المساعد الشخصي الرقمي

مشاهدة النسخة كاملة : تخاريف .... من جديد


Doel
19-06-2005, 12:43 AM
بعد مرور أكثر من سنه على أول و آخر موضوع تخاريف لي (كان في الترفيهي بعنوان تخاريف واحد مب راقد .. لا تدورونه:p )
قررت أنا العبد الفقير الى الله اني اسوي موضوع ثاني أكتب فيه خلاصه تجاربي في الحياه ... و عصارة معدتي -احم .. قصدي حياتي- .. مجموعة من الكتابات القصيره لالي بتتحدث كل ما سمح لي وقتي ..

بسم الله نبدأ

الرعب المطلق

الواحد يعتقد انه لما يتعود على شي، ما يخاف منه

كل ما زادت الخبره، يقل الخوف من المجهول

كانت هذي فكرتي حتى وقت بسيط....

قررت -و بعد انقطاع دام سنه و نص - اني امر على طبيب الأسنان Once more

طبعا الزياره ما كانت بسبب طيبه قلبي.. كان عندي مغاره بدأت تتشكل قبل الحقبه الأمريكيه في واحد من أضراسي الخلفيه

و هالضرس كان هو حجر الأساس عندي ... عليه performance مب طبيعي :ds022:

و التجويف بدأ يقترب من الخزنه .. أو اللي الخلق يسمونه "العصب"

بالتالي .. كان لازم الواحد يروح Emergency ... مع اني صار لي 5 شهور و انا متردد أروح ولا لأ

و المعروف ان الواحد لما يروح الأسنان و طوارئ .. ما تدري حظك بيطيحك مع من

و طبعا حظي غني عن التعريف

عمري ما ربحت في سحب ... حتى و لو كان السحب بيني انا و اخواني الإثنين

يعني بالعربي، لو انا و واحد في صف .. و مافي غيرنا .. انا أطلع الثاني

نرجع لمحور قصتنا ... و أخيرا وصل لي الدورر

و قالولي .. روح عند الدكتور راشد في الغرفه رقم 7

طبعا انا تعجبت .. عمري ما شفت دكتور أسنان مواطن .. بس شو نسوي .. الله يعيننا على التطنز منه

و المصيبه لو طلع يعرف واحد من أهلك ... انسى حياتك خلاص

بس لما دخلت الغرفه ... و شفت الدكتور، كنت شوي و انفجر من الضحك

على نفسي طبعا

الدكتور كان هندي ... الله يطول عمر مخيلاتنا الواسعه

الدكتور طبعا يحاول يطلع مثقف .. و يكلمني بانجليزيه تكاد ترى الهنود يتناقزون من أطرافها What is the problem

و أخبره انا بالقصه

و يشتغل هو في الأسطوانه اللي تعودت أسمعها من كل أطباء الأسنان

"عنايتك باسنانك صفر"

انزين كيفي .. اسناني و لا اسنانكم؟

انتو شغلتكم تصلحون ... كل واحد يشوف شغله وبس

باعتبار ان هالعطار يصلح ما أفسد الدهر :ds022:

و يبدأ الدكتو شغله .. و أول ما يشغل آله الحفر ماله اللي تحفر الأذن قبل الأسنان

ينفصل اهنبوب الهواء عالي الضغط لالي يخلي راس الحفاره يدور

و يتلوى الأنبوب مثل ذيل سحليه تم قطعه Freshly

مع انه يبين الإهمال .. أو نقص الـ Professionalism

أنا قررت أكمل .. لأني صار لي يومين و ضرسي يعورني

و عرفت ليش لما الشواب عندنا لما ينادونك و ما ترد يقولون لك "فلان و ضرس"

عمرك لا تستهين بخبرات الشواب ... هذا اللي تعلمته ;)

المهم .. By now ... الدكتور كان يحفر ضرسي ... و بدون أي نوع من التخدير .. لا بنج ولا هم يحزنون

و ما بدخل في التفاصيل .. بس ... It was hell

و عقب ما كان يخلص أخونا من كل غارة ... كان يقول لي Please Gargle ... و لاحظو Gargle مب Gurgle..

على العموم اللي فهمناه انه كان يقول تمضمض

و من أنا عشان أعارض .. لما كنت أقول له ان الضرس كان فعلا مؤلم و هو يحفر بدون تخدير ما كان يرد علي

ما علينا .. السمع و الطاعه سيدي الوالي

خلص الدكتور ... و حط لي حشوة مؤقته ..

