المرحلة الجامعية من كان من جامعة الملك سعود فله التحيه [الأرشيف]

اغاريد

03-03-2005, 09:33 PM

مرحبا ...للجميع ...
وخصوصا طلاب وطالبات جامعتنا ...
من زمان وانا ودي انزل موضوع ...يجمع طلابنا يناقشوا فيه ..مشاكلهم ..
ومواقفهم في الجامعه ...

وجا اليوم ...الي تحققت فيه الامنيه ...

علشان كذا لاتفشلوني ياطلاب الجامعه ...
وشاركوا في الموضوع ...

انا اول وحده بكتب
عندي حلم كبيييييييييييييير
نفسي يبنوا لنا ..جامعه حالنا حال الاولاد ...
مباني كاشخه ...وقاعات تفتح النفس ...:28:

بدل ..المباني القديمه الي فيها ...ماعندنا الا كم مبنى جديد ...واحد منهم للدراسات العليا وماعندنا اعتراض يستاهلوا بنات الدراسات العليا
والثاني لكلية اداب ..
مدري على راسهم ريشه ...واحنا لا
برضوا التربيه مبناهم يعتبر ديزاين جديد ...

بس حنا علوم اداريه ...المبنى من سنة الترك ...وذابحين كل يوم بريحة الدهااان:17:
^
^
^
عندها امل احد يحن على حالهم ...ويبنوا جديد

back street

07-03-2005, 12:37 AM

هلا اغادير

والله لو انا منك كان قلت للعميدة اني ماراح ادرس لين تغيرون مبانيينا
خلك قويه لاتعطينهم وجه :28:

انا صراحة ودي يضبطون مواقفنا (يارب)
والا يغيرون بوفيهياتنا (ياشين اكلهم)
والا يشيلون دكاترتنا (ياصبر الارض)
والا يعطون للطلاب مجال صغير للحرية العلمية والغير علمية (مافيه امل)
يقللون من الطلاب شوي( بس لاحد يزعل مني )

اغاريد

09-03-2005, 09:04 PM

باك ستريت
الله يحقق حلمك ويحقق حلمي ياااااااااااااااااااااااااااارب
حنا رحنا هذا الاسبوع ....ومسوين لنا كوشكات ديزاين جديد ...ونااااسه
وكمان يشتغلوا في المظلات ....بيرحمونا من الشمس الي ماترحم في الصيف ...

اغاريد

09-03-2005, 09:07 PM

ياااجماااعه عندي سؤال
مكافاة شهر شوال وينهاااااااااااااااااااااااا؟؟؟

NOBUNAGA

12-03-2005, 06:00 PM

انا متعبتني المواقف خصوصا اني بالعلوم الأدارية

وكل شي يهون اذا جاك دكتور يوسع الصدر ماهو مثل بعض الدكاتره ( لايدخل الجنه من كان في قلبه مثقال ذرة من كبر )

back street

15-03-2005, 12:16 AM

اغادير
المكافاة الاخيرة 1510 حقت اي شهر ؟؟!

اغاريد

16-03-2005, 08:19 PM

مدري؟؟؟
هو في مكافاه مقدارها 1510
ترى ماشفتها!!

pEc!al $wEetY$

26-03-2005, 12:36 PM

هاااااااااااااااااااااي أغاريد..
وكل طلاب وطاالباات جاامعة الملك سعوود...
اذا تبغينا نتكلم عن معااانااتنا مع الجاامعه مارااح نخلص ابد..

القااعاات زفت..

البوفيهاات زي قلتها

المظلات حراام نقوول الصدق هم سووو لنا مظلاات بالملز_(الحق ينقاال)

كله كوم والاصنصيراات اللي ما تكفي ل كم بنت ...لا وكل يووم صياانه :28:

والمباااني كأننا في حارات مصر القديمه :laughing:
شي خطيررر...

هو مبنى وحيد اللي ممكن نسميه مبنى ... والباقي ؟؟؟!!!

أكيد الاولاد مو متخيلين الوضع عندناا :06: :06:

حبيت أشاارك وما أبغى أطوول عليكم
ومشكووره ياقلبي عالموضووع

باااااااااايااااااااااااااااااات

عاشقة الانمي

26-03-2005, 02:13 PM

بالنسبة للمباني البنات ترى بتنقل بعد 4 سنوات الى نفس كليات وجامعات الاولاد وبالنسبة للاولاد يروحو الى المباني الجديد اللي الحين تبنى بالقرب من عمادة شؤن الطلاب
ومن الكليات اللي حتعطى للبنات كلية تصاميم البيئة ((افضل مبنى بالجامعه)) وكليات الهندسة والادارة والاقتصاد بالاضافى الى مبانيهم القديمة لكن هذا الانر بعد4 سنوات يعني قدكم ودعتوووووووو:biggthump

يالله باي

Phantom x

09-04-2005, 01:50 AM

اعوذ بالله الواحد لا طل فوق يطول فوووووووووق فوق موب فوق حد السقف بالله اللي يسمعك الحين
يقول العيال يدرسون في نعيم يحسدون عليه طوول عمرهم مره دخلت جامعة الملك سعود تلطمت من
الريحة الخايسة الظاهر يحشون قطوات هناك :o

رووبيي

10-04-2005, 04:41 PM

ما اتوقع ان بيتغير شي حتى لو كتبتو في اي مكان

يمكن بعد 10 سنوات يبدون يفكرون

او يمكن عيال عيالنا يدرسون في المباني الجيده ;) ;)

aimar

14-04-2005, 02:48 PM

اغاريد اذا تبين تناقشين عن الجامعه اللي مافيها شي ماشي صح زوري www.cksu.com تلقين الاف الطلاب ومختلف التخصصات.

تحياتي.

ايمار

اغاريد

15-04-2005, 07:23 PM

مرحبا
انا ما قلت تكلموا ...عن السلبيات ...
حنا نبي كل شي ان كان سلبيات او ايجابيات ...او اي شي تحبون تتكلموا فيه عن الجامعه ...
هذا موضوع مفتوح للجميع ...اولاد وبنات

اغاريد

15-04-2005, 07:24 PM

قمة الظلم يبنوا للاولاد جديد والبنات ينقلوهم للقديم ...
بس من الحين الين 4 سنوات اتوقع كلنا تخرجناا...

مبروووووووووووووووووووك مقدما

اغاريد

15-04-2005, 07:30 PM

الملز ياااعمري عليكم ....بس لاتزعلوا ترى حنا في عليشه الحال من بعضوا
وانتوا ارحم منا ....
ماعندكم التزام بالزي مثل الي ذابحينا فيه في عليشه ...

ماقلت لكم ياااجماعن باركوا لنا ...
سمحوا بالجنز ....
ومعظم الالوان

ومازال الون البناتي (الوردي) ممنوع
مدري ليه يحرمونا منه...
اذا مانلبس وردي ما نحس انه بنات ...
يبون ابيض ....رح يعملوا زي موحد مع الاولاد ...كلنا ابيض
لوووووووووووووووووووول
الله يعين الجميع على ما ابتلاهم ...

ترى حنا يسوا لنا مظلات جديده في عليشه ...وناااسه بيرحمونا من الحر والشمس الساطعه طول النهار ...
على العموم ...كل شي يبدا صغير وبعدين يكبر ...وجامعتنا جذي اعتقد

pEc!al $wEetY$

18-04-2005, 11:46 AM

هاااااااااايو....اهلين اغاادريد
طيب كويس ..... شي احسن من لا شئ....
صحيح الحمدلله احناا مره مو مشددين عاللبس...ولا شي ثاااني
بالعكس مررره فرري....بعد احنا كل التخصصات اللي فيه علميه .... نستااهل
الدلع شوووي....

ثاااااااااااانكس...

boo boo

18-04-2005, 12:33 PM

هههههههههه
مساكين ...بس والله حجره ...يعجبوني المسؤولين ...خخخخخخخخخخخخخخ
لا لا لا ازح معك ...الله يعينكم ..
وبعدين ..وش فيكم تغارون علينا ...
اصلاً من زين الخدمات اللي عندنا .....
اصلا ً الجامعه كلها قرف * قرف...
راح اقول لكم المشاكل اللي عندنا ..(جامعة الملك سعود):::
1- اهم شي...المكافات (امحق ماكافت ) ما يعطوناها الا بعد شهر اذا مو شهرين في الوقت المفروض ينزلونها لنا ...
2- مواقف الجامعه ...قلق ... تجي الصبحيه وانت مالاك نفس تتحرك ..وتوقف السياره بعد 10 كيلوا من المبنى حقنا...
3- private: يعني خاص فيه انا (طالب في كلية الحاسب) عليهم خدمات ..مافيه الا معمل واحد للحاسب فيه انترنت والباقي كووووولها مافيها انترنت ..مالت عليهم ..
ولا ..ازيدكم من البيت شعر أو العكس...
اصلاً حتى بنى للحاسب مافيه ..حاطينا مع العلوم والهندسه ..يع
4-
5-
..
...
الخ ...
في مشاكل واجد بس مابي اطول عليكم ..
بااااااااااااي

boo boo

18-04-2005, 12:35 PM

ليكويد1

04-05-2005, 08:58 PM

أختي اغارييد..مو بس انتو مبانيكم قدييمة..

أنا في جامعة الملك سعود كلية العلوم الطبية التطبيقية..ادرس في عليشة مباني وقاعات..قديمة..والا المبنى مختلط بناات واولاد يدرسوا فيه..

تحياتي..

Lord of Mystery

06-05-2005, 08:02 PM

السلام عليكم
كيفكم يا طالب جامعة الملك سعود ... صراحة اذا جينا نقارن الايجايبات بالسلبيات في الجامعة فأتوقع ان السلبيات هي اللي راح تغلب لذلك ترا الجميع يتحدث عن السلبيات في نظام الجامعة ... عموما انا طالب في كليه العلوم الإدارية وفعلا انقهر من عدة اشياء في كليتنا
1- انه اي طالب مهما كانت نسبته ضعيفه يقدر يسجل في كليه العلوم الاداريه
2- اي طالب يفشل في الطب , الهندسة والحاسب على طول يحول على ... العلوم الادارية >__<
3- مقرر انجليزي واحد فقط ( نجم 101) ... والله فضيحه
من الاسباب السابقه تشوف مستوى الكليه العلمي ضعيف جدا مما يحز في نفس الواحد ... الصراحة تخصص مثل تخصص ادارة الاعمال والاساليب الكميه المفروض ما يدخله اي واحد

اما بالنسبة للسليبات في الجامعه كاكل
1- الواسطات اللي يضيع فيها حقوق طلاب كثر
2- المكافئات المتأخره بستمرار والسبب مجهول لحد الان
3- الجداول المتخلفه ( فراغات لليل) >__<
4- حقوق الطالب الضايعه بين الدكاتره ( لكن هذا لا يعني انه في دكاتره ممتازين جدا وراقين في تعاملهم ) لكن بشكل عام اذا ظلمك اي دكتور فلن تجد من ينصفك
5- التحويل بين الشعب شبه مستحيل في ظل عدم معرفه اسم الدكتور اللي يدرس الشعبه (تخاف تحول يطلع دكتور ما يخاف الله في الطالب اللي يدرسهم )

عموما انا عزائي الوحيد هذا الترم انه اغلب الدكاتره اللي يدرسوني محترمين وينصف الطالب وهذا هو الشي اللي ابغاه

وشكرا لك اختي اغادير على الموضوع

pEc!al $wEetY$

06-05-2005, 08:14 PM

مرحبااا...

انا بغيت اعلق على كلاام Lord of Mystery...

( - مقرر انجليزي واحد فقط ( نجم 101) ... والله فضيحه )

والله صااادق...

المنهج مررره تاافه وسهل....مو مستووى جاامعي ابدا...

المفرووض يكوون ال E مكثف علشاان يستفيدوون الطلاب منه في درااستهم لبااقي المنااهج...

ثااانكس اقين....

NOBUNAGA

10-05-2005, 12:40 PM

السلام عليكم اخوي بصراحة انت صادق بمقرر 101 نجم

ولو تسأل الخريجين بتعرف كيف يفرقون بينهم وبين طلاب جامعة الملك فهد (عند التقديم على الوظائف ) وفرق بالمرتبات (نفس التخصص جامعة الملك سعود المرتبة 8 جامعة الملك فهد المرتبة 11 ... هذا في شركة معروفة )

والسبب اللغة الأنجليزية

... الصراحة تخصص مثل تخصص ادارة الاعمال والاساليب الكميه المفروض ما يدخله اي واحد

وش قصدك ؟؟

5- التحويل بين الشعب شبه مستحيل في ظل عدم معرفه اسم الدكتور اللي يدرس الشعبه (تخاف تحول يطلع دكتور ما يخاف الله في الطالب اللي يدرسهم )

بيكتبون لك عضو هيئة التدريس ( ليه ؟؟؟ انتم ادرى )

رح للقسم الخاص بالدكتور وبتلقا اسمه ورقم شعبته

والله يعينك على المشورة :أفكر:

واحلى كلمة بتسمعها (( اعتراض )) :D

=============

ومشكورة اختي الغالية على طرح الموضوع

بس مافيه تفاعل

Lord of Mystery

10-05-2005, 03:07 PM

المنهج مررره تاافه وسهل....مو مستووى جاامعي ابدا...
الشكوى لله

ولو تسأل الخريجين بتعرف كيف يفرقون بينهم وبين طلاب جامعة الملك فهد (عند التقديم على الوظائف ) وفرق بالمرتبات (نفس التخصص جامعة الملك سعود المرتبة 8 جامعة الملك فهد المرتبة 11 ... هذا في شركة معروفة )

والسبب اللغة الأنجليزية
شهادة توفل وان شاء الله تتيسر الامور ^^

وش قصدك ؟؟
اقصد يرفعون معدلات القبول فيها لانه صراحة بعض الاحيان تشوف همج وداخلين ادارة اعمال ... واصلا هو ما يدري ايش هي ادارة الاعمال بس دخلها عشان معدلها ما يسمح انه يروح مكان ثاني

بيكتبون لك عضو هيئة التدريس ( ليه ؟؟؟ انتم ادرى )

رح للقسم الخاص بالدكتور وبتلقا اسمه ورقم شعبته
كاااان زمان ... الان حتى الدكتور ما يعرف رقم الشعب اللي يدرسها الا بعد نهاية التحويل... شوف الى اي درجه يبغوا يعقدوا الطالب >__<

boo boo

10-05-2005, 10:49 PM

وازيدكم من البيت شعر ...!!!!! والعكس غلط
المهم
...
اصلاً ..بعض الاحيان يكتبون اسم الدكتور غلط ...وهذي صارت لي شخصياً المستوى ذا

العاشق الهلالي

15-05-2005, 06:29 AM

يا ناس قولوا الحمد لله ..

مو مثلنا طلاب كلية العلوم الطبية بعليشة ..

لا مواقف .. لا قاعات مثل الاوادم .. ما فيه حتى مكان للاستراحة ..

اغاريد

19-05-2005, 12:04 AM

مرحبا ...
اسفه على الانقطاع الطويل
بس شفت ردودكم كلكم
والجميع يتكلم عن السلبيات ...
مع انبي والله مافتحت الموضوع للسلبيات ...
نبي شي ايجابي لو واحد ...
احد يقول انه شاف شي حلووو في الجامعه ...
انا استفدت مع كل هالسلبيات طلعت بصداقات حلووه ...

^
^
شي ايجابي في الجامعه اعتز فيه

اما عن العلوم الاداريه بحكم اني علوم اداريه ...
اؤيدك في الراي ...
المفروض يكثفوا الانجلش شوي ...
ماعندنا الا النجم ...والموضوعات ...
وياتنجح ياتروح فيها ...

اما اساليب كميه بصراحه قسم يجنن بس ياحسره ماعندنا يالبنات ...

انت حليت موضوع الانجلش بشهادة التوفل ...برافو فكره حلوه
بس برضو التوفل مو سهل ترى

واشكر لكم ردودكم ...
بس عطونا ايجابيات

hell-bottom

12-06-2005, 02:56 PM

لوسمحتم اريد الموقع الجديد لجامعة الملك سعود ضرووووووووووري

Lord of Mystery

13-06-2005, 06:53 AM

www.ksu.edu.sa

ليكويد1

02-08-2005, 02:56 AM

صدقت اخوي العااشق الهلالي..

طلااب العلوم الطبية..في علييشة الدواام مسااائي..بس ماعلييك فللة..ههخهخ..

بس يقولون بعد سنة بنتقل للدرعية..

تحياتي اللي توها طالعة من الفرن..

aimar

02-08-2005, 03:29 PM

صدقت اخوي العااشق الهلالي..

طلااب العلوم الطبية..في علييشة الدواام مسااائي..بس ماعلييك فللة..ههخهخ..

بس يقولون بعد سنة بنتقل للدرعية..

تحياتي اللي توها طالعة من الفرن..

لااااااااا .. خلوهم بعليشه احسن .. :biggthump

من صحت له عليشه وتركها :vereymad:

تحياااااااااااااتي لشارع خمسه ومن فيه اهاهاهااااااااااااااا

شارع 5 :ciao:

ليكويد1

02-08-2005, 11:07 PM

هلا اخوي..

بااين عليك تفكر علييشة..فخمة..ماندخل للمعامل الا السااعة 2 مسااء..ننتظر خروج البناات..الدواام اغلبه مساائي..بسبب العملي..

تحياتي..

aimar

03-08-2005, 01:43 AM

هههههههههههههههههههههه

ادري ..
عشان كذا ارقام الشباب ماليه كل مكان ..

من جد "بعضهم" مايستحي .. كاتبين ارقامهم في كل جهه عشان يكلمونهم البنات !!! ههههههههههههههههههه

بس عليشه فلّه .. ماتكلمت عن الفخامه انا :@

فلللللللللله ..

فله يعني فله ..

من جد فله ..

عليشه هذي يانااااس عليييييييييييييشه ..

ليكويد1

03-08-2005, 03:10 AM

ليش انت تدرس في عليشة؟؟

aimar

03-08-2005, 08:11 PM

ياليييييييييييييييييييييت

كان مبتى 19 يشتكي ياشييييييييييييييييييييييييييخ ..

كان شارع خمسه مصهلل علاآآآآآآآآآآآآآآآآآآآآآآآآآآآخر ...

ليكويد1

19-08-2005, 02:54 AM

من زييينه...من ذا مبنى...

صحيح تعودنا عليه....بس ان شاء الله ننقل اليوم قبل بكرة..
تحياتي..

aimar

22-08-2005, 03:12 AM

ياشييييييييييييييييخ ركز شويه !!

بولوبيف بولوبيف

وش تخصصك ليكويد ؟؟ علاج طبيعي، اشعه مختبرات ... ؟

ليكويد1

22-08-2005, 01:42 PM

تخصصي...تقنية الاسنان...

aimar

22-08-2005, 05:51 PM

احسسسسسسسسسسسسسسن

بس لاتكتبون ارقامكم في الكليه !!

يشتكون منكم البنات :@

من جد شوهتم سمعة الشباب عند البنات ،، ناقصين احنا ؟؟؟؟؟؟؟؟؟؟؟؟

ليكويد1

22-08-2005, 06:28 PM

مين اللي حنا ولاهم..

انا بصرااحة مأشوف احد يكتب اخاااف هم اللي يكتبووون..

تشاااو.

aimar

23-08-2005, 01:04 AM

مين اللي حنا ولاهم..

انا بصرااحة مأشوف احد يكتب اخاااف هم اللي يكتبووون..

تشاااو.

لا والله ماظنيت هم اللي يكتبون ..

المعامل كلها نقوش اثريه من ارقامكم :vereymad:

بالله وش يقولون عنا القطاوه ؟؟؟

ليكويد1

23-08-2005, 01:21 AM

ليش انت تدرس فيهاا..اقولك كرااسي صاار لها 30 سنة..هم اللي كتبوا قبلنا ..ولا احنا مانكتب..

فيه بس قليل..ولاتنسى مبنى قديم..

تحياتي..

aimar

24-08-2005, 02:37 AM

اللي اعرفه ان المعامل للبنات الى الظهر بعدين تصير للشباب ..

خلااااااااااااص ذاتس ات.

الشباب الحلو يكتب رقمه عشان بكره الصبح تقراه ساره وغاده وبقيه الطقه !!

من جد فاضحينا انتو ياحقين الطبيه :mad:

ليكويد1

26-08-2005, 05:52 PM

المعاامل..والدور الثااني والثاالث الى ...الاخير..لبناات احنا لنا الدور الاول..
من السااعة 2 تصير المعاامل للطلاب..هذا قانون في كليتنا..

عندنا فرااغ كثيير الى السااعة 2 الظهر...

اما قولك فااضحينا يالحقين الطبية..

اللي ما يطاال العنب حامض عنه يقول..خخخخ>>>امزح معااك..

تحياتي..

aimar

26-08-2005, 07:45 PM

هاهاهاااااااااااااااااااي

حلوه منك ..

ياحبيبي في اللغات يجينا كل شي الى حدنا ..

مانتكلف ولا حتى خطوه ..

لغات ذي يااااااااحبيبي ;)

ليكويد1

27-08-2005, 02:14 AM

ماافهمت اللغاات انا شاايفها..بعينا..

كلاساات..وغيرهاا..مع الادااب..

وضح هذه العباارة..
ياحبيبي في اللغات يجينا كل شي الى حدنا ..

:jester: ..جااوبني..اوكي..

تحياتي..:ciao:

aimar

27-08-2005, 09:35 PM

السبلنق عندك دمااااااااااار

.
.
.
.
.
.

<< صرفها

لااقصد حنا ياللغات غيـــــــــــــــــــــــــــر ..

كل شي فينا يتميز عن البقيه ..

وكل شي (مما سبق) يجينا الى حدنا ..

فهمتها ذي ؟؟ :mad: واضحه عاااااااد

ليكويد1

28-09-2005, 04:22 PM

وش اللي كل شيء يجي لعندكم..

أكيد الدكااترة بيجوا الى القاعات علشاان يدرسوكم..

ترى كل الكلياات كذا....

واسف على التأخير توني راجع من التوقيف..

تحياتي..الخاالصة...

Grand-rap

29-09-2005, 03:17 AM

من جد الله يعين البناااااااااااااات!!!!! دائما اختي كانت تشكيلي وانا كنت افكرها تبالغ...

حن في قسم ادب انجليزي مرتاااااحين مره حتى كمبيوتراتنا جدييييييييييده ومعامل اللغه تفتح النفس...
(حبيت اقهر البنات شوي)

شقيف

15-10-2005, 12:14 AM

الموضوع نايس .... ويسلمووووووووو عليه ...

بالله .. لاحد ياخذ فكره سيئه عني .... خلوني اعبر عن شعوري <<< اما شعووور خخخخخخخخ

وافض فض ......

اول شئ ..... اول ما ادخل يا سلااااام على المواقف......زحمه ومافيه تنظيم ,,,وقرف ...وانا مسكين والله انا سيارتي جديده ...قهر .... احياناً اضطر اطمر رصيف ولا اوقف على ثاني ... عشان الحق المحاضره..... تخيلو احياناً اقعد نص ساعه واكثر في المواقف ..... تقوولون ابالغ لاكن والله اتكلم من جد...

انا طالب في كليه ( علوم الحاسب والمعلومات ..) ومافيه مبنى خاص فينا .....

طبعاً انواع الشحططه والمرمطه .... محاضراتي والله في مبنى 4 ومبنى 5 ومبنى 6 اللي هي المدرجات الدراسيه ..

والكفتيريا .... يا سلام .... انواع الفله .... تشوفون الاكل تقولون عادي ... بس ذقه .... تنسد نفسك :afraid:

قسم بالله قلت حيا .....المحاضره 50 دقيقه وبين كل محاضره ومحاضره 10 دقايق بريك ( راحه ) وطبعاً الدكتور ياخذها ......

والله يا ناس معاناة لاكن ما اقدر اقول ..الا.... الله يعين ...

وبالنسبه للمكافأت انا اول سنه ... ومدري وش السالفه ... ولا الحين ماطلعوا لنا بطايق صراف ولا نزلوا شئ ....

واسف على الاطاله .....ومشكورين