آلات تعزف على أوراقٍ ممزقة

[NsaN]

لا تخاف الموضوع هب خاطرة..يعني اشقح عليك الأمان..




































المهم...كنت في أحد الايام الظلماء (يعني بالليل) مع الشلة..سايرين نتعشا بأحد الكافتيريات الكبيرة <<< للحين مقتنع ان المطاعم عبارة كافتيريات و لكن بكراسي أكثر :28:

ديورينق العشا..كنا نتتااقش بشتى أنواع المواضيع المفيدة و اللي تعود على أمتنا بالنفع..نعم نعم..على أمتنا..
مثل منو انهى Devil May Cry 3 و شو رايكم بآخر حلقة من Naruto؟؟ :bigeyes:

المهم..(و ياكثر المهم بهالموضوع)..مرت علينا فجأة لحظة صمت..انغمس كل واحد فينا بطبقه..
عاد انا كنت طالب روبيان مكني..اااااااااااه..شام ريحة الصلصة من هني :approve:

و فجأة..فتح مطوعنا فاه معلناً عن بداية الحوار التالي:

المطوع ببرود يستحي الثلج انه يشبه به: لو انا بنت..بتتزوجوني؟؟

عاد انا و الشباب Automaticaly بدينا شغل الـMacho و كيف و شو هالكلام و ما عندك سالفة و من هالقبيل..

المطوع:................ما رديتوا! :31:

احنا بعد الاذعان: شوف والله انت ولد حلال..و كذا كذا كذا...

و اجتمعت الاغلبية على ان الرجل يستاهل انه نتزوجه..و ذلك لأخلاقه االممتازة..و مش لانه مطوع و مأمون مثل ما قال البعض :28:

و جاكم الثاني: انزين و انا؟؟ http://entiqam.jeeran.com/Emotions/smile.gif

احنا: و الله انت و لد حلال..و مع انه فيك كذا..الا انك كذا و كذا و كذا..

و ايضاً راي الاغلبية كان ايجابي..و انه يستحق الزواج. .خاصة انه الكشيخ بينا..

(عاد هني الشباب تحمسوا)

و جا دوري: انزين انزين...و انا؟؟ :reporter:

الجميع و بصوت و احد..و بدون ذرة تردد: مستحيل :smoker:

انا: انزين و اللي فبطني؟؟ :17:

ههههههههههه.. تخيلوا..من ضمن اسباب رفضي (عاد انا كلش داش بالجو) شو كان؟؟

Being A Grumpy -_________________-...

والله دايماً بالمنتدى كنت اخذ سالفة القرمبينس على انها مزحة (Well It Is) يعني ما توقعتها شي موجود فيني صدق..
و بعد غير القرمبينس..قالولي انت جاف..و ما تعرف تدلع..و احنا نبي بنية تدلعنا :boggled:

طبعاً اسبابهم واهية..و لا تمت للواقع بصلة..و لا انا وين و القرمبينس وين :28: ..
حتى شوفوا توقيعي اليديد :reporter:

المهم..(كلاكيت ثالث مرة)..

الي عجبنا بالموضوع ان كل واحد فينا عرف راي ربعه عنه..
يعني اوكيه.ربعي و يعزوني و هالكلام..
بس مهما تكون المعزة بينا...دايماً في تحفظ على بعض المواضيع..و مجاملات بينا..
و فوق هذا فتحوا عيني على عيوب فيني..قد تمنعني مستقبلاً من الزواج..فبتالي..لازم اصححها..

و الصراحة استانست يوم عرفت طريقة بعض الشباب في التفكير..و شو المقومات اللي يدورون عليها للزواج..

ادري الموضوع ممكن يكون عبيط شوي..و داش غلط..بس الصراحة Funky.. :laughing:

لزلك..السؤال اللي نازل سلايد و يبي يلحق على نفسه...اوه على فكرة..ترى عنوان الموضوع ما يخصه.. :bigeyes:
مجرد اسم غبي لمسلسل مصري قديم تمثل فيه بوسي..
على فكرة..كيف يكتبون بوسي بالانجليزي؟؟ :06:

انا اشوف انه Bucy على وزن Lucy..يب يب..It Has To Be :reporter:

انزين..نرجع لسؤالنا اللي بعده نازل سلايد و منتظرنا..

- هل انت زواجAble ؟؟؟
- ليش؟؟
- عندك صديق تتمنى انه وحدة عسب تتزوجه؟؟ <<<< U Can Simply Ignore This One :tongue2:
- برايك..هل تعتقد ان Bucy هي البروناونسييشن الصح؟؟

مادري اذا وصلتلكم فكرة الموضوع..فاللي مب فاهم يرفع خشمه و انا اعيد.. :reporter:

ورداً على سؤالكم اللي يقول..بلاه الاخ منزل موضوع (محد سأل انزين :boggled: )
لاني نشيت من الرقاد من وقت (11 الصبح) بسبة المكيف..
ياخي مادري منو هاللي مطلع اشاعة ان البرد الشديد يأثر باليهال الرضع؟؟ :bigeyes:

[ODIN]

والله مب وقتها المواضيع ذي -__-


المشكله ان التفكير فيها يعور القلب ومرعب صراحه .. لكنها واقع فارض نفسه .. لابد انك تتناقش فيه وتتكلم عنه


مثلا امس اسولف مع صديقي عن شي قريب من الموضوع ذا ..


قلتله طريقة الزواج الحين مثل القمار :tongue2:


الشاب مسكين يبني نفسه ويجمع فلوس عشان شي مجهول ..

ولما يجمع فلوسه ويبني نفسه يقول لأمه يا يمه انا جهزت دوريلي على بنت حلال


والأم على نياتها تدور بين البنات .. وطبعا نعرف ان كل بنات الحمايل كلهم اخلاق ومحترمات وهذا شي كثير وموجود ..


لكن المشكلة في الطبايع .. الطبايع شي والاخلاق شي ثاني ..

مصيبه اذا الواحد ياخذ وحده وهو ما يعرف طبايعها .. يمكنها ما تتوافق معاه ابد ..

يعني الي صاير ان الحين الخطوبة والزواج ضربة حظ ..


تتقدم لبنت وانت حاط في بالك انها محترمه وعاقله .. لكنك ما تعرف طبايعها !!


مثل واحد قريب لي .. تزوج وراح مع زوجته شهر عسل و بعد اسبوعين من رجوعهم للبلد طلقها ..

مع انها محترمه واخلاق . .لكن طبايعها شينه ولا توافقت معاه ..


وش ذنبه هذا الي جلس سنوات يبني نفسه واخرتها الحظ ما وافقه ؟!!!!



شي يحز بالنفس ويحرق القلب صح !!



بمجتمعنا أي بنت تسأل عنها راح يقولونلك انها محترمه وعاقله .. جواب بديهي ومعروف هذا


ههههه يعني الحاله الي احنا فيها تألم وتحز بالنفس صح ..

وتخلينا غصب نفكر بطريقة حيوانية و ( مادية )

وتخلينا نقول حرام مسكين بنى نفسه سنين وهو يجمع بالفلوس واخرتها على الفاضي ..

والله تفكير حقير هذا لكن الواقع كذا .. يفرض نفسه
يخلينا غصب نفكر كذا ..



مو شي يحر القلب صحيح ؟!

هههههههه وش فرق الطريقة ذي عن ( بيع الغرر (

الواحد يشتري سلعة مجهولة ما يعرفها !!



والمعذره على تشبيهي البنت بالسلعه .. لكن احنا بمجتمعنا جعلناها سلعه واحنا ما ندري !!

المهور غاليه .. الحظ هنا للرجل الي معه فلوس ..

اهل البنت يقدمون الي عنده فلوس على الي حاله ميسور وعلى قد حاله ..

وكأنهم جعلوا بنتهم سلعة يتاجرون فيها ..

وطبعا حديث ( اذا جائكم من ترضون دينه وخلقه فزوجوه ..

هذا محذوف من بالنا ولا نفكر ولا نعترف فيه حتى !!


- الاهتمام بالمظهر الزايد .. صاير الحظ الحين للبنت الحلوة بس .. ولا ينلامون العالم لما يهتمون بالشي ذا ..


لانه الشيء الوحيد الي ممكن يعرفه الواحد قبل ما يتزوج البنت !!



اوف والله فيني حرة لو اتكلم لبكرة ماراح اسكت .. بلاوي كثيرة افكر فيها حارة قلبي ..

مجتمع وصخ مادي

[Kubaj]

والله ما فيه احد سبق وانه فتح موضوع مشابه لموضوعك.. لأنه جماعتنا.. او شلتنا.. بالأصح..

يا تحرق.. يا تنحرق.. منتهين بالعربي.. على كل حال.. بالنسبة للزواج..

ياخي وش حادك على الزواج..، طبعاً.. انا مخطط اني اتبنى لي واحد من الصين.. واسافر انا وياه البرازيل..

واعلمه شلون يلعب كورة.. ولا اختصرها واتبنى واحد برازيلي.. عشان يكون فرخ جاهز..

وبعدين اروح به هولندا ولا فرنسا.. ادخله احد هالنوادي.. ليون ولا اياكس.. وكلها ثلاث سنوات وهو محترف في

الدوري الأسباني.. وعطه سنتين بالكثير وهو في نادي كبير..

واذا على تلبية الحاجات الأساسية اللي فطرنا عليها الله سبحانه وتعالى..

ف الله يخلي زواج المسيار.. وبلاااشي دراما.. وحبسة.. <<< يا يزيد.. كذا يعيش النسر.. ولا ؟ - رسالة ليزيد فقط - p:

[Trapped Inside]

هلاع انسان ^_^ ..

موضوع بدري علي .. :D


- هل انت زواجAble ؟؟؟

وليش لا :reporter:


- ليش؟؟

لاني احب ناروتو :09: .. لوووول .. لالا .. انا اشوف اي واحد Is زواج Able .. يعني معقوله منتب محصل بنت تشبهك كثير بالشخصيه .. " يعني لو انك قعيطي وبقره ونذل " .. بتحصل وحده نفس الشي .. والعكس صحيح :biggrin:


- عندك صديق تتمنى انه وحدة عسب تتزوجه؟؟ <<<< U Can Simply Ignore This One

وش معناة عسب ؟ :31:


- برايك..هل تعتقد ان Bucy هي البروناونسييشن الصح؟؟

يس :icon6: ..

وبيني وبينك مالي نيه اتزوج .. ولا بتزوج ... منيب متزوج من هنا ! .. >>>> مو جايك تكفيخ انت بيجيك اغتيال من السمك -___- ..

وفعلاً الزواج عندنا فاشل للاسف ..

والف شكر عالموضوع المهضوم ^^ ..
توقيعك كووول :icon6:

[D0WN~T0WN]

صراحة اللي بيعرس على بنت شينة وب80 الف موب صاحي واعتبره اكبر مسرف
لا والمشكلة ماجت على ال80 الف
المشكلة مابعد الزواج تقعد تتشرط وتبي تمشيك على كيفها كانها هي اللي دافعة المهر لي
وغير كذا ماتدري شوي شوي تبدا تبعدك عن بر والدينك هذا اذا ماماتو من القهر وتوديهم لدار المسنين>>>بدا شغل المسلسلات


ببساطة مشروع الزواج عندنا فاااااشل ويحتاج للسعودة

[Argandir]

ياخي الموضوع و اول ردين فيه مايركبون مع بعض... :28:

هذا مثال على ان ثلاثتكم ماتصلحون تاخذون بنات تشبه بعضكم بعض...<<< لاتسئلني! لاني انا بصراحة موش فاهم الجملة... :31:

بالنسبة لاسئلتك...لا بصراحة مااحس نفسي مستعد للزواج...لاني امر بلحظات عصيبة في حياتي حاليا...والزواج راح يزيد الطين بلة...

خل المياه ترجع لمجاريها اول...بعدين ادورلي على انسة...لطيفة...جميلة...رقيقة...حساسة...عذبة...نقية...تلعب كرتيه...او كونغ فو...كله واحد...

[Kubaj]

http://brazil.adoption.com/files/newspapers/Brazil.php?country=Brazil?

وصلة لموقع تبني..

It can happen for you :p

والله مشروع صراحة.. يعني نأخذ اللاعب جيرارد على سبيل المثال..

يستلم راتب اسبوعي لا يقال عن اربعين الف جنيه استرليني..

يعني 240 الف ريال اسبوعياً.. يعني لو اتبنى واحد واخليه يلعب بالدوري الإنجليزي..

ومع شوية حظ في نادي مثل الأرسنال على سبيل المثال.. يثبت رجوله في النادي..

ويعطيني 40 الف ريال اسبوعياً.. هممم.. يصير راتبي الشهري منه فقط.. 160 الف ريال ..

واقدر اشتري مزرعة في ابها.. يعني ثلاثة هكتارات في هكتارين.. مانبي نكون طماعين << ماقصرت

وابني فيها قصر وفوق القصر.. قدر كبير.. عشان يجمع المطر.. والخيرات.. يمكن تتجمع الضفادع وتصير

محمية لضفادع نادرة .. وابيعها على الحكومة بمبلغ وقدره.. واشتري 51% من أسهم جزر البندقية

واروح اسكن هناك.. واخرب ام الجو على علية القوم.. وهذا كله طبعاً في أول سنة من احتراف

ابن المستقبل.. في نادي الأرسنال.. :33:

يمكن بعدين اتبنى بنت.. والعبها في امريكا.. يقال بأن راتب اللاعبات في امريكا يتفوق على بعض اللاعبين

الرجال.. امثال زيدان وغيره..

والله مشروع.. خطير.. مشروع النسر.. النسر الحر.. :31:

[Lena]

eh...life is hard...


باستثناء رد اودين..لاحظت انه في ردود الباقين مدري..احس هدف من الزواج مش مناك..
كانه الزواج واجب او اسم هههههه
لا ياخي اذا مالك نفس مسؤليات الزواج وحوسة الزواج وغثاء الزوجه على قولتكم "ودني طلعني .."
لا تتزوجون..
لان الزواج مفروض اكبر من كذا هدفه ويصير تضحيه مب انانيه يعني :
" اف الزوجه بتغثني اف الزوجه بتذبحني"
..طيب فكرت وش بتقدم لك هالزوجه دلع وعيال وطبخ ووناسه؟
ماتستاهل هي بعد تتدلع.؟؟.
الزواج مب مين يدفع ومين الي بيبرح ومين الي بيخسر وكذا قاعدين بمسابقه حنا؟
لا هو....تضحيه... يا هوه تضحيه ومشاركه..
اذا مب مفكر تتزوج وتخلي هالانسانه نص عمرك وحياتك لا تتزوج..يصير مشروع فاشل اناني..


النقطه الصعبه فعلا هي الي ذكرها اودين وهو الي كان اكثر واقعيه :p
كيف اختار طيب نصف العمر ذي؟
من جد في هذي انا مالي الا انقهر مثل اودين..من جد في مجتمعناالزواج توافيق وحظ ونصيب :)




بخصوص من من صديقاتي ابيها تصير زوجي..اممم يؤ سؤال خطير صراحه(&)
اممم لقيتها..وحده من صديقاتي ياحبيلها تفهمني مرررررررة soul mate يعني:09:
حنونه وتفهم my dumpiness

ادري السؤال مب لنا بس انا بجاوب وش ابسوي موضوعك حلو :28:

بخصوص كونك جاف يا انسان..ههههه
باين عليك كذا .. واحس كذا ان هالجفاف مجرد cover لشي ثاني داخل..
بس في الرجل هذي مب صفه شينه مرة فلا تتحطم..بس غمس نفس شوي في الشاهي وتلين ههههه :laughing:




واتوقع بوسي صح كذاbucy اي ثنيك يو نو..


روعه الموضوع..

P.S:
-ur sig is cool
-what is the meaning of grumby? is it close to clumsy?

[Electro M]

شف في مثل مصري يقول
لو تجري جري الوحوش غير نصيبك مش حتحوش
يعني اللي كاتبه لك الله بيصير
و الزواج يعتبر من القسمة و النصيب
لذا اذا انت خايف على حظك
ما لك الا تشبك لك وحدة و تحط في راسك انك اذا تزوجتها تبي تعزك فعلا
اما اذا كنت تعارض هالشي
فما لك الا خيار حظك و نصيبك و نصيبك حيصيبك

على فكرة
محد من ربعي ودي اتزوجهم
كلهم يجيبون الهم
واحد كسول و الثاني مزعج و الثالث ما يشبع نوم

[asf4ever]

أنا أحس بالكلام إلي يقوله أودن
أجمع لي فوق المية ألف على ضربة حظ...
خلنا من هالموضوع
- هل انت زواجAble ؟؟؟
والله مدري ولكن أعتقد لا بس أنا أريد أتزوج اليوم قبل باكر-__-
- ليش؟؟
بعدي طالب و مب كامل النضوج وتعاملي مع الناس مب لهناك...
- عندك صديق تتمنى انه وحدة عسب تتزوجه؟؟ <<<< U Can Simply Ignore This One
لا ما عندي كلهم -الله يهديهم-مب طموحي زيهم
- برايك..هل تعتقد ان Bucy هي البروناونسييشن الصح؟؟
إسأل التمساح المصححة الإملائية تبعي...


سؤالي يجول في خاطري...

لما كنتم في عمر الـ17 كنتم راغبين في الزواج وما عندكم مشكلة في القبول؟؟>>>ولا أنا حالة شاذة._.

شيء ثاني

المعروف عندنا إنه في العرس الواحد ينفق فوق المية ألف فإنتوا عنكم نفس الشيء؟؟؟
(100 لزهبة و20 للمهر من غير مصاريف القاعة والخطبة والملكة)...


P.S:حد يعرف كم يكلف الزواج بيابانية؟

[Trapped Inside]

P.S:حد يعرف كم يكلف الزواج بيابانية؟

Contact Me After Couple Of Years .. :icon6:

I'll Be Happy To Help Ya Out :D

[Yamato]

نيو توبيق اي سي...

والله ما ادري شو اقول الصراحة.. يعني البارحة استوت سوالف مع واحد من ربعي وانت جاي اليوم ترمس عن الزواج... >.<

المهم...
هل انت زواجAble ؟؟؟
ليش لا.. انا جاهز ايها القائد...

- ليش؟؟
تقول ليش... لاني خلاص خلاص انا انتهيت... من الحياة الجامعية ^^.. وان شاء الله لما ماما تحصلي بنت الحلال راح ادلعها واوديها وين ما تريد... ان شاء الله القمر حتى.. مع انه القمر بيكون جنبي وقتها.. احم احم.. اشوف طلعت عن السالفة انا.. >.<!


- عندك صديق تتمنى انه وحدة عسب تتزوجه؟؟ <<<< U Can Simply Ignore This One

No Comment >.<!

- برايك..هل تعتقد ان Bucy هي البروناونسييشن الصح؟؟
غلط هي تنكتب كذا... Bu C يعني ابو سي او بالاحرى ابو بحر.. :28:



سؤالي يجول في خاطري...

لما كنتم في عمر الـ17 كنتم راغبين في الزواج وما عندكم مشكلة في القبول؟؟>>>ولا أنا حالة شاذة._.

انت يا فتى لست الوحيد... المشكلة اني كنت افكر بالزواج وسويتلي عائلة كاملة بعد.. لو كنت مكمل كنت بوصل لاحفادي.. >.<

[asf4ever]

Contact Me After Couple Of Years ..

I'll Be Happy To Help Ya Out
really
i love you man
ولكن إن شاء الله بحصلها قبل هذي"Couple Of Years "
مواهاهاهاهاهاهاههاهاها
But...Domo Arigato Gozimuso


انت يا فتى لست الوحيد... المشكلة اني كنت افكر بالزواج وسويتلي عائلة كاملة بعد.. لو كنت مكمل كنت بوصل لاحفادي.. >.<

طلعت غير شاذ عن الجماعة
ولكن هذي الرغبة بتقل وبعقل ولا بتزيد
لأنه كل ما أكلم الأهل ياخذو السالفة مزاح ويقولي روح عرس وإذا تبي بنحصلك بنت الحلال ويضحكون :28:

ذكرتوني بسالفة واحد من صندوق الزواج ياي مدرستنا يعطينا محاظرة
فلما خلص سألنا إذا فيه أسألة عن الموضوع
فقاله واحد كم دفعت مهر لزوجتك


قاله-___-


قاله-__-
Noooooo Waaay
ألف مقدم والف مؤخر!!!!!!!!!!!

[Trapped Inside]

really
i love you man
ولكن إن شاء الله بحصلها قبل هذي"Couple Of Years "
مواهاهاهاهاهاهاههاهاها
But...Domo Arigato Gozimuso


Yeah Really .. Why Not ^^

I Love Ya Too :D


ولكن إن شاء الله بحصلها قبل هذي"Couple Of Years "

خخخخخخخخ مستعجل على ايش وانا حوبك :08: .. اول شي لازم استقر هناك .. واروح لي كم مهرجان لناروتو بعدين تجي دورها :laughing: ..

Shit .. I Dont Know How To Say " Ur Welcome " In Japenese -__-
Somebody Tasketi T_T

[Argandir]

الا اقول قرطباج...كم تكلفة المشروع... :33: ؟

مشروع مدمر بصراحة...وشكل العائد حقه خيالي...

انا ماشفت الوصلة (مابغى قلبي يعورني من صور الاطفال المساكين :( <<< ياحنين انت) ...فماادري كم تكلفة التبني...ياليت لو تعطينى موجز عن التكلفة بشكل عام...

السفر والتدريب والملابس والنوادي المتوفرة...الخ

[ثريول]

عن نفسي, أؤمن أن الشباب في هذا الزمان "لازم" يتزوجون بسرعة, لأن الواحد هذي الأيام مايقدر يلف راسه إلا وشي يخاطب "غريزته", ومن استطاع البائة فليتزوّج, أو كما قال علية الصلاة والسلام.

لكن مع ذلك, نص الشباب "مب كفو" زواج, وإذا تزوجوا وهم صغار راحت على نسوانهم وعلى العايلة اللي بتبدأ غلط.. طبعاً كلامي كلة أعلاه يخاطب الميـــسوريـــن, واللي يقدرون يطلعون قريشات يقومون فيها أسرة. أما إذا كان الحال مايمشي, هذي صراحة مشكلة كبيرة و"مدمرة" !!.

لذلك, أدعو إخواني الغزوبيه, إلى شن حرب شعواء على دولة جبل لبنان من النصارى والدروز, إما الإسلام أو الجزية أو الجهاد , فــــ:
1-لو أسلموا = أجر وخير والعوض في الجنة ان شاء لله من الحور العين.
2-لو دفعوا الجزية = بنصير أغنياء , وهذا يعني بنكون من الميـــسوريـــن, وهذا يعني أن الزواج بيكون سهل.
3- لو حاربناهم= سبايا يطفئون نيراننا في الحلال!!

والا شرايك عزيزي عبدالعزيز؟

[Yamato]

لذلك, أدعو إخواني الغزوبيه, إلى شن حرب شعواء على دولة جبل لبنان من النصارى والدروز, إما الإسلام أو الجزية أو الجهاد , فــــ:
1-لو أسلموا = أجر وخير والعوض في الجنة ان شاء لله من الحور العين.
2-لو دفعوا الجزية = بنصير أغنياء , وهذا يعني بنكون من الميـــسوريـــن, وهذا يعني أن الزواج بيكون سهل.
3- لو حاربناهم= سبايا يطفئون نيراننا في الحلال!!

تكفى يا فتى الادب خلني ذراعك اليمين في هالحملة... :17:

[rushin_911]

ههه حلو الموضوع
بس ما أحس نفسي راعي زواج، يمكن عشاني شاب و أحس إن الزواج بيقيّدني من أشياء كثيرة ممكن أسوّيها
السؤال الثالث بأتركه يمكن اجاوب عليه لما أعرف معنى عسب :09:

و أخيراً إلا الspelling حق busy صح :)

[asf4ever]

3- لو حاربناهم= سبايا يطفئون نيراننا في الحلال

عسى الحكومة تخلينا -__-

ما أتوقع فيه سبايا بهالعصر


تكفى يا فتى الادب خلني ذراعك اليمين في هالحملة...
وأنا معاكم

[NsaN]

مرحبن..

ما شاء الله..ردود جميلة..و لكن بعضها مش بالموضوع T_T
يا اعزائي..القصد من الموضوع مش شو رايك بالزواج او حتى انتقال اللاعبين مع اولياء أمورهم الى مدارس ثانية..
القصد..هو ترى نفسك زوج جيد؟؟ هل برأيك انت تصلح كزوج؟ هل تعتقد ان في مخلوقة على قفى الكرة الارضية بتقبل بشيفتك؟

اذا يينا على راينا بالزواج..فهييييييييييييييه..الله كريم -_____-..

ODIN

بييييييييييه..قلبك متروسة :bigeyes:
انا معاك 100% بنقطة الطباع..و هذا الهدف من الموضوع..
صعب جداً انك تحصل واحدة طبايعها تتماشى مع طبايعك..او عالاقل..طبعها يكون مقبول و تقدر تتعايش معاه..

خوباج

يو سبيق انقليش؟؟ :reporter:

ترابد

يا عيني عالثقة.. :tongue2:
بعدين منو قال ان من السهل انك تحصل بنت تشبهك...بالعكس..شخصياً اشوفه شي صعب جدن جدن..
خاصة اذا صفاتك مثل ويهك..فضيحة..
بعدين عسب يا عديم الفهم باللهجات تعني عشان (طب و لزومه ايه المشوار ده :boggled: )
و ثانكس عزيزي..عيونك اللي Cool..

اسفل المدينة

اهم شي الاخلاق :reporter:
الجمال جمال الروح و ليس الوش..
يعني انا راضي ادفع 100 على جوتي بس اخلاقها حلوة..
على اني ادفعها على Ashwaria بس اخلاقها زفت.. :28:

يدوم و يدوم و يدوم

ههههههههه..خير ان شاء الله؟؟
بس صدقك..اهم شي تكون نفسيتك مستعدة للزواج..و الا راح تندم..
انا اخوي حنوا عليه الاهل متى بتعرس و متى بتعرس..
اخرتها عشان يرضيهم وافق و خطبوله بنت..ما كملوا بعض فترة الا و فسخوا الخطبة..
لانه ما كان مستعد لهالشي..
و بالتالي..احرج نفسه و بنت الناس معاه..

Lena

احسنت القول يا فتاة..
فعلاً وش حادكم عالزواج اذا مش قادرين عليه..اخص :28:
اتفق معاج بنقطة التحرطم..فعلاً..اا الواحد تم حاط في خاطره "اذا عرست بتذلني..ودني و هاتني"
عمره ما راح يعرس..و ان عرس..و ما راح يتهنى..
برايي اعتقد ان لو في قناعة شخصية..ان الزواج شي جميل..و ما يقعد يفكر بالامور الصغيرة التافهة..
راح يتحمس و يتهنى بحياته الزوجية..

و عن صديقتج..الله يرزقج بولد حلال نفسها ان شاء الله..
عاد انا كان خاطري اعرش عالمطوع..بس ابن الذين ما يباني..حتى عرفي :17:

و اذا المسالة يا لينا مسألة جفاف..جان هانت...في بلاوي زرقة تانية
منها..آل ايه آل ايييه..آل انا ما بيعقبنيش العقب..و لا الصيام في رقب..هع :28:

و اذا تبين تعرفين شو قرمبي..شوفي سنو وايت..نسخة Walt Desiny

E-Mad

ياخي انت عماد؟؟ :06:
احس نفس النفسية..و الاسلوب بالرد..بس ما يندرى..
انا الصراحة..افضل الزواج عن طريق الاهل..
وين بدور بروحي؟؟ اصلاً ما يصير :boggled:
المشكلة ذوق اهلي يدوش T_____T...

اسف للأبد

ما شاء الله عليك..من عمرك 17 و انت خاطرك تعرس؟؟
شكلك تعبااااااااااااااااااااااااان :أفكر:

فتى الفتافيت

هههههههههههه..شكلك تعبان اكثر عن اسف..
بس الله..شكلك واحد يعرف يدلع...تعلمني؟ :bigeyes:

و بالنسبة لـBu C..الصراحة شي جميل...مادري كيف ما يت عبالي..
Yamato..انت الفائز بالمسابقة :reporter:

3ul

الصراحة ما اتفق معك بنقطة الزواج المبكر في حالة توفر المادة..(اذا كان هذا قصدك)
ما ادري..يعني مو حلوة الواحد يعتمد على بيزات العايلة (سواء ورث..او مصروف او What-so-ever)
حلاته يوم الشخص يعرس من بيزات هو كاسبنها..اوكيه..ما فيها شي اذا ابوه دفع المهر مثلاً او حد من هله..
بس المشكلة من وين بتعيشها بعدين..بتعتمد على بيزاتك من الورث او ما شابه..مو حلوة..
افضل الانسان يعرس عقب ما يشتغل (و غالباً..الرجال دون الـ20 ما يشتغلون بحكم الدراسة)..
و يكون حزتها ميمع كم بيزة..و قادر يصرف فيها عالبيت..

Rushin

انزين انت تشوف نفسك مش راعي زواج من اي ناحية؟؟
النفسية و لا المادية؟؟
و اذا كانت نفسية..ممكن تعطينا ايكزامبل بسيط :08:
و عسب معناها.."عشان"

مشكورين جميعاً على الردود و يعطيكم العافية..

[Mista Koo]

موزوعون قرمبيون 0_× مع اني مدري شو يعني قرمبي can u explain

انا اعتقد اني زواجable لاني اخلاقي كويسة ومملوح كتيير (whatever)
بس لسه شوي على الاقل اخلص ثالث ثنوي وبعدين يحلها حلال

شو از معنى اوف عسب؟؟ اي دننو

اما عن اني اتزوج صاحبي لو كان بنت 0_0 ممكن بس حوله بنت بعدين يصير خير

اما عن بوسي فاتوقع pusy قطوة لا يروح بالك بعيد هذيك بروناونسها غير!

في الختام كمشورعلى هزا الموزوع

[Trapped Inside]

يا عيني عالثقة

:icon6:


بعدين منو قال ان من السهل انك تحصل بنت تشبهك...بالعكس..شخصياً اشوفه شي صعب جدن جدن..

Who Said It Was Easy ? 1 .. اكيد صعبه .. ومثل ما قلت صعبببببببه جدا بعد .. بالله وين بحصلي بنت هنا تشوف انمي وتحب ناروتو -__- .. بس انا اقصد " امكانيه " .. اكيد تقدر .. يعن اكيد في وحده تشوف انمي وتحب ناروتو .. بس وينها -_-


خاصة اذا صفاتك مثل ويهك..فضيحة..

خخخخخخ وش ذا التحطيم -_- :biggrin:


بعدين عسب يا عديم الفهم باللهجات تعني عشان (طب و لزومه ايه المشوار ده

اهاع ^^ .. امممم .. احد من اخوياي .. خخخخخخخخخ ماش .. I Feel Akward When I Think About it -_-

Pass :D


و ثانكس عزيزي..عيونك اللي Cool..

العفو ^_^ .. :icon6:

[Yamato]

هههههههههههه..شكلك تعبان اكثر عن اسف..
في الحأيأة.. >.<!




بس الله..شكلك واحد يعرف يدلع...تعلمني؟
الموضوع مش كدا يا راقل.. انا انسان (مش انت) اريد راحة البال... اذا مالحل لراحة البال مع الزوجة.. الحل يقول انك تنخرس وتسمع كلامها... وايضا تسمعها كلام حلو... يعني عيشها بالرومانسية..

ملاحظة: لا يروح بالك بعيد.. لاني انا شخص تعيس التعامل مع البنات.. يعني ما افهمهم ابدا.. لكن الطب النفسي يقول انه لازم كل رجل يكتشف الجانب الانثوي فيه علشان يفهم المراة.. >.<


و بالنسبة لـBu C..الصراحة شي جميل...مادري كيف ما يت عبالي..
Yamato..انت الفائز بالمسابقة

انتظر قائزتي... :28:



يدوم و يدوم و يدوم
Now this is a good one :laughing:

[Lena]

الله الله..
بدت تنكشف اشياء حلوة في البعض..
ياماتو عارف وفاهم في سر الحريم..الرومانسيه..
وقرمبي طلع برضوا أراءه روعه بس مش حاس بنفسه..
حلو الواحد يغير نفسه للاحسن قرمبي بس عاد لا تعقد نفسك..يبدو انه فيك مميزات منتب حاس فيها :09:


وترابد..فيه بنات يحبون انمي..
بس يمكن تحب الانمي ونفسها في خشمها..
لا تخلي هالصفات هي رغباتك اهتم باشياء اعمق
وبعدين شط اب توك عالزواج ترى ابعلم امك عليك هههههههه:laughing:


قرمبي..على فكرة بديت افهم الموضوع..
وشكله موجه للعيال..
:31:
سلام

[asf4ever]

اسف للأبد

ما شاء الله عليك..من عمرك 17 و انت خاطرك تعرس؟؟
شكلك تعبااااااااااااااااااااااااان :أفكر:



تعباااااااانDon't get it@@
:أفكر:>>>>>>I am afraid of this smile T_T

أنا بعطيك فكرة عن شو يعنيلي الزواج
بالنسبة لي هو عبارة عن مشاركة لشعور والأسرار والأفكار بدال ما تكبتها بنفسك يعني أعتبرها النصف الثاني لي فعلا >>>>الزوج المثالي:08:

[Angel whisper]

ويووو محد يبغي ياخذ قرمبي .. ويووو ..

ادري ان الموضوع للشباب .. بس هي خربانه خربانه ..

- هل انت زواجAble ؟؟؟
هيه

- ليش؟؟
لاني مسكينه وعلى نياتي وما اهيت وايد واعرف اطبخ واتعدل وما اضارب حد وما يخصني في حد

- عندك صديق تتمنى انه وحدة عسب تتزوجه؟؟ <<<< U Can Simply Ignore This One :tongue2:
هممم لا

- برايك..هل تعتقد ان Bucy هي البروناونسييشن الصح؟؟
انا اقول Boo-C

[rushin_911]

Rushin

انزين انت تشوف نفسك مش راعي زواج من اي ناحية؟؟
النفسية و لا المادية؟؟
و اذا كانت نفسية..ممكن تعطينا ايكزامبل بسيط :08:
و عسب معناها.."عشان"


ههه شكراًُ على شرح كلمة "عسب" :D
بالنسبة لأي ناحية فأنا اقول نفسية (هو كمان مادية لكن هذا عشاني لسّة طالب)
بالنسبة لمثال خذ السفر... انا الصراحة أحد أحلامي إني أسافر و أدور حول العالم... و هذا بيكون صعب تحقيقه و انت عندك زوجة و عيال لأن معظم الأزواج يبون استقرار ( و بشكل عام أغلب العوائل تحتاج لاستقرار عشان تنمو و تنتج )
و في أشياء كثيرة ثانية بيجدّك الزواج منها، مثلاً فرص عمل تحتاج التنقل أو مجرّد اللهو مع الأصحاب
و بشكل عام العائلة تحد من حريّة الفرد لأن أي قرار بيتّخذه لازم يفكّر في عائلته قبله (مب إن الشخص عنده أصلاً حريّة كاملة، لكن مافي داعي يتم الحد منها من الحين)
و كمان العائلة تتطلّب انضباط في جدول الإنسان اليومي، و أنا صراحة كسول جدّاً و أكره ما عندي هو الانضباط و التقيّد بأوقات معيّنة و ما إلى ذلك... طبعاً حتى العازب يحتاج إلى الانضباط في أمور معيّنة مثل العمل و كذا لكن أقل من اللي يحتاجه النضباط المصاحب للعائلة ----------->مثلاً لازم الشخص يشتغل أكثر من شغل أو يروح و يجيب عشان زوجته و عياله الخ...
بعدين فيه المسؤولية المصاحبة للعائلة و أنا أفتقر حس المسؤولية بكل صراحة:08:

يعني الزبدة أشياء كثيرة ما تريحني نفسيّاً حول الزواج و كلّها يدور أو يتعلّق بالحريّة بشكل أو بآخر :08:

"الحرية ناقصة أصلاً، لا داعي لمحوها كليّةً"

[Justine]

تعجبني الجلسات اللي كذا ^____________^ .. الحمدلله في كل جلسة مصارحة ما احد قد ذمني في اي شي .. باستثناء انهم ما يدرون متى ازعل و متى لا :33: ..


- هل انت زواجAble ؟؟؟
ماديا .. إيه .. قد المسؤلية .. إنشالله .. إجمالا أعتقد اني اقدر افتح بيت .


- ليش؟؟
عاد ليش ذي مشكلة .. كثير من اصحابي خطبوا .. شلة طفولتي خلاص باقي شهور و يتزوجوا .. يعني تقريبا صاير العازب الوحيد :28: .. يعني عشان نلحق الركب احنا بعد :09: ..
لكن ما لي مزاج صراحة .. اذا تزوجت دحين ايش راح اسوي بعدين :tongue2:


- عندك صديق تتمنى انه وحدة عسب تتزوجه؟؟
بدون ذكر اسماء .. ايه .. في ناس تحس الحكمة و العقل مزروع في تكوينهم .. كلامهم و اسلوبهم الراقي في التعامل. كلها عوامل تساهم صراحة .. بصراحة اتمنى واحدة زي Tenma و Chise و Aya و .. Tomoko و جميلة الجميلات Tessa .. يعني شوية Clumsy :09:


برايك..هل تعتقد ان Bucy هي البروناونسييشن الصح؟؟
و اللي عنده مانع ارسلي اياه :vereymad:

[ODIN]

انا صراحه ادعوا لرجوع عصر الجواري

والله بتحلنا ازمة ..


يكفي يمديك تختار وتنقي على الاقل


ياخي قرف قسم بالله قرف


يعني مثلي انا واحد معقد ولي مواصفات مستحيل امشي مع بنت بدونها وش اسوي؟


ابي وحده مصوره ورسامة ومصممة ورومانسية وتقدر الفن ولو تطلع مهندسه بعد احلى واحلى وتفكيرها معتدل بين الانفتاح والتقوقع والانغلاق و تهتم بالروح ولا تهتم بالمادة ..

وش اسوي عشان احصل كذا ؟ اقعد افحط ثلاثين سنة بمكاني ولا راح احصل ..؟



بس قسم بالله انا وراك وراك يالمجتمع يالمتخلف بكافح حتى اخر لحظة حتى لو اضطريت اسوي انقلاب عشان الشي ذا بسوي لانه يسوى ويستاهل


أي آخر لحظة مع وجهك انت ... لا صراحه مخطط اكافح الى ما يصير عمري 35 اذا فشلت ولا حصلت بستسلم للمجتمع واخذ أي بقرة تمشي الحال ..


على الاقل تبقى خمس سنين اتهنى فيها :31: ما تسوى على الواحد والله تروح عليه بعدين

عاد بالعمر ذا الواحد يكون بطران غالبا .. ماراح يتعب العوايل بيتهاوشون عليه عشان يزوجونه بناتهم ..

[ODIN]

ههههههههههه شباب اسمعوا النكتة ذي قوية قوية قوية


خليجية قالها زوجها بعد يومين ليلة الخميس نبيها تكون رومانسية .. قالت طيب

دقت على امها قالت يمه زوجي يبي ليلة الخميس رومانسية .. ماعرف وش يعني بس طلعت دجاجة من الفريزر احتياط


:laughing::laughing::laughing::laughing:

[moon girl]

مع ان الموضوع للشباب بس ابجاوب

هل انت زواجAble ؟؟؟
لا طبعا

ليش؟؟
توني صغيره على هم الزواج :09:

عندك صديق تتمنى انه وحدة عسب تتزوجه؟؟
مافيه ولا وحده ارائها تشبهلي كلهم ضدي
فيه وحده بس مو مره ارائها مثلي :28:


ههههههههههه شباب اسمعوا النكتة ذي قوية قوية قوية


خليجية قالها زوجها بعد يومين ليلة الخميس نبيها تكون رومانسية .. قالت طيب

دقت على امها قالت يمه زوجي يبي ليلة الخميس رومانسية .. ماعرف وش يعني بس طلعت دجاجة من الفريزر احتياط


:laughing::laughing::laughing::laughing:

هههههههه حلوه :p
مسكينه على نياتها :biggrin:

[snorlax]

نقاشكم حلو .. بس أحد يتكرم يشرحلي الفرق بين الطباع و الأخلاق ؟ :33:

:08:

[Lena]

سنور...





الاخلاق هي الاشياء العامه الي الناس تطالب فيها.. مثلا..
انسان يحترم الكبير..
يحترم الناس ويعامله بذوق..
رجال يحضر مجالس الرجال ويتعامل معهم زين
ومرة تعاملها زين مع الحريم..
مايصير الانسان قليل ذوقه لسانه طويل وكلماته بذيئة ويقول كلام وصخ..
الاشياء العامه الي كلن يبيها ولازم الواحد يلتزم فيها..
يعني باختصار لما يقولون لك "رجل على خلق ودين" ولا " مرة مشالله مؤدبه واهلا دينين"
كلمات غامضه ماتبين عمق الشخص وافكاره..


الطبايع..هي الي ينفرد كل انسان فيها عن غيره..والي تتشكل من الظروف الي عاش فيها ..وكذالك الميول الي الانسان يميل لها..
مثلا..انسان خجول ..هادي..عصبي..ضحوك..خبل..مرح..زعول..صامت..
كلها صفات شخصيه هو حر بملكها بدامها ما عدت حدود الاخلاق..يعني كل انسان وطبعه..
مثلا ميوله..انسان يحب الرسم انسان يحب الميكانيكا انسان يحب الطلعات والدخلات وانسان يحب القعده بالبيت..انسان يحب افلام الرومانس واخر الاكشن..انسان مايحب الكتب وانسان يحب الكتب بس الروائيه واخر الشعريه واخر النفسيه..


الاخلاق..كلنا نبيها محد يقدر يقول انا مابي انسان عدل وسوي..

بس الطبايع هي الي نجي نتخير فيها ونتمنى الي يوفقنا في الطبايع ويوافقنا في الميول..

الي هاوي رومانس يبي بنت مثله هاديه رومانسيه..
والي يبي مرة سنعه يدور عن الطبخ والرزانه والعقل..
والي تبي رجال هادي تفكيره منتفح والي تبي رجال قوي غيور..
والي تبي رجال يفهمها ومرح ويضحك واخرى تبي مرة رومانسي ذابحها بكلمات الغزل
كل اسنان له اختيارات..


لاحظ ان الطبايع مب شي ملزم الانسان فيه يعني الي مب رزمانسي مب نذل وحقير وماعنده اخلاق لا..لان الطبع مب شي يحاطم عليه الاسان الا اذا طبع شيييين بالمرة..


والطبايييييع مرة اصعب في انك تكشفها من اول لقاء..لذا هي المشكله الاكبر في اختيار شريك العمر..

وللاسف مساله اتفاقاالطبايع مرة مهمه لزواج سعيد..مع انها اصعب شي في اكتشافه:)


فما نقول

الا يا موفق يوفقنا :p
ويازين بس فلسفات الي تعبانه من المذاكره :laughing: ياملحي

[snorlax]

لسه ما فهمت :boggled: ... >> واحد تنح :09:
امزح شكرا على الشرح المفصل ... :08:
يمكن عشان كذا الواحد لازم يصلي صلاة استخارة ويشوف اذا هذي الانسانة اللي بيقضي عمره معاها .. مرتاح قلبه لها أو لأ ... ...

ابي اتزوج :17:

[smigle]

سلم لم لم لم حبايبي أعضاء المنتدى وحشتوني موووووووووت.

أدري والله أدري أني مقصر معاكم بس هاذي طبيعتي الكتابه عندي تصانيف.

OK OK OK ………….from where should I start????



أولا يعطيك العافية حبيبي على هالموضوع.



ثانيا شكلي بطول في الرد



ثالثاً الربع ونظرتهم لنا...... أولاً أحب أن أخبركم أن ربنا أنعم علي بأحلى شلة ربع ما كنت أحلم فيها في يوم من الأيام.:biggthump



بصراحة وايد وايد نحب بعض, وبصراحة سنواتي الأربع الأخيرة كانت غير لأني تعرفت عليهم. الحلو أن فيه أشياء وايد تتشابه بيننا بس الأحلى أن كل واحد مننا له شخصيته اللي تميزه. بس بصراحة اللي يقهر(None of them is a Video Games freak like me.



بس بعد في نفس الوقت كل واحد مننا له عيوبه, ما راح أدخل في التفاصيل وايد بس على سبيل المثال هم يحسون أني شويه دفش في بعض المواقف.



خلاصة الكلام يا حلوين:

أن كل واحد مننا متعايش مع عيوب البقية و يحاول انها ما تعميه عن المزايا الحلوه فيهم بصراحة هذا أحلى شي تعلمته من صداقاتي. كلنا نعرف أنه ما في أنسان كامل وإذا صادقت شخص ولقيته قريب منك لا تخلي عيوبه البسيطه تخليك تبتعد أو تتضايق, تكلم له عنها بس لا تخليها أساس تصرفاتك أو ردود أفعالك معاه.

(ولأهم من كل شي) دائماً حط الأعذار لأي تصرف وخل نيتك صافيه ...(إلى أن يثبت العكس) بعدين تقدر تشن الحرب علية :loser: :ouch: I reccomend a bullet in the head) .


لو طبقنا هالنظريه على الأصدقاء أو الأهل أو الزوجه صدقوني راح نعيش مستانسين.



لأن اللي يدخل الزواج على أساس فكرة (من راح يسيطر على الثاني أو هل راح تكون فيه / فيها عيوب) صدقوني ما راح يفرح أبداً.


لأن 1: الزواج تعامل وتعايش وتعاون وتضحيات , :o فمن المؤكد (حلوه هذي فمن المؤكد) لو دخلنا هذي التجربه بفكرة من راح يسيطر على الثاني راح نعيش screwed up .
لأن يا حلو أكيد راح يجيلك يوم تضحي فيه و ما تدخل فيه المنتدى مثلا لأن المدام متوحمة في معكرونه بصلصة البطيخ............بعد متوحمة تقدر تقول لها لأ؟ ولا تبي وريث العرش ينادونه صلبوخ بو راس البطيخة .



2: هل راح تكون فيه / فيها عيوب؟ إذا أنت / أنتي ما كنت فيك عيوب , روح دور لك على أحد ما فيه عيوب.



ترى مافيه أحلى من أنك تعيش مع ناس يحبونك بكل عيوبك ويحطون لك الأعذار أو يقولون (ما عليكم منه سميجلوه دفش ما يوز عن طبعه بس ترى أكيد ما كان قصده شي من هالكلام تعرفون أنتو تعليقاته بس بصراحة يا حمود أنت تستاهل ....كرشتك وايد طالعة تظحك, وأنت تدري فيه دفش ليش تعلق على كرشته أنت بعد).





زبدة الكلام......................... (B+) Be Positive

[Tidus]

اووووه... حرة القلب طالعه بهالموضوع بردود الاعضاء :biggrin:

و الله محد يقدر يلوم احد -_-


والطبايييييع مرة اصعب في انك تكشفها من اول لقاء..لذا هي المشكله الاكبر في اختيار شريك العمر..

وللاسف مساله اتفاقاالطبايع مرة مهمه لزواج سعيد..مع انها اصعب شي في اكتشافه

حتى و لو... لفيت درت و دورت, لقيت هالانسان خلاص... متاكد من طبعه و طبايعه و عارفهم و يا زينهم على قلبك

تقدر تاخذها لو بنت ؟ و الا اهلها بيرضون فيه لو كان رجل ؟
لان لازم تكون من الجماعه القريبين... ايه و بعد لو بنت عم يكون احسن
يعني مجتمع من أسوأ لأسوأ~

تحرر من القيود تلقى نفسك بالاخير مسجون بغرفه... شالفايده ؟

هو بعيد عن كونك رجل و صاحب قرارات... عندنا ياخي الوالد و الا الوالده يلزمون عليك باشياء و يحدونك على اللي تعوفه نفسك, هو صج ما حدوك على الشر و الا غيره... و الواحد بعدين يخاف و ما يقدر يشط عن رضى والدينه, لان اللي يرضي والدينه هو و الخير واحد... بس اناااااا اللي بتزوج يا ناس يا هوووووه, يعني لي رغبات "اتمنى" تتوفر باكثر موضوع خصوصيه فيني... ما ادري لو شي جذي منتشر و الا لا

يعني مثلا... اخوي جا بيخطب, طبعا بعد ما انجبر على بنات الجماعه يعني حتى الاختيار كان خارج عن رغبته, راح خطب... رفض ابو البنت, ليش ؟
لان شحقه اختار اللي اصغر من الكبيره ؟ الكبيره مو بعينه ؟
بجذي نطلع من مشكله و ندخل بمشكله ثانيه و هي "الجدول الدوري لزواج البنات"...

_----------------------------------_

اسمح لي... اغسل يدك من هالمجتمع, يعني حتى و انت مجبور و الله لتبطي


طريقة الزواج الحين مثل القمار
Well said~

======
ادري شطحت عن الموضوع بس ما عليه :p افضفض دام سنحت لي الفرصه :laughing:

و بخصوص الموضوع


- هل انت زواجAble ؟؟؟
ايه ليش لا ؟ عني يعني مستعد... بس افضل لو يتاخر شوي


- ليش؟؟
عامل نفسي لا اكثر


- عندك صديق تتمنى انه وحدة عسب تتزوجه؟؟
و الله الغاليين من ربعي كثير :p


- برايك..هل تعتقد ان Bucy هي البروناونسييشن الصح؟؟
boocy اتوقع اصح :08:

[NsaN]

عودنا...فيييييوووووووووو <<<< مؤثرات :31:

Mista Coo

اسمك يذكرني بالـMr.s اللي في One Piece..
مشكور اخوي المملوخ على المرور..و الله يرزقك ببنت الحلال..

Trappned

ههههههههههههه..اخوي فهمتني غلط..
ما قصدت انك انت صفاتك مثل ويهك..لا والله محشوم..
انا اتكلم بشكل عام..سوري والله جان بينت بطريقة ثانية..

Yamato

كلام قميل..بس اع ياخي.. :boggled:
انا الصراحة اذا يتني وحدة تباني ادلعها بلبسها الباب..
اول شي بقوله حق حرمتي يوم آخذها..
شوفي يا بنت الناس..شغل الافلام الهندية و المسلسلات المكسيكية الشقيقة هب عندي انا..
انا انسان (The Real Thing) ما اعرلف ادلع حد..تغلطين بهفج عويهج..بتزعلين بالطقاق اللي يطق ابوج..ما علي منج..
اخس ما عندي وحدة تتصنع الدلع..او تتدلع 24 ساعة..شغل البنات هذا ما يمشي معاي (عيل انت شو ماخذ؟ :boggled: (


انتظر قائزتي... :28:

كيب ويتينق :reporter:

لينا

شوفتيني و انا ميت؟؟ :reporter:
اقنن و انا ميت.. :biggrin:
و بعدين منو قال ان الموضوع للأولاد فقط؟؟
بالعكس..حتى البنات يقدرون يشاركون فيه و يعبرون عن رايهم...
يعني لينا انتي تشوفين نفسج تنفعين كزوجة؟؟ وطبايعج من السهل ان الواحد يتعايش معاها؟
و مشكورة على شرح الفرق.. :)

اسف

ههههههههههه...لا تخاف..ما قصدنا شي..
بعدين ما شاء الله فكرتك عن الزواج حلوة..
شي وايد شباب يبون يعرسون عسب اييبون عيال بس مثلاً...

معصومة

منو قال محد يبغيني؟؟ :28:
بعدين انتي ما يخصج بحد؟؟ :boggled:
احم..ما علينا..
بعدين قلنا Yamato هو الفايز...سو خلاص..

Rushin

طريقة تفكيرك تشابه طريقتي بشكل كبير..خاصة بالجزء المتعلق بالحرية و المسؤلية..
انا قبلت كنت معرض عن الزواج لاني كنت حاس ان يبيلي وقت اسوي كل الاشياء اللي خاطري فيها..
و ما راح اقدر اسويها لو عرست..و منها السفر..سبحان الله..
بس عقب اقنعوني الشباب ان السالفة ما تسوى..يعني اتعب عمري و هذا عسب سفر؟؟
فقلت هب مشكلة..لين ما طلعت بلوى الطبايع اللي هب عارف اتصرف معاها -______-..

ولد العم..جستن

ما شاء الله..شفتوا طلاب الطب كيف عايشين؟؟....هههههههههههههههه..ما شاء الله ما شاء الله..اللهم لا حسد..
بعدين شو هاللستة الارف اللي حطيتها..كل البنات اللي فيها Cute In A Very Annouying Way و Clumsy..


و اللي عنده مانع ارسلي اياه :vereymad:

حاضرين :vereymad:

ODIN

تعبتني يا اودين -_________-..
تصدق..يتولد عندي احساس احياناً ان في أمل احصل البنت اللي ابيها..
اقرى ردودك اقول نو واااااااااااااااااي..هههههههههههههه..
والله كلامك احسه صح..و هو اللي قاعد يصير..
سعب وايد احصل البنت الي ابغيها و تكون حاملة لنفس اهتماماتي..
اااااخ...اودين..لا عاد ترد هني :28:
هههههههههههه..لا اسولف معاك <<<< قول والله بس :31:


ههههههههههه شباب اسمعوا النكتة ذي قوية قوية قوية
خليجية قالها زوجها بعد يومين ليلة الخميس نبيها تكون رومانسية .. قالت طيب
دقت على امها قالت يمه زوجي يبي ليلة الخميس رومانسية .. ماعرف وش يعني بس طلعت دجاجة من الفريزر احتياط

هههههههههههههههههههه..
تصدق..احس اني انا اللي راح الدياية بالفريز لو عرست :31:

بنت القمر

منو قال الموضوع للشباب يا ناااااس؟؟ :o
بالنسبة لصديقاتج..الله يعينج :boggled:
انا عالاقل..احتاج صديق واحد اتفق معاه..و الا..ما راح اقدر استمر معاهم..

Snorlax

بما ان لينا شرحتلك الفرق..يالله..بانتظار رأيك الكريم..

Smigle

معاك اخوي..بس كم بتتحمل هالعيوب؟؟
الصراحة انا ما عندي قدرة تحمل لمثل هالامور..يعني اذا ما عجبني شي في شخص..لازم يغيره..
او على الاقل..ما يسوي الشي هذا بحضوري..لانه ما راح يسلم من انتقاداتي..
لو التعايش أمر سهل جان مشى الحال...

Tidus

تصدق..ما يت سالفة رفض الاهل ببالي!!
فعلاً..تخيل تحصل البنت اللي تباها و ترتاح لها..و اخرتها يكون في رفض سواء من اهلك او اهلها..
بس انا الحمدلله متطمن من هلي..يعني الخوف كله من هل البنية..
عندنا بالبيت مدام البنت من عايلة محترمة و على خلق فمو مشكلة..حتى لو مو من قرايبنا او معارفنا..
ياخي والله قهر..وين ما نطقها عوية -__________-..

مشكورين جميعاً عالردود و يعطيكم العافية..

[Electro M]

أي آخر لحظة مع وجهك انت ... لا صراحه مخطط اكافح الى ما يصير عمري 35 اذا فشلت ولا حصلت بستسلم للمجتمع واخذ أي بقرة تمشي الحال ..

مع احترامي لك لكن مو كانك شبهت كل بنات المجتمع بانهن بقر ما عدا اللي تمشي مع ذوقك ؟
طيب وش يعرف هالبنات اذا ما كنت انت **** اللي بيمشون حالهم فيك :09:

[ODIN]

E-Mad
افهم كنت اتكلم واقصد البنات الماديات عشان كذا وصفتهم بالبقر .. وواضح من صيغة كلامي مين اقصد
وبعدين فرق ترى عن الي يتكلم بصيغة عامة ويقصد المجهول .. وفرق بين الي يقصد شخص بعينه وذاته والمشكله قدامه



عشان كذا حررت ردك وشلت الوصف الي قصدتني فيه

واذا كنت تمزح معاي رجاءا لا تمزح كذا لاننا ما نمون للحين

[Lezard Valeth]

هل انت زواجAble ؟؟؟

اي لكن على قولة خوباج ما في احلى من المسيار :biggthump


ليش؟؟

غريزة وفطرة بشرية :33:


عندك صديق تتمنى انه وحدة عسب تتزوجه؟؟

يا معود ربعي لو علي اربطهم على صاروخ طالع للفضاء قبل لا ينطلق بجم ثانية :biggthump <<< متأثر بنهاية هيهاتشي تكن 5 :p


برايك..هل تعتقد ان Bucy هي البروناونسييشن الصح؟؟

تصدق انه هذا اسم قطوة من قطاوتي المحترمة :biggrin:

وبالنسبة لامور الزواج عندنا بالخليج , احنا وصلنا سنة 2005 , وفوق هذا نقول احنا مسلمين , وللحينا عايشين على مبادئ ايام الجاهلية , ما ادري اضحك ولا اضحك :28:

[Angel whisper]

منو قال الموضوع للشباب يا ناااااس؟؟
يمكن هالسؤال؟
- عندك صديق تتمنى انه وحدة عسب تتزوجه؟؟ <<<< U Can Simply Ignore This One


معصومة

منو قال محد يبغيني؟؟ :28:
بعدين انتي ما يخصج بحد؟؟ :boggled:
احم..ما علينا..
بعدين قلنا Yamato هو الفايز...سو خلاص..
اسميك انته بعد سالفه يا محروس ..
مب توك تقول محد من ربعك يبغي ياخذك XD ??
هيه انا ما يخصني في حد .. ولا بس عشاني مأذيتنكم هنيه تتحسبون طبيعتي جيه XD?
خلاص ياماتو ياماتو ..

كلام قميل..بس اع ياخي.. :boggled:
انا الصراحة اذا يتني وحدة تباني ادلعها بلبسها الباب..
اول شي بقوله حق حرمتي يوم آخذها..
شوفي يا بنت الناس..شغل الافلام الهندية و المسلسلات المكسيكية الشقيقة هب عندي انا..
انا انسان (The Real Thing) ما اعرلف ادلع حد..تغلطين بهفج عويهج..بتزعلين بالطقاق اللي يطق ابوج..ما علي منج..
اخس ما عندي وحدة تتصنع الدلع..او تتدلع 24 ساعة..شغل البنات هذا ما يمشي معاي (عيل انت شو ماخذ؟ :boggled: (
هممم الشباب اللي يقولون جيه هم اللي في العاده يدلعون حريمهم (&)
والدلع مصيبه .. مثلا .. ما اقدر اتخيل عمري اتدلع .. صعب .. فشله ..
بس يعني دلع على خفيف .. حلو ..
مادري شو اخربط .. البس الباب احسن؟

[NsaN]

يمكن هالسؤال؟
- عندك صديق تتمنى انه وحدة عسب تتزوجه؟؟ <<<< U Can Simply Ignore This One

السؤال هذا Uni-Sex.. :reporter:


اسميك انته بعد سالفه يا محروس ..
مب توك تقول محد من ربعك يبغي ياخذك
اوشاعات..اوشاعااااااااااات :28:

[Yamato]

كلام قميل..بس اع ياخي..
انا الصراحة اذا يتني وحدة تباني ادلعها بلبسها الباب..
اول شي بقوله حق حرمتي يوم آخذها..
شوفي يا بنت الناس..شغل الافلام الهندية و المسلسلات المكسيكية الشقيقة هب عندي انا..
انا انسان (The Real Thing) ما اعرلف ادلع حد..تغلطين بهفج عويهج..بتزعلين بالطقاق اللي يطق ابوج..ما علي منج..
اخس ما عندي وحدة تتصنع الدلع..او تتدلع 24 ساعة..شغل البنات هذا ما يمشي معاي (عيل انت شو ماخذ؟
ترا لا تنغر بكلامي... لاني انسان مزاجي... خصوصا اذا كنت قاعد العب السوني او اشوف انمي.. يا ويل اللي يقترب مني او يخرب علي عالمي الخاص..^^.. حتى ربعي اذا شافوني العب او اطالع وحاولو يتكلمو معاي ولكن من دون رد على طول يسكتون او يروحون.. :28:
يعني في حالة الازعاج راح استوي سوبر قرمبي.. :08:





كيب ويتينق
T_T


خلاص ياماتو ياماتو ..
YaY... Im the MAN :icon6:

[Arsene Lupin]

بسم الله



بالنسبه لأساس الموضوع... ايه انشالله زواجبل :31:

أهم سبب هو لأني انشالله باقي سنه و أتخرج من حياة الغربه... يعني على قول الشاعر:

لا تنهرن غريبا حال غربته .... الدهر ينهره بالذل و المحن

بالفرنسي يعني ابي اتزوج... و أحس عندي القدره على الصبر انشالله و اتحمل ابني بيت مستقل مثل ما تحملت عيشتي كلها الحالي.

هذا من ناحية رغبتي في الزواج...

أما من ناحية موافقة البنت أو أهلها علي... إنشالله اذا كنت على خلق و دين و عندك وظيفه نادر الي راح يمنعك. لكن أولا و آخرا كل شي بيد الله سبحانه... الله يكتب الي فيه الخير.




بالنسبه للمجتمع و صعوبة الزواج... ما أقول الا الله يصبر عزابنا :31:

لكن الحمدلله فيه ناس كثيييير صاروا واعين للوضع و صاروا يتعاونون مع الشباب الي يتقدمون لخطبة بناتهم.

لكن يبقى ان الزواج يكون بصعوبه معقوله عشان ما يتساهلها الرجال و يطلق من أول مشكله.





أما بالنسبه لاختلاف الطبايع... صراحه ما أدري وش سوى المجتمع بالظبط عشان يصير قذر؟ :31:

ممكن تقترحون حلول لمسألة الطبايع؟







عموما الأهداف الدنيويه صعبه و قد يجلس يراكض الواحد وراها سنوات و في الاخير يحترق قلبه و ما يحصل عليها.

لأنه ببساطه الدنيا هذي ما تنتهي على عدل... و عشان كذا فيه حساب و جزاء في الآخره... عشان توازن الكفه.

دايم نقول الفاهم هو الي يتعب نفسه في الدراسه... عشان يرتاح باقي عمره في الوظيفه.

لكن الي أفهم منه هو الي يمدها شوي بس... تعب نفسك العمر ذا كله... بإذن الله ترتاح للأبد.

[Argandir]

أما بالنسبه لاختلاف الطبايع... صراحه ما أدري وش سوى المجتمع بالظبط عشان يصير قذر؟ :31:

ممكن تقترحون حلول لمسألة الطبايع؟


رد قوي على كل متحرش بمجتمعنى...:35:

[Y a z e e d]

ف الله يخلي زواج المسيار.. وبلاااشي دراما.. وحبسة.. <<< يا يزيد.. كذا يعيش النسر.. ولا ؟ - رسالة ليزيد فقط - p:

ههههههه ،، أجل ؟ :p
اممم ،، عموماً ، هالنسر أكثر واحد بيشيل دراما محبوسة ، هي موجودة موجودة ، كبحها تبقى و يصير نسر ، أطلقها تسرق جنحانه ويقعد في الوادي لحاله ...



ــ

بالنسبة للزواج ..

:28: دعها للأيام ..
وأنا متفق مع ربّ الميثولوجيا الجرمانية أودين ، الزواج هنا مثل القِمار ، مع الأسف ، تجد الكثير من الشباب يضيع عمره يجمع و يبني أحلام و آمال ، ومن أولها ينصدم بطبايع ما توقعها ، أو ببنت تنتظر سنوات و سنوات لفارس تبنيه في مخيلتها ، وتفاجأ بشخص طبايعه ( ... ) ، يعني شيء يحطم فِعلاً ..

تعليقاً على ردك عزيزي عبدالله ( UL Trilogy ) :هههه ،، السبي ربما لإشباع الشهوة ، أما العواطف و هي اعظم و أوسع لا سبيلَ لإشباعها بهكذا طريقة ، وصدقني / العواطف هي الأهم دوماً .


.
.
الله يعين على هالمجتمع .

[Electro M]

ابي وحده مصوره ورسامة ومصممة ورومانسية وتقدر الفن ولو تطلع مهندسه بعد احلى واحلى وتفكيرها معتدل بين الانفتاح والتقوقع والانغلاق و تهتم بالروح ولا تهتم بالمادة ..
معليش بس انا لما شفت كل هالمواصفات ما دريت انك تقصد بالبقرة بس الي تهتم ((بالمادة))

[rushin_911]

Rushin

طريقة تفكيرك تشابه طريقتي بشكل كبير..خاصة بالجزء المتعلق بالحرية و المسؤلية..
انا قبلت كنت معرض عن الزواج لاني كنت حاس ان يبيلي وقت اسوي كل الاشياء اللي خاطري فيها..
و ما راح اقدر اسويها لو عرست..و منها السفر..سبحان الله..
بس عقب اقنعوني الشباب ان السالفة ما تسوى..يعني اتعب عمري و هذا عسب سفر؟؟
فقلت هب مشكلة..لين ما طلعت بلوى الطبايع اللي هب عارف اتصرف معاها -______-..
أوه أجل حتّى انت تبي تسافر ^__^
ياخي لا تخلّيهم يعدلون رأيك عن السفر لأن صراحخة إذا انت ما تسافر بسنوات شبابك فمتى بتسافر؟ هذي الفترة اللي انت فيها حر بأكبر قدر ممكن بدون واجبات أو مسؤوليّات :)
آآه بس لو أمداني بأدور حول العالم بعد كم سنة :)

بالنسبة للطبايع فذي أم المسائل بس يمكن يكون لها حل ولا شي الله أعلم -__-

[أفلاطون]

بالنسبه لمسألة الطبائع واختلافها اذكر اني قريت لدكتور نفسي وكان يتكلم عن فائدة الزواج المبكر للفتيات.. ومن الامور اللي طرحها مسألة الطبائع..خلاصة الكلام على ما اذكر ان الشخص لما يتزوج من فتاة عمرها ما بين14_17 تقدر هذي الفتاة بنسبه كبيره جدا(ما اذرها بالظبط) من انها تندمج مع زوجها في الطبائع والاهتمامات..ولما يكون عمر الفتاة بي18_20 (اتقريبا) تقل النسبه وكل ما كبرت البنت تقل نسبة امكانية التوافق في الطبائع بين الزوجين(الارقام اللي ذكرتها ميب دقيقه جدا ولكن ميب شاطحه جدا: P )

ولو تفكرون في هالكلام شوي..تجدون ان طباع الشخص تتكون في هذي المرحله ولكن ما تثبت عليها وكل ما كان الشخص اصغر كل ما كانت تجربته في الحياة اقل وما بعد صار له وجهه معينه واهتماماته تتقلب وتبدأ شخصيته وطبائعه تتبلور وتثيت مع دخوله في العشرينات من عمره(هذا الغالب جدا)

كل واحد ينظر الى نفسه من بداية سن ال12 الى الان ويشوف وش كانت اهتمامته وطبائعه ومدى الاختلاف اللي حصل راح تجدون فيه فرق.. وكل هذا من اسبابه الظروف اللي تتغير عليك وتزامن نمو وعيك مع وضعك في ذلك الوقت.. وتغير هذي الاوضاع بين فتره واخرى..

فما بالك اذا كانت البنت مرتبطه مع شخص بشكل دائم في هذي المرحله.. اكيد راح تكون امكانية الاندماج في الطبائع كبيره..

وانا اعتقد ان مسألة الطبائع من اهم العوامل اللي يعتمد عليها الزواج..

___

معليش اخوي (انسان) ما رديت على اسئلتك لكن شفت ان الوضع ازمه بالنسبه للطبائع وحسيت انه بيطلع مذهب جديد: P ولأن المسأله فعلا مهمه..

[Yamato]

بالنسبه لمسألة الطبائع واختلافها اذكر اني قريت لدكتور نفسي وكان يتكلم عن فائدة الزواج المبكر للفتيات.. ومن الامور اللي طرحها مسألة الطبائع..خلاصة الكلام على ما اذكر ان الشخص لما يتزوج من فتاة عمرها ما بين14_17 تقدر هذي الفتاة بنسبه كبيره جدا(ما اذرها بالظبط) من انها تندمج مع زوجها في الطبائع والاهتمامات..ولما يكون عمر الفتاة بي18_20 (اتقريبا) تقل النسبه وكل ما كبرت البنت تقل نسبة امكانية التوافق في الطبائع بين الزوجين(الارقام اللي ذكرتها ميب دقيقه جدا ولكن ميب شاطحه جدا: P )

ولو تفكرون في هالكلام شوي..تجدون ان طباع الشخص تتكون في هذي المرحله ولكن ما تثبت عليها وكل ما كان الشخص اصغر كل ما كانت تجربته في الحياة اقل وما بعد صار له وجهه معينه واهتماماته تتقلب وتبدأ شخصيته وطبائعه تتبلور وتثيت مع دخوله في العشرينات من عمره(هذا الغالب جدا)

كل واحد ينظر الى نفسه من بداية سن ال12 الى الان ويشوف وش كانت اهتمامته وطبائعه ومدى الاختلاف اللي حصل راح تجدون فيه فرق.. وكل هذا من اسبابه الظروف اللي تتغير عليك وتزامن نمو وعيك مع وضعك في ذلك الوقت.. وتغير هذي الاوضاع بين فتره واخرى..

..
اذا الموضوع كذا فالهنود عندهم حق يزوجون عيالهم من سن صغيرة... عالاقل بيعرفون بعض ويعرفون طبياع بعض بشكل احسن....

المهم.. ليش ردينا عالموضوع... :reporter:

قبل شوي طلعت كنت اريد اسير السنيما بس غيرت رايي بعد ما طلعت.. فقمت الف بالسيارة.. واتسمع اغاني.. بس بعدها حولت على اذاعة الشارقة...
كانوا محطين برنامج يتكلم فيه شخص اسمه الدكتور عمر عبدالصبور.. او ما شابه...

المهم.. هو كان يتكلم عن الصبر وانه في انواع مختلفة من الصبر.. اللي ذكرني بالموضوع هذا انه بدا يتكلم عن العائلة.. وكيف انه الزوج او الزوجة يمكن ما يستحمل بعض الاشياء من الطرف الاخر... فهو قال انه لازم عالشخص انه ما ينظر للطرف الثاني من الجانب السيء.. الدكتور قال انه يمكن لهالشخص 70% صفات سيئة و30% صفات حسنة.. فانت لا تنظر للسيئة لكن انظر للحسنة... واتعامل مع الشخص اللي امامك من هالمنطلق..
----------------------
ومن ناحيتي انا... انا احب اتعامل كذا... فعلا.. يعني مب بس هالكلام يمشي في الزواج بس لكن تقدر تسويه مع والديك مع اخوانك مع ربعك مع الناس اللي معاك في الدارسة او في الشغل.. يعني عامله بنية حسنة...
وايضا لو نرد لسالفة الزواج فاحب اقول انه لو البنت اللي بتزوجها ما في معرفة مسبقة بيني وبينها ابدا.. يعني اول مرة اتكلم معاها يكون في يوم العرس فانا راح احبها واعاملها بشكل لطيف.. مهو المثل يقول (رفقا بالقوارير)... الانسان يدور في الزواج على راحة البال.. واذا تريد راحة البال فلازم تريح بال اللي معاك في هالزواج.. صح ولا غلط... ^^
----------------------

نرد لكلام الدكتور.. هو ذكر مثال جميل.. قال انه نبي الله عيسى عليه السلام كان يمشي مع حواريه.. وفي الطريق راوا كلبا ميتا وقد تعفن ومنظره كان لا يسر الناظرين ابدا.. فاللي معاه قالو ما ابشع منظر هذا الكلب.. لكن النبي عيسى عليه السلام قال.. ولكن انظروا الى شدة بياض اسنانه.. القصد من المثال.. انه لا تدور على عيب في زوجك او زوجتك... بالعكس انظر للجانب المشرق...


المهم.. خلاصة الموضوع .. انه اذاعة الشارقة متميزين في برامجهم... :28:

[سداح بن مايكل]

يوووه شكلكم قلبتوها مهاوشه

اللي وده يسافر و يطنش الزواج و اللي وده بوحده مفصله على مزاجه و أشكال وألوان وكل واحد مزاج

هههههههههه يا حليلكم بس

أنا كنت مثلكم يعني أبي وحده شقرديه و راعية فزعه إذا قلتلها هاتي تقول سم وإذا قلتلها جيبي تقول سم و إذا قلتلها إفعلي تقول سم بس في نفس الوقت يكون عندها رأي و شور <<< يعني لا مني شاورتها بشي عطتني ذاك الراي السنع

يعني مابيها من بنات هالوقت ماصخه و ماصله و إذا حكت تحس ودها تموع

و أهم أهم أهم أهم أهم شرط

إنها تحب السوني و ألعاب الكمبيوتر و طبعا الأنيمي عشان أنا ما أعيش إلا بهذه الأشياء صراحه يعني أعتبرها مثل الأكسجين

بس الموضوع مب هنا الموضوع إني لقيت بنات فعلا من النوع ذا صحيح أنهم أقل عدد ممكن تتصوره لكن المهم أنه موجود

و الهدف من هذا كله: أقولكم لا تيأسون يعني لا تقعد تقول أنا أبي و أنا أبي وتتشرط بزياده خلاص يعني مثل الأخو مدري منهو يقول أبيها رسامه ومهندسه ..إلخ يعني ممكن تلقى وحده فعلا متوافره فيها معظم الشروط موب شرط كلها (بالعربي لا تصير طماع) يعني ممكن تكون مصوره بس ما تعرف ترسم أو مالها و مال الهندسه ..

أنا صراحه قرأت الردود كلها وتعبت ، من كثرها ما عاد أعرف وش أكتب
بس اللي موب عاجبه ردي يقول واللي وده يحرره فداه :biggrin:

[ODIN]

طيب معليش يمكن رأيي يعتبره البعض متطرف شوي مع انه لقى اقبال وموافقه كثيرة ومن الاغلبية وهذا يدل على انه مو متطرف . لكنه بكل الاحوال يعتبر متمرد على المجتمع وغير راضي عنه..


هو طبيعي اذا الانسان توفرت له اغلب حاجياته وأمانيه يرضى عن المجتمع والعكس صحيح
الي يده بالماء مب مثل الي يده بالنار

انا فاهم بصراحه انها مو أنانية من الانسان اذا ماقدر الي يحس فيه غيره
لكنه طبع بالانسان عموما .. مستحيل يفهم الي يمر بغيره..

والدليل ان لو اتكلم عن النقطه هذه قدام أي واحد من اخواني ( وجربت الشي ذا ).. الي متزوج والي خاطب ومنتهي امرهم ماراح يقدرونها ولا حتى يعبرونها.. لانهم وصلوا للي يبونه واستقروا ..

Emad

حصل خير ياخوي واعتذرلك اذا كان ردي غير واضح :)

[ODIN]

عموما الأهداف الدنيويه صعبه و قد يجلس يراكض الواحد وراها سنوات و في الاخير يحترق قلبه و ما يحصل عليها.
د.

ارسين حرام عليك والله اذا تعتبر اختيار الزوجة من الامور الدنيوية

الزوجة هي كل شيء في حياة الرجل بعد ما يتزوج .. في انثاء حياته وبعد مماته وحتى في الاخرة بعد ..

في الدنيا تعرف انها من اكبر اسباب صلاح الابناء .. وبعد الممات تدعي لزوجها وتكمل مسيرته .. وفي الاخرة تعيش مع زوجها في الجنة اذا الله كتبها لهم بأذن الله ..

ماراح نبالغ لو نصف الاختيار هذا بأنه أهم قرار في حياة الانسان وآخرته


انا معاك لو الانسان اهتم بالمواصفات الدنيوية .. مثل الي يقولك ما يبي وحده الا موظفة وتشتغل .. بصراحه يحق للبعض يفكرون كذا لكن الهدف هذا مادي في الاخير ..

حتى الجمال الي يشرط جمال ساحر وبس .. هذي من الامور الدنيوية الي راح تزول بعد سنين ..

لكن الطبايع والطبع شيء ثاني وأمر مختلف تماما عن الامور الدنيوية ..


بس هذا الي عندي وحبيت اوضحه :)

----

بعد التحرير/
المعذرة اذا مافهمتك صح او كنت تقصد انت شيء ثاني .. هي عموما فكرة وحبيت اوضحها للكل

[ثريول]

العزيز / NsaN,

نعم, أعتبر اللي يقدر يوفر المال لبيت الزوجية بطريقة أو بأخرى , عن طريق أهله -إذا كان طالب- أو بعرقه, شيء مقبول.. بشرط أن يكون كفؤاً - ولايتعب أهله تحمل أمره وطالباً -يعني مب بطّالي . لأنه إذا كان طالب فهو انما يعمل لبناء بيت يدخل له "زيادة" في الراتب.

الإنحرافات الأخلاقية انتشرت في المجتمع بشكل مرعب, ومن كثر ما نعايش ونشوف ونسمع بمواضيع الغزل قلت ثقتنا بـ"فاضلية" الآخرين, وسادت أجواء من الحذر في التعامل مع موضوع الزواج . يعني بالله عليك لولا الوازع الديني ولا مجتمعنا الآن سداح مداح, وأبشرك, الوازع الديني كل ماله ويضعف!.. وبدون لف ودوران, يا إما أن التلفزيون -أساس كل البلا- ينشدخ في كل بيت والشباب كلهم يصيرون مطاوعة , أو أن الشباب ينزوجون من وقت, وهنا مشكلة التطبيق اللي ذكرتها في ردي السابق.

فيه كلمة عجبتني من أحدهم, يقول أننا نستحق كل العقبات اللي قدامنا, أحنا اللي صنعنا العقبات, أحنا صعّبنا الحياة -والزواج أحد أركانها- , صار الزواج مشروع عمر يتعب الواحد عليه, ويكد عرق وصبر عشان يشوف عياله ويعيش حياة طبيعية ويكمل نصف دينه, بعضهم يصل وبعضهم لا, واللي يصل في حالات كثير وكثيرة جداً يفشل الأمر كله, فإما إمساكٌ أو تسريح بإحسان. والطرفين "إلى مزبلة الزواج الفاشل", إلى الأبد في غالب الحالات.


العزيز / يزيد,
عن نقطة لبنان والسبي, كان الأمر مجرد مزحة خفيفة لتلطيف الجو, بالطبع مع وجود "ظلال" لها في النفس:).



العزيز / أودن,

ابي وحده مصوره ورسامة ومصممة ورومانسية وتقدر الفن ولو تطلع مهندسه بعد احلى واحلى وتفكيرها معتدل بين الانفتاح والتقوقع والانغلاق و تهتم بالروح ولا تهتم بالمادة ..
لاحظتك "متشدد" في تفصيلك لزوجة المستقبل,, عن نفسي أؤمن أن التشابه التام أو الكماليّة كما نراها أمر غير إيجابي, مثله مثل تعادل الأعمار. لا أعني بهذا أن يكون الأمر لدرجة التصادم , بل التمايز. ولنأخذ الأمر بمرونة, فلسنا ملاكئةً, ولسنا في بيئة تعج بالملائكة... وحطوا ألف خط تحت هالجملتين!

تحياتي.

[Y a z e e d]

ODIN
ـــــــــــــ
أرائك لا متطرفة ولا متمردة ، أنت مع منهج إلجام ثورة المجتمع الدينية المتشددة هذا معناه إنك تنادي بمنهج صحيح ، لا منهج متطرف ، بل تصحح المتطرفْ .

يُعجبني فِكرك ،،

[sweet_merry]

السلام عليكم ورحمة الله وبركاته ..^^

:) :) :)

مناقشات رائــعــة وضحت جوانب كثيرة >_<" ...

صحيح إنو مسألة الزواج مهمة و كل واحد وله رأيه ^^

أما عن الطبايع >_< مدري ليه أشوفكم متشددين فيها خاصة أودين مع إني اتفق معاكم في أن الطبايع أمر مهم ...
أنا مثلاً أحب صديقاتي اللي يشبهوني في أفكاري أكثرمن البقية ^^
بس برضو مستحيل تلاقي شخص يشبهك في كل طبايعك تماماً ...

بالنسبة عن الطبايع وإنها مهمة في الزوجة أو الزوج فصحيح هي لازم منها ^^
بس لو كنت تحب زوجتك حتتحمل طبايعها يعني بغض النظر عن الطبايع حتعيش معاها بسعادة
مثلاً سمعت مرة الشيخ قال:
كانت في وحدة من طبعها انها لما تجي تأكل بيدها ينزل الزيت على يدها وقال الشيخ انك لو كنت تحب زوجتك صح كنت لعقت يدها من الزيت >______<
فأنا اشوف إنك ممكن تتحمل طبائعها لو كنت فعلاً تحبها والمرأة بدورها ممكن تغير هي من نفسها من طبائعها اذا ما كانت تعجب الرجل ^^يعني ممكن تكون المسألة مسألة وقت أو صبر ...
مدام الخلق والدين والحب موجودين ^^
إتذكرت المثل اللي يقول ( الطبع يغلب التطبع ) *___*

ODIN (http://www.montada.com/member.php?u=1852)



لكن المشكلة في الطبايع .. الطبايع شي والاخلاق شي ثاني ..

مصيبه اذا الواحد ياخذ وحده وهو ما يعرف طبايعها .. يمكنها ما تتوافق معاه ابد ..

يعني الي صاير ان الحين الخطوبة والزواج ضربة حظ ..


ليه ما يسأل عن طبايعها قبل ما يتزوجها +__+ وكمان هي تسأل عنو قبل ما تتزوجو >_<"
فين المشكلة خخخخخخخخ

بالنسبة للأسئلة :

- هل انت زواجAble ؟؟؟
لا ^^
- ليش؟؟
بس عدم الرغبة ^^وكمان ما احب احد يشاركني حياتي

- عندك صديق تتمنى انه وحدة عسب تتزوجه؟؟ <<<< U Can Simply Ignore This One :tongue2:

ممكن يكون عندي بس ما ابغى :أفكر:

- برايك..هل تعتقد ان Bucy هي البروناونسييشن الصح؟؟

I don't know

واخيرا شكرا لك على الموضوع

[Arsene Lupin]

ههههههههههه الله يجزاك خير اودين مستحيل أعتبر اختيار الزوجه امر دنيوي... اي واحد متعلم بيعرف ان هالامر يصب في الميزان يوم القيامه. و أوضح دليل هو قول الرسول عليه الصلاة و السلام "فاظفر بذات الدين تربت يداك"



لكن كان قصدي منها ان الواحد ما يتحطم اذا ما حصل له حلم دنيوي الي كان يعتبره هدف حياته كلها...

مثل عندك اختلاف الطبايع...

هذي طبعا امور تقدر تسأل عنها اهل البنت في البدايه... لكن نفرض انها ما كانت كافيه المعلومات الي عطوك اياها...

و تزوجتها و صارت طبايعكم مختلفه. موب لازم يصير هالشي دمار لمستقبل الواحد...

بالعكس أحيانا اختلاف الطبع يحببهم في بعض... قد يتصادمون في بعض النقاط... لكن راح يحبون بعض في نقاط كثيره ثانيه...



ألاحظها انا بعد مع بعض اخوياي... فيه بعضهم لهم مثل طباعي و طريقة تفكيري... أحس استانس معهم و نفهم بعض بسهوله...

لكن فيه أيضا الي طباعهم جدا مختلفه عني... صح نختلف احيان كثيره في بعض الامور... و منطق النقاش احيانا... لكن أحس لهم شوق خاص فيهم متى ما ابعدت عنهم...



و أهم نقطه اذا كنتوا كلكم انشالله على خلق و دين... راح تلقون الدين انشالله رابط بينكم في الطبايع...





و سمعتها كلمه أعجبتني من أحد الاخوان... سمعها من أحد المشايخ...

يقول ان أهل الخير مهما ابتعدوا عن بعض من سنين... يرجعون دايم لبعض بنفس الحب في الله... و على نفس طبايعهم...

نفس الشي ممكن يكون بين الرجل و زوجته...




يا كثر كلامي انا ظيعت النقطه الي بالي ههههههههههههه :31:

يالله سلام... و الله يزوجكم كلكم :08:

[ODIN]

هههه ارسين سبحان الله بنفس الوقت الي نشرت فيه ردك الاخير انا حررت ردي واضفت اضافة



بعد التحرير/
المعذرة اذا مافهمتك صح او كنت تقصد انت شيء ثاني .. هي عموما فكرة وحبيت اوضحها للكل

لاني خفت اني فهمتك خطأ أو شي .. المعذره بالاخير :)

[Electro M]

Odin
انا ما اعترضت على كلامك اعتراضي الوحيد كان فهمي بان تشبيهك للي ما توافق مواصفاتك بانها بقرة لا اكثر و لا اقل
ثم بعدين انت وضحت انك تقصد ان المادية هي البقرة
المهم انا اعتذر على ردي اللي حررته


بعدين شلون حصل خير و انت معطيني كرت احمر عقب ما حررت ردي:17:

[سداح بن مايكل]

أولا:ولا مجتمعنا الآن سداح مداح

وش فيه سداح ؟؟هاه؟!:vereymad:

ههههههههههه أمزح معك :09:

ثانيا:يا حليلكم أول ما دخلت الموضوع وقريت الردود حسيتكم معصبين ومتوترين على المجتمع واللي جاب المجتمع والعادات و أبو العادات و خصوصا عضو مدري منهو هههههههه أمزح أمزح أقصد أودين

بس الردود الاخيره للاعضاء صراحه كانت منعشه يعني ترد الروح مثل ليه ما تسأل عن طبايعها قبل ومثل رح تتوافقون بعد الزواج بس أهم شي الحب

أخوي أودين أنا متأكد مليون في الميه إنك رح تتوافق مع زوجتك أكثر مما أنت متوقع بس الصبر أهم شي قصدي الصبر على الزوجه يعني إصبر عليها وأنا متأكد إذا هي تحبك رح تتغير بإذن الله
ولا تنسى إنك رح تتزوج إنسان مو ملاك يعني ارفق على المره يا رجال

و أتمنى إنك ما تفهمني غلط لأني أنا ما أعرف أعبر عن شعوري عادة بس اللي قدرت عليه قلته

واللي مو عاجبه كلامي يقولي تراه عادي
واللي بيحرره فداه :D

[Lena]

أخوي أودين أنا متأكد مليون في الميه إنك رح تتوافق مع زوجتك أكثر مما أنت متوقع بس الصبر أهم شي قصدي الصبر على الزوجه يعني إصبر عليها وأنا متأكد إذا هي تحبك رح تتغير بإذن الله
ولا تنسى إنك رح تتزوج إنسان مو ملاك يعني ارفق على المره يا رجال
:D

يالله انت تخليك لا فض فوهك

يااااربي ياااااااارب^_____^:laughing:

[سداح بن مايكل]

خخخخخخخخخخخخخخخخخخخ

شكل الموضوع ضيق صدر أودين ، ما وده يرد :D

وينك يا أودييييييين

[ODIN]

.زين


الله يعين ويوفق

مشكور يا سداح على نيتك الطيبه
-------


توني شفت فلم carlitos way حق البتشينو

زوجته كانت وفيه كثير له .. مع انه كان متورط مع عصابات وبلاوي ..
تحملته وصبرت لاخر لحظة


اوف لما مات اخر شيء وهي تضمه .. مشهد يعور القلب من جد

فيه حريم كذا صح؟

[Angel whisper]

هيه شي .. :)

[moon girl]

توني شفت فلم carlitos way حق البتشينو

زوجته كانت وفيه كثير له .. مع انه كان متورط مع عصابات وبلاوي ..
تحملته وصبرت لاخر لحظة


اوف لما مات اخر شيء وهي تضمه .. مشهد يعور القلب من جد

فيه حريم كذا صح؟

اكيد اصلا الحريم اكثر من الرجال وفاء

الحين الرجال مايهتم بشيء اسمه حرمه ياخذ عليها وحده ويطنش وماكأن لهذي الحرمه مشاعر
وين الوفاء بس والا اذا كانت ماتجيب عيال يقول ابتزوج :12: وين العشره الي كانت بينهم
والا اذا ماتت كأنه ماصدق يقوم يتزوج خخخخ المفروض يقعد وفي ومايتزوج (بدت تتفلسف :09: )
وين الوفاء خخخخخخخ بس طبعا مو كل الرجال كذا فيه اوفياءبس نادر

وش رايكم في كلامي اكيد صحيح (واثقه بزياده :D )

[asf4ever]

فيه حريم كذا صح؟

أعتقد تذكر موضوع ليوبارد عن القول"النساء أولأ" XD
بس يمكن تكون كذه لو كانت حرمه مخبلP:

[Lena]

ايه فيه..
اعتقد انشالله برضو فيه رجال كذا..

احب أتعلق بخيط الامل لو كان صغير ومش كبير..اهم شي اتعلق..

[Tidus]

الحريم اللي جذي واجد... دامها تحبه اكيد راح تسوي هالشكل



احب أتعلق بخيط الامل لو كان صغير ومش كبير..اهم شي اتعلق..
تقصدين الامل بان فيه رجال بهالطريقه ؟

لا اكيد فيه... شفتي بالموضوع شقد الاعضاء مهتمين بمسألة مواصفات الزوجه و طبايعها, يعني شي مهم بالنسبه لهم... تتوقعين لو واحد فيهم لقى اللي يتمنى و تعلق فيها و حبها "و هذا اللي لابد يحصل دامها جت مثل ما كان يحلم" و الله لا يقولها بس خسرها يعني معقوله ما راح يتقطع قلبه ؟ و الله لو انه شنهو... يصيح يصيح لابد... و ترى مر علي موقف شفت واحد منهار بخصوص مكروه حصل لزوجته

بعدين الله خلق المراه و عطاها السحر اللي يخلي الرجال ياخذ عليها لو كان بينهم عشره, يعني المساله راجعه للمره نفسها و شطارتها لو قدرت تكسبه بيوصل لمرحله ينفتن خلاص _---_ فصعبه صعبه خسارتها حيل