المساعد الشخصي الرقمي

مشاهدة النسخة كاملة : الصف الثاني عشر ( الثالث الثانوي ) ااااااه يا ناس من القياس واللي اخترع القياس!!!! تعالو يا حقين ثالث!!!


دافور هدر
26-04-2005, 12:18 AM
السلام عليكم

هذي اول مشاركه لي وصراحه ما سجلت الا يوم شفت معاناتكم حول معاناتي

الله يوفق الجميع انشاء الله

المهم

القياس والبلاوي اللي جتنا من وراه

انا برأيي انه اختراع غبي واللي فكر فيه غبي والله


بس وربي مهوب ظلم

الكل يقول الصراحه

يعني معقوله نتاج 18 سنه يلخصونه ب 10 ورق ؟؟؟؟؟؟؟؟:vereymad:

انا نسبتي النصف الاول 98 صاااااافي

ونسبتي بالشهري 97 صاااااااافي

والقياس 70 %

يعني لو اخذت بالاختبار النهائي 95 % راح ينقص علي 9 نسب

يعني تصير النسبه 68 %

ولو اخذت 90 % راح تكون 81 %

اقسم بالله شي يقهر يقهر يقهر






ااااااااااااااااااااه يا ناس على ما قال ابو الهش

( الناس اختبارات ومشاكل وانت ابو الهش)

المهم اتمنى اني ما طولت عليكم وياليت كل واحد يعطينا رايه بالزفت اللي ما ادري مع وين طلعوه لنا


اخوكم


داااااااااااااااافور هدر
امه في رجل
04-05-2005, 01:15 AM
داااااااااااااااااا فور

السلااااااااااام عليكم

لا لا لا انت جايب بالترم الاول 97% والله انت مو سهل

انا جبت بالترم الاول 100% وبالقدرات 80% شف كيف؟

لكن انت الان ركز جهودك على اختبار الوزاره

وبعدين عيد القدرات....

واباسالك سؤال؟؟؟؟

اللي الحين بيدخل الكليات الكبار مو مثلك

والا ايش

هي كذا والله ناس جايبيين 99,77% وبالقدراااااات 49% والله والله

بس خلك واثق بنفسك وشد حيلك والله معك

ولك مني اجمل تحيه
NS-5
04-05-2005, 04:16 PM
السلام عليكم ورحمة الله وبركاته..

اختبار القياس الكثير يعارضه..
اختبار القياس مبني على انه يقوم بقياس قدرة كل طالب على الحل والتحليل مقارنة بزملاءه.. وماله علاقة بالتحصيل الدراسي للسنة..
قليل منه يعتمد على الحفظ.. وهذا هو جزء المفردات.. بالنسبة لي
وصراحة ان نتاج السنوات كلها في كم صفحة.. هذا كلام غير منطقي صراحة..
في المدرسة الاختبارات تكون على اللي انت درست في السنه نفسها بس.. وقليل تلقى أسئلة تبرطك..
صحيح المنهج مترابط.. لكن في أشياء كثيره ما تربط.. او تلقى لها علاقه مباشره..
مسائل اختبار القياس للجزء الكمي تكاد ما تتعدى 3 متوسط..
هو صح الاختبار نزّل النسبة بس في نفس الوقت النسبة في الجامعه خفضوها..
وحسب علمي كانت جامعة الملك سعود قبل القياس ناويه تحط اختبارات قبول لمعظم التخصصات..
وكانت بقية الجامعة بتقوم بنفس الشيء في وقت قريب..
بالنسبة لجامعة الملك سعود فنسبة القياس فيها 30% من نسبة القياس و 70% من الثانوي..
الواحد يتوكل على ربّه ويشد حيله.. وربي ان شاء الله يوفقه..

اخوي امه في رجل..
ما شاء الله عليك والله نسبتك الفصل الأول :biggthump
نسبة 80 والله حلوه.. المتوسط لطلاب السعودية كلهم 65.. وانت جايب 80 ؟!
وبعدين اللي جايب فوق 81 هو من أفضل 5% من طلاب المملكة..
المهم تحافظ على نسبتك وان شاء الله ما عند مشاكل.. ربي يوفقك ان شاء الله

اخوي دافور هدر..
ما شاء الله نسبتك الفصل الأول أيضا حلوه 97%.. فيه ناس ما يحصلونها..:D
و اختبار القياس بامكانك تعيده.. وخاصة انت جربت وعرفت نظام الاختبار.. وان شاء الله تجيب احسن..
المهم شد حيلك وان شاء الله ربي يوفقك..

تحياتي لكم جميعا..:ciao:
البوعينين499
15-05-2005, 02:20 AM
الله يعينكم اخواني

احنا الحمدلله في قطر مرتاحين لاتراكمي ولا شي اللي تجيبه في ثالث ثانوي هو اللي تاخذه

ومافي الا امتحانين بس

مثال:

يعني جبت الفصل الاول نسبتك 90% في جميع المواد قصدي النسبه المؤيه

والفصل الثاني جبت 90% مثلا

تكون نسبتك 90% تاخذ الشهاده وانت داخل الجامعه اللي تبيها

وفي ناس ترسب
ماقول الا الله يكون في عون كل الطلاب

في امان الله.
THE_X_F.B.I
17-05-2005, 01:39 PM
والله يا اخواني اختبار القدرات هيا مساله حظ في حظ والله عندنا واحد غبي من الدرجه الاول نسبته في فصل دراس

الاول في 70 راح اختبار القدرات وسوى حقره بقره قلي عمي عد لين عشره في الاخير جاب 81%

وانا اشد حلي وتعبت في الاختبارات و دورات جبت 75 والله شيء قهر
زهير@yahoo.com
21-05-2005, 08:05 AM
الله يعينكم على اختبار القدرات

انا انصحكم تعيدوا الاختبار مرة ثانية

لاني اعرف طلاب كثير من دفعتي زادوا بمعدل 3- 4 % عن الاختبار الثاني

انا بالنسبة لي اختبرت السنة الماضية لاني خريج ثانوية السنة الماضية

المهم في الاختبار الاول جبت 83 % ( قولوا ما شاء الله :biggthump )

لكن بعد ما عدت الاختبار جبت 81 % :31: مع اني ذاكرت و كتب و مدري ايش بس الحمدلله

الدرجة الاولى حلوة :05:

تحياتي لكم و الله يوفقكم جميعا

زهير :ciao:
المعافري
23-05-2005, 08:28 PM
ياخي مامنه فائده وتبغا تعرف ايش فائدته
شف من هو صاحب هذا المركز وتعرف وش قصته والله يعين جيوبكم يالغلابه