ليه حكومتنا ما تفتح مضمار للتفحيط والقومات في السعودية؟؟؟؟

[سولجير]

:reporter: السلام عليكم ...


<--- يبي يتفلسف عليكم :biggthump

الحين بعض الدول العربية مثل الامارات والكويت عندهم مضمار للسيارات

يعني مال تفحيط و استعراض لسياراتهم و قومات والعفس ..

الا عندنا السعودية يعني فوقها ريشه والا عناد :09: :09: والا بس يبون يقهورن الشباب

كلما سالت واحد قال ياخي وش لك بالسرعة اقوله مادام انت ماتحب السرعة غيرك يحبون السرعة

وسالت شرطي ذا اليوم ماسكني وانا مسرع مع خوي <-- هي صارت سالفة طويله مختصرها..

سالته قلته حطوا لنا مضمار للسيارات للسرعة ومثل هالاشياء قالي : انت مجنون هذول مجنانين

نروح نفتح لكم مكان علشان تموتون نفسكم فيه شقال في القران : ( ولا تلقوا انفسهم الي التهلكه)

قلته ياخي احنا غيرهم وبالعكس احسن لكم منها تعرفون وين مكان اذا بقيتوا تمسكون اي واحد مسوي شيء في الشوارع

ومنها تفتكون من هالشباب الي منزعجين كل شوي منهم ...

انا اطالب بفتح مضمار في السعودية للسيارات وبرفع خطاب للمسؤلين <-- (عنده واسطه )

شباب مين الي يايدني في هالكلام والي يخالفني لا يقعد :vereymad: يطولها

<-------------- متحمس للموضوع :33:

[skillman]

صادق صادق صادق والله انك صادق

ياخي ليش كذا على الأقل مضمار تقام فيه المنافسات وكمان سباقات رالي او سباقات سرعه ويكون فيها تحدي على المستوى المحلي والعربي........

والمشكلة ايش كل ما قلنا الكلام هذا قالو احنا سوينا سباقات ( سعودي اوتو ) ههههه اي سعودي اوتو الله يرحم والدينكم.........اصلاً سعودي اوتو قاعد كل سنه يتشحد في المجمعات او المراكز علشان يحصل على مكان ....واذا حصل ههههههه ياعيني على المكان كبر حوش بيتنا :17:
يعني السنه الي راحت كانو في درة العروس والسنه هذي في الآيس لاند ههههه شحدة اماكن :28:

[NOBUNAGA]

شكلكم نسيتوا وش صار في شارع الموت بالرياض


السعوديين وخاصة اهل الرياض ماهم صاحين فيه احد يمشي 200 او 240 ويهز الدركسون (فيه احد بالخخليج يسوي كذا :33: ... عشان كذا يحطون لهم مظامير لأنهم يلعبون على خفيف )

والدكتور الألماني الي خلوه يحظر تفحيط بالرياض اخذ الفلم معه يوم سافر وصاروا يعرضون لقطات من الفلم في قناة لمدة اسبوع :D ..... يقولون متهورين ومحترفين يخرجون بالليل :biggthump

[MaGn.ae]

ايه صح كلامك والله وبالنسبة لي انا من الامارات لاكن شفت افلام تفحيط سعودية كثير ونتيجتها ضحايا هذا الشي

المفروض يفتحون لكم حلبة سباق او استعراض علشان ترووون مهارتكم للناس وكفاية يا شباب نحنى في شنو اقل من

الانجليز لازم تثبت لهم انه اهل الخليج مو ناس عاديين ..

ولا شو تقولون ..

انا عن نفسي اماراتي ... لاكن الصراحة كل ما اشوف افلام تفحيط اشوف المساكين يتطايرون في الشارع

[Dark Watch]

والدكتور الألماني الي خلوه يحظر تفحيط بالرياض اخذ الفلم معه يوم سافر وصاروا يعرضون لقطات من الفلم في قناة لمدة اسبوع ..... يقولون متهورين ومحترفين يخرجون بالليل

هههههههههههههه خطيرين السعودين في التفحيط

[Sparta Ghost]

انا مؤيد للفكره وانت مؤيد للفكره ..بس مين بينفذ ..؟؟

اغلب الناس السعوديين مؤيدين للفكره ذي ...

