , شتم الطلاب بس مش من لا شيء , لا لانه الطلاب جننوه فعلا لأقصى درجة , بس اللي صار إنه بعد هالموقف الطلاب راحوا اشتكوا عليه للإدارة والإدارة أعطته إنذار .. بس هالأيام صارت السباب والشتائم عادة دارجة بين المدرسين والطلاب مع إنه لو لاحظنا إنه كثير من المدرسين كانوا نفسهم اللي درسوا في وقتي انا أو درسوا اللي قبلي كمان وما كنا نشوف منهم مثل هاذي المواقف .. فشو رأيكم السبب بكون ؟؟ هل لانه المدرسين جاي على بالهم يسبوا وراحوا سبوا ؟؟ ولا لانه الطلاب تصرفاتهم بدأت تصير لا تطاق ؟؟ ... طبعا مش جميع الطلاب أكيد


يعني بصراحه احسه مب ريال وانا طبعا هاذي الاشكال اتمصخر عليهم طول الحصه
شفت إنه كلامي صح ؟؟ البداية بتكون من الطالب فالنهاية أكيد لازم تصير من المدرس :)


... الله ياخذ الشيطان الدوله موفره لكم حمامات والماي مول ما ينقطع ياخي خذلك دش قبل ما تجي المدرسه

فئة قليلة .. :أفكر:


الله يهدي الوافدين ياخي انا ما ادري ليش احسهم ما يحبونا.. لهالدرجه منقهرين منا عشان نحنا عندنا خير وانتو لأ ..الله يهديهم

شيء طبيعي هالإحساس بالمدرسة , بس إطلع على مناطق ثانية بتشوف شيء مختلف .. مافي أي عداوة بين الطرفين :)

على كل حال برجع أقول إنه مش دائما المدرسين على حق ... وإنه في بعض الأحيان الطلاب على حق بس المشكلة في الإدارة اللي دائما تحط اللوم على الطلاب حتى بدون سماع وجهات نظرهم ... :o
Dark Watch
18-02-2005, 12:40 AM
ههههههههههههههههههههههههههههه

الله يعينك :)
Angel whisper
18-02-2005, 05:43 PM
وعليكم السلام والرحمه ^^
هههه اما سالفه ..
بس انتو مادري .. احس المدرسين غاسلين اياديهم منكم .. وعندهم هي خربانه خربانه .. من هذا يسوون هالاشيا ..
عموما .. انتو هدو وتأدبو وهو بيهدا بعد .. ^^
حمسيتني اكتب موضوع عن بلاوي مدارس الاولاد .. اخويه مخبرني قصص مب طبيعيه .. ههههه
وعاد السموحه .. حرريت اشيا في موضوعك ^^
وبالتوفيق .. صدق كنت كارهه فيزيا ثاني ثانوي .. خاصة مال الكورس الثاني .. وع -_- اصبر الين ما تاخذ اخر فصلين .. صدق بتنقرف .. وبتقول يحليل المتجهات XD
asf4ever
18-02-2005, 05:55 PM
وبالتوفيق .. صدق كنت كارهه فيزيا ثاني ثانوي .. خاصة مال الكورس الثاني .. وع -_- اصبر الين ما تاخذ اخر فصلين .. صدق بتنقرف .. وبتقول يحليل المتجهات XD



بالأحلام ياوخيتيXD
حذفو الفصل الأخير ولله الحمد
وأشياء ثانية بعد وبكرة إن شاء الله ببدلون الكتب
وشيء ثاني
إنتي خليتيني أتخرع الحين من الفيزياء -_- ومن الحين أنا قاعد أقول ياليت المتجهات تعود يوما (مع إنه خسفت حياتي وعجلت مماتي)
إلا أقول شو رايكم بالمقامة البغدادية :D (إشتهيت الأزاد وأنا ببغداد وليس عندي عد على عقد.. >>>>طلع عن الموضوع
Angel whisper
18-02-2005, 06:20 PM
بالأحلام ياوخيتيXD
حذفو الفصل الأخير ولله الحمد
وأشياء ثانية بعد وبكرة إن شاء الله ببدلون الكتب
وشيء ثاني
إنتي خليتيني أتخرع الحين من الفيزياء -_- ومن الحين أنا قاعد أقول ياليت المتجهات تعود يوما (مع إنه خسفت حياتي وعجلت مماتي)
إلا أقول شو رايكم بالمقامة البغدادية :D (إشتهيت الأزاد وأنا ببغداد وليس عندي عد على عقد.. >>>>طلع عن الموضوع
بكفخك .. بذبحك .. بنحرك .. بمصع رقبتك .. بطردك ..
لييييييييييييييييييش يحذفونه عنكم؟؟ كان هذا اخس فصل فيزيا يمر علي طول حياتي الفيزيائيه .. واع واع ..
مابا مابا .. باجر بتصل حق نهيان بخليه يرده لكم .. ما يخصني -_-
KJF
19-02-2005, 10:50 AM
انا لساني ثاني اعدادي... :)
بخخخخخخخخخخ :D الله يعينكم :09: كلكم متوهقين من اساتذتكم :08:
Mista Koo
19-02-2005, 03:03 PM
هه؟ لك شو هيدي الفيزيا اللي يدرسوكم؟
انا ثاني علمي بس ما ندرس اي شي من هالخرابيط
حدنا الشغل والطاقة ^_^
وسلامتكم
#aNiMaNiA#
19-02-2005, 09:31 PM
معليش اخوي leopard
هذا حال الدنيا
لا تزعل نفسك
زي ما قالوا الشباب عندنا تسمع انواع السب والشتم
كان عندنا مدرس رياضة أيام المتوسطة قوي ما عليه
كان يسب العيال سب من نوع &#!@%$#@!!!!!!!
يعني مشي حالك
سلام
Electro M
19-02-2005, 11:54 PM
خذها قاعدة عامة اي شخص يحب الفيزيا هذا عقليته للاسف كيف الحال - مرفع -
انا درست على يد مدرسين و دكاترة فيزيا و كل واحد منهم يقول الزود عندي
حتى عندنا دكتور يمشي في الجامعة و يكلم نفسه !!
الغريب انه حتى طلاب الفيزيا تحس انهم على وشك الوصول لهذه المرحلة
الله لا يبلانا بس


لكن بصراحة انت غلطان لما تكلمت وقت الاختبار
احنا لو يصير كذا عندنا على طول صفر في الاختبار