المساعد الشخصي الرقمي

مشاهدة النسخة كاملة : ملتيميديا الأنمي ممكن تعلموني ؟؟؟؟؟


علوش..
10-06-2005, 04:21 AM
انا كنت مشارك بموضوع التميز الاثنين الموجودين وانا ابي اصير مميز بقسم الكرتون انا ابي اتعلم كل شيء عن الكرتون ياليت تعلموني او اذا في مواضيع او مواقع او منتديات اتعلم منها عطوني انا ابي اتعلم عن الكرتون لاني ماعرف غير قناص وبي بليد ومرات اشوف يوغي على ام بي سي 3 بس المشكله كنت ماتابعته من اول شي مابدا بديت من الحلقه العشارة وماني فاهم ىايد على الباباي لكن بحاول اشتري اجزائه الاولى عشان افهمه انا بس ابي اتعلم عن الكرتون كل شيء الحين عطوني كل شيء تعرفونه يعني كل معلومه فيدوني فيها لاتبخلون علي انا يديد يقسم الكرتون ابي اصير مميز ومشكورين مقدما على المعلومات هذا شكر مقدم مني للمتطوعين ومشكورين مره ثانيه
علوش..
10-06-2005, 08:46 AM
ممكن تعلموني ياناس وينكم انا قاعد انطر :)
علوش..
10-06-2005, 03:04 PM
ياشباب الكرتون وينكم 27 واحد دش محد رد
هل الطلب العلم عندكم حرام :06:
3shiro
10-06-2005, 03:39 PM
والله ماني فاهم شتبي انت..
شتخربط؟
P I C C O L O
10-06-2005, 04:12 PM
أخوي علوش

بصراحه ما عرفت ايش تقصد
هل تقصد المواقع حق الحلقات والافلام وكذا
او تقصد انواع الانمي

يا ريت توضح طلبك وان شاء الله ما نقصر معك
فجورة الكويت
10-06-2005, 05:27 PM
أخوي تقصد انك تبي تعرف كل أنمي ؟

وانعلمك؟!

يعني نعطيك اسماء الأنمي وانقولك قصصهم؟؟؟؟

(أتمنى انك توضح اشوي ) واذا رديت احنا ان شاء الله بنقول لك
auronxxx
10-06-2005, 05:36 PM
يمكن تحتاج نقطة تبدا منها

اولا إذا كان اتصالك سريع DSL انصحك تلقي نظرة على اشهر برامج تنزيل الانمي
مثل الشاريزا والبت تورنت
bittorrent
وهذي مواضيع مفيدة
http://www.montada.com/showthread.php?t=290794
http://www.montada.com/showthread.php?t=196400

وهذا المنتدى منتدى الملتميديا مليء بالمواضيع المفيدة لبدايتك
مثل
http://www.montada.com/showthread.php?t=337386

وانصحك تبدا بتحميل
naruto
&
one piece
من الشاريزا بالترجمة الانجليزية ا(ويمكن تحصلهم مترجمين إلى العربية في هذا المنتدى)
وبعدها حمل اللي تبغيه^^
3shiro
10-06-2005, 05:55 PM
لا تعبون نفسكم معاه اصلا مبين ان ما راح يفهم شي...
باباي وما ادري شنو...
L.Z.N.Y.S
10-06-2005, 06:23 PM
صحيح اشوف الظاهر انه ماشاف انمي ابداً "اعذرني"

ولكن يمكنك ان تبدأ بمشاهدت المانجا (القصص المصورة) وترى محد فهم انت ويش تبي بالضبط me2

واذا انت ماتدري الكرتون هو الامريكي (قاطعوه):ds005: مثل باباي وتوم وجيري .....

اما الانمي فهو الرسوم المتحركه اليابانية والتي لاتختص فقط في الصغار:reporter: وتقريباً 90% من الأعضاء ينتظرون نزول كل حلقة من الانمي على احر من الجمر روح شوف مواضيع النقاش كم صفحه توصل مثل ناروتو و ونبيس .....
abdulaziz1
10-06-2005, 06:40 PM
أنا زيهم..

ما فهمت..

نعلمك ايش؟؟


تحياتي..
3shiro
10-06-2005, 06:42 PM
صج قاص عليكم هذا. اسم علووش شفهمه بالانيمي؟؟:D
علوش..
10-06-2005, 07:23 PM
مشكورين شباب وانا اقصد

ابي اتعرف على الكرتون الياباني لاني ماعرف غير الكرتون العربي وكلمة الأنمي هذي يعني هم كرتون بعد ؟؟ انا ابي اعرف اكثر عن عالم الكرتون خصوصا الياباني لان الربع وايد يمدحونه وكله يقولون مانجا ومانجا حلو اهو نفسه الكرتون ؟ اهو يعني في اكثر من اسم الحق الكرتون عامتا ؟:06:

وانا ابي اعرف اذا عندكم مواقع اقدر اتعرف فيها على الكرتون الياباني يعني اشوف شكثرهم واختارلي واحد

وانا اي ترى عندي DSL 512 والسرعه عندي 640 تطلع انا بس جربت احمل لعبه صراحه وايد سريع ورهيب مايمديك تدني على وراك

اخوي auronxxx مشكور وايد على الوصلات معني مو فاهم شي يعني هل لازم انزل كرتون من البرامج ؟

وهل برنامج bitorent هذا مضمون ؟

انا اسف اذا اذيتكم :)
علوش..
10-06-2005, 07:25 PM
صج قاص عليكم هذا. اسم علووش شفهمه بالانيمي؟؟:D

ياخوي 3shiro مادري شسمك ترى والله انك اذيتني من موضوع لين موضوع ومن منتدى لين منتدى والله ماودي اشتكي عليك لاني عضو يديد ومابي مشاكل وانا يديد بقسم الكرتون الياباني ومبتدا وابي اتعرف عليه بشكل احسن

الله يسامحك
abdulaziz1
10-06-2005, 07:33 PM
www.msoms-anime.com
www.sayig.com
www.dr-jackal.com
www.arabdreamers.com

هذي مواقع للأنميات اليابانيه المترجمه عربي..

الأنمي=الرسوم المتحركه اليابانيه(فيديو - بأصوات)كل أنمي لعمر محدد(وبعضها لكل الأعمار وبعضها للصغار فقط..الخ)
المانجا=الرسوم الغير متحركه اليابانيه(صور - أبيض و أسود - للقراءه)للكبار غالباً(لا أعتقد طفل يريد قراءة مانجا)
الكرتون=الرسوم المتحركه الأمريكيه والأوروبيه وغيرها(فيديو - أصوات - غالباً رسوم ضعيفه)غالباً موجه للأطفال

أتمنى انه شرحي يعجبك..

تحياتي..
3shiro
10-06-2005, 07:35 PM
ياخوي 3shiro مادري شسمك ترى والله انك اذيتني من موضوع لين موضوع ومن منتدى لين منتدى والله ماودي اشتكي عليك لاني عضو يديد ومابي مشاكل وانا يديد بقسم الكرتون الياباني ومبتدا وابي اتعرف عليه بشكل احسن

الله يسامحك
آسفين ىسفين يا عم علووووووووش بس اسالتك فيها نوع من الغباء شوي.
abdulaziz1
10-06-2005, 07:37 PM
ياخوي 3shiro مادري شسمك ترى والله انك اذيتني من موضوع لين موضوع ومن منتدى لين منتدى والله ماودي اشتكي عليك لاني عضو يديد ومابي مشاكل وانا يديد بقسم الكرتون الياباني ومبتدا وابي اتعرف عليه بشكل احسن

الله يسامحك

يمكن يمزح معاك أخوي..

لا تشتكي ولا يشتكي..

كلنا هنا أخوان وحبايب..

تحياتي..
abdulaziz1
10-06-2005, 07:39 PM
آسفين ىسفين يا عم علووووووووش بس اسالتك فيها نوع من الغباء شوي.

طيب هو مبتدئ لا تقارنه بواحد خبير في الأنمي زيك..

حتى لسع ما بدأ..^_^

تحياتي..
3shiro
10-06-2005, 07:40 PM
طيب هو مبتدئ لا تقارنه بواحد خبير في الأنمي زيك..

حتى لسع ما بدأ..^_^

تحياتي..
باين انه مبتدىء..من توقيعة حاطلي صورة لعبة وكاتب لي اسم شطولى.....يعني..no comment
شكل توه ياي من منتدى الالعاب و مو مصدق.
علوش..
10-06-2005, 07:44 PM
مشكور اخوي عبدالعزيز على التوضيح بس عندي سؤال المانجا يعني بس صورة وحده تقراها وله اشلون يعني قصه بصورة تكون ؟
Zero Frost
10-06-2005, 07:51 PM
ارسلي ايميلك على الخاص و نتفاهم بالمسنجر افضل من انه تتفاهم بالمنتدى لآنه ما اعتقد راح توصل الفكرة بطريقه غير مباشره بالمنتدى

راح اعلمك كل شي من الصفر و ان شاء الله تطلع خبرة بالأنمي :biggthump
abdulaziz1
10-06-2005, 08:04 PM
لا مو بس صوره..

هي أصل الأنمي نسيت أكتب في التعريف..

شوف الحين معدل..



الأنمي=الرسوم المتحركه اليابانيه(فيديو - بأصوات - غالباً رسوم قوية)كل أنمي لعمر محدد(وبعضها لكل الأعمار وبعضها للصغار فقط..الخ)
المانجا=الرسوم الغير متحركه اليابانيه(صور - أبيض و أسود - للقراءه)(هي أصل الأنمي)للكبار غالباً(لا أعتقد طفل يريد قراءة مانجا)
الكرتون=الرسوم المتحركه الأمريكيه والأوروبيه وغيرها(فيديو - أصوات - غالباً رسوم ضعيفه)غالباً موجه للأطفال

الحين الجمل الغير مفهومه..

1-(هي أصل الأنمي)=أي أنه لا يوجد أنمي بدون مانجا
كيف؟؟
يرسمون المانجا وينزلوه واذا لاقى نجاحاً ينزل أنمي أحياناً ينزل الأنمي بدون ما تنشهر أو تنجح المانجا بس يكونوا متوقين انه حينجح..
2-(صور - أبيض و أسود - للقراءه)=
صور=عدة صور يعني 20 صوره مثلا أو أكثر أو أقل على حسب (هذا للشابتر الواحد)
أبيض وأسود=ما أعتقد يبغالها شرح..يعني ماهو ملون
للقراءه=يعني في الصوره في كم مربع وكل ما تتكلم شخصيه يكتبولك الكلام الا قاعده تقوله الشخصيه
3-(الشابتر الواحد)=الحلقه الواحده ولكن بالانمي أما بالمانجا فتسمى شابتر
4-(فيديو - بأصوات)=
فيديو=رسوم متحركه ملونه زي الا في التلفزيون مثلاً
أصوات=فيه كلام وأصوات للشخصيات وموسيقى

شكلي بسوي موضوع..^_^

بدال ما كل يوم أقعد أكتب..^_^

تحياتي..
علوش..
10-06-2005, 08:14 PM
مشكور اخوي عبدالعزيز وانا مقدر تعبك لي في تعليمي وجزاك الله الف خير ماراح انساها لك انشالله

ولاتتعب نفسك أكثر وهذا يكفي

والاخ zero frost ضفته وماشاءالله شكله محترف وبيبدا يعلمني بدل لا ازعجكم معاي

شكرا جميعا على الردود وانا اسف اذا اذيتكم :)
abdulaziz1
10-06-2005, 10:06 PM
مشكور اخوي عبدالعزيز وانا مقدر تعبك لي في تعليمي وجزاك الله الف خير ماراح انساها لك انشالله

ولاتتعب نفسك أكثر وهذا يكفي

والاخ zero frost ضفته وماشاءالله شكله محترف وبيبدا يعلمني بدل لا ازعجكم معاي

شكرا جميعا على الردود وانا اسف اذا اذيتكم :)

لا ما عليك..مافي مشكله..

مافيه ازعاج أخوي عادي..

وان شاء الله الأخ زيرو فروست يعلمك..

تحياتي..
P I C C O L O
10-06-2005, 10:17 PM
آسف على التاخر ولكن انشغلت

واذا تبي تسال اي سؤال ترى انا حاضر وممنون

أخوك بيكولو
علوش..
11-06-2005, 10:21 AM
مشكور اخوي Piccolosan
والامر انتهى وشاكرلك مرورك وتطوعك :)
HEART KNIGHT
11-06-2005, 01:17 PM
يا شباب حرام ما قلتوله حاجة عن

دراغون بول

ويوغي

أنا بطلعلك مجموعة الروابط عشان تفهم الأنيمي


:ciao: سلام:ciao:
P I C C O L O
11-06-2005, 01:24 PM
بس المشكله انه الحين عضو موقوف

وما ادري ليش
abdulaziz1
11-06-2005, 01:33 PM
الظاهر سوا مشكله في موضوع الحلقه الأولى لكاراس..

المهم هذا الموضوع أنا سويته يوضح أكثر..

http://www.montada.com/showthread.php?t=381369
HEART KNIGHT
11-06-2005, 01:53 PM
إي والله
فجأة عضو موقوف

لا إله إلا الله

:ciao: سلام:ciao:
P I C C O L O
11-06-2005, 02:36 PM
يعطيك العافيه اخوي عبدالعزيز على المجهود وتشكر

وبصراحه بعض القرارات ما لها داعي
(animation)
14-06-2005, 09:25 PM
اخوي انت مو تقول عندك اصدقاء عندهم انمي خل يعطونك ويعلمونك لان الانمي عالم كبييييييييير
مثل الانترنت او اكثر((مبالغ.....هذي من وجهة نظري)):D ما تقدر تعرف كل المعلومات بيووم وليله