[سولجير]

صادق صادق صادق والله انك صادق

ياخي ليش كذا على الأقل مضمار تقام فيه المنافسات وكمان سباقات رالي او سباقات سرعه ويكون فيها تحدي على المستوى المحلي والعربي........

والمشكلة ايش كل ما قلنا الكلام هذا قالو احنا سوينا سباقات ( سعودي اوتو ) ههههه اي سعودي اوتو الله يرحم والدينكم.........اصلاً سعودي اوتو قاعد كل سنه يتشحد في المجمعات او المراكز علشان يحصل على مكان ....واذا حصل ههههههه ياعيني على المكان كبر حوش بيتنا :17:
يعني السنه الي راحت كانو في درة العروس والسنه هذي في الآيس لاند ههههه شحدة اماكن :28:


هههههههههههههههههه
ترى على فكره هي صارت مسابقات
للسباقاات

صارت في شاطئ نصف القمر بالدمام لهواة التطعيس بين قطر واالسعودية وانا شافتها والي شافها

فعلا بقول كذا تكون السباقات

والا بلاش اعتقد نظمتها شركة بايسن ...

[سولجير]

شكلكم نسيتوا وش صار في شارع الموت بالرياض


السعوديين وخاصة اهل الرياض ماهم صاحين فيه احد يمشي 200 او 240 ويهز الدركسون (فيه احد بالخخليج يسوي كذا :33: ... عشان كذا يحطون لهم مظامير لأنهم يلعبون على خفيف )

والدكتور الألماني الي خلوه يحظر تفحيط بالرياض اخذ الفلم معه يوم سافر وصاروا يعرضون لقطات من الفلم في قناة لمدة اسبوع :D ..... يقولون متهورين ومحترفين يخرجون بالليل :biggthump

ياخوي لا تلومهم من القهر الي في قلويهم خلوهم يبردون قلوبهم

ياخي انا افخر ليمن تكون دولتي تتقيد بنظام يحافظ على الامن والاستقرار

بس مو لهدرجة ان تكون تقيد حتى في هالمجال ولا تتيح فرصة للشباب..

لو تجي للواحد تقول له وش انت الشيء الي فيه مبدع ؟

بعضهم يقولك ان ابدع في الطب او الرياضيات او الكورة او الرسم

حتى السيارات ياخي فيه مبدعين في هالمجال لا تقولي ميكانيكا او سمكريه

انا اقصد مبدعين في السرعة (( الجنون فنون )) سبحان الله تشوف طالب كسوووول وفاشل

بس تعال له في التفحيط وتزويد السيارات والله تشوفه مبدع مبدع ابداع انت يالي تشووف تقول مجنون هذا

مثل اخوان الي في الرياض شوف كيف يقسون السرعة والانعطاف والكيف تجي هالحركة

ترى مافيه فرق بينه وبين الطاالب الممتاز اللهم ان هذا ابدع في الدراسة وهذا في السيارات

<--- منفعل :vereymad:

[سولجير]

ايه صح كلامك والله وبالنسبة لي انا من الامارات لاكن شفت افلام تفحيط سعودية كثير ونتيجتها ضحايا هذا الشي

المفروض يفتحون لكم حلبة سباق او استعراض علشان ترووون مهارتكم للناس وكفاية يا شباب نحنى في شنو اقل من

الانجليز لازم تثبت لهم انه اهل الخليج مو ناس عاديين ..

ولا شو تقولون ..

انا عن نفسي اماراتي ... لاكن الصراحة كل ما اشوف افلام تفحيط اشوف المساكين يتطايرون في الشارع


الحاصل يا اخوي ان الاماراتين والكوتين انهم يعتبرون ان تزويد السيارات والتفحيط هذا ابداع وبالعكس

يمكن انهم يطورهم ويكشون من هالجيل انهم علماء فن وسيارات وقد يصنعون افكار رهيبه منهم

بس عندنا في السعودية مدري شقولك هل يعتبرون هالشيء جنون والا يعتبرونه اجرام للامن والاستقرار

الواحد يحمد ربه على كل شيء بس ايضا الواحد لازم يمارس حق في وضع افكار جديده حتى لو تكون

سالبه فيه ناس تقدر بعد الله تخلى هالفكر السالبه الى موجبه في الواقع كمجال السيارات الي يعتبرونه سالب ..

