تسجيل الدخول

مشاهدة النسخة كاملة : نقاشات الجوالات أسئلة بسيطة عن الآي ميت جام


3amOOra
18-02-2005, 02:18 PM
مرحبا..

لو سمحتم الإجابة عن الأسئلة التالية بخصوص الآي ميت الجام الذي أود اقتنائه في أقرب فترة :

1- م الأغراض اللتي تأتي معه " كاملة "

2- ما ذاكرته الداخلية ؟

3- هل يأتي معه كرت ميموري ؟ و كم حجمه ؟

4- مالعيوب التي فيه ؟

5- هل كل البرامج الخاصة بال Imate Pocket Pc تتنزل على الجام ؟!؟!

و ماذا ينصح بالشراء معه حين اقتناءه

أرجو الرد السريع
و شكر

تحياتي
3amOOra
18-02-2005, 02:24 PM
و كيفية طريقة تشغيل الإنترنت العادي عليه في الكويت و كم تكاليفها ؟
Evil Gaara
18-02-2005, 03:40 PM
مرحبتين :)
أنا توني شاري i-mate PDA2K و أعتقد إنّ ما في فرق بينه و بين الـ jam إلا بس الكيبورد و الـ wi fi و الكاميرا مالت الجام 1.3 mega pixel و إهيه أحسن من الـ PDA2K و بس .
ألحين خل أجاوبك على أسئلتك:_

1- م الأغراض اللتي تأتي معه " كاملة "

راح إيي معاه :_
1- بطارية Battery
2- محول كهربائي DC Converter
3- محول كهربائي AC Adapter
4- واير يو أس بي مع قاعدته إللي تتوصل إلى الكمبيوتر USB Cradle
5- سمّاعات Headset
6- بوك ( هذا على شان تحفظ الجهاز داخل محفظة ) Side Pouch
7- الكاتالوج ( كتيّب التعليمات ) User Manual\ Quick Start Guide
8- سي دي Companion CD

2- ما ذاكرته الداخلية ؟
أنا الـ PDA2K مالي يشيل 128 و الـ JAM يشيل بس 64

3- هل يأتي معه كرت ميموري ؟ و كم حجمه ؟
لأ ما إيي معاه
أنا أخذت لي واحد يشيل 512 ميغا بايت تقريبا بـ 115 دولار و نوعيّته هي mmc بس يقولون إن الـ SD card أحسن لإن فيه Lock يعني تقدر تمنع أنّك تحفظ فوق المعلومات

4- مالعيوب التي فيه ؟

همممم
أنا لي ألحين ما صار لي أؤبعة أيام من أوّل ما أخذته بس شفت أشياء و تعجّبت منها
شوف , أول عيب هو أن لمّان تبي تطرّش ( تبعث ) ملف إلى أي شخص عن طريق البلوتوث , لازم الطرف إللي إنت بعثت له يكتب Password و بعدين يقول لك شنو إهيه الباسورد على شان إنت تكتبها و بعدين تتم عملية الإرسال.
و ثاني عيب هو أن البطارية إذا شلتها من التلفون لمدة 20 دقيقة يصير حق الجهاز Format , يعني تنمسح المعلومات إللي عليه
و ثالث عيب هو أن إذا خلّصت البطارية من الجهاز , راح على طول يصير فورمات حق الجهاز.
رابع عيب هو أن المسجات إللي كانت بتلفونك القديم ما راح تطلع على الـ i-mate
و العيب الخامس هو أن المسجات إللي توصل لك على الـ i-mate , إذا تفرمت الجهاز إهيه إتروح بعد , يعني تنمسح.
و بس هذا إللي لاحظته.

5- هل كل البرامج الخاصة بال Imate Pocket Pc تتنزل على الجام ؟!؟!
إي على ما أظن , لإني نزّلت برامج من النت و هذي البرامج مخصصة للـ Pocket PC و تشتغل ما فيها شي.

و ماذا ينصح بالشراء معه حين اقتناءه
بما أنّك تبي تآخذ الـ jam , أنصحك تشتري معاه كرت ميموري بو 256 ميغا و فوق , يعني إخذ لك أكثر من 256 و بس.
ملاحظة : ترى ألحين عملوا ترقية حق ميموري الجام Jam , يعني عادتا كان بس 64 ميغا , أما ألحين صار 128 ميغا , و هذي الترقية إتصير عن طريق المبرمجين , يعني مو برنامج إنت إتحطه على شان يصير بو 128 , لازم إتوديه عند محل .
و بس.
مع السلامة.
3amOOra
18-02-2005, 07:21 PM
ألف شكر أخي العزيز ,, أجوبة رائعة
بكن ما زال هناك بعض الإستفسارات :

هل من المعقول أنه لا يأتي مع الجهاز أقلام احتياطية !!!

بخصوص إنو الجهاز يفقد معلوماته لما تخلص البطارية ,, هل هذا يعني أنه لو إنت سكرت الجهاز بنفسك قبل أن تخلص الباطرية ,, ما حيمنسح شي !؟؟

طيب بخصوص الترقية ؟!؟!
هل أي محل موبايلات ممكن يسويها ؟!؟!

و أين أجد من يعمل لي ترقية الذاكرة للجام في الكويت ؟!؟!
و كم التكلفة المتوقعة لهذه العملية !؟؟!


و برأيك .. إذا اشتريت ميموري 256 هل أنا باستغناء عن الترقية !؟؟!؟!


شكرا مرة أخرى

تحياتي
Evil Gaara
19-02-2005, 12:22 AM
ألف شكر أخي العزيز ,, أجوبة رائعة
العفو :أفكر:

هل من المعقول أنه لا يأتي مع الجهاز أقلام احتياطية !!!
ooop Sorry :09: نسيت إن مع الكرتون إيي معاه قلم واحد إضافي :D

بخصوص إنو الجهاز يفقد معلوماته لما تخلص البطارية ,, هل هذا يعني أنه لو إنت سكرت الجهاز بنفسك قبل أن تخلص الباطرية ,, ما حيمنسح شي !؟؟

لأ , شوف , الجهاز و لا بعمره راح يقدر تطفيه , يعني إذا لو بدّك تصكره , ما راح يتصكّر , يعني راح تظغط زر الإطفاء , و راح تطفي الشاشة , لكن مع ذلك الناس يقدرون يتّصلون عليك و التلفون راح يرن عندك و تقدر تشيله و تكلّمهم , و إذا رعصت زر الإغلاق إللي هو نفسه زر الإطفاء , راح تطفي الشاشة فقط , يعني التلفون ما راح يتصكّر , و إذا ما بقى شي على البطارية و صكّرته , راح تستحمل إلين ما ترجع البيت و ترد تشحنه , عاد الله أعلم كم يستمر معاك

طيب بخصوص الترقية ؟!؟!
هل أي محل موبايلات ممكن يسويها ؟!؟!

الله يسلمك الترقية هذي توها نازلة و لي ألحين ما إنترشرت
و إذا إنتشرت , أعتقد ذيك الساع بعدين يمكن تعملها عند أي أحّد بالمحلات;)

و أين أجد من يعمل لي ترقية الذاكرة للجام في الكويت ؟!؟!

ما أعتقد إن في الكويت ألحين في أحّد يقدر يعمل ترقية :( , إذا رح يكون في أحّد , أعتقد إن شارع بن خلدون أو إلكترونيات الغانم هي إللي تقدر تعملّك الترقية

و كم التكلفة المتوقعة لهذه العملية !؟؟!
200 دولار , يعني 60 دينار

و برأيك .. إذا اشتريت ميموري 256 هل أنا باستغناء عن الترقية !؟؟!؟!

إي , أعتقد جذيه , و الأحسن إنك تآخذ ميموري 512 نفسي :biggrin:
=========
هذي بعض الصور إللي عن ترقية الجام jam


http://www.pbase.com/bengalboy/image/38893644.jpg
هذي هي الـ Mother Board


http://www.pbase.com/bengalboy/image/38893645.jpg
http://www.pbase.com/bengalboy/image/38893646.jpg
هذا الجهاز بعد التفكيك




http://www.pbase.com/bengalboy/image/38893647.jpg
و هذا الجهاز و بجانبه شريحة الرام ( الميموري )



http://www.pbase.com/bengalboy/image/38893649.jpg
http://www.pbase.com/bengalboy/image/38893650.jpg
إهني قاعدين يصكرون الجهاز من بعد ما ركّبوها


http://www.pbase.com/bengalboy/image/38894967.jpg
و هذي هي النهاية :biggthump
مع السلامة
3amOOra
19-02-2005, 04:50 AM
يعطيك ألف عافية

كفيت و وفيت !

أما عن الترقية ,, فما حسويها أبدا ! لإن تكلفتها عالية جدا !!
في حين الكرت يغني عنها !

أخوي يا ريت تضيفني عندك lord_bluesight@msn.com
لإن أكيد حيكون عندي أسئلة كثيرة لما اشتريه في الأيام القليلة القادمة

تحياتي
Evil Gaara
19-02-2005, 12:22 PM
ok

كاني ضفتك ;)
بس ترى أنا توني لي ألحين ما صار لي خمسة أيام من أوّل ما شريته
يعني أنا مو خبير مثل ما تتوقع :09:
هه هه , بس يالله مو مشكلة
إن شالله أفيدك إذا كنت أعرف إللي ما تعرفه :icon6:
مع السلامة.