و طبعا اكتشف و جود تسوس ثاني في الضرس نفسه

السوس اللي عندي تطوروا .. قاموا يسوون Pincer Attack

و عطاني موعد حق التسوس الثاني

و انا طلعت و انا ما مصدق شو صار

و طبعا عقب يومين .. أوصل انا العياده

بس هالمره .. و قبل لا يبدأ

قلت أنا ابدأ و اترجاه يبنجني هالمره

قال لي No problem sir .. و عطاني هزة لاراس المعتاده مال الهنود

واللي بالمناسبه كان لها علاقة بخسارة منتخب الإمارات أمام الهند قبل كم سنه

يقول لكم .. و العهده على الراوي ان احد لاعبي المنتخب الهندي كان يشتغل عند أحد "لعيبة" المنتخب الإماراتي

و الإماراتي قال له "ايه راجو، سر و هات اليهال من المدرسه"

طبعا الهندي رد برده المعتاد و قال "انشالله بابا"

و هز راسه هذيك الهزه السحريه

و بالغلط ضربت الكره راسه و دخلت في مرمى منتخبنا العتيد

المهم ... عطاني الدكتور البنج .. و بدا يشوف شغله

بس ضرسي كان الألم فيه ما يحتمل

و بالتالي.. و نزولا عند رغبتي ... حصلت لي ابره ثانيه

و لا يزال الألم مستمرا

قال لي اكيد عندك التهاب ... و عطاني مضاد حيوي و قال لي تعال عقب يومين

طلعت و انا ف حاله يرثى لها ...

رعب الحفر بدون بنج في المره اللي قبل+ ابرتين بنج .. و لا يزال الألم مستمرا

بالإضافه طبعا إلى شكل الدكتور الشيبه و صلعته التي تشتغل كمصباح ثاني اذا اخترب مصباحه اللي يستكشف بيه سلسلة الكهوف عندي

و عقب يومين انا المسكين رجعت

و هالمره بدل الإبرتين 3
I kid you not


و لا يزال الألم مستمرا

انا قلت للدكتور

دكتور ... I give up

و سحبت ما تبقى من وعيي ... و على أقرب تاكسي كوني ما أحمل رخصة قياده




على العموم ... للكلام بقيه .. حاس اني عطيتكم قصه من العيار الطويل هالمره ... نكمل مع خروفه ثانيه من خراريفي بعدين

Doel desu
شتاينر
19-06-2005, 12:57 AM
هههههههههههه .. ذكرتني بمعاناتي في أول مرة رحت عند طبيب أسنان أو بالاحرى طبيبة :jap040:
كنت صغير وقتها :blackeye:
يللا بانتظار التكملة :biggthump
DMC
19-06-2005, 01:05 AM
اقول دويل تبى تقولنا قصة حياتك :31:
على عجبني( اني قدرت اشيل حالي):biggthump
انزين لو كان الهندي جي:blackeye:
فما بالك بل المواطن ^^:196:
تسلم اخوي على الموضوع شيق :33:
اش رايك تقول doel this my live :D
النهاية :reporter:
Trapped Inside
19-06-2005, 01:06 AM
لووووووووول .. ياخي ولله مساكين اطبة الاسنان .. كلن يكرهم >.> ..

الحفر يوجع -_- .. وعلى حد علمي انه من دون بنج ..

انا ولله الحمد من زمان ما رحت .. علماً بأني كائن يلجأ لي ما يمسى لبعضكم بالفرشة الاسنان .. قبل كم يوم .. بدا سن من اسناني يوجعني .. وصرت افرش عليه .. والحين زي الفل ^^ ..

بس تصدق اني احب اروح للعيادة .. لانه غالباً تكون اختي هي الي تروح .. ودايم تصيح وانواع الضحك عليه انا وابوي .. وامي ترفع معنوياتها XD ..

اخر مره راحت قبل كم يوم -_- .. وديتهم بس ما نزلت .. بس مافيه ابوي .. ما تسوى P: ..

ومنتظرين البقيه ^^ ..
Master ArNab
19-06-2005, 02:19 AM
هههه .. :biggthump

أولاً أحب أشكرك على الموضوع وإختيارك للكلمات مسلي .



و التجويف بدأ يقترب من الخزنه


شفت شلون :p ..

للأسف أنا أهملت ضرسي الخلفي ( إنكسرت الحشوه) من 3 سنين وأهملته

وكل يوم أقول بكره أروح الطبيب إلين ما وصل الخزنه ودخلوا اللصوص السود وعاثوا فساداً بالخزنه

كان درس قوي .. توبه :jap032: (http://www.montada.com/misc.php?do=getsmilies&wysiwyg=1&forumid=9#)




لووووووووول .. ياخي ولله مساكين اطبة الاسنان .. كلن يكرهم >.> ..

أقرب الي الخوف منهم :blackeye: ..

ولكن بعد ما خلصني الدكتور من ألم العصب .. صار " ماي هيرو :jap031: (http://www.montada.com/misc.php?do=getsmilies&wysiwyg=1&forumid=9#)" ..

لا من جد كنت فرحان الى درجة الهستيريا .. الله لا يوريك إذا جاك عصب .. توووووبه .. يخليك تفحط بمكانك

الأن "ماي بيست فريند إز ماي فورشاة الأسنان" :jap021: (http://www.montada.com/misc.php?do=getsmilies&wysiwyg=1&forumid=9#)

--
نتمنى الإستمرار :196:
Yamato
19-06-2005, 03:22 AM
قبل كل شي بعطيك تاريخي الحافل مع التسوس والحشوات...

القواطع الامامية اللي فوق.. صار تسوس بين الاثنين اللي في الوسط.. وكان شنيع.. قبل ست سنوات حطيتله حشوة.. ولكن كانو متصلين.. وتخيل ست سنوات وانا اشرب شي ساخن او بارد.. كيف التمدد والتقلص.. :blackeye:
والحمدلله الصيف اللي طاف رحت للدكتور وغيرلي الحشوة وقلتله افصل التوامين عن بعض.. :biggthump

عندي ضرس اللي قبل ضرس العقل (ماشي عقل T_T ) ضربه تسوس وعانيت من الام مدوية حتى تحس انه قلب بوش يمكن يحن عليها.. والحمدلله سرت عند (دكتور مواطن) ووقتها كان طالب في جامعة عجمان وكنت انا مادة امتحانه.. (مين قدي) وحطالي حشوة رصاص.. كووول

وعندي ناب على نفس الطرف.. نظفه هو ايضا وحطالي حشوة.. واذا شفته ما بتفرق بينه وبين الطبيعي..

وفي ضرس عالطرف المقابل.. بحشوة مؤقتة من الصيف اللي طاف.. للحين ما غيرتها.. -__-



وبالطبع قائمة اللي ما عدلتهم تطول... T_T

واحدة من اسوا كوابيسي اني اشيب وما عندي اسنان.. :blackeye:

بس اللي عنده الام انصحه يستعمل سنسوداين.. يقتل الالم فعلا

المهم..
سردك يا فتى فري كوول.. وننتظر تكملتها... واسمحلنا فضفضنا شوية عندك... :D
snorlax
19-06-2005, 03:37 AM
ههههههههههههههه قصة حلوة يا دويل يا ليت تكمل !
انا اقولك قصة سارتلي مع دكتور الاسنان ... رحت مستوصف جديد كان كان توه فاتح و سجلت ملف جديد
وتقولي اللي في الاستقبال روح عند الدكتور أمل ... لكن انا بتفكيري المنحرف سرت أفكر وانا ماشي في الطريق انها دكتورة مو دكتور http://webpost.net/px/pxl/smilies/goofy.gif .. ودخلت وكانت صدمه انه دكتور http://webpost.net/px/pxl/smilies/drunk.gif بس كانت يده خفيفة .. كان شاطر .. بس التسوس مشكلة لو وصل للاعصاب http://webpost.net/px/pxl/smilies/horror.gif !

في انتظار التكملة http://webpost.net/px/pxl/smilies/happy.gif
Kaze
19-06-2005, 08:29 AM
السلام عليكم

قوه شباب ؟

المهم دول من صجك هذا سوى فيك كذا ؟ XD

جان راويته العين الحمره علشان يفتهم و ما يقولك NO problem sir ويعذبك

المهم ما تشوف شر XD

ونتظر المزيد ^^

زشكرا ^^
Da S.O.S
19-06-2005, 09:57 AM
Another Great Topic ^^...
والله يا دويل دكاترة الاسنان.. لو اعد لك المرات الي رحت لهم.. يمكن ابو مرتين بحيااااااااتي كلها..
مرة قبل 3 سنين كان عندي تسوس خفيف..
ومرة قبل 7 سنوات..برضو تسوس..
فتقريبا ما تعذبت معاهم هالتعذيب المريع ..:09:
ولا اخاف لسه.. لان اتوقع ما جاني شئ يخليني احقد من جد:09:
Thanx Doel...Nice topic
Angel whisper
19-06-2005, 11:31 AM
تصدق .. غمضيتني .. :31:

انا دوم اسوي الحشو بدون بنج لان الـ pain threshold عندي شي ..

.. بس ما اقدر اتخيل يسوون هالشي بناس ثانين .. يعور :196:

سلامات دويلوه والله وما تشوف شر ..

بس دخيلك سر عيادة خاصة بدال مذلة المستشفيات الحكومية..

*مريض بعد ومحد يسلم من تعليقاته وصوره*

*cough*

/me pats Doel
من التراب
19-06-2005, 12:15 PM
هههههههههههههههههههههههههه ............ ^^

تسلم على الخرفووووووووووته الحلوه..............<<<<<< خرفوووته حقيقية من الخاطر..:biggthump
والحلوووو أنك أستخدمت >>>>>>>>>

الوحش الأسطووووري *~ طبييييب الأسنان~*
:196:

تسلم وننتظر الكمتنيوووووو ---------->:bigeyes:
dj_bo0oy
19-06-2005, 01:40 PM
ههههههههههههه :jap017:

مسكين هذا الي يروح حق طبيب الاسنان

بعد ماشفت الفيلم المرعب الي صار مع اخوي
قمت آكل معجون السنان <<< الخوف وماسوي :ds022:

وماتشوف شر ونتظر تكملة التخريفه :D
Arnegrim
19-06-2005, 07:13 PM
مسكين يا دول XD
بس الصراحة شي حلو ان الواحد يتذكر اسنانة و يروح للعيادة عشان يسوي Check حق ضروسة ^^
طبعا عندكم واحد في المنتدي ما جرب يسوي فحص الأسنان من 5 سننين ولا يدل العيادة بعد ^_^
يعني ما اعرف إذا صار عندهم تطور ولا لا XD
اذكر ان اخر مرة رحت للعيادة كان هناك حرمة عندة مكينة تشبه الدريل تحطها في الضرس و اوتش يعور >_<
و لكني ذكي لهذا اتفقت معاها ب( تحفرين 5 ثواني و ارتاح 5 ثواني اوكي؟ )
طبعا قالت اوكي و تفاجئت و هي تحفر بلا توقف و انا ألوح بيدي ولكنها ما تبغي توقف T_T
و هكذا خلصنا ^^
طبعا انا ما بروح لطبيب الأسنان لأني انظف ضروسي كل يوم خاصة بعد الأكل ^^

بس منوسمع عن تبيض الأسنان بلبلازما؟
يقولون يخلي الضروس تلمع من دون ألم ^^
asf4ever
19-06-2005, 08:28 PM
وأنا بعد افكر أروح لدكتور الاسنان لواحد من ضروسي المهدومة:31:
شو إلي سويته يا دول الحين تخسي أروح له -__-
أنا ما رحت لأي دكتور أسنان من سنين ولا مرة بعمري جربت الحشوة...
عطنى تخريفة ثانية بس مب تخريعة-__-
شتاينر
20-06-2005, 12:57 AM
وأنا بعد افكر أروح لدكتور الاسنان لواحد من ضروسي المهدومة:31:
شو إلي سويته يا دول الحين تخسي أروح له -__-
أنا ما رحت لأي دكتور أسنان من سنين ولا مرة بعمري جربت الحشوة...
عطنى تخريفة ثانية بس مب تخريعة-__-


هههههههههههه .. ذكرتني بسني المهدوم .. عندي سن مكسر من قريب ال10 سنين وللحين مش مسويه :blackeye: .. وعلى فكرة كنت بقول قصتي مع دكاترة الأسنان بس خلاص ... بعد ما تسوي إنت أسنانك بقولها علشان ما تصيبك حالة إكتئاب من الأشياء اللي صارتلي :09:
Mista Koo
21-06-2005, 08:03 PM
انا كان عندي مشاكل بس الحين لا الحمدلله ^_^ الله يعينك
بس تصدق خوفتني شكلي رح أبدا أفرش -_-
مشكلتي الوحيدة أسناني الصفراء الجميلة
بس حلها اني أنزع النظارة أشوفها بيضاء لامعة ~_^
كمشور دويل في انتظار القادم
Doel
22-06-2005, 02:09 PM
جوفو... مب فاضي أكتب لكل واحد منكم شكرا على مشاركته ... كل واحد يفهمها.. ترا والله تعب نشكركم واحد واحد :p

تعليقات بسيطه قبل ما نبدأ في القصه الثانيه ...


