المساعد الشخصي الرقمي

مشاهدة النسخة كاملة : أدبي,,,, لاعلمي...لالا خلاص ادبي ويخــــب


سيلفي2065
08-09-2001, 02:30 PM
طلاب اليوم وشباب الغد وشيبان المستقبل (والـ LBC) كولن يبحث عن مستقبله وين هو بوه ........هل ميوله أدبيه؟(داشر)....أم علميه (خلف الله عليه

لكن سيلفي وياورد....كلن تبحث عن....... الاخرى...مهب العلم,, كالنحله التي تناقز من زهره لكراثه تشفط رحيقها

قصتنا قصه....لدرجه ان الموديره بغت تجدع استقالتها بوجه مدير التعليم



أول يوم:
سيلفي,,,حطوها بصف ثاني أدبي/1
ياورد,,,,حطوها بـ ثاني أدبي/3

وطبعا ياورد يومنها مالقت سيلفي بالفصل (شي طبيعي لان المراقبات ناويين عليهم)
قالت...على النوى علمي...شكل سيلفي شقحت لعلمي وانا مدري...بتطلع دختوره

بعدين راحت ياورد لاابله مزنه

رجفت الباب وقالت
ياهبله,,,ابي علمي ماعلي انا ابي علمي دخلوني علمي...مستقبلي مستقبلي اهئ اهئ سمعتي سمعتي (وش دخل السمعه) اهئ اهئ اهئ

وابله مزنه حفاظن على صحتها,,,قلعت ياورد طوالي لصف ثاني علمي/1

ياورد دخلت الصف الجديد,,وتدور سيلفي...مالقتها,,تشوف تحت الكراسي...يمكنها متخبيه عنها تسوي مفاجئه...بس ماش..مالقتها!!

--------------
في الجهه الثانيه كانت سيلفي متسدحه عند باب المديره تزاعق

انقلووووووني ل ثاني ادبي/3 عند ياورررررررد..وااااااااع وااااااااااااع

ماتدري اصلا ان ياورد نقلت لعلمي

المديره وصلت حدها طبعا وقال (ولعنه تطير بتس خلالالالاص انقلعي للمكان اللي تبينه بس لاتصجيننا)

سيلفي شالت بقشتها فوق راسها ودخلت الصف اللي كانت ياورد وهي منشقحه من الوناسه

ويوم دخلت الصف وتجيها ذيك الصاعقه




وين ياورد؟؟؟؟؟؟؟؟؟؟؟؟؟؟؟؟؟؟؟؟؟؟؟اكيد راحت الحمام....صح؟!

البنات: لا...خبرتس عتيق...خويتس حولت علمي!!

التفت سيلفي على الابله وقالت: هونت...خلاص بروح علمي يم ياورد

الابله سحبتها مع شوشتها ورفستها برى الفصل وفي نفس الوقت ابله الصف اللي فيه ياورد رفست ياورد...نفس الرفسه..وبنفس القوه (القلوب عند بعضها)

التقيتا عند المرفس...قصدي السيب..

ياورد: وينتس جعلتس الموت؟:غضب:
سيلفي: انتي اللي وينتس؟؟الاحقتس من صف لصف :غضب:

وقالوا بصوت واحد:
خلاص...أدبي ويخب على هالوجيه!!

أن مجال الادبي ليس بهين...ليش الكل مستحقره؟ العكس...تخصاصاته كثيره...من اهمها علم النفس..واللي يمكن يودونا لرحله بمستشفى شهار على ضوء هذه الماده (هذا اللي فكرنا فيه) بنحلل النفسيات والعقد..(عز الله فلحوا)..ايه ليش لا؟


بس مشكله الكل انهم لادروا اننا بادبي قالوا (وععععععع ماله مستقبل)...طيب واذا كان ماله مستقبل؟ورا مايكنسلونه؟ اقول خلوا عندكم الهرج الفاضي وخشوا ادبي وهستروا,,وبتلقون لكم تخصص انشالله ليش ماله نستقبل؟ :cool: :cool:
smileface
08-09-2001, 02:36 PM
يا حليلك في ثاني ثانوي تصدقين كنت احسبك عجوز:D
selfer
08-09-2001, 02:38 PM
هو اكيد الادبي له مستقبل بس العلمي مستقبله أفضل:cool: <<<< وش رايكم بالنظاره;)
selfer
08-09-2001, 02:40 PM
ياويلس من سيلفي يا سمايل فيس بتفقع يور فيس<<<<<< يدور الشر:D
alex
08-09-2001, 02:41 PM
شوفي .............. هو بالنسبه للبنات ........ ادخلي اي يريحك ....... لأنك لو تشتغلين في اي وظيفه بس ترتاحين فيها احسن ....... لأنه الراتب مايهم كله لك انتي الباقي على زوجك (الله يعينه) :D










لكن بالنسبه لنا حنا يالعيال ......... مالك امل في الادبي إلا اذا جبت فوق 90% :(






احسن شي العلمي ...................... اطلع دختور على قولة ياورد :D
D0WN~T0WN
08-09-2001, 02:41 PM
أنا قصتي طويلة أول شي ف أولى ثانوي عطونا ورقة رغبة وعلى طول علمي

يوم جيت في ثاني أدخل الفصل وبعدها أخذ كتب العلمي أشوف الرياضيات بغيت أدخل في غيبوبة

المهم قعدت أفكر قلت هذا ثاني أجل وشلون ثالث

المهم قلت خلنا نخش مع الدشير وحولت ثاني شرعي(أدبي)

وأدخل الفصل أعوذ بالله كل شوي أطلع من الفصل وأقعد اقرا فوق الباب حق الفصل هو فصل ثاني شرعي والا مقهى الرمال

المهم قلت يالله معليش

ومير يجي مدرس الفقه ويقول أنصحكم حولو علمي ترى كثريين صقطو في مادتي والله من الأخلاق والنذالة

اللي خوفني أن مانجح في الدور الأول بس 3 طلاب

قلت خلونا نروح أحلى قسم قسم الفلة والوناسة الاداري بس مدرستنا مافيها اداري

وقلت يالله نحول خلينا نتعب شوي

ويوم الاريعاء جبت واسطة أخذت ورقة القبول واليوم رحت المدرسة مع الوالد وسجلوني وقمت اتدلع على أبوي يبه تكفى بأرجع منيب مداوم أول يوم قال طيب

وكتبنا البيانات وماأدري ايش ورجعت البيت وبكرة بأبدا رحلتي مع القسم الثالث

عسى ماطولت عليكم والله يوفق الجميع
سيلفي2065
08-09-2001, 02:57 PM
سمايل فيس...مالعجوز الا انتي يالعجوز انا اصغر منتس بعشر سنين وشلون تقولين عني عجوز؟:غضب:

هع...امزح امزح...مشكوره على الرد....يالعجوز:أفكر:


أوديـــــن

هذا الكلام السنع,,بنات العلمي اكثر..ولامنهم دروا اني بأدبي (يااااااي كيف تتحملي؟) اصلا مايدرون انهم بنلطعون ببيوتهم !!

سيلفر,, طيب رح يم العلمي...وايام الامتحانات نشوف شوشتك ناقزه وعيونك مبققه من المذاكره :أفكر:
بعدين انا ماازعل من سمايل,,ولاني بفاقعه وجهها..تبيني اجيب لك باقي خشتك؟ <<===== ثاني مره تطيح وجهه
:D

اليكس...قابلني لاطلعت دختور!!

مستر ديجي...انت على الاقل ابوك قالك طيب بومنك طلبته انك تغيب...
أنا امي من دون تفاهم على طول بالابجوره على جبهتي!!
alex
08-09-2001, 03:04 PM
كتب العضو (سيلفي2065)

اليكس...قابلني لاطلعت دختور!!




طيب ........... تذكري هالكلام السنه الجايه ........ اذا طلع اسمي مع المقبولين في كلية الطب :غضب:







وبعدين ....... ليش اقابلك ........ يعني انا اول واحد يدخل طب ؟؟؟؟ ........ فيه ناس كثيرين يدرسون طب ...... وهم مب احسن مني :غضب: ...... أما اذا كانت المساله مسالة نسبه ....... لاتشيلين هم :D
Blue Eagle
08-09-2001, 03:13 PM
انا دخلت علمي رياضة (رياضيات ) على شان اهرب من فصلي الكان معي في اولي ثانوي هما راحوا علمي علوم الحمد الله اني فكت منهم و الله ابيخ شىء كان يحصل معاي طول السنة في اولي ثانوي ان الاستاذ يسئلك سؤال و ما تعرف تجاوب يقوم البنات يفطسوا على حالهم من الضحك و الله حركة تعصب الحمد الله الصف الانا في دحين ارحم البنات مؤدبين
Classic Evil
08-09-2001, 03:30 PM
هلا


الادبي فعلا ماله مستقبل ..



الا اذا فكتوا تدخلون وتصيرون معلمات ...




وبعد التخرج بتقعدون بالبيت ... لأنه بيقولون لكم مكتفين بمعلمات الدين



والعربي ..والخ


لكن تصيرين مدرسة علوم تطبيقية - فيزياء وياضيات وكيماء - ما اعتقد


احد بيردك ...


__ وجه نظر ___


سلامي
smileface
08-09-2001, 03:31 PM
يا حلوه انا أكبر منك بثلاث سنين بس مو عشر سنين:D وبعدين لو انا اكبر منك بعشر سنين كان تلقيني الحين متزوجه وعندي عيال ومو فاضيه لكم انتم ومنتداكم:D
D0WN~T0WN
08-09-2001, 04:36 PM
ياشيخة ابوي ماخلاني اغيب الا عشان مابقى الا ساعتين على الخروج

الله يعين 20 مادة أعوذ بالله
FSM
08-09-2001, 04:47 PM
علمي له مستقبل اكثر .... وبس
selfer
08-09-2001, 04:47 PM
اقول يا سيلفي شكلس ماتدرين اني اكبر دافور في مدرستنا(ايه هين)وتراني لقيت خشتي:D
ولعدنيب متعودها<<<<<< تأدبت..........بس والله لو تطيحين وجهي ثاني مره لا..........;)
D0WN~T0WN
08-09-2001, 04:49 PM
كتب العضو (FSM)
علمي له مستقبل اكثر .... وبس

خير الكلام ماقل ودل (لا تصدق)
FSM
08-09-2001, 04:53 PM
كتب العضو (MR.Dj)


خير الكلام ماقل ودل (لا تصدق)

وجهه نظر
ROXAN222
08-09-2001, 05:09 PM
ياعيوني ياسوسو ...خليكي في الادبي وروقي وريحي بالك
شوفيني دخلت علمي وتعب وقلق واخرها انجليزي ==> صدقيني هيا هيا اذا دخلتي علمي وللا ادبي مادام مجال التدريس يعني الادبي اريح والنتيجه وحده:)
Chandler
08-09-2001, 05:17 PM
هههههههههههههه....


تخيلوا شكل سيلفي......علمي.....<===== لابسة نظارات كبر خشتها وتشارك....لا وقاعده اول وحده في الصف...


البنات...ادبي وبس....ليه تتعبين نفسك وانتي كلها سنتين وتتزوجين<=== يجيب الله المطر


جنا المساكين نتعب ونشقى.....وآخرتها نتشوت من جامعة لجامعة.....


انا بالنسبة لي....علمي وبس....ابي اروح لأرامكو....(ولد عمتي هناك)...واذا رحت هناك بأذب وجهي على دجو....وبأذب وجهي عليتس...بس انتي بنت...يعني بأذب وجهي على اخوانتس <==== يلمح افهميها...
احمد9000
08-09-2001, 05:23 PM
والله نظامكم احلى

احنا نخش التخصص من اول سنة...

مثلا انا رايح الثانوية (((((((من الثالث اعدادي( متوسط عندكم))))))

يختار في اي قسم (علمي ولا ادبي ولا تجاري ولا صناعي ولا ديني)

مين احسن ...انا في العلمي ورايح ثاني ثانوي المفترض ثالث .
D0WN~T0WN
08-09-2001, 05:28 PM
يمكن احلى بس عندنا مدرسين يخربون على القسم ويشوهون سنعة القسم زيي أنا العلمي كل المواد العلمية مدرسينها أجانب والأجانب شديدين بقوة عشان كذا حولت

ودخلت اداري واللي يقول ماله مستقبل يقابلني في الماسنجر
احمد9000
08-09-2001, 05:34 PM
بالعكس اداري (تجاري عندنا اعتقد)

مهم جدا واعتقد له علاقة بالشركات والتجارة صح

اذا صح يعني مهمة..;)
YaWaRd_85
08-09-2001, 05:37 PM
فــيه واحد يبدا اسمه بحرف (DigitaL)

يقول انه فيه نظام جديد ..

اقدر في سنه ثالث احول لعلمي وهذا الي بيصير انشاءالله


بلعب وباستانس بثاني واشد واكرف بثالث ..
D0WN~T0WN
08-09-2001, 05:41 PM
أنت فاهمني على طول يا أحمد بس هم مايفهمون
Chandler
08-09-2001, 05:41 PM
كتب العضو (YaWaRd_85)
فــيه واحد يبدا اسمه بحرف (DigitaL)

يقول انه فيه نظام جديد ..

اقدر في سنه ثالث احول لعلمي وهذا الي بيصير انشاءالله


بلعب وباستانس بثاني واشد واكرف بثالث ..


لا ينصب عليك...

اصلا ما يصير كذا....لأنه ما يصير تدرسين دروس ثالث علمي وانتي ما اخذتي دروس ثاني علمي....

يعني لا يلعب عليك ديجي....هو بس يبغى يدمر مستقبلك...:D :D
Soprano
08-09-2001, 05:43 PM
شباب صدقوني السالفه ما هي سالفة العلمي مستقبلها اكبر ولا الادبي مستقبلها اكبر يا اخي خش الشي الي تشوف انت فاهمه وتحبه مو تاخذ على سالفة المستقبل صدقوني فيه ناس اعرفهم بكوا دم لانهم دخلوا علمي على اساس مستقبلها اكبر والحكي الفاضي هذا
يا اخوان صدقوني هذا مستقبل مو لعبه فاختار للي ترتاحله اكثر وصدقوني وعلى قولة سبيس تووووون النصيحه بجمل :( :D :cool:
D0WN~T0WN
08-09-2001, 05:45 PM
النصيحة بجمل والا بعير
selfer
08-09-2001, 05:53 PM
لأ بقعود<<<<<< مسوي يعرفه;)
D0WN~T0WN
08-09-2001, 05:58 PM
فيكم لقافة يالله فيكم وناسة يالله .....أغنية ميامي
selfer
08-09-2001, 06:03 PM
هههههههههههههههههههههههه يا مستر ديجي: انا آسف اذا كنت تلقفت;)
D0WN~T0WN
08-09-2001, 06:07 PM
بالعكس ليه تزعل أنا أمزح معك ياملقوف:D
selfer
08-09-2001, 06:10 PM
ههههههههههههههههههه انا ملقوف يا متطفل<<<<<< اذا عطيت البزر وجه عطاك.....................:D ;)
D0WN~T0WN
08-09-2001, 06:15 PM
أفا ناوي تخربها طيب
selfer
08-09-2001, 06:19 PM
أمزح<<<<<<< خايف:D
D0WN~T0WN
08-09-2001, 06:26 PM
بكرة بالفسحة أوريك
selfer
08-09-2001, 06:33 PM
بس اخاف الوكيل يمسكنا.............خلها في الطلعه:D
D0WN~T0WN
08-09-2001, 06:37 PM
أهم شي راحتك

الوقت اللي تبغاه وأنا موافق
YaWaRd_85
08-09-2001, 06:45 PM
naf


اصلا DiGi مايلعب علي ..


وش حارق رزك..؟؟


اصلا هو يبي مصلحتي (ايه هيــــن)


بعدين الادبي حلو .. انا ماتوقعته يطلع كذا..

اول يومين داومت علمي .. بغيت اموووووت جاني اكتأب يوم شفت الضغط

مافي ولا حصه فراغ ومن اول يوم واجبات وامتحانات دوريه ..

صار راسي يوجعن وصارت الدنيا تلف وتدور فيني..

بس يوم حولت ادبي ونااااسه وهستره والى الان مااخذنا مناهج

يعني اهستر بثاني واشد بثالث
selfer
08-09-2001, 06:48 PM
هههههههههههههههههههههههه شكلك مخربها يا مستر ديجي:D
D0WN~T0WN
08-09-2001, 07:00 PM
ليه ؟؟؟

أصلا كلنا مخربينها وخربانين في الوقت نفسه بس قولي أنت بأي صف

عشان اذا ضربتك يقولون تتشطر على اللي أصغر منك
RPG_master
08-09-2001, 08:23 PM
السلام عليكم ..جاكم خبير الدجه ..احم اقصد الادبي المهم اسمعوا كلامي وراح تقتنعون
انا اولا حطوني العام في فصل علمي ورحت كم يوم وانا طفشان لكن قلت خلني اقعد بس يوم دريت انها سبع حصص كل يوم قلت لا والله مالي قعده هنيا ..المهم الزبده يعني والكلام المفيد الي راح ينفعكم
انت او انتي اذا كنتي او كنت اووووووه خلاص انتي علشان سيلفي ..طيب
انتي اذا دخلتي علمي بتدخلين طب او هندسه او حاسب اذا كان جوابك نعم هل راح تجيبين نسبه فوق التسعين في علمي؟؟
اذا كان الجواب لا يعني ما راح تدخلين لا طب ولا هندسه ولا خرابيط العلمي اجل ليه تدخلين علمي؟؟
انا خالي دخل علمي وكررررررف وفي الاخير دخل علوم ادارية يعني اقدر ادخلها وانا ادبي فهمتوا
اوا اذا كنتي بتدخلين انجليزي مثلا احسن لك تدخلين ادبي
وبعدين تراكم ما راح تتوظفون يعني ليه الكرف خلونا حنا نلقى وظايف بعدين انتم
وفي شي ثاني بالنسبه لــ يا ورد ترى الكلام الي قاله لك كله خرابيط يمكن كان يمزح معاك
وشكرا:)
selfer
08-09-2001, 08:32 PM
أنا في ثالث......وأنت:D
RPG_master
08-09-2001, 08:37 PM
سالث..اقصد ثالث
الله يقلع خشتك يالمصري ..هذا مدرسي على ايام الرياضيات اقصد ايام القرف
ما خلا اسم الا وسمى الثلاثه فيه
عندك:ثلاثه الطبيعيه..سلاثه...ثلاسه...تلاته...سلاسه(رقم موب كفرات سياره) وسلامتكم:)
D0WN~T0WN
08-09-2001, 09:24 PM
سيلفر ثالث وش؟؟؟
selfer
08-09-2001, 09:27 PM
ثالث ابتدائي هههههههههههههههههههههه أكيد ثالث ثنوي يعني وش تحسب اللي قدامك بزر:غضب:
RPG_master
08-09-2001, 09:30 PM
ترا كل المنتدى ثالث ثانوي ..لا يجي واحد عبيط ويقول انا ثاني ..اقصد اكثرهم


























بيجي واحد ملقوف وبيقول انا ثاني وتشوف
D0WN~T0WN
08-09-2001, 09:31 PM
أفا أنت أكبر مني

طيب أنت بأي قسم؟؟

أنا جربت كل الأقسام أول شي علمي بس ماني ناقص صداع والشرعي رحت ماني ناقص مطاوعة

والحين استقريت على الاداري
المتظاهر
08-09-2001, 09:33 PM
والله من الغبـــــــــاء راحت أدبي هيهيو هيهيو ههههههههههههههههههههه
تراني أمزح يعني لاترتفع الحرارة
على العموم أنا ثالث علمي
الله يوفقني ويوفقك من بعدي وجميع المسلمين قولوا أمين;)
selfer
08-09-2001, 09:34 PM
أقول يا ار بي جي: ليش ما تحرر ردك عشان العبيط اللي تقول عنه اذا شافه مو كاتب انا بثاني.....
اهم شي اننا قريناه...وش رايك?:
RPG_master
08-09-2001, 09:34 PM
اقوول اولا وش فيهم المطاوعه...ثانيا من قال انهم كلهم مطاوعه الا دشير الرياض والمدن كلها (علشان النشبات)
كلهم في ادبي..























خلاص وش تبي بعد
:)
selfer
08-09-2001, 09:37 PM
مستر ديجي: أنا بقسم العلمي......الله يعيني:أفكر:
ار بي جي: شوف ردي اللي فوق ردك:D
RPG_master
08-09-2001, 09:38 PM
كتب العضو (selfer)
أقول يا ار بي جي: ليش ما تحرر ردك عشان العبيط اللي تقول عنه اذا شافه مو كاتب انا بثاني.....
اهم شي اننا قريناه...وش رايك?:
اقول تراي اخذت ربع ساعه الين فهمت وش تقصد وعليك الفاتوره..بعدين عادي يقول ثاني سنوي..ثنوي اقصد
selfer
08-09-2001, 09:40 PM
خلاص انا بسددها(كابتن ماجد) بس قلي رقم التلفون وبسم مين;)
RPG_master
08-09-2001, 09:42 PM
انت تدري كم الفاتوره؟؟






















بتهون ترا















قلت لك بتهون















يعني بالقوه تبي تدفع..















عندك كم قرش زايد وتبي تدفع..امممم طيب بقولك
D0WN~T0WN
08-09-2001, 09:44 PM
علمي وقاعد قدام الكمبويوتر أقول نم الله يصلحك

وبعدين الأدبي شي غريب حثالة المجتمع (الا انت);) مع مطاوعة المجتمع وشلون؟؟؟؟
selfer
08-09-2001, 09:45 PM
يله قلي وخلصنا..........بس ترا اذا تعدت ثلاثه ريال ونص ماني دافع;)
selfer
08-09-2001, 09:48 PM
أقول قم بس قم.......انت تدري ان مدرس الانجليزي لين الحين ما جاء:واو:
والعام كان عندنا مدرس خدمته30سنه بس يوم درّسنا قدم استقالته;)
وانا رايح انام زي ما قلت................(ايه هين)
RPG_master
08-09-2001, 09:52 PM
دي جي انا ما قلت كلهم بس علشان ابين لك انهم موب مطاوعه كلهم



سيلفر توكل بس هذا راس مالك..
D0WN~T0WN
08-09-2001, 09:54 PM
أقول ماتحس قلبناه ماسنجر ضيعنا موضوع البنت

الي من يهمه الأمر.....mr_dj87@hotmail.com

نفرفش الين ماتنضرب فيوزنا
selfer
08-09-2001, 09:56 PM
وش دعوى ليش ما نفتح موضوع وخلصنا:cool:
RPG_master
08-09-2001, 10:02 PM
انا ما طلعت عن الموضوع الا بسببكم انت اشغلتونن
المهم انا قلت كلامي المفيد لسيلفي وهي تاخذ القرار وتقولي
احمد9000
09-09-2001, 02:15 AM
العام الماضي

كان مدرسنا العربي فلسطيني

ويدرس من الأربعينات واحفاده يشتغلون (والقهر يعطي علامات زفت:غضب: )

مرة في التعبير حصلت 12من 35 هالخايس المقطن الدودكي
اخ ك ر ي (حصلت في المنتصف 15 من 20)

لكن لا تخافون انا درجاتي فوق التسعين
الا العربي من 73 ال80 فقط لا اكثر(والله اشد حيلي هالسنة واحصل فوق 85 في العربي باقي لي عشرة ايام للعطلة)

باي
RPG_master
09-09-2001, 12:41 PM
اقول وش قلتلي يا سيلفي اقتنعتي ولا ما فهمتي شي
D0WN~T0WN
09-09-2001, 12:47 PM
أنا العام اختبار الفيزيا جانا الأردني

يوم طلعت الأختبار قلت انشالله 25 وفوق

يوم جت الشهادة جبت 9 من 30

قلت يالله وش علينا واهم شي نجحت
Yuffie
09-09-2001, 03:37 PM
علمي ادبي علمي ادبي علمي ادبي عقدني هالموضوع بالنهايه تدفورت

و دخلت علمي مدري ليه مع اني اول يوم دخلت فصل الادبي بالغلط موب

بالغلط بس عجبني الفصل و فصلي كان باخر السيب و هذا كان اقرب

كخخخخخ ايه المهم الادبي حلو اذا انتي محددة وش ناويه عليه بالجامعه

علم نفس او تعليم خاص او عنقليزي بس اذا ما تدرين وش تدخلين

العلمي يمكن عشان اقسامه اكثر في الجامعه :)

طول الاسبوع الاول كان فيني حرة ابي احول ادبي لان

شكله مرة سعه صدر ووناسه و اغلب حصصهم فراغ بس قعدت بالعلمي

يمكن حتى الحين منيب مقنعه مرة فيه بس بأقعد فيه كلها سنتين :)

مدري وش هالدفارة اللي طابه علي :D
سيلفي2065
09-09-2001, 03:45 PM
اقول يوفي

خليتس بكره تنلطعين بالبيت ولاجامعه بتقبلتس":" نياهاهاهاها وانا احرتس خخخخخخخخ

ياملحتس....اقول ورا ماتشغلين الماسنجر؟:غضب: من زمان ماسولفت معتس:غضب:
RPG_master
09-09-2001, 03:49 PM
والله انك وش دجه وانا غلطان قاعد اتعب اصابعي خمس دقايق علشان هالخشش والله ما عندتس ما عند جدتي
حتى الادبي يخب عليك":" سلحف الننجا