المساعد الشخصي الرقمي

مشاهدة النسخة كاملة : فهودي كاد ان يتفقع وجهه ...............


سكوال
21-09-2001, 10:14 PM
هههاي



صدقوني .... اذا اي واحد فيكم يبغي مغامرات ماتنتهي ....يدخل كلية العمارة (مثلي يعني) ...




اسمعوا ايش صار معاي في يوم الأربعاء اللي راح (قبل يومين) ...




طلب مني الدكتور اجيب له صور لأحلى عشرين بيت في الرياض ..... واحلل هاذي الصور تحليل معماري ..





المهم .. طلعت مع صديقي وجلسنا ندور ونكتب اماكن البيوت اللي لازم نمر عليها الصبح او الظهر او العصر (حسب واجهه البيت عشان الشمس ماتأثر على الصوره) ....



وقفت عند بيت حلو مره ..خيال ..روعه

وقلت لازم ارجع له العصر ..


طبعا اخذت الكاميرا (من النوع اللي تعطيك خمس فلاشات دفعه واحده )

ووقفنا عند البيت ...... عند الواجهه الرئيسيه ...


وطبعا لأن حظي حلو مره (واضح) ..... بعد اول فلاش ... فجاءة طلع صاحب البيت مع اهله ...

والمشكلة انى مااقدر اوقف باقي الفلاشات ...


وتخيلوا شكل واحد ارهابي مثلي ...... في سيارة مظلله .... وواقف عند بيت عائلة وجالس يصور بناتهم ..


الرجال انهبل .. وجانا يركض


اقسم بالله كان شكله يروع ....


انا وصديقي من الخوف ...جالسين نصرخ في بعض ونقول وين مفتاح السيارة (مع ان السيارة شغالة اصلا) ....



الين وصل لنا الرجال وتعلق في الشباك وبغى يكسره ....

في الأخير انتبهنا ان السيارة شغالة وهربنا ...







المهم بعد صلاة العشاء .....

رجعت لنفس البيت ...والكاميرا بيدي ...

دقيت الجرس ..طلعت على بنت صغيره ...... قلت لها نادي ابوك ...


اقسم بالله ... تعابير وجهه لما شافني واقف قدامه والكاميرا في ايدي .... كأنها تعابير وجه قطو داعسته سيارة (هاذي كلمه صديقي) ... :)


انا خشيت في عينه عرض ..... وعلمته السالفه كلها ....

بعدين رفعت الكاميرا في وجهه ... وقلت خذ بنفسك وطلع الفيلم واحرقه ......


الرجال انعكس 180 درجة ..... وحلف على ماامشي من هنا الا بعد مااشرب الشاهي ...


وقلطني انا وخويي ....


لا واحسن شيء ... جاب لي مخططات بيتهم ... وقال خذها ... وتعال صور البيت مثل ماتبي .. حتى لو تبغى تصوره من الداخل ...


عاد انا قوي وجه ماصدقت خبر ......


بس يوم طلعت الصور اليوم ...والله روعة


ادعوا لي اخذ A+


:)
داج2222
21-09-2001, 10:18 PM
يالله جعلك تاخذ -F حليووووووووووه علشان تعرف كيف تهرب من رجال تلقاه قعدت تجيه هواجيس طول اليوم ههههههههههههااااي على العموم زين سويت و بالتوفيق يالمطفوق
ELVERADOUS
21-09-2001, 10:23 PM
هههههههههههههههههههههههههههههه



ياليته طلع لك بواحد زي هذا هههههههه:D :D
سيلفي2065
21-09-2001, 10:23 PM
ههههههههههههههههههههههههه يعجبني الرجال...شقرررردي
اقول كليه العماره ...مافيه قسم بنات؟؟ ويصلح يدخلون بنات ادبي والا لازم علمي:P


------------------------------------------------
اقول داج...ابيك بكلمه جبهه...علامهم ارامكو سووا حركه نذاله و قفلوا علينا الماسنجرات؟ :)

الماسنجر مهب شغال عندي انت زيي والا لا؟! ?:
داج2222
21-09-2001, 10:26 PM
كتب العضو (سيلفي2065)
------------------------------------------------
اقول داج...ابيك بكلمه جبهه...علامهم ارامكو سووا حركه نذاله و قفلوا علينا الماسنجرات؟ :)

الماسنجر مهب شغال عندي انت زيي والا لا؟! ?:

و الله توني ناوي اسالتس هو شغال و لا لا هو عندي يستعبط مو راضي يدخل اهئ اهئ اهئ بعدين يا هووووو اجحدو هالموضوع روحو ليومياتي الجزء الثالث تراه حامي حامي(هع اشلح زباين)
مهجدهم
21-09-2001, 10:34 PM
اخخخخ ياليتني جاي في الجمعة حقتكم يا وجه النحس عشان نشوف من اللي يطق الثاني اجل انت تواعد وانا انحاش مابقى الا انت وخشمك عشان انحاش منك
x007x
21-09-2001, 11:01 PM
سكوال


تخيل لو وجهك متفقع انت وخويك
وسبب لكم الرجال عاهات مستديمه


وحولوكم من الجامعه الى التأهيل المهني


وبدل ما تصير مهندس صرت ...........
ومع كل هذا تسقط في الماده





فلم هندي يمشي مليوووووووووووون
RPG_master
21-09-2001, 11:15 PM
والله يوم قريت الموضوع ناديت خرباج قلت له القزم يبي فزعه:D
بس الحمدلله عدت على خير
ولا خوباج نقز يجهز اسلحته من جزم اربع طوابق مدعمه بصدامات جانبيه :)
داج2222
21-09-2001, 11:19 PM
كتب العضو (RPG_master)

ولا خوباج نقز يجهز اسلحته من جزم اربع طوابق مدعمه بصدامات جانبيه :)


ويش جاب جزم سكوال عندكم خخخخخخخخخخخخخخخ لا نسيت جزم سكوال يسمونها ناطحات السحاب خخخخخخخخخخخخخ يلا بس انا طالع سلام عليكم
RPG_master
21-09-2001, 11:25 PM
كتب العضو (داج2222)



ويش جاب جزم سكوال عندكم خخخخخخخخخخخخخخخ لا نسيت جزم سكوال يسمونها ناطحات السحاب خخخخخخخخخخخخخ يلا بس انا طالع سلام عليكم
انت ما فهمت جزم خوباج عرض بس وشيه طول اما القزم ناطحات سحاب:p
بعدين قلت لك انا بتطلع قبلي يعني بتطلع قبلي
+b.s
22-09-2001, 01:45 AM
هعععههههههههههعععععععععععععع

والله انك جريه

واحد من اصحابي قاعد يصور بكيمره فى السوق حاطه فى شنطه المهم قفطوه الهيئه وراح فى خرايطها;)
smileface
22-09-2001, 09:58 AM
قبل لا تعطي الصور لدكتوركم حط الصور هنا علشان نشوفها


على فكره شكلك طالب مجتهد أول ما قالكم الدكتور روحوا صوروا رحتوا تركضون تسمعون كلامه
Chandler
22-09-2001, 10:53 AM
هههههههههههههههههههههههه.....


قهر....


يل ليته مفقع وجهك......


ادفع نص عمري واشوفك تتراكض انت وخويك.....والله شي.....
snorlax
22-09-2001, 12:05 PM
طيب ليش ما تصور بدون الفلاش :أفكر:
RPG_master
22-09-2001, 01:01 PM
كتب العضو (DigitaL)
اقول شكل النظارات من اول ما انولدت وهي جايه معك

انا اتوقع انك حول
حتى يوم قلت لك افصخ النظارات عييت:":

اعترف
صح ما احد فكر فالشي هذا:D
FSM
22-09-2001, 02:54 PM
كتب العضو (snorlax)
طيب ليش ما تصور بدون الفلاش :أفكر:

صحيح ...... ليه؟

الا اذا كانوا في ليل":"
عماد 18
23-09-2001, 09:09 AM
و انا اقول ليش لابس نظارات لما اجتمعتوا؟‍
شكلك اخذت كم بوقس على الطاير :D