اقول دويل تبى تقولنا قصة حياتك
ياخي محسب نفسي هتلر .. أكتب كفاحي :p

إذا ما عايبنك ترا لا تقرا .. بيوفر عليك وقت هالشي :ds022:


بس تصدق اني احب اروح للعيادة .. لانه غالباً تكون اختي هي الي تروح .. ودايم تصيح وانواع الضحك عليه انا وابوي .. وامي ترفع معنوياتها XD ..
انتوا كلكم ما شاء الله رايحين ... مدينة ملاهي هي؟ :31:


ووقتها كان طالب في جامعة عجمان
وانت رايح عيمان عشان طبيب أسنان بس؟ :33:


لكن انا بتفكيري المنحرف
والله الكل بينحرف تفكيره ... اسم يبعث فيك الـ ... أمل :ds022:


انا دوم اسوي الحشو بدون بنج لان الـ pain threshold عندي شي ..
يعني هذا Smart talk للي كنتي بتقولينه و هو ان الناس اللي مثلج يعطونهم الوصف "لوح" :ds022:؟؟؟



قمت آكل معجون السنان <<< الخوف وماسوي
بدون خوف ياخي ... اعترف .. طعمه مب حلو؟ .. أذكر لما طلع معجون الفراوله مال اليهال .. و انا آكل فيه :p طعمه رهيب:p


شو إلي سويته يا دول الحين تخسي أروح له -__-
جوف .. ترا دكتور الأسنان مثل الموت .... كلنا لازم نمر عليه :ds022:

أحسن لك تروح له و انت مرتاح قبل لا تروح له و انت ترقص


الخروفه اليديده اليوم ان شاء الله ..

Doel desu
Angel whisper
22-06-2005, 03:14 PM
لوح :196:

اسحب تعليقي بانك غمضيتني ..

وhopefully .. next time will be even more brutal ..

With my love ..

ANGELmod ..

:ds022:
antonio
22-06-2005, 08:57 PM
›.‹' dude im really sorry for you .. thats really hurts

صراحه مارحت لبتاع الاسنان اخر مره تقريبا من 7 سنوات على ماظن علشان تسوس بسيط وبس :p

الحمدلله مواظب افرشي اسناني مره بالاسبوع :D وكل شي ماشي تمام ˆˆ !!
Tokimeki
22-06-2005, 10:34 PM
اكره اكره اكره اكره اكره طبيب الاسنااااااااان:jap053:

دويل مفروض يعطونك جايزت نوبل للشجاعه !! انا عادي عندي اقعد في الwaiting room ...و على اعصابي و طبعا العده تكون معاي و هي مكونه من IPOD و تكون السماعات حدها اوكي و ما في مانع نسمع Heavy Metal بس علشان ما اسمع صوت الاجهزه :ds002: و يعني طبيعي لما اشوف ويووه الاوادم كل واحد متفخ و يكسرون الخاطر تنحاش بهدوء من العياده HELL NOT !!! +_+

بس انا الي مو فاهمته درجة حبك و عشقك و اخلاصك لضرسك الي تقول فيه ثقب الامازون:ds013: يعني شيله و فك عمرك :ds001:
Doel
23-06-2005, 01:15 PM
لوح :196:

اسحب تعليقي بانك غمضيتني ..

وhopefully .. next time will be even more brutal ..

With my love ..

ANGELmod ..

:ds022:

:blackeye: :blackeye: :blackeye:

Gomeeeen ... hontoni gomen nasai

والله كنت أمزح بس ... تطلعين لي اينجل مود .. مب نازي مود .. يعني السالفه جد :afraid:

اسمحيلي مره ثانيه :blackeye:


اكره اكره اكره اكره اكره طبيب الاسنااااااااان

دويل مفروض يعطونك جايزت نوبل للشجاعه !! انا عادي عندي اقعد في الwaiting room ...و على اعصابي و طبعا العده تكون معاي و هي مكونه من IPOD و تكون السماعات حدها اوكي و ما في مانع نسمع Heavy Metal بس علشان ما اسمع صوت الاجهزه و يعني طبيعي لما اشوف ويووه الاوادم كل واحد متفخ و يكسرون الخاطر تنحاش بهدوء من العياده HELL NOT !!! +_+

بس انا الي مو فاهمته درجة حبك و عشقك و اخلاصك لضرسك الي تقول فيه ثقب الامازون يعني شيله و فك عمرك

ما أقدر ... كل الـ Chewing activity مالي على هالضرس .. اذا راح انا ما باكل الا السيريلاك :p


بعدين بكمل .. مزاجي ما يسمح بالكتابه الحين :p

Doel desu
Angel whisper
23-06-2005, 01:18 PM
I was kidding too ><

عادي يسموني لوح IRL :p

فعادي ×_×

and my knowledge in Japanese is like my knowledge in Ancient Greek ..
so type in Arabic or English !!
Doel
04-07-2005, 03:21 PM
هيهي ...there and back again

بعد عودتي المظفره للمنتدى ... و حصولي على التابلت الحلو مالي ...بنرجع نكتب خراريف

اللي حسبو ان الموضوع كان عن دكتور الأسنان .. you were wrong
:ds022:


Nostalgia
و العنوان مب مسروق من أودن ;)

مثل ما تعرفون ... أنا مسكين ادرس Mechanical Engineering في بلاد واق الواق ...

و مره لما رجعت قبل .. إذا حد فيكم ترجع ذاكرته لهذاك اليوم ..

كتبت موضوع عن اعلان الفياجرا على الجزيره .. و سويت شوية حشره

بس when I look back هذاك الإعلان كان بريئ مقارنة باللي جفته لما رجعت ..

يعني وصل بيينا الـ Sophistication .. و وصلت بينا الثقافه ان اعلان صبغ الشعر صار يحتاج نحط فيه حرمه لابسه بكيني

أو اعلانات الفياجرا اللي صارت ما شاء الله كل خمس دقايق في التلفزيون ..

ولا الجرايد اللي أخيرا استسلموا للواقع و بدو هم بعد يحطون مقابلات ويا ممثلات "عربيات" و الممثله لابسه قميص أبيض و لاعبه بالفوتوشوب ماله و مخليه الـ Opacity على الـ 30% :ds022:

الواحد لما يشوف هالأشياء ... لا يسعه الا انه يتذكر الأيام الحلوه ..

لما كنا صغار ... و لما كان الإعلام محترم

لما كان اعلان الشامبو ... اللي أهم شي فيه الشعر ما يحطون فيه الا وحده محجبه

و طبعا الذاكره مثل السلسله .. من تمسك شي فيها ما توقف ... و أنا بمشيكم مع سلسلتي ..

أول شي أذكره و انا صغير هو جدي الله يرحمه، من نسمعه دخل البيت و هو راجع من الصلاه ... نعرف كلنا شو نسوي ... نتوزع يمين و يسار قبل لا ايينا واحد من الكبار و يقول لنا سووا درب حق يدكم ... و يمكن نحصل لنا "لكزه" بالعصا :p

ثاني شي .. الرسوم المتحركه ..... كانت هذيك الأيام الذهبيه .. التوقيت معروف من 10 لين 11 الصبح على قنوات أبوظبي و دبي .. و من 11-12 على السعوديه ... و الله يرحم أيام القناوت الأرضيه.. طبعا العصر نفس الشي .. 4-5 .. و من 5 لين 6 .. اما قناة الكويت أو قطر او البحرين ... على حسب الرطوبه في الجو
على ذكر قناة قطر .. تعرفنا عن طريقها على النمر المقنع .. و كونان ..

شوي بعد في الذاكره ... نشرات الأخبار و اللحن الشهير لها ... و طبعا بعد فقرة حالة الجو .. كان المذيع أو المذيعه تقول "هذا والله أعلم" .. اللي الظاهر تخلوا عنها بحجة التطور

أي نتذكر الأذان لكل صلاه عالتلفزيون ... و الشاشه اللي تنحط عقب الأذان لمدة خمس دقايق عشان الناس يقدرون يصلون بدل ما اللي نجوفه الحين .... حتى الأذان ما يحطونه

من ذكريات الزمن الغابر أيضا ألعابنا ... كنا نلعب ميت و شرطي حرامي .. اللي كانت شي جديد علينا :p و طبعا كرة قدم و كل هالسوالف اللي تخلو عنها اخوانا الصغار عشان ينتقلون للبلاايستيشن و الإكس بوكس و الجيم كيوب

واحد من الأشياء اللي بعد أتذكرها هو "الصيدليات المناوبه" .. الشاشه الزرقاء في تلفزيون أبوظبي اللي كانت تطلع الساعه 10 الليل و يكون فيها أسماء و أرقام الصيدليات المناوبه لهذه الليله في الإمارات كلها ... حد يعرف شو صار لصيدلية القاضي؟:p

حادثه أتذكرها لما كنت صغير ... كنت في بيت خالتي في الشارقه .. و كنا نتابع المسلسل الرهيب يومها "نصف بطل" .. و كان على الحلقات الأخيره.. و على القناه "الإسلاميه" ... قناة الشارقه العزيزه.. حطوا بطلنا الصغير رامي و هو يفكر بصديقته و لا ما ادري شو كانت .. و شوي و لا يحوطنه يتخيلها و هي تتسبح في الحمام .. و طبعا بكل التفاصيل...و صادف هذيك اللحظه مرور خالتي .. و شافت المشهد . و أنا و عيال خوالي يالسين نتابع بكل براءه .. طبعا كلنا ضرب لين شبعنا :p

شي واحد نادم عليه .... كنت صغير هذيك الأيام و ما كان المشهد يفرق معاي وايد :ds022:
طبعا المسلسل توقف عرضه بناء على تلفون عاضب من خالتي ....

شو تتذكرون انتو؟

Doel
Angel whisper
04-07-2005, 03:30 PM
اع اعلان الفياجرا يفشل الصراحه -__-
احيد انا واميه واخويه كنا نطالع وبكل براءة فلم Little Women ونشرب كرك ونسولف ..
ويقومون ويحطونه :|
من الصدمه محد تجرأ يطوف عن القناة -__-
وبعدين يا ريال لازم ترى ممثلاتنا يمشون عالموضه .. والحين صيف لازم الـ see through ... مشكله انته بعد -__-
شرطي حرامي .. واسم حيوان نبات وملك جلاد .. وكوك وشي بعد لعبة مالت الذيب ..
ولا خوصة بوصة؟؟
الصيدليات المناوبة ×_× ما تذكريتها الا يوم انته طريتها الحين ههههههههههههه
هالمشهد مال نصف بطل احيد يطلعونه مرتين .. ومره هو بعد يكون يتسبح .. غريبه انهم ما كانو يقطعونه ..
وحلقة بعد من مسلسل الهداف اذا تذكره .. يوم يلعبون ضد فريق البنات :p
corruption :p
شيبة.
Y a z e e d
04-07-2005, 03:42 PM
الله يرحم أيام البراءة .. فعلاً ..

أتذكر أول مرة رحت لندن و انا واعي بنفسي .. كانت يمكن بـسادس ابتدائي ربما .. فلما كنت أشوف إعلانات الدعارة بكباين التلفون في الإجواررود ، أصرّف الموضوع و ينقلب وجهي أسود و التفت على ابوي " وش رايك بسيارات التاكسي هنا ؟"
.

حتى التلفيزيون .. كان قمة في النظافة .. حتى لما كنت مرات أجيب افلام .. كنت أقطّع نصف الفيلم .. أوقفه .. ولما جاء الستالايت .. كنت أخاف اشوفه لا تطيح عيني على شيء ( يتكلم عن الأفلام المصرية بس ترى ! ) ..
.
فيه إعلان فظيع بقوة .. حقّ علب البيبسي الكرتونية و المصاصات اللي كلها طويلة و مايلة -_- ، ما عدا واحد برتقالي .. -_- ، هذا سبب أزمة .. صحيح ما ينفهم ببساطة .. بس ياخي ماله داعي يعني كل هالوقاحة .. لو فكرت بالكنايات .. بتحس بوقاحة شديدة فعلاً .. -__-
.

ههههه أتذكر انا عاد كنت متقدم شوي .. لاحق على الـART .. منها تعرفت على النمر المقنع .. بطل طفولتي المفضّل ( كنت أقول بصير مصارع لا كبرت ) ، و .. بعد على كرتون قديم ما أتذكر صراحة تفاصيله ،، أتذكر أغنيته بس .. " صراع العمالقة "يمكن .. عن آليات كبار و فلة .. ههه ونصف البطل .. هذا كان داخل م زاجي بقوة .. حطيت براسي أني بتعلم بيسبول عشانه ومن اول يوم جبت العصى كسرتها ( لاعبين علي بعصى غبية انكسرت على الشجرة :31: ) .
.

أمّا اللعب ذاك الوقت .. فـ شيء ثاني :blackeye: !
.

تخاريفك جميلة عزيزي ، مرة جميلة و مشبعة ببراءة الذكريات و بياض الحديث ..

شكراً لمشاركتك إيانا بها ^_^ ..
DMC
04-07-2005, 04:00 PM
اخوي دويل ايام زمان ايام ذهبية بكل معناه الكلمة :ds015:
وانا اتذكر لما كنت استنى ان يجيبوا الرسوم على قناة دبي وابوظبي وشارجة وعجمان المحلية طبعا
وعادة اقدر اشوف قناة سعودية لارضيه بصعوبة :ds013:
بس الي اذكره نصف البطل و طموطم ولابطال العشرة والهداف ورعد العملاق والكثير يعني ايام مغبرة وجميلة
حتى كنت العب ويا لاولاد الحارة كرة القدم وقتها حطوني دفاع وانا احب الهجوم :02:
وكنت اصغر واحد يلعب وياهم كان كل واحد منهم في الصف السادس او الرابع
انا كنت في الصف لاول ولاالثاني بس اكيد ايام ماحد يقدر يشيلها مين ذهني :jap038:
بخصوص اسوء موقف مرة عليه ممممممممممممممممممم
ماني مذكره :jap018:
صذج ايام زمان افضل بكثير مين ايامنا هاذي الي فيها بلاستيشن وغيره مين لاجهزة لالعاب :jap001:
النهاية:reporter:
Van Fanel
04-07-2005, 05:00 PM
...


