Al_WaRd
23-09-2001, 10:56 AM
واحد من الى اعرفهم يقاله سعد يموت بشي اسمه تلفزيون ولا فديو يعني حتي يدلعونه الانتل من كثر مايقابل التلفزيون !! وهو شوي صحيح يعني لك على تفكيره ومخه دنيته هي التلفزيون حتى انه صار أي شي يشوفه بالتلفزيون يقلده !!
اذكر يوم هو صغير طب من سطح بيتهم على باله جرنديزر !! وهو صغير نص ميزانيه البيت رايحه على الثياب لانه كل مالبس ثوب شقه يبي يسوي مثل الرجل الاخضر !! ونص راسه متفخ وحتى رجلينه كله جروح هذا غير ان خشمه صار افنس من كثر مايحاول يسوي دبل كيك مثل كابتن ماجد !!
الغريبه انه ماتاب على كثر الي يصير له !! دخل على واحد من زملاءه ولا ها الزميل حاط القناه الثانيه وقاعد يشوف فلم جديد لشرلوك هولمز ماله الا 48 سنه مصور !! هو مايعرف انجليزي قعد بس يتابع الفلم وفهم ان الدعوه مباحث ومخابرات !!
اعجبته الفكره وسال زميله وش قصه ذولي وش المخابرات وش المباحث ؟؟ زميله كان عنده فلم لجمس بوند ويعطيه اياه وقال شف ذا الفلم ذا هو مدير المخابرات حق العالم !!
ويروح سعد يشغل الفلم بالبيت ويعجبه تصرفات جمس بوند ويعجب بشخصيته ويقول خلاص اببدا اسوي مثله !! ويروح اول شي يحط اناتل وتلفونات بونيته ويشري لعبه على شكل بيجر على عشان يكون عنده شبكه اتصالات بونيته والكاميره ذيك الي ترش مويه يبي يقصد يصور وبنفس الوقت وسيله دفاع عن النفس هذا غير خرابيط ثانيه شراها من عشر محلات العاب من اقنعه وكلابشات وكم بندق الي يطلعون صوت !
هو عنده من زمان بالطو للشتاء لبسه على بنطلون جنز حق سواقهم وياخذ هوت دوج من ثلاجتهم ويحطه باثمه عشان يكون مثل السيجار !! يعني صار صحيح شارلوك هولمز زمانه هذا غير ونيته صار ولا مكاتب الموساد حتي تلفزيون صالتهم ورادو جدته كلهم حطهم بالونيت .
ويجمع كم بزر من حارتهم ويقول نبي نسوي وكاله مخابرات بحارتنا ولا تبدون تنادوني الا العميل اس وترا نبي نغتال ونضرب أي واحد على كيفنا لان حنا الي نحمي الحاره
اول شي سواه سعد وطقه البزران الي معه سرقو دب غاز محل التميس الي بحارتهم عشان خال سعد عنده محل تميس وذا كان ماخذ نص زباينه !! هذا غير انهم بلغو الجوزات عن راعي البقاله الهندي عشان ماعنده اقامه لان ام سعد عنده بسطه وتدرو على بيوت الجيران كل صبح .
اهل الحاره بدو يعتمدون على سعد والبزراين الي معه بكم شي لان سعد موزع بزر على كل شارع بالحاره حتى باليل يخلي واحد من هالبزراين ماينام ويقعد يدور على الحاره !! وصار اهل الحاره اذا انسرق شي ولا خرب شي ولا حتى انقطعت المويه ولا الكهرب سالو سعد عنه وعن السبب وعن اذا كان احد هو الي مسوي هالشي ومتسبب فيه !!
سياره علي السبور السوداء انسرقت يوم سالو سعد من الي سارقه قال سعد انه شايف عبدالرحمن الى دايم كان يضرب سعد بالمدرسه يسرقه مع ان عبدالرحمن مايعرف يسوق!
مها بنت جيرانهم الحلوه اهله تضايقو من كثر المكالمات الي تجي عليهم بالصبح واليل ولا احد يتكلم بس ازعاج والرقم الي يطلع عندهم بالكاشف حق تلفون عمله مهوب بيت سالو سعد قال من تتوقع الي يكلم علينا قال سعد تركي لان شايفه كم مره يتردد على التلفون الي بالشارع يكلم من عنده وتركي ذا واحد وسيم وكل بنات الحاره معجبه فيه وكان سعد منقهر منه !
الشرطه مره جت تسال عن من الي يدري منهو راعي السياره الحمراء الي كل يوم تفحط بالحاره سعد قال للشرطه ذا نواف مع ان نواف هو الاول على مدرسه الحاره بس لانه كان اذكي واحد بالحاره وقايل للحاره ان سعد ماعنده سالفه
فيه واحد عربجي بحارتهم حتى شكله اسمر وشكله يخوف مره جيوبه كله سكاكين ومفكات لانه اربع وعشرين ساعه يايضرب واحد ولا يسرق سياره احد كل الحاره متأذين من شره وكل الحاره يدرون انه مجرم بس محد يقدر يقول عنه شي لانهم يخافون منه!! وكل اكثر هالاشياء الى بالحاره تصير كان هومسويها
هو الي سرق مكرفون المسجد وهو الي اخذ الكور من غرفه الرياضه بالمدرسه وهو حتى الي مكسر لمبات سور بيت ابومحمد وحتى سياره الاسكريم هو الي سارقه وسعد كان شايفه بس مايبي يعلم احد لانه يخاف يضربه !
سعد بنك وصار عنده فلوس واجد من الي يعطونه الحاره عشان ينتبه لبيوتهم ماتسرق مع انه ماقد سوا شي ولا فادهم بشي بالعكس السرقه والتفحيط زادت! والغريبه ان حقين الحاره مصدقين الي الحين ان سعد عنده سالفه!!
وصلتني بالايميل وحبيت انقلها لكم هنا .. ان شاء الله انها تكون اعجبتكم ..
اذكر يوم هو صغير طب من سطح بيتهم على باله جرنديزر !! وهو صغير نص ميزانيه البيت رايحه على الثياب لانه كل مالبس ثوب شقه يبي يسوي مثل الرجل الاخضر !! ونص راسه متفخ وحتى رجلينه كله جروح هذا غير ان خشمه صار افنس من كثر مايحاول يسوي دبل كيك مثل كابتن ماجد !!
الغريبه انه ماتاب على كثر الي يصير له !! دخل على واحد من زملاءه ولا ها الزميل حاط القناه الثانيه وقاعد يشوف فلم جديد لشرلوك هولمز ماله الا 48 سنه مصور !! هو مايعرف انجليزي قعد بس يتابع الفلم وفهم ان الدعوه مباحث ومخابرات !!
اعجبته الفكره وسال زميله وش قصه ذولي وش المخابرات وش المباحث ؟؟ زميله كان عنده فلم لجمس بوند ويعطيه اياه وقال شف ذا الفلم ذا هو مدير المخابرات حق العالم !!
ويروح سعد يشغل الفلم بالبيت ويعجبه تصرفات جمس بوند ويعجب بشخصيته ويقول خلاص اببدا اسوي مثله !! ويروح اول شي يحط اناتل وتلفونات بونيته ويشري لعبه على شكل بيجر على عشان يكون عنده شبكه اتصالات بونيته والكاميره ذيك الي ترش مويه يبي يقصد يصور وبنفس الوقت وسيله دفاع عن النفس هذا غير خرابيط ثانيه شراها من عشر محلات العاب من اقنعه وكلابشات وكم بندق الي يطلعون صوت !
هو عنده من زمان بالطو للشتاء لبسه على بنطلون جنز حق سواقهم وياخذ هوت دوج من ثلاجتهم ويحطه باثمه عشان يكون مثل السيجار !! يعني صار صحيح شارلوك هولمز زمانه هذا غير ونيته صار ولا مكاتب الموساد حتي تلفزيون صالتهم ورادو جدته كلهم حطهم بالونيت .
ويجمع كم بزر من حارتهم ويقول نبي نسوي وكاله مخابرات بحارتنا ولا تبدون تنادوني الا العميل اس وترا نبي نغتال ونضرب أي واحد على كيفنا لان حنا الي نحمي الحاره
اول شي سواه سعد وطقه البزران الي معه سرقو دب غاز محل التميس الي بحارتهم عشان خال سعد عنده محل تميس وذا كان ماخذ نص زباينه !! هذا غير انهم بلغو الجوزات عن راعي البقاله الهندي عشان ماعنده اقامه لان ام سعد عنده بسطه وتدرو على بيوت الجيران كل صبح .
اهل الحاره بدو يعتمدون على سعد والبزراين الي معه بكم شي لان سعد موزع بزر على كل شارع بالحاره حتى باليل يخلي واحد من هالبزراين ماينام ويقعد يدور على الحاره !! وصار اهل الحاره اذا انسرق شي ولا خرب شي ولا حتى انقطعت المويه ولا الكهرب سالو سعد عنه وعن السبب وعن اذا كان احد هو الي مسوي هالشي ومتسبب فيه !!
سياره علي السبور السوداء انسرقت يوم سالو سعد من الي سارقه قال سعد انه شايف عبدالرحمن الى دايم كان يضرب سعد بالمدرسه يسرقه مع ان عبدالرحمن مايعرف يسوق!
مها بنت جيرانهم الحلوه اهله تضايقو من كثر المكالمات الي تجي عليهم بالصبح واليل ولا احد يتكلم بس ازعاج والرقم الي يطلع عندهم بالكاشف حق تلفون عمله مهوب بيت سالو سعد قال من تتوقع الي يكلم علينا قال سعد تركي لان شايفه كم مره يتردد على التلفون الي بالشارع يكلم من عنده وتركي ذا واحد وسيم وكل بنات الحاره معجبه فيه وكان سعد منقهر منه !
الشرطه مره جت تسال عن من الي يدري منهو راعي السياره الحمراء الي كل يوم تفحط بالحاره سعد قال للشرطه ذا نواف مع ان نواف هو الاول على مدرسه الحاره بس لانه كان اذكي واحد بالحاره وقايل للحاره ان سعد ماعنده سالفه
فيه واحد عربجي بحارتهم حتى شكله اسمر وشكله يخوف مره جيوبه كله سكاكين ومفكات لانه اربع وعشرين ساعه يايضرب واحد ولا يسرق سياره احد كل الحاره متأذين من شره وكل الحاره يدرون انه مجرم بس محد يقدر يقول عنه شي لانهم يخافون منه!! وكل اكثر هالاشياء الى بالحاره تصير كان هومسويها
هو الي سرق مكرفون المسجد وهو الي اخذ الكور من غرفه الرياضه بالمدرسه وهو حتى الي مكسر لمبات سور بيت ابومحمد وحتى سياره الاسكريم هو الي سارقه وسعد كان شايفه بس مايبي يعلم احد لانه يخاف يضربه !
سعد بنك وصار عنده فلوس واجد من الي يعطونه الحاره عشان ينتبه لبيوتهم ماتسرق مع انه ماقد سوا شي ولا فادهم بشي بالعكس السرقه والتفحيط زادت! والغريبه ان حقين الحاره مصدقين الي الحين ان سعد عنده سالفه!!
وصلتني بالايميل وحبيت انقلها لكم هنا .. ان شاء الله انها تكون اعجبتكم ..