مشاهدة النسخة كاملة : والله انكم اكبر جحيدين في الرياض.....واولهم انت يا سكوالوووه...........اسمعوا السالفة
Chandler
13-09-2001, 11:10 PM
والله من جد شي يرفع الضغط.....
انا ما كنت ناوي اجي...((لأن ما عندي سيارة))
لما جت الساعة 9:20.....وجت السيارة....قلت يا ولد رح لكوكب الرياضة....يمديك عليهم((لاحظوا كلمة عليهم....احسبهم كثااار))....
واللي مو مصدقني يسأل سيلفي والعرندس....قبل ما اطلع مكلمهم....
وانا في الطريق قعدت افكر وش باقول ووش ما اقول.....مين بيجي ومين بيجحد((احسب انه فيه ناس بيجحدون...مو كلهم يجحدون))....وقلت ليه ما اكلم alex (ما قد كلمته في حياتي)....
كلمته....وقعدنا نسولف شوي....ووصف لي مكان كوكب الرياضة مضبووووط.....لما وصلت....ولقيته منتظرني عند الباب((رجاااال...والرجاجيل قليلو))...
===============
ملامح alex:
1- ما عليه وسيم....يعني مو قبيح....دجو احلى منه
2- اطول مني ب5سم تقريبا....
3- انا وياه لابسين ثوب وكاب...
===============
المهم...قعدنا نسولف.....ومافيه احد جا.....
قعدنا نسولف ونسولف ونسولف........لما قضت سواليفنا....
انا سألته وش قصة سكوال......هو اللي مرتب السالفة وبعدين يتأخر(احسبه متأخر)
قال دق على اخوه......اول ما قال كذا.....رن الجوال.....طلع ارفين (داق علي عشان يتهزا فينا انا واليكس).....
قلت له وين اخوك.....قال نايم.....(((انا وصلت معي...اخذت رقم سكوالوووه من اخوه)))
وعطيته لاليكس...
وقعدنا ندق على سكوال....وهو شكله حاط الجوال على الصامت وساحبها نومه....
دقينا ودقينا....لما يأسنا....
بعد شوي....دق مؤيد(BBQ)...سلم علينا وقال انه يمكن يجي.....وبعدها كلم كوبرا وقال مين فيه.......قال له اليكس انا ونواف....قال اجل ما يحتاج اجي....بس اثنين...<===== الظاهر اني انا واليكس ما ملينا عينه
==============
ملاحظة:....ارفين طول القعده مزعجني بمكالماته....وكلها استهبال....واذا قلت له تعال...يقول تعال انت وخذني منيب فاضي اصرف بنزين او تمسكني دورية(((ما معه رخصة)))
==============
المهم....يوم جت 10 وربع قلت لاليكس....انا وراي مشاغل...الساعة 10 ونص اذا ما شرف احد....كل واحد مننا يصرف نفسه.......هو وافق....وقعدنا ننصب على بعض ((لأن سوالفينا خلصت...مالنا الا النصب)))
جت الساعة 10 ونص وما جا احد.....انتظرنا ربع ساعة زيادة....بعدين طفشنا وكل واحد صرف نفسه....
===============
ملاحظة اخيره: فيه واحد من المنتدى ودي اشكره.....الظاهر انه يعرف صاحب المحل....ووصاه علينا....بس ما جا شخصيا....صاحب المحل قال اسم الشخص بس انا ما لقطته....بس ودي اشكره....دلعونا انا واليكس....بس لو كان الاكل ببلاش كان تمااااااام
===============
وبعد كل هذا......اقول........
يا اكبر جحدات الرياض وضواحيها....الغلطان اللي يصدقكم ويطلع من بيته عشان خششكم....واولهم انت يا سكوالووووه
dextar2
13-09-2001, 11:15 PM
نواف :هد اعصابك .(اشرب لك كاس ليمون )زي المصريين .;)
YaWaRd_85
13-09-2001, 11:18 PM
هههههههههههههههههههههههههههههههههههههههههههههههههههههههههه":"
داج2222
13-09-2001, 11:21 PM
و الله معك حق تعصب ياخوي
<<<<<<<لاحظ اخوي
المهم نوافوه حبيبي و الله ثم و الله لو بيدي جيت للرياض علشانكم بس انت و اليكس و هالجحيد دواهم عندي
<<<<<<<<<شديد انا
على العموم الجايات اكثر ان شاء الله و يعوضها لكم فهووود من فوق فركة خشمه
Al_KaSr
13-09-2001, 11:23 PM
اول شي مرحبا يا نواف الزفت تراني العرندس بس عند ولد عمي
بس ماني رايق اسجل الخروج واخش باسمي
المهم انت يا زفت قبل ما اطلع قلت لك اني رايح يا مال الشام ةما قلت لي
انك رايح كوكب الرياضه
ورحنا هناك وما فيه أثر ولا واحد من المنتدى او قد جا عليه بحياته
المهم شرينا كوكتيل ودورنا على أحد ما فيه أمل
وبعجين رحنا لم الثاني فرع جديد بشارع الضباب وكمان ما فيه أحد
وكوكب الرياضه ما نعرف وينه وش نصلح
قلت يا رجال وش رايك نروح نتعشا عاد رحنا بابا نوره عفوا ماما نوره
المهم تعشينا ورجعت معاه البيت
وانا اقول زي نواف ييلعن أم الجحدات الي كذا
تحياتي
Chandler
14-09-2001, 12:04 AM
دكس...
