المساعد الشخصي الرقمي

مشاهدة النسخة كاملة : عام اقبل التحدي وادخل دورتي ل tekken


mitsurugi
01-01-2001, 09:48 AM
اعلن عن قيام دورة thr king of iron fist tournment
عندي في الكويت .

الشروط :
1- ان تكون لاعب فذ و محترف لتكن
2- الالتزام بالموعد الذي ساعلنه بعد انتهاء امتحنات الكورس الاول .
3- بعد التصفيات ستواجه the king of iron fist tournment
الذي هو انا انصحكم بعدم الاستهانة بي لانكم ستلقون العجب
مني .

الجوائز:
1- الاول: ps2 امريكي مع 5 العاب و 50 دينار كويتي
2- الثاني: DC امريكي مع 5 العاب و تلفون نقال
3- الثالث: 50 دينار كويتي مع اشتراك انترنت لمدة سنة

دزلي اسمك ورقم تليفونك على nemsis55@hotmail.com
اخر موعد للتسجيل هو الثالث عشر من شهر واحد
سارع لان سيتم اختيار عدد معين .

والله ولي التوفيق ...
Salamander
01-01-2001, 09:59 AM
سلامي للجميع ..... والله يا اخ MITSURUGI تحمد ربك انو انا ماني عندكم في الكويت ولاّ كان تنسى اللقب اللي انت معطيه نفسك, ولو اقدر اخذ اجازه من عملي, والله اجيك الكويت :) لان تاريخي مع TEKKEN مشرف والحمدلله , فأنا بطل دوري TEKKEN في امريكا لثلاث سنين متتاليه وعلى اربع ولايات من عام 97 حتى 2000 , ومستعد باذن الله اصبح بطل الشرق الاوسط لثلاث سنين ايضا ;) يجب ان تحذروني خاصة في TEKKEN :)
mitsurugi
01-01-2001, 10:16 AM
اول شي اسمك ما يوحي بانك واحد كبير يشتغل

ثاني شي ابيك تقول شنو اسم الدورات الي دخلته
مع احترامي اقولك روح نام يا ابو الاحلام

لو تقدر تيي الكويت تعالي عشان افوز عليك perfect
واخر نصيحة يوز عن الكذب على الاقل مو تقط صواريخ
ترى بيتنا قاعد ينفجر
هاهاهاهاهاهاهاهها
card
01-01-2001, 01:08 PM
انا اقبل التحدي وراح ادزلك بياناتي
selvar
01-01-2001, 02:05 PM
أنت ولد أمير ماشاء الله عليك أشوفك فتحت الخزنة حقتك


ألي فيها دنانير
Tamaki_q8
01-01-2001, 10:59 PM
مشاء الله PS2 بروحة 250 دينار في كويت و 5 اشرطة 125 دينار و خمسين دينار فوفها والله خوش بطولة انا ابي اشترك
Salamander
02-01-2001, 02:16 AM
سلامي للجميع ..... كيف الحال اخي MITSURUGI ؟ ان شاء الله كل شي تمام؟ والله يا عزيزي انا كتبت الرد السابق لك وانا كنت اخذ كل شي بمرح وصداقه مع العلم انني لا اكذب ولله الحمد :) ولكن الظاهر انك ما تحترم اللي اكبر منك :) لكن مافي اي مشاكل, برضنا اصحاب في المنتدى :) خلني اعرف نفسي لك : انا تخرجت من الثانوية عام 96 وبعدها رحت امريكا لمدة اربع سنين لدراسة صيانة الطائرات, وأنا الان تخرجت واشتغل لصالح الخطوط الجوية العربية :) تبغاني اقوللك كم عمري كمان؟ هاهاها المفروض انك تقدر تخمن الان !!!! ما علينا:) المهم, كل الموضوع انو كلمة KING OF TEKKEN كبيرة عليك شوي, وبيننا الانترنت ان شاء الله, بس خل المودم تبع ال PS2 يوصل, ونتقابل يوم في المنتدى ونحدد الوقت والتاريح ونلعب TEKKEN ايش رأيك؟ واتمنى من الله انه ما يكون في اي سوء تفاهم بيني و بينك يا اخي العزيز لاننا في الاخر انا وانت نحب لعبة TEKKEN ;)
mitsurugi
02-01-2001, 07:43 AM
وينكم يا شباب محد دزلي بياناته
افا عليكم
summoner
02-01-2001, 01:29 PM
من كلامك مبين انك لاعب قوي مو سهل
راح ادش دورتك واشوف اذا كنت the king of iron fist tournment
وممكن تقولي اسمك شكلك ولد شيوخ من ال الصباح لان الجوائز
وايد مغرية
a7mdooo_raul
02-01-2001, 03:10 PM
انا موافق اكيد راح اشارك بس ما قلتلي الدوره وين باي منطقه
وبالنسبه حق لعبه تكن الصراحه انا مو ذاك الزود لاني ما احبها بس انا مو خسران شي راح اشارك
واقول واذا تبي منافس صج العب ويننج ايلفن باي جزء منها وشوف ملك الكره شنو يسوي
:) :) يلا راح ادزلك اسمي وايميلي
:)
احمد900000
02-01-2001, 09:53 PM
اصير اشترك وانا في البحرين
mitsurugi
03-01-2001, 12:50 PM
اول شي اسلم عليك يا اخ summoner واشكرك وانا اسمي

فواز علي احمد حسين اليوسف الصباح

وارد على الاخ الي سئلني الاشتراك بالدورة من البحرين
يقدر بس لازم يي الكويت بالموعد الي احدده

وراح اقول كل التفاصيل بعد انتهاء الامتحانات
mitsurugi
05-01-2001, 04:57 PM
وينكم شنو ما في احد محترف لتكن
fayez-2000
05-01-2001, 07:17 PM
أنا ملك تكن وأتحدي أي واحد فيها لاكن خسارة ماني عندكم وهذا من صالحكم انا في السعودية !!!!!!!!باي
الامبراطور
05-01-2001, 11:01 PM
كل واحد مصدق نفسه في TEKKEN