المساعد الشخصي الرقمي

مشاهدة النسخة كاملة : شوارع الريـــــــــــاض ..


المخترش
03-04-2005, 11:49 AM
السلام عليكم ...
انا بصراحة احس ان الناس تروح تسوي صيانة لسيارتها بسبب شوارع الرياض الزينة ....


الى متى هالحال .....؟؟؟؟؟؟ اذا جا مطر صار فيه حفر (آبار).....

والضحايا مثلي ومثلكم ..... :boggled: :boggled: :boggled:
الهوفي
03-04-2005, 12:44 PM
وهذا يبغاله تصويت ...

اصلا هم الحين بمشروع تخريب شوارع الرياض تحت اسم مشروع صرف صحي ...
يحفرون الشارع على اساس انهم بيمدون مواسير المجاري وا اخلصوا تعال شف الزفلته كيف صارت ...
يمكن تمشي بردمية احسنلك ...

وانا صرت اتوقع في اي لحظة في وسط الدائري او طريق الملك فهد القى مطبه ...
رياض الخليج
03-04-2005, 02:16 PM
والله زمن
هذي الشوراع الي كانت وش حلاتها صاااااااارت دماااااااااار ورعب
اقسم بالله كنت ناوي اطرح هذا الموضوع لأني طفشت من الي اشوفه
صرت مااحب اطلع برا البيت
الخميس والجمعه احاول اروح ضواحي الرياض

ومشكور أخوي على الموضوع الخطيييييييييير مرة
وأنا راح أحاول احط إضافات الأيام الجايه
game addicted
03-04-2005, 03:33 PM
بصراحة أنا مو من الرياض بس أزورها سنويا وأعيش فيها أحيانا وشوارعها من سئ لأسوأ...ورحت لدول مجاورة ماتقارن ميزانيتها بالسعودية ولقيت إن شوارعهم ماتختلف عنا أبد
بصراحة كلمة دمار شوي عليها وهاذا وهي العاصمة كذا كيف لو شفتوا شوارع المدن الثانية اللي زرتها أنا مثل العلا وتبوك وحائل والجوف و و و :Dالقائمة تطول
أحب السفر لأني :reporter:
وشكرا
والسبب معروف طبعا السرقات والفساد من علي بابا والأربعين حرامي :D

والشعب
سيبوهم نايمين خخخخ:o
انا توي متعشي
03-04-2005, 03:42 PM
السلام عليكم ورحمة الله وبركاته


شكراً اخي على طرح هذا الموضوع الهام

فعلاً شوارع الرياض تحس ان الي مصممها ومزفلتها اكيد له ورش في الصناعيه لانه مصممه ومزفلتها عشان السيارة ماتكمل الفين كيلو اله وفيها خراب بعدين تروح تصلح في احدى ورشه في الصناعيه بعدين تحس انهم يحطون المطب موب عشان يخففون السرعه لا يحطونه عشان تاكله حاطين مطب مثلاُ حاطين مطبين مطب عشان الرايح ومطب عشان الجاي بس يحطون اربع مطبات ليش اكثر الشوارع تجده بهذا الشكل عشان اذا كفشت المطب الاولى والثاني تقول خلاص مافي مطبت مايمديك تزيد سرعتك وتكون قد عديت المدرسه الي محطوط المطب عشانه الى وفيه مطب اكبر من الاولات بعدين شوف مطبات شارع المتنبي وبعض مطابات الموجوده المطب عباره عن بلكة يعني سيارتك تاكل المطب ولازم يحك البدي من تحت والله بعض المطبات عبارة عن بلكة مصنوع على طريقة صبه صغيره

عاد محن متكلمين عن الحفر وله اقدر اقول عن الابيار الموجوده في بعض الطرق السريعه تجي ماشي 120 كلم في طريق هاي ويه وله في خط الدمام فجائه تاكل مطب شوي والسيارة تنقلب فيك من الافضل الى كل صاحب سيارة يحط كيس عشان الركاب اذا مسك خط هاي ويه زي الخطوط السعودية عشان اي واحد تنقلب معدته يكون الكيس عنده :33:


انا اشبه شوارع الرياض بحقل الغام حقول الغام الي تقتل الناس شوارعنا حقول الغام لقتل كل سيارة مره اكلت مطب قسم بالله حسيت ان قلب السيارة طاح :17: حتى وقفت اخاف ان المكينه طاحت وله الشكمان وله عمود الكردان بس الحمدالله مرت سليمة السيارة الي معي موديل 2004 تحسفت جداً اني شريتها مع شوارع زي كذا بصراحه شوارعنا تستهل سيارة موديل 1985 م وافضل انه تكون مصنوعه من الصلب الخالص حتى تستحمل
H.e.a.T.e.R
03-04-2005, 04:35 PM
الله يفشلكم...

الحين تشوفون الشوارع كذا...اسألو انفسكم ليش ؟!!

هذي خطة من الدولة ادامها الله...

الخطة طبعا راح تنتهي خلال 100 عام فقط...عشان اذا احتفلنا بالمئوية الثانية..يقولون وبما اننا الحين كملنا 200 سنة على دولتنا..يالله شوفوا رصيف بقالة ابو صالح الحين كيف صارت(هذا يقولونه البلدية)...وراح تشوفون بعد 100 عام ان اللموزينات يمشون بشوارع لحالهم...يصير شارع مخصص للخصوصي..وشارع للأجرة...
وهذا حقناً لدماء المسلمين.
والصرف الصحي اعزكم الله...راح يكون ذاك اليوم بداية تلصيق المواصير ببعض.

الزبدة اذا الله احيانا واحياكم 100 عام...راح تشوفون شوارع خيالية...ومن زود الخيال احتمال ما نلقى شوارع ذاك اليوم...يخلونه تربات...عشان الي يفحطون ما ياكلون عيش.(خطط تنموية )

على فكرة الي للحين ماراح البطحاء لا يروح...عشان ما يخرب المفاجأة بعد 100 عام
تحيتي
المخترش
03-04-2005, 04:36 PM
الشركات المنفذة لمشاريع شوارع الرياض ... تعبانة بالمره ...
الحفر والدفن لعبتهم ..... المشكلة يحفرون المكان ويدفنون اقل شئ 4 مرات في نفس المكان ...
....

كم ناس غيرت كفرات سياراتها بسبب الحفر .. الي مزينة شوارع الرياض ... :vereymad:
alamid
04-04-2005, 12:49 AM
تبقى شوارِع الرياض،مِنْ أفضل الشوارع في السعودية،إن لم تكُن أفضلها على الإطلاق..

وكما قال الأخ game addicted،من رأى شوارع المُدن الأخرى تهون عليه مصائب شوارع الرياض !!..

فمن ينظُر إلى شوارِع جدة مثلاً،فإنه قد يعتقِد أنَّ السعودية هذه،مِنْ أفقرِ دول العَالم ..!

و ما زاد الطِّين بلة،موضوع "الحفريات" لِإنشاء "مجاري الصرف الصحي" ،والذي قد سبقهُ بِأيامٍ معدودة إنشاء شبكة" تصريف مياه الأمطار"،يعني من كثر الأمطار عندنا؟ :)..
و "من حفرية لحفرية،وياقلب لا تحزن!" ..

على كُلٍّ، يبدو أنَّهُ كما ذكر الأخ H.e.a.T.e.R ،أنَّ هذهِ الأعمال تدخُل ضِمن الخُطط التنموية للدولة وفقها الله،
نسأل الله أنْ يُفرِّج عَنَّا و عن المُسلمين كُل كُربةٍ،إنَّهُ سميعٌ مُجيبُ الدُّعاء ..

شُكراً..
M.C.C
04-04-2005, 01:06 AM
السلام عليكم

طبعاً أنا لا أعيش في الرياض ولا أعرف شوارعها ولكن !

بما أنكم تتحدثون عن الحفر والمطبات .. فلنضحك قليلاً ..:)

في بلد صغيرة كتير .. سكانها على قد حالهم .. كانت حفرة كبيرة بشارع رئيسي ..

احتاروا الإخوان كيف بدنا نحل مشكلة هالحفرة :33: ..

فكروا وفكروا .. اجا واحد وقال : يا عمي احسن حل نجيب سيارة اسعاف ونحجزها جنب الحفرة .. صار شي ما صار شي .. بتكون السيارة جاهزة :31:

صار حادث وقعوا تلاتة بالحفرة .. قالوا لاااااااااا .. الخطة فشلت .. :(

بدنا خطة احسن منها .. قالوا بدنا واحد يفكر منيح ليحللنا مشكلة الحفرة .. نط واحد قال أحسن حل نجيب سيارتين اسعاف :06: .. برضو الخطة فشلت .

صار وقت العقل الكبير .. المختار :biggrin: .. قال يا عمي الحل موجود !!

احسن حل نطمر الحفرة :congrats: :congrats: :congrats: ............




ونحفرها بجنب المستشفى :biggrin: :biggrin: :biggrin: :biggrin: :biggrin:
dungeon
04-04-2005, 08:24 AM
انت في الرياض ومهو مناسبك الحال ؟
عاد وش تقول عن مكة ؟

الأحياء مستحيل تدخلها بماكسيما ولا كامري ... يبيلك جيب لا ند كروز ولا دينه :09:
عند كل شارع فرعي لازم تشوف لوحة " نأسف للأزعاج"
ولا تشوف سفتي من بعيد على طول تعرف انها اعمال حفريات

اذا انتم شوارعكم مكسره وحالتها حاله احنا لساع يبون يسوون البنية التحتية أول شي !!
(يعني خراب فوق خراب) :o :أفكر:

والأخ الى يقول بعد100 سنة ... ما قول غير " انطر يا ******* الين مايجيك الربيع"
Tenshi
04-04-2005, 08:59 AM
انا مب ساكنه في السعوديه http://vickysplace.t35.com/kaoanis/cute_033.gif << داخله عرض http://vickysplace.t35.com/kaoanis/cute_017.gif

بس يوم ررحت هناك لاحظت انه شوارعهم خرابه http://vickysplace.t35.com/kaoanis/cute_018.gif << سوري علي هذه التعبير http://vickysplace.t35.com/kaoanis/cute_031.gif

والمجاري في كل مكان!! http://vickysplace.t35.com/kaoanis/cute_050.gif

لكنها اتم احلي منطقه في السعوديه http://vickysplace.t35.com/kaoanis/cute_036.gif << تشجيع
المخترش
05-04-2005, 10:14 AM
يعني بالعربي الفصيح الحل السليم انهم يسوون ورشة سيارات بجنبها مستشفى عند كل
حفره عشان ان انقلبت السيارة تروح للمستشفى والسيارة في الورشة ... :D
وحتى لو زفلتوها من جديد ...... زفلتتهم ... .. اي كلام يعني لو يجي واحد يفحط .....
والا شوية مطر والا موية من نا مغسلة حوشهم ... راح يجي الشارع ... هبـــــــــــوط :D
او احــــــــــــــفرة .... تأكـــــــل السيارات أكـــــــــــل ....... :D

وفي الاخير لا حياة لمن تنادي ..

:boggled: :boggled: