المساعد الشخصي الرقمي

مشاهدة النسخة كاملة : الله .. ماتقول حاجه يافندم


نجود
15-06-2005, 01:28 PM
كنت في جلسة شاعرية مع زوجي في احد المطاعم وفجأة التمعت عيوني ونظرت له نظرة اخترع منها وقال الله يستر منج علامج تطالعني جني ذابح ابوج قلت له وش تقول لو خطفوني تبحلقت عيونه وسألني يخطفونج .. وليه يخطفونج وش مسويه قلت له افرض انهم خطفوني وش تسوي قال وهو يصرخ من اللي يخطفج انهبلتي قلت له لا تصارخ الناس حوالينا .. اها بس جاوب .. وش تقول لو خطفوني فسكت وشرب العصير وقال ماخلي حد في الدبدبه فرديت عليه غاضبه ليه وهو فيه حد في الدبدبه انت تضحك علّي ولا انا بنظرك ولا شي فهز راسه وقال لا حول ولا قوة الا بالله انتي وش علامج بتخربين الجلسة الشاعرية قلت له جاوب وش تقول لو خطفوني قال من يخطفج انتي .. اللي يبي يخطفج امه داعيه عليه .. فزعلت واخذت شنطتي وتركته بالمطعم .. رحت البيت زعلانه .. بعد اشوي جاني عيونه في راسه وقال لي والله والله انتي مجنونه قلت له انا مجنونه عشان بعرف وش كثر تحبني قال وهو يجلس انتي فشلتيني جدام الناس .. خطف وبوق وش يقولون عنا ... ارهابيين قلت له المهم وش تقول لو خطفوني فنظر لي نظرة قويه وتركني وصعد غرفته فزعلت منه ورحت نمت بغرفة شوق وخليت الخادمه تطلع بره ولما صار الصبح اتصلت في امي ابكي وسالتني امي علامج يام شوق ليه تبكين قلت له زوجي مايحبني سألته وش تسّوي لو خطفوني ولا رد وغضبت امي واخبرت ابوي وجاني ابوي بالليل وتعشا عندي وسألني زوجج وش رد عليج لما سألتيه هذا السؤال قلت يبه مارد .. قام يضحك علّي .. سكت ابوي وجلس ينتظر زوجي لين جه ولما جه وسلم عليه وجلس سأله ابوي انت ليه مو مهتم بالقضيه فساله زوجي اي قضيه قال له قضية ام شوق فقال زوجي ماني فاهم فقال له ابوي ان انخطفت وش اتسوي فضحك زوجي وقال حتى انت ياعمي فرد عليه وليه مانهتم بالموضوع البنت بنتخطف وانت تضحك فقال زوجي باهتمام ليه هي بنتخطف من يخطفها فرد ابوي رح بس جب قلم خل نفكر انا وياك .. هز زوجي راسه وراح جاب القلم وجلس ابوي واخذوا يكتبون وسأله ابوي انت تعرف صديقات ام شوق فرد لا والله ماعرف فرد عليه ابوي وكيف ماتعرف اجل وشلون نلاقيها البنت انخطفت المهم زوجي وابوي جلسوا يفكرون وش يسوون ان خطفوني وجت امي وجت اختي وانترست الصاله كلن معه ورقه وقلم ويكتب .. وبعد العشا قال ابوي سمعي يام شوق انا لقيت حل قلت له وش الحل يبه .. قال ان انخطفتي مالنا الا ندور بالمنتديات فضحك زوجي ضحكه كبيره
وقال والله انك جبتها ياعمي .. فرديت وليه انخطف في المنتديات فرد ابوي صديقاتج وعرفناهم واهلج وعندنا عناوينهم الحين مابقى الا نعرف من تكلمين في المنتديات قلت اكتب عندك ابوخالد وابوفيصل وشاب مصري فصرخت امي وقالت بس ابو فيصل هو اللي بخطفج اعوذ بالله جالسه عنده ولا تخافين قلت له يامه هذا رجال طيب قالت وش جنسيته قلت لها صومالي فقالت امي دام صومالي مامنه خوف حسبته خليجي هالايام الخليجين يخطفون يذبحون ويفجرون قلت لها يامه هذي معرفات ماهي اسامي حقيقية فردت وكيف ندور عليج ان انخطفتي والاسامي وهميه
فضحك ابوي وجلس وقال لزوجي الحسبه طلعت غلط تعال خل نجلس من جديد وش تقول لو انخطفت بنتي
فنظر لي زوجي نظرة غضب واستنجاد فابتسمت وقلت له .. الله ماتقول حاجه يافندم
ابو خالد
15-06-2005, 02:59 PM
السلام عليكم

كيفك اختى ام شوق اليوم ان شاء الله بخير انتى وشوق وابو شوق

ههههههههههه

والله فشلتينى انا يا ام شوق

لا وايه وانا مشدود على الاخر وبفكر مين يخطفك

صحيح على راى زوجك مين انهبل يخطفك انتى

خخخخخخخخخخخخ

طلع بوفيصل الصومالى

ههههههههه

عليك سوالف انتى يلا تسامى اختى

بس صح ما قولتى

وقال حاجه افندم ولا استغرب منك

شكرا على الموضوع وربما لى عوده

:D للتحقيق فى امر اختطافك المهم زوجك بيدفع ولا ما بيصدق :D

لكى السلام والتحيه

:ciao:
ابو خالد
15-06-2005, 03:05 PM
العوده ,,, بعد الضحك والسوالف
فقد هذا ما خرجت به من الموضوع ترى هل هو مقصود
ام انه ؟؟؟؟؟؟؟؟؟؟؟؟؟؟؟؟

هالايام الخليجين يخطفون يذبحون ويفجرون
ربما غير مقصود يعنى الحبكه الدراميه تحكم
:ciao: :ciao: :biggthump :ciao::ciao:
Nnoshah
15-06-2005, 04:36 PM
هههههههههههههههههههههههههههه
حلوه حلوه :D:D

تسلمــــــــــــــــــــين وماقصرتي يام شوق
http://img270.echo.cx/img270/9610/20031222225623561033mb.gif
INTERawee
15-06-2005, 06:54 PM
بعيد الشر عنا وعنكم....الله يقطع سوالفج خربتي القعدة الشاعرية..ههه
على العموم ...الحين عرفوا شلون يلقونج"اذااا" انخطفتي .....الله يعينهم
ومشكووره اختي عودتينا على المواقف الحلوة....
نجود
15-06-2005, 08:03 PM
اخوي ابو خالد
وعليكم السلام ..

تصدق ابو خالد .. ابوي وامي اخذوا المسأله جد
وزوجي مستغرب وسؤاله دائما منو اللي بيخطفج ...
المشكله ليست في معرفة الخاطف ...
المشكلة انه لازم تكون هناك وقايه
مش صح ولا ايه ...
تدري يابوخالد
فرحت لما قرأت ضحكتك حسيت ان قلبك طيب
وانك مو شايل على اختك نجود
يارب يطول بعمرك ويخليك لنا ..
امين يارب
نجود
15-06-2005, 08:09 PM
اختي حبيبة هيوسكا

العفو ياعمري
ومشكوره على المشاركة والاطراء
نجود
15-06-2005, 08:13 PM
اخوي INTERawee

صحيح عرفوا وين يلاقوني .. بس ماعرفوا اللي راح يخطفني
ياترى انت مو شاك بواحد له سوابق بالخطف
ومشكوور على المشاركة والاطراء
Men_Tikreit
15-06-2005, 08:22 PM
والله يااختي رغم تهجمك الرهيب علي الا اني احس ان قلبك طيب, الله يوفقك بس ويخليلك شروق ويعين رجلك المسكين تراه للحين مو فاهم السالفة.
Empress uae
15-06-2005, 08:39 PM
هههههههه مسكين أبو فيصل ، طلع صومالي و أنا ما أدري. :D



:33: يمكن بعد أبو خالد يصير تركي و شاب مصري يصير بنغالي و أنا سودانية. :D



حلوة السالفة، إن شاء الله ما ننحرم من مواضيعج و سوالفج أختي نجود. :)
نجود
15-06-2005, 08:58 PM
Men_Tikreit

والدنيا وش تسوي ..
والله مافيه احسن من النفس الطيبه
والحب بين الجميع
ربما اكون قاسية بالقلم او اكتب بانفعال في بعض المواقف
لكن هذا ليس له علاقه بمشاعري واحاسيسي
انها مختلفة ..
شكرا على المشاركة
نجود
15-06-2005, 09:00 PM
اختي Empress uae

مشكوره على المشاركة
والحمدلله ان المقاله نالت اعجابج
يارب دائما
ابو خالد
15-06-2005, 09:04 PM
اخوي ابو خالد

وعليكم السلام ..

تدري يابوخالد
فرحت لما قرأت ضحكتك حسيت ان قلبك طيب
وانك مو شايل على اختك نجود
يارب يطول بعمرك ويخليك لنا ..
امين يارب




السلام عليكم
يا اختى الفاضله نجود
ام شوق بارك الله فيها وفيكى واسعد اوقاتكم دوما
يا اختى الكريمه ليس لاننا اختلفنا فى موضوع او اثنين
ان يكون الامر بيننا ان اشيل لكى او تشيلين لى
بل ان الاساس اننا اخوه لكل منا عقله وتفكيره نتفق او نختلف
المهم ان يظل الود دوما والاحترام متبادل
وكيف لا ارى موضوعا جميلا ولا اشترك فيه
يا اختى اعلمى انى اقدر لكى قلمك وعقلك
وما بيننا الا كل خير باذن الله وهذا ليس كلام جديد منى بل انظرى واعرفى بنفسك
http://www.montada.com/showthread.php?t=373390 (http://www.montada.com/showthread.php?t=373390)
اختى تقبلى سلامى وتحيتى وتقديرى
والسلام عليكم ورحمه الله وبركاته
:ciao: :ciao: :ciao:
الخلــوق
15-06-2005, 09:19 PM
:vereymad:




الأخت نجود وبعدين ؟

وبعدين يعني ؟؟

.
.
.
.
.
.
.
.

اتـعبتينا بمتابعة مواضيعك الجميلة :)


وعلى فكرة بوفيصل و بوخالـد

هذول من اطيب الناس .. وشهادتي فيهم مجروحه ..

ام شوق الفاضلة

قـد اختلف انا مع بوفـيصل في مسئلة وقد أختلف مع بوخالـد في اخرى

ولكن المهم الا يتحول الاختلاف الى خلاف .. بارك الله فيكي :blackeye:

ونحن هنا كالأسرة الواحده ..

تملئنا المودة والمحبة ..

ونتفق أكثر مما نختلف

على فكرة



.. وش تقول لو خطفوني فسكت وشرب العصير


مسكين شرب العصير من القهر :D
نجود
15-06-2005, 09:42 PM
اخوي ابوخالد
وعليكم السلام

ذهبت للرابط وقرأت الدرر التي جاد بها قلمك
واشكرك على التعليق والمشاركة
نجود
15-06-2005, 09:45 PM
اخوي الخلوق
السلام عليكم

فعلا انا مافكرت ليه شرب العصير ..
هذه مشكله ثانيه انتي نبهتني لها ...
الليله راح اسأله . وياويله ان ماكانت اجابته تقنعني
واما بخصوص باقي ردك
فالحمدلله رب العالمين ان نفوسنا كلها طيبه
وان منتدانا يضم كوكبة رائعة من الشباب الرائع المبدع
تتصدرهم ادارة ومشرفين ومراقبين واعيين وكلهم ذوق
شكرا على المشاركة
::MoNa::
15-06-2005, 10:15 PM
ههههههههههههههههههههه

فاظيه من جد خربتي اللحظه

والله ماشالله عليهم رايقين
Empress uae
15-06-2005, 10:34 PM
اختي Empress uae

مشكوره على المشاركة
والحمدلله ان المقاله نالت اعجابج
يارب دائما



أكيد أختي تعجبني المقالة. كلها عفوية و صدق و حلو أنج تشاركينا مواقف تصير بحياتج و تقولين لنا أفكارج مهما كان تعارض بعض الناس لها.



ننتظر بشغف مواضيعج و أنا حتى وصيت شخص بأنه يقرأها من جمالها.



بارك الله فيج و الله يوفقج دنيا و آخرة. :)
نجود
15-06-2005, 11:00 PM
اختي Empress uae

تسلمين ماتقصرين
هذا ذوق ولطف منج
نجود
15-06-2005, 11:04 PM
اختي ::MoNa::

احيانا نحس بالنزق
لكنه نزق لطيف ورائع
ربما يراها البعض غير ذلك
لكنها تعني شيئا بين المحبين
شكرا للمشاركة اللطيفة
Star_Fire
16-06-2005, 03:22 PM
السلام عليكم


ذكية أوى البنت دى :D


مش عارفة اختى نجود ...
:33: يمكن تكون فكرة موضوعك وصلت لى بطريقة مختلفة عن بقية الأخوة

المهم ;)

دعينى اتخيل معكِ بقية القصة والوصول لحل

اعتقد ان السيد الوالد سيقوم فورا بإجراء بعض الإتصالات ببقية العشيرة
و التحالف طالبا.. راجيا و متوسلا مساعدته فى البحث عنكِ
و ما يتبع ذلك من إنعقاد لمجلس الأمان العائلى
على اثر ذلك يتم إعداد تقرير مطــــــــــــول و محبـــوك
يؤكد ان كل من المدعو ابوخالد و الفيصل و المصرى
يملكون سلاح فتاك يهدد حياتك الغالية
وهو من اجود ( انواع البمب المصرى) صناعة محلية
ماركـــة ( إوعى وشَك )
وتتطور العملية بشن هجوم غير مفاجئ ومُتوقَع على الأخوة ..
و ... .... و ... و ..........


والحمدلله على سلامتك :ciao: