الموضوع الرسمي لنقاشات DMC3 ..

[The Last Fantasy]

بسم الله الرحمن الرحيم
السلام عليكم ورحمة الله وبركاته

بعد ختمي للعبة Devil May Cry 3 : Dante's Awakening ..أحببت ان أضع موضوع مخصص للعبة.. والتي أثبتت جدارتها بأنها لعبة العام من حيث الأصوات والجرافيكس والقصة المثيرة ..

للسماح للأعضاء بوضع اطباعاتهم للعبة وتوقعاتهم المستقبلية وما شابه ...
وقبل ذلك أريد ان أقول بأن هذا الموضوع Spoiler ...يفضل لمن لم يختم اللعبة بأن لا يدخل الموضوع أو يشارك فيه لأنه قد يتحدث أي عضو عن أي حدث في اللعبة أو التكلم عن نهاية ما أو ما شابه ...

وسأبدأ من الرد القادم بإذن اللــه ..

[croove]

ما شاء الله خلصتها
مبروك :biggthump و مبروك الفوز بمسابقة منتدى الـPS2 :biggthump (متأخرة شويه)

طيب أنا بعدي ما إشتريت اللعبة (أنتظر النسخة الأمريكية)
بس عندي سؤال :33:


كم من الوقت أخذت منك اللعبة مع الأحداث (مشاهد القصة)؟؟؟؟
و كم من الوقت تعطي إذا خلصت اللعبة بدون الأحداث يعني ما تابعت القصة ؟؟؟


و شكراً

[Kingdom Hearts]

مبروك :biggthump

عندي سؤال:

والتي أثبتت جدارتها بأنها لعبة العام من حيث الأصوات والجرافيكس والقصة المثيرة ..

وش دراك عن القصه و النسخه يابانيه؟؟؟؟ :06:

[The Last Fantasy]

Spoiler

لطالما وجدنا أخطاء في جزأيها السابقين .. لتأتي في هذا الجزء بقصة رائعة تحمل الإثارة والحزن والحماس ..

Dante : الصراحة دانتي في هذا الجزء أفضل بكثيــر من اللي قبل ... يوسع الصدر .. والأكثر الحركات الجديدة اللي تقدر تسويها ..

Marry : هذي أول بنت تصلح في ديفل مي كراي كلها ... أذكر تريش ما كان لها تأثير قوي على القصة ... ونفس الشي مع لوشيا في الثاني ... مالها أي دور في القصة ... بس ماري صراحة لها دور كبير جدا وارتباط بجميع المجريات .. وخاصة في نهاية اللعبة ..

Virgle : توأم دانتي .. دورة في هذا الجزء أقوى من دور أبوه سباردا في الجزء الأول ... وأضاف حماس كثير على القصة ...

Marry Father : شخصية قوية لها دور فعال في اللعبة .. وخاصة في مراحل اللعبة الأخيرة ..

التحولات الشيطانية ممتازة جدا ... ومناسبة برأيي ..

الجرافيكس رائع في العروض والمراحل ... والأحلى مطابقة الكلام لحركة الشفايف ^^

عدد المراحل معقول جدا ..

والي عجبني أكثر في آخر اللعبة لما تقاتل وهم يكتبون لك فريق العمل ^^

أحب سماع آراءكم ^^


:ciao: .ســ.ــلــ.ــمــ.ــلــ.ــم. :ciao:

[The Last Fantasy]

النسخة هذي تقدر تختار اللغة والترجمة على كيفك .... لازم تشتريها ^^

بصراحة ما أذكر كم الوقت .. بس ما أظن يتعدى الـ 10 ساعات ^^

والله يبارك فيك ^^


:ciao: .ســ.ــلــ.ــمــ.ــلــ.ــم. :ciao:

[croove]

النسخة هذي تقدر تختار اللغة والترجمة على كيفك .... لازم تشتريها ^^



شوووووووووووووووووووو
معقولة :bigeyes:

خلاص إن شاء الله إذا حصلت وقت أسير أشتريها :biggthump
و تسلم أخوي على الإجابة :reporter:

[Dr.Zezo]

امداك وخلصتها قبل امس تقولي بروح اشتريها...
شكلك رجعت لعادتك القديمه في اللعب 12 ساعه يوميا...
انت تذاكر وتحل واجباتك...
ترى فيه واجب تاريخ واعتقد ان استاذ الكيمياء بيسمع لنا بكره...

[The Last Fantasy]

croove
العفــو حبيبي ^^

Dr.Zezo
بدون فضايح >< ..... عموما .. لازم تجربها ^^


:ciao: .ســ.ــلــ.ــمــ.ــلــ.ــم. :ciao:

[المستلج]

سلام عليكم ..............


بنسبه لي اللعبه CooooooooooooooooooooooL مااتوقعت ان تاناكا خطير لذي الدرجه وهي وقتها طوييل


مره اكثر من 15 ساعه لعب وركن رووووووووووووعه راح تلعبها مره ومرتين وثلاث لنها رجعت امجاد الجزء الاول


من ناحيت الرسوم والجرافكس لا يعلى عليه فري فري كووووووووول

بس هناك مشكله بسيطه هي الكاميرا بعض الزوايا مو كويسه مره يعني


العروض قويييه الشخصيات القصه كلها فري كووووووووووووووول


لكن بسئلك اخوي ))The Last Fantasy(( في كل عرض يجي للبنت يحطون رقم :wow: وش الحكمه من هذا الرقم مع اني خلصتها ما حصل شي بنهايه :06:



تحياتي للجميع ................






تشاااااااااووووووووووو

[The Last Fantasy]

هلا بالمستلج ...

أنا لاحظت هذا الشي ... وعرفت وش هو ..

لو تلاحظ أن العروض اللي تجي فيها أرقام تكون في بداية المراحل .... باختصار .. الرقم هو رقم المرحلة ^^

..............

وبالنسبة للكاميرا .. بالعكس .. أنا مرتاح جدا ... يمكن الأماكن اللي تتكلم عنها تقدر تتحكم بالكاميرا فيها بـ R3 ^^

ومشكور على مرورك ^^

وحبيت أطرح سؤال استفتائي نسمع فيه آراءكم ^^

هل تتوقعون صدور جزء رابع ... من حيث نهاية الجزء الثالث ؟؟

لأن القصة ما انتهت تماما :أفكر:


:ciao: .ســ.ــلــ.ــمــ.ــلــ.ــم. :ciao:

[MASTER_DEVIL]

باروكولي ختمت اللعبة على النورمال كانت صعبة شوي :D بس انا قدها
طبعا انا اعتبرDEVIL MAY CRY 1 احلى لعبة عندي بس الحينDMC 3 اهيا الاحلى:biggthump
تقاييمي للعبة
الغرافكس 9/10 نظرا لقدرات البلاستيشن2 هذا اقصى حد للغرافكس مع اني تمنيتها تكون بقوة NINJA GAIDEN
الاصوات : 10/10 رهيبة وعجيبة وما فيه عليها
القصة : 10/10 انصدمت بالقصة خاصة بعد تغير المجرى الرئيسي والنهاية الرائعة بكل معنى الكلمة
عمر اللعبة( مع اني ما احب هالنقطة يعني اللعبة مو حلوة إلا إذا كانت طويل):أفكر: : 10/10 طبعا 12 ساعة لعب مدة جيدة جدا للعبة مغامرات إلا إذا تبونها تكون 20 ساعة فوقتها بتصيرRPG :08: مو اكشن مغامرات
طريقة اللعب : 10/10 اروع واخطر وارهب شي باللعبة وين تحصلون نوعية نادر مثلCRAZY ACTION STYLE مافيه إلاDEVIL MAY CRY
والي يحب يقارنها بنينجا غايدن اعتقد نينجا جايدن ضعيفة بشيئين القصة والاصوات حتى عمر اللعبة طويل جدا على قصة عادية جدا ( تعودنا الالعاب الطويلة للقصص الرائعة وليست للعادية)
طبعا انا اتكلم وانا مخلص اللعبتين وبالاخير يبقى رأي شخصي
-----------------------------------------------
THE LAST FANTASY الله يسمع منك والصراحة اتوقع رجوعVERGIL :jester:
الصراحة الموقف الاخير كان مؤثر جدا وانا ما توقعت النهاية تكون على هالمنوال :biggthump

[The Last Fantasy]

هلا بك أخوي ...

نسيت أقول تقييماتي ::

الجرافيكس :: 9.5 ... ممتاز جدا .. مع وجود بعض العيوب البسيطة جدا في أشكال بعض الوحوش ..
الأصوات :: 10 ... الموسيقى حماسية جدا .. وتشدك لأبعد حد ^^
القصـة :: 10 بصراحة القصة فاقت كل توقعاتي .. مؤثرة من ناحية القتال والحماس والخيانة والحزن والغدر ووو ..
عمر اللعبة :: 10 معقول جدا جدا .. وعروض اللعبة تخليك ودك تلعبها ثانية وثالثة ^^

CrasY DeatH PartY

ومشكور على مرورك ... ونحب نسمع آراء أخرى ^^


:ciao: .ســ.ــلــ.ــمــ.ــلــ.ــم. :ciao:

[LegndSprda]

السلام عليكم و رحمة الله و بركاته

بالنسبة إلى اللعبه فهي أفضل جزء لديفيل ماي كراي بلا منازع:biggthump
وشكرا

[LegndSprda]

السلا م عليكم و رحمة الله و بركاته

بالنسبه إلى فهي أفضل جزء لديفيل ماي كراي:biggthump بلا منازع
وشكرا

[The Last Fantasy]

مشكور أخوي على مرورك ..

وهذا رايك وراي الجميع ^^


:ciao: .ســ.ــلــ.ــمــ.ــلــ.ــم. :ciao:

[الغشيم.نت]

السلام عليكم ياTHE LAST FANTASY أنا عضوجديد أريد إميلك لأني متوررررررررررط في مكان في اللعبة

[الغشيم.نت]

السلام عليكم يا THE LAST FANTASY أبغى بريدك ألألكتروني.....هذا إميلي iema50@hotmail.com

[italy100%]

اخوي متى تقدر تتحول
انا في المهمه 6 ولا تحولت باقي

[The Last Fantasy]

ما تبدأ من أول المراحل ....

إذا وصلت المرحلة الثامنة وخلصتها تقدر تتحول بعدها ^^


:ciao: .ســ.ــلــ.ــمــ.ــلــ.ــم. :ciao:

[evil eye]

ما شالله عليك خلصت في فترة قياسية بس بسألك من وين جبت قدرت توفر هالوقت كله ...... أتصدق أني أمس بس توني لاعب فيها بس أمس!!!! مع أني مشترنها من أسبوع ؟؟؟؟ علمني أشلووووووووووووووووون قدرت توفر كل هالوقت ؟؟؟؟ وأشلون أتخلص من الجامعة وواجباتها المستحيلة والمجنونة ؟؟؟؟؟ هنيئا لك..........

[Silver Wolf]

والله الصراحة اللعبة مجنونة غير طبيعية ..

وفرأيي دانتي فهاللعبة مصرقع ، بايعها يدور المشاكل بس :biggthump ، بس المشكلة في وجه دانتي جاي كنه فلبيني ، اممم عموما دانتي الشايب ودانتي شباب يختلفون ، لكن كلهم رائعين .. ودانتي في الجزء الثاني كان ثقيل مايحب كثرة الكلام وتحس بقوته ومايهمه اي احد ...

بس المشكلة فالحركات حقة ستايل تريك ستير والرويال قارد ...

انا اتوقع لو هالستايلين شالوهم وخلوا حركاتهم عادية تجي مع اي ستايل سواء جن سلينغر ولا سورد ماستر كان احسن ...

لكن اتوقع ان مصممي اللعبة فكروا بهالشي .. لكن اعاقهم اختيار الأزرار ...

وطبعا مثلكم عارفين حلاة ديفل مي كراي في الحركات البهلوانية ، مثل الاطلاق على عدوين بمسدسين في وقت واحد ، او مثل المشي على الجدار ..

ومن السلبيات حركة القفز المضاعف ، لازم تشتريها وماتسويها الا على الريبيليون ..

عموما هذا رأيي عن اللعبة ، والقصة مابانت ملامحها الى الآن عشان احكم ..
لكن بالمقارنة مع الجزئين السابقين هي الأفضل !

عموما كابكوم ابدعت وانتجت سلسلة رائعة من اروع سلاسل الألعاب على الإطلاق كما فعلت مع العملاق ريزدنت ايفل ... ولله الحمد رجعت لعقلها وبقيت في بلي ستيشن ، وصرفت النظر اخيرا عن الجهاز الفاشل جيم كيوب ..

انا الحين عند الحارسين العملاقين .. صعوبة نورمال ابخلص اللعبة وبعطيكم رأيي ..

الا اقول كم مرحلة فاللعبة ؟

[KasiH]

السلام عليكم كيفكم اخوان .انا لسة امس ختمت اللعبة واقول وابصم انها اللعبة الافضل في سلسلة ديفل ماي كراي يا اخوان صراحة اللعبة جبارة جدا وممتازة لحد كبير اكشن كوميديا متعة قصة صراحة شيء كبير عملته كابكوم وانا اقول انها الافضل والصراحة تكفي العروض وشخصية دانتي الجديدة !!!!!

[The Last Fantasy]

Sharingan Saad
حياك ذا ون ^^ ... والله بالنسبة للستايل ... معك حق ... لو حطو كل الحركات في ستايل واحد كان أفضل ...
ولا أتوقع أن الأزرار عائق .. فيه أزرار مالها تأثير ... يستعملونها زي R3 ومربع وغيره ... والقصة روعة لأبعد الحدود .. كلها أحداث مشوقة ... وعدد المراحل 20 مرحلة ^^.. ومشكور على مرورك ^^


كاسح الالعاب
أول شي .. مبروك ختمة اللعبة ... وهي بالفعل أكشن كوميديا ... كلها هبال وصرقعة ^^ .. كابكوم أنتجت أروع ألعابها في هذا العام ^^

evil eye
هلا أخوي ... أشوفك كبرتني وأنا مدري .. :09:
عموما أنا ختمتها في أول خميس وجمعة بعد نزولها ^^


:ciao: .ســ.ــلــ.ــمــ.ــلــ.ــم. :ciao:

[D2D]

اخوي الغالي

بس حبيت اسالك

ابي الجوكر وش صار عليه انا لا حاربته ولا شي

ابي وش صار عليه بعد ماتقاتل دانتي واخوه

وياليت تجاوبني بصراحه

[The Last Fantasy]

هلا أخوي ..

شكلك ما لاحظت ^^

جيستك إلي هو الجوكر ...... هو نفسه آركهام الأقرع ..

ولو تلاحظ بعد ما تقاتل فيرجل المرة الثانية بتلقى أن الصورة تتغير من جيستك لآركام ^^

ان شاء الله أفدتك ^^


:ciao: .ســ.ــلــ.ــمــ.ــلــ.ــم. :ciao:

[croove]

هييييييييييييييييييييييييييه


إشتريت Devil May Cry 3 :D
الصراحة حتى الآن موصل المهمة الثالثة و الصراحة العبة ما عليها أي كلام :biggthump
رهييييييييييييييييييييييييييييييبة :biggrin:


بس عندي أسئلة على الطاير إذا ممكن أحد منكم يجاوبني عليها (أدري إني أقدر أعرف الأجوبة بعد ما أجرب اللعبة أكثر) <<<<<<<<<<<<< إنسان فاضي :stupid:


1- بالنسبة للـstyle بس أقدر أغيره مرة وحدة يعني بس أقدر أغير الـstyle قبل ما أدخل المهمة ؟؟؟؟؟

2- بالنسبة للتغير اللغة في اللعبة
لازم كل ما أشغل اللعبة أدخل Options و أغير اللغة من هناك ؟؟؟؟؟
لأني خزنت اللعبة في المرحلة الثانية و خليت اللغة بالإنجليزي و لما لعبتها مرة ثانية و بعد الـLoadgame
ما تغيرت اللغة إلى الإنجليزية و بقيت على اليابانية (أقصد اللغة الي في اللعبة و ليست الترجمة) يعني أجبرت إني أدخل Option مرة ثانية و أغير اللغة (كني طولت بالكلام :boggled: )




و السموحه


سلام

[The Last Fantasy]

حياك أخوي ^^

بالنسبة للستايل :: تقدر تغيره في موضعين ..... في أول المهمة .... وأحيانا تلقى تمثال أصفر داخل المراحل .. روح له تقدر تغير الستايل من عنده ^^

أما الترجمة :: لازم تغيرها كلما شغلت اللعبة >< ... بس ما تاخذ دقيقة وحدة ^^


:ciao: .ســ.ــلــ.ــمــ.ــلــ.ــم. :ciao:

[croove]

حياك أخوي ^^






بالنسبة للستايل :: تقدر تغيره في موضعين ..... في أول المهمة .... وأحيانا تلقى تمثال أصفر داخل المراحل .. روح له تقدر تغير الستايل من عنده ^^


أما الترجمة :: لازم تغيرها كلما شغلت اللعبة >< ... بس ما تاخذ دقيقة وحدة ^^









:ciao: .ســ.ــلــ.ــمــ.ــلــ.ــم. :ciao:




همممممممممممممم

I See

بالنسبة للغة المفروض إن الـOptions أن التخزين يحافظ على اللغة و ما يرجعها

بس عادي اللعبة تستاهل :biggthump



و تسلم أخوي على الإجابة :biggthump




و هذي إضافة ممكن تكون قديمة للبعض و ممكن تكون جديدة لكم





المهمة السرية الأولى



أين تجدها ؟؟؟

في المهمة الثالث


الباب موجود تقريباً عند التمثال الأصفر قبل ما تواجه الزعيم (راح تلاحظ شكل الباب على الجدار الي على اليمين)





للي يلعبون اللعبة أول مرة

بعد ما تقاتل الوحوش داخل المرقص و تخرج منه

أسلك الطريق و راح تلاحظ وجود التمثال الأصفر

الباب السري موجود على جهة اليمين (الجدار الي على اليمين و راح تلاحظ شكل الباب)





ماذا تفعل في المهمة السرية الأولى ؟؟؟

أقتل جميع الوحوش قبل أن ينتهي الوقت المحدد





الجائزة

قطعة من الـBlue Orb





مثل ما قلت ممكن تكون قديمة بس حطيتها علشان يستفيدون منها الأعضاء الي ما عرفوا مكانها





سلام

[The Last Fantasy]

حياك أخوي .. وألف شكر لك على مرورك وإضافاتك ^^

وأكيد بيتفيد منها الأعضاء ^^

مشكور مرة ثانية ^^


:ciao: .ســ.ــلــ.ــمــ.ــلــ.ــم. :ciao:

[dh-Angil]

السلام عليكم الصراحه اللعبة اكثر من مجرد رائعة

انا موصل إلى المرحلة 16 وموقف عند المون ستون اللي ينزل لك الكور الثنتين



كيف اعدي هذاي المرحلة ؟



ولحظت كأن اللعبه تكملة للجزء الأول و الثاني ما له داعي في القصة

[croove]

الجائزة
قطعة من الـBlue Orb

على فكرة
أنا من أول مرة طلعت لي قطعة Blue Orb
يمكن تتغير إذا خلصتها أكثر من مرة
و في أكثر من مهمة سرية بس هذي الي حصلتها اليوم
و أكييييد تقدرون تعرفون أماكن هذي المهمات من بعض المواقع :09:


The Last Fantasy
العفو أخوي ;)




dh-Angil
حياك أخوي معانا في الموضوع

ودي أساعدك بس بعدي ما وصلت لهذي المهمة (اليوم مشتري اللعبة و أحاول أخلصها بنفسي :biggrin: )
على العموم تقدر تشوف موضوع أخوي The Last Fantasy
الحل الكامل لـDevil May Cry 3 (http://www.montada.com/showthread.php?p=3306086#post3306086)

و بالنسبة للقصة كلامك صحيح
لأنه أحداث قصة هذا الجزء صارت قبل أحداث الجزء الأول
و أعتقد إن ما في ربط بين أحداث الجزء الأول و الثاني ( :33: I think so)


سلام

[The Last Fantasy]

مشكور مرة ثانية على المرور والمشاركة :D

أخوي dh-Angil .. هذي من أبسط الألغاز ^^

فقط لازم تخلي الكورتين تصقع في بعض ^^ وبعدين بتنكسر ^^


:ciao: .ســ.ــلــ.ــمــ.ــلــ.ــم. :ciao:

[Wingless Angel]

مبروووك على انهاء اللعبة

وانا اخذتها واللعبة روعة

موصل المرحلة التاسعة وموقف لاني ما بنهيها الا بعد ما انهي سيكرت ميشن 4 بس المشكلة صعب

هل انت انهيته عطني الطريقة و الاستايل

[The Last Fantasy]

أهلا بك أخوي ..

بصراحة أنا ما اهتميت بالسيكريت ميشونز ... يمكن ما أنهيت إلا 3 أو 4 مراحل :08:

كان بودي أساعدك .. لكن والله ما أقدر ..

عموما .. مبروك عليك اللعبة ^^


:ciao: .ســ.ــلــ.ــمــ.ــلــ.ــم. :ciao:

[Mr_Gamer]

هذي تقيماتي للعبة بعد ما انهيتها ثلاث مرات :biggthump :biggthump

الجرافيك 9
جرافيك ممتاز ومقبول جدا كلعبة اكشن

الموسيقى 8.5
موسيقى ممتازة بس 0000

متعة اللعب 10
افضل لعبة اكشن لعبتها على الاطلاق فيها الكثير من الحركات والاسلحة

الشخصيات 10
شخصيات ممتازة لم اشاهد مثلها من قبل خاصة شخصية اخو دانتي شخصية قوية
وهناك شخصية المهرج وغيرها

القصة 8
قصة مقبولة لكنها قصيرة


عمر اللعبة 10
لن تطفش منها ابدا
انا قاعد العبها للمرة الرابعة


التقيم النهائي

9.5


كلمة اخيرة

اعتبر هذا الجزء هو افضل جزء في سلسلة DMC


وش رايكم ياشباب
كلامي صحيح ولا لا

[The Last Fantasy]

هلا أخوي ^^

ومشكور على مرورك ^^

وأكيد ما فيه شك أن هذه السلسلة من أفضل وأروع السلاسل ..


:ciao: .ســ.ــلــ.ــمــ.ــلــ.ــم. :ciao:

[Mr_Gamer]

مبروووك على انهاء اللعبة

وانا اخذتها واللعبة روعة

موصل المرحلة التاسعة وموقف لاني ما بنهيها الا بعد ما انهي سيكرت ميشن 4 بس المشكلة صعب

هل انت انهيته عطني الطريقة و الاستايل

هذي سهلة جدا
فقط استخدم سلاح قاذف الصواريخ اللي اخذته من mary في المرحلة 18
وارجع للمرحلة 9 واكيد حتفوز بالراحة
بس اول شي اشتر الـ LV3 حق السلاح علشان تسرع في الطلق