المساعد الشخصي الرقمي

مشاهدة النسخة كاملة : ورشة ( سمكرة ) لسيارات BMW في الرياض ؟ وين الأفضل ؟؟


GE
24-03-2005, 12:12 PM
السلام عليكم جميعاً

بغيت استفسر عن أفضل ورشة ( سمكرة ) لسيارات BMW في الرياض

لأن الموتر جايه حكة بسيطة في الرفرف الأيسر الخلفي , والوكالة قالوا لي 4355 ريال !! مع ان الصقعة بسيطة جداً !!

رحت للورش الي في صناعية أم الحمام , وقالوا لي ما بين 500- 1000 ريال , يعني أسعار معقولة

بس صراحة مادري عن شغلهم !!

فلذلك يا ليت الي مجرب ورشة سمكرة مضمونة وممتازة يدلنا عليها , وتكون أفضل لو كانت خاصة بسيارات BMW

بس هل شغل الوكالة تفرقه كثير عن شغل الورش ؟ يعني هل تستاهل المبالع الكبيرة هذي ؟

شكراً لكم جميعاً أخواني الكرام .
MR.أستبنه
24-03-2005, 02:03 PM
اخوي
اذا تبي شغل مضبووط
رح لورشه الحاج حسين علي رضى
سمكرتهم معروفه ولا عليها غبار
ومكانهم
اذا خليت صناعيه ام الحمام على يمينك ومسجد الملك خالد على يسارك تروح على طول
راح تجيك اشاره عديها وروح على طوول الى ان تجيك الورشه على اليمين كبييييير وواضحه
وعندك بعد ورشه ماي كار بعد شغلهم مضبوط وكويس
ووصفها اذا خليت صناعيه العروبه على يسارك تروح على طول تجيك اشاره صناعيه ام الحمام
تطلع على طول تجيك الورشه على اليمين واضحه
مخدوع في زماني
26-03-2005, 01:45 PM
هلا اخوي


الحمد لله على سلامتك وفي الحديد ولا في العبيد وقل الحمد لله انه الحكه بسيطة


شف اخوي انا مثلك معي بي ام وصار علي حادث وأتمنى تستفيد من تجربتي


اذا كانت السياره محكوكه حكه خفيفة نصيحتي لك لاترشها لمعها وبس وصدقني ماراح تباااااااااااان أبد أبد


لكن اذا فيها سمكرة ومعجون وبويه ودها ورش بالصناعية القديمه بس ترا راح تبان مهما سويت

انا اتكلم معك على اساس عندي خبره الحمد لله بالسيارت لاني قضيت عمري كله بالمعارض واطلع لك الرشه مهما سويت لذلك اعتبر شغل الورش خرطي وراح يبان :D شغل الوكالة مادري عنه والله بس غااااااالي بشكل مبالغ فيه وانت عارف الناغي ماله الا فرع واحد بالرياض يعني محتكرها وحرامي وفوق كذا زحمه يعني بتقعد عندهم على هذي الحكه شهر (ورح اسالهم متى تخلص السياره عشان تقتنع :bigeyes: )

لو تحط لنا صورة السيارة هنا بس تكون واضحه صدقني بتستفيد وراح نقولك تلمعها او ترشها ويكون بعلمك انه التلميع تسويه انت بالبيت مايحتاج تروح لاحد



بس ماقلت لنا كم موديل سيارتك ووش لونها؟؟؟
D0WN~T0WN
26-03-2005, 01:51 PM
ودها للوفا في الصناعية القديمة

وشغل وكالة وارخص من الوكالة
وثم ودها للتلميع الساطع وترجع زي ماكانت

اما صناعية ام الحمام فترى ماعندك احد مرة (من تجربة)
مخدوع في زماني
26-03-2005, 01:59 PM
على فكره انا لاحظت انك تقول الرفرف الخلفي يسار


تدري وش ورا الرفرف؟؟؟


وراه CD-Driver + JPS - Navigation + Computer + الكمبيوتر حق الشاشة اذا كانت سيارتك شاشة :bigeyes:


لاحظ انه كل هذي البلاوي راح تنفك ويرجعون يركبونها وكل وحده منهم ماااااااااااااااااتلعب يعني لو تخرب اللللللللله يعينك من جددد راح تكره السياره :boggled:



عموما مثل ماقلت لك حط صورة المخش وان شاء الله نقدر نفيدك