لماذا..لماذا..لماذا؟؟

[INTERawee]

السلام عليكم..

يتردد على السنة الكويتيين وعشاق الكرةالكويتية..
لماذا؟؟
فتجده يقول..لماذا هذا المستوى..؟
لماذا هذا الحال التي تعيشها الكرة الكويتية؟؟
لماذا لم نتاهل لكاس العااااالم؟؟
لماذا لا يفعل الاتحاد الكويتي شيئا؟؟

انا اقولكم ليش اخواني ..العيب مو من اللاعبين المساكين..
اللي اكبر واحد عمره 25 سنة!!!

واذا بتقولي المدرب...اقولك لا..
المدرب هذا اما محمد ابراهيم ولا بوب ولا غيره..
هل مسك المنتخب لفترة اطول من بطولة؟؟؟
المدرب ما اتيحت له الفرصة يختر التشكيلة ولا يطبق الخطة...

انا اقولك انه من اللي تسمونه الاتحاد الكويتي لكرة القدم..
اللي للاسف خلا مستوى الكرة الكويتية ..ما دري شقول..
يعني مستحيييل يكون انزل من الحين..

تدرون ان رئيس الاتحاد (..) هو الذي يضع الخطة
ويختار اللاعبين ويسوي التغييرات..وكل الامور الفنية بيده..
هذا الكلام بالكويت و قارنه بالخارج..وبتلقلا الفرق..اكييد واضح

والجماهييييييييير المسكينة المتعطشة للفوز..
اللي طعم الفوز لم يتذوقوه من زمان..
ومع ذلك يؤازرون المنتخب في كل مبارياته..
حتى امام كوريا ..الا ان صعقونا بالثاااالث و الرابع..

يعني انا قبل المباراة كنت اقول للشباب ها تروحون الملعب..
يقولون يا معود خسرانين ...خسرانين..
اقول ما عليه تفاءلوا..
واروح المباراة واجد نفسي مع الجماهير الكورية اشجع ..
كورياا...واشوف المدرجات كلها تشجع كوريااا..
وهالكلام ويين؟؟؟
في الكوييييييييت

والله ما ينلامون الجماهير...والله انها تستاهل..
ونروح نشجع ونخسر ونرد نشجع ونخسر..
وهم نرد نشجع...ونرد نخسر..
مو باي نتيجة واي مستوى..
النتيجة لا تقل عن 3
والمستوى ساوى مستوى الارض..
يعني هجمة وحدة جدام السعودية..
وهجمة جدام كورياا..

ما عليه شباب انا ادري اني طولت..
لكن ما تدرون النار الي في قلبي..مو بس انا في قلب كل كويتي
له غيرة و يحب الكويت..
والله من اللي فقلبي ودي اطلعه...لكن ما راح نخلص..
لي طلب للاتحاد الكويتييي..
استقااااااااالة جماعية..

ومشكوورين

[!!!!!]

السلام عليكم :(

والله اخي انا معاك مسكين الجمهور الكويتي مرتفع ضغطه :12: واعتقد اللي شاف المباراة يمكن يحس بمعاناة الجمهور.

المنتخب نزل مستواه للاسوء والاسوء والسبب؟؟؟؟!!!!!:sad2:

المشكلة حلها مب بإقالة المدربين..لازم تنحل المشكلة باسرع ما يمكن لان الخساير تفقد اللاعب الثقة بنفسه وتنعدم الروح..المسؤولين لازم يتحركو :06:

وشكرا اخي وهاااااااااااارد لك
والسلااام ...

[alobaid00]

INTERawee هل كنت تتوقع التاهل للدور الثاني من التصفيات يعني على حساب الصين اذا قلت نعم اقولك انت عايش بوهم منتخبنا يلعب على البركه وتاهل المنتخب على حساب الصين صدفه
السعوديه - الكويت هل كنت تتوقع الفوز
كوريا - الكويت هل كنت تتوقع الفوز
قارن بين منتخبنا والمنتخبات الثانيه وشوف الفرق
قارن بين وضعنا الرياضي اذا كان عندنا رياضه وبين اخواننا بالخليج وشوف الفرق
لاتقول الاتحاد
قول الحكومه والمجلس وين دعمكم للرياضه

[INTERawee]

السلام عليكم :(

والله اخي انا معاك مسكين الجمهور الكويتي مرتفع ضغطه :12: واعتقد اللي شاف المباراة يمكن يحس بمعاناة الجمهور.

المنتخب نزل مستواه للاسوء والاسوء والسبب؟؟؟؟!!!!!:sad2:

المشكلة حلها مب بإقالة المدربين..لازم تنحل المشكلة باسرع ما يمكن لان الخساير تفقد اللاعب الثقة بنفسه وتنعدم الروح..المسؤولين لازم يتحركو :06:

وشكرا اخي وهاااااااااااارد لك
والسلااام ...

صدقني اخوي انت مو حاس باللي نحس فيه احنا جمهور الكويت...
فريقك قبل الكل كان يرجف لين قالوا الكويت...الحين يستانسون اذا بيواجهون الكويت..
واذا على ضغط الجمهور اقولك انا عقب الثالث ...كلنا قلبنا كوريين ..والله استحينا ان نكون
كويتيين..والحل السريع هذا الي تتكلم عنه..هذا قبل سنتين قالوا نبي حل
سريع...وليلحين الحل السريع.....بالطريج..والله يا خوي بقلبي كلام وحجي وحسرة..
والله اني في الملعب اشوف ناس والله تدمع من اللي قاعده تشوفه...
احنا ندري ان كرة القدم فوز وخسارة....و ظيف لها انه من 23 سنة ما تاهلنا لكاس العالم
بتيي الحين بفريق لا مستوى ولا اداء ولا حتى رووووووح ولا قتال على الكرة...
وهذا الشي اللي حارني....نخسر على عيني وراسي والجماهير رايحه الملعب تدري ان فريقها
خسران...........لكن نبي نشوفك تؤدي و تقدم مستوى ...هذا كل اللي نطلبه

[DMC]

صراحة اخوي مالوم الجماهير الكويتية الي قاعد يسير في منتخبها :31:
يعني منتخب المعروف بالفن ولعب الجميل وهذا الكلام اقوله مو الحين
طبعا قصدي ايام فيصل الدخيل وسعد الحوطي و جاسم يعقوب
وغيرهم مين الاعبين الي كانوا نجوم والي جعلوا دول الخليج كله تحب الكرة القدم
والي قاعد يسير للمنتخب الكويتي شي ثاني واليوم كنت اشجع الكويتي مين التفزيوني
وصدقوني كنت اشجعه لاني اعرف ان المنتخب الكويت الي سمعت عنا الكثير
راح بيسون شي في مبارة كوريا بس لاسف ماشفت نجوم الكويت:blackeye:
بالفعل شي محزن للكرة الكويتية :sad2:
بس بعد في امل في الملحق للمنتخب الكويتي والمنتخب البحريني
اظن واحد مين المنتخبين يتأهلون في كأس العالم باذن الله تعالى
النهاية:reporter:

[INTERawee]

INTERawee هل كنت تتوقع التاهل للدور الثاني من التصفيات يعني على حساب الصين اذا قلت نعم اقولك انت عايش بوهم منتخبنا يلعب على البركه وتاهل المنتخب على حساب الصين صدفه
السعوديه - الكويت هل كنت تتوقع الفوز
كوريا - الكويت هل كنت تتوقع الفوز
قارن بين منتخبنا والمنتخبات الثانيه وشوف الفرق
قارن بين وضعنا الرياضي اذا كان عندنا رياضه وبين اخواننا بالخليج وشوف الفرق
لاتقول الاتحاد
قول الحكومه والمجلس وين دعمكم للرياضه

كلامك كله عدل بعدل...انت عبالك انا ما ادري انه ماراح نتاهل...
لكن مو بالطريقة المذلة ..نخرج ب4-0 من كورياا اللي كانت ترجف اذا سمعت كويت..
واذا على سالفة الاتحاد ..اخوي ترا الموضوع كبيييييير مو صغير وله اكثر
مشارك..........."في الجريمة" اللي ارتكبت ضد الشعب.
اي والله اسميها جريييمة...

[INTERawee]

صراحة اخوي مالوم الجماهير الكويتية الي قاعد يسير في منتخبها :31:
يعني منتخب المعروف بالفن ولعب الجميل وهذا الكلام اقوله مو الحين
طبعا قصدي ايام فيصل الدخيل وسعد الحوطي و جاسم يعقوب
وغيرهم مين الاعبين الي كانوا نجوم والي جعلوا دول الخليج كله تحب الكرة القدم
والي قاعد يسير للمنتخب الكويتي شي ثاني واليوم كنت اشجع الكويتي مين التفزيوني
وصدقوني كنت اشجعه لاني اعرف ان المنتخب الكويت الي سمعت عنا الكثير
راح بيسون شي في مبارة كوريا بس لاسف ماشفت نجوم الكويت:blackeye:
بالفعل شي محزن للكرة الكويتية :sad2:
بس بعد في امل في الملحق للمنتخب الكويتي والمنتخب البحريني
اظن واحد مين المنتخبين يتأهلون في كأس العالم باذن الله تعالى
النهاية:reporter:

مشكوور اخوي...لكن انت تعتقد انه نقدر نفوز عل اوزبكستان ..
ههههه راح يطقونا 7 اذا مو 8
وان شاء الله باذن الله نطلع دام النفس طيبة على اللاعبين...بلا خسائر
وان شاء الله ما نتاهل للملحق او كاس العالم 06 حتى نرا افعال..
لان احنا ملينا من الكلام ا يوالله ملينا..

[MEGADETH]

الدوري الكويتي هو المشكله

قارن الدوري السعودي و الإماراتي و القطري بالدوري الكويتي!!!؟

اذا كان مستوى الدوري ضعيف ...مستوى المنتخب هيكون اضعف

[INTERawee]

الدوري الكويتي هو المشكله

قارن الدوري السعودي و الإماراتي و القطري بالدوري الكويتي!!!؟

اذا كان مستوى الدوري ضعيف ...مستوى المنتخب هيكون اضعف

كلامك عدل اخوي...لكن الموضوع كبييير والله اكبر مما تتخيل
ضعف الدوري دليل على "فشل" الاتحاد ....يبا الي يدري يدري
واللي ما يدري ....احسن له والله مرتاح..

[Rivaldooo 11]

خوي انتراوي ترى كل فريق يمر بفترة صعبة ولو انها طالت على الموج الازرق

ولكن بتقولي العيب في الحكومة والدعم

اصل الغلط من ايام الهويدي وبشام منتخب الكويت طلعله جيل واكتفى بيه ولم يهتموا بالماشئين بدليل ان المنافسة في بطولات مستوى الشباب كانت منحصرة بين السعودية وعمان وانت شايف النتيجة شوف مستوى عمان كيف

انا من جانبي اشوف ان لاعبي المنتخب الكويتي ضعيفيييين فنيا قياسا بتاريخ الكويت وان شاء الله ما تزعل من كلامي

[INTERawee]

خوي انتراوي ترى كل فريق يمر بفترة صعبة ولو انها طالت على الموج الازرق

ولكن بتقولي العيب في الحكومة والدعم

اصل الغلط من ايام الهويدي وبشام منتخب الكويت طلعله جيل واكتفى بيه ولم يهتموا بالماشئين بدليل ان المنافسة في بطولات مستوى الشباب كانت منحصرة بين السعودية وعمان وانت شايف النتيجة شوف مستوى عمان كيف

انا من جانبي اشوف ان لاعبي المنتخب الكويتي ضعيفيييين فنيا قياسا بتاريخ الكويت وان شاء الله ما تزعل من كلامي

اي والله الفترة هذي ...عسى تعدي بخير بس
واذا على اللاعبين لا اخوي خذ راحتك فيهم...ذول ما يستاهلون يلبسون الفنيلة الزرقا
الفنيلة اللي كل من يحجي عنها بالخير ...مو يجيك لاعب مستهتر يلعب بدون روح قتالية
ولا غيرة على الفنيلة ..هالفنيلة ماتدري شكثر تعني للشعب الكويتي..

[barca-ps3]

على الإتحاد ان يستقيل كله
وخصوصاً " ابو غوله" :vereymad:

فعلاً الازرق فشلنا .. ولا تلومون الجمهور على الشغب اللي سواه بالنادي .. !

فما ينلام إذا شجع كوريا ويترك منتخب بلاده كأنه عدوه .. !

العيب مو من اليهال اللي ملبسهم " ابو غوله " فنيلا زرقه ..

العيب بـ"أبو غوله " وشلته اللي مسمين نفسهم اتحاد .. هذول عصابة ومو كافو ينقالهم اتحاد .. :vereymad:

اسمحولي على هالكلام لأني فعلاً مو متحمل الموقف .. :(

يعني معقوله يصير هذا مصير الازرق .. ! :sad2:

من قالو ازيرق وأنا غاسل ايدي منهم .. ! :02:

اسمحولي على الاطالة ..

[DE NILSON]

وزادت الطين بلة
وكوريت تشرشح الكويت في الكويت 4-0

[INTERawee]

على الإتحاد ان يستقيل كله
وخصوصاً " ابو غوله" :vereymad:

فعلاً الازرق فشلنا .. ولا تلومون الجمهور على الشغب اللي سواه بالنادي .. !

فما ينلام إذا شجع كوريا ويترك منتخب بلاده كأنه عدوه .. !

العيب مو من اليهال اللي ملبسهم" ابو غوله " فنيلا زرقه ..

العيب بـ"أبو غوله " وشلته اللي مسمين نفسهم اتحاد .. هذول عصابة ومو كافو ينقالهم اتحاد .. :vereymad:

اسمحولي على هالكلام لأني فعلاً مو متحمل الموقف .. :(

يعني معقوله يصير هذا مصير الازرق .. ! :sad2:

من قالو ازيرق وأنا غاسل ايدي منهم .. ! :02:

اسمحولي على الاطالة ..

اخوي كلامك هذا...كله عدل
وهذا المفروض ..وان شاء الله تكون بداية لنهاية الازيرق..
ومشكوور اخوي

[INTERawee]

وزادت الطين بلة
وكوريت تشرشح الكويت في الكويت 4-0

ياخوي ...انت ياي تعزينا لوفاة الازرق..
ولا ياي تتشمت فينا الله يهداك..
والله لو على ايام فيصل و جاسم ....جان احنا اللي نشرشح مو....نتشرشح

[الوصلاوي]

السلام عليكم ..

أخوي أنا حاس في الجمهور الكويتي .. لكن .. ما سألت نفسك عن سبب الفشل الكويتي ( أو هذا ما تسمونه ) .. أنا أقولك :: أنا بقولها و لحد يزعل مني .. لكنك طلبت الجواب و بعطيكم ياه بكل حياديه ..

الغروووور
نعم الغروور .. سواء من لاعبي المنتخب الكويتي أو جمهوره أو الاعلام أو الاتحاد .. أنا ما عمم على الكل ... لكنه هو الطاغي ..
لحد يزعل مني .. لكن دقق النظر بالكرة الكويتية و راح تلاحظ هذا الشي و بقوة ..

الاعلام الكويتي قبل كل مباراة يصم الفريق الخصم بالسهل أو بأن الأزرق قادر على تحصيم خصمه بالضربة القاضية حتى لو كان فريق كبير .. و هذا ما يتعكس على الجمهور الي يتصدم في حالة الخسارة فينقلب على المنتخب الكويتي و هذا ما شفناة بشكل واضح في مباراة كوريا ..

اللاعبين :
يدخلون المباراة و قد تم شخنهم بالكلام على أن الكويت هي الأقوى و الكويت هي الأفضل (( و إذا ما فزتوا بتكون فضيحة )) فتجده يدخل المباراة بأقوى ما لدية من البداية ((و هذا الاسلوب نجح كم مرة )) لكنه كثيراً ما ينقلب على المنتخب الكويتي .. فتجد الللاعبين عندما يستقبل مرماهم هدف .. تقوم القيامة عندهم .. و ما يتم ضرب ولا اسلوب خشن إلا و يستخدمونه ..

و أكيد الكل لاحظ هذا الشي ..

زين و الحل ؟؟

الحل أخوي بسيط .. في البداية .. انسوا التاريخ .. تذكروا إنكم عيال اليوم .. أو بمعني آخر .. الفرق لا تقاس على تاريخها ..

و ثانياً .. على الشارع الرياضي تقبل الخساره .. مب المطالبقة بقطع رؤوس كل أعضاء الاتحاد و المدرب و اللاعبين بسبب هزيمة .. (( إذا انتوا خسرتوا من كوريا و السعدية )) ترا احنا في الإمارات مرينا بفترة خسرنا منها من الهند و اليمن و تايلند ..

الاعلام الكويتي :

أو الإعلام الخليجي بشكل عام ( يعد أكبر النقاط السلبية ) لدى الدول الخليجية .. فتجده يكبر من الفوز .. و يهول من الخسارة ... هذي في النهاية كرة قدم .. مب عيب تخسر و لا لازم تفوز دووم .. صحيح إن هذا مطلب نسى له .. لكن تقبلوا الواقع و حاولوا تصحيح الأخطاء بجو بعيد عن المشاحنات و المؤامرات ..

شوف منتخب الإمارات من كأس الخليج الأخيرة في قطر لليوم .. شوف كيف تطور أدائه :: بس لأن الإعلام خف عليه:: و ما قام يطالب بقطع الرؤوس ولا بالفوز دائماً .. و الحمد لله .. انعكس هذا الشي على اللعيبة ..

و في النهاية أقولك ... الكويت عندها أمل .. فلا تضيعوه بهذا المناوشات و المطالبة برؤوس أعذاء الاتحاد .. قفوا يداً بيد لتحقيق الحلم ..


و بالتوفيق للجميع

[INTERawee]

السلام عليكم ..

أخوي أنا حاس في الجمهور الكويتي .. لكن .. ما سألت نفسك عن سبب الفشل الكويتي ( أو هذا ما تسمونه ) .. أنا أقولك :: أنا بقولها و لحد يزعل مني .. لكنك طلبت الجواب و بعطيكم ياه بكل حياديه ..

الغروووور
نعم الغروور .. سواء من لاعبي المنتخب الكويتي أو جمهوره أو الاعلام أو الاتحاد .. أنا ما عمم على الكل ... لكنه هو الطاغي ..
لحد يزعل مني .. لكن دقق النظر بالكرة الكويتية و راح تلاحظ هذا الشي و بقوة ..

الاعلام الكويتي قبل كل مباراة يصم الفريق الخصم بالسهل أو بأن الأزرق قادر على تحصيم خصمه بالضربة القاضية حتى لو كان فريق كبير .. و هذا ما يتعكس على الجمهور الي يتصدم في حالة الخسارة فينقلب على المنتخب الكويتي و هذا ما شفناة بشكل واضح في مباراة كوريا ..

اللاعبين :
يدخلون المباراة و قد تم شخنهم بالكلام على أن الكويت هي الأقوى و الكويت هي الأفضل (( و إذا ما فزتوا بتكون فضيحة )) فتجده يدخل المباراة بأقوى ما لدية من البداية ((و هذا الاسلوب نجح كم مرة )) لكنه كثيراً ما ينقلب على المنتخب الكويتي .. فتجد الللاعبين عندما يستقبل مرماهم هدف .. تقوم القيامة عندهم .. و ما يتم ضرب ولا اسلوب خشن إلا و يستخدمونه ..

و أكيد الكل لاحظ هذا الشي ..

زين و الحل ؟؟

الحل أخوي بسيط .. في البداية .. انسوا التاريخ .. تذكروا إنكم عيال اليوم .. أو بمعني آخر .. الفرق لا تقاس على تاريخها ..

و ثانياً .. على الشارع الرياضي تقبل الخساره .. مب المطالبقة بقطع رؤوس كل أعضاء الاتحاد و المدرب و اللاعبين بسبب هزيمة .. (( إذا انتوا خسرتوا من كوريا و السعدية )) ترا احنا في الإمارات مرينا بفترة خسرنا منها من الهند و اليمن و تايلند ..

الاعلام الكويتي :

أو الإعلام الخليجي بشكل عام ( يعد أكبر النقاط السلبية ) لدى الدول الخليجية .. فتجده يكبر من الفوز .. و يهول من الخسارة ... هذي في النهاية كرة قدم .. مب عيب تخسر و لا لازم تفوز دووم .. صحيح إن هذا مطلب نسى له .. لكن تقبلوا الواقع و حاولوا تصحيح الأخطاء بجو بعيد عن المشاحنات و المؤامرات ..

شوف منتخب الإمارات من كأس الخليج الأخيرة في قطر لليوم .. شوف كيف تطور أدائه :: بس لأن الإعلام خف عليه:: و ما قام يطالب بقطع الرؤوس ولا بالفوز دائماً .. و الحمد لله .. انعكس هذا الشي على اللعيبة ..

و في النهاية أقولك ... الكويت عندها أمل .. فلا تضيعوه بهذا المناوشات و المطالبة برؤوس أعذاء الاتحاد .. قفوا يداً بيد لتحقيق الحلم ..


و بالتوفيق للجميع

الغروووور اخوي هذا يندرج تحت ما يسمى ...."اطفال" او انعدااااام الخبرة..
واذا عالاعلام ...اخوي هذا احد وسائل التحفيز.....ولا تبيهم يقولون..."ويييه بنباري الهند ...اكيييد خسرنا"...لا طبعا.
واذا عاللاعبين اذا كان هذا ما تسميهم...هم مجرد مجموعة من الاطفال عبثوا بالكرة الكويتية..
واذا بتتكلم على التاريييييخ...ياخوي التاريخ شي حلو و جميل و مشرف ..
وحتى لو نبي ننساه ما نقدر...اسمح لي اخوي...
لكن انت ما تدري شكثر الجماهير متعطشة للفوز ببطولة ...5 سنوات من الصبر..
وما يخالف تعوضونها...و ما عليه هالمنتخب قوي...والله ما عاد فينا صبر..
والموضوع كبير...لدرجة ان المواطنين يناشدون رئيس مجلس الوزراء (حفظه الله)
ونتمنى ان ياتي الحل منه ...ان شاء الله ...
ومشككور على مرورك الطيب ..

[سعد86]

أخويINTERawee وين منتخب سيدني كان أفضل بكثير من هذاا المنتخب
وبالتوفيق للمنتخب الكويتي الشقيق

[sniper-vip]

شوف اخوي

ترى مابقي من الازرق الا اسمه

وترى الاعلام نافخينهم نفخ قالو تعلمو ابجديات اللغه الالمانيه (يعني انهم وصلو هناك)


وترى كل ماجاو يلعبو مع فريق يطلو في تاريخ لقاءات الفريقين يفصفصوها كلها وهذي امور ثانويه لكن بس بيحطمو الفريق الثاني

انا ماانكر تاريخهم الذهبي لكن الحاضر شي والماضي شي اخر



والمدرب كالعاده سار شماعه


الي ابي اوصله ترا الاعلام شي يبكي يايرفعك ويخليك مغرور اويحطمك ويخليك مقهور


ولاننسى اش سوا الاعلام للاخضر قبل ال8 حقت المانيا

مقاله للحين اتذكرها (تكر يتوعد بيرهوف) :p

[الوصلاوي]

الي ابي اوصله ترا الاعلام شي يبكي يايرفعك ويخليك مغرور اويحطمك ويخليك مقهور


ولاننسى اش سوا الاعلام للاخضر قبل ال8 حقت المانيا

مقاله للحين اتذكرها (تكر يتوعد بيرهوف)



هذا ما قصدته أخوي INTERawee.. مب تقول (( ويييه بنباري الهند ...اكيييد خسرنا)) .. لا .. الثقة في النفس شي جميل .. لكن الإعلام الخليجي بشكل عام له دور سلبي و بشكل كبير على أداء المنتخبات و مشاعر الجماهير ..

فكم مرة رفع إعلامنا الخليجي من منتخبات عادية بس لأنها فازت بمباراة واحدة .. و حطت منتخبات جيدة لخسارة واحدة

اتمنى الكل يقرأ ردي بعيداً عن الحساسية .. لكنك أخوي INTERawee طلبت النقاش .. و هذا هو الجواب لسؤالك من وجهة نظري المتواضعة ..

ولكم فائق الإخترام

[INTERawee]

هذا ما قصدته أخوي INTERawee.. مب تقول (( ويييه بنباري الهند ...اكيييد خسرنا)) .. لا .. الثقة في النفس شي جميل .. لكن الإعلام الخليجي بشكل عام له دور سلبي و بشكل كبير على أداء المنتخبات و مشاعر الجماهير ..

فكم مرة رفع إعلامنا الخليجي من منتخبات عادية بس لأنها فازت بمباراة واحدة .. و حطت منتخبات جيدة لخسارة واحدة

اتمنى الكل يقرأ ردي بعيداً عن الحساسية .. لكنك أخوي INTERawee طلبت النقاش .. و هذا هو الجواب لسؤالك من وجهة نظري المتواضعة ..

ولكم فائق الإخترام

اشكرك اخوي الوصلاوي ...اقدر رايك و احترمه..
والحمد لله هدت الاوضاع الحين...والله يفرجها ان شاء الله