بعض المواقف الغريبة التي تمثل مشكلة [الأرشيف]

مشاهدة النسخة كاملة : بعض المواقف الغريبة التي تمثل مشكلة

HIROSHI_11

02-04-2005, 02:42 PM

السلام عليكم ورحمة الله وبركاته

هذا أول موضوع لي هنا في المنتدى العام لمنتديات الألعاب، واتمنى انه ينال اعجابكم:08: ، سأعرض عليكم بعض المواقف الغريبة والطريفة التي تمثل أحيانا مشكلة ما قد تحدث في حياتنا أو لا تحدث والمطلوب هنا هو التفكير في كيفية مواجهة هذه المواقف بأكثر من طريقة (أكبر عدد ممكن من الطرق) متبعين في ذلك مبادئ وقواعد العصف الذهني...

1- افترض أن كل فرد منا استيقظ في الصباح فاكتشف أن طوله أصبح ضعف ما كان عليه فما هي المشكلات التي سنواجهها؟:shock22:

تعامل مع هذه المشكلة:

دخل أحد العاملين في شركة تحتل مبنى ضخما إلى المصعد في الطابق الأول ثم غادره في الطابق العاشر وبعد ذلك صعد إلى الطابق الخامس عشر سيرا على قدميه حتى دخل مكتبه:boggled: ... وبعد انتهاء العمل استخدم نفس العامل المصعد من الطابق الخامس عشر وغادره في الطابق الأول.:31:

والسؤال... لماذا صعد خمسة أدوار على قدميه وعند وصوله صباحا ولم يفعل ذلك عند مغادرته العمل؟!:biggrin:

اكتب اكبر عدد ممكن من الأفكار التي تشرح السبب الذي دفع هذا الشخص بأن يصعد هذه الأدوار الخمسة على قدميه حتى يصل إلى مكتبه ولم يتكرر منه نفس السلوك عند مغادرته العمل.

ارجو من الأعضاء التفاعل في الموضوع، واذا رأيت انه لقى نجاحا سأحاول ان أتي بالمزيد. واذا كان عند اي احد منكم اية ملاحظات فارجو ان يكتبها .:o

يللا شباب اريد اشوف افكاركم الجهنمية:vereymad: الي تطلع من nowhere فجأة.:laughing:

أختكم في الله

شتاينر

02-04-2005, 02:52 PM

ash2001

02-04-2005, 03:30 PM

أضن انه يسوي رياضه عالصبح .. واذا هو مخلص الدوام يكون تعبان ومب فايج لأي شي !!

HIROSHI_11

02-04-2005, 03:58 PM

مممممممم .. الموضوع غريب نوعا ما بس حلو ..
طيب أتوقع إنه مثلا فيه بالطوابق من 10 إلى 15 موظفات حلوات فما حب يضيع عليه فرصة النظر إليهم :09: ههههههههههه , تفكير غبي صح ؟؟ :D
هذا اللي خاطر على بالي بالوقت الحاي , لو طلع شيء جديد بكتبه :bigeyes:

مرحبا

كيف الحال أخوي شتاينر؟

مشكوور على الرد يعني انت تفكيرك كذي كله تفكير في الحسناوات:biggrin: . كشفتك.:09:

وليش كل هالعتاب على نفسك نحن هني عسب نحل مشاكل بعض يعني الي عندك قول :33: ومحد راح يسوي فيك شئ.

انطر ردك الثاني:biggthump

ومشكور مرة ثانية على المرور:08:

HIROSHI_11

02-04-2005, 04:02 PM

أضن انه يسوي رياضه عالصبح .. واذا هو مخلص الدوام يكون تعبان ومب فايج لأي شي !!