أيام كنت صغير كنا طبعا مسوي فريق مسمينه فريق التاج .. :09:





نلعب كورة بالحاره طبعا .. ولازم بعد المباراه يجيني كفين لاسباب اجهلها ..:31:





اعتزلت الكوره بعد التصفيق اليومي وصرت العب بالسيكل وصرنا نسوي موكب مصغر


سياكل اشكالنا وصياح وحوسه ومايمر يوم الا نضيع وخذ دموع وصياح .. << من الدلاخه :p







اذكر كان عندنا دكان وكان واحد يبيع فيه اسمه ( أبو عيدو ) :06:




كنت بعد مااضيع واصيح وارجع اروح له واشتري ايس كريم ( كان على شكل السنافر) :D







واروح اشغل الفيديو واتفرج على بيبيرو (النسر الذهبي).. و صراع الجبابره



وبعض الاحيان اروح لاولاد خالتي .طبعا كانو قريبين .. علشان اشوف خماسي ..





وكان فيه مسلسل اموت فيه اسمه الرجل الحديدي .. كان فيه داينصورات



تقدمو وقامو وهاجمو واتحدو .. تيت تيت .. الديناصور ببابنا .. يالميس وياكمال << اغنيه البدايه


باختصار :D



لدرجه لمى امي تفقد الامل اني اقوم للمدرسه تحط اغنيه البدايه ولاتشوف الحماس الي يصير :p




بالنسبه للمواقف المحرجه ...





كان فيه مسلسل مدبلج اسمه ( شله سبعه )للصغار لو تذكرونه كان يجي على ام بي سي زماااااااان ..


الي كان فيه كنز له راس يتكلم ماادري كيف :p



اتفرج عليه يوميا وكان ابوي يجي من الدوام وفي يوم منحوس وحلقه منحوسه وكان ابوي


wrong guy in wrong place at wrong time :31:



صار في حدث مشين بين بطل القصه والبطله ( مع العلم انهم صغار )



ياسلام هذا الي تتفرج عليه يوميا . طبعا ايام صيف .. و(طرااخ) ماصحيت الا على نهايه الشتاء :09: ..








و أسف على الإطاله .. :08:
asf4ever
05-07-2005, 01:56 AM
وكان فيه مسلسل اموت فيه اسمه الرجل الحديدي .. كان فيه داينصورات



تقدمو وقامو وهاجمو واتحدو .. تيت تيت .. الديناصور ببابنا .. يالميس وياكمال << اغنيه البدايه



باختصار :D


أبي أشوفه T_T
هذا كان مسلسلي المفضل وأنا صغير
طبعا قبله كان كاليميرو >.>

أنا إلي قاهرني الحين إنه اليهال ما عندهم غير ألعاب الفيديو هذي...ما يطلعون ما يصيعون ما يضيعون ._.
ولا إحنا كان فيه تجمع صغير لحوالي خمس أشخاص أو أكثر في حوي البيت وقت العصر
ونلعب"كوك" XD
وبعدين صرنا نلعب كورة وسلة وسياكل وفضايح إلى ان شيبنا ..أقصد بلغنا..
موضوعك عن الفياغرا أذكره بس الإعلان أنا ما شفته ياخي ويييين يطلع>.>
المووهم
أذكر على أيام الأريل جيرانا مركبين دش أوربيت والحبيب"الأريل" يلقط لنا الشي إلي أهم يطالعونه
ومرة كانت يمكن قناة الكويت مطلعة فلم أجنبي ...نص خليع-__->>>وإحنا نتابع
وإذا تعرف قناة إسمها سوبر موفيز كانت أفلامها بعد نفس الحالة
بس إحنا هدفنا نبيل...كنا نصبرهم يسوون قناة ديزني:p
كشخة لما تسترجع ذكرياتك >>>تقول واحد في الستين

Ja Ne
Van Fanel
05-07-2005, 05:22 AM
بالنسبه لاشرطه الرجل الحديدي عندي لكنها Beta اشرطه صغيره وصعب تلقى

لها فيديو هاليومين << دورت قبلك .. :31:



لكن عندي اغنيه البدايه اذا تبيها .. :D