مين قال لك ان اعصابي ما هدت.....انا لو اني جيتكم على طول وانا واصلة معي...كنت ما قدرت اكلمكم...<===== لأني باكون كسرت الكمبيوتر على راس سكوالوووه....
انا اول ما رجعت للبيت...شربت شاهي ربيع اكسبرس(قلت يمكن ينفع)...شربت منه 4 لتر <==== شكلي باسهر 4 ايام على الشاهي هذا كله...
بعد ما خلصت الشاهي....شربت لي 7 لتر ليمون مركز.......بعدييييين..جيت لكم...
ياورد....
الظاهر انك متشققة من الفرحة.....
وانا توقعت انك اول وحده بتوقف معي ضد سكوالووه....
دجو....
خليك على جنب....دقيت عليك...ورديت علي وانت تكحكح....قلت الرجال مريض...صرفه لا يعديك......شغلي مع سكوال بعدين...انا اتفاهم معه....(بعدين تحسب الناس كلهم زيك...محترمين وحلوين...لا فيه ناس جحدات وشيون...زي بعض الناس)
الكاسر...
كيف الحال....
اول شي...انا ما اظن انك العرندس....بس يمكن هو قال لك هالكلام....
واذا كنت العرندس....فاقولها في خشتك.....نصااااااااااااااااااااب.....
انا قلت لك على الماسنجر انها في كوكب الرياضة....وانت تعاند تقول في يامال الشام.....وفي الاخير صدقت....وقلت بتجي....(((بس مع كذا ما جيت وجحدت انت وولد عمك)))....مرة ثانية دور لك تصريفة احسن...
Rewayah
14-09-2001, 12:16 AM
أعتقد... بل أقر! أن الجميع مطالبين بأعتذار "على الأقل" ل naf وصديقه بدل تبرير أنفسهم وذكر اسباب لا يستطيع naf التأكد من صحتها -_- !!
ثانبا أنتو أصدقاء ولا تجعلون هذا الشيء يفرق بينكم ^_^ !!
ebrahim
14-09-2001, 12:34 AM
تستاهلو ليش ما تفقتو على مكان معين
Chandler
14-09-2001, 12:40 AM
مشكور يا رواية....
والله احرجتني.....
مين قال لك اننا زعلنا....حنا اصدقاء....بس فيه اصدقاء يبدا اسمهم بحرف السكوال....بيتصفقون......وبس.....ما صار شي....انا راااايق...(((مع شاي ربيع اكسبرس)))
وانت يا ابراهيم....كيف الحال...
انت الظاهر ما تدري وش القصة.....
حنا اتفقنا على مكان واحد....وكتبنا موضوعين...واحد منهم تعدى ال100 رد.....ولعلمك....اللي كتب الموضوعين وكان متحمس للفكره...هو....اول الجاحدين....سكوالووه....
عشان كذا انا واصلة معي.....فهمت؟؟؟
ELVERADOUS
14-09-2001, 12:48 AM
خخخخخخخخ ياحليلكم ...لو بيدي كنت أخذت طيارة وجيت ..بس الظروف الحالية ماتسمح ...مسكرين المطارات عشان كذا ماأقدر أطلع من كندا >>>>>>>>>>>>>>(نصاب خخخخخخخ:D :D :D :D )
روقوا شباب روقوا خخخخخخخخخخخ":"
ebrahim
14-09-2001, 01:07 AM
اهلا يا ناف كيف الحال
معك حق تعصب انت رحت مشي صح المكان بعيد لو حصلت معي كان رحت لاقرب جدار وطقيت راسي فيه لما اهدى مو اشرب شاي وليمون
مره ثانيه لا تكثر من شرب الشاي واليمون بعدين بتسويها على روحك وانت نايم ههههههههههههههههههههههههههههههههههها :D :D:D
لا تزعل ترها مزحه
مزحه حلوه صح
اذا زعلت قولي مش تشرب ليمون وشاي وانت نايم تسويها :D :D
الحين جد لا تزعل باي
مع السلامه
Chandler
14-09-2001, 01:24 AM
الفير....
لبق على جنب...
ابراهيم....
لا تخاف....بعد ما خلصت من الشاهي والليمون...قعدت ساعة الا ربع في الحمام(كرمكم الله).....
Chandler
14-09-2001, 01:47 AM
شباب...
سكوالووه توه يقوم من النوم....مرسل لي رسالة....وما عنده نية يعتذر
ebrahim
14-09-2001, 02:26 AM
اهلا اشوى يا نواف
اقول انسيت شي مهم رح جيب وايت مجاري يشفط البياره قبل ما تطفح وتملي الشارع(بعيد عنك) :D :D :D
لازم تبلشنا بالشاي واليمون
سكول ضحك عليك لاوصيك فيه اعمل فيه مقلب زي ما سوى معك(فتنه)
نواف ممكن تقولي كم مضى من عمرك لو تكرمت اذا مفي مانع ليش
اقول ليش هالكلام الفاضي قول كم عمرك عجبك ولا ما عجبك لا اكسر راسك(الحلو) فاهم(امزح مش تروح تصيح)
الحين جد كم مضى من عمرك
مع السلامه رايح انام
;) ;)
mom_com3
14-09-2001, 06:16 AM
شف لا تقول على جحده لا اخبزك بـ بوقس...
..
بعدين انا مبري ذمتي قايل اني منيب جاي ... حتى شف الموضوع الثاني ...
..
..
بس المره الجايه اضمن لك اني اجي >> ان شاء الله>> هذا اذا جت مره ثانيه...
..
..
اخوك MoM_CoM3..:D :D :D
..
سؤال: زعلان مني؟؟>>خايف..:D :D .
عاد تصدقون ياشباب اني قطعت 340 كلم عشان هالأجتماع
رغم اني لم اعلن عن مجيئي
لكن للأسف حصلت لي ظروف طارئه منعتني
Rewayah
14-09-2001, 09:30 AM
جيد أنك أعلمت نواف عن السبب لأنه كان مستاء جدا !! ;)
Chandler
14-09-2001, 03:53 PM
مشكور يا رواية....والله ما تقصر....
....شباب....ما يحتاج اوصيكم.....ابغاكم تحوسون سكوالووه اذا جا....:D :D
the postman
14-09-2001, 04:29 PM
كتب العضو (naf)
مشكور يا رواية....والله ما تقصر....
....شباب....ما يحتاج اوصيكم.....ابغاكم تحوسون سكوالووه اذا جا....:D :D
انت تامر ونحن نطيع
GLADIATOR__mx
14-09-2001, 05:59 PM
والله الغبنه ياناف
هذي فيها ذبايح
RPG_master
14-09-2001, 06:53 PM
ملاحظة اخيره: فيه واحد من المنتدى ودي اشكره.....الظاهر انه يعرف صاحب المحل....ووصاه علينا....بس ما جا شخصيا....صاحب المحل قال اسم الشخص بس انا ما لقطته....بس ودي اشكره....دلعونا انا واليكس....بس لو كان الاكل ببلاش كان تمااااااام
بغيت اوضح هذا العضو اسمه king_kubaj
او oglop سابقا .وشكرا
ebrahim
14-09-2001, 08:59 PM
وين اسكوال مو مبين بالعاده علطول يطلع يدافع عن نفسه
mom_com3
15-09-2001, 04:39 AM
عمرك شفت واحد يغلط ...والغلط عليه 100%
ويجي دافع عن نفسه .... مهوب فاضي ..
بيدور له مكان (يتوزا) فيه.....http://www.plauder-smilies.de/tales/heks.gif
.
.
.
انتهــى.................":" ":" .
RPG_master
15-09-2001, 01:42 PM
كتب العضو (DigitaL)
انا معذور
كنت انتظر الساعه 9 تجي علشان اجي ومدري الا يوم نمت الساعه 3 العصر .. <-- لاحظ الفرق
طيب حددوا وقت ثاني غير يوم الخميس .. مين فاضيلكم اصلا يوم الخميس :o
واصلا زين اني مارحت لاني ناوي اروح يامال الشام ":"
شف ياناف حدد مكان اليوم السبت ... وانا اجي والعشا عليك طبعا واجيب معي الدلخ العرندس
ما يمشي الكلام هذا عندنا نظامنا امريكي انت تدفع حسابك غصبن عن خشتك:D
Blue^Rose
15-09-2001, 01:56 PM
عادي يااح ناف مفروض ماتنقهر ولاتعصب
لانه سكوال مو غريبه عليه هالحركات
بس الشرهه مو عليه الشرهه عليكم لما فكرتوا تواعدونه مفروض شادينه من شعره ولو انه ماعنده شعر بس مكان يعوض عن مكان ورازينه على كرسيه ومربطينه باحبال:)
ادري يااخ سكوال انك حقدت علي
ebrahim
15-09-2001, 02:01 PM
كل واحد يدخل يقول انا ماجيت ويحط كذبه كاشفكو
يستخفون فيك يا نواف لازم تشد عليهم
دجتل يالفجعان ادفع احسابك فاهم شكلك اكول لو واحد دفع عنك بيصفي عالحديده :D ;)
لو انكم بمدينتي ووعدت اصحاب كان كلهم اجو مو زيكم كل واحد يقول
ايوى باجي وبعدها جحده (احنا نقول عن الجحده شطفه)
نواف تعيش وتاكل غيرها
Rewayah
15-09-2001, 04:29 PM
نواف تعيش ولا أشوف غيرها... "من جحدات ^_^ "
Chandler
15-09-2001, 04:49 PM
ههههههههههههه....
سكوال ما رد هنا....
بس حرصا مني على فضحه بكل السبل والطرق.....ابي اقول لكم انه ارسل لي رسايل اعتذار.....(حتى ان دموعه طلعت عندي بالجوال)....
خلاص انا مسامحة.....ونخليها الخميس الجاي....مو مشكلة<===== ابغاه يجي الخميس الجاي عشان اتوطى ببطنه:D :D
الكوبرا
15-09-2001, 08:04 PM
بعد شوي....دق مؤيد(BBQ)...سلم علينا وقال انه يمكن يجي.....وبعدها كلم كوبرا وقال مين فيه.......قال له اليكس انا ونواف....قال اجل ما يحتاج اجي....بس اثنين...<===== الظاهر اني انا واليكس ما ملينا عينه
افا و الله يا نواف انك انت و اليكس على العين و الراس بس
الموضوع مهوب زي ما فهمت انت و اليكس انا كنت ناوي اجي بس حصلت ظروف قاهره
جاء عندنا ضيف من الكويت حدود العصر ورغم هذا كنت ناوي اجي ودقيت على اليكس
بس المكان تغير من يامال الشام الى كوكب الرياضه هذي وحده ثانيا المشوار صار ابعد
بالنسبه لي .
بس انشاء الله الخميس انا عندكم و على فكره انا قلت لاليكس عن عذري .
انا على الاقل احسن من سكوال الي ما جاء ولا اعتذر ولا بعد نايم على حسب ما فهمت من اليكس
على العموم الوعد الخميس و الميدان يا حميدان:)
ebrahim
15-09-2001, 08:05 PM
طلعت دموعه من الجوال يا حرام(هذا يضحك عليك ثعلب ماله امان)
فتنه
نواف تبي تتوطي بطنه اخاف يحصل العكس اتخيل شكلك بهالموقف
يموت ضحك :D :D :D
استناك الخميس الجاي وانت مضحوك عليك مره ثانيه يا مضحكه
بس من هالحين اوصيك لما يصحكو عليك مره ثانيه لا تكثر شاي وليمون
:D :D
ارفين
15-09-2001, 09:26 PM
[QUOTE]كتب العضو (naf)
رن الجوال.....طلع ارفين (داق علي عشان يتهزا فينا انا واليكس).....
قلت له وين اخوك.....قال نايم.....(((انا وصلت معي...اخذت رقم سكوالوووه من اخوه)))
انا ما كنت ادري ان سكوال حاط موضوع يقول خلونا نتقابل....الا بعد ما كلمتك صح.....شف انا اخوه ولا علمني
انا كنت ادور في الحاره ومريت بالصدفه على بيتكم....قلت بادق عليه يطلع يسولف معي...بس انت شكاك
Al_3randass
15-09-2001, 09:45 PM
كتب العضو (Blue^Rose)
عادي يااح ناف مفروض ماتنقهر ولاتعصب
لانه سكوال مو غريبه عليه هالحركات
بس الشرهه مو عليه الشرهه عليكم لما فكرتوا تواعدونه مفروض شادينه من شعره ولو انه ماعنده شعر بس مكان يعوض عن مكان ورازينه على كرسيه ومربطينه باحبال:)
ادري يااخ سكوال انك حقدت علي
ههههههههههههههههههههههههههااؤؤ سكوال أتحداك ترد عليها ههههههه":" ":" ":"
Chandler
16-09-2001, 07:08 PM
سكوالووه...
وينك...تعال رد هنا
MoaeD
16-09-2001, 07:48 PM
انا دقيت وكنت بأجي بعد اسأل ياسر وشو الرقم كبينه من العليا العام (جوالي مقطوع:()
المهم وانا جاي ضيعت ودخلت في زحمات اتشت معي ورجعت للبيت وانا منب جحده انت واياه لا تغلطون:غضب:
Blue^Rose
17-09-2001, 01:14 PM
مسكييييييييييييييييين
سكوال قومت شعب المنتدى عليك
والله ياليت واحد فيهم يطلع حرتي ويسدحك قدام باب الفيصليه وبنات الرياض كلهم يتفرجون
والله ياسكوال ماراح يقهرك الا بنات الرياض وهم يتفرجون عليك
بعدها ماعاد وحده تطل بوجهك
YaWaRd_85
17-09-2001, 01:25 PM
هههههههههههههههههههههه
تعجبيني والله يانهى
هذا الكلام السنع
selfer
17-09-2001, 01:28 PM
هههههههههههههههههههههههههههههههههههههههههههههههه
مسكين سكوال.....بس احسن محد قاله يواعدكم وجحد:D
Chandler
17-09-2001, 06:46 PM
سكوال.....
شباب.....اكتشفت انه يستحي من اسمه اذا ناديته برا المنتدى....
يوم قابلته....قلت له بالغلط سكوال.....وجه قلب اخضر بعدين احمر بعدين ازرق....وقال:....الله يفضحك اسمي فهد مو سكوال.....او على الاقل فهودي.....
ابغى اسألك....مادمت ما تحب اسمك....ليه سجلت بهالاسم.....جاوب":" ":"
خـالد عبدالرحمن
17-09-2001, 06:50 PM
ههههههههههههههههههه احراج:D :D
بس هااااااااااااه اخاف ولد عمي المسيكين يجي للرياض و يتورط ما يحثل احد:": بعدين ينام في العليا:p
Chandler
17-09-2001, 06:59 PM
لا تخاف يا ابو نايف.....
ان شاء الله هالمرة بيجون......واولهم سكوال.....ان ما ازعجته بالمكالمات....ما اكون نواف....باخليه يكره نفسه......
بالعربي....سكوالووه بيجي...((حقنا للدماء:D :D ))....واليكس وانا....ويمكن ارفين....ولو يجي دجو...تكمل....حركة يجي معنا واحد حلو...:D :D :D
ولو تجي انت تصير حفلة....
خـالد عبدالرحمن
17-09-2001, 07:01 PM
ههههههههههههههههههههههههه شك في عمره الحلو((تراه جنبي و يبي يصفقني على الي قلته))
الزبده لا جاء بيدق على واحد منكم و ان جحدتوه بيرفع فيكم بشوشة ار بي جي على قولته:p
ما عاش من يجحد حبيبنا دجووووووو .....
والله لو يجي 4 الفجر اطلع معه :cool:
مين يقدر يقاوم الحلو هذا >>>>>>>>>>>> شك بعمره :D
هذا دجو ........ من حلاوته يقول للقمر قم ابعد عن مكاني :D
دجوووووو ........ P.S ........ لا تصدق :p
خـالد عبدالرحمن
17-09-2001, 07:21 PM
هههههههههههههههههههههههه طاح وجهه بالps
بس لا تنسون تعطونه كورس تفحيط تراه مصدق روحه لا جاء الرياض بيضيع هههههههههههاااااوووو
اقول ........
هو صدق بيجي للرياض ......... ولا يمكن ؟؟؟؟؟؟؟؟
وبعدين ......... انا ما عندي مانع اعطيه كورس .....
بس السياره عليه :D
ويفضل لو كانت كامري >>>>>>>>>> مسويلي فيها خبير :p
خـالد عبدالرحمن
17-09-2001, 07:34 PM
ههههههههههههههههههههههههههههههههههههههههه خلاص يصير خير
هي على الجيه هو يبغى يجي
بس الظروف محجره له
توه منطرد من المدرسه موقتا الى السبت((تراه وده يلعن والديني اني علمتكم قاعد يسحب الكي بورد))
و غير كذا يمكن يكنسل ابوه
بس ان شاء الله جاي جاي على قولته
جميع حقوق برمجة vBulletin محفوظة ©2024 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .