المساعد الشخصي الرقمي

مشاهدة النسخة كاملة : المرحلة الجامعية المقابلة الشخصية في الطب ..... افيد و استفيد


HIMURA__KENSHIN
25-06-2005, 12:00 PM
ابغا اي واحد عنده معلومة عن المقابلة الشخصية في الطب ( الملك فيصل خاصة )

يتكلم عنها و ايش التجهيزات الازمة قبل المقابلة ........
abdullaz838
25-06-2005, 04:41 PM
اهلا وسهلا بك

انا لما سويت مقابله و الحمد لله تم قبولي كانت اسئله عاديه يعني يشوف هل انت حاب انك تدخل طب والا ما عندك رغبه ويشوف خلوك من الاعاقات و سلامة النطق و فيها يشوف كيف تفكر ويسالك عن تمكنك من اللغة الانجليزيه وثقتك في نفسك

طبعا سالني سؤال بالانجليزي تحدث عن ديرتك الاصليه وعموما ما طولت يمكن مو اكثر من 10 دقايق .

نصيحه..
اهم شي اختبار الكليات الصحيه يوم الخميس ذاكر الاحياء او على لااقل اقراها علشان تاخذ فكره لان اسئلتهم اغلبها سهل وحرام ما تحلها مثلا اجهزة الجسم

.......................................................

واي اسئله او استفسار رح نكون متواجدين في مبنى عمادة القبول و التسجيل للمساعده من يوم الثلاثاء الى الاربعاء
...يعني اسال و لا يهمك
Xenon
26-06-2005, 02:17 AM
السلام عليكم,,,
هلا ماجد .. بالنسبة للمقابلة فمالها أي أهمية بجامعة الملك فيصل مجرد اجراء شكلي ..
بعكس الجامعات الثانية اللي تحدد القبول على المقابلة الشخصية ..

فيعني من يوم ماتختبر اختبار الكليات الصحية وتشوف اسمك بالجامعة انه تم قبولك وانه لازم تراجع الجامعة .. اعتبر نفسك مقبول في الكلية ...

الا عاد في حالة انه فيك عاهة تعيق العمل ... يعني الزبدة المقابلة لاتهتم لها ..

بس باعطيك طبيعة المقابلة ..
بعد مايتم قبولك وظهور اسمك بموقع الجامعة بانك مقبول تتوجه للمستشفى الجامعي وتسوي تحاليل طبية بول ونظر وتحليل دم ..

بعدين تروح عند قاعة وتعبي اوراق ... فيها اسئلة خرابيط يبون يشوفون تصرفك في بعض المواقف .. مثلا لو صارلك موقف معين وش رايك فيه .. هل فيه شخص تعتبره قدوة لك اذكر احداث صارتلك بحايتك استفدت منها ... وتعبي استبيان ...
طبعا الاسئلة ذي تكتبها من هنا ومع اقرب درج محد يقراها فلا تتحمس وانت تكتب :D ....
المهم بعد ماتخلص كتابة راح يسجلون لك رقم في المستشفى الجامعي يسون لك ملف فيه عشان يسجلون فيه بياناتك ..
بعدين تروح اخر شئ للدكتور اللي يبي يسوي معاك مقابله .. بوقتنا كان دكتور مصري .. المهم ممكن يستخف دمه شوي معاك وينكت .. ويقولك ليش تبي تدخل طب وزي كذا وبعدين يقولك تعرف انجليزي اكيد بتقوله ايه بيسألك سؤال تافه بعدين بالانجليزي مثلا قلي عدد اخوانك او قلي عن مدرستك بالانجليزي .. وخلاص وتمشي ..

تروح للجامعة ثانية وتروح قسم القبول والتسجيل الظاهر تعطيهم ورقة اذا ماني ناسي ويقولك نشوفك بعد الاجازة .. وبكذا تم قبولك ..

((جميع الطلاب اللي نجحوا بالقبول بالنسبة بالدرجات والاختبارات انقبلوا كلهم والمقابلة شكل بس))...


على العموم اذا احتجت مساعدة انت عندك رقمي .. دق علي لو بغيت اي مساعدة ..

وفيه عندك طلاب النوادي الجامعية موجودين بالجامعة تلقاهم ومايقصرون ابد معك ..




وشكرا:D:D:D.
MKX
26-06-2005, 02:08 PM
مشكورين يا شباب على المعلومات القيمة ..........

و جزاكم الله خير
HaMaNi
27-06-2005, 02:49 PM
السلام عليكم ..
الله يجزاك أخوي اكس نيون ..ما قصرت بالاجابة والتوضيح ..
وبصراحة ما قصر النادي الثقافي ..شغلهم مرتب ومنظم .. :أفكر:
Branskins
27-06-2005, 08:16 PM
بالنسبة لي ... خذيت مقابلة في جامعة وايل كورنيل في قطر ...

وفي الجامعات الأمريكية يعتبرون المقابلة أهم جزء في القبول!

المقابلة عبارة عن ثلاث مقابلات كل مقابلة توصل 40 دقيقة .. تكلم فيها دكتور أمريكي ( ما بتفيدك العربية لأنه ما يفهمها)

بيبدأ يسألك الدكتور عن أسئلة شخصية وعن أسباب دخولك هذا المجال (أتوقع عشان يشيل عنك التوتر )

وبعدين يسأل عن أسئلة علمية
طبعاً على حسب تخصص الدكتور يقعد يسألك أسئلة .. كالأحياء أو الفيزياء أو الكيمياء ( لازم تكون عارف المصطلحات بالإنجليزي )

من الأسئلة إلي جات هي " ما تأثير حمض الأميني جلوتامين لمن يكون في الدم ، علماً أن الpH للدم 7.4 ، ولازم توضح بالرسم ؟" بس قول أنه الهيدروجين مال حمض الكربوكسل ينفصل ويتحد مع الNH2 ويحول الحمض الأميني إلى موجب والكربوكسل إلى سالب ... ومن هنا يتحول إلى حمض مما يساعد على تقليل الpH ويرجعه إلى 7

أكره سؤال جاني " إذا عندك مريض وأنت وزملائك تناقشتوا وأكتشفتوا أنه مصاب بالسرطان وما بيعيش إلا 3 أشهر ، أشلون بتقول للمريض هذا الشي ؟" >.<'

وبعد ما تخلص من المقابلات الثلاث ... يعطونك جوله حول المبنى على يد طالب من الجامعة .. وبعدها الغداء ... أنا توقعت لمن وصلت هذي المرحلة أنه المقابلات خلصوا ... لكن لا .. طلع أنه وأنت تاكل يقعد جمبك دكتور ويقعد يسألك ( أسأله عامة وليست علمية )

عموماً ... أحسن شيء تسويه قبل المقابلة بيوم أنك تراجع الأحياء على السريع .. ونام مبكر عشان تكون مركز .. ولاتنسى تستعين بالله

أرجو أن أكون قد أفدتك ولو بشيء
MKX
27-06-2005, 11:39 PM
الحمد لله اليوم سجلنا ......... و النادي الطلابي من جد تنظيم واخلاق من غيرهم اظن التسجيل صار كارثة