أخاف اروّح وتناديني تعال

[الغــامــدي]

تراك يازين زوّدت الدلال === وأعتقد إنّك بصدّك تغلّى

أبسألك يا بنت مجرّد سؤال === انتي تبيني والا قصدك تسلّى

عطيني جوابك يابنت الحلال === أمد خطواتي والا اتخلّى

أخاف اروّح وتناديني تعال === وان جيت صاحبي ذاك ولّى

واعيش ايامي في دنيا الخيال === زادت همومي علّه فوق علّه

دمعي على الخد من العينين سال === والقلب من نزفه غدا من محلّه

كانك تبيني وللعشق ميّال === انا فدى روحك ودربي تدلّه