مرحبا نورت الموضوع بوجودك ash2001:08: لا تزعل شتاينر انت حتى منور:09: . مشكوور اخوي على الرد وتفكيرك سليم.:biggthump

باي

Mista Koo

02-04-2005, 04:18 PM

هممممممم يمكن عشان الآلة اللي يحطون فيها الكروت حقت الحضور بالدور العاشر بس لما يخلص الدوام ياخذها من الدور الاول <<<<< باختصار ممكن الشركة تكون معوقة

كمشور هيرشي 0_× على الموضوع الحلو

JOE BUDDEN

02-04-2005, 05:51 PM

sul911

02-04-2005, 05:59 PM

بالغلط ضغط زر الدور العاشر =-= ويوم طلع من المصعد استدرك انه في الدور العاشر ( توه قايم من النوم ^^) و تعاجز ينتظر المصعد فقال وسع صدرك ومغط رجولك :p

Yamato

02-04-2005, 05:59 PM

افترض أن كل فرد منا استيقظ في الصباح فاكتشف أن طوله أصبح ضعف ما كان عليه فما هي المشكلات التي سنواجهها؟
اولا راح استانس.. يعني على هالطول اللي عندي راح ازداد طولا.. ^^
بس المشاكل بتكون مع لبسي.. وانا اكره لما ملابسي تكون صغيرة علي.. :jap011:

تعامل مع هذه المشكلة:

دخل أحد العاملين في شركة تحتل مبنى ضخما إلى المصعد في الطابق الأول ثم غادره في الطابق العاشر وبعد ذلك صعد إلى الطابق الخامس عشر سيرا على قدميه حتى دخل مكتبه ... وبعد انتهاء العمل استخدم نفس العامل المصعد من الطابق الخامس عشر وغادره في الطابق الأول.

والسؤال... لماذا صعد خمسة أدوار على قدميه وعند وصوله صباحا ولم يفعل ذلك عند مغادرته العمل؟!

اول فكرة انه يمكن مستلف الحبيب والشخص هذا موجود في هالطوابق العشر الاولى.. اضافة الى انه يطلع بعده في الدوام..
ثاني فكرة.. مثل ما قال شتاينر.. الرجال مغازلجي.. والمبنى من الطابق العاشر لمكتبه مليان شيكز.. :jap027:
ثالث فكرة.. شغله ينحصر في هالطوابق (من عشر ل خمسطعش) :jap002:
رابع فكرة.. يمكن المصعد مليان حريم للطابق العاشر فقط.. <<<بلانا كله حريم بس.. كله من شتاينر >.<
خامس شي.. الرجال سريع النسيان.. ينسى انه مكتبه في الخمسطعش.. ويظن انه في العاشر..
سادس شي.. عنده ملفات في الطابق العاشر لازم ياخذهم..
سابع شي.. المصعد يشتغل للعاشر فقط..
ثامن شي.. يسير الطابق العاشر علشان يشوف حرمته اللي تشتغل هناك.. اضافة الى انها تطلع قبله للدوام.. <<< الرجال كسول مثلي..
تاسع شي.. يروح يشربله شاي ولا نسكافه لانه الكافتيريا هناك في الطابق العاشر..
عاشر شي.. طلعنا من المصعد.. :jap048:
حدعش شي.. الرجال منافق.. عنده مصلحة مع شخص في الطابق العاشر.. ويريد يبين له انه انسان رياضي..
ثنعش شي.. في روضة لابناء الموظفين في الطابق العاشر..
ثلاتعش شي.. الرجال مدخن.. والمكان الوحيد اللي مخصص للمدخنين موجود في العاشر.. والمسكين يريد يبطل سجاير.. علشان كذا ياخذها رياضة لمكتبه.. <<< اخرتها بينجلط.. :jap041:
اربعتش شي.. الرجال مهنته فراش.. لازم ينظف الطابق العاشر قبل ما يرجع لمكتبه اللي عبارة عن مطبخ المدير العام..
خمستعش شي.. اخيرا وصل مكتبه...

