سؤال يحيرك بخصوص عضو [الأرشيف] - الصفحة 2

مشاهدة النسخة كاملة : سؤال يحيرك بخصوص عضو

الصفحات : 1 [2]

Mada Mada Dane

23-01-2006, 11:02 PM

القعقاع /

أي مشروع تكوندو ؟

تكوندو, رياضة الدفاع على النفس تقصد -_- لا. . . اصلا انا مااستمريت فيها لظروف حصلت لي بالسعودية >< بس وش دراك اني كنت ناوي اخش تكوندو ياولد !

<-- حاس انه كان يقصد شئ ثاني :196:

مادا
الحين انت كل يوم ترد في موضوع تقول اني مليت من الرد في المنتدى بس احب اقرا المواضيع
تبينا نسألك انك مختفي و الا لا و انت معطينا الجواب مقدما :09:؟

بس ذكرتني بما انك مغترب
هل واجهتك مشاكل أمنية في المطار؟
هل فيه اي حساسية بينك و بين الطلاب في المكان اللي تدرس فيه؟
هل يكفيك الراتب اللي تصرفه لك السفارة؟
السكن حقك في الجامعة و الا سكن خاص؟

ناوي اقدم على الابتعاث بعد ما اتخرج
و حاب اجمع كم معلومة

ياخي وشو حرام الواحد يتغلى يعني ؟ :blackeye:

لوول بخصوص اسئلتك :-1- ماصادفتني اي مشاكل, انا شخصياً ماحققوا معاي ولا سؤلوني ولا سؤال لاني كنت بامريكا قبل كذا, اما اذا كنت اول مره يسالونك اسئلة عادية يسألونا أي طالب " أجنبي " سواء سعودي او الماني .
2- أبد مافي, اليوم معزوم لمحاضرة طلاب امريكان يتعلمون اللغة العربية, يبون يجيبون Native speakers ورحت هناك.
3- على حسب مكان السكن, انا شخصيا يكفيني .
4- سكن خاص .

القــعـقـاع

24-01-2006, 07:53 AM

انت اللي قلت ان عندك مشروع تكوندو >_<

طيب بما انك في امريكا

هل سمعت عن الufc و الmma

Mada Mada Dane

24-01-2006, 09:47 AM

انت اللي قلت ان عندك مشروع تكوندو >_<

طيب بما انك في امريكا

هل سمعت عن الufc و الmma

Man, am weak I don't need to know about these stuff

UFC هو الـ Ultimate Fighting Championship , صح ؟

الثانيه مشبه مدري=_= بس فيها شئ خلط بين اساليب قتال متعددة >< او شئ زي كذا

القــعـقـاع

24-01-2006, 10:31 AM

هذا انت عارف ما شاء الله...بس كيف انتشارها هناك؟ تحس الكل يعرفها؟

Electro M

24-01-2006, 12:12 PM

هلا مادا مشكور على سعة صدرك
المزيد من الاسئلة
ياليت توضح وش قصدك بحسب مكان السكن؟
و السكن الخاص على حسابك و الا السفارة؟
و انت حاليا تدرس التخصص او تدرس لغة؟
هل معك سعوديين في الجامعة؟
الا وش تخصصك؟
و في اي ولاية و مدينة؟
انت شكلك واضح انك عربي بقوة و الا الواحد ممكن ما يعرف هالشي؟
الانترنت و التلفزيون انتم الي طلبتهم و الا كانوا موجودين؟
التلفزيون هل فيه اشتراك بقناة NBC - عشان اشوف جوي :09:-؟
و اخيرا وش نوع الانترنت عندك - كيبل, DSL- ووش سرعته؟

القــعـقـاع

24-01-2006, 12:20 PM

و اضافة سؤال من عندي...

اذا انا باقدم على ماجستير في IT هل ممكن القى وظايف هناك على نفس التخصص؟؟

Classic Evil

24-01-2006, 07:23 PM

مادا مادا :

هل ممكن أقدم أنا ايضا على ماجستير ؟؟ ولا حق المواطنين السعوديين بس ..

بلاكم سويتوا تحقيق معاااه .. انت ليش تقول تدرس برع .. خبز خبزته يالله اكله بروحك :09: ...

امزح معاك لا تخاف :p ...

==

عندي سؤال بس هو مب محير صراحة ..

سؤالي حق ياماتو :

انت اختفيت فجأة عن المنتدى سحبت سحبة قوية ثم رجعت ...

هل لك علاقة سابقة بالعضو يازكسي وتايدوس و الشلة المشلولة سابقا :33: ؟؟؟
وشكرا :biggthump

Yamato

24-01-2006, 09:18 PM

سؤالي حق ياماتو :

انت اختفيت فجأة عن المنتدى سحبت سحبة قوية ثم رجعت ...

هل لك علاقة سابقة بالعضو يازكسي وتايدوس و الشلة المشلولة سابقا ؟؟؟
وشكرا

نريد تفاصيل اكثر في سؤالك يا حلو..
ماني فاهم عليك حاقة -__-!

Classic Evil

24-01-2006, 10:28 PM

Mada Mada Dane

25-01-2006, 06:09 AM

القعقاع /

بخصوص سؤالك الأول والله من جيت ما سمعت احد جاب طاريها
والثاني لاشتغلت بقسم التوظيف باحد الشركات الكبيرة خبرتك =_= وش دراني عن التوظيف خخخخخخ

هلا مادا مشكور على سعة صدرك
المزيد من الاسئلة
ياليت توضح وش قصدك بحسب مكان السكن؟
و السكن الخاص على حسابك و الا السفارة؟
و انت حاليا تدرس التخصص او تدرس لغة؟
هل معك سعوديين في الجامعة؟
الا وش تخصصك؟
و في اي ولاية و مدينة؟
انت شكلك واضح انك عربي بقوة و الا الواحد ممكن ما يعرف هالشي؟
الانترنت و التلفزيون انتم الي طلبتهم و الا كانوا موجودين؟
التلفزيون هل فيه اشتراك بقناة NBC - عشان اشوف جوي :09:-؟
و اخيرا وش نوع الانترنت عندك - كيبل, DSL- ووش سرعته؟

1- قصدي بحسب المكان, اسعار السكن تنخفض كل مابعد عن الجامعه, وتغلى كل ماقربت , يعني الاسعار تختلف بحسب القرب والبعد من الجامعة .
2- السكن انت تدفعه من الراتب الي تصرفه عليك السفارة, هم يدفعون لك 1200 دولار شهرياً, يشمل السكن والأكل والكتب وكل شئ .
3- حاليا ادرس اللغة, بالاختبار نوعا ما جبت العيد, فادرس لغة مستويات متقدمة, مالي شهر لكن اتوقع اجيب التوفل بأقرب اختبار اخذه .
3- معهد اللغة, للأسف مليان سعوديين لكن الحمدلله اغلبهم بمستويات متندية, انا كل صفي على بعضه مايجي 7 طلاب وجميعم شوي كبار بالسن, المستويات النازلة زحمه فيها ونصها ان ماكان اغلبها سعوديين, وبالاخير يختلف من مدينة لمدينة وولاية لولاية .
4- انا تخصصي حاليا EE , هندسة كهربائية لكني راح أحول بإذن الله إلى MIS اذا كان مسموح لي التحويل .
5- ولاية أريزونا, مدينة توسان .
6- انا شكلي عربي, في ناس من بعيد تقول هذول عرب, انا تقدر تقول وسط, ملامح عربية على صينية شوي, كثير هنا يحسبوني مكسيكي .
7- الانترنت والتلفزيون انت تطلبهم إلا اذا السكن يوفرهم لك .
8- على حسب الباقة الي تشترك فيها, انا للحين مااشتركت تلفزيون لاني كنت ناوي اشترك بعد ماانقل للسكن الثاني, لكني خلاص بكره بكلم Cox وبجيب لي اشتراك High speed net كيبل طبعا مع محطات, حاليا ادخل الانترنت عن طريق شبكة Wi-Fi موفرها لي السكن .
السرعة بالكيبل توصل 6 ميجا تحميل, حاليا بال Wi-fi على حسب الضغط والي مستعلمين الشبكة , تتراوح بين 900 كيلو بايت إلى 40 كيلو بايت .

Miyamz

25-01-2006, 06:33 AM

Mada Mada Dane

25-01-2006, 07:11 AM

يا Mada Mada Dane ان شاء الله في شهر مايو راح يبدأ التقديم على الابتعاث وبقدم على بعثه للدراسة في امريكا وخاصة ان الفتره الاخيره زادوا في معدلات الابتعاث لأمريكا وان شاء الله اتوفق بالابتعاث طبعاً القسم الي ابختاره هو محاسبة ويمكن هندسة كهربائية...

بخصوص السكن الي اعرفه ان اسعار السكن بالقرب من الجامعات يتراوح مابين 1200 ومافوق بمعنى اخر الاكل وشرب والكتب تدفعه من جيبك ؟

وبخصوص واي فاي الموجود في المبنى هل هو مجاني او بمقابل خخخخ في نظري اشوف انه مجاني لأن من صعب ان يغلق شبكة الواي فاي الا عن طريق برامج خاصه صح ؟

وبخصوص معهد اللغه او هل تابع للسفاره او للجامعه او معهد للتجريس اللغة الانجليزية بمقابل؟

مكسيكي ههههههه من يوم ماشفتك وانا قايل ان فيك عرق مكسيكي على شرق اسيا ،،،عموماً بتوفيق يا Mada Mada Dane وان شاء الله تتوفق في دراستك...

الله يوفقك ان شاء الله وتشرفنا هنا مع المبتعثين لول ^^

لا, اسعار السكن يختلف أيضا من ولاية لولاية, بعض الولايات تستأجر بيت كامل , بحديقته يكلفك فقط 600 دولار وقريب من الجامعة, عادة بالمدن الصغيرة .

انا ساكن بسكن قريب من الجامعة نسبيا, شقة بمطبخ وحمام الله يكرمك و غرفه نوم بـ 525 دولار . . .
بكالفورينا شقة مثل هذي قرب الجامعة تكلفك 2000 دولار ممكن, السعر يختلف بحسب القرب والبعد من الجامعة والمكان الي انت فيه بعد

لا معهد اللغة تابع للجامعة , مو السفارة =_= خخخخخخ السفارة فقط تدفع لك التدريس

Yamato

25-01-2006, 02:41 PM

ياماتو :
أنت قطعت المنتدى فترة طويلة ثم رجعت له .. صح و لا لاء ؟؟

اوكي ..

إن كان صح - وهذا المطلوب- في السابق عضو يدعى : يازكسي و آخر يسمى تايدوس .. سووا مشاكل وتم طردهم إلى أجل غير مسمى ..

هل تعرفهم ؟ أقصد هل معرفتك فيهم كان لها سبب إنك تقطع المنتدى لأنك قديم وفي حقبة من أحقاب المنتدى :09: ما كنت أشوفك أبدا ...

إذا ما فهمت السؤال .. أضيغه بطريقة أخرى :

أنت ليش قطعت المنتدى في فترة من فتراتك وين كنت يعني ؟؟؟ عسى المانع خير ..

وبس :blackeye:

اها (&)
هو صحيح.. جت فترة قطعت عن المنتدى.. يمكن كانت سنة 2002.. ايام المشاكل في منتدى الفاينل كنا جماعة ضد عماد18.. تقريبا :p .. اذا تذكر.. منظمة فانيل فانتسي.. واللي كنا منصبين عليه تايدوس امبراطور الاربيجي كرئيس لها.. على اساس انه كان يجيب اخبار دايركت من شركة سكوير :D
هل هو هذا العضو اللي تقصده.. بس ما انطرد.. هو للحين موجود حتى.. بس قلت دخلاته هنا.. لانه يلعب فف 11 كبقية اعضاء الاربيجي اللي اختفوا :02:
ولما طلعنا من هنا سرنا وقتها على منتدى اشواق.. وبعدها توجهت صوب منتدى نجوم الكرتون طيب الذكر..
بس يازكسي ما كان لي علاقة معه.. ما عرفت عنه الا انهم كانوا يقولون والذمة عاللي يقولون (&).. انه كان يسب وما شابه.. اضافة الى انه كان في منظمة النازيين ايامها :33: .. وهذا اللي اعرفه عنه

ياخي انت ماشي على لقبك.. مراسل :09: .. لازم تنبش في التاريخ المغبر ذا :196:

طيب انت قطعت كمان.. لييييييه (&)

Classic Evil

25-01-2006, 03:21 PM

ياماتو :
إذن جذا السالفة ..
الصح إن يازكسي هو انطرد إلى اجل غير مسمى .. ثرك كنت راعي مشاكل قبل تاريخك أسود :09:

أما منظمة النازيين .. والله تحفة اذكر كنت احس اني بمنتدى ألماني على ايام بوليس 911 :D ومازنجر و الشلة ..

الله يرحم ايام المنظمات :o ...

أما انا ما قطعت عن المنتدى إلا لما كنت اسافر السعودية ... وقطعت قطيعة :09: لأن الأعضا الاوائل قطعوا .. فلما بغيت أرجع حسيت إني عضو يديد :blackeye: .. بس مع ذلك كنت متواجد على طووول .. في منتدى الشفرات و الحلول:).. لكن اختفاء وموت بعض الأعضاء أثر بمستواي <==(حشى راؤول) :p

Yamato

25-01-2006, 03:44 PM

مهو انا اقول ايفل مست داي -__-

انا ما كنت راعي مشاكل.. بالعكس كنت يمكن الوحيد المحايد... نوعا ما >.>

طيب سؤال للاعضاء جمعاء..
اذا كنت عضو قديم وغيرت عضويتك او اسمك.. فشو كان القديم (&)

Classic Evil

25-01-2006, 03:55 PM

طيب سؤال للاعضاء جمعاء..
اذا كنت عضو قديم وغيرت عضويتك او اسمك.. فشو كان القديم (&)

لا تذكرني بعضويتي القديمة ... ذهبت أدراج ورفوف وكنبات الرياح :ciao: .....

لذلك سميت نفسي المرة القادمة : ايفل نفر داي :D

Yamato

25-01-2006, 08:58 PM

لا تذكرني بعضويتي القديمة ... ذهبت أدراج ورفوف وكنبات الرياح :ciao: .....

لذلك سميت نفسي المرة القادمة : ايفل نفر داي :D

توني انتبه على ردك.. اسفين يا باشا >.<

طب وش كان اسمك يا فتى... وتاريخ عضويتك هذي قديمة عيل الاولى كانت بتاريخ كم.. (&)

Classic Evil

25-01-2006, 11:05 PM

ياماتو :
لاعادي لو ترد عليّ السنة اليايه مب مشكلة..

عضويتي القديمة كان اسمها فلامنجو بالانجليزي "flamingo" ..

أدري الحين بتقول وش جاب ايفل لفلامنجو :D ..

اما تاريخها قبل هذي مادري بكم بالتحديد ..

ياماتو :
شو معنى اسمك :33: ؟؟

Yamato

26-01-2006, 08:14 AM

ايفل..
آي سي.. (&)

معنى اسمي.. في البعض يقول انه الاسم القديم لليابان وفي البعض يقول انه اسم احد النبلاء اليابانيين اللي اشتهر بقتله لقطاع الطرق وذبحهم من الوريد للوريد :196: واسمه كان ياماتو تاكيرو.. واللي هو ايميلي :biggthump

بس انا اخذته وعرفته عن طريق الانمي من مسلسل ابطال الفضاء.. لو تتذكر الكابتن افاتار وديريك وايلد ستار والرائع القائد ديسلوك.. هايـــل ديسلوك :D

طيب ما في احد يسال حد ثاني.. او جاوبوا على سؤالي (&)

Doel

26-01-2006, 08:18 AM

او جاوبوا على سؤالي (&)

Doel

209594

Yamato

26-01-2006, 08:25 AM

Doel

209594

(&)
سين سؤال يا دولي الديناصور الصغير ابو خدود مفغوطة على قولة لينا :09:

انت متى بترد الامارات.. انا وانسان نريد نشوفك :196:

Doel

26-01-2006, 08:34 AM

(&)
سين سؤال يا دولي الديناصور الصغير ابو خدود مفغوطة على قولة لينا :09:

انت متى بترد الامارات.. انا وانسان نريد نشوفك :196:

خدود مفغوطه؟ << مخيلته تروح لشايب عمره 99 سنه ... ويهه ذاب من العمر .. و خدوده ... مفغوطه (على الأقل جيه فهمتها)

متى برد الإمارات ... سؤال وجيه ... انا لو السالفه بيدي أرجع الإمارات الحين و أعزمك انت و انسان و كل شباب المنتدى عللا الغدا في كفتيريا محارة البحر :p .. بس الدراسه ما تساعد

حاليا في فكرتين ...

1) آخذ أول كورس صيفي و أرجع لمدة شهرين للإمارات ابتداءً من 25/6
2) آخذ الصيف كامل و أرجع الإمارات لمدة اسبوعين في 15/8

بس في كلا الحالتين لازم أتلاقى وياكم ^_^

Doel 'su

Yamato

26-01-2006, 08:42 AM

Doel

26-01-2006, 08:45 AM

لا لا.. شوف المجلس في اخر صفحة في رد للينا.. محطية صور.. بتعرف قصدي..
انت عمرك ما شفت كرتون عن ديناصور اخضر صغير وشكله اهبل :09:
كان حلو...

بس سالفة رجوعك للامارات... ياااه طويلة خمس شهور.. بس ما عليه.. بنترياك انا وانسان.. :ciao:

سين سؤالين..
توقيعك جميل جدا.. من وين جبته (&)

ديناصور أخضر ..... قصدك دنفر ولا التنين الصغير ... حدد :p

شو نسوي ياخي ... نبا نخلص الدراسه بأسرع ما يمكن ... عشان اذا لحقت أسحب لي عالماجستير ... و أرجع أتوظف مهندس و الماجستير ما يسوى فلس :p

و عن توقيعي ... من وين تتوقع؟ the source of everything cool ..... the internet :p

تعال ... يالس أقرا موضوع الجات و انتبهت انك فاتتك الطياره ... إذا ما فيها مشكله .. أي شركه و أي حقل؟ :p

Doel 'su

Yamato

26-01-2006, 08:50 AM

ديناصور أخضر ..... قصدك دنفر ولا التنين الصغير ... حدد :p

شو نسوي ياخي ... نبا نخلص الدراسه بأسرع ما يمكن ... عشان اذا لحقت أسحب لي عالماجستير ... و أرجع أتوظف مهندس و الماجستير ما يسوى فلس :p

و عن توقيعي ... من وين تتوقع؟ the source of everything cool ..... the internet :p

تعال ... يالس أقرا موضوع الجات و انتبهت انك فاتتك الطياره ... إذا ما فيها مشكله .. أي شركه و أي حقل؟ :p

Doel 'su

ياخي والله كنت اريد اكتبلك انه مش اقصد دنفر.. وايضا مش التنين الصغير اللي كل مرة يصارخ على ابوه انه يريد يكون اطفائي.. ما ادري اسمه الفريدو ولا فريدو (&)

بس اللي اتكلم عنه هو ديناصور صغير.. مش تنين.. في فرق (&)

مش مشكلة.. بس شد حيلك وجيب الA's

وانا في شركة ادما حقل ام الشيف..
والله المسؤول مالي فري كوول هو المدواخ ماله... قاللي سير اتفسح في بوظبي بس خلك موجود على طيارة الساعة وحدة :196:
لو كان البديل ماله موجود.. كان بياكلني.. الله ستر :blackeye:

Doel

26-01-2006, 08:57 AM

ياخي والله كنت اريد اكتبلك انه مش اقصد دنفر.. وايضا مش التنين الصغير اللي كل مرة يصارخ على ابوه انه يريد يكون اطفائي.. ما ادري اسمه الفريدو ولا فريدو (&)

بس اللي اتكلم عنه هو ديناصور صغير.. مش تنين.. في فرق (&)

مش مشكلة.. بس شد حيلك وجيب الA's

وانا في شركة ادما حقل ام الشيف..
والله المسؤول مالي فري كوول هو المدواخ ماله... قاللي سير اتفسح في بوظبي بس خلك موجود على طيارة الساعة وحدة :196:
لو كان البديل ماله موجود.. كان بياكلني.. الله ستر :blackeye:

الفريدو .... هممم بعرفوش :p

ياخي الليي يسمعك يقول الـ A هنه سهله -_-
الأي هنه لازم تدرس 9 ساعات في اليوم عشان تييبها ... غير الويكند (و 9 ساعات بالدقيقه و الثانيه) ... هذا اذا كنت ذكي ... اما اذا كنت عادي أو شوي ذكي ... زيد عليها ولا الله يعينك

هذا اللي تحصله لما تفرح بنسبتك و تروح ثاني أحسن جامعه في تخصصك -_-

عيل ادما هاه؟ ... احمد ربك ان الشيبه انتقل من ام الشيف من زمااااان ... و لا لو هو كان الـ HFO .... الله يعينك

تراني ياينكم أول ما أخلص :p

Doel

Yamato

26-01-2006, 09:06 AM

الفريدو .... هممم بعرفوش :p

ياخي الليي يسمعك يقول الـ A هنه سهله -_-
الأي هنه لازم تدرس 9 ساعات في اليوم عشان تييبها ... غير الويكند (و 9 ساعات بالدقيقه و الثانيه) ... هذا اذا كنت ذكي ... اما اذا كنت عادي أو شوي ذكي ... زيد عليها ولا الله يعينك

هذا اللي تحصله لما تفرح بنسبتك و تروح ثاني أحسن جامعه في تخصصك -_-

عيل ادما هاه؟ ... احمد ربك ان الشيبه انتقل من ام الشيف من زمااااان ... و لا لو هو كان الـ HFO .... الله يعينك

تراني ياينكم أول ما أخلص :p

Doel

طيب ومن قال انها سهلة هنا :blackeye:
بالعافية السي -__-

وهاااه.. (&)
من هو يمكن اللي قبلي بيعرفوه.. وشو الاتش اف او.. لانهم مغيرين التسميات.. قصدك السايت مانيجر..
وتعال.. حياك بام الشيف.. :05:

Angel whisper

26-01-2006, 09:09 AM

Doel

26-01-2006, 09:17 AM

طيب ومن قال انها سهلة هنا :blackeye:
بالعافية السي -__-

وهاااه.. (&)
من هو يمكن اللي قبلي بيعرفوه.. وشو الاتش اف او.. لانهم مغيرين التسميات.. قصدك السايت مانيجر..
وتعال.. حياك بام الشيف.. :05:

ما قلت ان الدراسه في البلاد سهله ... قلت انها أصعب بوايد هنه :p

HFO مسمى جديم قبل لا يحطون نظام التيمز عندكم تقريبا أعلى منصب في الحقل ... و فوقه مدير الحقل في بوظبي ... أظني الحين واحد اسمه فتحي هو اللي ماسك المنصب ( نو لاست نيمز ... عشان ما يستوي تشهير بالناس)

يمكن أم الشيف ... بس ادما أكيد :p

و عشان انجل ما تزعل ... روحوا جوفو the usual suspects .... really nice

Doel 'su

Yamato

26-01-2006, 09:17 AM

ما احيد ديناصورات في الرسوم غير دينفر وموكا ..

والحين اغنية كاليميرو داقة في راسي ..

كله منكم يالشواب ..

just to not to be off-topic ..

ياما
ممممم
شو احسن فلم عندك؟
*وحدة صدق ما عندها اسئلة*

*كالميروو كالميروو...الديناصور الصغير* <<<< كله منها تلخبط عنده كل شي >.<

احسن فيلم :33:
والل ما ادري ليش اول ما قلتي هالسؤال اجا على بالي فيلم شفته وانا صغير.. عن اب ماتت زوجته واضطر انه يربي اولاده لوحده.. بس الشؤون الاجتماعية اخذتهم عنه وحطوهم في ملجا للايتام... ومرت السنين والعيال كبروا.. وخلال السنين استوت اشياء كثيرة وتشتت شملهم.. بس في الاخير اجتمعوا.. للحين اتذكر مشهد النهاية لما الوالد وابنه الكبير اللي اصيب بعاهة من سوء المعاملة من الملجا اللي عاش فيه والبيوت اللي مر عليها كانوا يتجهون نحو بعض.. كان مؤثر نوعا ما.. حتى اني حاولت بكل قوتي اني امنع نفسي من البكاء خصوصا اني كنت قاعد مع كل اللي في البيت ونطالعه..

كان مشهد رائع ومؤثر.. :o

طيب انا بتوكل الحين..
وقبل ما اطلع سؤال صغير للاثنين الموجودين حاليا..

دولي............. <<<<والله هو.. الحين تذكرته.. وانا اقول ليش اسميك دولي.. اسم الديناصور كان دولي >.<
تحبني؟؟؟ << معليش مستعجل :09:

انجل..
كيف الحال؟؟ <<<< والله كمان مستعجل :blackeye:

السلام عليكم :ciao:

Angel whisper

26-01-2006, 09:25 AM

ابا اشوووفه ~___~
ديناصور .. دولي؟
وانا الحمدلله بخير ..

مادوه:
كيف تقدر توصف شخصيتك؟

Classic Evil

26-01-2006, 11:39 AM

المنتدى عللا الغدا في كفتيريا محارة البحر :p .. Doel 'su

الشقف ماله خرطي :196: !!

==

ياماتو : شو هالدوام اللي تسير فيه بطيارة ؟؟ لا يكون في السمالية :09: ولا السعديات اذكر يروحونها بقارب :D

Electro M

26-01-2006, 01:08 PM

مادوه:
كيف تقدر توصف شخصيتك؟
وش الطاري؟
اصعب سؤال بصراحة ان الواحد يطلب منه وصف شخصيته
لان الشخص يشوف نفسه فيه صفات يمكن يتخيلها
الصحيح انك تسأل شخص يعرف الشخص الي مهتمة في شخصيته
لكن اذا حبيت اصف نفسي في كلمة واحدة فقط فشخصيتي متناقضة
يعني احيانا اكون مرح بقوة و احيانا اكون جاد بقوة
احيانا متفائل بقوة و احيانا متشائم بقوة
احيانا ذكي بقوة و احيانا غبي بقوة
و هلم جرا

Classic Evil

26-01-2006, 01:21 PM

عي - مادوه :

هل سبق وتعرضت لموقف محرج مخجل؟ وكيف خرجت منه ؟

طمنا على مشروعك شصار عليه :)

Electro M

26-01-2006, 02:37 PM

عي فيلوه
المواقف المحرجة قليلة في حالاتي
لاني غالبا اسوي لها بلاك اوت
الا اذا كان الحق في صفي و في هالحالة في موقف حصلي في جمارك السعودية على جسر البحرين
و انا راجع من البحرين
انا و اللي معي كنا جايبين شي ممنوع - بعد ما تنتهي السالفة بقول لكم وش هالشي بالضبط عشان اشوف وش راح تتوقعون بعد اللي صلحه لنا الجمركي - من البحرين نبي ندخله للسعودية
و احنا طبعا مبسوطين ولما تعدينا الجمرك البحريني تذكرناه
وكنا تاركينه في المرتبة الخلفية للسيارة
و لما وقفنا للتفتيش السعودي و احنا في السيارة حاولنا نتدارك الامر فخبينا هالشي في مخباة كل واحد منا و تركنا الاكياس مكانها
المهم من حسن حظنا انه في هاليوم بالذات طحنا بحلق جمركي الظاهر المدير مهزؤه قبل شوي فحب يحط حرته فينا
يعني بالعادة ندخل الجمرك و نطلع و كل الي يسوونه يفتحون الشنطة يشوفون معنا عفش و الا لا
لكن هالمرة هالجمرك قرر انه يطلع الحرص كله علينا
و فتح الشنطة و ما لقى معنا عفش راح شال الغطى اللي في الشنطة و جلس يفتش مكان الكفر الاحتياطي - الاستبنة -
ثم للاسف ما لقى شي
راح للسيارة و فتح الدرج اللي قدام الراكب و جلس يحبرش في الاوراق
للاسف ما لقى شي
راح دخل راسه تحت الكراسي الامامية
للاسف ما لقى شي
راح فتح العلبة اللي في المركاة اللي بين السواق و الراكب و جلس يفتش
برضو للاسف ما لقى شي
راح للمرتبة الخلفية
شاف الاكياس مرمية بشكل اعتيادي ما عطاها وجه
راح حاول يحرك المرتبة الخلفية!
قلت له هي انتبه للسيارة
لكنه اصلا للاسف ما لقى شي
اخيرا قرر انه يحبرش في الاكياس
و وجد ضالته و انفرجت اساريره
لقى كرتون الشي الممنوع
راح قال كل واحد يطلع الي في جيوبه
طلعت المحفظة المفاتيح المناديل
ما صدقنا و جا لمس جيوبنا و طلع الشي الممنوع
قال ما تدري ان هذا ممنوع في السعودية؟!
قلنا له اللي نعرفه انه ممنوع بيعه في السعودية لكن الاستعمال الشخصي عادي كل الناس تستخدمه
قال لا ممنوع تدخله للسعودية نهائيا تعالوا الحقوني لهالكابينة
دخلنا كابينة 2×2 متر و سوا تفتيش ذاتي لرفيقي
جا لعندي - وقتها انا طرطعت -
قلت له و الله ما تلمسني!
قال لا ترفع صوتك معك ممنوعات غصب عليك افتشك
قلت له هالممنوعات بيدك الحين هالمذلة ليه!؟
رح سجل علينا محضر و خلصنا ما يبيلها هال****** الزايدة
طبعا بدا الصراخ بيني و بينه و جا عسكري شاف وش القصة و قال لهالدلخ الجمركي خلاص الممنوع معك رح سجل عليهم محضر و انهي الموضوع
و جلس يهدي فينا
المهم الخبل راح للمحضر و لما جينا ندخل لمدير الجمارك مر بجنبي قلت له الله لا يعطيك العافية
طرطعت معاه و بدا يزاعق و عطيته اشكل

الزبدة هنا لازم اقول لكم وش هالشي الممنوع
الشي كان جوال كاميرا اللي وقتها كان ممنوع - و بعدها بشهرين طلع قرار السماح -
و حتى الجوال ما كان لي كان لرفيقي و خويه لكن ارتفع ضغطي بسبب هالدلخ اللي مصدق انه ماسك علينا مخدرات و الا خمر و مسوي زحمة
و حتى اوضح لكم اكثر
بعد ما تفاهمنا مع مدير الجمارك قال و الله لو اقدر كان خليتكم تدخلون فيها بس المشكلة ان هالجمرك - الدلخ اللي فتشنا - سجل عليكم محضر لذا احسن شي اقدر اسويه اني احفظها عندي و تجون بكرا و تاخذونها و تدخلون فيها للبحرين
و هناك عاد تصرفوا فيها يعني بيعوها و الا شي
و فعلا نفذنا نصيحته و رحنا من بكرة و اخذنا الجوالات و شفنا لنا كم فيلم في البحرين و رجعنا والجوالات معنا لا و من زود النكاية خلينا الاكياس في المرتبة الخلفية و دخلنا السعودية و كأن شيئا لم يكن!

اما المشروع فإن شاء الله يوم الاحد بيكون يوم تقييمه و مناقشته
دعواتكم :)

Yamato

26-01-2006, 05:57 PM

انجل..
والله لو بس اتذكر الاسم فقط.. او حتى اشوفه مرة بالغلط على اي قناة.. -__-

دولي.. تذكرت شي اضافي عنه...
الحلقة الاولى لما يجدونه يكون متجمد في قطعة ثلج دشت في مجرى الامطار في المدينة .. شي زي كذا.. نهر او مجرى كله ماي (&)

دويل او في رواياتي انا دولي...
ايه فتحي للحين موجود وكان معاه واحد بريطاني.. البريطاني شاتوه والحين ماسك مكانه مواطن.. <<<< يتخيل متى يوصل له :p

ايفل مست داي..
انا في البحر.. علشان كذا اسير بالطيارة لداس وبعدها بالهيليكوبتر.. وناسة.. وملل احيانا -__-

سؤال للاعضاء..
ما عندي سؤال :28:

golden_sky

28-01-2006, 01:24 PM

عندي مجموعة أسئلة لصاحب السحر الحلال ;) - إذا يسمح - !

لاحظت إن عندك إهتمامات بالشعر .. فإذا صحت ملاحظتي ، أنظر للأسئلة ، وإلا فاسحب عليها سيفون >.>

1 ) من هو شاعرك المفضل ؟

2 ) هل تؤمن بما يسمى بـ " الشعر النبطي " ؟

3 ) ما هي أجمل معلقة من المعلقات العشر بالنسبة لك ؟

4 ) ماذا تعرف عن بحور الشعر ؟!

5 ) ما هو البحر الذي تجد نفسك تميل إليه ( الوافر - الكامل - الطويل - الرجز .. إلخ ) ؟

6 ) أجمل بيت / أبيات بالنسبة لك ؟

7 ) من تفضل ، جرير أم الفرزدق ؟

8 ) ما هو الديوان الذي تعتقد إنه يجب أن يكون متواجداً في كل منزل ؟

9 ) ما رأيك بأشعار إيليا أبو ماضي ( بغض النظر عن كون بعضها إلحادياً ) !

10 ) هل تكتب أشعاراً ، أم تكتفي بالقراءة ؟

11 ) تتابع كونان عربي ولا ياباني ؟!

12 ) الدبلجة الإنجليزية لكونان صدرت ، تتوقع إنك بتتابعها ولا اتعودت على الياباني ؟

13 ) آخر حلقة شفتها من كونان ؟!

14 ) تتابعه من خلال الحلقات المترجمة عربياً ولا كيف ؟

وعادي خذ راحتك في السحب على الأسئلة ، مش مشكلة :D
كان ودي أمطرك بأسئلة أكثر لكن الموضوع مش مقابلة لذلك رح أكتفي بهذه الآن !

Classic Evil

28-01-2006, 08:55 PM

السماء الشفافة :

السحر الحلال خلاص شليته :09: ..
ملاحظتك صحيحة .. أشوفك صاير كونان هالأيام :D .. أما اسئلتك :

1 ) من هو شاعرك المفضل ؟

في الحقيقة انا أؤمن أنه لا وجود لما يسمى أشعر شاعر أو أفضل بيت قالته العرب وإن كانت العرب قد تنازعت من قبل بهذا , ولكن القول الصحيح في هذه المسألة :
من هو أشعر بني فلان ؟ أو المدينة الفلانية أو الحقبة الزمانية .. ولكن لا مانع أن أعطيك بعضا من أسماء الشعراء المفضلين بالنسبة لي :
1- صاحب السحر الحلال :biggthump طبعا ليس رونالدينو هنا :D أقصد (الحريري) المعروف صاحب المقامات , أوتي سحرا وبيانا (وإن من البيان لسحرا) ..كثيرا ما أقرأ أشعاره أو كلماته .. مثال على سحره , تكلم عن اللي يقوي صلته بفلان و الواسطات و ينسى أكبر واسطة وهو رب العالمين يقول فيه الحريري :

فحفظت يواقيت الصِلات , و نسيت مواقيت الصَلاة !

2-زهير بن أبي سُلمى ولا (سُلمى) في العرب غيره , حيث وافق كثيرا من شعره معنى آيات من القرآن الكريم ..
كأنه تكلم به قبل أن ينزل .

3- المتنبي وروعة تشبيهاته و تصورياته أيضا وقلما يخلو له بيت إلا وفيه حكمة .. وغيرهم كثير بس خشيت عليك الإطالة :D ..

2 ) هل تؤمن بما يسمى بـ " الشعر النبطي " ؟

أكيد , لأنه يقال : اللغة الفصحى هي (لهجة) قريش , فكل له لغته ولهجته وبالتالي النبطي يحتمل جدا أن يسمى شعرا , وزد على ذلك : أن للنبطي بحورا ليست في الفصحى .

3 ) ما هي أجمل معلقة من المعلقات العشر بالنسبة لك ؟

معلقة زهير ابن أبي سلمى , وفي الحقيقة كلها تستحق أن تكتب بماء الذهب على صفائح من فضة .

4 ) ماذا تعرف عن بحور الشعر ؟!

للأسف مسكتني على الجرح , فمحبك قليل الاطلاع على بحور الشعر و علم العروض .

5 ) ما هو البحر الذي تجد نفسك تميل إليه ( الوافر - الكامل - الطويل - الرجز .. إلخ ) ؟

ربما الرجز و الوافر .. مع البقية سواء .

6 ) أجمل بيت / أبيات بالنسبة لك ؟

من فضلك , راجع الإجابة على السؤال الأول :biggthump

7 ) من تفضل ، جرير أم الفرزدق ؟

الحقيقة أنا استمتع بقراءة المناظرات و المناوشات التي دارت بينهما وإن كانت هي لمجرد التسلية , أي لم يكن هناك عداوة حقيقية بينهما , دليل ذلك لما مات الفرزدق رثاه جرير , وإن كنت أجدني لجرير أمْيَلُ .

8 ) ما هو الديوان الذي تعتقد إنه يجب أن يكون متواجداً في كل منزل ؟

ديوان الشافعي - ديوان علي بن أبي طالب رضي الله عنه - ديوان المتنبي .

9 ) ما رأيك بأشعار إيليا أبو ماضي ( بغض النظر عن كون بعضها إلحادياً ) !

إطلاعي عليها قليل وإن شئت فقل معدوم ما يؤهلني للحكم أو إبداء رأي فيها .. المعذرة ..

10 ) هل تكتب أشعاراً ، أم تكتفي بالقراءة ؟

أكتب أشعارا ولكنها غير قابل للنشر :D .. محفوظة في بيتنا في التجوري مع الجوازات :09: ولكني أحب كثيرا تذوق الشعر و لا يخلو هذا التذوق من بعض النقد ..(أونه)

11 ) تتابع كونان عربي ولا ياباني ؟!

أكيد عربي (مدبلج بعد) لكن ياحسرة من وين باقي الأجزاء الثالث و الرابع ؟؟ سبيس تون احتكرته وراح تذلنا عليه فقمت انزله مترجم عربي .. أو انجليزي ..

12 ) الدبلجة الإنجليزية لكونان صدرت ، تتوقع إنك بتتابعها ولا اتعودت على الياباني ؟

إن شالله أتابعها .. أما من ناحية أتابع كونان ياباني فصعب جدا :196: !
لكن مترجم انجليزي وإن كانت الألفاظ يابانية ..

13 ) آخر حلقة شفتها من كونان ؟!

الحلقة 423 و البقية تأتي ..

14 ) تتابعه من خلال الحلقات المترجمة عربياً ولا كيف ؟

هيه نعم .. و ربعي في الحقيقة هم اللي مايقصرون دايما ما ينزلون ويعزموني ونشوف مع بعض , ومرات أنزل أنا بعد ..
من خلال بعض المواقع سواء العربية أو الانجليزية ..

الصراحة استانست من اسئلتك .. وينك من زمااااان :biggthump ..

جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .