المساعد الشخصي الرقمي

مشاهدة النسخة كاملة : نقاشات التابلت الفزعة موضوع خطير وسري للغاية أرجو المساعدة


مزيون وبس
16-03-2005, 12:54 AM
السلام عليكم ورحمة الله
أنا بحمد الله وتوفيقه شريت جهاز I-mate Jam قبل ثلاثة أسابيع لكن ماهي ذي المشكلة
المشكلة أني من يوم شريته إلى اليوم وأنا يوميا أحاول أني أوصله مع الجهاز لكن رافض يتصل
لا والمسكين منزل برامج وشاري كرت ذاكرة لكن كلما أوصله مع الكمبيوتر يقول الجهاز غير متصل
مع العلم أني منزل برنامج اكتيف سونك لكن ...... (لاأدري ماذا أقول)
وانا لقط لها صور وأبي أوريكم معاناتي وحتى تتضح لكم الصورة
هذا أول مربع حوار يقول فيه التعليمات
http://www.arab3.com/images15/60297678.jpg

وهذي صورته وهو يبحث عن جهاز متصل (قوة مراقبة)

http://www.arab3.com/images15/97761194.jpg

وبعدها يطلع لي هذا المربع اللي خلاني كذا :vereymad:

http://www.arab3.com/images15/83035268.jpg

وإذا ضغطت Cancel يطلع لي هذا المربع

http://www.arab3.com/images15/31119873.jpg



"ردوها علي " "أليس منكم رجل رشيد "
لأني بصراحة أنا أكتب لكم هذا الموضوع والجهاز معلق نفسه بالمروحة يبي ينتحر :icon6:
أرجو المساعدة "ومن أحياها فقد أحيا الناس جميعا" وتحياتي لكم
عضو قديم
16-03-2005, 12:47 PM
حبيبي انصحك بكل صدق وأمانه

انك تجرب الكاتل موديل one tuoch easy

http://www.montada.com/attachment.php?attachmentid=195179&stc=1

صحيح انه قديم لكن لا فايروسات ولا مشاكل مع الكمبيوتر ولا غير
اشتر راحت البال وتوكل على الله
snoke
16-03-2005, 01:12 PM
شغل برنامج اكتيف سونك اللي في جوالك بالأول ... بعدين حاول اعمل كونكت من الكمبيوتر
محترفI-mate
16-03-2005, 03:38 PM
بسيطة أخوي مزيون وبس...

من جهازك الشخصي إفتح الأكتيف سينك وبعدين روحFile وبعدينconnection settings وبعدين حط على جميع الإختيارات علامة (صح) وبعد ذلك إشبك جهازك الكفي وراح يسوي لك partnership وإستمر معاه وإختر الأشياء المطلوب تزامنها وبعد ذلك راح يتزامن إن شاء الله,,
مزيون وبس
16-03-2005, 04:33 PM
العضو القديم .... حرام عليك بترجعنا للعصر الجوراسي
لكن بصراحة الجوال شكله للـ vip
مشكور على مرورك حبيبي

snoke سويت هذي الحركة قبل كذا ومانفع سويت كل شيء يخطر في بالك لكن للأسف

الأخ محترف كلما افتح الأكتيف سينك تطلع لي المربع الأول في الصورة وحتى لو ضغت كنسل ورحت للفايل connection settings يطلع لي نفس المربع الحوار

لكن أشكركم على تعبكم معنا
تحياتي
مزيون وبس
محترفI-mate
16-03-2005, 09:38 PM
شوف أخوي مزيون,,,

انا أبي أسوي لك معروف ومنها علشان نتأكد إن كل شيء تمام,,,

إذا الإصدار اللي عندك هوActiveSync3.7إحذفه ونزل الإصدار الجديد واللي هو ActiveSync3.8
أنا ما أقول إن الإصدار القديم هو المشكلة بس علشان نبدأ خطوة خطوة ومنها إنت المستفيد بتنزيل إصدار جديد,,

حتى لو كان اللي معاك الإصدار الجديد إحذفة ونزله مره ثانيه من هذه الوصلة

http://www.microsoft.com/windowsmobile/downloads/as-dl38.mspx?submit1=I+Accept+%3E%3E

وأهم شيء بعد تحميل البرنامج ويبدأ التحميل إلى جهازك إنه يكون جهازك البوكت بي سي على طول راكب على وصلةUSB علشان يبدأ معالج التعرف على الأجهزة الجديدة والبرنامج بالتعرف على جهازك بنفس الوقت وبكذا تضمن إن جهازك راح يسوي مزامنة ناجحة مع الجهاز,,,

وإذا بغيت أي شيء أنا حاضر,,
مزيون وبس
17-03-2005, 12:15 AM
أخ محترف نزل البرنامج وطبقت اللي قلتي لكن نفس الأولى
معليش تعبناك معنا والله يكثر خيرك على أهتمامك
لكن ماتعتقد أنك المشكلة من إعداد البرنامج على البوكت بي سي
لأني حاط في إداد البرنامج كذا:
أولا إذا فتحت البرنامج وتضغط Options
في خاصية PC حاط على المربعين كلها صح
وإذا ضغطت على زرOpitons حاط في المربع صح ومختار USB ومختار الأختيار الأول
أما الباقي فما أظن لها أهمية
فما أدري إعدادي كذا صح والا لا
تحياتي
محترفI-mate
17-03-2005, 03:37 AM
أعدادات جهازك صحيح!!!

لكن والله حيرتني

طيب لا تيأس حاول مرة وإثنين وثلاثة.....

وحاول تشوف برنامج ثاني للمزامنة مثلsupersync أو أي برنامج ثاني أهم شيء لا تيأس وأنا راح أحاول أساعدك,,,

وبالتوفيق أخوي
Pentium
17-03-2005, 11:45 AM
أنت تستعمل Active Sync 3.8؟؟ و لا 3.7؟
مزيون وبس
18-03-2005, 11:12 PM
أبشرك يا محترف عرفت أيش المشكلة
لكن بعد معاناه كبيررررررة
بحثت في مواقع كثيرة عن الحل لكني ماوجدت شيئ
في نهاية المطاف رحت للمحل اللي باع لي الجهاز لاني قلت يمكن الخراب من الجهاز نفسه
ليه العالم كلها يشتغل عندهم وانا لا
وبعد ما وصلت للمحل رحت عند واحد سعودي هو اللي باع لي الجهاز
شرحت له معاناتي فكر وماعرف الحل وبعدها استدعى فرقة انقاذ
عبارة عن فلبيني مايدري وين ربي حاطه
فكر الفلبيني وحك راسه وبعدها توصل الى نتيجة مميتة
قال الوصلة ماتشتغل على وندوز ملينيوم ماتشتغل الا على اكس بي
قلنا ماهي مشكلة رحت وديت جهازي لمحل كمبيوترات علشان يركب اكس بي
ولكن للاسف الماذربورد مايقبل الاكس بي
بعدها تقفلت الدنيا بوجهي وفكرت بخيارين احدهما مر
إما اني ابيع الايميت او اني اشتري ماذربورد جديد
المهم رحت للبيت وبعدها تذكرت واحد معا ايميت قلت بيعطيني الكبيل حقه
يمكن المشكلة في الكيبل ولما رحت له قال لي المسألة ماتحتاج
أنا صارت معي قبل كذا أنت بس رح للكمبيوتر ورح على لوحة التحكم واضغط
إضافة أجهزة جديدة ولازم يكون البوكيت موصل وبعدها راح يتعرف لك على طول
وسويت الحركة ومشت معاي والحمد لله أتوقع مافيه أحد أسعد مني بالاكتشاف هذا
حتى غراهام بل مافرح باكتشافه مثلي
على العموم أنا ماادري أيش أقولك لأنك وقفت معي وقفة أخ مخلص لأخوه
وتعبتك معاي لكن ماأدري أيش أقول لك لذلك من باب " من صنع لكم معروفا فكافئوه"
أقدم لك هذي الهدية المتواضعة مني وأرجو أنك تقبلها مني ولك خالص تحياتي
http://www.arab3.com/images15/78761972.jpg
وكذلك أشكر كل اللي أتحفوني بأرائهم ولهم مني كل الشكر والعرفان
تحياتي
محترفI-mate
18-03-2005, 11:48 PM
أخوي مزيون:08: أنا ما.....>>>إنحرج مايدري وش يقول:08: :08:

أنا ماسويت غير الواجب يا الغالي:08:

وهديتك أعتبرها وسام شرف عطاني إياه واحد صارت له مكانة ومعزة عندي:08:

وأكرر وأقول يا أخوي مزيون أنا تحت أمرك واللي تبيه أنا حاضر يا الغالي:)

أخوك/ محترفI-mate
مزيون وبس
19-03-2005, 04:42 PM
إذا لم تظهر الصورة اضغط على هذا الرابط فضلا
مزيون وبس
19-03-2005, 04:46 PM
إذا لم تظهر الصورة انظر في المرفقات
Pentium
20-03-2005, 06:10 PM
الحمد لله انحلت المشكلة و طلعت من الكايبل...

هو الويندوز ميلينيوم يدعم USB بس بشكل أضعف من XP ...

على كل ألف مبروك....