قصة رحلتي إلى البر

[خـريـــج]

في يوم من الأيام قررت اني أطلع البر مع الربع


قمت دقيت عليهم وضبطنا الأمور

والي بيروحون سبعة

أنا

بو دجة (خويي الروح بالروح)

مرعوب (حق سامريات واستنزال)

عصويد ومناحي (هذولا حق صيد الضبان)

شارب فليت (محشش منتهي)

بو هلال (هذا حق الهواش مستعد ومعه العجرة)


الزبدت


حملنا الأغراض في اللاند من صباح الله خير

أنا : ها باقي شي؟

هم : لا

أنا : أكيد ما نسيتوا شي؟

هم : أكيد

أنا : مب لما نوصل تجون تقولون لي نسينا شي. تأكدوا من كل شي الحين

هم : ما باقي شي خلاص

أنا : يلا ركبوا


دقينا سلف ومشينا


وفي الطريق

مرعوب وشارب فليت ماسكين الطيران ويغنون >>> أنواع الإزعاج يا شيخ :D

وكلنا خاشين جو معهم :p



وصلنا ونزلنا الأغراض


وما خلصنا الا بعد نص ساعة دقينا فيها الخيمة ورتبنا كل شي

وبعدين قعدنا تقهوينا وعينا من الله خير



جات الظهرية

وبو هلال بيسوي الغدى


بو هلال : وين الملح؟

أنا : تحصله مع الأغراض

بو هلال : مب موجود

أنا : لا تقول لي نسينا الملح

بو هلال : نسينا الملح

أنا : الله يقلعك يا شيخ. ألحين ما قلت لكم قبل ما نمشي تأكدوا من كل شي

بو هلال : وانا شدراني

أنا : شلون شدراك. خلاص بروح أقرب محطة وبجيب ملح



ورحت محطة قريبة

أنا : عندكم ملح؟

الهندي : فيه

خذت الملح وطلعت


وأنا في الطريق ولا بعير يطلع في وجهي وأدعس بريك ولا وجهي لاصق في القزازة :p


باقي شعرة وأقبع في البعير >>> كفرات يوكوهاما لك وللزمن :09:



الحمد لله طلعت سليمة

المهم


وصلت المخيم

بو هلال : وينك يا رجال متنا من الجوع

أنا : أقول لا تهايط انت الي نسيت الملح مب أنا


بعد نص ساعة استوى الغدى

ودبينا وطفحنا لين ما قلنا بس :D


وفي العصر

عصويد : ها متى بنروح نصيد ضبان؟

أنا : شوي



أنا : يلا يا جماعة أنا وبو دجة وعصويد ومناحي بنجيب لكم ضبان
وبو هلال ومرعوب وشارب فليت بيقعدون يحرسون الخيمة


ومشينا >>> واحنا نغني (هين هين يالضبان) :p



بو دجة : ضب ضب !!

وينزل مناحي ويطمر ويلاحق فيه لين ما مسكه


ومشينا


أنا : ضب !


وينزل مناحي ويلحقه ولا الضب دخل الجحر

مناحي : الشكمان الشكمان !!


ونجيب الشكمان ونحطه في الجحر وندعس بنزين لين ما طلع الضب ومسكناه



أنا : يلا يا عصويد جا دور الصقر


وجاك عصويد مع الصقر حقه


ويطلق عصويد الصقر


جاب لنا الصقر 30 ضب

وأنا مسكت 15 >>> يلعن ابو النصبة يا شيخ :p

والباقي من جهد البقية

وقعدنا نصيد ضبان من أول العصر لين حدود المغرب :33:


وفي الأخير مسكنا 77 ضب >>> رقم قياسي عالمي في التشليخ :D


ورجعنا المخيم

مرعوب : من طول الغيبة جاب الغنايم

أنا : أفا عليك! جبنالك 77 ضب

بو هلال : الله . شسوي فيهم ذيلي؟

أنا : تطبخهم

شارب فليت : متى العشى؟

بو دجة : أقول خلك مع الهروين حقك بس


بعد ساعتين

بو هلال : العشى جاهز

مناحي : يلا فرشوا السفرة


وكلنا الـ 77 ضب في ليلة وحدة >>> مفاجيع


وجات الساعة 12 بالليل

وبدينا السامري

واستنزل مرعوب ومعاه شارب فليت وتبطحوا على الأرض >>> الي يشوفنا يقول جن :D

وما وصلت الساعة 2 الا واحنا خلاص منتهين وهلكانين من التعب

وسحبنا أبوها نومة وما قعدنا الا اليوم الثاني العصر


وضفينا قشنا ومشينا

ووصلت كل واحد على بيته

ورحت أنا بيتي وخشيت الانترنت وقعدت أكتب للمنتدى تفاصيل الرحلة لين ما ملوا الأعضاء مني ومن ثقل دمي وموضوعي البايخ


====================================

واعذروني على قصتي البايخة ودمي الثقيل بس حبيت ألبي طلب مصرقع اس اس يوم يقول:
نبغا ناس تكتب من راسها حتى لو الموضوع مو حلو اهم شي يكون من تأليفك


تحياتي

[Misho0o]

خخخخخخخخخخخخخخخخخخخخخخخخخخخخخخخخخخخخخخخخخخ
كككككككككككككككككككككككككككككككككككككككككككككككككككككككك
لووووووووووووووووووووووووووووووووووووووووووووووول
هههههههههههههههههههههههههههههههههههههههههههههههه

مشكور اخوي الخريج :D
وتعرف انا اللي يألف موضوع احسن بمليون مرة من اللي ينقل موضوع :)

[خـريـــج]

العفو اخوي مشاري


وتسلم على مرورك

[~ SoKo ~]

مشكور اخوي (خـريـــج) على القصة الحلوة و الاحداث الطريفة .. :biggthump
و انشاالله في الرحلة القادمة بكون معاكم .. :biggrin:

[خـريـــج]

العفو اخوي (((SuIkOdEn)))



وحياك الله معنا في القصة القادمة ان شا الله

[Persona]

مشكوووررررر خريج على الموضوع
ذكرتني با ايام شباب
( ليكون انت شيبة وانا مادري :jester: = اقصد روحي :D )

[خـريـــج]

العفووو اخوي شبح الار بي جي


ومشكور على مرورك

[bosson]

ورحت أنا بيتي وخشيت الانترنت وقعدت أكتب للمنتدى تفاصيل الرحلة لين ما ملوا الأعضاء مني ومن ثقل دمي وموضوعي البايخ
====================================
واعذروني على قصتي البايخة ودمي الثقيل بس حبيت ألبي طلب مصرقع اس اس يوم يقول:
نبغا ناس تكتب من راسها حتى لو الموضوع مو حلو اهم شي يكون من تأليفك


لا تقول جيه اخوي الخريج ... والله سالفه ولااا أروع ... وبانتظار جديدك .... بس انتو كلتوا 77 ضب :shock22: ...( اذا حجم الضب عندكم قد حبه العيش ..ترى هذا شيء ثاني :p )

وحبيت أشكرك أنا هذا شارب فليت شايفنه بمنتدى ثاني ... أضنه منتدى الساخر :33: ( صح ولا لأ )

ومشكووور عالقصه ;)

[Prince Of Darkness]

مشكووور أخوي "خـريـــج" على القصة ^^ ... سلمت يداك و إلى الأمام ^_^

[خرير المياه]

مشكوووور خريج على القصة الروعة....



ونترقب المزيد..........

[مصرقع اس اس]

هههههههههههههههههههههههههههههههههههههههه

الله يرجك ياشيخ بصراحة القوصة فله ياخريج

واللي يكتب قصه احسن بمليون مره من اللي ينقل

[خـريـــج]

لا تقول جيه اخوي الخريج ... والله سالفه ولااا أروع ... وبانتظار جديدك .... بس انتو كلتوا 77 ضب :shock22: ...( اذا حجم الضب عندكم قد حبه العيش ..ترى هذا شيء ثاني :p )

لا ماعليك الي معي مفاجيع وما شافوا خير :p


وحبيت أشكرك أنا هذا شارب فليت شايفنه بمنتدى ثاني ... أضنه منتدى الساخر :33: ( صح ولا لأ )

اي هذا في منتدى ثاني بس ما أظن منتدى الساخر

منتدى الإقلاع على ما أظن :09:



ومشكور على مرورك

[خـريـــج]

مشكووور أخوي "خـريـــج" على القصة ^^ ... سلمت يداك و إلى الأمام ^_^


العفوو اخوي Prince Of Darkness


والله يسلمك


ومشكور على مرورك

[خـريـــج]

مشكوووور خريج على القصة الروعة....



ونترقب المزيد..........
العفووو اخوي خرير المياه


ومشكور على مرورك

[خـريـــج]

هههههههههههههههههههههههههههههههههههههههه

الله يرجك ياشيخ بصراحة القوصة فله ياخريج

واللي يكتب قصه احسن بمليون مره من اللي ينقل

مشكور اخوي مصرقع على مرورك

ومثل ما قلت اللي يكتب قصة أحسن من اللي ينقل

[ONE_-_LOVE]

ههههههههههههههههههههههههههههههههههههه





الله يرجك ويسلمووووووووووووووووووو

[خـريـــج]

ههههههههههههههههههههههههههههههههههههه





الله يرجك ويسلمووووووووووووووووووو
الله يسلمك اخوي One Love


وتسلم على مرورك

[توفي 12]

هههههههه
القصة حلوة مرة
بس عندي سؤال؟؟؟؟؟؟؟ :33:
اشلون صاير طعم الضب ؟؟؟؟؟؟؟؟؟؟
ما اكلته ولا ابي اكله
مشكور :biggthump

[is me]

هههه
قصة حلوة ... بس 77 ضب :bigeyes: وفرمتوهم في ليلة واحدة :bigeyes:
ول عليكم يادببة :D ابطقكم عين :biggrin:
تسلم اخوي على القصة ;)

[خـريـــج]

هههههههه
القصة حلوة مرة
بس عندي سؤال؟؟؟؟؟؟؟ :33:
اشلون صاير طعم الضب ؟؟؟؟؟؟؟؟؟؟
ما اكلته ولا ابي اكله
مشكور :biggthump

العفو اختي توفي 12

وطعم الضب والله مش ولا بد بس يمشي الحال :D (أقول لا تصدقين تراني ما ظقته :p )


وتسلمين على مرورك

[خـريـــج]

هههه
قصة حلوة ... بس 77 ضب :bigeyes: وفرمتوهم في ليلة واحدة :bigeyes:
ول عليكم يادببة :D ابطقكم عين :biggrin:
تسلم اخوي على القصة ;)

الله يسلمك اخوي is me


وانا أقول شفي شهيتي منسدة هاليومين أثرك انت الي طاخني بعين :12:


ومشكور على مرورك ;)

[عاشقة الخيال]

السلام عليكم و رحمة الله و بركاته

الله يسعدكم في رحلتكم يا رب :)
بس ما أدري كيف أكلتو الضب
شكله يخوف و مقزز
و لا هذي مزحة:)
لأن هذي الأسماء مهي غريبه عني
أظن إنهم أعضاء هنا في المنتدى
صح؟
عموماً عارفة إني ملقوفة:09: سوري:)
بس القصة رائعة جداً و الله يديم عليكم السعادة و الصداقة
و شكراً:)

[MiSs.ChiPs]

هههههههههههههه

خريج يسلمو على القصة الكوووووووول


وفي الأخير مسكنا 77 ضب >>> رقم قياسي عالمي في التشليخ

مستغربه متى لحقتوا :33:

أقول أنتبه لا يعورو بطنكم ^^:biggrin:
وعلى فكرة كنت أحسب صيد الذبان:09: شي خيالي :shock22: يعني بس في التلفزيون:أفكر:

أول مرة أدري أنو حقيقة:biggthump
سلامووووووووووووووو

[خـريـــج]

السلام عليكم و رحمة الله و بركاته

الله يسعدكم في رحلتكم يا رب :)
بس ما أدري كيف أكلتو الضب
شكله يخوف و مقزز
و لا هذي مزحة:)
لأن هذي الأسماء مهي غريبه عني
أظن إنهم أعضاء هنا في المنتدى
صح؟
عموماً عارفة إني ملقوفة:09: سوري:)
بس القصة رائعة جداً و الله يديم عليكم السعادة و الصداقة
و شكراً:)

الله يسلمك

لا هذي مب مزحة الضب ياكلونه صج (يبيلك تجربينه :09: )

وانتي ما عليكي من شكله عليكي من طعمه بس :biggthump


والأسماء الي في القصة لا مب في المنتدى بس شارب فليت من منتدى ثاني



ومشكورة على مرورك

[خـريـــج]

هههههههههههههه

خريج يسلمو على القصة الكوووووووول

مستغربه متى لحقتوا :33:

أقول أنتبه لا يعورو بطنكم ^^:biggrin:
وعلى فكرة كنت أحسب صيد الذبان:09: شي خيالي :shock22: يعني بس في التلفزيون:أفكر:

أول مرة أدري أنو حقيقة:biggthump
سلامووووووووووووووو

الله يسلمك اختي شبسيا


لا ما عليكي لحقنا حنا قدها ولا وش رايك :33:



وبطوننا من حديد ناكل اي شي :D



وانتو وش فيكم على صيد الضبان؟ :31: صيد الضبان حقيقة (حقيقة مرة :09: )


وتسلمين على مرورك

[بشائر]

هههههههههه

مشكور على القصة الحلوة

مشاء الله عليكم 77 ضب وانا أخاف من

شوفت الضب :أفكر:

[Sander]

حلوه منك خريج! مشكور عالقصه وتسلم يمينك خيو,,

هلأ انت موقوف لشغلتين:

الاولى عم تعمل إعلانات تجاريه بدون تصريح :D

باقي شعرة وأقبع في البعير >>> كفرات يوكوهاما لك وللزمن
الثانيه عم تنشر معلومات كاذبه :09:

وفي الأخير مسكنا 77 ضب >>> رقم قياسي عالمي في التشليخ
هنيا لك الاجازه السعيده خخخ روح صيد فيها ضبان وتعا اكتب تاني :biggrin:

* سنكرز لا توقف,, "وحده ماهي كفايه" :biggthump

[خـريـــج]

هههههههههه

مشكور على القصة الحلوة

مشاء الله عليكم 77 ضب وانا أخاف من

شوفت الضب :أفكر:

العفو اختي بشائر


وليش تخافين من شوفته تراه ما يخوف ولا يعض :09:



ومشكوورة على مرورك

[خـريـــج]

حلوه منك خريج! مشكور عالقصه وتسلم يمينك خيو,,


الله يسلمك اخوي ساندر


هلأ انت موقوف لشغلتين:

الاولى عم تعمل إعلانات تجاريه بدون تصريح :D

الثانيه عم تنشر معلومات كاذبه :09:
لا خلاص أتوب :09:



هنيا لك الاجازه السعيده خخخ روح صيد فيها ضبان وتعا اكتب تاني :biggrin:
ان شا الله أروح مغامرات ثانية وأجي أكتبها لكم هنا :biggthump


* سنكرز لا توقف,, "وحده ماهي كفايه" :biggthump

وانت بعد موقوف عشان الإعلانات التجارية :09:

[Dark Matey]

ما شاء الله عليك

رقم قياسي في كلّش.......في التشليخ............وفي الاكل


77 ضب مرة وحدة هذولا لو تعزم المنتدى عليهم بيكفي >>>>>>>>>>>> بدينا التشليخ :09:

سلام يالـــــغــــــــــالـــــي :6147: (http://www.montada.com/misc.php?do=getsmilies&wysiwyg=1&forumid=198#)

[خـريـــج]

ما شاء الله عليك

رقم قياسي في كلّش.......في التشليخ............وفي الاكل
أكيد أفا عليك :icon6:


77 ضب مرة وحدة هذولا لو تعزم المنتدى عليهم بيكفي >>>>>>>>>>>> بدينا التشليخ :09:
الظاهر اني عاديتك :p

ومشكور على مرورك