اخوك سوليجر ..

[سولجير]

انا مؤيد للفكره وانت مؤيد للفكره ..بس مين بينفذ ..؟؟

اغلب الناس السعوديين مؤيدين للفكره ذي ...

والله فيه ناس مستعدين يسونها وينفذونها بس السؤال ليه الحكومة تعتبر هالشيء مو من صالح المجتمع

بالعكس لو اقعد انا معك راح اعطيك فوائد من فكرة هالمضمار راح يحل مشاكل الدوريات والاهالي الي عيالهم

مبدعين في هالمجال وغيرها من المشاكل..

وانا اتعمد اقول مبدعين لانهم عرفوا وين يوجون عقولهم ...

--------

[تون كار92 بحري]

والله لو فتحو حلبات كان عدد حوادث وفات المفحطين صفر وكا بيرتا حون منى محد يفحط في الشوارع ويدعسون الناس كان بيرتا حون وحنى بنستريح من شر الدوريات والله كل مانطلت في الهافمون الفجر مافي احد الا قي وراي 20 دوريه مو مشكله لا كن يدعمون من شدت الغشامه ويطالبونك بتصليح سيارات الحكومه لو فتحو حلبات ماكان بيلا قون احد يطاردونه واتوقع هم دخلو المرور علشان يطاردون ولا كان بيعزلون صح ولا انا غلطان :icon6: :icon6: :icon6: مـــــــــــــــــــــــــــــــــــــــــــــــــــــــــــــ خـــــــــــــــــــــــــــــــــــــــــــــــــــــــــــ ر بــــــــــــــــــــــــــــــــــــــــــــــــــــــــــ هــــــــــــــــــــــــــــــــــــــــــــــــــــــــ ى :icon6: :jester:

[weedy]

شوفو شباب الكلام هذا ممكن ينفع برة السعودية بس هنا والله ماراح يفيد
لا وراح يزيد المشكلة بعد لانو عندك شعب وبذات الي في الر ياض الله لا يوريكم مايفيد معاه شي...
فرضا فتحنا مضمار تفحيط . والله المفحطين راح يخلونه مكان للتدريب فقط يتعلم حركات جديدة
ويروح يطبقها في وسط المدينة لانه صراحة التفحيط مايحلى الا في الحواري وبعد لمن تطردك دورية وتهبلبهم طبعا مااقول الكلام هذا الا عن سابق خبرة...:D :D :D
واذا فتحوا مضامير المشكلة راح تزيد وراح تشوفوا..
وشكرا على الموضوع الحلو:biggthump

[سولجير]

مانطلت في الهافمون الفجر مافي احد الا قي وراي 20 دوريه مو مشكله لا كن يدعمون من شدت الغشامه ويطالبونك بتصليح سيارات الحكومه لو فتحو حلبات ماكان بيلا قون احد يطاردونه واتوقع هم دخلو المرور علشان يطاردون ولا كان بيعزلون صح ولا انا غلطان ى :icon6: :jester:
:D حلوه تون كار


ولاحظ انك فحط وماكان موجود تجمهر اتقول ينتظرون واحد يتحرش فيهم واعتقد ان المطارده للدوريات ممنوعه والا

انا خبري قديم مشكلة اذا سمحوا للدورايات بالمطارده عزة الله ان الدوريات بيشتغلونهم عدل من كثر المطاردات

والحاصل اذا مسكوك دفعوك غرامة مخالفة طايب فلوس المخالفات وين يودنها على الاقل بفلسوها هالمشكلة

يحطون حل لها ويفتحون مضمار ويريحونا ويرتحاون.... :vereymad:

[The prince of the swords]

من يقول أنه مافيه

الحين بحائل فيه مضمار تطعيس وتفحيط .. الخ الخ الخ بمشار

ولا ننسى منتزه أم دباب

وفيه حق قومات وسباقات بالغاط

وجهة نظرررررررررررررر

[سولجير]

شوفو شباب الكلام هذا ممكن ينفع برة السعودية بس هنا والله ماراح يفيد
لا وراح يزيد المشكلة بعد لانو عندك شعب وبذات الي في الر ياض الله لا يوريكم مايفيد معاه شي...
فرضا فتحنا مضمار تفحيط . والله المفحطين راح يخلونه مكان للتدريب فقط يتعلم حركات جديدة
ويروح يطبقها في وسط المدينة لانه صراحة التفحيط مايحلى الا في الحواري وبعد لمن تطردك دورية وتهبلبهم طبعا مااقول الكلام هذا الا عن سابق خبرة...:D :D :D
واذا فتحوا مضامير المشكلة راح تزيد وراح تشوفوا..
وشكرا على الموضوع الحلو:biggthump

خلني اقنعك يا ويدي انت تشوف تفحيط اهل الرياض كم مشاهد راح ضحية لهذا التفحيط وكم مفحط راح ضحية تفحيطه

انا اقترح اذا فتح نادي او مضمار وحلبة للسيارات تنحط قوانين مثلا : المشترك في هذا المضمار يمنع اشتراكه اذا عليه مخالفة تفحيط او سرعة في احد الضواحي .. مثلا ..

هذي اقتراحي شرايك الحين ما ااقتنعت والا اقنتعك... :33:

[سولجير]

من يقول أنه مافيه

الحين بحائل فيه مضمار تطعيس وتفحيط .. الخ الخ الخ بمشار

ولا ننسى منتزه أم دباب

وفيه حق قومات وسباقات بالغاط

وجهة نظرررررررررررررر

البرنس اذا كان كلامك صحيح اتمني انهم يضعون هالمضمار الى الرياض العاصمة

علشان يكون مشهور على مستوى المملكة والخليج ويكون هناك نقل تلفزيون له مباشر

وعلشان يسهل لمن في المملكة انهم بتوافدون له

[MR.أستبنه]

كلامك كله تمام التمام



بس





مين الي يسمع

[سولجير]

صادق يا مستر مين الي يسمع وحتى اذا سمععوا سكروا اذانهم وسحبوا السيفون علينا ,,

ونسيت اقوللك يا اخ ويدي ان فكرة هالمضمار حتكون آمن لك يا المشاهد للعرض

غير لامن تشوفه في احد الضواحي وملازم اردد كلامي شوف تفحيط اهل الرياض وانت تحكم

هل هي مفيده خاصة لاهل الرياض والا لا

وان كان على انه مافيه فايده للاشخاص الي بفحطون بره خلهم يفحطون في الحواري والضواحي مين

الي بطالعهم او بالاحرى مين الي بايع حياته علشان يشوف واحد يستعرض يروح المضمار يشوف وهو مستريح

وان حصل وجبه من مطعم ويوسع صدره احسن والا لا يا ويدي ..

[الـفـارس]

(سولجير) اترك الخرابيط عنك بهذي الطريقة تشجعون التفحيط ويصير اللي ما كان يعرف حتى يخمس بالسيارة :28:
يبدا يفحط و يستعرض قدام أصحابه هذا إذا ما راحوا فيها :bigeyes:

و بعدين يتمسح الكفر ويروح في أمها وشف كم يبغاله علشان يغير الكفر

نصيحة أتركوا الخرابيط هذي و سولكم شي ينفعكم مثل :دراسة لغة برمجة (ترى المبرمجين يربحون ذهب)

أو تعلم على الفوتوشب أورح تعلم أوتدرب سباحة. :33:

[ننتندو جاندورف]

ماحد يمك ..

[maximus2002]

ياجماعة الخير
اللي يجي يتعلم التفحيط في المضمار على حد قوللكم
بكرا راح يفحط قدام المدراس لا سباب غير اخلاق...
ومن الصعب حصر الجمهور في مكان واحد

[الـفـارس]

صح لسانك أخوي

لكن هل من عاقل فيعقل ما تقول......هل من فاهم فيفهم ماتعني....هل من واعي فيعي ما سيحدث

[][-][Mr.ZeNoN][-][]

لاحياة لمن تنادي

برأيي لو إفتتحوا مضامير للتفحيط مابيحاولوا يحصلوا مساحة كبيرة..

على الأكثر ممكن يجيبولكم أرض مساحة الإجمالية بالطول والعرض 3000 متر مربع ممكن يسووا مضمار صغير ..تخميص..إستعراض التفحيط..لكن للأسف الشديد ماتنفع تفحيط الكامري وتفحيط الكامري أكبر التفحيطات مطلوبة ويجب إمتلاك مساحة طولها على الأقل كيلو ونص متر وعرضه 100 متر "هذا كله إذا الحكومة شافت كلامكم وياليت عندكم تنفذها!! مابتخسر نفسها وقت وفلوس عشان أشياء مالها فايدة" :28:

سبب آخر لتفضيل الشوارع العامة عن المساحة المخصصة وهو إذا فحطوا بالشارع يبينوا نفسهم مدوخين الدوريات فيفتخر المفحط أمام الناس بأنه خطير ومحد قده ومهجد الحارة والدوريات :أفكر: وهو أصلا بشر كغيره :33:

وأغلب المفحطين يستخدمون أسماء مستعارة مثل المفحط بوبو والزعيم ومثل الأشياء هاذي..كي لايتعرف على هويته..((من هو هذا المفحط؟؟ مفحط غامض!! ومفحط خطير!!)) وهكذا!! :أفكر:

عموما هذه وجهات نظر :o وتحياتي للجميع

[NOBUNAGA]

ياخوي لا تلومهم من القهر الي في قلويهم خلوهم يبردون قلوبهم

ياخي انا افخر ليمن تكون دولتي تتقيد بنظام يحافظ على الامن والاستقرار

بس مو لهدرجة ان تكون تقيد حتى في هالمجال ولا تتيح فرصة للشباب..

لو تجي للواحد تقول له وش انت الشيء الي فيه مبدع ؟

بعضهم يقولك ان ابدع في الطب او الرياضيات او الكورة او الرسم

حتى السيارات ياخي فيه مبدعين في هالمجال لا تقولي ميكانيكا او سمكريه

انا اقصد مبدعين في السرعة (( الجنون فنون )) سبحان الله تشوف طالب كسوووول وفاشل

بس تعال له في التفحيط وتزويد السيارات والله تشوفه مبدع مبدع ابداع انت يالي تشووف تقول مجنون هذا

مثل اخوان الي في الرياض شوف كيف يقسون السرعة والانعطاف والكيف تجي هالحركة

ترى مافيه فرق بينه وبين الطاالب الممتاز اللهم ان هذا ابدع في الدراسة وهذا في السيارات

<--- منفعل :vereymad:


يا اخوي يوم فتحوا شارع الموت وسمحوا بالتفحيط ما اعرف ولا مفحط مشهور طب فيه اللا يمكن واحد او ثنين

ليه لأن احسن مافي التفحيط اذا طردتك الحكومة ( يعني الشرطة ) فلة بس الله يستر ممن التقبيع :D


بعدين فيه بعض المفحطين او اكثرهم حرامية .... سعد مرزوق مثل في طاش ماطاش وكان عشان يمثل قالو بنعطيك 40 الف والسيارة الموستنغ وندخلك بالراليات ( يعني بيعطونه سيارة ويخلونه مايسرق سيارات ) ......... بعد التمثيل ناصر القصبي مارد عليه وعبدالله السدخان عطاه 20 الف وقاله توكل ..... واعتقد ان هذي السالفة انكتبت في مجلة


ليه الحكومة مايشركون السعوديين بالراليات (لأنهم خربانين ) بل كلينتون صار رئيس امريكيا مع انه كان ياخذ مخدرات وهو صغير ............ اهم شي الواحد يتغير
(على الأقل نتفرج عليهم وحنا ضامنين انهم ماهم راجعين يسرقون )

