قواعد اللغة الانجليزية ؟ " 10 أسئلة " ( طلب لـ Nitave Speake]

[تومــTOMMASIــاسي]

بسم الله الرحمن الرحيم,,,,
قواعد اللغة الانجليزية ؟ " 10 أسئلة " ( طلب لـ Nitave Speaker)
أخواني أعضاء المنتدى الكرماء’’

معكم واحد محب للغة بشكل غير طبيعي’’’ طالب في قسم اللغة الانجليزية
طيب,,, عندي مشكلة.. أو مشاكل

باختصار لكي لا أطيل عليكم,,
1- ما هي معاني القواعد؟ مثلا هناك زمن اسمه الماضي المستمر وهو : زمن يدل على فعل كان مستمر في الماضي وووووو.....! ( أرجوا من محترفي اللغة ان يجاوبوا هذا السؤال الله يجزاكم خير )

2- الاستماع: ما هي الطريقة المثلى للاستماع ؟
حيث أني اقرا كثيرا عن هذه القضية مثال: استمع إلى البرامج الحوارات وووو...( طيب يا عالم اسمع فقط من دون تركيز أو كيف أو كيف أوكيف الخ )


3- التصريف الأول للفعل , الثاني أو الثالث أو حتى الرابع ,, ما هو التصريف الذي يستخدم كفعل أو صفة أو أو,,,؟


4- القراءة: حسنا أنا أقراء ولكن ما هي الطريقة المثلى للحصول على أكبر استفادة ممكنة من أي قطعة.؟

5- تجد بعض الطلاب العرب ( ما شاء الله ) لسانه " ملتوي " يعني ينطق كلمة سهلة ومن ثم أحاول تقليده لكن لا اقدر..... لماذا؟ تجد في لسان شيء غريب أو اصوات غريبة اثناء نطقه للحروف.. ما هي الطريقة المثلى والعلمية لتعلم النطق؟

6- ما هي الطريقة المثلى لتعلم كتابة المفردات بالتهجئة الصحيحة للحروف ( غير أني أكرر كتابتها كثيرا )

7- ( أكبر مشكلة ),,, أنا املك العديد والعديد من المفردات لكن عندما أتكلم أنساهااااا ولا اقدر ان اذكر الكلمة تلو الاخرى وربما انساها كلها ولكن بعد ان اجلس مع نفسي تجدني اذكر هذه الكلمة بشكل جيد؟

8- ما هو ترتيب الأزمنة في اللغة من ناحية المحادثات اليومية ( بالنسبة لو تكرمتوا ولو بشكل تقديري )

9- ما هي أفضل الكتب التي تجمع بين مهارات اللغة الأربع والتي تكون مفيددة جدا؟

10- ماهو ترتيب المفترض لمتعلم اللغة الانجليزية للطلاب العرب بين المهارات الأربع... مثلا أولا الاستماع ثم....الخ

وفي الأخير الله يعطيكم ألف عافية على جهودكم في نفع المسليمن...

[NaughtY AngeL]

والله يا توماسي انه اسئلتك محيره جدا... و يبغالها قعده مفصله واحد واحد.. بس تبين انك فعلا جاد و لك رغبه في تعلم اللغه و هذا شي كويس مره مره مره... عموما انا حاليا برد سريع سريع على الأسئله و بعد الاختبارات ان شاء الله ارجع و استقعد عليهم واحد واحد >>>>>> يعني بالصيفيه :blackeye:

1- عندك الكتب هذي
interactions 1 grammar + interactions 2 grammar
mosaic 1 grammar + mosaic 2 grammar
هذي فيها كلللللللللل الأزمنه مفصله و مشروحه بشكل جيد جدا و مفهووووووم و تبدأ مبسطه و يبدأ التفصيل شويه شويه مع كل كتاب - لأنها اساسا كتب دراسيه

2- اسمع لأفلام و حوارات زي مثلا ال talk shows زي Opra و الحاجات هذي أو مثلا أخبار بس يكون الخبر شي انتا تعرفه و يكون لك خلفيه عنه عشان لما يكون بالإنجليزي انتا تكون عارف المعلومه او ايش هو محور الموضوع فما تحس انك ضايع، بس عشان اذنك تتعود على طريقة نطق الحروف و الكلمات الصحيح عشان لما تجي تستخدمها تنطقها كويس بالإضافه الى انك تتعود على اللغه بشكل عام يعني يصير تفهم اكثر و اسرع مع الوقت

3- يبغاله شرح مفصل و طويل ان شاء الله ارجعله

4- اوووووووووول شي: لا تقرا و بيدك قاموس! لأنه لو راح تفتح القاموس على كل كلمه صعبه او جديده تمر عليك فراح تلقى نفسك بالنهايه قاري الكتاب و القاموس و راح تزهق بسرعه و متعة القراءه حتضيع.. يعني حاول انك تفهم معنى الكلمه بالمنطق.. او تحزره من النص.. يعني لا تفتح القاموس اثناء ما انت تقرا الا على شي فعلا فعلا تحس انك راح تضيع اذا ما فهتمه و عرفت ايش هوا تماما او اذا صار يتكرر كتير.. و الكلمات الباقيه اكتبها على جنب سريع سريع و بعدين لما تخلص و تفضى طلعها و مو تطلع كلللللل كلمه يعني اهم الكمات غالبا راح تكون ال nouns or verbs بس اذا كانت adjectives or adverbs سيبك منها
بعدين اقرأ شي انتا تحبه او بمجال يثير اهتمامك.. مثلا اذا انتا تحب الروايات أو القصص جرب انك تقرا قصه مره و بعدين سويلها summary يعني لخصها ب 15 سطر بس او على حسب طول القصه و خلي احد يكون قرا نفس القصه يقرا ملخصك و يقلك اذا انتا كاتب بهال15 سطر زبدة القصه ولا لأ.. اذا كتبت الملخص و المفيد بدون اي تفاصيل فاذن انتا بتقرأ بطريقه كويسه.. او احد ما يكون قاريها وبعد ما يقرا ملخصك تحس انه خلاص كأنه قراها فهذا يعني انتا بتفهم كويس لما تقرا

5- الناس هذي غالبا تكون سكنت فترة من حياتها في بلاد أجنبيه.. او انها تكون درست بمدرسه تدريسهم للغة الأنجليزيه قوي و مكثف و شديدين.. او انه اهاليهم من صغرهم يكلموهم كثير بالانجليزي بالبيت عشان يعودوهم على اللغه.. و حاول انك تردد كثير الكلمات المعقده الين ما تزبطها و ابدأ بترديد هذي الكلمات و حاول تقلد ال native speakers في نطقهم لها
water - ruler - the whole world - internet - intolerable cruelty
:09: لوووووووووووووووول
و الطريقه المثلى هي انك تتكلم مع اللي حولك بالانجليزي مره كتيييييييييييير يعني على الأقل نص يومك يكون تتكلم بس بالانجليزي سواء مع نفسك او مع اهلك او اصحابك.. و اذا كنت تقدر تصاحب ناس غير عرب يكون شي كويس لأنك وقتها غصبن عنك ما تتكلم ولا كلمة عربيه

6- ما اعرف صراحه هذي كيف.. و ما اعرف اذا لها طريقة تعلم.. يعني يمكن هيا شي بنفس الواحد.. يعني زي مهاره.. انا عن نفسي لما كنت بثالث متوسط بالكتابه ما كنت افرق بين who & how منجد شي يفشل مع انه نطقي للكلمات زي البلبل بس لحد يشوفني أكتب.. و اثناءها كنت ادخل غرف تشات و منتديات أمريكيه و بريطانيه و طبعا ما كنت اكتب شي الا و انا متأكده من الاملاء.. فوأنا قاعده يا اني افتح القاموس او اني اسأل ابويه من بعيد عن الإملاء.. و بعد سنتين صرت أقدر أكتب أي كلمه بدون ولا خطأ و حتى لو كانت كلمة جديده يعني مجرد من النطق أقدر أكتبها صحيحه.. بس أكيد اني لسه كثير أغلط... فجرب انتا انك تدخل هنا كتير و ما تكتب الا انجليزي وا تأكد من املائك عشان مع الوقت تتعود

7- في فرق بين انك تنسى الكلمه بسبب الارتباك و بين انك ما تكون مرتبك و تنسى الكلمه.. اذا كنت تنساها بسبب الارتباك فهذا شي طبيعي و يحصل لكل شخص.. لكن اذا كنت تنسى الكلمه كذا فجأه بدون اي سبب فأتوقع و الله أعلم انه الخلل في حفظك للكلمة .. بمعنى انه انتا مثلا مرت عليك كلمة جديده و طلعت معناها من القاموس و حفظتها و فاهمها كويس.. و المشكله تكون انك ما تعرف كيف تستخدمها بالجمله، يعني عارف الكلمه بس منتا عارف كيف تحطها بجمله، او انك ما تعرف الناون من الفيرب من الادجكتف او ما تعرف الماضي حقها او نطقها الصحيح او غيره.. او بعض الكلمات دايما لازم يسبقها preposition معين و ما تجي الا معاه و وقتها يمكن انتا ما تكون عارفه.. فانا انصحك انه اي كلمه جديده تمر عليك و تبغى تحفظها طلعها من القاموس English-English و شوف كيف استخداماتها و مشتقاتها و عادة يحطولك هيا في جمل كأمثله

8- آسفه بس ما فهمت قصدك يريت لو تشرح أكثر ايش تقصد بالمحادثات اليومية

9- نفسها الكتب اللي أعطيتك هيا فوق في منها
listening/speaking + reading + writing
بس لو تعرف احد عنده هيا و يكون درسها و فيها الحلول يكون احسن لأني زي ما قلتلك هيا اساسا كتب دراسيه
بس بالنسبه لل listening هذي تجي مع أشرطه تسمعها و تحل الأسئله الموجوده و تلقى حلولها الصحيحه بنهاية الكتاب

10 - انا اعتقد انه هذي وجهة نظر أكثر مما انها مسألة صح ولا خطأ.. انا صراحه أشوف انه كلها مهمه جدا و في نفس الوقت كلها مرتبطه ببعض يعني صعب افرق بين وحده و الثانيه او اقول انها أهم من غيرها.. يعني قدرة الواحد على القراءه معناتها قدرته على فهم نص قدامه و اعتقد انها مساويه لمهارة الحديث اذا مثلا تبغى تشرح الشي هذا لشخص ثاني و نفس الشي بالنسبة للاستماع عشان تفهم و تستوعب الشي اللي بينقالك غير طبعا مهارة الكتابة و اساسياتها و هذي كلللللها يبغالها قواعد و اساسيات لغوية سليمه و صحيحه
ان شاء الله أكون افدتك و زي ما قلتلك ان شاء الله برجع مره ثانيه لموضوعك و ان شاء الله افيدك أكثر.. و اي سؤال او استفسار لا تتردد... و الله يوفقك

[ibn_alqalam]

اهلين

اولا اعتذر لاني لاافهم معظم ما كتبته. لا اعلم بالمصطلحات النحوية. الانجليزي سهل, واحسن تتعلم من كثرة القراءة والحديث مع الاجانب بدلا من ان تحفظ القوانين النحوية.

انا تعلمت الاسبانية تلقائيا من اصدقائي بدون ما افتح كتاب للنحو. لو تقراء كثير, تجد نفسك تعلمت كل هذه الاشياء تلقائيا. مثلا, انا لا اذكر ما تعلمت في المدرسة من قوانين النحو بالعربية. يعني ما اقدر اعرب جمل, او اقول لك ايش مرفوع بالضمة او منصور بالفتحة, الخ. ومع ذلك اقدر اكتب بالعربي و تفهمني انت تمام.

:ciao: