أبغى اروح لـ نيوزيلندا .. فيه احد عنده معلومـات ياشباب ؟!

[لواء ركن]

السلام عليكم ..

صبحكم الله بالخير والنور ..

اخواني الكرام .. أنـا إنشاء الله طالع لنيوزيلندا لمدة شهر او 3 اسابيع .. لكن المشكلة اني مـا اعرف انجليزي إلا شوي ممكن ابجديـاتهـا فقط .. وصراحـة خايف من عدة اشياء :

1- المساجد والجوامـع والمراكز الإسلامية فين أحصلهـا ؟!

1- المترجمين .. كم أجرتهم وجنسياتهم ، وهل فيه جنسيات عربية احذر منهـا ؟!

2- معدل الجرايم والسرقـات كبير عندهـم لدرجة اني اخاف من ظلي ؟!

3- متى اوقـات اتجنب الطلعه فيهـا ؟!

4- الشعب النيوزيلندي وش طبيعته .. عدواني - متكبر - طيب ؟

5- البضايع والهدايـا عندهم اسعارهـا كيف ؟! كذلك المنتجات الغذائية الخالية من لحم الخنزير والخالية من الخمور فين احصلهـا ..

6- فيه سفارة للسعودية هناك .. وممكن عنوانهـا .. وهل اول مـا اوصل لازم اروح اسجل جوازي عندهم عشان لو ضاع يكونوا عارفين ..

بالنسبة للرحلة وهـذا هم كبير على قلبي وخايف اتبهذل فيهـا .. مكتب السياحة مخيرني بين خيارين :

1- الخطوط الصينية ، رحلتهـا من الرياض - هونج كونج - اوكلاند ..

2- الخطوط الإمـاراتيـة ، رحلتهـا من الريـاض - دبي - دكـا أو سنغافورة - أوكلاند ..

فبرأيكم الله يسلمكم وش آخذ من طيران وأيش نصايحكم للي راح وجرب ..باختصار وش اسوي اول ما اوصل لانها اول مرة اطلع برى السعودية .. وحكون لوحدي وانا شاب صغير بالسن وخـايف بصراحة خـايف وبجد وإنشاء الله تطمنوني

[الشيخ ماجد]

هذه شجاعة منك اخي
بس الصراحة ما اعرف عن هذه المدينة
بس انا كتبت لكي انصحك .
انني انا لو كنت مكانك

اولا : رايح احصل على موافقة اهلي
ثانيا : اذهب الى هناك مع اعز واحدمن اصدقائي وصدقني لو رحت مع واحد من اصدقائك ما رايح تندم