وحنا نعاني من السرقات وعلى كثر الشكاوي ماعمري شفت دورية بحارتنا ( كل واحد يحمي حلاله )

[مخدوع في زماني]

يارجال هم مقتنعين بالفكرة بس مايبون يطبقونها عشان خايفين من حقين الهيئة المطاوعة يتهيضون ويرجعون لاصلهم وتصير بلاااااااااااااااوي :D


اذكر مره جيب GX حق الهيئة يطارد مكسيما


المكسيما يدخل الحواري بالثاني ويخشش الموتر نهضمها


بس الجيب كفراته نحاااااااف تقول كفرات سيكل ويخشش ورا المكسيما :boggled: من جد شي عجب


انا اتوقع لو سووها وحطوا نادي تفحيط بيكونون نص المشاركين داقين لطم ونظارات سوداء


وانتم عارفين ليش :biggthump

[@A N G E L@]

مؤيد للفكرةة مؤيد للفكروة :D :D
والله بتصير زحف وان افكر فيها من زمان :28:

[سولجير]

(سولجير) اترك الخرابيط عنك بهذي الطريقة تشجعون التفحيط ويصير اللي ما كان يعرف حتى يخمس بالسيارة :28:
يبدا يفحط و يستعرض قدام أصحابه هذا إذا ما راحوا فيها :bigeyes:

و بعدين يتمسح الكفر ويروح في أمها وشف كم يبغاله علشان يغير الكفر

نصيحة أتركوا الخرابيط هذي و سولكم شي ينفعكم مثل :دراسة لغة برمجة (ترى المبرمجين يربحون ذهب)

أو تعلم على الفوتوشب أورح تعلم أوتدرب سباحة. :33:

هلا بالفارس

انا تارك هالخرابيط من زمان بس حبيت اطرح فكرة واشوف المؤيدين

وكلامك انا المبرمجين يربحون ذهب كلامك حلو مافيه اي اشكال بي الواحد ينام على الجنب

الي يريحه وانت عارف ان الناس تختلف ميولهم من واحد للثاني

واذا هي واقفه على الكفرات اعرف ان الي بفحط ماراح يفكر بالشيء هذا

تلقاه حاط في الشنطة كفرات اسبير

ولاحظ معي كم واحد مؤيد لهذي الفكرة يعني الفكرة مافيها اي اشكال..

[سولجير]

@A N G E L@
ياليت الناس يفكرون مثلك >>> اهم شيء الفلة

مخدوع في زماني
يعني اذا ماجت علينا احنا الشباب تجي من اخون الشيوخ

يا مخدوع من لديه حيله فليحتال

NOBUNAGA
يعني افهم ان المفحط السارق مايعقل الا لمن تعطي مبالغ وسيارة

سبحان الله تخيل ان المضمار السيارات موجود و كل 6شهور تصير مسابقات وعليها جوائز

هل تتوقع ان المفحطين بسرقون ؟؟!!


][-][Mr.ZeNoN][-][
هلا اخوي ممكن لو نمشي على فرضيتك ما راح نجيب بالفكرة نتيجة

واحب اوضحلك ان هالفكرة ما قلتها لزيادة الخراب لاوالله قلتها علشان نحصر الخراب اذا ماكنا قادرين على

مسحه وازالته وانت فكرتك بمقياس المضمار حلوه لانك تفكر تفكير المفحط بس انا افكر بتفكير المشاهد

كيف يشوف بسلامة والمفحط كيف أأمن له المكان المناسب بحيث اني احصره في مكان وعلى فكرة

المفحطين كل همهم الشهرة ..

maximus2002
حياك الله اخوي
احب اعيد لك كلامي باني ما قلت هالفكرة الا لنحصر الخراب وليس زيادته وانت عارف ان الامن والدوريات

ماتقدر تزيل هالعادات ..

مشكورين على ردودكم وارآكم ..

بررررررررررب

[Dark Master 12]

غن يا بعدي غن
ياليل ما اطولك............... شكلك تحلم

ولكن فيه أمل حوالي 9% بعد تجربة الشرقية أحد يدعم السياحة بمسابقة تطعيس!!!!