قسم بالله دربه طويل لين ما يوصل مكتبه.. حشا مب مكتب هذا.. سفرة لليابان ذي.. :jap036:

HIROSHI_11

02-04-2005, 06:01 PM

هلا بـ Mista koo

مشكوور أخوي على المرور وفكرتك سليمة. :biggthump
العفو. حاضرين للطيبين:09:

بالمناسبة انا بنت:08:

باي

هممممممم يمكن عشان الآلة اللي يحطون فيها الكروت حقت الحضور بالدور العاشر بس لما يخلص الدوام ياخذها من الدور الاول <<<<< باختصار ممكن الشركة تكون معوقة

كمشور هيرشي 0_× على الموضوع الحلو

HIROSHI_11

02-04-2005, 06:27 PM

فيه عدة اسباب :

1 يمكن انه مبسبس.
2 او يمكن انه مبسبس.

3 او يمكن انه مبسبس

:D :D :D

لا امزح..

انا اتوقع انه الليله اللي قبلها كان يحلم كيف يطلع مكتبه .. وتذكر انه له موعد مع واحد في الطابق العاشر لانه يبيه في شغله..

بس..

وخلصت القصة..

Regards

مرحبا أخوي

تفكيرك فيه منطقية:09: . ومشكور اخوي على المرور الكريم.:08:

ملاحظة: شنو يعني مبسبس هذي أول مرة اسمعها.:06:

باي

HIROSHI_11

02-04-2005, 06:31 PM

بالغلط ضغط زر الدور العاشر =-= ويوم طلع من المصعد استدرك انه في الدور العاشر ( توه قايم من النوم ^^) و تعاجز ينتظر المصعد فقال وسع صدرك ومغط رجولك :p

loooooooooooooool very funny
هلا بـ sul911

كيفك اخوي؟

ههههه بطنييي حلوة منك.:laughing: ومشكوور على الرد.:biggthump

باي

HIROSHI_11

02-04-2005, 06:48 PM

اولا راح استانس.. يعني على هالطول اللي عندي راح ازداد طولا.. ^^
بس المشاكل بتكون مع لبسي.. وانا اكره لما ملابسي تكون صغيرة علي.. :jap011:
loooooooooooooool

اول فكرة انه يمكن مستلف الحبيب والشخص هذا موجود في هالطوابق العشر الاولى.. اضافة الى انه يطلع بعده في الدوام..
هذي ما فهمتها

ثاني فكرة.. مثل ما قال شتاينر.. الرجال مغازلجي.. والمبنى من الطابق العاشر لمكتبه مليان شيكز..

ما شاء الله على شباب هالأيام ما يفكرون الا في الحسناوات

:jap027:

رابع فكرة.. يمكن المصعد مليان حريم للطابق العاشر فقط.. <<<بلانا كله حريم بس.. كله من شتاينر >.<
يعني هو يخيل (يستحي)

خامس شي.. الرجال سريع النسيان.. ينسى انه مكتبه في الخمسطعش.. ويظن انه في العاشر..

هذا اخبل مب ناسي اكيد هو ما شبع نوم

سادس شي.. عنده ملفات في الطابق العاشر لازم ياخذهم..
وبعدبن ليش كمل بالدرج وما استخدم المصعد؟
سابع شي.. المصعد يشتغل للعاشر فقط..
:33:

حدعش شي.. الرجال منافق.. عنده مصلحة مع شخص في الطابق العاشر.. ويريد يبين له انه انسان رياضي..
:biggthump that's cool i hope that u r like him

ثلاتعش شي.. الرجال مدخن.. والمكان الوحيد اللي مخصص للمدخنين موجود في العاشر.. والمسكين يريد يبطل سجاير.. علشان كذا ياخذها رياضة لمكتبه.. <<< اخرتها بينجلط.. :jap041:
ما شاء الله على الأفكار
اربعتش شي.. الرجال مهنته فراش.. لازم ينظف الطابق العاشر قبل ما يرجع لمكتبه اللي عبارة عن مطبخ المدير العام..

انت يوعان

قسم بالله دربه طويل لين ما يوصل مكتبه.. حشا مب مكتب هذا.. سفرة لليابان ذي.. :jap036:
وليش اليابان مب اي دولة ثانية ياماتو يبيلك تجاوب على اسألتي

عالعموم مشكوور اخوي على الرد. و اشكر كل الأعضاء اللي ردوا في الموضوع.

باي

JOE BUDDEN

02-04-2005, 07:18 PM

مرحبا أخوي

تفكيرك فيه منطقية:09: . ومشكور اخوي على المرور الكريم.:08:

ملاحظة: شنو يعني مبسبس هذي أول مرة اسمعها.:06:

باي

مبسبس يا اختي الكريمة في قاموس اللونق مان ديكشينوري يعني واحد خبل غبي .. مهوي.. رايح في ستين داهية ما يدري وين الله حاطه..

وتصريف الاسم هو البسبسة >>>> اخت البسبوسة ;)

Angel whisper

03-04-2005, 04:19 PM

اممم ما قريت الردود عشان ما اخرب على عمري..

1- ممكن يحب يريض عالصبح!! يعني الخمس طوابق اللي باقيه يكملها مشي على شكل رياضه .. لانه يوم بيرد البيت عقب بيكون تعبان وماله مزاج مشي هالكثر ..

2- يمكن يكون قصير؟ ما توصل يده لزر ال15 .. يعني اعلى شي يوصل للعشره .. وهو نازل طبيعي يضغط على طول عال1 ..

مادري ما اعرف اكثر -.-

شتاينر

03-04-2005, 05:59 PM

ههههههههههههه .. والله الأعضاء عليهم تفكير .. ما خلولي شيء لأضيفه :biggthump

2- يمكن يكون قصير؟ ما توصل يده لزر ال15 .. يعني اعلى شي يوصل للعشره .. وهو نازل طبيعي يضغط على طول عال1 ..

مممممم .. والله صح , ما فكرت فيها أبدا :bigeyes:

Yamato

03-04-2005, 06:08 PM

2- يمكن يكون قصير؟ ما توصل يده لزر ال15 .. يعني اعلى شي يوصل للعشره .. وهو نازل طبيعي يضغط على طول عال1 ..

مادري ما اعرف اكثر -.-

شو هذا..
اصلا الذكاء بزاتو انك ما تجاوب صح.. >.,<

Angel whisper

03-04-2005, 06:23 PM

شو هذا..
اصلا الذكاء بزاتو انك ما تجاوب صح.. >.,<
اشبلاك :boggled: ؟؟

Yamato

03-04-2005, 06:38 PM

ما بلاني شي يا زلمة..

انتي ليش تجاوبين صح.. :ds004:

Angel whisper

03-04-2005, 06:45 PM

انزين اشدراني انها صح :ds007:

اخويه قالي اكتبها :17:

Yamato

03-04-2005, 06:49 PM

انزين اشدراني انها صح :ds007:

اخويه قالي اكتبها :17:

تصيحين هنا كمان.. صدق يوم قالو دموع كروكودايلز.. :ds013:

j/k ^^

Angel whisper

03-04-2005, 07:07 PM

انا ما عندي سالفه مسويه عمري مسكينه واصيح عشان تتغمض عليي..

اليوم باي بيتكم وباكلك .. تعشى زين بس .. *grin*

*طلع الويه الحقيقي*

المهم يلا يا صاحب الموضوع نبغي اسئلة احلى ^_^

HIROSHI_11

04-04-2005, 04:35 PM

مرحبا

Angel Whisper

هلا أختي

مشكورة اختي على الرد والله يعطيكِ العافية. وتفكيرك سليم.:biggthump

بالنسبة للشات الي سويتيه مع Yamato ارجو انه ما يتكرر لأني اعرف نتائجه:o . وفي مرة اعضاء عملوا هالحركه من قبل .......... ما ابي اكمل. انتي فهميها عاد.

ومشكورة مرة اخرى

Ultimate shark

مشكور على التوضيح. ومن متى البسبوسه عندها اخت؟:09: .

New born.:laughing:

Yamato

بدون تعليق:28:

باي

Yamato

05-04-2005, 05:45 AM

ولا تزعلي اختي..

يا ليت حد من المراقبين يحذفون (كل ردودي) في هالموضوع.. مع هالرد ايضا.. ^^

واسفين مجددا..

HIROSHI_11

05-04-2005, 01:28 PM

مرحبا أخوي yamoto

لا داعي للأعتذار ما زعلت ولا شئ بس كنت اريد انبهكم عليها. :09:

ولك مني جزيل الشكر:biggthump

HIROSHI_11

05-04-2005, 01:43 PM

مرحبا، كيفكم؟

هذا هو السؤال الثاني، على فكرة ما في احد رد على السؤال الأول غير Yamato;) والسؤال تجدوه في الإقتباس ارجو منكم التكرم بالرد عليه.:08:

2- اراد رجل ان يذهب إلى المستشفى وكانت لديه سيارة ولكنه اختار ان يذهب بالحمار:biggrin: . لم تظن انه اختار الحمار ولديه سيارة؟:06:

شكرا على الرد مقدماً، واعتذر عن الرد المتأخر:biggrin:

1- افترض أن كل فرد منا استيقظ في الصباح فاكتشف أن طوله أصبح ضعف ما كان عليه فما هي المشكلات التي سنواجهها؟:shock22:

شتاينر

05-04-2005, 08:32 PM

بسبب إزدحام حركة المرور <---------- مش مني , من واحد واقف جنبي :D

HIROSHI_11

06-04-2005, 06:21 PM

مشكوور شتاينر على الرد:reporter:

يللا شباب وين التفاعل:vereymad:

Majid Ali

07-04-2005, 02:27 AM

فيه سؤال:

طيب الحين وشلون نحل الاول ولا الثاني؟!!...بعدين وشو سؤال العامل اللي خطم؟!! هل هو السؤال رقم 1.5 ؟!! :p

اللي فهمته انك تبينا نسوي brain storming والشخص يحط كل الاحتمالات الممكنه....واذا جاء الحل اللي في بالك (لنقول الأصح....مع انه مو شرط الاصح....لان في السؤال رقم 1.5 ( :boggled: ) كثير من الفرضيات ممكنه...ويمكن تطبيقها 100% ) يكون هالشخص هو الفايز!!

هممم موضوع لا بأس به ^_^ راح نشارك....

بالنسبه للسؤال الاول :

المشاكل:
1- راح تكون ملابسك متشققه...وراح تكون فضيحه لو ماكنت متغطي ببطانيه او غطاء وكان اللي قومك من النوم شخص :shock22:
2- راح تحس بجسمك انه غير جذريا عن اول (احساس psyco-physiology) >>> ماراح تكون مرتاح لفتره ليست بالقصيره....
3- اول ماتقف....راح تتلخبط ويمكن تطيح...لانك ماتعودت على الوضعيه الطويله.....يتطلب فتره للتعود....
4- اذا كنت طويل قبل...راح تصقع الجدار بعد الدبل (لانك ماتعودت تطمن راسك)....ويمكن يطلع صعرور او دم (مشكله عاد :31: )...واذا كنت تحت المروحه وكانت شغاله....راح يصلون عليك بكرا...
5- اول ماتقوم.....راح تصاب بحاله هستيريه من الوضع الغريب اللي انت فيه...يحتاج وقت قصير للتكيف (بمجرد رؤية من حولك)...
6- اذا طولك تعدى الحدود....راح تتم حاني ظهرك طول عمرك وانت تمشي في اي مبنى >>> backache
7- مسكك للاشياء (خاصة المتحركه مثل السائل) ماراح تتحكم فيها بصوره جيده الا بعد فتره....
8- العالم راح يتوقف عن الشغل لفتره ليست بالقصيره لان ماعندهم ملابس يطلعون بها....ولان الوضع غريب فيحتاج وقت للتعامل مع المشكله >>>تعطيل لمصالح كثيييييييييره......
9- لو فرضنا انك دبرت لبس ونعال (او طلعت وانت لاف عليك فوطه او اي شي)....وقدرت تطلع....ماراح تقدر تركب السياره بسبب طولك (اذا كان عندك) او على الاقل (اذا كنت بالاصل قصير) ما تقدر تسوقها صح...وراح تصدم من اول دعسه...
10- راح يكون كلامك ركيك وبرضو كتابتك بالقلم.....يحتاج وقت....
11- راح يتطلب الحكومه والعالم تغير ارتفاع المباني وتغيير الخدمات و و و....وفقا لمتوسط الطول الجديد...اعادة هيكلة المخططات....وبالتالي انواع الخساير (على المستوى الفردي والزوجي T_T)...احسب واغلط...
12- الحراميه يقدرون يسرقون بكل بساطه (ينطون و يرقون مع السطح....الخ) خصوصا ان العالم مشغوله بهالحدث الرهيب...

فيه زياده شوي....لكن راح اسوي ستورمنج زياده بكرا اذا قدرت ^^
واحاول برضو اعصف بالثاني....

بالتوفيق ^_^

Da S.O.S

07-04-2005, 11:08 AM

اممممممممممممممممم
ممكن يكون راح بالحمار لأنه سيارته مافيها بنزين..
واللهي هذا الي ببالي حاليا بس مافي غيره
واول ما يجي ببالي شئ ثاني بجي واكتبه هنا^_^
مشكور عزيزي على الموضوع

HIROSHI_11

07-04-2005, 11:13 AM

مرحبا أخوي Majid Ali

هذي مب مسابقة ولا شئ، هي بس للترفيه ومعرفة طريقة تفكير الأعضاء.;)

انا حطيت ثلاثة اسئلة:

1- افترض أن كل فرد منا استيقظ في الصباح فاكتشف أن طوله أصبح ضعف ما كان عليه فما هي المشكلات التي سنواجهها؟ :shock22:

2- حقت العامل :biggrin:

3- حقت السيارة والحمار:09:

ومشكور اخوي على الرد، تسلم.:biggthump

تفكيرك جميل ارجو انك تجاوب على بقية الأسئلة.:08:

بالمناسبة انا بنت:08:

باي

HIROSHI_11

07-04-2005, 11:20 AM

اممممممممممممممممم
ممكن يكون راح بالحمار لأنه سيارته مافيها بنزين..
واللهي هذا الي ببالي حاليا بس مافي غيره
واول ما يجي ببالي شئ ثاني بجي واكتبه هنا^_^
مشكور عزيزي على الموضوع
باي

هلا بـ Da S.O.Sنورت الموضوع بطلتك:08:
مشكور أخوي على الرد:biggthump

انطر ردك الثاني.
باي:biggrin:

Da S.O.S

07-04-2005, 02:38 PM

رجعت D:
بالنسبه للاحتمالات الي قبل
اتوقع لو صحيت ولقيت اني طلت للضعف... مافي ملابس البسها تخش فيني :09:
ما حقدر اركب السياره :09:
بواجه مشاكل عصيبه جدا في الخروج من باب غرفتي :09: او بالاصح مافي طلعه بجلس محبوس بغرفتي للأبد:09:
ثلاث ارباع اهلي بتيجيهم سكتات قلبيه لمن يشوفو الرجل الاخضر صار ببيتهم:09:
====================
بالنسبه للعامل...
اتوقع يبغا ينشط نفسه على الصبح مثلا..
بس هذا الفرض الوحيد الي جا ببالي والله!
====================
ومشكورة على الموضوع ^_^

شتاينر

07-04-2005, 05:48 PM

- افترض أن كل فرد منا استيقظ في الصباح فاكتشف أن طوله أصبح ضعف ما كان عليه فما هيالمشكلات التي سنواجهها؟

1 - بصير أشهر لاعب كرة سلة في العالم و أصبح غني جدا جدا جدا .. نياهاهااااااا :evil:
2 - بدخل موسوعة جينيس للأرقام القياسية :icon6:
3 - بشتري طيارة خاصة بالفلوس اللي جبتها علشان توصلني على عمارتي وأدخل البيت من الشباك :09:
و أشياء كثيرة غيرها :08:

Mista Koo

07-04-2005, 08:59 PM

طيب أول شي لو طلت للضعف
اول شي بشوف اذا في ملابس تكفيني والا ارجع انام
ثانيا باتدرب على المشي الوقوف مسك الأشياء الاكل الخ
ثالثا بح اعيش حياتي طبيعي

الحمار والسيارة
1-يمكن رايح للمستشفى عشان الحمار مريض
2-يمكن عشان مافي مواقف او المواقف بفلوس وهو قعيطي (بخيل)
3-زي ما قال صلوح ما في بنزين ولا خربانة
4-يمكن ما معه رخصة ولا ضيع المفتاح
5-يمكن ماله خلق اشارات او حالته طارئة ما تخليه يستنى الاشارات
6-يمكن عشان مستشغى ممنوع الازعاج ~_^
7-يمكن يحب الناس يطالعونه باستغراب

انجل: سو هذا كلام اخوج اقول هذا مو تفكير بنت البنات دلوخ ^_^

شتاينر: بي رييييل <<< رييل وللا وندوز ميديا بلاير 0_×

HIROSHI_11

07-04-2005, 10:35 PM

HIROSHI_11

07-04-2005, 10:51 PM

أخوي شتاينر

مشكور على الرد.:biggthump بالمناسبة هذي الايجابيات التي بتصير عندما تطول للضعف:biggrin: . انا كنت اقصد المشاكل التي ستواجهك;) . عالعموم فكرة حلوة بعد.:biggrin: لكن ما في احد بيصير اشهر من مايكل جوردان وكريم عبد الجبار>>>>:09: لاعبة سلة:laughing: . عرفت احلامك من هذا الرد.:08:

ومشكور مرة ثانية:biggthump

HIROSHI_11

07-04-2005, 11:10 PM

مرحبا بـ Mista Koo:biggthump

طيب أول شي لو طلت للضعف
اول شي بشوف اذا في ملابس تكفيني والا ارجع انام

شنو هذا :06: يعني انت ما شبعت نوم و علشان الملابس ترجع تنام ما شاء الله عليك>>>>> خخخخخخخخ:laughing: :09:

الحمار والسيارة
-1يمكن رايح للمستشفى عشان الحمار مريض

اذا هو مريض كيف صاحبه يركب عليه يعني احسن له انه يدخل الحمار في السيارة:o ولا شنو رايك:06:

-7 يمكن يحب الناس يطالعونه باستغراب
اول مرة اسمعها :09: يعني الواحد يحاول يتهرب من انظار الناس وهذا يبي يفضح عمره.
شكله هرب من مستشفى المجانين>>>>>> هههههههههه:laughing:

انجل: سو هذا كلام اخوج اقول هذا مو تفكير بنت البنات دلوخ ^_^
مب كلهم لو سمحت يعني انا مب من هالنوع من البنات:o

----------------------------------------

ومشكور أخوي على الرد.:jester:

باي

Lena

08-04-2005, 01:36 AM

هههههههههه

حلو الموضوع

هلا فيك باول موضوع لك هنا حياك الله^______^ سعيده بوجودك

اتخيل اصير ضعف طولي :31: احس اني باصير زي الورق ابنصفط هههههههه

اما الاسئله الثانيه ابدور وقت اروق ارد عليهم@_____@ مزاجي معكنن

شكرا عالموضوع^^

QataR NighTMarE

08-04-2005, 10:57 AM

لول بخصوص السؤال الأول فمابي اطول طولي الحين 180 تقريباً وانا عمري 18 يعني بعدني باقي لي 3 سنين اطول فيها اروح اصير من الحين 180 + 180 = 360 (3 متر و60 سنتيمتر) @__@ وطولي عاجبني فمو قادر اتخيل اني طولي مثل ماهو الحين مرتين >__<
بخصوص اللي راح على الحمار
الظاهر السياره مافيها بترول :D
ويعطيج العافيه على الموضوع

Angel whisper

08-04-2005, 11:12 AM

الحمار والسيارة:
يمكن ريوله his legs تعوره فما يقدر يتحكم بالسيارة على راحته
يمكن يخاف انه ما يلقى موقف لسيارته
يمكن يبغي يعاند اصحاب المستشفى لانه ممنوع يدخلون الحيواانات فيه XD

الطول:
155 + 155 = 310 سم .. واو XD
اولا .. ما بتجرأ اطلع من فراشي .. لانه اساسا ما بتكون عندي ثياب مناسبه لي ..
وحتى شبريتي my bed بتكون صغيرة عليي ..
وطبعا ما بقدر اداوم لانه شكلي بيكون لافت للنظر..
فبشل الستاير وبكمل نوم عالارض .. لعل وعسى اقوم مره ثانيه وشكلي طبيعي XD

HIROSHI_11

08-04-2005, 11:56 AM

Lena

مشكورة أختي على الرد.:biggthump

اما الاسئله الثانيه ابدور وقت اروق ارد عليهم@_____@ مزاجي معكنن

انطر طلتك بفارغ الصبر:08:

شكرا عالموضوع^^

العفو وتسلمي على المرور الكريم:09:

QataR NighTMarE

انت هنا!?!?!:06: هلا بك معنا محمد الكواري والنعم. :biggthump نورت الموضوع.:08:

شرفني حضورك وردك في الموضوع.:D

لول بخصوص السؤال الأول فمابي اطول طولي الحين 180 تقريباً وانا عمري 18 يعني بعدني باقي لي 3 سنين اطول فيها اروح اصير من الحين 180 + 180 = 360 (3 متر و60 سنتيمتر) @__@ وطولي عاجبني فمو قادر اتخيل اني طولي مثل ماهو الحين مرتين >__<

ما شاء الله يعني ما بدك تطول. :shock22: :06:

بخصوص اللي راح على الحمار
الظاهر السياره مافيها بترول
يمكن!!:33:

ويعطيج العافيه على الموضوع

العفو أخوي، ومشكور مرة ثانية على الرد:biggthump

HIROSHI_11

08-04-2005, 12:01 PM

Angel whisper

الحمار والسيارة:

يمكن ريوله his legs تعوره فما يقدر يتحكم بالسيارة على راحته

صح ما فكرت في هذي من قبل!:33:

يمكن يخاف انه ما يلقى موقف لسيارته

:biggthump

يمكن يبغي يعاند اصحاب المستشفى لانه ممنوع يدخلون الحيواانات فيه XD

هذي يمكن وحدة من صفاتك.;) علشان كذي فكرتي فيها صح؟:D العناد. لا تخافي حتى انا احب اعاند. :09:

الطول:

310= 155 + 155 سم .. واو XD

اولا .. ما بتجرأ اطلع من فراشي .. لانه اساسا ما بتكون عندي ثياب مناسبه لي ..

loooooool:laughing:

وحتى شبريتي my bed بتكون صغيرة عليي ..

:D

وطبعا ما بقدر اداوم لانه شكلي بيكون لافت للنظر..

ههههههههههه :jester:

فبشل الستاير وبكمل نوم عالارض .. لعل وعسى اقوم مره ثانيه وشكلي طبيعي XD

راح تكملي النوم. :31: اعتقد ان معظم الأعضاء راح يعملوا كذي. :09:

عالعموم مشكورة اختي على الرد. ويعطيج العافية :biggthump

باي وتسلمو عالمرور جميعكم

ولكم مني اجمل التحيات :08:

اختكم في الله

جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .