المساعد الشخصي الرقمي

مشاهدة النسخة كاملة : فرق السما عن الارض...شووووف!!


INTERawee
27-06-2005, 04:09 AM
السلام عليكم.....
اخواني واخواتي...اعضاء المنتدى المصرقعين..
اعضلءنا الحلوين ...اقرو الموضوع و لاحظووووووو:أفكر:


اوكييييييييك...

بعد الصراخ والتكفخ والضرب والتحذف بالنعل.....يقوم الولد بالغصب..عشان يروح للمدرسة..
ياخذ له شور (حمام) عالسريع ...يدور ملابسه الضايعة...يشيل جنطته ال50 كيلو>>رايح يتصارع مو يدرس..
يركب السيارة...معاه سندويتش ..ياكلها عالسريع ..وينام له نص ساعة ..على ما يوصل ...المدرسة..

الحبييب يوصل المدرسة..متاخر كالعادة..ياخذ له جم كف من الناظر..ركض عالصف ...ويدخل
على مجموعة من البشر يبدو عليهم التخلف ومدرسهم يكلم روحه..
تلقا واحد يكلم صاحبه..ها نزلت اللعبة الفلانية...لا باجر اول نسخة بتنزل..
والثاني سرحان باله بحبيبته والثالث باله مشغول بالمجبوس الي طابخته الوالدة..وجميع اشكال التخلف موجودة..
...........................الا طالب واحد تلقاه رافع ايده على طووول وقاعد اول واحد جدام المدرس..
هذا الطالب الشاطر>>>يستحقرونه الشباب..لانه شاطر!!

تدرون ان كل هذا صج....



نحول على البنات ....الشطووورات...

تلقا البنت قاعده من الفجر...مع صياح الديك..مزهبة اغراضها ومرتبة غرفتها ...
ومسرحة شعرها..وماكله ريوقها على راحتها..و الجنطة عند الباب ناطرتها...
تاخذ مفتاح السيارة....تروح ادق السيارة سلف وتنطر اخوها....لكن ما تنام....
تاخذ كتاب الرياضيات...وتراجع المسائل و تذاكر الدروس-مع انها مذاكرته من قبل 100 مرة-
توصل المدرسة...اول وحدة ...الابتسامة شاقة الحلج(الفم)..وتدخل الفصل تمسح السبورة..
وتقعد ايضا تذاكر كتاب الرياضيات...

لحظة بكمل...
INTERawee
27-06-2005, 04:22 AM
المهم................

ترررررررررررررررررررررررررررررررررررررن

طق جرس المدرسة....

تلقا الاولاد مثل البقر ركض لاي مكان براا المدرسة...يدورون الحرية...

والبنت تلقاها ورا المدرسة للبيت....تبي الربع درجة الي نقصتها عشان نست الفتحة و الضمة...

المهم وابله متى الامتحان قلتيلي ...وابله الامتحان صعب ولا سهل...وابله ابله ابله.........

الله يعينها هالابله.......

...ركبو السيارة الولد ينام له نص ساعة...لين يوصل البيت>>>ادري بيقوم..

والبنت ترجع لكتاب الرياضيات...مو فاهمة المسالة...والولد ولا هامته الدنيا...

نوصل البيت الولد يكمل نومته بالسيارة ...والبنت ركض عالتلفون ادق..........عالابله!!!

ابله مو فاهمخ المسالة...ممكن تشرحينها>>>مرة شفتو ولد يعرف رقم المدرس!!

الولد ما قام الا على ريحة المجبوس....وانغام الصحون والقفاش...

الولد يلهط غداه....سيده على داره يكمل نومته>>>انسان هذا...ولا كائن نائم؟؟

البنت تخلص الغجا تغسل الصحووون...ترد تذاكر رياضيات...

خخخخخخخخخخ....الولد ما قام الا على اذان العشا....يجابل التلفزيون و ياكل عشاه...

والبنت متعقدة من هالمسالة....

صارت الساعة 9.....الولد يتابع فلم باتمان............

والبنت و اخيرااااااااا..................................................................نامت ..وهي تنتظر باجر..



ملاحظين الفرق

شباب الي عنده شي بيظيفه حياه الله.......واتمنى عجبكم الموضوع
Sniper A
27-06-2005, 04:58 AM
أول شيء السلام عليكم

و ثاني شيء مشكور على الموضوع العسل :willy:٠



بعد الصراخ والتكفخ والضرب والتحذف بالنعل.....يقوم الولد بالغصب..عشان يروح للمدرسة..
ياخذ له شور (حمام) عالسريع ...يدور ملابسه الضايعة...يشيل جنطته ال50 كيلو>>رايح يتصارع مو يدرس..
يركب السيارة...معاه سندويتش ..ياكلها عالسريع ..وينام له نص ساعة ..على ما يوصل ...المدرسة..

الحبييب يوصل المدرسة..متاخر كالعادة..ياخذ له جم كف من الناظر..ركض عالصف ...ويدخل
على مجموعة من البشر يبدو عليهم التخلف ومدرسهم يكلم روحه..
تلقا واحد يكلم صاحبه..ها نزلت اللعبة الفلانية...لا باجر اول نسخة بتنزل..
والثاني سرحان باله بحبيبته والثالث باله مشغول بالمجبوس الي طابخته الوالدة..وجميع اشكال التخلف موجودة..
...........................الا طالب واحد تلقاه رافع ايده على طووول وقاعد اول واحد جدام المدرس..
هذا الطالب الشاطر>>>يستحقرونه الشباب..لانه شاطر!!


هههههههههههههه

وش خليت ؟لكن الإعتراف بالحق فضيلة . . .ربع هالكلامء موجود ....... نص هالكلمء موجود.................... طيب معظم هالكلام موجود:o٠

ــــــــــــــــــــ



والبنت تلقاها ورا المدرسة للبيت....تبي الربع درجة الي نقصتها عشان نست الفتحة و الضمة...

المهم وابله متى الامتحان قلتيلي ...وابله الامتحان صعب ولا سهل...وابله ابله ابله.........

الله يعينها هالابله.......
البنت ركض عالتلفون ادق..........عالابله!!!

ابله مو فاهمخ المسالة...ممكن تشرحينها


كلمة تمون راحت لمستوى جديد ... المدرسات لازم يطولون بالهلم:sad2:

و مشكور ثانية على الموضوع :biggthump٠
INTERawee
27-06-2005, 06:20 AM
Sniper A


أول شيء السلام عليكم
وعليكم السلام ...


و ثاني شيء مشكور على الموضوع العسل :willy:٠
العفو حبيبي ...محد عسل غيرك..:D


وش خليت ؟لكن الإعتراف بالحق فضيلة . . .ربع هالكلامء موجود ....... نص هالكلمء موجود.................... طيب معظم هالكلام موجود:o

هذا الي انا شايفه...نظري الحمد لله 6 على 6>>>بلاش استعباط


و مشكور ثانية على الموضوع :biggthump٠

العفو مرة ثانية على شكرك..

ومنتظرين ردود الشباب....والشابات
THE KILLER
27-06-2005, 07:57 AM
و ليش الفضايح؟؟

على العموم في شيء نسيته في المقطع الأول


على مجموعة من البشر يبدو عليهم التخلف ومدرسهم يكلم روحه..
تلقا واحد يكلم صاحبه..ها نزلت اللعبة الفلانية...لا باجر اول نسخة بتنزل..
والثاني سرحان باله بحبيبته والثالث باله مشغول بالمجبوس الي طابخته الوالدة..وجميع اشكال التخلف موجودة..
...........................الا طالب واحد تلقاه رافع ايده على طووول وقاعد اول واحد جدام المدرس..
هذا الطالب الشاطر>>>يستحقرونه الشباب..لانه شاطر!!

تدرون ان كل هذا صج....








نسيت شباب البلوتوث
إلي تلقاه مشغل البلوتوث و حاط الجوال في الدرج و شغال يتراسل أخويائه
المفنوووووده
27-06-2005, 08:48 AM
على كذا انا طلعت ولد اعووووذ بالله
وشكرا على الموضوع اريه جاتوووووووووووووووووووووووووووووه<<<لا تحسب جاتوه كيكه لا يعني شكرا خخخخ<<اتفلسف انا وراسي-_-"
Another_One
27-06-2005, 03:35 PM
هاهاهاهاها
الله يحفظها أمي ... تعدبت معايا كتير :31:
بس الحمد لله كنت أجيب أوائل >>> والحين أواخر :09:

صدقني جبت الواقع بعينه ....;)

مساكين الاولاد >>> يا حبة عيني:05:
المسؤولية عليهم
المشاوير عليهم
أي مشكلة هم سببها
أي بلوة هم هدفها
اي علقة في جلدهم
أي ضربة هي حقهم

أما البنات ــكاكين >> رية وسكينة:vereymad:
في المطبخ أو فوق الكتب
الأوائل
مستمعات مطيعات هادئات >>> الله يستر منهم:afraid:

موضوعك فلة انتراوي :05:
INTERawee
27-06-2005, 04:59 PM
THE KILLER....احم معاك متخصص فضايح...ومشكور على الاضافة الحلوة...
والمرور الاحلى......;)

المفنوووووده ..خخخ لا ما اتوقع البنات وصلو لهالدرجة من التخلف>>الحين يطقوني الشباب
ومشكوورة على الجاتوووو:biggthump

Another_One ..هه..بس الحمد لله يابت الوالدة نتيجة معاك..:D
وتتوقع هذي اسباب تخلف الشباب ولا طبيعي فينا؟؟:33:
مشكووور على مرورك ..ومحد فلة غيرك..تسلم لي.:biggthump
HeRo
27-06-2005, 06:05 PM
السلام علييييكم ^^


التحرير ..




بعد الصراخ والتكفخ والضرب والتحذف بالنعل.....يقوم الولد بالغصب..عشان يروح للمدرسة..
ياخذ له شور (حمام) عالسريع ...يدور ملابسه الضايعة...يشيل جنطته ال50 كيلو>>رايح يتصارع مو يدرس..
يركب السيارة...معاه سندويتش ..ياكلها عالسريع ..وينام له نص ساعة ..على ما يوصل ...المدرسة..

الحبييب يوصل المدرسة..متاخر كالعادة..ياخذ له جم كف من الناظر..ركض عالصف ...ويدخل
على مجموعة من البشر يبدو عليهم التخلف ومدرسهم يكلم روحه..
تلقا واحد يكلم صاحبه..ها نزلت اللعبة الفلانية...لا باجر اول نسخة بتنزل..
والثاني سرحان باله بحبيبته والثالث باله مشغول بالمجبوس الي طابخته الوالدة..وجميع اشكال التخلف موجودة..
...........................الا طالب واحد تلقاه رافع ايده على طووول وقاعد اول واحد جدام المدرس..
هذا الطالب الشاطر>>>يستحقرونه الشباب..لانه شاطر!!

تدرون ان كل هذا صج....


هاذ الولد وايد يشبهنى :jap017:



تلقا الاولاد مثل البقر ركض لاي مكان براا المدرسة...يدورون الحرية...


لووووووووول


الولد ما قام الا على ريحة المجبوس....وانغام الصحون والقفاش...

الولد يلهط غداه....سيده على داره يكمل نومته>>>انسان هذا...ولا كائن نائم؟؟



ههههههههههههههههههههههههههههه

يشبهنى عدل :jap049:



خخخخخخخخخخ....الولد ما قام الا على اذان العشا....يجابل التلفزيون و ياكل عشاه...
صارت الساعة 9.....الولد يتابع فلم باتمان............



ههههههههههههههه الولد كووول :jap038:

عيل البنات كل مراجعة اففف :jap001:


مشكوور على الموضوع أنتراوي

ونتمنى الكثير
-رجل المستحيل-
27-06-2005, 06:24 PM
والله ذكرتني بأيام المدرسة

معاناة لين اقعد

صدقت والله

بس عن البنات

مممممممممممم

ما ادري

خخخخخخخخخخخخخ

وتسلم على الموضوع الحلو
INTERawee
27-06-2005, 06:29 PM
هيرو كونتر..خخ انت مثال للطالب المتخل...قصدي الشاطر..

و العفو..........تستاهلون.



-رجل المستحيل-...ههه هالايام محفووورة بدماغك...ما بتنساها الا ..
اذا نسيت مخك.....ومشكوور على المرور الحلو..
إيرما
27-06-2005, 06:34 PM
شوووووووووووو؟؟؟:vereymad:

جنكم تطنزون علينا <<<وحليلنا
نحن فخر الوطن
و أمهات المستقبل
بس عادة أنتو زوتوها شوي منو قال أنه أحنا إنلاحق الأبلوات إلي خبروكم قاصين عليكم الأبلوات هم إلي يلحقونا حتى في البيت يتصلون علينا ....والله
ToUaReG
27-06-2005, 09:38 PM
لووووووووووووووووووووووووووووووووووووووووووووول ...

حلوه منك انتراوي ...

كأنك كاااتب عني اياااام المتوسط ... ايااااام النوووم الصبح و القعده من النوووم بالشووووزن ...

كأنك تقارني بيني و بين اختي ... لوووووووووووووووووووووووووول ...


تسلم ايدك عالموضوع ... وكثر من هالمواااضيع ...
INTERawee
28-06-2005, 12:38 AM
إيرما ..ههه انا الحين يزاي اني قاعد امدح فيكم....و طيحت سكة الاولاد..
بس اذا تبيني اطيح سكتكم ما عندي مانع....تسلمين عالمرور الحلو...
وسلمي لي عالابله..خخ

ToUaReG ههه يحليلك طويرق....اقولك هذا روتين ..99,9% من شبابنا ..
والباجي صواريخ..تسلم على مرورك الحلو...نبي الجزء الثالث خخ
MLoOoKA
28-06-2005, 12:48 AM
مشكووووووووووووووووور
أخوي أنتراوي
بس بقولك شي مو كل البنات جذي
مثال بنات المقررات
أنا
الوكيلة حافظتني منكثر ما أروح لها
كلا انذارات
علطووووووووووووول قاصة الحصة
الطابووووور ما أحظرة نقعد بالحمام أنا ورفيجاتي
وعندنا مكان سري بالثنوية ننخش فية لمن أنقص
لووووووووووول
والله أيام
Dr.MoDmEn
28-06-2005, 12:50 AM
اممممممم البنات ماشاء الله مذا

تلقى البنت تخش المدرسه على اقرب حمام ولا دعيسه هي ويا رفيجاتها يطلعون بهل ارقام والجوالات والمكياج

وتجي المدري تمسكهم وتاخذ كل شيئ

اما الولد يجي يقعد يسولف مع اصدقائه لين لا يدق الجرس


مشكووووور على الموضصوع
M.W.N
28-06-2005, 12:54 AM
ششششششششششششششششش !!!! :12:

أسكت !! :12:

لازم تفضح الأولاد يعني ؟؟!!! :vereymad:

شو ناسي أنك واحد من هالأولاد ؟!؟!؟!؟!؟!؟!؟!؟!؟! :31:

ما تعرف أن كلامك هذا سلبي علينا ؟

وياريته كلام صحيح كمان !

على كل حال ... مشكور على الموضوع .
INTERawee
28-06-2005, 01:05 AM
MLoOoKA.......العفووو.....:biggthump
واقولج هههههه...كلكم جذي يا البنات...على منو هالحجي..:أفكر:
ورايحة حق الوكيلة عشان تردين النص درجة الي ضاعت...عدل..:33:
عالعموم ثنكوو على المرووور الحلو منج..:D

مدمن تعديل...مشكوور على مرورك...واحسن شي ان محد ينكر هالحقائق ..خصوصا الاولاد;)

The Formidable..ههه تبيني اسكت ..الكل يدري..
الي ما يدري هذا عايش بالمريخ ..حتى الي بالمريخ درو ..:jester:
وما نسيت اني منهم بس هذي الحقيقة المرة..:blackeye:
تسلم عالمرور الحلو ..:biggthump
princess sakura
28-06-2005, 03:28 AM
مشكور أخوي عالموضوع الحلو...وأنا بضيف شوي مثال على حياتي المدرسيه اليوميه ....
وفي بنت أعرفها نفس اللي قلته بالضبط ومن كثر ما شوفها ماسكه الكتاب من الصبح وأول الدوام لين آخرالدوام ودي لو أخذ الكتاب اللي في يدها و أقطعه خلي ترحم عمرها شوي ترى الدنيا مب دراسه بس....لأن لو كانت حياتي جي كنت باموت يعني أتم ماسكه كتاب الرياضيا ت 24 ساعة خيبه اللي يقول ألحين بستوي مثل الخوارزمي... و أنا إذا ذاكرت مرة خلاص ليش أعيده و أهلك عمري صح أني أراجع الصبح هذا إذا كان عندنا امتحان بس مو طول اليوم ..أما أني ألاحق الأبله علشان درجة أتخسي بس لو كانت أكثر من خمس درجات يا ويلها مني وبرد الدرجات غصبن عنها سوى رضت و لا ما رضت لأن هاي الدرجات ممكن تنجح أو ترسب و أنتوا يا الأولاد كرماء توزعون الدرجات في أي مكان بس أخر العام الله يعينكم ....
وبالنسبة لأرقام التلفون أصلا الأبلوات هن اللي من بداية السنه وهن حاشراتنا يبون أرقامنا ... أما إذا مسألة رياضيات مافهمتها والله مشكلتها ماهي مشكلتي والأبله في الصف تسألني أول وحده وتقولي إذا حليت المسأله ولا لاء وأذا قلتلها لاء ما تقول شيء ....لأني أشطر وحده في الرياضيات فإذا أنا ما عرفتها تعرف أن المسألة صعبة و ما حد حلاها في الصف لأنهم أصلا ينقلون الأجوبه مني و احليلي كريمه بنت أجاويد ......:09: :09:
وأنا ما أشتغل في البيت أبد إذا كانت مدرسة بس في الأجازة واحليلها أمي تتعب وايد ..
و أحن نفس الأولاد نشوف التلفزيون والأفلام حتى لو كانت مدرسةحتى أذكر مرة كان في فلم روعة على mbc2 وبيبدأ الساعة 11 الليل و يخلص الساعة وحده ونص في الليل وطبعا الوالده لو تعرف بتذبحني خاصة كان عندنا امتحان علوم فأنا قلت حج أمي أنا بسهر أذاكر الأمتحان لأنه طويل وهي في الصاله قاعده تشوف التلفزيون و أنا في غرفة الوالد وهو راقد شغلت التلفزيون وقعدة أشوف الفلم و عين في الكتاب والثانية على الفلم ألحق أقرأ الترجمة ترى الصوت منسل وما اسمع شيء وهم أصلا يرمسون أنجليزي سواء الصوت عالي أو ناسل نفس الشيءعندي وأبوي قام وشاف الفلم وياي وما قال شيء ترى الوالد من النوعية الطيبه وايد وأنا شاطرة ما قالي شيء و أمي علبالها إني قاعده أذاكر لأنها يوم كانت تدش الحجرة و كانت تشوف التلفزيون شغال تسير تسكرة وأنا أقول حجها أن أبوي هواللي شغله مب انا و أرد أبطله مرة ثانيه وتميت سهرانه عالفلم طول اليل وهذي هي حياتي و الحمد لله متفوقة والأولاد مب كلهم نفس الشي لأن أخواني غير عن اللي قلته شوي يعني لا هم مستهترين ولا أنهم ذابحين عمرهم في الدراسه يعني وسط.....
آسفه وااااااااااااااايد طولت
ومشكور أخوي مرة ثانية عالموضوع الحلو .
INTERawee
28-06-2005, 05:40 AM
مشكور أخوي عالموضوع الحلو...وأنا بضيف شوي مثال على حياتي المدرسيه اليوميه ....


وفي بنت أعرفها نفس اللي قلته بالضبط ومن كثر ما شوفها ماسكه الكتاب من الصبح وأول الدوام لين آخرالدوام ودي لو أخذ الكتاب اللي في يدها و أقطعه خلي ترحم عمرها شوي ترى الدنيا مب دراسه بس....لأن لو كانت حياتي جي كنت باموت يعني أتم ماسكه كتاب الرياضيا ت 24 ساعة خيبه اللي يقول ألحين بستوي مثل الخوارزمي... و أنا إذا ذاكرت مرة خلاص ليش أعيده و أهلك عمري صح أني أراجع الصبح هذا إذا كان عندنا امتحان بس مو طول اليوم ..أما أني ألاحق الأبله علشان درجة أتخسي بس لو كانت أكثر من خمس درجات يا ويلها مني وبرد الدرجات غصبن عنها سوى رضت و لا ما رضت لأن هاي الدرجات ممكن تنجح أو ترسب و أنتوا يا الأولاد كرماء توزعون الدرجات في أي مكان بس أخر العام الله يعينكم ....
وبالنسبة لأرقام التلفون أصلا الأبلوات هن اللي من بداية السنه وهن حاشراتنا يبون أرقامنا ... أما إذا مسألة رياضيات مافهمتها والله مشكلتها ماهي مشكلتي والأبله في الصف تسألني أول وحده وتقولي إذا حليت المسأله ولا لاء وأذا قلتلها لاء ما تقول شيء ....لأني أشطر وحده في الرياضيات فإذا أنا ما عرفتها تعرف أن المسألة صعبة و ما حد حلاها في الصف لأنهم أصلا ينقلون الأجوبه مني و احليلي كريمه بنت أجاويد ......:09: :09:
وأنا ما أشتغل في البيت أبد إذا كانت مدرسة بس في الأجازة واحليلها أمي تتعب وايد ..
و أحن نفس الأولاد نشوف التلفزيون والأفلام حتى لو كانت مدرسةحتى أذكر مرة كان في فلم روعة على mbc2 وبيبدأ الساعة 11 الليل و يخلص الساعة وحده ونص في الليل وطبعا الوالده لو تعرف بتذبحني خاصة كان عندنا امتحان علوم فأنا قلت حج أمي أنا بسهر أذاكر الأمتحان لأنه طويل وهي في الصاله قاعده تشوف التلفزيون و أنا في غرفة الوالد وهو راقد شغلت التلفزيون وقعدة أشوف الفلم و عين في الكتاب والثانية على الفلم ألحق أقرأ الترجمة ترى الصوت منسل وما اسمع شيء وهم أصلا يرمسون أنجليزي سواء الصوت عالي أو ناسل نفس الشيءعندي وأبوي قام وشاف الفلم وياي وما قال شيء ترى الوالد من النوعية الطيبه وايد وأنا شاطرة ما قالي شيء و أمي علبالها إني قاعده أذاكر لأنها يوم كانت تدش الحجرة و كانت تشوف التلفزيون شغال تسير تسكرة وأنا أقول حجها أن أبوي هواللي شغله مب انا و أرد أبطله مرة ثانيه وتميت سهرانه عالفلم طول اليل وهذي هي حياتي و الحمد لله متفوقة والأولاد مب كلهم نفس الشي لأن أخواني غير عن اللي قلته شوي يعني لا هم مستهترين ولا أنهم ذابحين عمرهم في الدراسه يعني وسط.....
آسفه وااااااااااااااايد طولت
ومشكور أخوي مرة ثانية عالموضوع الحلو .



خخخخ مشكوورة اختي على ردج...
بس البنات مو بس الخوارزمي...:D
الخوارزمي عندهم ولا شي.........
خخخ اي والله امتحانات الاولاد حاطينها سهههههههلة...
لكن احنا ما ندرس...فيطلع لنا صعب...
وامتحانات البنات..........ناااااااار:vereymad:
فالمدرسين يخرعونا بامتحانات البنات.....:afraid:
ههه ويقولون البنات ناقصات عقل .......
اذا البنات ناقصات ..احنا شنطلع ..
فاضيات:jester: ......خخخ
تسلمين على المرور و الاضافات الحلوة..
XMAN274
28-06-2005, 05:49 AM
لحظة بكمل...






فعلا رااائع بس ليش الـــ... ما خلتهم ....

ههههههههههههههههههههههههه

مشكور قلبي علي الموضوع وفعلا الفرق واضح
ان الولد بيشقي اكثر من البنت
بيشيل كل يوم الصبح كام كيلو بسبب الشنطه
غير تعب السفر عقبال ما يوصل المدرسه
غير الاهانه اللي بيلاقيها من الناظر
غير لشه المجانين الللي معاه

مسكين
اما
البنت

يلا

مشكورررررر
حبيبي ^_^
princess sakura
28-06-2005, 05:58 AM
خخخخ مشكوورة اختي على ردج...

بس البنات مو بس الخوارزمي...:D
الخوارزمي عندهم ولا شي.........
خخخ اي والله امتحانات الاولاد حاطينها سهههههههلة...
لكن احنا ما ندرس...فيطلع لنا صعب...
وامتحانات البنات..........ناااااااار:vereymad:
فالمدرسين يخرعونا بامتحانات البنات.....:afraid:
ههه ويقولون البنات ناقصات عقل .......
اذا البنات ناقصات ..احنا شنطلع ..
فاضيات:jester: ......خخخ
تسلمين على المرور و الاضافات الحلوة..




صدقت أخويINTERawee نحن امتحانات يالبنات صعبة ويوم نعرف أن أي امتحان من امتحانات نص السنه أو آخر السنة من مدرسة بنات والله نخترع ونذبح عمرنا والأبلوات ياكلون أكل ذاكروا ادرسوا ...الخ...أما إذا كان من مدرسة أولاد بالنسبه لي أحط أيدي في ماي بارده لأن امتحاناتكم سهلة حتى الأبلوات يقولون لا تعبون عمركم لأن الأمتحان من مدرسة أولاد وحنا شو نستانس ...
ومشكور و تسلم ......
pEc!al $wEetY$
28-06-2005, 06:00 AM
مرحبااا اخووي ..

ثااانكيتووو عالمووضوع الحلو ...

بس والله اخذين مقلب بالبناات .... معلوماتك قديمه ...

صحيح البناات ما زلوا الاذكى والاشطرر ... ( باسم الله عليهم داافوراات )

بس قوومة الصبااح حدث ولا حررج ...

والمذااكره زي قلتها ... بس ما ادري من وين تجي الدرجاات ...

ههههههههههههه

مشكوور مااقصررت ...
(the rise)
28-06-2005, 03:50 PM
ههههههه انا الي عجبني الي يدور الحريه يذكرني بسالفه واحد من الشباب
بس حلوة يا حل.......ما ابي اكمل :09:
DEATH DRAGON
28-06-2005, 04:52 PM
هههههههه

والله ايام الدراسه حلوه :p <<<<<<<<< ترا انا لحد الحين طالب :09:

وتسلم اييدك على الموضوع
INTERawee
28-06-2005, 06:59 PM
ِXMAN274 مشكووور على المرو الحلو......وتوضيح الفرق للي ما بين عنده>>اقولك فرق السما عن الارض ... تسلم عالرد

princess sakura مشكووورة على تاكييد المعلومة...والله يعين الشباب على امتحاناتكم..خخ


سويت عودا العفو...عالرد الاحلى..اي الشباب حاسدينكم على الحاسة الدافورية الي عندكم..
واتوقع تكون موجودة في شباب المستقبل>>>>>يصير خير

(the rise) اهم شي انه عجبك ...ولا ليش حاط الموضوع انا..
ومشكوور على مرورك..

DEATH DRAGON خخخ الله يسلمك حبيبي ...
ايام الدراسة ...هههه ..وتسلم عالمرور الحلو..