[Imaj]

أنا أؤيد الفكرة بقوة إسوة بأمريكا واليابان وألمانيا حيث لديهم مضامير مماثلة للدريفت (سباقات الزحف) و الدراق (قومات) و التراك (الحلبة)..



ياللا تبون تصيرون دولة متقدمة سووا مثل ألمانيا وأمريكا واليابان وحطوا لنا مضامير زي الناس..

[فيصل سنيك]

الفكرة
سخيفة
احسن شي في التفحيط لما تهبل بالدوريات وتقطع الاشارات ونتف لوحة السيارات وشباب وزحمة وهياط
ويطب بدر عوض ولا مسفر حمامة ولا فرفور
وينطل على 220في الدايري ولا في البعارين

بلا مضامير بلا هم

تخيل بدر عوض ينطل وكاتبين جمبه برعاية بايسوون

هههههههه
ابعطكم في الملف لقطات وصور للخميس الي راح في البعارين صور من جوالي لمطنش والجوكر ومسفر حمامة في شارع البعارين والفروسية يوم كان فلة
انشاء الله تعجبكم الملفات صور و
3GB
جميع الملفات في ملف واحد
وشكرا

[TiTaN]

احسن شي في التفحيط لما تهبل بالدوريات وتقطع الاشارات ونتف لوحة السيارات وشباب وزحمة وهياط

صادق لكن ..............

انسى كل دهتخيل لو ما مافي احد شجعك بتفحط ؟ اقصد لو انت رحت الشارع الفلاني تبي تفحط و ما لقيت احد بتفحط ؟

لا طبعا

بصراحة التفحيط من اثبات الذات

واذا بنوا مكان للتفحيط و قدرنا نشر الوعي بين الناس ...........

بنكون اسفدنا :biggthump

[Amjarno]

السلام عليكم...

يا شباب اذا تريدون فتح حلبة ... ما ليكم إلا باب التجارة و رعاية الشباب و الرياضة...
الحلبة عشان تفتح يبي لها تكاليف أكثر من 10 مليون ريال ويمكن تصل إلى 50 مليون و أكثر ...
يعني الي بيدفع هذا المبلغ يريد مردود له ... و من ناحية الي يقول لك هذي تقتل الشباب فهناك كادر طبي كامل مع سيارات اسعاف سريعة و أنظمة داخل الحلبة تمنع ذلك ... و ما تدخل سيارة الحلبة إلا وهي مفحوصة و مجربة ...
و إذا اتبنت هذي الفكرة شركة من شركات المشروبات الغازية أو مشروبات الطاقة أو أي شركة قادرة على دعم هذا المشروع ، اعتقد انه راح ينجح نجاح باهر ...
وبعد اذن المنتدى ، يمكنكم بعث رسالة بريد الكتروني للشركات لاقتراح عليهم هذي الفكرة ...
و مافي شيء يجي بسهولة ...
ــــــــــــــــــــــــــــــــــــــــــــــــــــــــــــــ
نرجو من الله التوفيق و السلامة للجميع

[skillman]

يا شباب المسألة مو مسألة مضمار للتفحيط ...... عادي التفحيط عادي اهم شي يكون مضمار للقومات او حتى للسباقات.......

[الـفـارس]

يا ناس كبروا عقولكم لو مرة بحياتكم .....................................

هذي أشياء أتنم أكبر منها ...........................

بالعربي هذي من إختصاص الصايعين..........


يا سولجير

أثرت فتنة بالمنتدى باللي تقوله
الله
يهديك بس

[فيصل سنيك]

يا ناس كبروا عقولكم لو مرة بحياتكم .....................................

هذي أشياء أتنم أكبر منها ...........................

بالعربي هذي من إختصاص الصايعين..........


يا سولجير

أثرت فتنة بالمنتدى باللي تقوله
الله
يهديك بس
أنا أعرف مطاوعة يسألون وين التفحيط ؟
منت مصدق خش منتدى الرحال

وشكرا