Kinda Life U Want ?

[Trapped Inside]

- من وانا صغير وانا اقدر الغرب .. واحترمهم ! .. يمكن لاني عشت ببيئه " تأمركيه " .. وطبعا كان توجهي الوحيد لهم .. طموحي كان " اجيب 99 اخش طب .. اروح بريطانيا او امريكا " .. واستقر هناك .. وابوي كان دايم يلح علي .. اجتهد بدراستك .. واستغل كل الفرص الي تجيك .. واطلع برا .. وعش حياتك ..


هممم .. شبه مستحيل احقق هذا الطموح .. اكيد مافي شي مستحيل .. بس انا بنظري صعب اسوي كذا .. للاسف الدراسه الحين ماتخش مزاجي ابدا .. كرهتها .. كرهتها ..بيجي يوم غصب عن خشمي اجتهد .. بس احساسي يقول انه ما راح يكون بالثانويه .. وبهذا اقصد اني بخش كليه مثل وجهي ..


- جا ببالي حديثا .. اني اهاجر لكندا .. مثل اغلب الناس .. وفعلا هي فكره حلوه .. وفرص نجاحها كثيره .. بس طبعا لازم النسبه .. وللحين ماش ..


- Nowadays .. عشقي .. اليابان .. شاغلي .. ابي اروح لها .. ابي اروح لها .. وابي اعيش هناك ..
طبعا فكرت فيها .. ونرجع لقلقي الي هو النسبه .. وانا من جمبها .. بس .. جت على بالي فكره غريبه .. ويمكن كثير يضحك منها ..

" ليش ما اروح وهناك ؟ .. واشتغل اي شغله عاديه .. حتى لو سواق تاكسي ؟ " ..
وماخذها بكل جديه .. يعني وش فيها ؟ .. ليش ما اشتغل اي شغله بسيطه .. من عامل بمطعم الى سواق تاكسي .. طبعا انا وصديقي فكر هذا التفكير .. ومعزمين نروح انا وياه سوا .. اذا طلعنا من ثالث .. وجت سيارات نبيعها .. ناخذ الفلوس وندز هناك .. نجيب لنا شقه .. ودور عن شغل .. ونستقر ..

Sounds Easy ? .. وليش ما تكون سهله ؟ .. كم واحد قالي ما تقدر تروح بس كذا .. لازم تكون عندك شهاده جامعيه ومدري ايش .. للحين ما تاكدت من هذا الكلام .. وان كان صدق .. فراح اكل تبن -_- ..

عرضت الفكره على ابوي .. تفاجأ .. بعدين قالي الكلام الي فوق بس قال " اعتقد " .. ان شاءلله السنه الجايه اتاكد .. واضبط اموري ..

- طبعا اخذت بالاحتمال اني افشل بكل الطرق وراح اضطر اني اقعد هنا .. لو صار " لو " .. راح احاول اني ادرس برا الرياض .. واغلب الظن الشرقيه .. بس ان شاءلله اني ما راح اضطر اقعد هنا .. وما اعتقد اني راح اقعد ..


حياه تتمناها ؟ .. بس غريبه شوي ..

- اتمنى اعيش بالريف .. اروح لنيو زيلندا .. وارعى بقر .. لا هموم ولا خرابيط .. Just Me .. And Me Only .. والمناظر الرائعه والهدوء الجميل ..

- اتمنى بمكان مطل على مسطحات مائيه .. اروح لجزر المالديف او ماليزيا .. اسكن ببيت كوخ مطل على الشاطئ " عاد ماشاءلله تبارك الله شواطئ ماليزيا وجزر المالديف جدا رائعه .. الي تكون شبه شفافه وتقدر تشوف الي جوا المويه " .. واصيد سمك وابيعه ..


=====

كثير منكم .. اعتقد راحت عليه انه يجاوب على هذا السؤال ( Kinda Life U Want ) .. بس تقدر تقولنا بالاشياء الي تمنيت تسويها ..


Jana ^_^ ..

[aoks]

طيب انت تعرف ان المعيشة في اليابان غالية جدا ؟؟؟

اغلى مما تتصور ... صعب انك تعيش او تستقر .. هذا اولا

ثانيا .. اذا تبي تروح تشتغل شغله عادية ... ليش ما تتخصص لغة يابانية هنا .. وتشد حيلك .. وممكن بعدين تطلع بعثة لليابان .. او انك تلقى لك وظيفة خاصه باللغة اليابانية وهي مطلوبة حاليا نوعا ما

ماادري بس هذا رأيي

وشكرا على الموضوع

[Trapped Inside]

طيب انت تعرف ان المعيشة في اليابان غالية جدا ؟؟؟

ايه ..


اغلى مما تتصور ... صعب انك تعيش او تستقر .. هذا اولا

لا .. انا اعرف مدى غلاتها .. بس فكر فيها .. انا مثل ما قلت ببيع سيارتي .. وبدبر كم قرش منا ومنا ..

بذا القرشين بدبر شقه لمده معينه .. بهذي المده راح ادور لي على شغله بسيطه براتب متواضع جدا .. بس اكيد هذا الراتب بياكلني ..


ثانيا .. اذا تبي تروح تشتغل شغله عادية ... ليش ما تتخصص لغة يابانية هنا .. وتشد حيلك .. وممكن بعدين تطلع بعثة لليابان .. او انك تلقى لك وظيفة خاصه باللغة اليابانية وهي مطلوبة حاليا نوعا ما

باليابان اللغه الانجليزيه منتشره بشكل خيالي .. اغلب السكان يعرفونها ويتقنونها بعد " بغض المظر عن طريقة النطق " .. وغير كذا اكيد انا بتعلم شوي لو رحت .. ويمديني اخش كم كورس تعليم ^^ ..


ماادري بس هذا رأيي

واحترمه ^^ ..

العفو ومشكور على تفاعلك ^^ .. بس ما قلت لنا وش انت الي العيشه الي تبيها ؟

[Y a z e e d]

بالنسبة للغرب ، يا عزيزي : أنا مٌعجب بجوانب معينة فقط ، إنما أعتز بثقافتي كما هيَ ، و اكره و أبغض العديد من جوانب الثقافة الغربية ، ومعيشة الرعاع من عامة الشعب ، بمعنى أدق : معجب بالجو الاكاديمي و العلمي ، والثقافي هناك ، أما البيئة الإجتماعية : حدث ولا حرج .. أصارحك الحديث ، لا اجد في نفسي الإنتماء لأرض أو مكان معين ، أنا لا أنتمي لشيء ، لنفسي فحسب . لذلك لا أمانع مثلاً أن أقضي هناك سنوات محددة لإكمال طموحاتي ، وبعدها انفذ حلم المعيشة في مكان هادئ ، بعيداً ، وحيداً ، أشرب عدة طناجر من القهوة كل يوم ، أكتب عشرات الصفحات ، أتأمل أسراب الطيور تمضي و تعود ، و الأرض تمدد خضراءً أمامي ولا تنتهي ، وفي الخريفِ أشاركها الإحتضار والصّفار ، و مع الشتاء أشعر بالدفء .. و في الصقيعِ تختفي الأشواق و الأحزان .. الدافئة بلا شك .. و مع الربيع ، أعيشُ الفرح ! ، ودائرة لا تنتهي ! ..

بالمناسبة ، اليابان فيها بيئة لطيفة جداً ، و جوّ أحبّه ، خصوصاً مروج اليابان و جبالها الدافئة غالباً ، تعمها الخضرة و الأشجار القديمة ، أعشق تلك الأماكن .

لا ، ما راح أخوض اي شغلة ، راح أمضي أكاديمياً لو يسّر الله لي .




Thou land of mine,

Thy nostalgia vanished long time ago,

No longing still lingers me

I am disengaged from every thing

Even my self




لا أعلم لماذا فقدت الحنين إلى الماضي ، الوطن ، و أشياء أخرى ، لا يهمني ، المهم أنها غير موجودة ، ولا أعتقد اني سأسعى لزرعها يوماً ، تسكنني أماني بسيطة .. قليلة .. سأحققها .. و أترك هذا العالم .. راضياً عن نفسي فحسب .. لا يسكنني في الدنيا .. إلا أنا ويالأسفي ! ..

[Angel whisper]

هممم مادري ليش انتو مهتمين باليابان لهالدرجه ..

انتو شايفين ان عيشتكم هناك بتكون سهله؟
ههههه احسكم تتحسبون اليابان مثل ما تشوفونها في الانمي .. cute people - giant robots - sweet surprise .. لا ..
اولا .. اليابانيين مب وايد يحبون الاجانب .. يعني عادي وين ما بتسير بيسمونك gaijin .. وهي لفظه غير مستحبه يطلقونها عالاجانب استهزاءا فيهم ..
ثانيا .. الشعب وايد judgemental .. يعني بيكون شي طبيعي انه يكون شي وايد bullying على اقل الغلطات اللي بتسويها في شغلك .. ولا ليش نسب الانتحار عندهم هي الاعلى في العالم؟
الشعب بعد وايد close minded وهذا شي معروف ..
اليابان بلاد ممكن تزورها اسبوع .. اسبوعين .. وتطلع .. اما انك تعيش وتشتغل هناك فهذا صعب.. الا اذا كانت قدرة احتمالك "وتطنيشك" عاليه فهذا شي ثاني ..
وهاذي blog لشخص اعرفه اجنبي يدرس حاليا في اليابان .. يعني يراويكم فيها الاشيا الحلوه في اليابان والصعوبات اللي لقاها ..
تقدرون تقولون ان هالبلوق يخفف من الكلام اللي قلته XD XD
http://studyabroad.blogspirit.com/about.html

احم .. بالنسبه لي
انا ابغي اسكن في مكان فيه غابات حلوووه .. مثل المانيا .. واكون ساكته قرب نهر او بحيره في كوخ .. هدوووء .. ويكون شي اكواخ فيها ناس قريبه مني .. وبعد نكون عايشين كلنا في هدوء ..
^____^

[aoks]

قبل ما اقول نوع المعيشة الي ابيها o.o


انا الي اعرفه العكس تماما !!! اليابانيين قليلين الي يعرفون انجليزي :/

حتى في ( فف11 ) تشوف نادرا ياباني يتكلم انجليزي زين ... هذا اذا كان يتكلم انجليزي

حتى ناس كثيرين قالوا لي الانجليزي هناك شبه معدوم ... :31:

تضارب اراء

[aoks]

طيب قبل ما اقول رأيي o.o


انا الي اعرفه العكس تماما !! ان اليابانيين معدوم الانجليزي عندهم .. او نادر

حتى في (فف11) تشوف اليابانيين نادرا يعرفون يتكلمون انجليزي .. واذا يعرفون يطلع موب صحيح ..

همممم

تضارب اراء :31:

[Angel whisper]

وحده من مدرساتي كانت تدرس انقلش في اليابان .. تقول ان مستواهم تعيس في هاللغه .. يشوفونها وايد صعبه ..

مع انه في فئة .. تتقن الـgrammar وهالسوالف .. بس ما تعرف تستخدمه او تخاف تستخدمه في محادثاتها

[D0WN~T0WN]

اليابان!

ياخي شعبها مريض ومتخلف
ديانة تحوم الكبد ومعتقدات مادري وش تبي واساطير متخلفة
وزي ماقالت انجل مايحب الاجنبي
ولو تهاوشت مع واحد هناك راح انتحر وماتدري تتطور السالفة وينتحرون اهله معه
اخكر شعب على الارض ماتفرق بين الرجال والحرمة
حتى تشوف منتخبهم اذا انهزم مايزعلون وهذا زين ان مانتحرو هههههههه


عن نفسي مخطط ادخل معهد اتعلم ايطالي :)
واذا كبرت براسي رحت هناك
شعب فاهم وزاحف وهذا اللي ابيه

واذا ماحصلي رحت لامريكا بلد الاحلام
وخاصة ان اخوي توه راجع من هناك ويمدح في الشعب اللين بكرة وبيرجع مرة ثانية ان شالله (ياحظه) :(

يازين جيبوتي بس

[NsaN]

يا ترابد الحياة باليابان ما هي بالسهولة اللي انت متخيلنها..
خلك من سالفة الدراسة و الغلا...

الحياة في اليابان من اصعب ما يكون..
عندنا واحد من اهلنا بالبحرين..عايش هناك..و بعد لي صديق امريكي..عاش هناك ما يقارب السنتين بحكم عمله..
بقولك الكلام اللي قالي اياه..بس طبعاً ما راح يكون بدقته..

يقولك باليابان..مهما سويت صداقات و مهما كنت طيب معاهم..فانت راح تظل بالنسبة لهم Gai-Jin..يعني غريب..
و الغريب دايماً معاملتهم له تختلف..بغض النظر عن طبقتك..

في بلاد مثل اليابان..بالمدينة الوحدة..في اكثر من مجتمع..و لكل مجتمع طبقاته..
مثلاً...المجتمع (أ) خاص بكبار الشخصيات و المجتمع (ب) للأغنياء و من ثم (ج) للشخصيات العادية و اخيراً (د) للفقراء
و صعب يكون في اتصال بين هالمجتمعات..اذا انولدت في مجتمع معين..فانت محكوم عليك طول عمرك انك تكون من هالمجتمع..و ما تغيره..

انت لو رحت هناك..تتوقع بتكون في مجتمع؟؟

و من اكثر الاشياء المثيرة للأهتمام..التالي..

يقولك اذا كنت ضمن مجموعة من الناس (يابانيين طبعاً)..و عزمك واحد منهم على بيته او حى مطعم..فمن الوقاحة انك ترفض دعوته..و الا ما راح يدعوك مرة ثانية..
الا طبعاً في حالات ان كان عندك عذر قوي..يعني عندك شغل..حد من اهلك مريض..الخ..

و بعد من الاشياء المضحكة..هو انك اذا كنت ضمن مجموعة..و واحد منهم نكت..لازم انك تضحك..و الا فانت راح تحرج الشخص و بالتالي تكون وقح بنظرهم...هههههههههههه...عالم تحفة..

و بعد يقولك..Within A Group..اذا حد سألك سؤال..من الادب انك تطرحه عليه بعد ما تجاوبه..
و يفضل..انك اذا بغيت تسأل سؤال..انك تسأله للمجموعه كلها...عسب ما يكون في تفضيل منك لاحدهم على احد..

ناهيك عن سالفة الدوامات و الـBows اللي لازم تسويهم كل يوم بالدوام..و سالفة انك ما تقدر تناقش الـBoss او Whatsoever مالك..

طبعاً...الاشياء اللي ذكرتها ممكن تكون تافهة و مالها معنى..بس هي توضح مدى صرامة هالشعب و تقيدهم بهالنوع من الـBehaviour..

و على طاري اللغة..حتى لو اللغة الانجليزية منتشرة هناك..منو قال انك راح تحصل حد يتفاهم معاك؟؟
اليابانيين مثل الفرنسيين..كلن في همه..محد له خص بالثاني..و في النهاية..انت مجرد Gai-Jin هناك..

انا ما ابغي احبطك او اي شي..لا والله..بس حبيت اعطيك فكرة ممكن ما كانت على بالك عن المجتمع و طريقة الحياة هناك..عسب تحطها في بالك يوم تبي تسافر..

انا حلمي بعد اني اسير اليابان و اعيش فترة هناك..عسب اخذ فكرة بنفسي..و يوم قالولي الكلام اللي فوق تحمست زيادة..بس في نفس الوقت..
حاط في بالي انه ما راح يكون بالشي السهل..

بالنسبة للغرض الاساسي للموضوع..فانا للأسف تفلسفت وايد لدرجة ما عاد لي خلق اكتب حرف ثاني..
هالرد عن اسبوع كامل الحين..
يمكن ارجع للموضوع قريب ان شاء الله..

في النهاية الله يوفقك..و ان شاء الله تحصل الحياة الي تحلم بها..

[Angel whisper]

well said Grumpy ..
you have supported my gaijin point quite well ..

[الموهوب]

وش جاك :bigeyes:


ياخي الحياة في اي مكان((بعيد عن بلدك واهلك,,ومجتمعك))


صعبه اوي اوي


يعني مجرد انك ماتطلع من بلدك تحس بغربه!


وعلى فكرة بعض الاحكام القانونيه والشريعه احد العقوبات في


تغريب لمدة عام او عامين((اول ,,من زمان)) اما الحين صار التغريب هو السجن


غير اللي قالوه الاخوان اللي قبلي!!




ومنتب حاس بالشيء الا اذا فقدته! :o

’’
جملة جعلتني اكركر ضحكاًhttp://smilies.sofrayt.com/^/aiw/laugh.gif



احسكم تتحسبون اليابان مثل ما تشوفونها في الانمي

[Kubaj]

:p
اليابان!

ياخي شعبها مريض ومتخلف
ديانة تحوم الكبد ومعتقدات مادري وش تبي واساطير متخلفة
وزي ماقالت انجل مايحب الاجنبي
ولو تهاوشت مع واحد هناك راح انتحر وماتدري تتطور السالفة وينتحرون اهله معه
اخكر شعب على الارض ماتفرق بين الرجال والحرمة
حتى تشوف منتخبهم اذا انهزم مايزعلون وهذا زين ان مانتحرو هههههههه


عن نفسي مخطط ادخل معهد اتعلم ايطالي :)
واذا كبرت براسي رحت هناك
شعب فاهم وزاحف وهذا اللي ابيه

واذا ماحصلي رحت لامريكا بلد الاحلام
وخاصة ان اخوي توه راجع من هناك ويمدح في الشعب اللين بكرة وبيرجع مرة ثانية ان شالله (ياحظه) :(

يازين جيبوتي بس

well said

طبعاً هي مسألة خيار.. كل واحد حر بخياراته.. وانا لو الخيار بيدي.. والطماط بيدي الأخرى..

كان رحت لمنطقة باردة.. مثل ابها او الطائف.. آآه.. كم أعشق اجواء الأخيرة رغم كآبتها..

ويكون عندي.. كوخ خاص.. فيه كل شيء.. ابيه .

لكن.. يبدو اني ولدت في مستشفى الملك عبدالعزيز الوطني لكي اعود له يوماً ما . :p

لكن اذا تبي نصيحة اخوية يا .. محمد.. ادرس.. اكرف الين تكره ام الدراسة واللي جابوها..

وكمل دراستك برا.. ولا صدقني.. بتعض اصابع الندم على قولتهم.. خصوصاً وانك لازلت تملك خيارات كثيرة..

والبلد في مرحلة انتقالية.. ماراح تكون ابداً للأفضل.. الله يعين على كل حال.

[Y a z e e d]

باليابان اللغه الانجليزيه منتشره بشكل خيالي .. اغلب السكان يعرفونها ويتقنونها بعد " بغض المظر عن طريقة النطق " .. وغير كذا اكيد انا بتعلم شوي لو رحت .. ويمديني اخش كم كورس تعليم ^^ ..




كيف ؟

:31: الإنكليزية هناك بالقوة تلقى أحد يتكلمها ،

وإن تكلم تكلم أفضل موظف في أحسن فندق و مكسر بعد ، أذكر كان معنا واحد يمشي عمرهْ بشوي ياباني ،،

ولحسن الحظ كان فيه واحد ، طبعاً سفري لها كان قديم مرة ..

وكانت رحلة مشتركة مع ماليزيا و سنغافوره ، لذلك ما أذكرها زين ،،

،

...

،


على فكرة ، ترى شعب اليابان سيء ،

و آلي ، لا عقول لهم .. اليابانيون آلات تعمل ..

و لعلمك .. لا عواطف فيها ..

لا تحبذ النوم ، ولا الإجازات ، ولا التفكير ..


تحب .. ت ش ت غ ل .

بس ..

،

...

،


اليابان كبيئة طبوغرافية حلوة مرة ، لكن كشعب : خذ و خل .

و الإنكليزية نادرة مرة ، بعكس الأنيمي اللي يعكس صورة مختلفة تماماً عن الواقع ..

لذلك تلقاهم دائماً يلصقون الأنيمي بثقافة أجنبية ،،


متى طلع أنيمي يصف طوكيو بوضوح ؟ زحمتها ؟ و البشر البائسين فيها ؟ أو يصف شغل الموظفين و قلة حديثهم و إنعدام عواطف البشر هناك ؟ .

،

،

..


طوكيو .. مدينة ..

لا ترحب بأحد .

وجهها أسود .

لا يحمل إلا سراباً

وحكايات قديمة ..

أحرقها الزمن ..

و نضحها عن الوجود ..

إلا في حكاياتٍ تذوي مع الزمن ..

،

،



اليابان .. مشبعة بالسويداء و الجفاف و البرودة الخارجة عن العواطف .. صدقني :)

( جمودُ آلات )

إلا .. المناطق الريفية .. ربما تجد خلقاً على السليقة هناك ..

في كل مكان من العالم .. تجدهم ..

،

..

،


باختصار : المدن اليابانية :

Lifeless abrupt land

ــــ ،

، ـــــ

ـــــ ،



ما مثل قصر ريفي في أحد أرياف أوروبا ، حياة كلاسيكية ، وحياةْ تتشكل ألوانها مع كل فصل جديد من فصول السنة الأربعة ، خصوصاً لو شيّبت هناك ، بعد ما تخلّص من طموحاتك ، وتتفرغ لنفسك !

[Yamato]

ااااه يا فتى الحبس... جت فترة كان في مخي انه اليابان هو الكل في الكل... (ويمكن للحين نوعا ما)

لكن انا حاولت اني اتعمق واحاول افهم شي عنهم.. صحيح اني ما قدرت افهمهم بشكل كبير لكن النتيجة انه كلام الاخت انجل ومستر انسان صحيح...

انا بعجني مصمم اني اروح لليابان في وقت ما خلال بقية ايام عمري الجاية... لكن كسكن.. فكرت فيها لكن ما راح ينفع.. مثل ما قالوا انت Gaijin وبتظل Gaijin.. يمكن تتغير النظرة اذا حصلت بنت الحلال من هناك يا فتى.. :33:

وهذي صورة كنت اتخذه توقيع في فترة من الفترات يوم كنت مهووس بشكل كبير باي ياباني وكنت احاول اتعلم اللغة.. شوفها... ^^

http://yamato.jeeran.com/55.gif


وبالنسبة لوين بخاطري اعيش.. شفت فيلم لورد اوف ذا رينغز.. وين الايلف كانوا عايشين.. هو شي من هالنوع... :28:

[Angel whisper]

آخ بس يا ياماتو :o
صدق تجنن Rivendell
http://mywebpage.netscape.com/MattJacksItOff/Rivendell.jpg


وانا ابغي Lothlorien :o
http://www.magicosite.be/tolkien/photos/Lothlorien%203.jpg

شكرا سيد ياماتو لانك عوريتلي قلبي وذكريتني بادماني LOTR
الحين بسير بقرا الكتب فالليل وما برقد T_T

[Yamato]

وانتي زدتي الطين بلة.. >.<

لازم تحطين صور...

اصلا انا في الاساس ما حبيت الفيلم الا عندما وقعت ماي ايز على صورة المباني جنب الشلال.. T_T

فعلا شي خيالي..

والله انتي اللي عورتيلي قلبي... يا حبي للخيال اللي كذا.. :31:

[Unknown]

انا اود أزرو بلدان كثير ..
ابغى اروح مانشستر احضر مبارة هناك :p .. ابغى اروح سويسرا أجرب الثلج .. :D
اروح أمريكا ادرس هناك :biggthump .. لكن العيش بصفة دائمة في هذه البلدان شي ما احبذه .. :)

ملاحظة بسيطة : أشوف الشعب كلهم متحمسين يروحون اليابان وش فيها شي
مميز يستحق تروح وتعيش هناك عشانه ... :06:

[Trapped Inside]

ههههههههه :D


احم .. انواع التحبيط الي عندكم -___- ..

بس اشكركم جزيل الشكر على تحذيري ^^ ..

هممم ..

انا اخش Japan Today .. وبصراحه كثير يابانيين اشوفهم يتقنون الانجليزيه .. وغير كذا اعرف كم واحد ياباني يعرفون انجليزي بامتياز .. فـ جا ببالي انهم خبره انجليزي ..

وكثيييييير اعضاء بجابان توداي اجانب جوا اليابان .. منهم المستانس ومنهم الطفشان ..


على كل انا حاط ببالي اني اروح لها هذي الصيفيه او الي بعدها عشان اشوف بعيوني ..

ان طلعت بايخه مثل ما تقولون .. الله يخلي كندا ^^ ..

واشكركم ثانيه على تنبيهي ... ودي اعلق على ردودكم بس مشوار -___- ..

ومشكوربن عالتفاعل ^^ ..

[Y a z e e d]

اووه ، ياماتو .. :) !
ريفيندل .. جوّ ، من أحلام ..
خصوصاً التفصيلات اللي وردت في الرواية ..
تخليك تحس أن ريفندل عالم ثاااني ^_^ ،،
ودّي أعيش حياة بيلبو هناك ، دافئة ، كلها كتابة قصائد\خربشات .
هادئة ، مفعمة بالسلام و الهدوء ،،
،
،
كلها غِناء هادئ بـ elven fairy voice
و نور بسيط يُفعم المكان ، المشبع بالألوان الدافئة ،
تحس أنك في حضّن دافئ ، ساحر ! ..
... تصدق ؟ نفسي اعيش جو الرواية مرة ثانية ،،
الرواية الكتاب الأول منها هادئ ولطيف ،،
لكن بداية الكتاب الثاني في ريفندل تسحرك و تسرقك إلى علو الجوّ ..
.
.
J.R.R. Tolkien
http://www.tolkien.co.uk/images/artwork/tolkien.jpg
.- .
http://www.nnbh.com/tolkien.jpg
...
خياله إجرام ،إنسان مذهل ، و صبّور حتى استطاع يبني ذا العالم البديع ، صنع لي موطن أنتمي له ،
الـpeaceful meadle earth
و خصوصاً المناطق اللطيفة ..
من The Shire
و Bad End المعزولة في آخر بلاد الهوبيتس ( The Shire )
http://www.scoop.co.nz/stories/images/9911/f103f73b18ee3fe9278d.jpeg
.
.
.
إلى Rivendell
http://www.hollywoodjesus.com/movie/lotr_fellowship/68.jpg
.
.
.
وحتى Lothlorien المُختلفة ..
http://www.chimerra.com/readerscircle/art/lothlorien.jpg


The Lord Of The Rings
عـالم مُخــتلف .
ودّي أتكلم أكثر ، الوقت ما يسعفني ،
تصبحون على خير ..

[rushin_911]

هههه تصدّق حلمك قريب من أحد أحلامي أوّل

كان ودّي أروح أعيش باليابان أو أي دولة شرق آسوية أشتغل أي عمل يدوي لمدة كم سنة

و لسّة ما زال بودّي أروح لليابان أزورها و إذا قدرت أدرس فيها (أفكّر أقول يمكن أدرس فيها ماجستير أو كذا)

بالنّسبة لي حلمي هو إنّي أعيش ببيت صغير من خشب مكوّن من كم غرفة في وسط حقل أزرعه بيدي و تكون معي وحده

و أهم شي ما يكون في لا تلفزيون ولا انترنت ولا خرابيط زي كذا

لكن للأسف حلمي مهوب متحقّق ابد خاصة إنه و حسب ما سمعت من واحد يشتغل عند أبوي يقول إن الحياة كذا بسيطة و حلوة لكن بعد مدّة بتصير مملّة و كلامه إذا فكّر فيه الواحد صحيح
:)

[Rory]

I've never liked the japanese that much ~
مع إني أحب شغلهم :06:
بس .. can't say I like the people :31:


مادري ليش بالضبط .. >_>

-___-'
بس للأسف ماعندي لا آمال ولا تطلعات ..


ريفينديل (http://www.frodoforever.com/places/rivendell_1b.jpg).. عذاااب -__-'
most gorgeous (http://www.frodoforever.com/places/rivendell_3b.jpg) sceneries ever ~
منو ما يبغي يعيش في مثل ها المكان ..؟ :17:

بس إذا كان حلم.. فبيكون ..
أحلم إني أعيش في مكان يكون فيه ثلج :17:
or in other words .. where all four seasons are visible

[Justine]

خخخخخخخخ

و الله و أكلت على راسك يا صاحبي :tongue2:

معلش ما ودي اتشمت لكنك في موقف ممتاز لذي الابتسامة :jester:

امم حليمي ( تصغير حلم ) بيت على طراز المودرن .. فكروني أعمل موضوع بعدين عن هذا الطراز من البيوت ;)

في جدة و قريب من البحر .. ما ابي زرع ( يجيب حشرات :09: ) و لا مرتفعات ( تشيل الهم :08: ) و لا جو بارد ( و لا ايش فايدة المكيفات :08: )

---

لوسي : تشتري بيت عند الحرم :33: .. صعبة جدا .. اللي صاير كلها شقق .. و اغلبها بنظام السكن السنوي ( يعني فترات معينة في السنة ( مو عارف اسم النظام ) .. و كلها غرفتين أو ثلاثة بالكثير مع لوازمها ( دورات مياه و مطبخ ) و مرة صغيرة .. في موجود شقق قريبة جدا من الحرم تبعد عنه اقل من عشرة دقايق بالسيارة و هي للبيع . اتسلفي كم مليون من بيل جيتس :jester:

روري :


أحلم إني أعيش في مكان يكون فيه ثلج
or in other words .. where all four seasons are visible
جربي تسكني في بيت زجاجي في سيبيريا .. المساحة الخضراء قدامك .. الجو دافي .. و الثلج محيط بالبيت :09:

[Da S.O.S]

بالنسبه لي انا...
اتمنى اعيش واكمل دراستي.. اخلص الثانوية بنسبه ممتازة..واحاول ان اصل الى هدفي... اني ارتبط بالانسانه الي فعلا بنيت كل احلامي واتجاهاتي عليها..
اخذها ونعيش بمكان قمة بالهدوء.. مافي غيري وغيرها.. مكان شبه خيالي.. او خيالي بمعنى ادق.. مسطحات مائية غير محدودة وبسط خضراء على مد البصر..
نكمل حياتنا سوا ونبنيها سوا.. نشوف لنا شغل بالمكان الي هاجرنا له او سافرنا له..
ماعندي مانع افضل ونعيش انا وياها بالرياض.. بس اتمنى لو اهاجر انا وهي...
يمكن اغلبكم يضحك او يقول كلام افلام او Whatever...
بس بشكل فعلي.. هذا هو طموحي الوحيد...

[asf4ever]

أنا زيك يا إبني ناوي أروح لهلبلاد مهما كان
ولكن مثل ما قالوا إلي تشوفه بالأنمي هي أصلا أشياء تنقصهم
وأوضح مثال شوف عيونهم في الأنمي ما في أكبر منها وفي الحقيقة كل دول شرق آسيا بهشكل
ولكن أنا بعد أعارض بعض الناس إلي طلع شعبهم بإنه ما يسوى بيسة
ولكن أنا أشوفهم للحين بأنهم بالعكس فأنا قريت كتب وجرايد ومواقع عن تجارب أشخاص فمن مدح محها كل المدح ومن ذم ذمها كل الذم It's up to you
ولكن اليابان مب مدينة طوكيو لكنها دولة متباينة بشكل كبييير جدا تشوف المدن الكبيرة والمناطق النائية والجبال والبحار يعني طبيعتها شيء رااائع...
لذلك أنا ناوي أروح اليابان إن شاء الله
ولكن مستحيل أقيم هناك
أقولك نروح أنا وياك كندا (تراني ناوي أدرس هناك) ويعطونا جواز عالماشي(هذه حقيقة جوازاتهم يعطونها لك عالسريع)
ونصير كندييين:laughing:
يحليلنا:08:
أنا عندي أحلام وايد بخصوص هالأشياء
مثلا ودي أعيش بقصر وفيه حديقة وراقي بكل الأشياء
ومرة أريد أعيش منعزل عن العالم بمكان هادئ وطبيعة خلابة فوق الجبال البعيدة(تقول تليتابيز@@)
ومرة أفكر أعيش بشقة صغيرة مع فتاة الأحلام *In your dreams*

ولكن أخيرا أنا مقرر ومتأكد إن شاء الله إني ما أعيش بالبلاد وأبدي صفحة يديدة في حياتي في مكان ثاني...

متشكر على الموضوع يا بني.....


P.S:إختيارك للمواضيع يضحكني لووول في الأول كنت على الذكريات والماضي والحين عن الطموحات والمستقبل:laughing:

[snorlax]

هههه محبووووووس !
بدون دراسة ما راح تروح أي مكان .. يمكن جاك يئس وسرت تفكر هالتفكير .. سارتلي مرة وصدقني فكرت بنفس الشي .. ادري انك انسان طموح بس وجه طموحك لشي يستحق .. بعدين فكر ابعد من كذا .. الغربة صدقني صعبة .. تحسبها كلمة سهلة ... ادري زهقتكم والله كل موضوع اقولكم اني ادرس بالخارج .. على أي حال تعرفت على أمريكان كثير هنا الحمدلله الله وفقني بصحبة طيبة لكن نرجع لموضوع الغربة ... فراق الأهل مو سهل .. أخواني خاصة !

ثاني شي عن موضوع اليابان .. أنا اخذت كورس انجليزي للأجانب في الجامعة و كان في شرق آسيويين تعرفت عليهم سويت صحبة مع واحد ياباني لحبي من الأنمي قلت خليني اتعرف عليهم اكثر ... تحسهم زي ما قال واحد منكم روبوت لا مشاعر ولا أحاسيس .. متزوج ويعامل زوجته كـمواطنة درجة ثانية على كلامة ... يعني مثلا تسويله الفطور ولا حتى يشكرها .. تمشي وراه لمن يمشي .. او حتى لمن يروح نوادي ليلية تروح معاه وتنتظره وهو قاعد مع بنات ثانيين مافيها شي .. استعباد ... وفي واحد كوري قابلته يقولي انه اليابان حضارة مبنية على الاغتصاب والحروب آسف اذا كانت الكلمة قوية لكن هذا اللي كانوا يسووه في كوريا وتايلند على ما اذكر ... عشان كذا تلاحظ في الانمي احيانا معقدين أحيانا ... ادري اني خرجت عن الموضوع لكن حبيت اشارك باللي اعرفه ..

نرجع للطموح شد حيلك وادرس طب في الخارج :)
ادري انك قدها بس حطها فراسك ...والله يوفقك :biggthump

حلمي اني اكمل الاربع سنين هندسة ويسير خير بعدها !
:08:

[Trapped Inside]

معقوله لهذي الدرجه شعب اليابان تافه ؟ ..

ما اعتقد انهم سيئين لهذي الدرجه .. كل شعب له ايجابتها وسيئياته .. ومن رغم كل السلبيات الي راح تقولها لي .. راح اعتبر شعب اليابان احسن من شعبنا ..


مشكورين على تفاعلكم شباب ^_^ ..

وان شاءلله كلنا نحقق احلامنا ^^ ..