ركن ATG

[DonMusallam]

السلاااااااااام عليييييييكووووووووووووووووووومم
هههههههههههههههههههههههههههههههههههه

شلونكم؟ شخباركم؟ عساكم بخير؟

من زماااااااااااااااااااااان مو فاتح موضوع فعادي الموضوع هذا شوي يديد من نوعه :)

و أتمنى انه يعجبكم و ان ما يكون مخالف للقوانين -_-' ههههههههههه

الموضوع نظامه اني راح أشوف الألعاب إلي ألعبها لما يكون لي مزاج يعني.. و أطلع عيوبها .. و بنفس الوقت أتكلم عنها... جذي ماكو شغل ههههههههههههههههههههه

و نبلش مع الضحية الأولى
Resident Evil 3
غبار صح ؟ ههههههههههههههههههههه
بس يالله أغلب الألعاب إلي راح أتكلم عنها قديمه

يالله نبلش :


حركة الوحوش إلي تنقز (تطمر = تقفز) من الشباك كل مرة تخوف أكثر كل ما صارت صح ؟!
المعجبين بألعاب الرعب (Survival horror) مثل سلسلة ألعاب "Resident Evil" و "Pokemon Snap" أكيد راح يخافون وهم يلعبون هاللعبة، و مقدار خلايا المخ إلي راح تنتلف بسبة لعب "رزندت إيفل 3" كافية انها تخلي أي واحد ينشل !!

بالرغم من ان "رزدنت إيفل 3" مدتها مو 48 ساعة (الحمدالله)، إلا ان أحداثها ما تمت 24 ساعة قبل أحداث "رزدنت إيفل 2" مثل ما سمعت، يمكن "رزدنت إيفل 4" تتم أحداثها قبل 24 ساعة من هاللعبة ؟ ما يندرا !!

إي عندي اللعبة ! شريتها! هههههههههههههه

إذا وحوش الزومبي ما توصلك، وحوش الزومبي إلي شكلها مختلف شوي راح توصلك!!!

بالرغم من كل الأخبار و الضجة عن رزدنت إيفل 3 ، بديت ألعب و انا مقتنع ان اللعبة "ما تخوف وايد" ، كل هذا تغير بعد 3 ثواني من شغلتها لما شفت شغله حددددددددها تخرع!! حيل حيل يخرع! انا..... انا!!..... الكلمات ما توصف شعوري!!! ما تقدر توصف مدى خوفي! طاحت اليدة من إيدي! و إيدي الثانية إلي ترجف شلت فيها سجين مطبخ قديمة مصدية و زلغت يبهتي!! و حدي مقتنع ان إلي شفته كان من أعمال ابليس نفسه!! و أخيراً، شعار كابكوم اختفى واسترديت طاقة كافية انها تخليني أبلش ألعب بعد مرة، واهني بلش الرعب الحقيقي!!!

في "رزدنت إيفل 3" تتحكم بشخصية "جيل فالنتاين" إلي موجودة في الجزء الأول، واللي لازم تنحاش من "راكون سيتي" المشهورة! و هالشي ماكان سهل بسبت وحوش الزومبي إلي يخرعونك عن طريق انهم يطيحون من الشباك ولا الباب ولا أي شي ثاني ينحط عالطوفة (و لا تنسون ان راكون سيتي تتكون من 50 ميل من الممرات و الجدران و الألغاز "الخفيفة"). بدا لي (يا انا عالتعبير!! هههههههه) ان الهروب من راكون سيتي راح يكون حده صعب بدون ال 50 ألف زومبي إلي حاطينلي ياهم. و عشان يخربون السالفة عدل، في واحد ضخم ينقاله "نيمسس" يركض وراكم و يطقكم!! جيل لازم تنحاش منه كل ما طلع ولا ترا يذبحها بحركته "سووووبر بوكس!!"، أهو يطلع في مرات عديدة خلال اللعبة، طبعاً "عديدة" أقصد فيها مثل لو أبي أقول ان خسائر الأرواح في كل الحروب العالمية كانت "عديدة"! يطلعلك كل 5 ثواني!! و لما يوصل تطلع موسيقة رعب و توتر و مادري شنو جنهم يقولون "شوفوا!!! النمسس!! هالشي يخوف!!" مادري شكانوا يفكرون فيه لما سوو هالحركة.

أنا أعتقد ان أكبر "نمسس" باللعبة، هو "كل شي نقدر نوصفه انه يديد ماكان موجود بالأجزاء القديمة" ، يعني لو نبي نشوف غير "نمسس" كل الوحوش الموجودة في رزدنت إيفل الثالث نفس وحوش الزومبي القديمة بس معدلين أشكالهم شوي،نفس الوحوش نفسهم ، الشي الوحيد إلي شفت نفسي قاعد أتعارك معاه باللعبة كان "الملل"

في سلاح واحد يديد باللعبة، يطلق مقذوفات متفجرة تطفر الوحوش إلي موجودة في المكان، يزعجهم! هالسلاح تقدرون تعرفونه من مميزاته إلي إهي "ما منه فايدة كلش" و "شكله إلي مادري شلون صاير و مصنوع من بلاستك" ، و أعتقد في جم إضافة يديدة عاللعبة بعد ، بس هذي تظمنت شغل و تعب من كابكوم! الخلفيات صارت شوي هاي رزولوشن، و جيل صار شكلها جنها كورية، كان في خريطة نقدر نسويلها زوم! واللي ما كان منه أي فايدة بالنسبة لي، و في نظام "الذخيرة" اليديد! واللي فيه تقدر تسوي الذخيرة الخاصة فيك! كانت هذي إضافة عجيبة و حيل ونستني لأني شفت شلون بدلوا النظام القديم إلي تلقا فيه الذخيرة مصنوعة خالصة و محذفة بالشوارع بنظام يديد واقعي حده إلي يخليك تصنع ذخيرتك عن طريق خلط المكان إلي بالمسدس إلي يسوي Reload مع Gun Powder A !!! و ألحين كل إلي أحتاجة مسدس و خريطة لمكاتب كابكوم! فشلتونا!!!

و أحب أطمن كل إلي تقدموا لمقابلة عشان يصيرون "ممثلين صوت" حق الأنميات ولا الكارتونز ولا الثريدي أنيميشن ولا الألعاب، و ما انجحوا! ترا في لكم مكان في كابكوم! صدقوا أو لا تصدقوا! رزدنت إيفل 3 تخطت خط ال "أسوء صوت" إلي كانت حققتها لعبة رزدنت إيفل 1 ! و سالفت ان في ناس اقبضوا فلوس على هالشي مو زينة اقتصادياً! و خاصةً إلي كانت تتغير لهجتهم بنص الجملة! مرة ألماني مرة مكسيكي مرة نرويجي! شوي شوي شنو شالسالفة!؟ و السيناريو نفسه مادري شلون... شوفوا هذي أحد أفضل الجمل :

جيل شافت واحد مأكول نص صدره جان تقول :

Jill : Is someone wounded back there


رزدنت إيفل الثالث كان المفروض تصير أحداثه في "قرية في غرب الولايات المتحدة"، بس شكله بالياباني "قرية" معناها جم ممر يفصلهم بعد كل 10 أقدام باب ، كل مبنى تدخله في راكون سيتي لازم تدخل من باب موجود في ممر! و مخشوش! سواء كان محل ولا مستشفى ولا إلي أهو ، و راح تلاقي الكثير من "الطريق مسدود بسيارة قاعدة تحترق" أبي أفهم شلون الزومبي يحرقونها!!! ولا إذا فكرة ثانية طوفة محطوطة بالنص عالية مالها أي موقع من الإعراب، بس انها ما تخليك تمر، طبعاً ما تقدر تمر من فوق حاجز ارتفاعه أقل من متر لأسباب غير معروفة.

و بعد لاحظة ان فيه وايد ألغاز "خفيفة" في اللعبة واللي كانت فكرة حلوة حيل، أخيراً كابكوم انتبهت ان محد يلعب هاللعبة عشان وحوش الزومبي ولا الرسوم الدموية إلي فيها، ولا العنف إلي فيها! لكن الكل يلعبها عشان يبون يحلون ألغاز "خفيفة" .. بس مو وايد، بس 15437 ألغاز موجودة في محطات البانزين، مستشفيات و غيرها من الأماكن إلي تتوقع تلاقي فيها ألغاز، مادري شنو التفسير الصحيح حق هالشي لكن إذا سألتوني، الموضوع كله يبط الجبد، يمكن واحد من إلي يسوون المراحل كان يموت بشي اسمه ألغاز ؟ أو يمكن المعدات الطبية باليابان و محطات البانزين و معدات المنزل تحتاج ان يحلون ألغاز متكررة ؟ أنا أقووووووووووووول شفيه الفيديو ليلحين يسوي فلاش كل شوي حق : 12:00

أوكي جذي أكون خلصت قرقة

سلاااااام :reporter:

[Tidus]

الله احماااااد ذا قريت كورنير @@ شغل عدل

ههههههههههههههه حلوه سوالفك, بس ما عرفت لك بالبدايه عبالي تمدح اللعبه تقول عنها تخوف... لكن اتضحت الصوره بعدين XD

بس ليش مختار لعبه قديمه ؟ :06: ريزيدينت ايفل 3 فاشله بمعنى الكلمه, جربت تلعب زيرو ؟ اللي على القيم كيوب, بترجع تعشق كابكوم من جديد لان :08: حسستني اني العب شي مثل روعة الجزء الثاني ^^


و ألحين كل إلي أحتاجة مسدس و خريطة لمكاتب كابكوم! فشلتونا!!!
ههههههههههههههه حنوه!

احس بزيرو انهم غيرو طاقم العمل كله, فاتوقع الطاقم القديم ان قبلك اللي اخذو كلاشات و ترصدوهم عالاقمار الصناعيه و اقصفوهم قصف :jester:

الحين ما نقدر حنا نشارك بألعابنا بعد ؟ :08:

[DonMusallam]

عادي الكورنر مفتوح للكل هههههههههههههههههههههههه

بس شسمه... انا ما أكره كابكوم بس حبيت أقرصهم شوي ههههههههههههههههههه

و زيرو قمة :)

و نسيت أقولك!
نورت الكورنر هههههههههههههههههههههههههههههه

يالله سلام

[Yamato]

ليه يا فتى.. رزيدنت ايفل 3 كانت بالنسبة لي قمة في الرعب لدرجة اني ما لعبتها وخليت اخوي يلعبها... وانا جالس جنبه كمرشد روحاني فقط..

النمسس اقول عنه اعظم وحش يخوف.... :jap053:
ترا هاللعبة كانت اول لعبة رعب اشوفها يمكن.. >.<

وويلكم باك يا فتى الالعاب الجديمة.. ^^

[DonMusallam]

الناس أذواق :)

بس انا ماكانت عاجبتني... و بالنسبة لألعاب الرعب انا أرشح سايلنت هيل صراحة لأن صج كنت أقعد على أعصابي لما ألعب، و أكثر شي مخيف فيها كان المؤثرات الصوتيه و الظلمة ههههههههههههه..

و مشكور عالرد..

(على فكرة، خوش توقيع XD)

سلام :)

[Mr.Death xD]

موضوع منطقي ودي اعلق على اشياء كثيره لكن الوقت مايسمح لي..بس حبيت اذكر لغز الي ماادري شلون صار..
الي هو تجمع قطع شطرنج عشان تفتح باب..وكل قطعه تلقاها بعد مليون ميل.. ودي اعرف الي صنعوا ذا الباب ليه سووه كذا اصلا :jap005: ؟

موضوع قميل قدا :jap004:

[DonMusallam]

السلاااااااااااااااام عليييييكووووووووووووم
ههههههههههههههههههههههههه

مشكور على ردك اخوي :)

بالنسبة للي سوو الباب... تقدر تقول انهم يحبون يتفننون بعذاب الزبون هههههههههههه

و يالله بضيف الضحية الثانية

مقدمة :
WWF Attitude هي أول لعبة مصارعة لجهاز الدريم كاست إلي حققت للمعجبين كل أحلامهم! تحكم صعب و لعب ممل و أصوات من أسوء ما يمكن و رسم مصارعين باااااايخ و حركات كومبو مستحيلة إلي كل ما حاولت تسويهم يحوشك تشنج بالمخ.

المنتج Acclaim
الجهاز Dreamcast | Sony Playstation

الشغل :

يمكن أكلايم تراهنوا على شغلة واخسروا... ولا متوهقين بشغلة... و مخهم مو وياهم.. أو انهم انعموا لما كانوا يشتغلون على هاللعبة لأنهم ما سمعوا كلام أمهاتهم لما قالوا لهم "قعدوا بعيد عن التلفزيون لا تلصقون"، ماني قادر أفكر بأي سبب ثاني يخلي مصيبة مثل هاللعبة تكون موجودة .

أوكي انا أعترف اني مو من محبين المصارعة لا كلعبة ولا اني أطالع، أغلب مباريات المصارعة إلي شفتها كانت ولا شي غير انهم يعرضون لقطات فيها مبالغة درامية عن رجال ضخمين بيض بالحلبة و "مديرينهم" واقفين برة الحلبة يصارخون و يتمون واقفين لين إييهم كرسي على راسهم، البكسات و الرفسات إلي يسوونها تكون على بعد 15 قدم من المصارع الثاني و هم يتعور و يطيح و يصارخ و مادري شنو! لا و عضلاتهم الواحد يقدر يوصلهم لو سوا رجيم !

في شغلات حلوة بالمصارعة بشكل عام بعد... يعني... اثنين يسوون نفسهم قاعد يكوفنون بعض.. جدام ملايين من الناس، بعضهم يلبسون أزياء هالووين... شغلات جذي.

موضوع اللعبة بسيط ، و هو : اختار واحد أبيض من الوزن الثقيل، اختار واحد ثاني عشان تكون ضده، دش الحلبة، قط نفسك عالأرض كل شوي لين تخلص طاقتك و تخسر. مع بساطته إلا انه صعب! روتين اللعبة كالتالي :

1 - موسيقى تلوع الجبد و المصارعين يقدمون نفسهم جنهم مرضى نفسيين و يدشون الحلبة.
2 - المصارعين يصارخون و يسبون بعض بدون لا يحركون حلوجهم!
3 - طق الجرس! بدا الشوط!
4 - اللاعب إلي يتحكم فيه الكمبيوتر يكفخك بضربات مصيبة! الله لا يوريك! و بعدها بمدة راح تعرف شلون ترفس!
5 - المعلقين يقعدون يقرقون و تحس من كلامهم انهم مو صاحين ، يتمون جذي لين يا تخسر يا تجن! و بعدين و أخيراً راح تعرف الكومبو بو 10 دقم إلي يخليك تصد الضربة (مو دايماً)
6 - ترجع اللعبة حق المحل إلي شريته منه، و يقولونلك دام انك شريت هاللعبة، إذا بتبدلها أكيد خربانة، نعطيك نسخة ثانية، و يقولولك ماكو شي اسمه "ماعجبتني"
7 - تهديدات بالقتل تصل لشركة أكلايم و مدير المحل إلي شريت منه اللعبة
8 - تنسجن لفترة قصيرة من الزمن، و لما تكون بالسجن، راح تلاقي نفسك مجبر انك تسوي الشغلات إلي كانت تصير في اللعبة.

رسوم المصارعين من أبيخ ما يمكن، و غير واقعية، من أبيخ الشغلات إلي شفتها. الوجوه لها جلد تحس راسمينه ببرنامج الرسام مال الوندوز واللي راسمه عمره 8 سنين، ساعات تقدر تلعب لعبة إضافية اسمها "احزر المصارع"! لازم تعرف المصارع من بين قطع من الأثاث! مرة كنت قاعد ألعب واخترت واحد و قلت "هذا برت هارت" جان يرد علي و يقول "آسف، هذا الكرسي"، قتلكم شلون رسوم الجمهور و حركاته مأساة ؟ الجمهور عبارة عن 5 أشخاص و مسوينلهم كوبي بيست! لا و 2 منهم جنهم يقولون "باي باي".

شكلهم ماكانوا قادرين يحصلون غرفة تكفي إلي يمثل الصوت والمسجلة بمكان واحد، لأن الصوت شكله بعييييييد جنك حاط مسجلة بالغرفة واللي يتكلم قاعد داخل الكبت! و تقدرون تسوون نفس المؤثرات الصوتية لو قعدتوا بالصالة و طقيتوا على أي شي... يعني مثلاً طقوا عالطاولة و قولوا "آوتش" ولا "أووف" و يطلع معاكم الصوت!

ممم..شنو نسيت شنو نسيت..

إي!

نظام التصادم باللعبة مادري منو مسويه! ساعات إيد المصارع تدش بويه المصارع الثاني و تطلع من الصوب الثاني... ولا ريله تنزل تحت الحلبه بالغلط... تدش بالأرضية... مادري شالسالفة، والمصارعين بطيئين لأبعد الحدود، لا و ساعات ما يسوون الشي إلي تطق دقمته، التحكم داهية بروحه، غير الكومبوات المستحيلة مثل ما قلنا من قبل إلي لازم تسويها عشان تطق أبسط ضربه!

ما أنصح أحد يشتريها... تبون شي مثلها لا و أحسن بعد ؟ اقعد انت و صاحبك لعبوا جنجفة لين واحد فيكم يفوز.. و خلوا واحد ثالث يدوخكم و يستعبط طول اللعب!

ممممم

جني كسرت فيهم وايد؟ هههههههههههههههههه!!!
يستاهلون!

هههههههه


سلام :)

[~ SoKo ~]

شـــكـــرا AhmedTheGreat على الموضوع .. فكرة حلوة .. :wink:
السلاااااااااااااااام عليييييكووووووووووووم
ههههههههههههههههههههههههه

مشكور على ردك اخوي :)

بالنسبة للي سوو الباب... تقدر تقول انهم يحبون يتفننون بعذاب الزبون هههههههههههه

و يالله بضيف الضحية الثانية

مقدمة :
WWF Attitude هي أول لعبة مصارعة لجهاز الدريم كاست إلي حققت للمعجبين كل أحلامهم! تحكم صعب و لعب ممل و أصوات من أسوء ما يمكن و رسم مصارعين باااااايخ و حركات كومبو مستحيلة إلي كل ما حاولت تسويهم يحوشك تشنج بالمخ.

المنتج Acclaim
الجهاز Dreamcast | Sony Playstation

الشغل :

يمكن أكلايم تراهنوا على شغلة واخسروا... ولا متوهقين بشغلة... و مخهم مو وياهم.. أو انهم انعموا لما كانوا يشتغلون على هاللعبة لأنهم ما سمعوا كلام أمهاتهم لما قالوا لهم "قعدوا بعيد عن التلفزيون لا تلصقون"، ماني قادر أفكر بأي سبب ثاني يخلي مصيبة مثل هاللعبة تكون موجودة .

أوكي انا أعترف اني مو من محبين المصارعة لا كلعبة ولا اني أطالع، أغلب مباريات المصارعة إلي شفتها كانت ولا شي غير انهم يعرضون لقطات فيها مبالغة درامية عن رجال ضخمين بيض بالحلبة و "مديرينهم" واقفين برة الحلبة يصارخون و يتمون واقفين لين إييهم كرسي على راسهم، البكسات و الرفسات إلي يسوونها تكون على بعد 15 قدم من المصارع الثاني و هم يتعور و يطيح و يصارخ و مادري شنو! لا و عضلاتهم الواحد يقدر يوصلهم لو سوا رجيم !

في شغلات حلوة بالمصارعة بشكل عام بعد... يعني... اثنين يسوون نفسهم قاعد يكوفنون بعض.. جدام ملايين من الناس، بعضهم يلبسون أزياء هالووين... شغلات جذي.

موضوع اللعبة بسيط ، و هو : اختار واحد أبيض من الوزن الثقيل، اختار واحد ثاني عشان تكون ضده، دش الحلبة، قط نفسك عالأرض كل شوي لين تخلص طاقتك و تخسر. مع بساطته إلا انه صعب! روتين اللعبة كالتالي :

1 - موسيقى تلوع الجبد و المصارعين يقدمون نفسهم جنهم مرضى نفسيين و يدشون الحلبة.
2 - المصارعين يصارخون و يسبون بعض بدون لا يحركون حلوجهم!
3 - طق الجرس! بدا الشوط!
4 - اللاعب إلي يتحكم فيه الكمبيوتر يكفخك بضربات مصيبة! الله لا يوريك! و بعدها بمدة راح تعرف شلون ترفس!
5 - المعلقين يقعدون يقرقون و تحس من كلامهم انهم مو صاحين ، يتمون جذي لين يا تخسر يا تجن! و بعدين و أخيراً راح تعرف الكومبو بو 10 دقم إلي يخليك تصد الضربة (مو دايماً)
6 - ترجع اللعبة حق المحل إلي شريته منه، و يقولونلك دام انك شريت هاللعبة، إذا بتبدلها أكيد خربانة، نعطيك نسخة ثانية، و يقولولك ماكو شي اسمه "ماعجبتني"
7 - تهديدات بالقتل تصل لشركة أكلايم و مدير المحل إلي شريت منه اللعبة
8 - تنسجن لفترة قصيرة من الزمن، و لما تكون بالسجن، راح تلاقي نفسك مجبر انك تسوي الشغلات إلي كانت تصير في اللعبة.

رسوم المصارعين من أبيخ ما يمكن، و غير واقعية، من أبيخ الشغلات إلي شفتها. الوجوه لها جلد تحس راسمينه ببرنامج الرسام مال الوندوز واللي راسمه عمره 8 سنين، ساعات تقدر تلعب لعبة إضافية اسمها "احزر المصارع"! لازم تعرف المصارع من بين قطع من الأثاث! مرة كنت قاعد ألعب واخترت واحد و قلت "هذا برت هارت" جان يرد علي و يقول "آسف، هذا الكرسي"، قتلكم شلون رسوم الجمهور و حركاته مأساة ؟ الجمهور عبارة عن 5 أشخاص و مسوينلهم كوبي بيست! لا و 2 منهم جنهم يقولون "باي باي".

شكلهم ماكانوا قادرين يحصلون غرفة تكفي إلي يمثل الصوت والمسجلة بمكان واحد، لأن الصوت شكله بعييييييد جنك حاط مسجلة بالغرفة واللي يتكلم قاعد داخل الكبت! و تقدرون تسوون نفس المؤثرات الصوتية لو قعدتوا بالصالة و طقيتوا على أي شي... يعني مثلاً طقوا عالطاولة و قولوا "آوتش" ولا "أووف" و يطلع معاكم الصوت!

ممم..شنو نسيت شنو نسيت..

إي!

نظام التصادم باللعبة مادري منو مسويه! ساعات إيد المصارع تدش بويه المصارع الثاني و تطلع من الصوب الثاني... ولا ريله تنزل تحت الحلبه بالغلط... تدش بالأرضية... مادري شالسالفة، والمصارعين بطيئين لأبعد الحدود، لا و ساعات ما يسوون الشي إلي تطق دقمته، التحكم داهية بروحه، غير الكومبوات المستحيلة مثل ما قلنا من قبل إلي لازم تسويها عشان تطق أبسط ضربه!

ما أنصح أحد يشتريها... تبون شي مثلها لا و أحسن بعد ؟ اقعد انت و صاحبك لعبوا جنجفة لين واحد فيكم يفوز.. و خلوا واحد ثالث يدوخكم و يستعبط طول اللعب!

ممممم

جني كسرت فيهم وايد؟ هههههههههههههههههه!!!
يستاهلون!

هههههههه


سلام :) ماتحس اخوي شوي ظلمت اللعبة .. يعني هذي اللعبة كانت :arms:
أحلى لعبة مصارعة هذاك الوقت لأنه ماكان في شريط مصارعة
مثل ما نشوف الحين .. الين ما جت سماك داون و قضت عليها .. :chairshot
مثلا تخيل اخوي ما اخترعو البليستيشن و بعدنا في أيام السيجا .. الالعاب بتكون
بالنسبة لنا أفضل ما يكون .. :laugh2:
بالعكس أخوي مب صعبة لاكن لو تحب المصارعة بتكون اللعبة حلوة و سهلة :naughty:

[DonMusallam]

انا صراحة لعبت اللعبة ههههههههههههههههههه

و تميت ألعبها مدة مع اخوي و عيال عمامي و جذي لكن -_-

انا أساساً ماحب المصارعة و هاللعبة انا معاك انها كانت أحسن لعبة مصارعة... لكن تضل بالنسبة لي لعبة فاشلة هههههههههههههههههههه

مشكور على ردك :)

[شتاينر]

انا رح أعلق على ريزيدنت إيفل , أنا أعتبرها من أروع الألعاب اللي لعبتها طول حياتي .. ما كانت تخوفني كثير بس كمغامرة كانت تجنن , متذكر أول موقف خوفني فعلا بهاللعبة لما تكون بالقصر وتنزل الدرج وفجأة ... يطلع النمسيس ويكسر الزجاج قدامي :shock22:
أنا صرخت ( نوووووووووووووووووووووو ) وصرت أهرب مثل الأهبل :boggled: :09:
بس الصراحة لعبة لا تتكرر
وشكرا على الموضوع :reporter:

[Majid Ali]

موضوع كذا :biggthump


انا ماحب المصارعه خير شر :vereymad: لذلك ما راح اعلق عليها :31:

رزدنت لعبه قمه الى جانب فاينل وميتل بالنسبه لي.......لكن ليش اخترت اسوأ جزء XD (برايي الأسوا ><) هو حلو لكن سهل لدرجة اني خلصته 10 مرات....اذكر اني حطمت الارقام القياسيه بتختيمها باسرع وقت....لاني عسكرت عليه كم اسبوع :icon6:
(((1:43:27))) :09: (والله اني اذكره للحين ^^ لاني كنت وقتها فرح جدااااااا :08: )

بصراحه هالجزء امتاز بانه يخلي الواحد ينز (ينز = يفزع فقط مو يرتعب) لان الرعب مو من خصوصيات رزدنت ايفل ابدا....الا اللهم في الجزء الاول (دايركتورز كت) كانت فيه بعض لمحات الرعب.....لان الرعب مملوك لسايلنت هيل وفاتال فريم برايي ^_^

بالعكس كان رزدنت متعه بدون رعب بالنسبه لي ^^

مميزات اخرى في هالجزء.....انه كان فيه نهايات عديده...في خاصية دمج المحاليل لصنع ذخيره....الألغاز كانت احسن من الاجزاء السابقه لها...


افضل جزء مر علي بالسلسله هو رزدنت ايفل كود فيرونيكا...لان القصه والبيئه كانت محبوكه في نظري وحلوه (اه يا ايام الكاست :17: )...ياتي بعده...الجزء الاول الريميك على الكيوب ومعاه زيرو........وانشالله قريبا راح نلعب الرابع ^^



موضوع حلو احمد :reporter:

[DonMusallam]

سلااااموووو علييييكووووم
أخ شتاينر مشكور على ردك :)

و أخ ماجد انا اخترت هالجزء لأنه أسوء جزء بالنسبة لي ههههههههههه

و صراحة انا أكثر جزء استمتعت فيه كان الثاني ^^

و أحب أوضح نقطة... هالموضوع عبارة عن عرض وجهة نظري بأسلوبي و نقدي... يعني لحد يعصب و جذي ههههههههههههه

[DonMusallam]

سلاااامووو عليييكووم..

يالله بضيف الضحية الجديدة..

و هي لعبة Jet Li على ال Playstation 2 ..


قبل ما تبدأ اللعبة، في تعليم قصير يبدأ و بكل سعادة و حماس يعلمك على التحكم، و الله لا يوريكم التحكم !! إذا ماعجبتكم لعبة Kabuki Warriors واعتبرتوها لعبة بايخة بكل المقاييس لأنها ما معاها إلا زر واحد لل Attack، فانتوا ما شفتوا شي ليلحين! في هاللعبة ماكو ولا زر تستخدمه!!! لا لل Attack ولا غيره!!!!! ترا صج!! مو طنازة!!! كل إلي تسويه انك تحرك الأنالوج ستيك إلي عاليسار عشان تمشي، واللي عاليمين توديها بالاتجاه إلي تبي جت لي يطق فيه... و هو يختار إذا يبي بوكس، طراق ولا رفسة مالت بنت بالباليه، نظام التحكم هذا... إلي يعتمد على عصاة تحكم للحركة و عصاة تحكم للضرب.. مع شوي من الأزرة إلي فوق (L1 L2 R1 R2) مصيبة حلت علينا...

يبلش الديمو بتصوير فيه واحد قاعد يتجادل مع مديره، أعتقد على الطريقة إلي يشغلون فيها مكينة الملك شيك، بالوقت إلي قاعدين يصارخون على بعض واحد حمار لابس نظارات شمسية بدخل المطعم و يذبحله اثنين امتان لابسين بدلة رسمية. بعدين يقوم البطل جت لي! خايف على سلامة باجي الامتان إلي لابسين بدل رسمية يصرخ على واحد يمه و يقوله "ود الرئيس جانغ للسفينة!!" و بعدين يركض و يخلي الرجال بروحه جذي حتى ما يعطيه مجال يقوله انه ما عنده سفينة!! و هذا الحمار إلي عنده مسدسات إلي مادري ليش قرر ان يذبح اثنين و يوقف بمكانه ما يسوي شي ولا يقول شي لدقيقة جذي ، و عصب لما جت لي بكل بطولية شات كرسي عليه و يتم الكرسي طايرله عالبطيء و ذاك مادري ليلحين منصدم مو راضي يتحرك بعدين الكرسي يطقه شوي شوي على ريله، بعدين في ثلاث رجال من العصابة يتكونون (إي مو إدشون ولا إيون من مكان... فجأة جذي يتكونون يم الباب) لا و فوق هذا... الحمار بو مسدسات اختفه بعد بنفس اللحظة! ما شاء الله! بعدين جت لي يتجهز انه يتهاوش معاهم!!

الشي الوحيد الممتع باللعبة هو البيئة إلي يصير فيها كل شي، يعني تقدر تحذف كراسي ولا تمسك واحد و تطق راسه بالطوفة ولا بطاولة، قضوا وقت طويل و هم يطورون بهالميزة مع انه كان المفروض يستخدمون شوي من هالوقت عشان يضيفون ميزة "استخدام أزرة التحكم" للعبة، الزر الوحيد إلي راح تحتاج تستخدمه هو زر R1، لأن لو مسكته يخليك خلاص محد يقدر يطقك بولا نوع سواء كان martial arts ولا مسدس، تلقاه يوخر عن كل الضربات، لا و تقدر تنفذ الكثير من الضربات وانت ضاغط هالزر بعد، تقدر تمسك العدو، و تحذفه على إلي موجودين جدامك و هالشي راح يخلي كل الموجودين على قطر 10 أقدام يرفعون إيدهم و يطيحون عالأرض حتى لو ما حاشهم، أو إذا كنت تفضل يعني، تقدر بس اتم ماسك صديقك الجديد طول ما تبي محد راح إقرب منك، إذا تميت ضاغط هالزر راح تلقى انه محد يقدر يطقك من بعيد و لما يقربون منك تمسكهم و تكفخهم و بعدين يطيحون و إيون غيرهم و جذي، تقدر تضمن ان محد يجيسك! و إذا حاولت انك تلكم أو ترفس، راح تلاحظ انه تدرب في مدرسة (لا تحوشهم)!! أو يمكن مصارعة المحترفين، لأن الأعداء يطيحون و تنقص طاقتهم بمجرد انك تطق حتى لو ما عليهم، يمهم ، لا و مسافة كبيرة بعد.

بعد ما تحارب وحشين فرعيين، واحد يدش عليك بالمطعم بالسيكل و يكسر الجامة بدون سبب والثاني متين و جنه بيضة يهاجمك بممر، توصل للمرحلة الثانية من الديمو، مرحلة النحشة! هالمرحلة تصعب التحكم أكثر بعد، راح تستخدم عصاة تحكم وحدة بس!!!! بعد زر واحد! لما جت لي يدش الغرفة الثانية (مادري ليش يستكشف المطعم بدال لا يطلع) إييك الحمار إلي أول شي و يطلق عليك من مسدسين و يضحك بهستيريا، لكن لحسن الحظ، الأخ اللطيف شكله كتفه يعوره أو شي لأن ما يقدر يلف إيده بسرعة أكثر من درجة وحدة بالثانية، و هالشي يتسبب انه مستكشف المطاعم إلي ما يخاف جت لي عنده وقت وايد على ما يركض حوالين الغرفة و يصبق الطلقات، مع انه يوقف كل شوي عشان تضغط R1 و تصعد فوق الطاولات و جذي. لما توصل للجهة الثانية تخلص طلقات صاحبنا (بعد ما طلق أكثر من 20 ألف طلقة) و بعدين يعصب و يصارخ و يطلع من الغرفة.

و بعدين عقب ما تكفخ شيف معصب و تنقز من جامة ما تنكسر من الرصاص (بس لما نط عليها انكسرت و طلع) تلقه نفسك في المرحلة الثالثة و الأخيرة من الديمو، مرحلة التصويب! هذي المرحلة ما تبط الجبد كثر إلي قبلها، لأنها تردلك خاصية التحكم بعصاتين التحكم و زر واحد، و ما تحتاج اي استراتيجية! لأن إلي ضدك نادر ما يحوشونك و انت عندك طلقات ما تخلص.. تقدر بس تتوحد فيهم و تطلق بعدة اتجاهات لين يموتون كلهم، و لما توصل نهاية الممر... تقط مسدساتك (مادري ليش) بعدين تشوف "الحمار" قاعد يتسلق... بعدين تلاحظ انه نص يتسلق و نص طاير بعدين انت تطير وراه و تطلع لقطة تصويرية تشوف فيها الحمار يوصل لتوأمه الشرير!!!!! يخلص الديمو..

تعليقي عاللعبة؟ ويع!!! هههههههههههههههه

[DonMusallam]

السلام عليكم..

راح أضيف رايي بمعظم ألعاب 2004... يعني..
لأنها أسوء سنة من ناحية الألعاب.. احم...

أدري بتحذفوني مو بطماط...بتحذفوني بكرتون الطمام نفسه... بس كيييييفييييييييييي!! هههههههههههههههه


يالله نبلش :


Half Life - 2
تم تأجيلها الكثييييييييييييير من المرات.. واحنا ننطر... و عبالنا ان قاعد يضبطولنا اللعبة، لكن سبب التأخير كان إضافات Installation شكله حلو شوي، نظام Serial Number جديد من السهل الحصول على كراك له، و شالوا جم شغلة عشان بعدين ينزلونها ك patch files و Updates للعبة عشان يقولون احنا نهتم فيكم! هاف لايف 2 كانت تحتوي على رسوم قوية جدّاً منخشة بين أوقات لودينج فضيعة طويلة جدّاً و الكثير من ألغاز تعتمد على ترتيب جم كرتون! و لما ما تكون قاعد تحذف كراتين ولا قاعد تسوق دبابة فيها بنجر!! تكون اللعبة حلوة شوي.. فعشان جذي أعطيها جائزة أفضل أبيخ لعبة من ألعاب 2004.

Doom 3
اللعبة كانت عبارة عن ظلاااااااام داااااامس و ظل وحوش و زومبيز في كل مكان، شركة ID سوت حركة محد سواها من قبل!! ضافت وجوه أطفال للوحوش إلي تعتبر من نوع العنكبوت عشان تخلينا نتحمس يعني، كل شخصية باللعبة كان شكلها جنها مسوينها من مطاط أو شي جذي، و قصة Hellmonster إلي هي قصة اللعبة، عرفناها من قبل قرن كامل على لعبة Doom 2 .

Call Of Duty
لعبة ثانية من ألعاب الحرب العالمية الثانية.. ماشالله هالحرب انزلت لها مليون قصة و مليون فلم و مليون لعبة... مو راضين يغيرون.. انزين عالأقل سوو عن الحرب العالمية الأولى؟ لورد أوف ذا رينجس مو حرب هذي! ماكو ولا لعبة كانت تخليني أفكر أذبح المنتجين كثر هاللعبة!! بسبة مستوى ال AI إلي فيها، خاصة مرحلة "احمي المبنى" لما تكون مختار روسية، من كثر ما كان ال AI -إلي ما يعرف هذا يعني شنو، فهو معناه الذكاء الاصطناعي أو Artificial Intellegence- بس ترا مو متأكد، إذا أحد يعرف معناها لو سمحتوا يوضحها ، بس تقريباً نفس المعنى، المهم نكمل، كان المستوى حيل بايخ لدرجة ان الكل يقعد يشوف العدو يقرب و يتمون ينطرونه، انا صرت طرزان بينهم! و أهم واقفين ينطرون، و لما يقرب تتوحد فيه و تخلص عليه بشوزن!

Halo 2
شرايكم ؟! انسوي اللعبة برسوم قوتها كأنك قاعد تسوي رندر في الثريدي ماكس على جعاز بنتيوم 2 سرعته 400 و عندك 64 رام ؟؟؟؟ هم راح تكون أسرع من اللودينج مال هذي!!!!

Star Wars : Battle Front
لاع، هذي مو Battlefield 1942 ، لاااع ، انا طلعنا فكرة هاللعبة بروحنا بدون لا نشوف شي ولا ناخذ شي من أي شركة ثانية، هاكم، X-wings ما تقدرون تطيرون فيها أكثر من 50 قدم، ليش؟ لأن هذي STAR WARS! على فكرة، هاكم كل إلي حطيناه بسلسلة أفلام حرب النجوم من قبل، عشان إذا كنتوا ناسين شي تشوفونه باللعبة، مو لازم يكون له معنى عادي داش عرض.

Painkiller
أذكر لما لعبة Max Payne كان Painkiller يعني بندول، أو شي جذي، بهاللعبة لااااع!!! صدعتني!!! يا انها لعبة فيها واحد يبحث عن روح عن طريق انه يقاتل وحوش ما عندها روح، أو انها لعبة يصير لها Uninstall قبل لا توصل المرحلة الثالثة؟ انت احكم!!

FarCry
CryTek وحدة من المنتجين الأثنين إلي سوو اللعبة، اقدرت تسويلنا جزيرة كاملة بتفاصيلها و بيئتها و تعطيك الكثير من الحرية باللعبة و بعدين و بطريقة غريبة تسحب منك كل مصادر المتعة وحدة ورا الثانية، والمنتج الثاني سواله شغلة ثانية بس مو ذاك الزود، لكن عالأقل ما فيه قرود بابوون غير مرئية و عندها بازوكة!!!!!!

Catwoman
بعد ما كان الفلم في أعلى رفوف هوليوود و حقق نجاح باهر مادري على شنو.. انا كلش ما عجبني... المهم نزلوا اللعبة، و فعلاً اقدرت توصل لجودة المادة إلي سوو منها السيدي..

The Chronicles Of Riddick : Escape From Butcher Bay
فاجأتنا هاللعبة وانزلت عشان توري دوم 3 انها إهيا بعد تقدر تكون مظلمة و مالها معنى و مملة! بس لازم أعترف دوم 3 أحلى، على فكرة، هذي اللعبة الوحيدة إلي تقدر تنحاش من السجن فيها 50 مرة!!!

Dragonball Z: Buu's Fury و Dragonball Z: Supersonic Warriors
الناس إلي تلعب هالألعاب أهم السبب لما يحطون جذي مثل حلاو داخل جيس داخل جنطة.. و مكتوب عالجيس "لا تاكلونه"... (لا تعصبون ولا تزعلون مجرد مززززح!!)

Driv3r
هذي إصدار الفقاره حق لعبة Grand Theft Auto ، بعد سنيييين من التطوير و الانتاج و التعب تطلع اللعبة شكلها يسوى مليون دينار لكن اللعب يسوى نص دينار... إذا كنتوا ناوين تشترونها، أو حتى تاخذونها ابلاش... انا عندي لو أقعد أعد أصابع إيدي و ريلي طول اليوم ما أمل كثر ما مليت من هاللعبة.

Dynasty Warriors 4
أهلاً أهلاً ! نحن Koei ! لما نصدر إضافة صغيرة للعبة على جهاز ألعاب... انسميها لعبة جديدة و انبيعها ب 20 دينار، استمتعوا ب"ألعابنا الجديدة"!

ال EyeToy و ألعابها
بدال لا تخسرون فلوسكم عليها، اشترولكم استيكارات و حطوهم على المنظرة.. و جابلوهم.

Metal Gear Solid 3: Snake Eater
هايدو كوجيما... اللعبة حلوة.. لكن إليك بعض النصائح... لازم تاخذ كورس كتابة قبل لا تسوي لعبة ثانية، قصص قصيرة، روايات، ما يهم المهم أخذ كورس!! صراحة اللعبة حلوة لكن مو عارف يسرد القصة للمتخلفين عقلياً إلي مثلي.. حسيت اللعبة معقدة و فيها فلسفة كالعادة و النظريات الغريبة، كانت اللعبة بالنسبة لي كأني قاعد أسوي صفحة من Geocities باستخدام ال Wizard .

Metroid Prime 2
لاع! لاااااع!!! مو ناقصين تكملة!!! لااااااااع!!! خلصتها!! 100%!!! وصلت اني أشوف النهاية السعيدة!! ساموس تشيل خوذتها و تردها للشركة و تقص عليهم و تقول ان المغناطيس اخترب ما يشتغل! والكاشير صدقها!!!

جميع ألعاب ال MMORPG إلي انزلت ما عدا Final Fantasy XI
الناس متحمسة على ألعاب ال MMORPG اليديدة و تشتريها و تشترك و تدفع و تحط دي عس عل و حالتها حالة.. بعدين يلاحظون ان كله نفس الشي.. نفس التحكم.. نفس المبدأ.. نفس طريقة اللعب.. حق كل لعبة MMORPG لعبوها بحياتهم و ملوا و ما قاموا يلعبونها، لكن في استثناء... Star Wars : Galaxies ... كانت واصلة لأعلى مرتبة بينهم.. أسوء لعبة MMORPG لهذا العام!!

River City Ransom EX
أخيراً و بعد انتظار طويل! لعبة River City Ransom جديدة! لكن لحظة.. خل نغير الكافي لتخريبها مرة وحدة.. راح تكون مزحة حلوة حق كل الناس إلي ناطرينها و متشوقين لها.

Silent Hill 4: The Room (خلود.. لا تعصبين.. انتي إلي طلبتي)
الثالث كان ممل شوي.. أما الرابع كان طبعة مغلطية!!!! أخيراً انتبهت كونامي ان بدينا نمل من كثر ما يعيدون نفس القصة كل مرة، و بدلوها بأحد أسوء السيناريوهات بتاريخ الألعاب!!!

Star Oceon: Till the End of Time
إذا انت تحب تلعب لعبة آر بي جي بايخة كل سنة.. اختار هذي.. لأنها من كثر ما هي بايخة تحس انك لعبت أبيخ ألعاب اللآر بي جي مع بعض!

Terminator 3
Skynet قاعد تدز مجموعة من ألعاب ترمنيتر بايخة حيل للماضي عشان تخرب الحضارة الإنسانية، Skynet قاعدة تفووز!! مع انها قاعدة تحارب خصم قوي جدّاً و هو المكافئ لها بالبياخة ألعاب Robocop إلي طلعت بشكل غريب و مفاجيء في 2004.

Vampire: The Masquerade: Bloodlines
شركة Troika، نزلت لعبة ثانية مو كاملة، مفاجأة!!! ههههههه، أحلى جزء باللعبة كان المقدمة البايخة إلي تحسون مسوينها بالبوربوينت و ما نقدر نطوفها و مدتها 5 دقايق.. حتى اني طفيت المونيتر لأني حسيت بالإحراج من جهازي...

....
....
....
بح!!! هههههههههههههههههههههههههه

بس مو قادر أذكر ألعاب ثانية
يالله سلام

[Angel whisper]

بس تعليقات صغيرة:
Dynasty Warriors 4:
دوم هالشي الصغير يخليني "غصب" اشتري اللعبه .. في العاده هالشي يشكل اضافه كبيره للعبه .. تغيير نظام القتال والشخصيات والقصص الاضافيه .. كلها تسوى اني اشتري هاللعبه .. جزء جزء ..
ما فاتني الا الجزء الاول ..

Silent hill 4:
couldn't agree more ..
للاسف خاب ظني باللعبه .. مع اني كنت متحمسه لها بسبب العلاقة الكبيرة بينها وبين الجزء الثاني ..
بس يظل تصميم بعض الاماكن نقطة مضيئة للعبه .. مثل السجن والغابة..

Star Ocean:
معقولة بايخة؟! ليش ><
انا صح اني ما خلصتها غير مرة وحده . بس حاليا طايحين فيها انا واخويه عشان نغلب لينيث وفريا ..
صح ان الgraphics outdated .. بس القصه .. "مع ان نهايتها تقهر" ونظام القتال والشخصيات كلهم يخلونك ترد تلعبها ..


عموما هاذي بس تعليقات .. واحترم آرائك جدا جدا ..
والكورنر مالك ممتعه للغايه .. حمسيتني لباقي آرائك :)
نشوفلك مواضيع اكثر ان شاء الله!!

[DonMusallam]

سلااااموووو عليييكووووم!!

مممم... بالنسبة لتعليقاتج :)

بالنسبة لدناستي ووريرز انا صح كتبت هالشي عنها لكن ترا لعبتهم كلهم هههههههههههههههههههه

بس يعني لو كانت لعبة كمبيوتر... جان ما نزلوا "لعبة" كاملة لكن نزلوا "Update" أو "Expansion" بموقعهم و بس :)


و بالنسبة لسايلنت هيل أكيد في إيجابيات لكن صج انقهرت لما لعبتها خاصة ان دعايتها كانت قوية حيل...

و لعبة ستار أوشن اوكي مو مشكلة حلوة، لكن لعبي الجزء الأول على البليستيشن 1 و راح تشوفين ليش ماعجبتني هذي... انا عندي اللعبة الأولى أفضل بكثير :)

و مشكورة عالرد..

سلام!

[Angel whisper]

سلااااموووو عليييكووووم!!

مممم... بالنسبة لتعليقاتج :)

بالنسبة لدناستي ووريرز انا صح كتبت هالشي عنها لكن ترا لعبتهم كلهم هههههههههههههههههههه

بس يعني لو كانت لعبة كمبيوتر... جان ما نزلوا "لعبة" كاملة لكن نزلوا "Update" أو "Expansion" بموقعهم و بس :)


و بالنسبة لسايلنت هيل أكيد في إيجابيات لكن صج انقهرت لما لعبتها خاصة ان دعايتها كانت قوية حيل...

و لعبة ستار أوشن اوكي مو مشكلة حلوة، لكن لعبي الجزء الأول على البليستيشن 1 و راح تشوفين ليش ماعجبتني هذي... انا عندي اللعبة الأولى أفضل بكثير :)

و مشكورة عالرد..

سلام!
هلاع ^^
سايلنت .. ياخي ما فيها شي ايجابي غير الديزاينات .. تهؤ .. ومثلك انقهرت من الدعايات .. خاصة وانه كان شي غريب من سايلنت انهم يركزون في جزء كامل على قصة فرعية من جزء جديم .. بس يلا .. ان شاء الله يكون الخامس حلو بس ..
وانا لاعبه ستار اوشن 2 ^^
يا حبي لاشتون والله :17: بس خسارة انه الانمي ما مشى وايد ويا قصة اللعبه -.-

[DonMusallam]

يا هلاع ههههههههه

بالنسبة لستار أوشن كقصه و لعب... لعبي Shadow Of Destiny و حاولي تقارنين بعدين :)

هذا مثال صغير من ال PS2 ، لو أبي أقولج ال PS1 بعطيج مثلاً فاينل فانتسي بكلللل أجزاءها :)

عالعموم انا ألحين تكلمت عن السنة إلي طافت... و حبيت أحط توقعاتي لهالسنة بما اني قاعد أشوف الألعاب كل مالها و ينزل مستواها...

هذي الألعاب إلي أتوقع انها راح تنزل خلال هالسنة :

Extreme Fighting Pinball

لعبة بين بول يديدة نظامها ار بي جي على استراتيجي و فيها ألغاز تتحدى أذكى ضحايا حوادث السيارات!

Pokemon : Let's Build a fire

بيكاتشو و سكويرتل و بعد بوكمون نسيت اسمه يعلمون اليهال شلون يشبون نار في الصالة.

Ultimate Underwater Destruction Derby

أحد أقوى ألعاب السيارات في التاريخ! اصنع سيارتك بنفسك! اشتر أسلحة و ركبها على السيارة!! و بعدين سوق السيارة و دش بالبحيرة و شوف لاعبك يغرق!

Barbie Fashion Designer 2005

هاللعبة تقدملكم ملابس كثيرة لباربي و تخليكم تشوفون شلون شكل باربي بلبس الحروب، و النينجا و غيره! حتى يايبينلكم هدوم من أنميات مثل ناروتو و غيره! لا و تيي معاها غسالة مجاناً!

Ultra Mega Space Invaders 2005 3D 2

سبيس انفيدرز!!! الإضافات و التعديلات فيها : السفن أكبر و لونهم بنفسجي، و فيه بوناس ليفل يخلي السفن لونهم يصير أخضر لمدة قصيرة بالمرحلة!!!!!!

Diablo II Dance Marathon

حصل نقاط و ارفع مستواك عن طريق الرقص مع الوحوش!

Register Rampage

أول لعبة كويتية!! لعبة التسجيل لمواد الجامعة! لا و فيها طور خاص اسمه "waiting in line while sick people cough behind you" !

The Blair Witch Project Game

اللعبة عجيبة! لازم تصير غبي و تنسى شلون تقرا الخريطة و تضيع بالغابة و تموت!

Metric System Arena

لعبة من طور المنظور الأول تتحدى اللاعبين بأنهم يحولون القياسات للنظام المتري!

Run out of food and die

تتحكم بسفينة فضاء... يخلص الأكل... و تموت

Police SWAT Command tactics 4

ساعد فريق السوات بأنهم يتفاوضون مع واحد رابط نفسه بالدفاية.

Mall Wars

لعبة استراتيجية حربية تجري أحداثها في المجمعات التجارية

Star Wars : Episode One Something

مو مهم طاف!!

Soldier Of Misfortune
اقتحم قاعدة و معاك مسدسات معلقة و قنابل ما تنفجر و بوصلة تأشر للشرق!

ترقبوا الضحية الجديدة :)

[Angel whisper]

لا تعورلي قلبي يا ريال .. شادو اوف ديستني هاذي ولا في عمري قدرت القاها T_T
وبعدين .. ااحم .. ما لعبت ولا لعبة من الالعاب اللي حطيتها .. تهؤ ..
مشاركه حلوه عموما .. عايبني اسلوبك !!

[Deadly Spot]

Half Life - 2
تم تأجيلها الكثييييييييييييير من المرات.. واحنا ننطر... و عبالنا ان قاعد يضبطولنا اللعبة، لكن سبب التأخير كان إضافات Installation شكله حلو شوي، نظام Serial Number جديد من السهل الحصول على كراك له، و شالوا جم شغلة عشان بعدين ينزلونها ك patch files و Updates للعبة عشان يقولون احنا نهتم فيكم! هاف لايف 2 كانت تحتوي على رسوم قوية جدّاً منخشة بين أوقات لودينج فضيعة طويلة جدّاً و الكثير من ألغاز تعتمد على ترتيب جم كرتون! و لما ما تكون قاعد تحذف كراتين ولا قاعد تسوق دبابة فيها بنجر!! تكون اللعبة حلوة شوي.. فعشان جذي أعطيها جائزة أفضل أبيخ لعبة من ألعاب 2004.


اعجبني كلمة افضل ابيخ لعبة :jester:

ودي لو تكتب رايك عن تكن5 و ديفل ماي كراي 3

مشكور اخوي AhmedTheGreat على الموضوع

[DonMusallam]

السلام عليكم..
Angel Whisper
اللست مالت 2005 هذي مو ألعاب صجية شفيج ههههههههههههه

و أخوي Deadly Spot مشكور على ردك و ان شاء الله بالعطلة يصير خير على هالألعاب يبون شغل و مجابل :)

[DonMusallam]

http://img.photobucket.com/albums/v45/AhmedTheGreat/psychosisbudokai-title.jpg

قبل لا ألعب اللعبة :
انا ماعتقد اني الشخص إلي لازم يكتب تقرير عن هاللعبة، لأني ما أواطن شي اسمه دراجون بول، يعني لو حذفنا اني أذكى انسان بالعالم، ماني قادر أفهم شلون هالأنمي ظل ينعرض عالتلفزيوم لكل هالمدة، و شلون في جيش من المعجبين إلي يموتون فيه مع انه مافيه أي منطق، و شلون إلي سوو الأنمي و ألفوه يطلعون و يتمشون على راحتهم بدون لا شغلات ثقيلة تنحذف عليهم، انا شفت من هالأنمي جم حلقة بالغلط، و دايماً أشوف شخصيات شكلها غريب و مادري شلون صاير و عندها عضلات وزنها تقريباً 400 كيلو طايرين بالسمه و يحذفون كور ملونة مشعة على بعض، و كل كرة تفجر مساحة قد مونتانا و لسبب غامض ما تأثر بالشخصية إلي تنفجر يمها، طبعاً غير الحوار المبالغ فيه و الصراخ إلي عالفاضي، لكن لا تحاتون، ما كتبت هالتقرير إلا بعد ما قمت بعمل بحث و جذي...رحت فريت كل المحلات بمجمع الرحاب إلي بحولي (بالنسبة لغير الكويتيين، هذا مكان عندنا مجمع كامل كله ألعاب و جذي) و دشيت محل لقيت عنه مجلة مكتوب على غلافها ان فيها معلومات عن هاللعبة، قعدت أطالع الغلاف جذي لمدة 5 ثواني، و أعتقد اني صرت جاهز اني أكتب التقرير :) و أحذر العالم من هاللعبة الشريرة هذي!!!

لما لعبت هاللعبة قمت أشك ان أغلب المعجبين بهالأنمي هم من اللي أعمارهم 12 سنة واللي يطامرون على القنفة وهم يطالعون الأنمي و ياكلون مليون صحن كورنفلكس (انا ما أتطنز على الكورنفلكس... انا كل يوم آكل منه!)، السبب بهالتفكير هو عشان تقدر تستوعب الحركة المهزوزة وسيناريو ال 20-كلمة-بالثانية إلي تميز الأنمي، خلايا الدم إلي بالمخ لازم تكون متروسة كافين و شغلات ثانية عشان تقدر تستوعب و ما تنفجر و ينفجر راسك وياها، و سوو لعبة حق الناس إلي ما تبي تشغل مخها أكثر من جذي عشان تقدر تلحق عاللعبة و صار ما في شي اسمه كومبو ولا انك تضغط زرين مع بعض ولا شي، هالشي خلاني أبي أعرف شنو قدرات أغلب معجبين هالأنمي (طبعاً انتوا ملاحظين اني أستخدم "أغلب" عشان ما تتوحدون فيني ! ههههههه) فدشيت على مكان و كتبت تقرير بالانجليزي ذميت فيه اللعبة، و صراحة خرعوني ! وايد خفت! انصدمت! طلع في ناس مو بس عندهم ان الأنمي و اللعبة قمة! لا و طلعوا كلهم يعانون من مرض في التهجي! ما يعرفون يكتبون! أو انهم كانوا يكتبون عن طريق انهم يحذفون قطع الأثاث عالكيبورد!

هذا إلي رد علي :


This game is one of the best figthing video games that I played so far. You people should be very happy that this game for PS2 came out. So just be happy and shut up!

ATG this game OWNZ YO! it was one of the hottest sellin games where i live so if u r a gamer u really don't deserve workin' at ratein games idiot!!.... you should just quit cause u can't rate a game you stupid idiot!...

To me (a die hard fan till the end) the sounds were so acurate it gave me chills. I mean if someone were in another room they would think the show was actually on. this aspect of the game was as dead on perfect as it could have been(except for how fast they speak when pulling of moves like the kahmeahmeha wave it sound like its in fast forward) But overall It still THE BEST...DBZ FORERVER!!! !!! !!! !!!

ماشالله.. هههههههههههههههه

هذا راح يعطيكم فكرة عن شنو هدف إصدار هالأنمي! مجرد اني شفت تقاريرهم خفت، و جازفت مع اني كنت أقدر أحاول أجنب نفسي أسامي مثل idiot و غيرها (على فكرة انا غيرت الأسامي شوي لأنها كانت فيها قلة أدب شوي هههههههه)، جازفت و حطيت اللعبة بالبليستيشن و شغلتها.

بلشت بال vs mode ، و كنت أتمنى ان اللعبة عالأقل تنلعب، لكن للأسف، السبب الوحيد إلي خلاني ما أركض و أطلع برة و أنط بالشارع والإشارة خضرة كان لأني كنت أبي أحذركم من هاللعبة! مجرد اني شغلت هالطور اكتشفت مشاكل كثيرة، أول شي، ما تقدر توخر عن ضربات العدو إلا بالصد! لأنك ما تقدر تنقز ولا تنزل (تقعد) و ميزة ال sidestep إلي موجودة عبارة عن انه يلف لجدام أو ورة مسافة نص مليمتر! لا و شغلة ثانية ، يعني ميزة عجيبة صراحة، لما تضغط أي زر ، يتسبب هالشي بأن شخصيتك توقف بمكانها ما تسوي شي و تحاول تستوعب الأمر إلي عطيتها ياه لمدة دقائق معدودة، قبل لا يروح لجدول أعماله المتروس بشغلات مثل انه يوقف بدون حركة و ما يسوي شي، و ماراح تشوفون شغلات كثيرة أصلاً لأن كل شخصية لها حوالي 8 أو 9 حركات بس.

و إذا قاعد تفكر انك تقدر تطور من قدراتك و الحركات و جذي عن طريق اختيار شخصيات مختلفة فأنت غلطان، لأن تقريباً كل الشخصيات لها نفس الحركات، مادري ليش المنتجين ما شافوا هالشغلة كمصيييبة بالنسبة لهم لأنهم قاعد يسوون لعبة عن أنمي فيه كل شخصية لها قوات و قدرات سحرية مختلفة، الشخصيات الضخمة سرعتها نفس الشخصيات الصغيرة، و حتى الشخصيات إلي ما يزيد طولها عن 3 أقدام يقدرون يعطونك بكس يطيرك 40 قدم فوق!! و مثل الأنمي، كل شخصية لها تشكيلة من ضربات كرات نارية، لكن الفرق ان بعضها لونها أصفر و بعضها أخضر و برتقالي و بنفسجي! لا و جنه مافيه أخضر! ليش ماكو أخضر؟!!؟!؟ احم، و بعد لسبب علمي (و بكلمة علمي أقصد اني مو مقتنع ان أكو سبب أصلاً) لما تطير واحد بالهوا ما يطيحون، يتمون معلقين فوق و شخصيتك شوي شوي تطير لهم و بعدين تكمل تركض و تصد و ترفس و كل شي بالضبط مثل ما لما تكون عالأرض، أعتقد هالشي سووه عشان يطبقون الإثارة إلي تصير في القتال بالأنمي! لكن بالنسبة لي لما شفت المنظر، اثنين واقفين على ارتفاع 20 قدم من الأرض يركضون يمين و يسار و يطقون بعض فوق مادري يمكن أرضية غير مرئية واقفين عليها، مت من الضحك! يعني جذي طلعت ميزة ال Air Fight إلي سمعت عنها! طلعت مو "مثيرة" كثر ما كانت "مضحكة" عالآخر!

و إذا كان هذا كله ما عجبكم... في حركة تقدرون تسوونها تخلي اللعبة تدخل طور Burst Mode و هذا بالضبط نفس إلي تشوفونه بالقتال إلي بالأنمي، و هذا مو مدح، أول شي الخلفية كلها تتغير و تصير عبارة عن خطوط مايلة و منعوية مثل إلي يحطونها بالأنمي وقت القتال، و بعدين لازم تبلش تتوحد بالأزرة إلي عاليدة كلهم تضغطهم بسرعة بسرعة عشان تسوي كومبوات و جذي، لكن إلي يصير انه الطق يصير بروحه وانت بس تطالع و الكامرة كل نص ثانية تغير مكانها وانت قاعد تطالع الشاشة مخك مو راضي يجمع قاعد تفكر انت شنو سويت بدنيتك عشان ينتقمون منك و يقصون عليك و يخلونك تلعب هاللعبة، لكن أبشركم!!! لقيت طريقة أتمتع فيها باللعبة!! في زر حق ال Special Attack لما تطقونه شخصيتك تحذف شي جذي جنه حبة نفيش كبيرة مشعة على الخصم، إذا الخصم ضغط زر الصد باللحظة المناسبة راح يصارخ و يقول "BACKATCHA" و يقط نفيشتك عليك! وقتها كان معاي صاحبي و كان أهو بعد مستانس عاللعبة مثلي، عاد كل واحد خله شخصيته تروح لطرف الشاشة و تمينا نلعب كرة طائرة واحنا انصد و نعكس على بعض، وصلنا ل 51 مرة بدون لا تطقنا كله انصدها لين بعض الناس ( و بكلمة بعض الناس أقصده أهو ) توهق و ما صدها باللحظة المناسبة و طقته، لكن الغريب بالموضوع لما أسولف عن هالشي حق الناس ما يهمهم ولا شي... يمكن كان لازم نوصل 60 ؟

بعد ما خلصنا لعب طور اللاعبين المرعب الغثيث، طلع من البيت يبجي يدورله أي بالوعة مبطلة عشان يقط نفسه فيها لأنه سمح لنفسه يلعب هاللعبة، انا قلت خل أجرب طور القصة، إلي يفتخرون فيه و يقولون انه يوريني قصة دراجون بول زي، خلصت اللعبة، و لازم أقولكم... ما لاحظت شي يستحق الفخر صراحة، التصويرات كانت مو شي و الأنيميشن مالها بايخ كأنه هواة مسوينه مو محترفين، لا و كل تصوير لازم يصير زوم على حلج (فم) أحد يتكلم لين ياخذ الشاشة كلها، و تقريباً كل تصوير صار جذي :



Goku: Haha, I am glad I was able to win that battle!
The Enemy: Goku, my power levels are your power levels plus 150, there’s no way you can defeat me!
Goku: Oh no, my power level is at less than half of whatever my power level normally is! But I shall defeat you anyway!
(الكامرة تسوي زوم على حلج جوكو و يقعد يسوي فيه حركات لين يصير كأنه غوريلا و بعدين يصارخ )

Goku: YAAAAAAAARRRGARRRRYARGLEBARGLEGUHGUHBLARGSPLAT
(تبلش المعركة)

فزت في كل المراحل بطور القصة باستخدام روتين واحد ، أروح يم العدو، أضغط "بكس بكس بكس بكس بكس" بعدين ال Special Attack ، مادري ليش هالشي يخلي جوكو يسوي كومبو بوكسات غريب مادري شلون صاير، بعدين إيده تشب ليت و يصارخ "Kamehameha" واللي يتراوالي ترجمتها بالعربي "أقوى روح داخلية للتنين تطلق أقوى كرة نارية مشتعلة مشعة + 5" أو شي جذي؟ مادري ؟ و بعدين المساحة إلي حولينه تشب ضوء بعدين الخصم يطيح عالأرض، بعدين يقوم... بعدين أسوي نفس الحركة، تميت جذي لين خلصت اللعبة، كانت تصير حتى بالمراحل إلي ما ألعب بجوكو فيها ، لأن أصلاً كل الشخصيات لها نفس الحركات.

انا ما أبي أقابل أي شخص اعجبته هاللعبة لأنه سيدة راح يتخيل نفسه ان شعره صار أصفر و يتحرك من هوا المكيف يمكن و يصارخ يقول خرابيط مادري شلون صايرة و يطلق علي كرة نار ضخمة و يطيرني لأقرب جبل و يصارخ بعدين و يقول DBZ FORERVER!!! !!! !!!

(للمرة المليون أكرر... انا ما أقصد الإساءة لأحد و أتمنى ان معجبين هاللعبة ما يزعلون يعني :) )

[DonMusallam]

لما كنت صغير، كان أحلى عرض-فلم-دمية بالنسبة لي Ghostbusters، كان عندي كل شي! المنظار و المسدس و الفخ و السيارة و الكنابل إلي عليهم صورهم و هدوم و كل شي تسويه شركة تايوانية ما عندها شغل غير انها تقص علينا، كنت أحب أقلدهم و هذا كان السبب إلي ما خلانا نقدر نربي حيوانات أليفة بالبيت... و بعد سبب لشغلة ثانية و هي سبب ضرب أغلب اليهال لي، هاللعبة كانت راح تعطيني فرصة تحقيق أحلامي و أعيش على صيد الأشباح! بس بدال هالشي... اصدمتني صدمة حياتي!

الجهاز : Sega

اللعبة :
جوست باسترس!! واحد من أفضل الأفلام إلي شفتها! لكن بسبت هاللعبة... انا ألحين أكره الفلم، و جهاز السيجا، و غيره! تقدر ختار من بين 3 شخصيات : Ray, Peter, Egon ، يتراوالي كانوا بحطون ونستون بعد بس أكيد شالوه عشان يكون في مساحة حق ال 200 ألف شبح إلي حاطينهم، و كل شخصية لها شغلات معقدة ألا وهي :

Speed : مع اني ما لاحظت الفرق مع أي واحد من الشخصيات، انا متأكد كل التأكيد ان هالشي المفروض يأثر على سرعة حركة شخصيتك!

Stamina : لما تلعب أكو عداد اسمه ستامينا، أعتقد انه يقل لما تطامر وايد أو شي جذي، مادري والله، ولا مرة ضليت حي و ما مت لمدة تكفي إني أشوفه يتغير.

Weapons : الأسلحة.... بعد ما تميت يمكن 3 أسابيع أفكر منو أختار ، اخترت بيتر،و بلشت! أول مهمة لي كانت اني أقضي على كل الأشباح في البيت، لما تدش اللعبة خلاص، راح يكون اللاعب مالك طوله 3 أقدام، منهم قدم كامل بس راسه! مو مشكلة طاف هذي! ماهمني هالشي لأني كنت أقدر أستخدم سلاحهم العجيب إلي بالفلم!!!!! لكن... لما طلقت... ما طلعة موجة كهرومغناطيسية كبيرة مادري شلون صايرة! طلعلي مثل ليزر حجمه أصغر من ظفري... كان يطق الشبح.. و يخليه يختفي.. كان حد الإحباط!!! بعدين إذا حصلت فلوس كافية من الموكلين و العملاء، تقدر تشتري تطويرات و جذي، مثل مسدس الفقاعات! يطلق فقاعات!!!!! ماكان عندي وايد فلوس فقمت ألعب و ما أشتري، و أخيراً خلصت المرحلة الأولى! و المراحل كلها عبارة عن أرصفة... يعني مثل طابوق حاطين عليه صمغ SuperGlue و لاصقينه بالطوفة عشان تنقز و توقف فوقهم... مترووووووووووس أرصفة، و الأخ إلي سوا المراحل سواهم بحيث ان الأشباح ترد تطلع بمجرد انك تحرك الشاشة لأي اتجاه قبل لا تخلص من إلي جدامك، يعني مرة انا طحت من فوق الطابوقة رقم 18 بليون فصار لازم أذبح كل الأشباح من أول.

Enemies : الأعداء!!! يمكن تكونون تفكرون شنو يصير بروحكم بعد الموت في هاللعبة ؟ بعد ما لعبتها تأكدت انه راح تصير واحد من هذيل :
- كوب
- صحن
- ستارة
- سماط (سفرة)
- شبح أحمر
- شبح أزرق
- ساحر ما عنده راس

و هم عبارة عن 90% من الأعداء باللعبة.

عدد المراحل : 4 مراحل كبااااااااااار و هم كالآتي :
- شقة صغيرة
- شقة
- شقة ثانية
- شقة طويلة
و كل مرحلة ضخمة حدها! بس إلي قاعد أفكره شنو هالناس المريضة إلي عايشة في بيت كله أرصفة ؟!

عدد الرؤساء :

بعد ما ذبحت الرئيس الأول، كان المفروض اني أصيد شبح ماله شغل بالسالفة.. ما قدرت، بعدين سيده قطني عند زعيم ثاني، ذبحته، دخلت المرحلة الثانية، ما شفت غيرهم بعدين إلا الأخير.

أخييييييراً ! :

بعد ما ذبحت كل شي في طريجي و صعدت الأرصفة كلها وصلت لي النهاية و للوحش الأخير! ساحر ما عنده راس! أضافره طوال يخرعون! كل شي فيه يخرع! قلت لو بس يحرك إيده بطقني و بموت! جان إيي الأخ يمسك كبوسه و يطلع منه شبح و يخليني أباريه ، و هو يطلق علي كور نار بحجم حبة الفاصولية!! و بس! ذبحته و انا أبجي من كثر ما خيبوا ظني!

إذا انتوا تحبون الفلم، لا تنزلون اللعبة! لا تفكرون حتى!!! ترا راح تخرب عليكم كل شي! راح تكرهون كل كوب و صحن و غيره بالبيت!!

[Angel whisper]

بس تعليق على الدراجون بول:
you were flamed to ashes by the dragonballtards -.-

they are fanbois .. so you should have expected that ,,

واللعبه سخيفه لدرجه مش طبيعيه ..

واسفه بس .. تنتفت على :ATG this game OWNZ YO

وخذها قاعده:
There are two types of fans that you should never approach - Naruto fans & DB fans ..

ومشكور

[DonMusallam]

السلام عليكم
يا هلاع ههههههههه

على فكرة انا ناروتو فان -_-

بس مو متعصب هههههههههه

[DonMusallam]

أول نظرة و قبل الفحص الشامل :
http://img.photobucket.com/albums/v45/AhmedTheGreat/Ehrgeiz-fighting.jpg

طبعاً بعد البحوث إلي أثبتت ان سكوير جمعت عدداً كبيراً من المعجبين و المعجبات، إلي ممكن يطيحون فيك طق لين تموت بأي أسلوب من أساليبهم الشرسه في حين انك قلت شي غلط عن سفيروث و مشاعر سفيروث الحقيقية... الخ، قامت سكوير بإنتاج لعبة تختبر فيها صدق مشاعر المعجبين و المعجبات و هي لعبة Ehrgeiz واللتي تنطق air guys ، و بس واحد من المعجبين اشكتى... و تم قتله عن طريق معجب آخر عنده تمثال لباهاموت طوله 3 أقدام، هاللعبة تعتبر مثال أعلى ان المفروض ما نحب الشركة لكن نحب اللعبة...



ما اعتقد اني أقدر ألوم سكوير على انهم فكروا بهالشي، هاللعبة تم اصدارها في 1999، بالوقت إلي كانوا العاملين في الشركة ليلحين قاعد يحاولون يطلعون من تحت الفلوس إلي حصلوها من فاينل فانتسي 7 ، بعد ما شافوا كل هالأفكار إلي انتشرت عن لعبتهم و الفانفيكشن و مادري شنو حسبوا ان معدل المبيعات العالي إلي عندهم ماكان من اللعبة، لكنه كان من الشخصيات، بدفعوا لمجموعة من الطلبة إلي تم فصلهم من الثانوية إلي سموو نفسهم Dream Factory عشان يطيحون فكيبورداتهم بكسات لين يخترعون Game Engine، احذفوا شخصيات فاينل فانتسي 7 فيه، و قطوه من الدريشة عشان يشوفون المعجبين شسوون، لا و للأسف Ehrgeiz معناها الطموح، لكن باللغة الألمانية.

الرد إلي حصلته من الشعب كان أغلبه إيجابي، على حسب موقع ما أذكره شفته، كان متوسط السكور 4 من 5، و هذا تقريباً أعلى من المعدل إلي تستاهله ب 5 نقاط، انا انصدمت من السكور صراحة، لين قريته بالتفصيل.

gameplay)5 most people when they play this game time goes by very fast but to me every min.is an hour is a day is a ah you get wat i mean.hopfullyhttp://img.photobucket.com/albums/v45/AhmedTheGreat/Ehrgeiz-firstpage.jpg.
Graphics)5 I love the graphics i think there as good as any of my other games but i defenitly know its beter than fftactics.

I didn't pay much attention to the Quest game, it pretty much was stupid! I really liked this game!

The graphics are really great,really good,really detailed.The characters are very detailed. that's what i think.So,basically the graphics are best.

يتراوالي من قدراتهم باللغة و البدليات و المادري شنو ، نقدر نعرف ليش انقص عليهم بهاللعبة إلي تعتبر مثل قطار محطم قاعد يحترق، لكن أي نوع من الألعاب هذي؟ ممم، كشخص شاف قطار محطم من قبل (فاينل فانتسي 7 فيه مقبرة القطارات أو إلي يطلع الجمع مادري) أقدر أقولكم، أهو مو خطير حيل، لو كان بس قطار واحد موجود. لكن المشكلة ان في 3 مو بس واحد، و تصادمهم راح ينتج عنه دمار شامل و خراب لو يوصف و بلاوي، مع هالشي بمخهم، Dream Factory سوولنا لعبة Ehrgeiz و هي عبارة عن خليط من لعبة قتال بايخة و نظامها مادري شلون صاير، لعبة RPG سووها مبتدئين و بايخة و ما تنلعب، و مجموعة كبيرة من ألعاب Minigames غبية، جان زين هالبلاوي الثلاث كافين انهم يلغون Dream Factory من الوجود!! إلى الأبد!

لعبة القتال هي قلب لعبة Ehrgiez و أساسها، بالضبط مثل ما الموت بسبب مرض السرطان عن طريق سكتة قلبية مؤلمة هي قلب و أساس مرض السرطان، انا لعبت كل ألعاب القتال إلي انزلت، إلي من بينهم كل ألعاب King Of Fighters إلي كان الفرق بينهم بس رقم السنة إلي ورا الأسم، و كل ألعاب Street Fighter إلي كانت أساميهم عبارة عن تركيب عشوائي للكلمات Hyper, Edition, Chamption, Turbo ، هال"لعبة" ما ذكرتني بأي لعبة قتال لعبتها من قبل خلال السنين إلي طافت كلها، طبعاً من بين مميزات اللعبة على قولتهم انها تحتوي على Interactive Arenas يعني حلبات تقدر تتفاعل مع البيئة فيها، كل شركات الألعاب كان قصدهم ان مثلاً لو طقيت كرسي.. يطيح الكرسي، لو أطلقت طلقة مسدس عالطوفة، يترك أثر.. شغلات جذي، لكن بالنسبة لسكوير كان قصدهم فيها "بعض أماكن المرحلة مرتفعة 10 أقدام أو نازلة 10 أقدام عن مستوى المرحلة بدون أي سبب مقنع"، هالشي يضيف الكثير من الاستراتيجية للعبة، يعني.. شنو ممكن تسوي لو الخصم صعد فوق؟ هل تصعد وراه؟ أو انك تسوي الشي إلي محد يقدر يفكر فيه و ماااا تلحقه؟! عدد الاستراتيجيات إلي تضيفه عاللعبة لا يحصى! إلا إذا كنت من النوع الغريب و النادر و العبقري و كنت تقدر تعد لي 2.

مشاهدة أحد ثاني يلعبها تموت من الضحك إذا كنت من النوع إلي بالمدرسة لما الاستاذ يقول "اخرص خالص" تضحك.. إذا عندك صديق غبي (كل ربعي قالولي ان عندهم صديق غبي) تقدر تقنعه انه يلعب، و بعدين أشر عليه واضحك لمدة ساعة كاملة وهو يفقد الرغبة في العيش و تتبدل هالرغبة بالحزن.. ليش؟ لأن اللعبة كلها عبارة عن ان اللاعبين يخربون يد التحكم بأنهم يطقون الأزرار بأقوى ما يقدرون ى يضحكون على الشخصيات وهم كأنهم ناس عندهم خلل بالمخ و عمالقة و بطيئين... يتمون جذي لين واحد يحوش الثاني، بعدين يشتغل روتين و هو تنطق-تطيح-تقوم-تنطق-تطيح-تقوم و جذي لين تموت، و في شي شد انتباهي، ميزة "الصد" في هاللعبة غريبة شوي، إلي أعرفه ان فكرة الصد هي انك ما تنطق، لكن لما تضغطها بهاللعبة الشخصية مالتك ترفع إيدها شوي كأنها تقول "لو سمحت، إذا ما كنت حيل حيل مشغول بأنك قاعد امسح فيني الأرض، ممكن توقف شوي و تنتبه أكثر إلى انك ما تطقني؟" طبعاً عقبها تييك طقه توصلك الستراتوسفير، كل ضربه في هاللعبة تخلي اللاعب الثاني يطير بالهواء الطلق عاااااالييييي بعدين يطيح و ينكفخ بالأرض، حتى لو كان كل إلي سويته انك دست على صبع ريله الكبير..و كل ما سويت شي طبيعي يطلع رقم أخضر كبيييييييير يوريك شكثر نقاط كسبت من عملك البطولي هذا، هذي قائمة الأعمال البطولية الموجودة باللعبة :

- ضرب الخصم
- ضرب الخصم مرتين
- ضرب الخصم مرتين بعدين ترفسه (تركله)
- عدم ضرب الخصم
- إيقاف ضربات الخصم بذكاء عن طريق ركله (رفسه) على وجهه
- تطيح عالأرض و ما تقوم تخلي الشخصية طايحة

http://img.photobucket.com/albums/v45/AhmedTheGreat/Ehrgiez-fighting.jpg
(شوفوا شوفوا! شوفوا ال Interactive Arena شوفوها!!! المقاتل إلي عاليمين أعلى من المقاتل إلي عاليسار! هذا جنون! ماني قادر أصدق!!!!!


لما تنتقل من مرحلة المشاهدة إلي مرحلة اللعب، ما راح يتعدل شي، لكن راح يصير العكس بالضبط.. واللي أعتقد انه حسب حساباتي راح يكون "أسوء" ، راح تلاحظ ان في بس 3 وضائف للأزرار الأربعة في يد التحكم، يعني High Attack موجودة لزرين مختلفين، هالشي مو مشكلة عادي لين تلاحظ ان عشان تسوي Medium Attack لازم تضغط ال High Attack مع ال Low Attack مع بعض! مادري ليش Dream Factory ما حطوا ال Medium Attack على الزر الرابع، و يتراوالي حتى أهم ما يدرون، لأنهم سوو نفس الشي مع الرميات، لازم تضغط زر الصد + High Attack + Low Attack عشان تشيل واحد و تقطه الصوب الثاني، مع ان اللعبة فيها ثلاث وضائف مرتبطة بزرين بس، الحمدلله ان هالشركة ما احتاجت تسوي اللعبة لجهاز ال NES ولا أي جهاز يد التحكم مالته فيها أقل من 10 أزرار، راح يحطون "الصد" على كل الأزرار و عشان تسوي شي ثاني لازم تضغط "الصد" أكثر من مرة عشان تسوي الكود مال الوظيفة الثانية، لو فكرنا فيها ترا تطلع وايد أحسن من التحكم إلي ألحين.

لحسن الحظ، ماكان لازم ألعب وايد قبل لا أنهي طور ال Arcade ، لأن مستوى الخصم يحطونه انه ما يقدر يسويلك شي، اخترت Cloud Strife لأنه كان من أول 3 شخصيات موجودين يم بعض و كانوا من فاينل فانتسي 7، أول ما تبلش اللعبة أركض بعيد عن الخصم و أضغط الزر إلي يخليني أطلع سيفي، واللي يعتبر قطعو معدنية كبيرة مصدية وصخلة لازقينها بال Chopsticks ، و بعدين بس أشكل على زر High Attack واللي تخلي كلاود يلعب بالسيف كأنه قاعد يحاول يصيد ذبانه (ذبابة) ، و الخصم، بعد ما يشوف هالنوع إلي الواحد ما يقدر يتنبأ فيه من الضربات، يقرر انه شوي شوي يمشي صوبي لين السيف يحوشه، بعدين يطيح عالأرض، يقوم، و يحوشه السيف مرة ثانية، و جذي لين يموت.

باستعمال هالمهارة هذي، قدرت أفوز عالكل بطول ال Arcade بأول محاولة لي بدون لا أخسر ولا جولة، صراحة... ماعتقد ان طقوني أكثر من 20%. بس عاد بعدين قررت اني خلاص مابي ألعب لعبة القتال مرة ثانية، لأن كان عندي موعد مهم أمس بالليل... مع ال Quest Mode !!!

ممم.. الناس إلي اكتبوا رايهم عن اللعبة يمكن ما كان عندهم قدرات كافية عشان يكتبون بدون بدليات، لكنهم كانوا محقين في شي واحد.. ال Quest Mode حده غبي! يعني الغباء يبين من أول 5 ثواني فيه، عرض البداية عبارة عن صورة ثابتة و كلام يتحرك و تسمع شوي بعد، هذي قصة عالم و ركلته الغثيثة العجيبة، إلي قاعد يحفر في بعض الأماكن لأنه حاط في باله يمكن يحصل شي في المستقبل القريب و راح يكون هالشي حده عجيب،و هالشي يخليه أهو مع المساعدة مالته يتحمسون حيل، هذا ملخص كلامهم :


Koji: Hey, a long time ago there was a group of really smart people that made a ring.
Clair: Cool!
Koji: They lost it a long time ago and no one has any clue what it does, but I’ll take a wild guess and say it’s the answer to...the key of immortality! And no one has any idea where it is, but I have a hunch we’ll find it soon!
Clair: Cool!
Koji: ...
Clair: ...
Koji: ...
Clair: Cool!
بعد هالمحادثة الحماسية هذي، تلقى نفسك في غرفة مربعة في مكان مادري وين صاير، و للأسف.. كل مكان تروحله بهاللعبة راح تلقى نفسك في غرفة مربعة في مكان مادري وين صاير، لكن عالأقل، ما يهم وين تكون لأن في احتمال تحصل خاتم سووه من زمان إلي يمكن يسوي و يمكن ما يسوي شي عجيب، حده شغل عدل صح؟ و عندك بعد مساعدة يعني انت مو بروحك، تلحقك و تصارخ و تقولك نصايح مثل "أوه! بروفيسور! أكو درج! خل ننزل!" انا سيده مشيت على نصيحتها و نزلت بأسرع ما يمكن لأني كنت أحاول أمزل و أخليها فوق و أفتك منها لكن هم طلعت وياي.. لكن عالأقل حلت مشكلة كنت متوهق فيها.. لو مو حكمتها جان ما عرفت ان لما أشوف درج لازم أنزل و أصعد فيه، مع ان المفروض كان أطنشها و تميت باستراتيجيتي انا إلي كانت اني أطالع الدرج شوي... جذي بو جم دقيقة، بعدين أطفي الجهاز و أحذف السي دي من الدريشة.

بعد ما طلعت من هالخرابة عن طريق باب، لقيت نفسي... في فندق!!! في خوش ريال باللوبي قالي اني تعرضت لهجوم خلال طلعتي من الخرابة و طحت غشيان، بعدين عطاني جم سلاح و بعض الأدوات إلي نسوها الضيوف إلي قبلي و قال " don't forget to equip them "، قال جذي و أول ما سكت اللعبة بنفسها حطتلي ياهم ... طلعت من الفندق و قاعد أدور بعد مرة عالخاتم (لأن يتراوالي هذا السبب إلي انا كنت موجود اهناك عشانه) و طلع مكانه، بكل غرابة ، طلعت يم المدينة إلي انا كنت فيها! مفاجأة مفاجأة القتال في هالطور مريع و بايخ مثل لعبة القتال! الفرق انه تصير في غرف مربعة في مكان مادري وين صاير ضد فطر مشروم يطامر..أعتقد ما قدرت أمشي إلا للغرفة الخامسة قبل لا أطفي اللعبة و أركض و أحاول أنتحر عشان أفتك من هالآلام إلي حاشتني... لكن للأسف ما فاد.. يتراوالي زاد الألم بعد، بس الحمدلله هالشي خلاني أتجهز عدل للطور الأخير من Ehrgeiz .... طور ال MINI GAMES !!!!

اللعبة الأولى : Infinity Battle
هالطور بالضبط مثل طور ال Survival بالألعاب الثانية، لكن مادري ليش هذيلا بدال لا يخلونه طول من أطوار القتال قاطينه بالميني جيمز، الفكرة للي ما يعرف السرفايفر مود، ان انت تقعد تقاتل أعدائك و ما يخلصون .. كل ما ذبحت واحد تزيد طاقتك بنسبة 10% بس و إييك إلي عقبه و جذي، لكن راح تعاني و تتألم مثل ما صار معاك بطور القتال، الفرق اهني ان كل ما كان مستواك زين راح تعاني أكثر، عشان اسرع موتي كنت أصارخ عالتلفزيون و أسب الخصم عشان يعصب و يذبحني، لكن ما نفع معاه أعصابه باردة، بعدين بعد 30 ثانية و هو يوريني حركاته العجيبة مثل انه يطامر بالمرحلة و يتدحرج لمدة 30 ثانية و شخصيتي واقفة تطالعه بدون لا تتحرك، أخيراً قام و قتلني عشان أقدر أجرب الميني جيم الثانية.

اللعبة الثانية : Battle Runner
إذا كنت حاسب ان لعبة القتال بايخة و مملة، ألحين تقدر تلعبها وانت تركض في دوائر، عشان تفوز لازم تدور عدد معين من الدورات على طريق قصير تحتاج 5 ثواني عشان تدور دورة وحدة فيه، لازم تبطء الخصم و ما تخليه يدور الدورات قبلك عن طريق الهجووووووووووووم!!! انا مستغرب شلون Dream Factory ما وصلهم تهديد بالقتل، مجرد ان الواحد يشوف شكل سفيروث و كلاود و هم يركضون و يطيحون على وجوهم كل شوي و يطقون بعض بكسات مادري شلون صايرة تخلي أي معجب بألعاب فاينل فانتسي يوصل لمرحلة ارتكاب جريمة قتل.

اللعبة الثالثة : Battle Beach
هل انت مستعد ل BATTLE BEACH !!!! إذا ما كنت تتذكر لعبة الأولومبات Track & Field ، أو أي شي ثاني من هالنوعية من الألعاب، كل إلي عليك تسويه انك تتوحد بزر من الأزرار بشكل مستمر و متكرر، Battle Beach عبارة عن 3 أحداث، سباق، سباق و سباق مع حواجز، كلهم تقريباً نفس الشي، لكن الفرق في الثالث انك لازم تضغط مربع عشان تطمر عن حاجز صغير حاطينه جدامك.

اللعبة الرابعة : Battle Panel
هذي طور ثاني من ال "خل ناخذ لعبة القتال التافهة إلي سويناها و تحطها مع شي ماله شغل بالدنية عشان نخليهم يتحمسون أكثر"، ألحين تقدر تلعبها بطريقة ثانية، هذي الطريقة صارلي 3 ساعات أحاول أفهم شلون أقولها بس ما قدرت... شوفوها بنفسكم...

كل هذا يتجمع عشان يسوي لعبة Ehrgeiz واللي يتراوالي كانوا بسوونها مثل لعبة Super Smash Brothers مالت ماريو... لكن في شي صار كان حده غلط.. مادري شنو.. يمكن لأنهم اختاروا Dream Factory عشان تساعدهم. كانت هذي من أسوأ التجارب إلي مرت علي هالسنة... حتى أسوأ من لما رحت أسوي العصب بضروسي عند طبيب الأسنان....

أخيراً خلص التقرير هههههههههههههههههههههه

يالله سلااااام

[Angel whisper]

اللعبة الثالثة : Battle Beach
...

I never won in this one ..

...

على طاري ناروتو .. انا كنت اقصد الـnarutards اللي ما عندهم شغله غير:
LEIK OMG !!! NARUTO IS LEIK THE GREATEST ANIME IN HISTORY! LIKE OMG NARUTO IS HAAAAAAAAAAAAAAWT AND CAN BEAT ALL HEROS AND MECHAAAAA TO PULP!!!! YEAH YEAH NARUTO IS THE BEST ANIME EVAAAAAAR !!

understood -.-?

[Tidus]

Ehrgeiz يمكن اللعبه اللي استنى ينزلها جزء جديد, حلوه و روعه و الله و سكوير صادتها جد لما نزلت هاللعبه...

بس حسافه نزلت بفترة فاينل 7 و بسنة 1999 قبل لا تزل فاينل 8 بشهور... و الا لو شخصيات فاينل 8 موجوده سكوار و زيل و ايرفين و لاقونا بتطلع خيال...

عجبي god hand اظن هذا اسمه و اللي يشبه هورانق بو الصواريخ ذاك, و كلاود صايدينه صح!

روعه المشاهد CG باللعبه حتى التريليرز الموجود عن فاينل 7 كنت اشوفهم بعد مع السيمفونيات ×_×

تخيل لو نزلت Ehrgeiz 2 الحين شبيصير ؟

ما اتوقع لعبه قتال تقدر تنافس و لو بالقدر البسيط Dead or alive بس على الاقل بتكون لعبه مو شوي وسط المجموعه...

[DonMusallam]

إذا انزلت الجزء الثاني فراح تكون الضحية الجديدة إلا إذا غيروا طريقتهم..
يعني لو كانت تنزل مثل Naruto جزء الجيم كيوب مو البليستيشن 2 ماعندي اشكال تطلع عجيبه... لكن إلي شفته في اللعبة انها كلش مو شي.. و هذا رايي الشخصي..

Angel Whisper
مممممم
الله يشفيهم هههههههههه

[Angel whisper]

الـ fighting style في اللعبه كان اقل من العادي ..

لانه السكوير team متخصص بـRPG .. وانظمة قتال الار بي جي مختلفه جدا عن الـversus battles ..

فيعني انهم ينافسون العاب قويه like DOA, Guilty Gear, Soul Calibur .. etc .. يبغيلهم متخصصين يداد طبعا .. والسالفه اكيد بتطول وما بتكون سهله ..

فخلهم في الار بي جي احسن IMO

[DonMusallam]

السلام عليكم.
شلونكم شخباركم ؟ عساكم بخير؟

شخباري هههههههه... أخيراً فظيت عشان أضيف عالموضوع -_-

راح أتكلم عن بعض ألعاب الأركيد، مثل ما تعرفون في كثير ألعاب طلعت و انشهرت في عالم ألعاب الأركيد من الثمانينات ليلحين، و طبعاً يعود الفضل للكثير من اليابانيين و الصينيين يعني، فمن انجازاتهم القوية :

Dance Dance Revolution
Dance Dance Revolution 2
Dance Dance Revolution Megamix -_-
Dance Dance Revolution Megamix 2 -_-
Super Ultra Platinum Turbo Dance Dance Revolution EX -_-
Dance Dance Dance Dance Dance Dance Dance Revolution -_-
Big Tokyo Baking Simulator Fish Danceو لكن، هناك المئات من الألعاب الصينية تحديداً، و التي لم تصل للقمة ولا طلعت من عندهم أصلاً، فراح أعرضلكم وحدة من الألعاب المحطمة للصخر إلي بالأرض واللي وصلت إلى أعماق الأرض من كثر ما هي بايخه.


Trio the Punch - Never Forget Me
http://img.photobucket.com/albums/v45/AhmedTheGreat/23-trio-title.png

هذي اللعبة فيها قصة تحرك القلب من كثر ما هي عاطفية و مؤثرة، تتعلق ب 3 أشخاص ما عندهم سالفة مجبورين انهم يفترون بالعالم و يصوطرون (يعني يطقون طراقات أو يصكون كف) مئات و ألوف من الرجال المتان (يعني متين، بوتمبه، مكرش) إلي مو لابسين قمصان، و بعض وحوش الزومبي إلي إذا ما ذبحتهم بسرعة يزعلون و ينفجرون، القصة شوي مو واضحة لأنها كلها بالصيني، فراح أحاول أشرحها حسب ما فهمت بدون لا أفهم ولا كلمة بالصيني ولا أفهم الألعاب إلي يسوونها -أعتقد- ناس أعمارهم على 10 سنين .

تدور أحداث هذي اللعبة إما في 2006 أو 2009 أو 1874 ، و العالم طاح في كابوس، رياييل امتان مو لابسين قمصان استولوا عالعالم مسببين ذعر للمدنيين الأبرياء عن طريق انهم يتمشون يمين يسار في خط مستقيم و يتفلون شي أخضر مادري شنو، و هذيل طبعاً عندهم شغلات تساعدهم على الاستيلاء على العالم مثل "الرجل (ريل مو رجال) الكبيرة إلي تدوس عليك" (هذا اسمها) و "الإيد الكبيرة إلي تصب على راسك كتشب أخضر" (هم هذا اسمها) ، في مهمة لتحرير العالم من هؤلاء المجرمين، لازم تمشي من طرف الشاشة لي طرف الشاشة الثاني لمدة العديد من الأسابيع، و تطق كل شي يتحرك و أكثر الأشياء إلي ما تتحرك، و إذا ما قدرت، وحوش زومبي متخلفة تسوق سيارات صفرة راح تستولي على العالم، و تحوله إلى عالم مخيف و معقد و هو عبارة عن عالم بعد ثنائي شري، هل انت شجاع بما فيه الكفاية عشان تشكل على زر Attack لمدة 40 ساعة و تحرر الأرض من قبضتهم الفولاذية المرعبة إلي ما عندها قميص؟ ماعتقد...

(هذي "الرجل (ريل مو رجال) الكبيرة إلي تدوس عليك" )
http://img.photobucket.com/albums/v45/AhmedTheGreat/23-trio-screen-1.png

الكثير من الناس ممكن يوخرون عن اللعبة من يسمعون اسمها بدون لا يشوفونها، لأنهم راح يحسبونها (من الاسم يعني) انها عن شاذي ملاكم يفتر بالشوارع و يتحدى إلي طيحوا مبنى التجارة العالمي إلي بأمريكا، لكن أقدر أعلنلكم ان مافي لا شواذي ولا ملاكمين ولا إلي طيحوا مبنى التجارة العالمي إلي بأمريكا في هاللعبة، أصلاً انا مادري شنو أكو باللعبة، كل إلي أعرفه ان لازم أول شي تختارون واحد من ال 3 شخصيات إلي مادري شلون صاير شكلها، و بعدين تبارون أكثر من 100 مليون بليون وحش مثل الآتي :


الأسم : رجال امتان ماعندهم قمصان و يمتنون زيادة مع الوقت لسبب غير معروف.
http://img.photobucket.com/albums/v45/AhmedTheGreat/23-trio-ene-1.png
أول ما تشوفهم باللعبة، هذا إلي راح إيي في بالك :
هذيل حيل امتان!!!
بعدين ثاني شي راح يكون :
هذيل مو لابسين قمصان!!!
بعدين مخك راح يوقف و ما يستوعب لأنه رافض انك تخليه يلعب مثل هالبياخة، و لا فوق هذا يتفلون بعد! لا و في اتجاهات عشوائية، و الرجال المتان إلي بدون قمصان عندهم القدرة انهم يصيرون أمتن و أمتن، لأن على ما يبدو (يا عيني عالتعبير) هذي ميزة يبيها كل رئيس شرير، راح يقعد يطالع طلبات الالتحاق و يشوف الآليين إلي عندهم رشاش و مسدسات ليزر و يشوف وحوش من الجحيم و يطنشهم و يدور أكثر واحد يقدر يمتن وايد بأقل مدة، و مثل ما تقدرون تشوفون بالصورة في رجال بدون قمصان لونهم بنفسجي بعد، عندهم أحد أقوى الحركات باللعبة و أكثرها رعباً و هي ان لونهم بنفسجي، إذا عبالكم البنفسجي مو شي قوي و مخيف و صعب روحوا مكدونلدز و حاولوا تطقون Grimace و خنشوف.


الأسم : خروف قطني وردي
http://img.photobucket.com/albums/v45/AhmedTheGreat/23-trio-ene-2.png

أدري أول ما شفتوا اللعبة قلتوا بمخكم (أخ جان زين لو كان في خروف يتكون من كور قطن و يقطها عليك عشان يطقك) ، بس خلاص لا تحاتون لأن صج هاللعبة فيها كل شي، يطلع الخروف القطني الوردي في مرحلة الغابة و لازم بهالمرحلة تذبح جم واحد من هالوحش القاتل هذا عشان تفوز، و بعدين المرحلة إلي وراها انت تصير خروف قطني وردي و تحذف قطع من جسمك على الرجال الامتان إلي بدون قمصان.


الأسم : شايب معصب و مينون
http://img.photobucket.com/albums/v45/AhmedTheGreat/23-trio-ene-3.png

هالشايب هذا تطلع صورته حتى في القائمة إلي أول شي فأنا عبالي انه خوش ولد يعني يا مدرب كونفو ولا صاحب موقع ولا شي جذي، لكن طلع وحش يطلع في نهاية المرحلة الخامسة و بعدين يطلع بنهاية كل مرحلة عقبها، لازم اتطقه على ويهه وايد عشان يوافق انه ما يزوع أحرف صينية عليك و انه يخلي ويهه يكبر 50 مرة من الحجم الطبيعي و ماكو سبب لهالشي.


و للأسف بسبب جدولي المضغوط و جذي ما قدرت أكمل هاللعبة الممتعة، فماراح أقدر أقولكم شنو الوحش الأخير إلي أتوقع من هالبلاوي إلي شفتها انه يكون بطل ماي ولا كرتون طماط.

أتمنى يكون التقرير عجبكم .

السلام عليكم :)

[DonMusallam]

السلام عليكم.

سامحوني بس انشغلت مع الجامعة و جذي، ان شاء الله راح أكمل الموضوع قريب :)

[THE KILLER]

يا أخي أنا قريت كل آرائك إلي كتبتها بس سبحان الله ولا لعبة أعجبتك بس أسلوبك في الكتابة عجبني
وياليت لو تكتب رأيك في هذي الألعاب

GTA:SA على PS2
SPY VS SPY على PS2
تيم بوديز على PS1
hogs of war على PS1

ومشكور على نشر آرائك و أفكارك الجميلة في المنتدى:biggthump :biggthump :biggthump

[yashabab.net]

أكيد الناس كلهم أذواق

[بيبو]

:06: :afraid: مرحب انا يوسف من كابول بدك لعبة com :05: :02: :vereymad: ands :reporter: :evil: :evil:

[بيبو]

انا يوسف بدك لعبة comandsفيه هيتلر الخنزير صصصصصصصصصصصصح: : :chairfall :captain: :lick: :santaclau :sgrin: :jap041: :jap039: :jap037: :jap035: :jap033: :jap031: :jap029: :jap027:

[DonMusallam]

السلام عليكم
شغل شغل! اختبارات و لويه!!

الأخ ذا كيلر
مشكور على ردك، و مو سالفت كل الألعاب مو عاجبتني، انا الألعاب إلي أكتب عنها هي إلي ماعجبتني، أو اني أكون متوقع شي عالي و لما ألعب يطلع مستواها أقل عرفت؟ و أغلبهم لعبتهم لللآخر هههههههههههه

و ان شاء الله بكتبلك عن إلي تبي بس اصبر خل أخلص اختباراتي و أتفرغ..

و أخ يا شباب،
انا معاك بهذي و عشان جذي خذت الحرية و كتبت بهالأسلوب ^^

سلام