مشاهدة النسخة كاملة : الغاء مشروع ترجمة sousie no aquarioon !!!
Martial artist
28-04-2005, 12:20 AM
السلام عليكم ورحمة الله ...
بعد مشاهدة أكثر من حلقة من الانمي sousie no aquarion قررنا ان نلغي المشروع نظرا لكثرة المشاهد المخلة للآداب وصعوبة مسحها او تغطيتها بعلامة سوداء ...
لذا للأسف من الصعب ان نتحمل ترجمة انمي وبه اشياء تخل بالآداب ...لذا قررنا للأسف الغائه ونحيطكم بالموضوع بأننا سنلغي المشروع آسفين ...
واتمنى ان يحالفنا الحظ في اختيار مشاريعنا المستقبيلة
والله الموفق...
•Katana•
28-04-2005, 12:51 AM
على العموم مشكورين على الجهود لكني الاحظ عليكم انكم شوي تسعجلون في اختيار الانميات
ولاتكملون ترجمتها انا ودي انكم تركزن جهودكم بأنمي محدد :)
وفي انميات كثير جديدة تستحق الترجمة مثل Eureka_Seven
Martial artist
28-04-2005, 01:19 AM
•Katana•
تسعجلون في اختيار الانميات ولاتكملون ترجمتها انا ودي انكم تركزن جهودكم بأنمي محدد
ما ادري اي انمي ترجمناه ووقفنا عنه !!؟
هذا الانمي عجبني الحلقة الأولى منه وشفنا انه يناسب الترجمة وكان في عندنا مشاريع كثيرة غيره واحنا قروب عددنا قليل ولا كنا نأجل المشروع عشان ما تتراكم الحلقات ... لكن ان شاء الله مع زيادة عدد اعضاء الفريق راح نقدر نتفادى اخطاء مثل هذه ...
بالنسبة Eureka_Seven ماشفته بس في من قاللي ان الانمي شوي طفولي :o
•Katana•
28-04-2005, 01:42 AM
•Katana•
ما ادري اي انمي ترجمناه ووقفنا عنه !!؟
هذا الانمي عجبني الحلقة الأولى منه وشفنا انه يناسب الترجمة وكان في عندنا مشاريع كثيرة غيره واحنا قروب عددنا قليل ولا كنا نأجل المشروع عشان ما تتراكم الحلقات ... لكن ان شاء الله مع زيادة عدد اعضاء الفريق راح نقدر نتفادى اخطاء مثل هذه ...
بالنسبة Eureka_Seven ماشفته بس في من قاللي ان الانمي شوي طفولي :o
هذي مشكلت الي اهدافه اعلى من قدرته ان كنتم قليلين وعندكم مشاريع ترجمة واجده ماعتقد انكم راح تؤدون المطلوب عليكم ,,,,
على العموم مشكورين على الترجمات :31:
هذي مشكلت الي اهدافه اعلى من قدرته ان كنتم قليلين وعندكم مشاريع ترجمة واجده ماعتقد انكم راح تؤدون المطلوب عليكم ,,,,
على العموم مشكورين على الترجمات :31:
أخ كاتانا، أرجو الإلتزام بالأدب عند محاورتك لأي عضو في المنتدى
الإخوان في قروب د.جكل ما وقفوا عن الترجمه الا لأسباب واضحه و مب لأنهم ما يقدرون يترجمونه و بصراحه شغلهم 10/10 فلو سمحت اما انك تناقش باحترام أو لا تناقش
و بصراحه أخوي واضح من كلامك انك ما تعرفهم ولا تعرف شو مشاريعهم
Doel
•Katana•
28-04-2005, 02:05 AM
مادري يخوي وش الكلمة الى صدرت مني وتعتبر (غير مؤدبة)
؟؟؟
ياخي انا كل الى قلته انهم من الافضل انهم يركزون على مشاريع محدده افضل من ان يتشتت جدهم وتركيزهم على مشاريع كثيرة
حب ياخذ هالنصيحة كيفه ماحب ياخذ هالنصيحة برضو بكيفة
وبعدين مو انت الى تعلمني الادب والاحترام :)
(نصيحة لحد يكتب رده وهو مستعجل ولا يعرف يتفلسف :biggthump )
مادري يخوي وش الكلمة الى صدرت مني وتعتبر (غير مؤدبة)
؟؟؟
يخي انا كل الى قلته انهم من الافضل انهم يركزون على مشاريع محدده افضل من ان يتشتت جدهم وتركيزهم على مشاريع كثيرة
حب ياخذ هالنصيحة كيفه ماحب ياخذ هالنصيحة برضو بكيفة
وبعدين مو انت الى تعلمني الادب والاحترام :)
أخوي استهزائك بيهم كان واضح
و بالنسبه لتعليم الأدب و الإحترام، ما اعتقد اني حاولت أعلمك شي .. و لا لي الحق اني أعلمك شي.. مل واحد و أخلاقه من بيئته اللي تربى و عاش فيها و مراقب بسيط في النت مب أبو عشان يربي الأعضاء
بس انت لما تقول مشاريع كثيره .. شوف أول شي شو مشاريعهم الحين :)
Doel
Ramza
28-04-2005, 02:30 AM
هذي مشكلت الي اهدافه اعلى من قدرته
احنا بدينا بمستوى عادي ولكن احنا بغينا نوصل ووصلنا فوق :أفكر:
ان كنتم قليلين وعندكم مشاريع ترجمة واجده
احنا قليلين بس سوينا الي 100 من امثالك مافكروا انهم يفكرون يوصلون لنا :p
وعندكم مشاريع ترجمة واجده ماعتقد انكم راح تؤدون المطلوب عليكم
كل يرى الناس بعين طبعه :)
على العموم مشكورين على الترجمات
ياهلا فيك :08:
alamal13
28-04-2005, 02:37 AM
جزاكم الله خير والله يوفقكم دايما..
Tenshi X
28-04-2005, 04:19 AM
اهلا
.............مو عارف اقول ايش..............(حسره)
كنت عتقد هذا الانمى مؤدب ................... خلاص مو بدى اشوفه
اهم حاجه السرعه فى تسوباسا وزينو ساغا وناروتو ........
الله يوفقككم
بالنسبه للسيدنق انا وقفته .............اوكى؟؟
•Katana•
28-04-2005, 04:29 AM
احنا بدينا بمستوى عادي ولكن احنا بغينا نوصل ووصلنا فوق :أفكر:
احنا قليلين بس سوينا الي 100 من امثالك مافكروا انهم يفكرون يوصلون لنا :p
كل يرى الناس بعين طبعه :)
ياهلا فيك :08:
كل هذا علشان بس واحد قالكم رايه بالله هذا اسلوب تكتب في المنتديات وش الى 100 من امثالي انت تستحقر الناس على اي اساس
خلك مؤدب في الحوار لو سمحت
ولا تقلب الموضوع شات عندك شي تبي تقوله مفيد قله
اما ردود استفزازية يفضل انك تخليها لمنتديات الصرقعة مو هنا
Ramza
28-04-2005, 04:55 AM
كل هذا علشان بس واحد قالكم رايه بالله هذا اسلوب تكتب في المنتديات وش الى 100 من امثالي انت تستحقر الناس على اي اساس
خلك مؤدب في الحوار لو سمحت
ولا تقلب الموضوع شات عندك شي تبي تقوله مفيد قله
اما ردود استفزازية يفضل انك تخليها لمنتديات الصرقعة مو هنا
يخاطبني السفيه بكل قبح **** وآسف أن أكون له مجيبا
يزيد سفاهة وأزيـد حلما **** كعود زاده الاحراق طيبا
المهم انا ما ابي اعطيك اكثر من حقك و أرد عليك ترى بعدين تصدق نفسك :أفكر:
Yamato
28-04-2005, 06:26 AM
عندي سؤال وما عرفت كيف اسالكم.. وشفت الموضوع ذا
بالنسبة للانميات اللي تترجمونها.. ما حاولتوا انكم تترجمون انمي قديم...
واذا كان مرخص بتترجمونه ولا لا..
المهم.. بارك الله فيكم يا شباب وشدوا الهمة.. ولا تعصبوا وايد.. ترا الاختلاف في الراي من طبائع الناس.. :)
asf4ever
28-04-2005, 07:31 AM
مشكورين على ترجماتكم
وخطوتكم رائعة في التوقف عن الأنمي المخل...
بالنسبة للانميات اللي تترجمونها.. ما حاولتوا انكم تترجمون انمي قديم...
واذا كان مرخص بتترجمونه ولا لا..
الأنميات القديمة مشكلتها إنك ما تحصل حلقاتها غير مترجمةRAW وتلصق الترجمة فيها إلا إذا شريت الـDVD على ما أعتقد
فالأنمي الجديد متوفر في النت وبعد مطلوب أكثر من القديم
بغيت أعرف شو هو موقعكم؟؟؟
A Step--ForWarD
28-04-2005, 07:36 AM
السلام عليكم ورحمة الله وبركاته...
نعتذر عن خروج الموضوع عن مساره -___- عموماً ماودي الموضوع ينقلب هوشه أو مجرد ردود استفزازيه أخ Katana يمكن ماعرف يعبر بشكل جيد ولكن ماعتقد يقصد الخطأ ...عموماً عزيزي Katana أعتذرلك بإسمك القروب ... الشيء الأخر هذي أول مره نلغي مشروع؟؟ لأنه ثاني مشروع نعمله غير ناروتو :) وسبب إلغائه مشاهد مخلة جداً رغم أن الأنمي نفسه اعتقد راح يكون من افضل الأنميات عام 2005 ولكن الشكوى لله وإن شاء الله بنترجم أشياء تعجبكم ...
مشروعنا الثالث تسوباسا كرونيكال ولازالنا نقوم بترجمته وبتشوف 2 و 3 قريباً إن شاء الله وما اتوقع ان شغلنا تشتت ولا شي الحمدلله وبما إنه إنضموا أعضاء جدد إن شاء بتزيد الأنميات ...
عموماً إن شاء الله بتشوفون أنميات أخرى شغالين عليها خلف الكواليس :icon6: ..
وماعتقد في شي يسوي نتهاوش عليه في أي منتدى كلنا لنا نفس الـinterests خلونا نستمتع فيها بدل مانتهاوش عليها -__________- !!
A Step--ForWarD
28-04-2005, 07:52 AM
بالنسبة للانميات اللي تترجمونها.. ما حاولتوا انكم تترجمون انمي قديم...
واذا كان مرخص بتترجمونه ولا لا..
بالنسبة للأنمي القديم بالنية ترجمة أنمي قديم جداً بس ان شاء الله بيعجب الكل ..
أما للمرخص ما اعتقد بنوقف اذا ترخص لأنه حتى لو بغوا يرفعون علينا قضية ماراح يحصلونا :icon6: ...
الأنميات القديمة مشكلتها إنك ما تحصل حلقاتها غير مترجمةRAW وتلصق الترجمة فيها إلا إذا شريت الـDVD على ما أعتقد
فالأنمي الجديد متوفر في النت وبعد مطلوب أكثر من القديم
الأنمي القديم اللي بنترجمه ان شاء الله متوفر عندنا الديفيدي تبعه وان شاء الله في إجازة الصيف بنحاول ننزله... :)
Unreachable
28-04-2005, 09:02 AM
أشكركم على جهودكم الرائعة و الله أيوفقكم و أشكركم بعد على توقفك من ترجمة الأنمي المخل للآداب
و جزاكم الله ألف خير
بالفعل وقفكم للعمل يدل على اخلاقكم الرأئعة والطيبة :biggthump
وخلنا نشوف موضيعكم وترجماتكم في المستقبل القريب :33:
النهاية:reporter:
ShinGundam
28-04-2005, 12:30 PM
السلام عليكم ورحمة الله ...
بعد مشاهدة أكثر من حلقة من الانمي sousie no aquarion قررنا ان نلغي المشروع نظرا لكثرة المشاهد المخلة للآداب وصعوبة مسحها او تغطيتها بعلامة سوداء ...
لذا للأسف من الصعب ان نتحمل ترجمة انمي وبه اشياء تخل بالآداب ...لذا قررنا للأسف الغائه ونحيطكم بالموضوع بأننا سنلغي المشروع آسفين ...
واتمنى ان يحالفنا الحظ في اختيار مشاريعنا المستقبيلة
والله الموفق...
الله يعطيكم العافية شباب و الله يجزيكم على قد نيتكم ^^ ونتمنا لكم التوفيق ^^
zenaat
28-04-2005, 11:38 PM
أخ كاتانا، أرجو الإلتزام بالأدب عند محاورتك لأي عضو في المنتدى
الإخوان في قروب د.جكل ما وقفوا عن الترجمه الا لأسباب واضحه و مب لأنهم ما يقدرون يترجمونه و بصراحه شغلهم 10/10 فلو سمحت اما انك تناقش باحترام أو لا تناقش
و بصراحه أخوي واضح من كلامك انك ما تعرفهم ولا تعرف شو مشاريعهم
Doel
انت ليش بطران
صراحة اخ كيتانا ما قال شي غلط
انت اصلا ما تستاهل تكون مراقب اذا هذي ردودك
والله مراقبين اخر زمن
حكم القوي على الضعيف
احنا بدينا بمستوى عادي ولكن احنا بغينا نوصل ووصلنا فوق :أفكر:
احنا قليلين بس سوينا الي 100 من امثالك مافكروا انهم يفكرون يوصلون لنا :p
كل يرى الناس بعين طبعه :)
ياهلا فيك :08:
يحليلك مستانس انك ترجمت كم حلقة
والله كاتانا ما قال شي غلط
بس امثالك الواحد لازم ما يتعب عمره ويرد عليهم
dark-link
29-04-2005, 12:13 AM
يحليلك مستانس انك ترجمت كم حلقة
والله كاتانا ما قال شي غلط
بس امثالك الواحد لازم ما يتعب عمره ويرد عليهم
أحب مكارم الأخلاق جهدي*وأكره أن أعيب وأن أعابا
وأصفح عن سباب الناس حلما*وشرالناس من يهوى السبابا
ومن هاب الرجال تهيبوه*ومن حقر الرجال فلن يهابا
وسلامي لك و لـــ•Katana•
alamal13
29-04-2005, 08:55 AM
انت ليش بطران
صراحة اخ كيتانا ما قال شي غلط
انت اصلا ما تستاهل تكون مراقب اذا هذي ردودك
والله مراقبين اخر زمن
حكم القوي على الضعيف
يحليلك مستانس انك ترجمت كم حلقة
والله كاتانا ما قال شي غلط
بس امثالك الواحد لازم ما يتعب عمره ويرد عليهم
انتي الحين شو مدخلنج الموضوع...مو انتي اللي تحكمين اذا كان دويل يصلح مراقب ولا ..!!
MASTER_DEVIL
29-04-2005, 09:53 AM
السلام عليكم
بالنسبة للترجمة انصحكم تترجمون انمي مخلص من فترة افضل من انكم تنتظرون الحلقات طبعا هذا رأيي الشخصي وانتوا وكيفكم
وانا ماقدر اقيم ترجمتكم لأن ما حصلت فرصة وشاهدتها
انت ليش بطران
صراحة اخ كيتانا ما قال شي غلط
انت اصلا ما تستاهل تكون مراقب اذا هذي ردودك
والله مراقبين اخر زمن
doel يستاهل الرقابة غصبا عنك ومب انت ولا عشرة من امثالك يقيمونه
واصلا اهوا ما قال شي غلط واستح على ويهك داش الموضوع وبراسك عمل مشاجرة
والله كاتانا ما قال شي غلط
بس امثالك الواحد لازم ما يتعب عمره ويرد عليهم
زين ما مت وانت قاعد تكتب ردك
وانت على اي اساس رافع خشمك ومحتقر العالم
فيك خير سو نص الي سواه رامزا بعدين اقعد انتقده
The Genius
29-04-2005, 10:45 AM
الموضوع عن إلغاء مشروع لكن البعض !!!
احببت ان ابدي رائي في امر وهو
انكم تضعون الانميات التي ستقومون إن شاء الله بترجمتها ^^
بالتوفيق^^
Ramza
29-04-2005, 01:21 PM
السلام عليكم
empror
أشكركم على جهودكم الرائعة و الله أيوفقكم و أشكركم بعد على توقفك من ترجمة الأنمي المخل للآداب
و جزاكم الله ألف خير
العفو أخوي ^^ و نحن ان شاء الله راح ناخذ احتياطاتنا في المرات القادمة ان شاء الله ;)
و حياك الله
devilmay cry
بالفعل وقفكم للعمل يدل على اخلاقكم الرأئعة والطيبة
وخلنا نشوف موضيعكم وترجماتكم في المستقبل القريب
النهاية
مشكور أخوي ديفل ماي كراي على كلامك الطيب ^^
و ان شاء الله ماتشوف مننا الا كل الخير
dark-link
أحب مكارم الأخلاق جهدي*وأكره أن أعيب وأن أعابا
وأصفح عن سباب الناس حلما*وشرالناس من يهوى السبابا
ومن هاب الرجال تهيبوه*ومن حقر الرجال فلن يهابا
وسلامي لك و لـــ•Katana•
مرحباً أخ درارك لينك ^^
كلامك أعجبني و مافي انتقادات :09:
alamal13
انتي الحين شو مدخلنج الموضوع...مو انتي اللي تحكمين اذا كان دويل يصلح مراقب ولا ..!!
أهلاً بك يا alamal13 ..
المشكلة هالأيام هو لو بدأت فئراننا تستأسد فقط الحل الوحيد لها هو تطنيشها تماماً لأنه إن دل فهو يدل
على ذهاب العقل و بدأ الأمراض العقلية لديهم فقط :)
MASTER_DEVIL
السلام عليكم
بالنسبة للترجمة انصحكم تترجمون انمي مخلص من فترة افضل من انكم تنتظرون الحلقات طبعا هذا رأيي الشخصي وانتوا وكيفكم
وانا ماقدر اقيم ترجمتكم لأن ما حصلت فرصة وشاهدتها
و عليكم السلام و رحمة الله وبركاته
رأيك صحيح و لكن احياناً نريد أن لا يتراكم علينا العمل فنكون قد تباطئنا في انزال الحلقات بالنسبة للأنميات
الجديدة .. و أصلاً احنا ماترجمنا اشياء جديدة إلا لأننا نريد ان يتمكن الجميع من المتابعة و النقاش
و كتابة المواضيع في نفس الوقت :)
و أحب أن أزيدك علماً بأننا نقوم بهذا الشيء حالياً بترجمة انميات شاهدناها و هي نادرة و قديمة و نريد
ترجمتها و انزالها في الانترنت قريباً باذن الله :)
و أشكرك على ردك أخوي ماستر ديفل ^^
و أقول لك لا تجادل بليغاً ولا سفيهاً فالبليغ يغلبك والسفيه يؤذيك ، و أنت تعرف من هو السفيه ;)
Zenons
الموضوع عن إلغاء مشروع لكن البعض !!!
احببت ان ابدي رائي في امر وهو
انكم تضعون الانميات التي ستقومون إن شاء الله بترجمتها ^^
بالتوفيق^^
المهم ان شاء الله سنقوم بذلك و سأتناقش في هذا الأمر مع باقي أعضاء الجروب و لو وافقوا على
ذلك قمنا بوضع المسلسلات التي سنترجمها و التي نقوم بترجمتها حالياً ولم ننزلها في الانترنت :)
•Katana•
29-04-2005, 02:28 PM
السلام عليكم:
انا ماكنت ناوي ارد في هذا الموضوع الا بعد ان رايت رد اخوي ستيب علي وهذا يدل على حسن اخلاقة في الرد واشكره على اسلوبه الجميل ,, وياليت يكون هناك شخص مثله فقط يرد على الاعضاء (ولايكون كل من (هب ودب) ويفتقر القدرة على حسن الكتابة مع الجمهور يتكلم بأسم القروب) وشكراً
وين المراقب الى كان يتكلم عن حسن الادب والاخلاق عن الرد الى فوقي؟؟
يصف الناس بأنهم فئران ومجانين
سبحان الله
تذكر هاذا البيت
ومن هاب الرجال تهيبوه*ومن حقر الرجال فلن يهاب
ولاتساه
Pika-Chu
29-04-2005, 03:57 PM
السلام عليكم ^^
يا جماعة الخير هدو شوي ليش عاد كل هذا
السالفة والله ما تستاهل
اتمنى ان محد يسب بعد هذا الرد :)
خذو الامور باتفاهم
اتمنى ان كلامي خفيف عليكم ^^
Pika-Chu
29-04-2005, 04:01 PM
السلام عليكم ^^
يا جماعة الخير ليش عاد كل هذا
هدو شوي السافة ما تستاهل كل هذا
اتنمى ان محد يسب بعد هذا الرد :D
ان شاء الله كان كلامي خفيف عليكم ^^
Lenneth
01-05-2005, 07:13 PM
شكراً لقروب دكتور جيكل على ايقافهم هالمشروع و يارب نشوف مشاريعكم الثانية و تتوفقون في الاختيار :(
ahmadkb
01-05-2005, 09:51 PM
السلام عليكم ورحمة الله وبركاته
عمل جميل جداً بإيقاف مسلسل فيه لقطات مخله بالآداب
سأكون سيد طالما الوصله موجوده في التراكر :)
في إنتظار جديدكم :biggthump
DBZ 0
01-05-2005, 11:15 PM
هذه بعض الانيمي الجديد :
Eye Shield 21
MAR Marchen Awakens Romance
The Law of Ueki
لو ترجمون فيلم ناروتو الجديد
وشكرا على مجهودكم
Super Shadow
02-05-2005, 02:45 AM
انت ليش بطران
صراحة اخ كيتانا ما قال شي غلط
انت اصلا ما تستاهل تكون مراقب اذا هذي ردودك
والله مراقبين اخر زمن
حكم القوي على الضعيف
ههههههه
حلوة هذي
أول مرة أشوف عضو يطول لسانه على المراقبين
قبل أنتي انطردتي من المنتدى مرة ، بعد تبين تنطردين مرة ثانية ؟؟؟؟؟ :أفكر: :أفكر: :أفكر:
يا جماعة الخير
الرسول عليه الصلاة و السلام قال: من كان يؤمن بالله و باليوم الآخر ، فاليقل خيرا أو ليصمت.
فأرجو أنكم تهدون شوية
Angel Of Night
02-05-2005, 11:32 AM
مشكورين على إيقاف الترجمة مع إن الإنمي غاية في الروعة لكن كما قال ASF أنه مخل بالأداب وبه لقطات كثيرة سيئة
شكراً لقروب دكتور جيكل على ايقافهم هالمشروع و يارب نشوف مشاريعكم الثانية و تتوفقون في الاختيار :(
جيكل إسم قوي هههههه القروب إسمه د.جكل :D
Ramza
03-05-2005, 03:05 AM
pokemon-pikachu
حياك الله اخوي :)
Lenneth
شكراً على مروك اختي و الله يسمع منك ان شاء الله :)
ahmadkb
وعليكم السلام ورحمة الله وبركاته
مشكور اخوي احمد والله يعيننا على رد جميلك ^^
DBZ 0
مرحبا اخوي DBZ 0
بعض الانمي الي كتبتها انت كنا نفكر
في ترجمتها و راح نشوف كيف راح يكون وضعها :)
و فلم ناروتو الجديد أيضاً راح نترجمه باذن الله ^^
و شكراً على مرورك :)
Angel Of Night
العفو أخوي و ان شاء الله ما يحصل الي حصل مجدداً مع انمي آخر :)
S A T A N
03-05-2005, 11:44 AM
السلام عليكم ورحمة الله وبركاته .
اخي Ramza شكراً لك ولكل الزملاء الذين ساهمو في هذا المشروع الجميل ....وكل مجموعة قروب د.جيكل
انا تابعت الحلقات التي قمتم بنشرها....وهي بالفعل رائعه جداً ...
واما عن قرار ايقاف ترجمه المسلسل فهو قرار حكيم وجريء.... فانتم على قدر المسؤوليه وانا متأكد من ذلك ....وثقتنا بكم كبيره ..
السلام عليكم ورحمة الله وبركاته
عمل جميل جداً بإيقاف مسلسل فيه لقطات مخله بالآداب
سأكون سيد طالما الوصله موجوده في التراكر
في إنتظار جديدكم
اخوي اي برنامج تستخدم لتحميل الحلقات .....وكيف تقوم بتثبيت السيد...؟؟
3shiro
03-05-2005, 12:11 PM
هلووو..هدوا اعصابكم يا جماعة......و حبيت اقول ان الريال متعب نفس وكاتب موضوع ويخبركم ان بيوقف المشروع علشان يعطيكم علم..احسن من لا تنطرون الانيمي وما تدرون ليش ما نزلت الحلقة الثانية او اللي بعدها..يعني زين انه خبركم وانتوا كليتوه...وبعدين انا اعتقد ان الترجمة العربية ما تليق على الانيميات اللي فيها مشاهد اباحية وايد...يعني شكل يصير كل غلط. وبعدين الكلام الحلو يكون فيها وايد وما تعرف شنو ترقع بالترجمة....وبالنهاية المشروع فاشل.:o :D
S A T A N
03-05-2005, 02:03 PM
وبالنهاية المشروع فاشل.:o :D
عشيرو المشروع مش فاشل ... :blackeye:
المشروع ولله الحمد ناجح ... :)
بس الي ما يغلط ما يتعلم .....وهم ما احسنو الاختيار في هذه المره ...وهذا كل مافي الامر.
وان شاء الله يتوفقو بإخياراتهم اليايه...
3shiro
03-05-2005, 03:10 PM
عشيرو المشروع مش فاشل ... :blackeye:
المشروع ولله الحمد ناجح ... :)
بس الي ما يغلط ما يتعلم .....وهم ما احسنو الاختيار في هذه المره ...وهذا كل مافي الامر.
وان شاء الله يتوفقو بإخياراتهم اليايه...
شكلك فاهم غلط...مو قصدي عن مشروعهم قصدي عن الانيميات النظيفة زيادة عن اللزوم واال فيها كلام جميل..صعب انه يترجم للعربي.:biggthump
S A T A N
03-05-2005, 07:48 PM
شكلك فاهم غلط...مو قصدي عن مشروعهم قصدي عن الانيميات النظيفة زيادة عن اللزوم واال فيها كلام جميل..صعب انه يترجم للعربي.
ممممم ....علا بالي بعد :33:
افا عليك عشيرو .... انا اعرف مستواك زين .... عزيز وغالي.. :biggthump
بس وينك اشوفك طلاتك هاليومين علا المنتدى قلت انت و tnt boy>>>>سلم عليه
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .