فيه احد ما يودع كتابه بعد الإختبار ؟

[Kubaj]

السلام عليكم.. مساء الخير للي هنا.. وصباح الخير للي هناك

اخيراً.. بخلص اختباراتي بكرة.. وعلى طاري اختباراتي.. علي اختبارين بكرة..

واحد بعد صلاة الفجر الظاهر.. دكتور ملحوس.. والثاني الساعة وحدة الظهر..

خلوني اتحفكم ببعض الأبيات اللي حفظتها لإختبار الدراسات الأدبية..

بسم الله.. - طبعاً هو يعتبر اختبار لذاكرتي.. حافظها الصبح خل نشوف كم بقى - ..

ايد المنون قدحت اي زناد واطرت اية شعلة بفؤادي

اوهنت عزمي وهو حلة فيلقي وحطمت عودي وهو .. رمح.. طرادي الظاهر << بدى التلفيق


لا أعلم هل من خطب ألم بساحتي فأناخ ام سهب اصاب سوادي

ابلتني الحسرات حتى لا يكاد يلوح جسدي لأعين العوادُ

يا دهر فيما فجعتني بحليلة كانت خلاصة عدتي وعتادي..

اوكي نقطع هذه الأبيات لخبر عاجل.. اللي هو زبدة الموضوع

الإستاذ - حمودي - والله كبر على اسم الدلع هذا.. توووه داخل ومعه عشاء

هالدب الصغير.. مايسمع الكلام..؟!!

بتقولون وش فيه وش سوا عادي ياخي يتعشى ثمن يكمل مذاكرة.. عفواً.. ما اسمع

يكمل ؟


نعيد السيناريو حق اليوم.. الصبح.. قمت جلست اذاكر.. رحت وديته المدرسة

رجعت اكمل مذاكرة.. واخذت لي غفوتي المعتادة..

رجع الوزير حمودي.. اللي لمعلوماتكم ما يداوم الا اذا خلصوا الهنود من تغسيل سيارة المدير

يعني يكفي بس اليوم.. اسأله الساعة سبعة الصبح..

انا : هاه كيف مستعد للإختبار.. بعد نص ساعة يبدا صح ؟

الوزير حمودي : شلون.. ايه..لا الإختبار يبدى الحين.

انا : بققت عيوني طلعت من مكانها.. وسويت Flash-Back

واتذكر اني ادخل القاعة قبل الإختبار بعشر دقايق هذا اذا صرت متأخر

مرة وحدة تأخرت وكان اختبار - وطنية - :p

يعني.. مدري اخوي ماسك شي على المدير.. ولا خلاص فقدوا الأمل فيه ؟؟

الزبدة.. يوم رجع سعادة الوزير.. جاء سيّر علي بالغرفة ماسك كورة بلاستيك يبي يلعب

لا بارك الله في قناة الجزيرة هم وبطولة الرولان غاروس حقة التنس..

من يوم ما شافها وهو يشجع كل اللاعبين وبس يمزع بهالكور في كل مكان..

فقلت خلني امزعه for a change يعني..

لعبنا ويوم قرب يفوز علي.. مسكت الكورة ودخلت فيها عود اسنان :31:

بعد ماحاول يتسلقني رميته وهو حاقد.. وقاللي تدري الكورة اصلاً بريالين

وعندي منها ثنتين..

طيب شاطر اطلع برا.. طلع برا وهو يسحب رجوله من صدمة الهزيمة..

مرت الدقائق والساعات.. الين جت الساعة 2.30 وانا ما اشوف الا المخدة..

ماجاني النوم الا الساعة خمس العصر.. يوم نمت.. بعد خمس دقائق دق علي واحد..

Suliman the man is calling

يا ولد امسك الجوال.. هلا والله وين ومتى وقت الإختبار..

انا من قوة النوم.. سمعت مذكرات.. والصبح و بيتزا الظاهر بعد

كملت نومي.. قمت واحس البيت مقلوب فوق تحت ولا بداية موسم جديد ل 24

حاولت اتجاهل الوضع.. رحت شربت عصير.. فتحت العلبة.. الا وشوشة قريح يقوم مع

صوت فتح الغطاء.. واطلقها : جب لي كاس.. يحاول يستعطفني على اساس انه عطشان

بما ان هالحركة دايما اسويها وتنفع فيه.. قررت اني مااخرب هالتكنيك.. ورحت جبت له

العصير جاب لي حرقان.. وزاد هالحرقان الخبر المدمر..



الوالدة : عبدالعزيز.. اخوك رمى كتاب التربية الإسلامية يوم السبت.. في المدرسة..

عبدالعزيز : طيب وش اسويله يعني..؟

الوالدة : الكتاب يشمل التوحيد والفقه والحديث.. يوم السبت كان حديث..

وبكرة.. توحيد.. والاسبوع الجاي فقه..

عبدالعزيز.. تحت تأثير العصير المضروب.. و صدمة الحركة البهلوانية اللي سواها

سعادة الوزير..

بعد نصف ساعة زالت الصدمة..

قمت من مكاني.. واستفسرت عن اللي صار.. الوزير حمودي طلع من الإختبار

وشاف العالم يحطون كتبهم في كرتون على اساس انها ماتضيع هباءً منثورا..

قام تكرم عليهم سعادته وحضرته.. وشارك هالتظاهرة الوطنية ورمى الكتاب !

طبعاً.. هو راح يتدحرج من اعلى الطريق الين ما وصل البيت ودخل وشغل الجزيرة الرياضية

وجلس يشجع فيدرير حقه ولا حتى فكر باللي صار.

نرجع لليوم.. رحت له لقيته متسدح في الصالة.. الوزير عنده وعكة صحية مدري نفسية

انا : قم يالله خل نجيب كتابك بتجلس تناظر في السقف الين تاخذ صفر كبر راسك يالله قم

الوزير : طيب بغير ملابسي :(

انا : وش تغير ملابسك تراك بتروح مدرسة وفي الليل.. بعدين لبسك لونه ازرق غامق

محد بينتبه لك.. يالله امش..

طبعاً.. مستحيل الوزير يطلع وهو مش في قمة الثوب البرستيجي حقه

راح الأستاذ ولبس شيرت أحمر -____- ناقصين لفت انظار حنا ؟

وطلعنا ع المدرسة.. طقيت الباب..

واشوف لك هندي شاطف..

انا : هيه محمد.. افتح الباب فيه كتاب داخل.. << يرحم ام الجملة

الرفيق محمد : مافيه كتاب

انا : وش اللي مافيه كتاب.. اخو صغير فيه كتاب داخل << لا صراحة تصلح دبلوماسي محنّك

الرفيق محمد : مافيه كتاب.. روح حارس

طقينا على الحارس.. ومالقيناه..

رجعت للرفيق..

انا : هييي محمد حارس مافي موجود.. يالله بسرعة كتاب داخل << يعني على الأقل..
قل داخل كتاب غير سو شي !

الرفيق : بعدين مودير مشكلة كلام

انا : مافيه مشكلة انا بيت قريب.. اعطيك رقم الجوال بس افتح ياخي << بدا التوسل

استسلم الرفيق وقال : ايوه انا معلوم انتا اول هنا..

الله المستعاااااااااااااان.. !! :blackeye:

يوم قال هالجملة.. تذكرت احدى المواقف الغبية

الموقف الغبي

المكان والزمان : سادس ابتدائي صباح يوم اختبار نهائي

الزي : انا لبس ميلان الإيطالي اصلي فرحان فيه خالي جايبه هدية من ايطاليا

لا وعليه الصليب بعد :31:

ابراهيم : ثوب ابيض وشعر مثل سونيك

الهدف : نلعب في ملعب المدرسة الترابي قبل اختبار الرياضيات

دخلنا لعبنا.. ومن بعيد.. كان فيه عين ترقبنا..

خلص الإختبار.. الرفيق محمد بلغ علينا.. صادنا المدير

ابراهيم طلع منها.. انا قعدت بها.. خصوصاً ان لبسي فيه صليب مسوي ماشفته

وجا عمي.. - المطوع - وهاتك يا استلام هو و المدير..

وش كانت حجتي ؟

كان فيه واحد مشبوه يدور حول المدرسة.. قلنا خل نطب انا وابراهيم عشان مايخطفنا :afraid:

They didn't buy it.. not for a sec

هو كان فيه واحد يدور حول المدرسة.. بس اللي صار.. ان شكله كان يضحك

فرجمناه بعلبة بيبسي.. وتسلقنا السور :D

انتهى الموقف الغبي.


دخلنا دورنا على كتاب الوزير.. لكن بعد بحث مكثف مالقينا شي..

طلعنا.. صورنا كتاب واحد من اخوياه << توه يتذكر الوزير ان عنده اخويا

ويوم وصلنا للبيت.. خطر هالسؤال في بالي..


انا : اقول محمد..ليش ماودعت كتابك ؟

حمودي: وش..

انا : فيه احد مايودع كتابه قبل ما يرميه ؟!

حمودي: وش قاعد تقول انت قالوا لي ارمه فرميته معهم

انا بصوت واطي بعد مافقدت الأمل: اذا ماودعت كتابك قبل ماترميه.. ترى بيلحقك يوم القيامة

طبعاً.. هو مارد.. بس اتمنى هالجملة اللي اخترعتها تفيد فيه عشان مرة ثانية مايسوي هالحركة..


تصبحون على خير جميعاً.. ودعوني.. :D

[asf4ever]

وعليكم السلام..
بسم الله كل هذا من تأثير الإختبار الله يعينك يا باشا
والله يوفقك وتاخذ درجة عدلة ..إنت بس رح ذاكر وبسك تفحيط بالمنتدى
أما هذا أخوك الوزير طلع أتحف عنك
الله يسهل عليك وعلينا...

[Lucky guy]

ههههههههههههههههههههههههههههههههههههههههههههههههههههههههههههههههه ..

يجي خير خلاص شكله مب رامي كتاب بحياته كلها ..

تصدق عمري ما رميت كتاب ؟!!

مستودعنا مليان كتب ولا مب حقتي وبس كل أخواني الكبار والصغار ..

توني ألاحظ هذا الشيء يعني عندك الوالد الله يحفظه يا كثر كتبه بعضها بالبيت وبعضها في المكتب والسيارة وهههههههه المخيم بعد ..

وبالتوفيق بالاختبار -____- نبي نشوفك ..

[.Atlas.]

هههههه
ياحليلة ...تعجبني هالشخصيات الباردة...
ماكسبنا شيء من العصبية والاهتمام الزايد الا حرقان الدم والهم :sad2:
كلهم في النهاية سيم سيم ..




واشوف لك هندي شاطف..

انا : هيه محمد.. افتح الباب فيه كتاب داخل.. << يرحم ام الجملة

الرفيق محمد : مافيه كتاب




شمعنى محمد؟..:p


احلى شيء لما تودع كتاب مادة احترق دمك فيها...اذكر مرة مادة طلعت عيني:blackeye:
فماكان مني الا اني شبيت فيها :p في وسط الحوطة الواسعة الشاسعة ...في الليل...قمة الرومانسية :09:

[Doel]

الله يرحم هذيك الأيام :blackeye:

المشكله عندي انا انه كان يصير توريث للكتب و الدفاتر من جيل لجيل في العايله ....

اذا ما كان أخوي .. بيكون و لد عمي .. و لا و لد خالتي .. و هلم جرا

و سبحان الله ... من سنة 93 ما كان في انقطاع في الأجيال المتتابعه عندنا في الثانويه العامه :blackeye:

يعني كل سنه روح و اشتر هديه على قد النسبه ...

و المصيبه النسب عندنا نادرا ما تيي تحت ال 90 :31:

يعني ما ينفع تتهرب .. دايما السنه الجايه موجوده :blackeye:

على العموم الله يعينك على امتحاناتك .. و الله يعين سعادة الوزير محمد عليك :p

Doel desu

[Rory]

ههههههههههههههههههههههه ..
اخوك والله تووحفه :biggthump

وأنا ما أذكر إني كنت أخلي عندي كتاب عقب الإمتحان .. @__@
أصلا ما كنت افكر آخذه معاي المدرسة .. ويوم أرجع البيت أتخلص من الكتب على طول .. بأي طريقة!


هو كان فيه واحد يدور حول المدرسة.. بس اللي صار.. ان شكله كان يضحك

فرجمناه بعلبة بيبسي.. وتسلقنا السور :D

هههههههههههههه .. !! لا تعليق ..


little-angel
ذكرتيني .. ههههه كنت أسوي نفس الحركة بس مب مع الكتب ..
مع أوراق مذاكرة و جداول الإمتحانات .. :p

[Electro M]

المشكلة لما تكون المادة مطلعة عينك و تخاف انك تشيلها فما تقدر تودع الكتاب على اصول

تحياتي لحمودي و دوام الوزير
عارف لهم :09:
اهم شي لا يمسك حدى الوزارات اذا كبر

[Lena]

اووووه يامسكيننننننن ههههههههههههههههههههههه
ياشين وهقات الاخوان الي كذا X| ههههههههههههه بس يلا اخوهم وباباهم هههههههه مشالله عليك


بنت اختي صار عندها حفله ولازم اسرح شعهرا مافيه احد غيري ومتى؟؟
الصبح وانا اراجع للامتحان مابقى شي عليه والامتحان صعب:196: ياشششششششين كذا


هههههههههه اما الوزير ياحليله استكانه الولد مب هين .. ينفع للمنصب صراحة :blackeye:



بخصوص توديع الكتب it depends

كنا اول نحفظها لمدة سنه ثم نقطها بعد مدة..
الحين في الكليه لازم احتفظ ويعه كل سنة تعتمد عالثانيه@.@..


لكن اذكر مرة وحدة انتقمنا من التاريخ ايام المتوسط صعب هههههه
رحنا حطيناه انا وصديقاتي في حفرة قدر المندي وشبينا فيه وقعدنا نصور المشهد التخريبي بكاميرا الفيديو وصراخ تقول مهبل امريكا الله يخلف علينا :31: ..صدق مراهقة...

[S-Python]

هههه الله من الرجة ..
الاختبارات تطلع عجايب ..
ومنها حالتك هذي ..

واختبار في الفجر ..
احس انه حركة : P ..

اما الكتب ..
ذكرتني بأخوي الصغير
ماخذن كتبي القديمة الثانوي والمتوسط (مدري وين لقاها فيه )
وجامعها مع كتبه ..وماخذن الكاميرا ومصور هالجمع ..
وحاط نشيد حزين في الخلفية .. وآهات ..
ولحظة وداع قبل مايرميها : S
...

[ODIN]

ههههههههههههههههههههههههههههههههههههه يااااخي اخوك هذا رهيييب


جبه هنا بالمنتدى خل يشارك معنا

[Snake Eyes]

هههههه فكرتني بأيم المدرسة
كان ما عندي دفاتر كنت دايما اصور دفاتر الاولاد و ما اذاكرها كمان و اخوي يشوفني ما سك الكتاب وفاتح التلفزيون على ام بي سي 2 وقاعد اتفرج ويقوللي انت ما عندك احساس عندك اختبار و ما ذاكرته وقاعد تلعب؟؟؟
المهم ارد عليه اقله لا انا بأتعشى بس وأكون قاعد 3 ساعت
ويوم الاختبار يكون اخر حلاوة مني مواصل ولا شي واخش الامتحان وانا مصفي الدماغ ولا معلومة اعتمادي كله على العقل الباطن وقت الحصة ههههه ايام
المهم نرجع لمحور الموضوع وهو توديع الكتب بالنسبة لي كان حرقها اول بأول غير مرة قللي الشرطي لا تحرق الكتاب في الشارع وانا اعطيته جنط 18 وبعدها حطيت رجلي وسحبت

[D0WN~T0WN]

هههههههه ياخي بالله الحين الكتب اللي تنحط في الكرتون وش يسوون بها الوزارة؟
يعني بيوزعونها من جديد على طلاب السنة الجاية والا كيف
مع العلم ان كل سنة يوزعون كتب جديدة

موفق في اختبارك وعساه ترم التخرج؟ لان ماشالله احسك قاعد على كبودهم :D

[Yamato]

على قولة عصفور.. وش التفحيط اللي مسويه هنا يا فتى.. -__-

ياخي عليك سوالف... -__-

اما على سالفة حرق الكتب.. انا ولا مرة سويتها بس مرة جمعت اوراق مساق وحرقتهم في مطبخ السكن.. وعاد شو الدخان اللي ملىء السكن.. -__-

وتوريث كتب الثانوية شي عادي.. يعني لما وصلت عالامتحانات.. عطوني كتب اخواني اللي قبلي.. بس انا بو لباس.. يالله الحق اذاكر اللي عندي... ولا كتبي انا تم توريثها لابن احد العوائل المجاورة -___-


بس ذكريات والله... انا للحين جدول امتحانات الثانوية العامة مخلنها عندي.. ملزقها عالكبت.. وملونها بعلم فرنسا.. لانه وقتها كان كاس العالم في فرنسا.. والتشجيع فرنساوي.. :biggthump

[Da S.O.S]

ههههههههههههههههههههههههههههههههههههه يااااخي اخوك هذا رهيييب


جبه هنا بالمنتدى خل يشارك معنا
اؤيد هالفكرة بصراحه.. تحس المنتدى منجد بيدج:blackeye: ,.
وبالنسبة للكتب..
بصراحه ما اودع ابد-__-..
يعني التودعيه انه ينجحد بالمدرسة وخلاص :196: ..
لووووووووووووووووووووووول بس ضحكني برود اخوك..
ورولان غاروس عاد حلوة لا تتكلم لو سمحت عليها:09: ..
والله يوفقك يارب..
وثانكس على الموضوع

[القــعـقـاع]

ترى بيلحقك يوم القيامة

اسلوب عوافي الله و حمارة القايلة :33: اسلوب فعال جداً

اما حمودي فيكفي انه يقارعنا في اWE

على فكرة مذكرات الجامعة في شنطة السيارة الى الحين :p

[بو ضاري]

احلى شي بالكتب ليما تشققهم صفحه صفحه

يااخي تحس براحه نفسيه !! تحس انه انت بعطله صح !!

طبعاً بعد الامتحان ومو قبله

[Trapped Inside]

حمودي هو ابو شوشه ؟

[gr8_man]

اتذكر صار لي موقف مثل هذا لما كنت بالابتدائي كنا تونا طالعين من المدرسة ومن زود الذكاء عندي خليت الشنطة

بالمدرسة وطلعت وانا ما معي شي وشافني ابوي قالي وين شنطتك قلت خله بالمدرسة بكرا نبي نرجع وتكون هناك

احسن من اشيله معي كل يوم واشوا ان الوالد تفهم موقفي وقالي رح جب شنطتك ازين لك .

وبالتوفيق بامتحانك

[Kubaj]

حمودي هو ابو شوشه ؟

مدري من اي تلميحة استنتجت هالحقيقة.. لكن لأ.

I've brought the 3eed in my exams today.. nice meeting you all

i'm gonna delete my poor brain

[asf4ever]

I've brought the 3eed in my exams today.. nice meeting you all

i'm gonna delete my poor brain


يا ريال خيرها بغيرها
وسلامة عقلك يا شيخ
So take it easy ولا تنتحر..

[القــعـقـاع]

يا اخي انسحب من الجامعة و ادخل سوق الاسهم احسن لك :jap017:

[Trapped Inside]

مدري من اي تلميحة استنتجت هالحقيقة.. لكن لأ.




ما استنتجت ولاشي .. بس سألت ..

بعدين ليه الدنيا كلها طايحين على ذا النوع من الخط ؟ " الـFont " ..

يسد النفس ولاهوب واضح -_- ..

[Mista Koo]

ههههههههههههههههههههه <<<< بدري
والله انت وأخوك واحد أروع من الثاني ^_^ منجد خله يخش المنتدى
أما الامتحانات الله يعين ×_×
اليوم كان عندنا أحياء أمس من خمس إلى خمسة قاعد أذاكر >_< يتخللها 3 ساعات نوم
بس الحمدلله الاختبار جا سهل... حل 8 من 10 و حل 10 من 12 ^_^

[theway]

موضوع فله lol

بالنسبة لطريقة توديعي للكتب :

ايام الابتدائي : كنت دافور و ارجعهم كلهم يوم استلام الشهادة :31:

ايام المتوسط : كنت ازعمها رجال فاحرق كل كتاب بيومه عشان ما يتجمع علي كتب بالاجازة <<< خوش تقكير :blackeye:

حاليا بالثانوي : تشوفني اطالع على غلاف الكتاب الفهرس و المراجع و انا بالطريق ، اخوي يقولي و هو منقهر و خايف من الاختبار : يا ____ ترى المراجع مو داخلين و ما في احد يراجع العناوين من الفهرس !! ارد و بكل برودة : قاعد اودعه هذي اخر دقائقي معاه (اخوي ينقر اكثر) .. و لمن اوصل المدرسة ارميه تحت السيارة و ادعي ان يدعسون عليه ، و انا طالع اشوف شصار معاه .. و على فكرة هذي السنة دشرت ، و لا كتاب كاتب اسمي عليه حتى ابو فصلين مثل كتب الدين (ما اتنازل انسبهم لي :p )

[.Atlas.]

little-angel
ذكرتيني .. ههههه كنت أسوي نفس الحركة بس مب مع الكتب ..
مع أوراق مذاكرة و جداول الإمتحانات .. :p





ههههه
ماكنت اعترف بالجداول :09: كل يوم بيومه :P
حلاة الكتاب..تمسكينه صفحة صفحة ...
تدرين احيانا تجيني حاله احرق اطراف صفحات الكتاب وانا اذاكره ..الناس تذاكر وعندها اقلام..انا عندي كبريت :09:


منظر النار يريح احيانا...مجرد شيء يتحول لرماد ....