المساعد الشخصي الرقمي

مشاهدة النسخة كاملة : شباب محتار بين الاندكروزر والباجيرو


sharany
25-03-2005, 10:09 PM
:أفكر: شباب ابس ستشارتكم ولا تهونون

ودي بسيارة تكون لي وللزمن واحترت بين ثنتين بين اللاندكروزر المستعمل 2001 او 2002 وبين الباجيرو 2005

الصراحه الدراهم على القد يعني بالتقسيط ابي اشتري موتر وعندي وعندك خير خمسه عيال يعني بالعربي ابي موتر لي وللزمن ويتحمل مسافات الطريق لاحد يقول لي خذ لك سيارة عائلية فنشر او وندستار او اوديسي الصراحه اكره هالسيارات حيل

واحد من الشباب قال خذ لك لاندكروزر قيمته فيه ما تنقص من موديل 2001 الى موديل 2002

وابن العم عنده وكالة متسوبيشي قال خذ لك باجيرو 2005 ما تفتح كبوته الا بعد خمس سنين للصيانه بس قيمته من اول ما اطلعه من الوكاله يدق من قيمته النص

ماودي ابيع الموتر اللي باشتريه ولكن النفس خسيسه من يدري ومحتاااااااااااااااااااااااااااااااااااااااااااااااار


ابي مشورتكم ترى الباجيرو الجديد لذيذ لكن اللاندكروزر هم سيارة ومدري وش الشور يا جماعه




:31:
Dark Watch
25-03-2005, 10:13 PM
يالطيب انتظر السنة الجاية بيتغير شكل الاند كروزر وخذلك واحد

واذا ماتقدر تنتظر احترامي لك انت شو تقارن الاندكروزر بباجيروو

ياخي مايحتاي مقارنة خذلك لاند كروزر وروح وانت مرتاح ياخوي نصيحة

انا عندي لاند كروزر موديل 2000 والى الان مااشتكى ولا صارلة شي ....

واذا خذت لاند كروزر خذ معاه اطارات بي اف جودريش لانه احسن على الرمل وعلى الشارع وهاديات تحس
انك راكب في سيارة فخمة
وبس لاند كروزر وبس
[<DARK_DEVIL>]
25-03-2005, 10:24 PM
ya akhoy il land cruser 6ab3an ahsan ..we agwa.we ye36ik ill 3afiya
sharany
25-03-2005, 10:37 PM
مشكورين اخواني على الردود الطيبه
][-][Mr.ZeNoN][-][
25-03-2005, 11:29 PM
إذا الأخ السائل من السعودية فأنصحه بصرف النظر عن الباجيرو...نظرا لسوء خدمات الوكيل

أما إذا غير كذا فأنا لست أدرى منك..لكن إللي يميز الباجيرو عن اللاندكروزر هو إن الباجيرو أقوى وعملية أكثر وقد جربت الباجيرو وعيبه الوحيد بالمواصفات هو الراحة بالركوب مستوى الراحة أقل من بقية السيارات المتساوية للفئة إذا كانت قماش..أما إذا جلد فمايحتاج أتكلم

...أما عيبه بالشائعة هو عدم إنتشاره مما إذا لاسمح الله خربت عليك السيارة ومالقيت قطع بالتشليح بتضطر إنك تشتري جديد والجديد غالي...هذا بالإضافة إلى إنتظار السيارة عند الوكالة لين ماتوصل القطع..

خذ اللاندكروزر خليجي مواصفات أفضل وكماليات أصلية وقطع متوفرة بأي وقت وأي مكان وتتصلح في أي ورشة يعني السيارة لك وللزمن..لذا اللاندكروزر أفضل..

طيب إيش معنى اللاندكروزر وباجيرو فقط؟؟ ياخي خياراتك محدودة أضف إلى قائمتك بالباترول واليوكون أبو دبل..ممكن ينافسوا اللاندكروزر..لكن تبقى اللاندكروزر أفضل...برأيي...

أتمنى إنني أفتدك وتحياتي لك وللجميع..
DREAMCATCHER
25-03-2005, 11:41 PM
انت من صجك محتار http://smilies.sofrayt.com/^/aiw/meeting.gif .... الباجيرو ما يسوى حتى كفر واحد من اللاندكروزر http://smilies.sofrayt.com/^/aiw/victory.gif
انا عندي لاندكرزر 2002 وكالة ولحد الحين ولله الحمد ما صار فيه شي .
sharany
26-03-2005, 06:27 AM
شكرا لاهتمامك اخ مستر زينون على الرد

دريم كاتشر ايضا
File
26-03-2005, 06:55 AM
مرحبا .. اخوي


بالنسبه للمقارنه بين اللاند والباجيرو ..


صراحه ..


انا أفضل الباجيرو .. بشرط !

اذا كان كامل المواصفات .. باجيرو 2005


والاند طبعا حق سوالف بر .. اقوى وحلو ..


لاني استعملت باجيرو 2004 .. صراحه ممتاز جدا ..



وهذي وجه نظري ..


شكرا لك اخوي ،،



File
QataR NighTMarE
26-03-2005, 09:26 AM
مايحتاج كلام
لاند كروزر + ان التويوتا سعره فيه حتى لو بتجي تبيعه :)
أبو الغضب
26-03-2005, 10:45 AM
:) شوف أخي الحبيب ...
الباجيرو سياره روعه ومن أحسن السيارات وأنا أعرف ناس كثير (( من ربعي )) عندهم الباجيرو .. وواحد منهم عنده واحد موديل 91 وماشي معاه زي الحلاوه , لا مشاكل ولا خرابات مع انه من النوع اللي مارحم في السواقه وكثيرا مايروح فيه للبر
يعني الباجيرو سياره أفضل من كثيير من سيارات هالوقت هذا وهو رخيص إذا بتاخذه من الوكاله (( أعتقد انه بـ 110 ألاف ريال لكامل المواصفات )) ويعيش معاك فتره طوييييله جدا بدون أي مشاكل وحتى قطرع الغيار متوفره

الاندكروزر في التحمل والقوه نفس الباجيرو (( لاتستغرب من كلامي لانه أثنينهم بنفس جودة التصنيع )) وهو يعيش معاك مده طويله بدون أي مشاكل .. بس بوضح لك نقطه يكون فيها الاند أحسن من الباجيرو ... اللي هي سعر البيع ..؟

الاندكروزر إذا بتبيعه بعد فتره يجيب لك قيمه أكثر من الباجيرو
والاند أيضا ينباع أسرع من الباجيرو (( أسرع من جميع السيارات عموما مش الباجيرو لحاله ))


:) اللحين الخيار لك ...