Are you a good ice breaker?

[smigle]

سلام عليكم أصحاب المنتدى الغالين







خلوني أبتدي الموضوع بموقف بسيط صار لي:



من يومين كنت في النادي الصحي ومستانس على عمري بعد ما خلصت التمرين قلت ياولد خلنا ندخل حمام البخار ونخس كم كيلو شويه كده.:)



المهم فتحت الباب دخلت وسط البخار الكثيف وماني قادر أشوف يدي, بصراحة أنتبهت أنه في واحد أجنبي قاعد, بس قلت Hi بدون ما ألتفت و خذت لي زاوية في المكان و قعدت وما تكلمت.

عموماً اللي أعرفة عن البريطانيين أنهم دايما يفتحون أي موضوع بالكلام عن حاله الطقس (silly way to start a conversation) وبصراحة حسيت أنه لا بأس فيه بس ما كان لي نفس أدز ويهي وأتكلم عن الجو أو أي شي خاصةً اني ما أرتاح وايد حق البرتش.



الأخ دخل عرض في الكلام معاي و سأل:

So how was your training today?

ورديت عليه وتمينا نسولف عادي, الغريب أننا أكتشفنا أنه فيه أمور وايد مشتركة بيننا لا والغريب أنه طلع يعرف يتكلم شوية أيراني (اللغة أللي اتعلمها) ويملك نفس سيارتي وقعدنا نتكلم يمكن 40 دقيقة.



مثل ما يقول العنوان سؤالنا اليوم ( Are you a good ice breaker ) يعني هل أنت كسارة ثلج جيدة؟؟ :p ما عليكم أستهبل.



اللي لعبوا منكم ريزدنت أيفل 4 أكيد سمعوا هالمصطلح لما كان ليون راكب مع الشرطيين في السيارة وبدأو المحادثة معاة بأسلوب أستهزائي و قال لهم
so that's your way of breaking the ice here))



Ice breaking هو مصطلح يعبر عن كسر الحواجز بينك وبين الشخص الذي تقابله لأول مرة, أو تصادفه للمرة الأولى، يعني تخيلو أنكم واقفين جدام حائط جليدي وداخلة ماموث. ih ih ih

المهم بعد ما طلعت من النادي سألت نفسي لو أني تميت ساكت وما تكلمت وهو بعد كان مثلي ساكت، هل كنت بعرف هالأنسان، طبعاً لا.

أستغربت أشلون أن القدر ممكن يجمعنا أحياناً مع ناس قراب وايد من شخصياتنا و أطباعنا وممكن يكونون من أقرب أصدقائنا، بس السؤال هو هل أنت من الناس اللي تقدر تكسر الحاجز الثلجي وتوصل للماموث اللي في الداخل؟

طبعاً انا ما أطلب منك أنك تكون مبلت الويه وتوزع :D ات للي رايح واللي راد .

بس بالنسبة لي هذي هي طبيعتي في بعض الأحيان ما آخذ وأعطي على طول, ما أقصد أني من النوع الأنطوائي بس في مواقف مثل هذي ما أتكلم على طول مع اللي أمامي خاصةً إذا ما كان فيه شي يستدعي الكلام. مع أنه ممكن يكون هذا الشخص الأحمر اللي قاعد جنبك في الجاكوزي قريب وايد من شخصيتك ويملك نفس سيارتك ويتكلم اللغات اللي أنت تتكلمها ويحب الأشاء اللي أنت تحبها.

أو ممكن يكون هذا الشخص اللي واقف جنبك في طابور المدرسة من أعز أصدقائك (إذا سنحت لك الفرصة أنك تتعرف عليه) بس القدر ما جمعكم في صف واحد.

أكيد أنك في يوم شفت شخص وارتحت له بس ما صار الموقف (أو الصف) اللي يجمعكم مع بعض مع أنك في قرارة نفسك متأكد أنكم ممكن تكونون من أعز الأصدقاء, هذا الأعتقاد ممكن يصيب وممكن يخطي بس هل أنت قادر على المواجهه؟؟؟

[Da S.O.S]

انا من ناحيتي جدا صعب اني ادخل مع اي احد
مشكلتي الوحيده اني ما ارتاح للناس بنسبه 90 % من البشريه الي اقابلها
ممكن اثق بسرعه... لكن صعب اني اعطي الانسان الثاني فرصه اصلا انه يخش معاي
ما اعرف هي حاله نفسيه ولا اي بالظبط ما عندي فكرة... يعني ماني اجتماعي ابدا..
واحاول اتجاوز هالمشكله لاني اتمنى اكون علاقات كثيره وواسعه لكن علاقات محصورة جدا جدا !
وفعلا كثير احيان ممكن نقابل ناس بصدفه ما تخطر على عقل.. وصارت لي كثير ^_^
بس حاليا ما اتذكر اي منها.. لو تذكرتها بجي واكتبها ثاني :)
شكرا عزيزي على الموضوع وونتظر ردود الاعضاء

[Angel whisper]

تعيبني افكار مواضيعك :)
وكلامك صح ..
انا اول .. كنت مستحيل اكلم اي حد غريب عني .. اصلا بشكل عام انا مب وايد وايد اجتماعيه ..
بس الحين قمت احاول يعني .. اسويلي علاقات ويا الناس ..
فشوي شوي .. قمت اسويلي ربع وعلاقات زينه ..
هي مب قويه .. بس يعني .. we can have lunch or a warm conversation from time to time ..
مشكور سميقل :)

[Trapped Inside]

هلا سميقل ^^ ..

همممم .. على بلاطة .. منيب اجتماعي .. مدري يمكن احيانا اسولف كثير وكذا .. مع ناس معيين .. لاني انا اعرف ان هذا الشخص اذا قعدت ساكت بياخذ عني فكره شينه .. عشان كذا احاول اسولف معه ..

بس عموما .. منيب اجتماعي .. وطبعي ما احب اتكلم كثير مع اي واحد ..


مشكور عالموضوع ^^ ..

[Rory]

حلو الموضوع .. :p

اممم .. أنا من النوع إلي ما يحب العلاقات إلي فيها "سلام وسؤال عن الأخبار" يعني السطحية مووول ..
إذا بعرف حد يا يكون قريب أو ولا شي ..
بس إذا حد بدا معاي بالكلام وحابين يتقربون أكثر ..
امم .. 50% ما أعطي فرصة تلقائيا .. >_< بس حاليا أحاول :06:
وعن me being the ice breaker .. welll in most situations yes I am~

ثانكيوو .. عالموضوع :ds015:

[NsaN]

همممم..
بشكل عام..هب من طبعي اكلم اي شخص ما اعرفه..
و حتى لو ياني شخص ما اعرفه و حاول انه يفتح معاي Convesation..ممكن اكون شوي جاف..و ما ارد الا على قد السؤال..
و يمكن هالشي يعطي الناس فكرة اني مغرور و شايف نفسي..

بس الحمدلله..هالكلام ما حسيته بعمري لكنه انقالي.
اني اذا دخلت في قروب عاجبني اتأقلم معاه و اكسر اي حاجز ممكن يكون موجود..
خاصة اني من النوع الـTalkative..
يعني الحمدلله..اذا مثلاُ تعرفت عشخص يديد..و حسيته مثلاُ فنان و هذا..اسولف معاه جني اعرفه من 20 سنة..
و لا عالبال..يعني عادي احط عليه و امزح معاه..ما عندي اي اشكال..بس طبعاً بحدود..

بس في نوع واحد من الناس اللي الصراحة ما اقدر اتعامل معاه..و لا حتى اشرخ الحاجز معاهم..
و هم الناس الـ!100% جادين و ما يحبون المزح..
They're Just Too Boring T___T..مع احترامي الشديد لهم..

مشكور سميقل عالموضوع و يعطيك العافية..

[Electro M]

ايراني ؟!!
خلصت اللغات ما لقيت غير لغة هالمتخلفين ؟؟؟!
لا تكون شيعي بس !؟!

[asf4ever]

Nice topic
about my self
أنا مثل معظم الجماعة مب إجتماعي
وحتى إني لو رعفت واحد وبعدين ما شفته لمدة طويلة حتى لو مر علي وشفته ما كلمني ما بكلمه
أنا مب من النوع إلي ياخذ الخطوة الأولى...
بس فيه إستثنائات
إنه لما أشوف واحد عاجبني يمكن أحاول أحصل فرصة معاه تقريبا مرتين سويتها هالشيء
والنتيجة الحين واحد أعرفه عدل بس من زمان ما شفته ولكن علاقتنا ما فيها مشكلة
والثاني بسبة غبائي صرت ما أتكلم معاه وايد فالحين لا كأني أعرفه ويعرفني فندمت على أسلوبي الغير إجتماعي
ودايما أحط ببالي إنه ليش ما الشخص الثاني إلي يبادر بالشيء وهذا أكبر غلط أسويه

so i am not good ice breaker...
but i hope that i can be good one

[Golden_Sun]

حلو الموضوع .. خصوصاً اني صرت اواجهة هالمواقف كثير في الجامعه :D ..

اول شي بعلق على نقطة NsaN .. اعجبتني!


بس في نوع واحد من الناس اللي الصراحة ما اقدر اتعامل معاه..و لا حتى اشرخ الحاجز معاهم..
و هم الناس الـ!100% جادين و ما يحبون المزح..
They're Just Too Boring T___T..مع احترامي الشديد لهم..

100% ..
انا مع هالنوع نادراً (إلا مستحيل) اتأقلم معاهم! ..


المهم نرجع لمحور حديثنا ..
انا بطبعي مو اجتماعي كثير (مع ان اللي حوالي يقولون اني اجتماعي!!) .. وبالنسبة لـIce Breaking .. هذة نادر ما تصير لول (على حسب المزاج) .. يعني اعز صديق عندي حالياً هو اللي كسر الحاجز واصبح صديقي قبل 7 سنين وانا كملتها بعدين ولا لو السالفة بإيدي كان طول عمري ما تعرفت عليه :biggrin: ..
انا ممكن ادخل مع الشخص واسولف وكأني اعرفه من سنين .. لكن ابدأ الحوار واكسر الحاجز نادر ما تصير ..



وصارلي موقف الفصل اللي فات .. كنت قاعد احوس ادور غرفه محاضرتي (اول سنه وما اعرف شي) المهم اسئل الأمن "وين الغرفه الفلانية؟" وفي نفس الوقت اسمع واحد يقول "وين الغرفه الفلانية -نفس غرفتي!-" لنفس رجل الأمن ..

المهم مشينا مع بعض وهو جنبي (اسئل نفسي "شلون اكلمه هذا :boggled:") سألته "انت شكلك معاي بالمادة؟" <-- واحد يستهبل :09: .. هو هنا كأني فتحت له ابواب مغاره علي بابا .. على طول تكلم وظل يتكلم ويتكلم .. طلع ناطر مني الإشاره لفتح باب الحديث -__- .. وهو من النوع الـTalkative نفسي .. المهم وصلنا للغرفه واكتشفنا ان الدوام بعد اسبوعين :08: <-- قلنالكم جدد في الجامعه ..


قعدنا طول الوقت نسولف ونتكلم في عدة مواضيع .. ومع ما يشابهني في صفات وايد لكن ارتحت له وكانت هذة اول صداقة لي من الجامعه :D ..

[smigle]

صباح الخير للناس الغير
اللي مش أي أي ولا زي زي
ومش كل قط يتأله يا مييييييييييشو.

صراحةً ما توقعت أرجع والقى كل هالتجاوب منكم......عجبتوني :naughty2: بس Keep it up

عموماً خلوني ألعب دور الطبيب النفساني وأرد عليكم وترى على فكرة.......ناوي أطول في الرد ==> كيفي موضوعي :icon6:

أبتدي برد عام، ردودكم كلها ترى طبيعية ما أشوف أي بوادر أنفصام في الشخصية أو جنون بقر.:stupid:
، بس تدرون بصراحة في كل رد من ردودكم شفت مرحلة من مراحل حياتي (حشى ديناصور:p ).

- أبتداءً من طور الشرنقة (المدرسه): كنت شوي ما أبادر في الكلام وكانت علاقاتي جداً جداً محدودة
(للأسف في المدرسة كان الattitude اللي سائد في المدرسة هو :

( شعندة هاذيه ياي داز ويهه يبي يتعرف)
:Thinkingo

بصراحة كنت متأثر بهالفكر وكان يحد من علاقاتي، وفي نفس الوقت ما كان يخليني أترك مجال كبير للتفاعل مع الطرف اللي يبادر. (يعني أحيانا كانت تنتهي السنه الدراسية وما أعرف أحد غير شباب الصف)

-ثانياً طور الخروج من الشرنقة: الجامعة (أحلى أحلى مرحلة)

يمااااااه :ugh: مافي صف ولا أستاذ، صار فيه محاضرات و قاعات، شريحة كبيرة من الشباب ، وصار فيه معمل لازم أشتغل فيه مع ناس ما أعرفهم، والأدهى من ذيه كله فيه مشاريع في المقرر لازم أسويها مع ناس يمكن ما أعرفهم لا وبعد لازم تقدم presentation جدام الطلاب والدكاترة:17: .

Well...Dont worry my dear friends you'll get along with it and surely you'll enjoy it
صدقوني ما فيه بيئة تعلمت وتفاعلت فيها كثر الجامعة، تمر عليك كل الشخصيات : الصديق، والصديق الأقرب، الزميل العادي، النذل، المتمصلح (ويا كثرهم)، والبليد وال وال وال.
الأهم من ذيه كلة أنك تتعلم من هالبيئة الخصبه و التجارب اللي بتمر عليك :o ==>حلوه نعم القول يا سميجل، هل من مزيد، أتحفنا أتحفنا بالدرر


-ثالثاً مرحلة ال Kik out from الشرنقة:
ما عندك مشكلة مع أي أحد، ميزانك للناس صار واضح، بصراحة الحين من مجرد القعدة مع الشخص أو النظر له أعرف أقدر شلون وأشطول راح تكون علاقتي معاه و من أي زاويه أقدر أكسر الحاجز.

آسف، في ردي الثاني برد عليكم واحد واحد...

باي

[Doel]

موضوع حلو و فكره أحلى ما شاء الله

بالنسبه لي أنا، أحاول أكون ودي و طيب مع الناس ... و اتفاعل معاهم .. بس االمشكله ان الناس يخاففون مني (واحد ارهابي :08: ) و في أغلب الأحوال ينتهي الحوار بعد 3 جمل
أعتقد ان الحوار يكون حسب طبيعة و ثقافة الشخص اللي تكلمه... مثلا .. في كاليفورنيا، أي واحد توقف و تكلمه بيقول لك قصة حياته .. و اسماء عياله .. و وين ماتت زوجته .. و كيف قتلها ;) و هو يضحك ... بينما لاحظت بعد ان الشعب الكوري شعب متحجر ، الكوريين شعب ما يتكلمون الا مع الكوريين .. و نادر لما تحصل منهم واحد يتبرع و يرد عليك حتى :vereymad:

أذكر في أول أيام الدراسه .. كنت انطوائي بشكل كبير ... ما كنت أكلم الا عدد معين من الطلاب اللي معاي، لكن و الحمدلله تحسن الوضع و صرت أعرف المدرسه كلها أيام الثانويه

شكرا عالموضوع أخوي Smigle

تحياتي
Doel

[Alexel]

موضوع حلو انا عن نفسي
:icon6: well am a great ice breacker
لكن ما افكر اسوي علاقات الا اذا احتجت لها مكتفيه باللي عندي <<انانيه:09:
يعني لمن اكون بمكان ما اعرف احد و زهقانه ادور اي وحده ارتاح لها وكلها خمس دقايق والسوالف والضحك واصل للشارع تقول best friends or something :p
لكن بوضع طبيعي لمن يكون معي احد ما يجي على بالي اتعرف او اشوف من فيه حتى الا اذا وحده جاتنا بنفسها بتتعرف كنه العيد
مره كنت استنى صديقاتي وجالسه اقراء قصه كان في مجموعه في شله مجتمعين وبنت جنبي جالسه لحالها متدري شتسوي بنفسها كسرت خاطري فعلا تركت كتابي وجلست اسولف معها خخخخخخخ:biggthump
احيانا اسوي صداقات مؤقته>< not proud of it but i do يعني لمن اكون فعلا زهقانه اجلس على ناس مالي نيه اتعرف عليهم عشان اضيع الوقت بس اجلس معهم ونسولف ونضحك بس لمن امشي والله اني حتى اسمائهم ما اعرفها>< كثير اللي يجون يكلموني ويسولفون معي كنهم يعرفوني من زمان وانا مدري شارضهم - لاتناظروني كذا ><

[Kubaj]

انا دركتر آيس بريكر.. اخذ راحتي مع اي واحد.. لكن الشيبان عادة.. مايشبكون اذا حاولت انكت

يعطيني تلك النظرة.. ف أرفع حاجز الثلج كأني ارفع قزاز سيارة قديمة يعني موب اوتوماتيك.. :06:

[smigle]

هاي شباب وآسف على التأخير...

نبتدي بالمريض الأول: :22: أتفضل أجلس على كرسي الشازلون، أسمك لو سمحت وأيش مشكلتك؟


انا من ناحيتي جدا صعب اني ادخل مع اي احد
مشكلتي الوحيده اني ما ارتاح للناس بنسبه 90 % من البشريه الي اقابلها
ممكن اثق بسرعه...

أوكي أوكي، أسمعني عزيزي، مشكلتك أبدا مش عويصة، شوف أنت ما ترتاح للناس بنسبة تسعين في الميه وفي نفس الوقت ممكن تثق بسرعة. حاول أنك تقلب هالنسبة (أدري أنها شوي صعبة بس فكر فيها من هالناحية، أرتاح لهم( مبدئيا ً) بنسبة 90 ولاكن في نفس الوقت لا تثق بسرعة لأن الثقة السريعة ممكن تسبب خيبة أمل كبيرة ، حاول أنك ما تحكم على الشخص الا بعد ما تعرفة زين.
على شان أكون أوضح معاك أنا الحين مرتاح للبريطاني هذا (كشخص) يحب أشياء أنا أحبها وبعد سوالفنا وايد حلوة، لكن في نفس الوقت (كصديق) أنا الحين مب واثق وايد فيه لأن its too early to judge.

وفي نفس الوقت هالقاعدة لها أستثناءات لا تنسى الأنطباع اللي تاخذة من أول نظرة، كلنا مروا علينا ناس ما أرتحنا لهم من أول نظرة (ما فيه داعي أنك تستخدم هالنظرية معاهم) لأن الحدس الأول ترى ما يخطي وايد، بس البقيه تقدر تتبع معاهم هالأسلوب.


لكن صعب اني اعطي الانسان الثاني فرصه اصلا انه يخش معاي
ما اعرف هي حاله نفسيه ولا اي بالظبط ما عندي فكرة... يعني ماني اجتماعي ابدا..
واحاول اتجاوز هالمشكله لاني اتمنى اكون علاقات كثيره وواسعه لكن علاقات محصورة جدا جدا !
وفعلا كثير احيان ممكن نقابل ناس بصدفه ما تخطر على عقل.. وصارت لي كثير ^_^ :)


أسمعني، تواجدك معانا وسوالفك أكبر دليل أن ماعندك مشكلة (ترى الشخص الأنطوائي أبعد من ما تتصور بكثير)، مجرد تفكيرك بالموضوع وأمنيتك أنك تكون علاقات هو عبارة عن ردة فعل أيجابية، لا تخاف ترى الفرص ياية بس all what you need is a Hi and a :biggrin: ling face

أوكي أشوفك في الجلسة الياية، ممكن تخلي الحساب عند السكرتيرة، نصيحة أخيرة (+B) بعني بي بوسيتيف.

--------------------------------------------------------------------------------------------------------

:22: اللي بعدة:


تعيبني افكار مواضيعك :)
وكلامك صح ..


ميرسي خالص.:08:



انا اول .. كنت مستحيل اكلم اي حد غريب عني .. اصلا بشكل عام انا مب وايد وايد اجتماعيه ..
بس الحين قمت احاول يعني .. اسويلي علاقات ويا الناس ..
فشوي شوي .. قمت اسويلي ربع وعلاقات زينه ..
هي مب قويه .. بس يعني .. we can have lunch or a warm conversation from time to time ..
مشكور سميقل :)

شفتو يا حلوين، صديقتكم اللي متمددة على الكرسي أكبر مثال على( طور الخروج من الشرنقة) اللي تكلمنا عنة. كانت مستحيل تتكلم والحين ما فية أطول من لسانها:09: . الله يستر منها اذا تخرجت وأشتغلت (بتطالب بمنصب مديرة من أول يوم دوام).

قومي يا يمة دربج خظر ما عليج شر.
-----------------------------------------------------------------------------------------------------
:22: اللي بعدة:


هلا سميقل ^^ ..

همممم .. على بلاطة .. منيب اجتماعي .. مدري يمكن احيانا اسولف كثير وكذا .. مع ناس معيين .. لاني انا اعرف ان هذا الشخص اذا قعدت ساكت بياخذ عني فكره شينه .. عشان كذا احاول اسولف معه ..
بس عموما .. منيب اجتماعي .. وطبعي ما احب اتكلم كثير مع اي واحد ..


حلو......ولو أن لقبك (محبوس في داخلك) لكنك لست بهذا القدر من الحبوسية.

أوكي، ما تحب تتكلم كثير مع أي واحد هذي مش مشكلة كبيرة لأن مش أي واحد لازم نتكلم معاه كثير لأننا لو تكلمنا كثير مع الكل بتكون مشكلة، خل علاقاتك حلوة مع الكل وتكلم كثير مع أصحابك اللي يفهمونك.
السؤال هنا هو في بداية العلاقة، ترى كلنا مرينا بهالموقف==> :ugh: ( الحين هذا اللي قاعد جنبي ساكت أيش يفكر فيني، لازم أقول شي ولا يمكن يقول عني معقد.......بس لا لا لا لو تكلمت يمكن يقول عني أني داز ويهي وأبي أتعرف)

أسمعني يا محبوس في داخلك، شفت الجملتين اللي بين القوسين اللي في الفقرة اللي فوق، ترى 90 % أن هذا الشخص اللي جنبك يفكر فيها بس متوهق نفسك شلون بيتكلم معاك ال10% الباقيين هم عبارة عن المخلوقلت اللي شفناها في فلم ( Men in black).
وعموماُ اذا قال عنك أنك داز ويهك فهو من فئة ( ويييه أشفية هاذيه منعجب فيني يبي يكلمني)

-----------------------------------------------------------------------------------------------------
:22: اللي بعدة:







اممم .. أنا من النوع إلي ما يحب العلاقات إلي فيها "سلام وسؤال عن الأخبار" يعني السطحية مووول ..


إذا بعرف حد يا يكون قريب أو ولا شي ..
بس إذا حد بدا معاي بالكلام وحابين يتقربون أكثر ..
امم .. 50% ما أعطي فرصة تلقائيا .. >_< بس حاليا أحاول :06:
وعن me being the ice breaker .. welll in most situations yes I am~
ثانكيوو .. عالموضوع :ds015:








أنتي اللي يشوف توقيعك حاطتلي ديانا حداد تغني (لو يسئلوني عنك) وشايلة هالمزهريه وتطالعني كأنها يايه بتسكرها على راسي وين بيحس أن عندك مشكلة؟؟

يمة منكم يابنات ما ينخاف عليكم كل وحدة الويه عن كبت، (بتخسروني وبسكر العيادة بسبتكم)
بس بخصوص ( إذا بعرف حد يا يكون قريب أو ولا شي ..) حاولي تكونين flexable أكثر لأن في ناس حبوبين وايد وما عليهم كلام لكن في نفس الوقت ما نندمج وياهم وايد as best friends لكن في نفس الوقت صداقتهم مكسب. وحرام تكون ولا شي (بتلاحظين هالشي مع بنات التخصص الزميلات يعني)

-----------------------------------------------------------------------------------------------------
:22: اللي بعدة:


ايراني ؟!!
خلصت اللغات ما لقيت غير لغة هالمتخلفين ؟؟؟!
لا تكون شيعي بس !؟!

:33:هممممممممم؟؟؟ أنت شكلك عندك فوبيا من الشيعة، للأسف هذا المرض مش تخصصي . عموماً هذا كلام متوقع من كاتب موضوع (كلنا عنصريين).

بس علشان ترتاح أنا مب شيعي.

-----------------------------------------------------------------------------------------------------


أكتفي بهذا القدر من الفلوس..قصدي المرضى والبقيه برد عليهم بكرة ( اذا أحيانا الله)

[Mista Koo]

No I'm Not
أحب أكون أعرف ناس بس ما أحب أتعرف 0_× لأني خجول -_-
بس اذا بدوا الكلام أرد عليهم بس بكلمات بسيطة ما أقط ويهي
كمشور سميقل ^_^

[Angel whisper]

شفتو يا حلوين، صديقتكم اللي متمددة على الكرسي أكبر مثال على( طور الخروج من الشرنقة) اللي تكلمنا عنة. كانت مستحيل تتكلم والحين ما فية أطول من لسانها:09: . الله يستر منها اذا تخرجت وأشتغلت (بتطالب بمنصب مديرة من أول يوم دوام).

قومي يا يمة دربج خظر ما عليج شر.



هههه الله ياخذ ابليسك .. XD
مخلني انبان جني شر ما شي منه ...
وطبعا ابغي استوي مديره بعد شو .. :28:

[smigle]

مساء الخير على الحلوين....

نستقبل مشارك يديد ، يا هلا تفظل على الكرسي وقول لنا مشكلتك.

Nice topic
about my self
أنا مثل معظم الجماعة مب إجتماعي
وحتى إني لو رعفت واحد وبعدين ما شفته لمدة طويلة حتى لو مر علي وشفته ما كلمني ما بكلمه
أنا مب من النوع إلي ياخذ الخطوة الأولى...



أوكي.....عندك مشكلة رعاف...:33: همممممم؟ أستخدم فاين!!!:09:

بس ترى سالفة أنك إذا ما شفتة من فترة طويلة ما تكلمة شوي أشبهك فيها، بس مرة تحسفت صج خلني أقول لك:
كان عندي رفيج يوم كنت صغير (من يوم كنت في أول أبتدائي لين خامس) وكنا ربع لدرجة أني كنت أروح بيتهم ألعب عندهم وهو كان يجي بيتنا ...بس مب وايد وايد، المهم أنا أفترقنا يوم أنا انتقلت بيت ثاني، بس رديت شفتة مرة ثانية وأنا في أول ثانوي، تصدق أن نفس الموقف صار لا هو جاني وأنا كنت ناطرة يجي وما جيتة، تصدق لين ثالث ثانوي ما سلمت علية يد بيد. مع أني متأكد أني لو كنت شوي جريئ كنت يمكن الحين على أتصال معاة.

Nice topic
بس فيه إستثنائات
إنه لما أشوف واحد عاجبني يمكن أحاول أحصل فرصة معاه تقريبا مرتين سويتها هالشيء
والنتيجة الحين واحد أعرفه عدل بس من زمان ما شفته ولكن علاقتنا ما فيها مشكلة
والثاني بسبة غبائي صرت ما أتكلم معاه وايد فالحين لا كأني أعرفه ويعرفني فندمت على أسلوبي الغير إجتماعي
ودايما أحط ببالي إنه ليش ما الشخص الثاني إلي يبادر بالشيء وهذا أكبر غلط أسويه

so i am not good ice breaker...
but i hope that i can be good one

أيوا الحين بديت تعجبني.....(Now we are equal, We share the same sad story)
بس على فكرة أنا الحين لو صادف وشفتة أكيد بسلم علية وأسولف كأن شي ما صار، حتى يمكن بستهزء على موقفنا يوم كنا طلاب في المدرسة:p ....

--------------------------------------------------------------------------------------------------------

:22:اللي بعدة:

حلو الموضوع .. خصوصاً اني صرت اواجهة هالمواقف كثير في الجامعه :D ..

اول شي بعلق على نقطة NsaN .. اعجبتني!



100% ..
انا مع هالنوع نادراً (إلا مستحيل) اتأقلم معاهم! ..


المهم نرجع لمحور حديثنا ..
انا بطبعي مو اجتماعي كثير (مع ان اللي حوالي يقولون اني اجتماعي!!) .. وبالنسبة لـIce Breaking .. هذة نادر ما تصير لول (على حسب المزاج) .. يعني اعز صديق عندي حالياً هو اللي كسر الحاجز واصبح صديقي قبل 7 سنين وانا كملتها بعدين ولا لو السالفة بإيدي كان طول عمري ما تعرفت عليه :biggrin: ..


شفت أشلون كسر الحواجز مهم، يعني لولا أنه ما تكلم معاك كان الحين ما عندك أحد تقول له (أعز صديق) غيري أنا (which is something really terrible)

بالضبط That's what I am saying ترى بتمر عليك كل الأشكال في الجامعة وتجارب وايد بس أهم شي أنك تتعلم منها، والدليل سلفتك مع هالطالب.

وعلى فكرة مع الناس الجديين أنا نفسك، مل بلادة الدنيا تنزل على وأصير طينة ما أتكلم خير شر.
--------------------------------------------------------------------------------------------------------

:22:اللي بعدة:

موضوع حلو انا عن نفسي
:icon6: well am a great ice breacker
لكن ما افكر اسوي علاقات الا اذا احتجت لها مكتفيه باللي عندي <<انانيه:09:
يعني لمن اكون بمكان ما اعرف احد و زهقانه ادور اي وحده ارتاح لها وكلها خمس دقايق والسوالف والضحك واصل للشارع تقول best friends or something :p
لكن بوضع طبيعي لمن يكون معي احد ما يجي على بالي اتعرف او اشوف من فيه حتى الا اذا وحده جاتنا بنفسها بتتعرف كنه العيد
مره كنت استنى صديقاتي وجالسه اقراء قصه كان في مجموعه في شله مجتمعين وبنت جنبي جالسه لحالها متدري شتسوي بنفسها كسرت خاطري فعلا تركت كتابي وجلست اسولف معها خخخخخخخ:biggthump
احيانا اسوي صداقات مؤقته>< not proud of it but i do يعني لمن اكون فعلا زهقانه اجلس على ناس مالي نيه اتعرف عليهم عشان اضيع الوقت بس اجلس معهم ونسولف ونضحك بس لمن امشي والله اني حتى اسمائهم ما اعرفها>< كثير اللي يجون يكلموني ويسولفون معي كنهم يعرفوني من زمان وانا مدري شارضهم - لاتناظروني كذا ><

waw waw Slow down girl :shock22:
قلنا البنات ما ينخاف عليهم بس مش لهالدرجة صحيح أن الموضوع عن breaking the ice بس اللي أنتي قاعدة تسوينة you are smashing it all over

ok ok حبة حبة: أنا ما أعرف وايد عن بيئة البنات بس اللي أعرفة انهم (جر جر واجد والله)

- خمس دقايق وضحك لين الشارع
- صداقات مؤقتة
- لمن اكون فعلا زهقانه اجلس على ناس مالي نيه اتعرف عليهم عشان اضيع الوقت بس اجلس معهم ونسولف ونضحك بس لمن امشي والله اني حتى اسمائهم ما اعرفها.

I am worried about you لأن بهالحركات ممكن ناس وايد يفهمونك غلط وهم ما عندهم الا أحتمالين ( ياما أنك وايد وايد مسكينة وعلى نياتك، أو انك مش وايد وايد على نياتك أو انك خفيفة)==> ok three possibilities

نصيحتي لك slow down a little لأن ترى أشوف شوية بنات يسوون جر جر واجد عنك.

--------------------------------------------------------------------------------------------------------

:22:اللي بعدة:



No I'm Not
أحب أكون أعرف ناس بس ما أحب أتعرف 0_× لأني خجول -_-
بس اذا بدوا الكلام أرد عليهم بس بكلمات بسيطة ما أقط ويهي
كمشور سميقل ^_^


يا خجول أنته ياللي ما تقط ويهك أنته.....يا يا ياواد يا تقيل.

شلون تحب تعرف الناس بس ما تحب تتعرف؟؟؟

ترى حط في بالك أن اللي يبتدي بالكلام معاك ترى ممكن كان متردد في البداية، فإذا رديت علية بكلام بسيط أنت بهالشي تخليهم يترددون أكثر انهم يتكلمون معاك مرة ثانية ويكن تخسر صداقة ممكن انها تكون من اعز صداقاتك, خذ صديقنا الشمس الذهبية على سبيل المثال لو انه رد على صديقة ببرود يمكن ما كان له صديق عزيز وكان لقبة (Dark sun)

ترى ردك على الناس مع أبتسامة مش قطة ويه، بل هو صدقة (قال النبس صلى الله علية وسلم : أبتسامك في وجة أخيك صدقة)

-----------------------------------------------------------------


كنج خوباج، أسألني أنا عن الشياب(I gave up on them already)
أتوقع على أيامهم كان كسر الحواجز عبارة عن ظرب خشوم على طول؟؟؟؟:33:

-----------------------------------------------------------------

أكتفي بهذا القدر من المراجعين ، عموماً شكل الموضوع قاعد يلفظ أنفاسة الأخيرة

نصيحة أخيرة للي تعنو ودخلو يقرون الموضوع للرمق الأخير


- Always be your self
- when ever you say Hi or reply on a Hi do it with a Smile
-كلنا ودنا نكون الشخص الحبوب اللي الكل يعرفة واللي ما عندة مشكلة مع أحد(The most popular) بس في الأخير ترى كل واحد لة طبيعتة و أمكانياتة.

على العموم لازم أروح الحين تأخرت على الصف. باي.

[Electro M]

للتوضيح الفوبيا معناها الخوف و انت اخطيت بهالوصف
انا اكره هالحثالة اكثر من اي شي في هالدنيا

[Rory]

أنتي اللي يشوف توقيعك حاطتلي ديانا حداد تغني (لو يسئلوني عنك) وشايلة هالمزهريه وتطالعني كأنها يايه بتسكرها على راسي وين بيحس أن عندك مشكلة؟؟

يمة منكم يابنات ما ينخاف عليكم كل وحدة الويه عن كبت، (بتخسروني وبسكر العيادة بسبتكم)
بس بخصوص ( إذا بعرف حد يا يكون قريب أو ولا شي ..) حاولي تكونين flexable أكثر لأن في ناس حبوبين وايد وما عليهم كلام لكن في نفس الوقت ما نندمج وياهم وايد as best friends لكن في نفس الوقت صداقتهم مكسب. وحرام تكون ولا شي (بتلاحظين هالشي مع بنات التخصص الزميلات يعني)

عيل ديانا حداد هاه؟ :biggrin:
ههههههه.. طبعا طبعا .. I have no problems .. none whatsoever :28:

عن سالفة الــ flexibility .. أحاول .. -__-' seriously
وأنا شفت جذي ناس .. طيبين وكوول .. بس not best friend material
بس أنا صدق أحتاج جذي ناس .. خاصه إذا كانو من نفس تخصصي ..
بنجرب حظنا .. وبنحاول نليين أكثر ويا العامه .. :33:


عالعموم ثانكس عالتشجيع والنصيحه .. دختووور :28:

[Tidus]

امممممم, اجل طلعت متخصص Ice breaking و انا مدري

و الله انا من النوع اللي نادر القى شخصيات بين الناس تعجبني, مو نادر نادر عاد... بس بعض الصفات لو توفرت بالشخص يعجبني و يجي فبالي, فعلى طول لو حصلت فرصة مواجهة هالشخص أسارع باني اتعرف عليه! و ماهي صفات محدده هي... يعني مثلا شخص هادي مره و لو تكلم مره ما يجرح بالكلام او يغلط و حبوب و جذي, او شخص لفت انتباهي ذكاءه, او فنه بمجال معين...

و الحمد لله يعني ما أواجه صعوبه بهالشي, يمكن سهل بالنسبه لي أعطي الشخص اللي قبالي على جوه :biggrin: لما اتكلم مع واحد احس يتضح لي هو شلون جوه بالضبط و اصير اسولف على كيفه, لاني احب أكون مندمج مع الشخص لو عجبني...

فكذا مره يشوفني واحد من ربعي اسولف مع شخص و يستنكر اسلوبي بالكلام غير, و مع فلان غير... فواجد يقولون لي ترى انت ما عرفنالك _-_ يمكن لي كذا side يظهر على حسب شخصية اللي قبالي, بس جد صراحه احب افرفش على حسب اللي قبالي

فايه, ابدي بالكلام انا... و أحاول اكسر الحواجز بمجرد كون الشخص واجهني و اخذ انطباع اولي عني, احاول أسارع بزرع صوره حقيقيه عني عنده, و أحاول أكسبه... هذا بالنسبه لي while ice breaking

اما بالنسبه لغيري لما انتبه انه يحاولين ice breaking me ×____× تصير لي مع ناس مرات احس من نفسهم ناوين يتقربون @@ اللي جذي أحاول على قد ما اقدر ابين لهم اهتمامي و اني سعيد بوجودهم معاي, أسمع لهم و ما أنسى أسلم عليهم.


عاده فيني لما أعرف واحد و صافحته لابد لما اصافحه مره ثانيه أحبه, و لو شفته من بعيد اميل له و اسلم عليه, ما امشي و اخليه... ما انحرج من هالاشياء بالعكس انحرج لو عديته...


فيقولون لي انت شخص اجتماعي :boggled: مع اني اعترف اني من النوع اللي اتكلم و اضحك و افرفش واجد...

بس مو لهناك اجتماعي ترى... اتعاجز اتواصل مع غيري لان, ياااااااااااااا حبي لبيتنا~

[Yamato]

اقدر اقول انه نص الحاضرين في هالموضوع محبين للاكسجين على قولة الاخ الرفيق المساعد رفعت اسماعيل نص كوم.. :28:

وبالنسبة لي فانا ما اختلف ابدا..
يعني اذا كنت في اي مكان وقاعد مع شخص.. فصعب جدا اني ابدا بالكلام.. لاني افضل السكوت بدرجة فظيعة.. الا اذا هو بدا يستدرجني بالكلام -___-!
حتى اني احيانا لما اكون ماشي في الكلية وشفت انسان تعاملت معاه فاحاول اني اسلك طريق ثاني فقط علشان ما نتلاقى.. لكن اللي اعرفهم واللي لي (مصلحة) عندهم.. فاركض يا فتى وسلم عليهم وحب على راسهم :biggrin:

بس ما نقول غير.. فلتحيا جماعة الاكسجين..


سؤال الى سميقل فتى الخواتم...
ترجم التالي يا فالح: شتوري.. اهوال شما خوبي.. :biggrin:

[smigle]

هلا هلا بالزباين والله....:naughty2:
اليوم عاد أحنا فاتحين العيادة الصبح (ما أدري أيش فية الموقع مب راظي يشبك من يومين عندنا في الشغل):grumble:

-------------------------------------------------------------------
:22: عموماً: تفظل يا يمة أستلقي وألقي ما في كرشتك من هموم يا مهموم.





بالنسبه لي أنا، أحاول أكون ودي و طيب مع الناس ... و اتفاعل معاهم .. بس االمشكله ان الناس يخاففون مني (واحد ارهابي ) و في أغلب الأحوال ينتهي الحوار بعد 3 جمل





مع أن شكلك على ما أذكر كان وايد زين، أذكر صورتك وأنت واقف على الثلج، همممم:33: بالعكس أنا بصراحة أرتحت لك. عموماً لا تاخذها كقاعدة ولو أنه للأسف صار الشخص المسلم والملتحي يشكل رعب لبعظ المتأثرين بالأعلام السي أن أني.
عموماً إذا حسيت أن اللي جدامك مش مرتاح لك وايد، ترى ثلاث جمل كفاية فية إذا هو ما تكلم معاك بعدها معناها هو فيه something wrong .


أعتقد ان الحوار يكون حسب طبيعة و ثقافة الشخص اللي تكلمه... مثلا .. في كاليفورنيا، أي واحد توقف و تكلمه بيقول لك قصة حياته .. و اسماء عياله .. و وين ماتت زوجته .. و كيف قتلها و هو يضحك ... بينما لاحظت بعد ان الشعب الكوري شعب متحجر ، الكوريين شعب ما يتكلمون الا مع الكوريين .. و نادر لما تحصل منهم واحد يتبرع و يرد عليك حتى

بالضبط ترى هذي شغلة تتعلمها من السفر, الأمريكان very easy going تقدر تدخل لهم من أي زاوية البرتش شوية أصعب لكن الكوريين وحتى الصينيين ما أدري أيش عقليتهم في التفاعل، ترى حتى لو تشوف فرجانهم في امريكا او بلد ثاني ترى وايد منغلقين على نفسهم.



أذكر في أول أيام الدراسه .. كنت انطوائي بشكل كبير ... ما كنت أكلم الا عدد معين من الطلاب اللي معاي، لكن و الحمدلله تحسن الوضع و صرت أعرف المدرسه كلها أيام الثانويه



شكرا عالموضوع أخوي Smigle




Good then my friend you are in the track of being the ice breaking doel.
-------------------------------------------------------------------------------------------------------
:22: اللي بعدة:
يا هلا يا هلا يعجبوني المرضى اللي يراجعون العيادة مرة ثانية :D
تدرين عاد، ثانية من فضلك بكلم السكرتيرة: يا مرفت.
مرفت: نعم دكتور.
أنا: أعملي خصم على الفاتورة :deal: بتاعت المراجعة روي أصلها بتداوم كويس هنا.
ميرفت: تحت أمرك دكتور.


عن سالفة الــ flexibility .. أحاول .. -__-' seriously
وأنا شفت جذي ناس .. طيبين وكوول .. بس not best friend material
بس أنا صدق أحتاج جذي ناس .. خاصه إذا كانو من نفس تخصصي ..
بنجرب حظنا .. وبنحاول نليين أكثر ويا العامه ..
عالعموم ثانكس عالتشجيع والنصيحه .. دختووور


Good initiative and attitude لأنك ترى ما تدرين متى راح تحتاجينهم ترى المقررات اللي جاية وايد وما تدرين من ممكن بيكون معاك،
أو ما تدرين يمكن حد يبي يخطب ويسأل عنك، أول شي بيسألون عنة تخصصك فمن الجميل أنه يكون عند الكل أنطباع حلو عنك......Again لأنك ما تدرين من راح يسألون.:naughty2:
شكلي بشتغل خطابة آخر عمري.:09:
-------------------------------------------------------------------------------------------------------
:22: اللي بعدة:


امممممم, اجل طلعت متخصص Ice breaking و انا مدري
~

ما عليك ترى البالطو اللي لابسة كنت أستعملةفي معمل الكيمياء أيم الجامعة. بس فتحت لي عيادة قلت يمكن أدخل منها شوية فلوس.....ها حاب تدخل معاي في البزنس؟



و الله انا من النوع اللي نادر القى شخصيات بين الناس تعجبني, مو نادر نادر عاد... بس بعض الصفات لو توفرت بالشخص يعجبني و يجي فبالي, فعلى طول لو حصلت فرصة مواجهة هالشخص أسارع باني اتعرف عليه! و ماهي صفات محدده هي... يعني مثلا شخص هادي مره و لو تكلم مره ما يجرح بالكلام او يغلط و حبوب و جذي, او شخص لفت انتباهي ذكاءه, او فنه بمجال معين...
~
يا ولد يعجبني أسلوبك الفهدي الأسدي في أقتناص الربع:ds010:.....GRRRrrrrr.
أولا: عندك صفات معينة للفريسة.
ثانيا: مب أي فريسة تعجبك، وتراقب الصفات اللي تبيها من بعيد.
ثالثا:تتحيز للفرصة, ولو حصلت تكشر عن أنبابك و تنقض على الفريسة...



فكذا مره يشوفني واحد من ربعي اسولف مع شخص و يستنكر اسلوبي بالكلام غير, و مع فلان غير... فواجد يقولون لي ترى انت ما عرفنالك _-_ يمكن لي كذا side يظهر على حسب شخصية اللي قبالي, بس جد صراحه احب افرفش على حسب اللي قبالي

فايه, ابدي بالكلام انا... و أحاول اكسر الحواجز بمجرد كون الشخص واجهني و اخذ انطباع اولي عني, احاول أسارع بزرع صوره حقيقيه عني عنده, و أحاول أكسبه... هذا بالنسبه لي while ice breaking
~
يا ولد يا بربا الشاطر يعجبني أسلوبك الثعباني السحاليلي في ألتعامل مع الربع.....فحححححح.
أولا: شي حلو أنك تعامل كل شخص على أسلوبه ، وفي نفس الوقت ما يعتبر نفاق.
ثانيا: شي حلو انك تكون على طبيعتك بس فيه بعظ الناس لهم اهوئهم اللي يحبونها مثلاً (اللي يحب التنكيت واللي اسلوبة هادي واللي يحب سوالف الرياضة واللي طبعه دفش)



اما بالنسبه لغيري لما انتبه انه يحاولين ice breaking me ×____× تصير لي مع ناس مرات احس من نفسهم ناوين يتقربون @@ اللي جذي أحاول على قد ما اقدر ابين لهم اهتمامي و اني سعيد بوجودهم معاي, أسمع لهم و ما أنسى أسلم عليهم.
عاده فيني لما أعرف واحد و صافحته لابد لما اصافحه مره ثانيه أحبه, و لو شفته من بعيد اميل له و اسلم عليه, ما امشي و اخليه... ما انحرج من هالاشياء بالعكس انحرج لو عديته...
بس مو لهناك اجتماعي ترى... اتعاجز اتواصل مع غيري لان, ياااااااااااااا حبي لبيتنا~

بس يا خيو روح ما عليك شر.
وترى شي حلو أن يكون عندك وقت تقعد في البيت ترى أنا من بعد الثانوية قلت قعداتي وايد في البيت.:(

-------------------------------------------------------------------------------------------------------
:22: اللي بعدة:

اقدر اقول انه نص الحاضرين في هالموضوع محبين للاكسجين على قولة الاخ الرفيق المساعد رفعت اسماعيل نص كوم.. :28:


Man I have no Idea about what you are saying


وبالنسبة لي فانا ما اختلف ابدا..
يعني اذا كنت في اي مكان وقاعد مع شخص.. فصعب جدا اني ابدا بالكلام.. لاني افضل السكوت بدرجة فظيعة.. الا اذا هو بدا يستدرجني بالكلام -___-!
حتى اني احيانا لما اكون ماشي في الكلية وشفت انسان تعاملت معاه فاحاول اني اسلك طريق ثاني فقط علشان ما نتلاقى.. لكن اللي اعرفهم واللي لي (مصلحة) عندهم.. فاركض يا فتى وسلم عليهم وحب على راسهم


شوفو يا حلوين هذه عينة من طلاب الجامعة الل قلت لكم عنها تذكرون يوم قلت لكم من قبل....أقرو تحت أيش كتبت.





صدقوني ما فيه بيئة تعلمت وتفاعلت فيها كثر الجامعة، تمر عليك كل الشخصيات : الصديق، والصديق الأقرب، الزميل العادي، النذل، المتمصلح (ويا كثرهم)، والبليد وال وال وال.

ترى أسمعني حبيبي، الشخص المتمصلح ينعرف على طول من أول موقف، وبصراحة اكيد أنت ما تبي الناس يقولون: أف أكو ياي صوبنا، أكيد عندة مصلحة، بس تدري بقول له أني ما حليت الوظيفة علشان ما يجيني كل يوم...:09:



سؤال الى سميقل فتى الخواتم...
ترجم التالي يا فالح: شتوري.. اهوال شما خوبي.. :biggrin:

أها خیلی خوش حال هستم که فارسی صحبت می کنی أقای یاماموتو.
من خوبم سلامتی.
حال خانواد?ی محترم شما ?طور است. امید وارم که همه تان خوب هستید.

دوست بدت.......سمیجل.
--------------------------------------------------------------------------------------------------------
أكتفي بهذا القدر واترككم في رعاية الله

بروح السفارة الأندلوسية أجدد أقامة خدامتنا

باي.......;)

[Y a z e e d]

أنا خلني اطلع برا غرفتي ، عشان اصير كسارة جليد ، -__- ، الحواجز بيني وبين اهلين نفسهم ما كسرتها، أعزّ أصدقائي أحياناً، اممم ، إنطوائي شوي .. على كثر ما يطلبوني اطلع معهم ، أُعد انطوائي ..

مو مرض نفسي لكن احبّ أجلس لحالي دائماً :) ..
وفاشل في صنع السواليف :6

[Yamato]

Man I have no Idea about what you are saying
مي تو.. :33:


شوفو يا حلوين هذه عينة من طلاب الجامعة الل قلت لكم عنها تذكرون يوم قلت لكم من قبل....أقرو تحت أيش كتبت

ترى أسمعني حبيبي، الشخص المتمصلح ينعرف على طول من أول موقف، وبصراحة اكيد أنت ما تبي الناس يقولون: أف أكو ياي صوبنا، أكيد عندة مصلحة، بس تدري بقول له أني ما حليت الوظيفة علشان ما يجيني كل يوم...
>..<
انت فاهمني غلط يا فتى الخواتم..
يعني الحين اذا شفت (صاحبي او اعرفه بشكل جيد) اروح له (احيانا) واساله عن الشي اللي انا محتاجه.. يعني مب اني رايح اتمصلح عنده.. لا.. احنا يمشي المثل اللي يقول.. عطني بعطيك -__- ........ وما راح اقعد اتراجاه على هالشي (خصوصا لو شي بالدراسة) لانه ما عادت تفرق معي كثير.. بس لو صاحبي من قوم الانمي فلازم اضغط عليه علشان يجيبلي شي.. خصوصا اني بترج وما بشوفهم.. اضافة الى انه اذا (اي شخص)يطلب مني شي دايما اعطيه.. واحيانا على حساب مصلحتي.. للاسف

المهم خلنا من حكي فاضي يا فتى.. :08:



أها خیلی خوش حال هستم که فارسی صحبت می کنی أقای یاماموتو.
من خوبم سلامتی.
حال خانواد?ی محترم شما ?طور است. امید وارم که همه تان خوب هستید.

دوست بدت.......سمیجل
اوكي اوكي.. شوي علينا يا فتى.. لا تنهد علينا مرة وحدة... :jap011:
انا فهمت كل اللي قلته الا اللي بالاحمر..
اشوفك فاهم صح يا فتى :jap001:

[smigle]

مي تو.. :33:

اوكي اوكي.. شوي علينا يا فتى.. لا تنهد علينا مرة وحدة... :jap011:
انا فهمت كل اللي قلته الا اللي بالاحمر..
اشوفك فاهم صح يا فتى :jap001:

هلا هلا ياماموتو....

فهمت كل اللي قلته؟؟؟؟هممم and from where did you,learn that???

عموماً ترجمة (امید وارم که همه تان خوب هستید) هی: اتمنى انكم جميعاً زينين
و (دوست بدت سميجل)هي : صديقك السيئ سميجل.

سلم لم حياتي...